Mal

13 याहवेहचे भय धरणे म्हणजे वाईटाचा द्वेष करणे होय.

गर्विष्ठपणा आणि उद्धटपणा,

वाईट आचरण आणि विकृत भाषण यांचा मी तिरस्कार करते.

10 याहवेहवर प्रीती करणारे वाईटाचा द्वेष करोत,

कारण ते त्यांच्या भक्तांच्या जिवाचे रक्षण करतात

आणि दुष्टांच्या हातातून त्यांना सोडवितात.

14 वाईटाचा त्याग कर आणि चांगले ते कर;

शांतीचा शोध घे व तिच्यामागे लाग.

133 तुमच्या वचनानुसार माझ्या पावलांचे मार्गदर्शन करा,

म्हणजे पाप मजवर सत्ता गाजविणार नाही.

16 "धुऊन तुम्ही स्वतःला स्वच्छ करा.

तुमची दुष्कृत्ये माझ्या दृष्टीबाहेर करा;

वाईट कृत्ये करणे थांबवा.

7 स्वतःच्या नजरेत शहाणा होऊ नकोस;

परंतु याहवेहचे भय बाळग आणि वाईटापासून दूर राहा.

8 हे तुझ्या देहाला आरोग्य देईल

आणि तुझ्या हाडांना पोषकसत्व असे होईल.

21 वाईटाने जिंकले जाऊ नका, तर चांगल्याने वाईटाला जिंका.

कृतीद्वारे प्रीती

9 प्रीती निष्कपट असावी. जे वाईट त्याचा द्वेष करा. जे चांगले आहे त्याला चिटकून राहा.

17 आता बंधूंनो व भगिनींनो, मी तुम्हाला आग्रहाने विनंती करतो की, जे शिक्षण तुम्हाला मिळाले आहे त्याविरुद्ध जे फूटी व अडथळे आणणारे आहेत, त्यांच्यावर लक्ष ठेवा; आणि त्यांच्यापासून दूर राहा.

5 तो प्रकाश अंधारात उजळत होता आणि अंधाराने त्या प्रकाशाला ओळखले* नाही.

15 कोणी वाईटाची फेड वाईटाने करणार नाही याची काळजी घ्या, परंतु प्रत्येकाचे आणि सर्वांचे सर्वदा चांगले करण्यासाठी झटा.

21 परंतु त्या सर्वांची परीक्षा करा; जे चांगले आहे ते धरून ठेवा, 22 सर्वप्रकारच्या वाईटाचा निषेध करा.

13 आणि आम्हास परीक्षेत आणू नका,

परंतु त्या दुष्टापासून आम्हास सोडवा.

कारण की राज्य, सामर्थ्य आणि गौरव हे सर्वकाळ तुमचेच आहेत. आमेन’*

15 तुम्ही त्यांना जगातून काढून घ्यावे यासाठी मी प्रार्थना करीत नाही, परंतु त्यांचे दुष्टापासून रक्षण करावे.

7 याहवेह सर्व अनिष्टांपासून तुला सुरक्षित ठेवतील—

आणि तुझ्या जिवाचे रक्षण करतील.

8 तुझे आता आणि सर्वकाळ येणे व जाणे,

यावर याहवेह बारकाईने लक्ष ठेवतील.

18 प्रभू सर्व वाईटापासून मला सोडवतील आणि मला त्यांच्या स्वर्गीय राज्यात सुरक्षित आणतील. परमेश्वराला सदासर्वकाळ गौरव असो. आमेन.

11 परमेश्वराची सर्व शस्त्रास्त्रे धारण करा, म्हणजे तुम्हाला सैतानाच्या योजनेविरुद्ध उभे राहता येईल.

12 कारण आपले युद्ध मांस आणि रक्त यांच्याविरुद्ध नाही, तर सत्ताधारी, अधिपतींविरुद्ध, अंधकाराच्या शक्तीविरुद्ध, आणि आकाशमंडळातील दुष्ट आत्मे यांच्याविरुद्ध आहे.

26 "तुम्ही रागावले असला तरी पाप करू नका."* तुम्ही रागात असताना सूर्य मावळू देऊ नका. 27 आणि सैतानाला पाय ठेवण्यास जागा देऊ नका.

20 तुम्ही जे वाईट योजिले होते, त्यातून परमेश्वराने चांगलेच निर्माण केले; कारण आज मला त्याने या पदावर यासाठी आणले की, मला पुष्कळ लोकांचे प्राण वाचविता यावेत.

21 यास्तव, सर्व अनैतिक घाण व दुष्टतेचा त्याग करा व जे वचन तुम्हामध्ये पेरलेले आहे त्याचा नम्रतेने स्वीकार करा, ते वचन तुम्हाला तारावयास समर्थ आहे.

9 जर आपण आपली पापे त्यांच्याजवळ कबूल करतो, तर ते विश्वसनीय व न्यायी आहेत, म्हणून आपल्या पापांची क्षमा करतील आणि सर्व अनीतीपासून आपल्याला शुद्ध करतील.

20 ते पुढे म्हणाले, "मनुष्यामधून जे बाहेर पडते तेच मनुष्याला अशुद्ध करते. 21 कारण आतून, मनुष्याच्या हृदयातून, दुष्ट विचार, खून, जारकर्म, व्यभिचार, चोरी, लैंगिक पापे, 22 बदफैलीपणा, दुष्कृत्ये, फसवेगिरी, कामातुरपणा, मत्सर, निंदा, गर्विष्ठपणा आणि मूर्खपणा 23 या सर्व अमंगळ गोष्टी आतून निघतात आणि मनुष्याला अशुद्ध करतात."

12 द्वेष कलहास चेतावणी देतो;

परंतु प्रीती सर्व अपराधांवर आच्छादन टाकते.

9 "सर्वसमर्थ याहवेह असे म्हणतात: ‘निष्पक्ष न्यायदान करा; एकमेकांशी करुणेने व दयेने वागा. 10 विधवा व अनाथ, परदेशीय व गरीब लोक यांच्यावर जुलूम करू नका. तसेच एकमेकांविरुद्ध दुष्ट कट रचू नका.’