Maria

የሱሳኮክ ኡሙላማኖ ጣየ ሰጋመ

26 ኤልሳቤጥ ፋቶ ቶታተደ ድግኒ ታለይ፥ ዋ ኤርግቻት ጋብሬለ ጋሊላ ታግቴ ናዝረት ካታማ ቶስ ፋረ። 27 ካኮንፋራመረና ሳኒ ታዳዉተኮክ ዮሴፋ ካአማራን እባዶትን ታኤራንተተ ሙመት ዴለልትት ቶስየ፤ ሙመት ዴሌልትትኮክ መገና ማይራመየ። 28 ኤርግቻትና ኤሰ ታግቶ ባንኤ ቶስ ታበረ፥ "አት ስኖ ታኮአማጋንተታ፥ ኖጎዳ ኩን ሀሌቶ! ጎታ ኩኔ ዎታ ግራ፥ አትና ኣሎ ታሶማሳንተታ" አመ።

30 ኤርግቻትና ኤሰነ ሃ አመ፥ "ማይራመ! አት ዋይ ዶሌ ጋሻና ሄላተታ አሮአብሳተ። 31 ሂክማ፥ ቶታይናታ፤ ኤረ ባባርትትና ኡሙልናታ፤ መገና የሱሳ አምናታ። 32 ኡሱና ካንጂንክ ልናራ፥ ዱባንኮ ጦክቅ ካአመ ኤረ ካዋና አማምናራ፤ ጎታ ሄዶና ኣቦኬሳክ ካዳዉተ ኮርፍንጀ ኡሱን ስስናራ። 33 ሳኒ ታያይቆባ ጉት ጅሩ ጅሮማን ሬድናራ፤ ዎኖናትኬሳ ጋቾ ላኮአቦ።"✝

አላታን ታየሱሳ ክርስቶሳ

18 ታየሱሳ ክርስቶሳ አላታንኮት ጅርት ሂካማሌታ፥ ኣየቴሳ ማይራመ ዮሴፋን ኤራንተጉደ ሀኤሰሎን አያና ቁሉክ ፋቶ ቶታተ ሙተ።✝

ማዛሙር ካማይራመ

46 ማይራመና ሃ አንተ፤

"ኔፎት ጎታና ጦቂ ጦቂኢሳታ።

47 አያናክና ካፋይሳሮ ዋኬይ ገጌላታራ።

48 ኡሱ ድይ ቴሳክ የራን ዴራ፤

ህታ አርኮ ሀጋአበረ አላታን ዱባ እን ታሶማሳንተ አምናታ።

49 ካአቲ ካሌራ ኡሱ ካንጅንክ አየስ ኢን ፈለራ

መገኬሳና ቁሉክያ።

50 ነኔኤይሳታኖኬሳ ኡሱ ኦአብሳታራኑን፥

አላታንኮ ታ አላታን ጌሮ ግርናራ።

51 ሁናካከሳይ ፈሎ ኦአቲ ፈለራ፤

ዎዳናታትሶኮት ቆፋ ኦኮራራና ዳረኤራ፤

52 ሞትጆል ኮርፍንጄልኮ ዳግሰራ፤

እስ ኦየራሳታራና አደ ጦቂኢሰራ፤

53 ኦኡኤራና ካኢዳነ አየስ ባራርሰራ፤

ዱሬሳል ጎአመን ሀላል ጋፋረራ፤

54,55 ነኔኤይሳታኖካከሳ ሻዳ፥

ድይልኬሳ እስራኤል ጋርጋረራ፤ ህክና ኦዶላልካን ጎጎአዬሰሮ አብራመና ሳኒታተሳን ካአመሮ ጅሩ ጅሮማን ኦርንያ።"

4 ዮሴፋ ዳዉተን ኤነክ ፋል ማንኮሌረ ማራን፥ ጋሊላ አዉራጃይ ታግቶ ናዝረት ካታማኮ ኬጉረ ዳዉተ ታኮኡሙላመረ ካታማ ቤተሌም ታአማራን ታይሁዳ ካታማ ቶስ ቤ። 5 ማዝጋባሚን ኤሰራ ሴተን፤ ፋቶ ቶታተ ታግቴ ማይራመና ኤሰ ካኤራተረነ ዎታ ሴተ። 6 ኤሰ ታቤተለም ካታማይ ግራንቲና ታኡሙላ አሪ ጌተ፤ 7 ኤረ ባርክ ካሌሮ ባባርትትና ኡሙልተ፤ ሆጮይና ማማርተደ፥ ማርት ታኮፎልሳቶ ባንኤ ሄላይን ማንኮዋተነ ማራንቱን አዉድ ካሳየት ኦሮ ሁዱርሰ።

19 ማይራመ ጎአመን ሂካ ዱባ ዎዳናትሴይ አባተደ ቆፋ ገጌሳታና ኦራታ ግቴ።

34 ስሞናና እሶ ሶማሳተ፤ ኣየቴሳ ማይራምኔ ሃ አመ፤ "ሂክ ይትት እስራኤሊ ካሞጋኑን ባኖዉና ፋያኖዉን ኣላንቲ ጎጎሌሮ፥ ኡሱ ኦድዳራዉን ማላታ ጎጎሌሮ ሹማመራ፤ 35 ካሞጋንኮት ቆፋ ታዎዳና ጎጎቱስሮንያ፤ ጋዳ ሺፋ ኣን ኔፎታ ኤግናራ።"

48 ኦኡሙለራና ካኮደያረን ጎራታ ማሜን፤ ኣየቴሳና፥ "ኡኑኬ፤ መዉን ኖ ሃ የልተ? ኣቦካና አንና ያንዴ ኖ ኩ ዶታ ግኔ" ሃ አንተ። 49 "ኡሱና እን ሙን ዶታቴን?" "ኣቦኬክ ምኒ ግርን ካዶትሳሮ ላኖ ላኮካሳንያ?" አመ። 50 እሶና ኡሱ ካአዬሰረ አየስ ላኮሻደረን። 51 ኤሰኮና ራቶ ናዝረት ቶስ ዳጌን፤ እሶና አጃጃማ ግረ። ኣየቴሳና ሂካ አየስ ዱባ ዎዳናትሴይ አባተ ግቴ።

3 ጣሞ ካዎይኒ ካኮጉዳታረ ጎራታ አዬ ታየሱሳ፥ "ጣሞ ካዎይኒ ጉዳተለ አንተ።"

4 የሱሳና፥ "አት ሄለልትቲ አን መ ጎጎየሎ ዶታታ? ጎራታክ ጋና ላኮጌሮ" አመ።

5 ኣየቴሳና ኤሰ ኦግረን ኦሀንዳራዉን፥ "ኡሱ ካአማሮ ዱባ ፈላ" አንተ።

25 ታየሱሳ ማስቃሊ ዶሌ ኣየቴሳና ኣየቴሳኮት አባ፥ ታቀልዮጳ ኦር ማይራመና ኡል ካመግደላኮት ማይራመ ኤሰ አሌን ግረን። 26 ኤሴና የሱሳ ኣየቴሳና ካጌላታረ ኡሱኮ ካአጋልሳታረ ዶሌ አሌን ግራን ካኮድያረ ጎራታ ኣየቴሳነ፥ "አት ሄለልትቲ፥ ኤረካ ሂክማ" አመ።

27 ኡሱኮ ካአጋልሳታረነ፥ "ኣየታ ህትማ" አመ። ኡሱ ጎራታኮ ሀጋአበረ ሂክ ኡሱኮ ካአጋልሳታረ ምንኬሳ ቶስ አታተ።

አዬ ታየሱሳና አቢላልቴሳ

31 ኤሰኮ አባባተረ ኣየ ታየሱሳና አቢላልቴሳ ኡሱ ቶስ ኤመተን፥ ሳሬ አሌረነ እባዶ ኡሱ ቶስ ፋረን ኡምስሴን። 32 ኡሱ ማረአበ ካሀማጼሬ ካሞጋን እባዶና፥ "ህኒዕማ ኣየታና አብላልታና ሳሬ አሌነን ኩ ዶታራን አመን ኡሱን ሰገን።"

33 ኡሱና፥ "ኣየትና አቢላልት አዮስያን?" አመ አባበ። 34 ኡሱ ማረአበ ካሃማጼረ እባዶ ቶስ ዲያ ሃ አመ "ኣየትና አቢላልት ህናኣያን! 35 ፈኢ ታዋ ካፈላራ ዱባ ኡሱ አቢኬ፥ አባቴና፥ ኣየቴያን" አመ።

55 "ሂክ ላኤረ ካአናጢትዮላ? ኣየቴሳክ መገ ላ ማይራመ አማራና? አቢላልቴሳ አደ ያይቆባ፥ ዮሴፋ፥ ስሞናነ ይሁዳኔያና? 56 አባላልተሳና ዱባ ላ ኖኔ ዎታ ግራና? ሀያ ሂክ እባዶት ሂካ ዱባ ሀየኮ ሄላተ?"

14 ሂክ እባዶ ዱባ ሄለል ኮኮነ፥ አዬ ታየሱሳ ማይራመኔ፥ ኡሱማሌ አቢላልቴሳ ዎታ ዎዳና ቶ ሌንጉረን ኤብ ሀኢሶን አርጌቶ ኤባታ ግረን።