Mal

21 Muke vamalumia nikerena qai roiti lamenia ira pana tamu ko mi vakilasigo, goto ao tu mu vakilasania na mua roiti jongana sa na roiti ikerena.

Kaki vavanau pana toa tutina na Karisito

9 Na miu vairoqu mi koko pana bulomiu sosoto. Mu kilu pale sa na ikerena, goto mu aru tamania tu sisa sa jongana.

Na vavanau vinabebetona

17 Ego qa tepa vivitigigou ara sagou, ka visa tavitiqu, ko mu doro kopuniria sira qai roitiniria na vavaipiarai beto na vavaivavukele. Na dia roiti sa goto pana vaivagigalai isa agou qu tei tekua tu, ko mu ukuniria sira na tinoni vevei inara

5 Na kabere sa tolanga pa rodomo, ba na rodomo sake boka amua sa na kabere.

15 Mu kopunia ko mi kepore kai tinoni mi beinia na ikerena sa na ikerena. Goto doru totoso mu nyaqo tutia na jongana ko mu roiti laonia tana goto tinoni beto tadira doru tinoni.

21 goto mu viloto vataleria tu sa doru paranga, ko mu aru tamania sa na jongana 22 goto mu loa paleria sira doru kai sa ikikeredi.

13 Muke toni laonigei pa totoke,

goto mu vasaregei tana kutana nikerena,> mugu.

15 Qake tepaigo ara sao ko mu varijo ioloria pa kasia gusu sira, goto vei ko mu kopu vasareria tana kutana nikerena qau.

18 Na Bangara mina vasaresiu pa dorudi na tapata ikeredi beto mina vakamu vasaresiu pa ona binangara pa noka. Na Bangara isa sa mi tavatarasae kamua na kamua. Agua.

11 Mu vasaeria sira doru sakasava vaipera tana Tamasa, ko mu boka turu vangajuria sira na boko vinaturu ikikeredi tana bangaradi ira na tomate ikikeredi.

12 Ura nake tinoni sa koleria na masa na orungu sa taqe rajaria gita, goto ira tu na okoto babangara na okokoto neqi, na gagala ikeredi qai bangara pa kasia gusu pana totoso rodomo pira, beto ira na gagala ikeredi pa vavagalo eqa.

26 Vei bu tagigiri sao sa mu kopunia ko mike toni valaogo pana sela sa na mua kokora. Beto muke vakamunia na suvuna na tapo sa na mua kokora,✝ 27 ko muke vamalumu vania kai iqo peki totoso ko mi toni vapirugou sa na bangaradi ira na tomate ikeredi.

20 Agou qu qaqirinisiu na ikerena saraba na Tamasa sa qairinia na jongana ko mi roitinia vei isa korapa taroiti pa ngeni alepi, na alodi na sosoku toa sau.

21 Ko mu loa paleria sira doru uana pajidi, beto doru toa ikikeredi qai lulasa pana vailivutaida. Goto mu teku isongia tu pana uana viketai agou sa na paranga isa tei tauma tu tamugou, na paranga isa mina boka aloa na miu toa.

9 Vei tana ule votuniria tana Tamasa sira na oda sela poni sa na Tamasa sa na tarangena beto na tuvisina, ko isa mina vulasaria sira noda sela beto mina valiosoria doru oda roiti ikikeredi.

20 Beto pira sau si Jisu, <<Isa tu sa koko votu lame vei tana tinoni sa sa vapajia sisa. 21 Ura pa leo bulona tu na tinoni qai koko votu lame vei sa na roroqu ikikeredi, na roroiti valulasa, na ikiko, na varivai, 22 na babarata, na muino, na roiti ikikeredi, na nyonyorava, na uana pajidi, na kokono, na vamoroana tinoni, na vatarasae mule, beto na uana duduvilidi. 23 Doru sakasava ikikeredi pira sa qai votu lame vei pa leo bulona na tinoni ko qai vapajia sa na tinoni isa,>> sau si Jisu.