Mal

13 Silamo’o re mojongo Ma JOU, gena-ge ma ngale emono ga’a ma jira;

ngoi to emono momole, ngowa’a ga’a mahie diri,

manga de’oso re ḏegoro ma jira,

re madanga romanga reo demo ma sa-sakala.

7 Awa no magoro ino 'ani wo-waro kau’u; Mojongo Ma JOU re no maki-kiḏanga toma kajahatana 8 Gena-ge 'i dadi sou’u di’a site’e 'ani lese re sisanangi 'ani 'akala re sinyingara.

21 Awa ni balasa ngowa’a manga ga’a ma jira reo ngini ninga ga’a ma jira ḏi’i. Sababu na’o ngini ni 'a’a so’o gena, jira sita’aloko ngini. Siḏibo ḏi’i, ngini ni balasa ga’a ma jira ra ngini gena-ge reo ninga ga’a ma la-la. Dadi ngini sita’aloko jira.

9 Ngini balasu ni dadalara ngowa’a reninga 'akala re sinyingara mode-mode’e. Re ni emono 'oru ga’a 'i cira, ni macako’o namo-namoto toma 'oru ga’a 'i la-la.

Duga re domolo ma ḏo-ḏogumu

17 Ioronongoḏu ngo-ngaku rimoi, ngoi to golo’o mode-mode’e ra ngini: Ni ma’istiari ino toma ngowa’a ga’a ma’u sabi ḏuḏunu re 'aḏi siruwahe ninga ngo-ngaku ra Ma Jou’ongu Madutu, sababu ananga gena-ge manga do-doto’o 'i ma’u rapu reo do-doto’o ga’a ngini na sanga ḏua. Dadi ni maki-kiḏanga ra ananga.

5 Tarangi gena-ge 'i sitarangi toma hafu-hafu, re hafu-hafu nga’unu ua ya sisengene 'o tarangi gena-ge.

15 Ni ma’istiari ino: Na’o ngowa’a 'aḏi 'a’a cira ngini, ngini 'a’a cira ananga awa. Siḏibo ḏi’i, ngini balasu ni ma’u riono re ni ma’u sioḏi’i matengo re matengo ra guna ḇato.

21 Mada’a balasu ni tailako la-la, la ni waro habari gena-ge mode-mode’e toma Ngagara 'Ofi-'Ofi ino. Na’o so’o gena, balasu ni mete’e Ma Ngagara 'Ofi-'Ofi ma mau. 22 Mada’a ni mete’e awa 'oru ḇato ga’a 'i cira.

13 Re awa No sieanga i’a ngomi mi sanga bo-baja,

mada’a Na siwoi’i ngomi toma jira.*

[Sababu Baba 'ani Pareta, Kuasa re Mulia kasingado-ngadolo i’a. 'Amin]’

15 Ngoi to golo’o ua Baba no 'oro ananga toma dungia nena-ne, mada’a Baba no saolo ananga toma 'Iblisi ma kuasa.

18 Tantu ḏua, Ma Jou’ongu Madutu ḏuanga i’a 'o silalo’o ngoi toma ngowa’a manga 'ulungu ma jira re Unanga ḏuanga i’a 'o gasa ngoi toma salamata Tai pareta ma dara toma soroga. Ino ngene wo silamo’o re siḏubuso Unanga re wo puji re silamo’o 'Ai lomanga kasingado-ngadolo i’a. 'Amin.

11 Ni pake mo-moini dare parangi ga’a Ma Jou’ongu Madutu ro pula’a ra ngini, la nga’unu ni lawana 'o 'Iblisi ma bo-baja.

12 Nange-ne, ngene wo lawana manusia ua, mada’a wo lawana roh-roh ma jira ma repe 'i kuasa toma dungia hafu-hafu re toma ngawa-ngawa.

26 Awa ngini ni ruta, singadolo 'i dadi ḏosa. Re awa ni ruta singadolo wangere 'i jala,✝ 27 la awa ngini ni pula’a donga rimoi toma 'Iblisi di’a 'i sigasa ngini toma ḏosa.

21 Sababu gena-ge, ni matogumu toma biasa ma rapu re faja ra Ma Jou’ongu Madutu 'ai momina. Ḏua ngini ni siholo tala ninga 'akala re sinyingara, kara ni mete’e Ma Jou’ongu Madutu 'ai demo ga’a Unanga 'a so’ana sa’olo gisisi taninga 'akala re sinyingara ma dara, ga’a nyengara 'i sisalamata ngini.

9 Mada’a siḏibo ḏi’i, na’o ngene wo mangaku nanga ḏosa-ḏosa ra Ma Jou’ongu Madutu, Unanga 'o 'adili madutu re 'a sitotomo 'Ai jaji: Unanga 'a singi-ngiranga nanga ḏosa-ḏosa re na si’ofi ngene nanga sala mo-moini.

20 Ḏua Yesus dadunu 'o kanau, "Ga’a 'i supu toma ngowa’a, enanga gena-ge 'i si’a’a ngowa’a matengo 'o dadi najis ra Ma Jou’ongu Madutu 'ai momina. 21 Sababu da’a toma 'akala re sinyingara ma dara ino, 'i baolo 'ulungu ma jira singadolo 'aḏi sudala, tori’i, sisengene ngowa’a. 22 tinikai, jajaha demo, madiga’a 'ori i’a ma jira, da-danata re do-dowoka, 'akala 'i romanga reo bo-bosono, 'akala si-siḏi, momole re 'isene do-doto’o ua. 23 'Ori i’a ma jira gena-ge, 'i baolo toma 'akala re sinyingara ma dara, mo-moini gena-ge 'i si’a’a ngowa’a matengo 'o dadi jira ra Ma Jou’ongu Madutu 'ai momina."

12 Ma’u emono 'i sibaolo ma’u tolabe,

mada’a dadalara 'i singi-ngiranga sala mo-moini.✝