Maria

Maria, mãe de Jesus, é honrada nas Escrituras como a mulher escolhida por Deus para trazer ao mundo o Salvador. Sua fé, humildade e obediência são exemplo para todos os cristãos.

A escolhida de Deus

O anjo Gabriel anunciou a Maria que ela seria mãe do Filho do Altíssimo. Ela respondeu com fé: 'Faça-se em mim segundo a tua palavra.'

यीशु के जन्म की घोषणा

26 एलीशिबा कै छठा महिन्‍ना चढ़ रह्या था, परमेसवर की ओड़ तै जिब्राईल सुर्गदूत, गलील परदेस कै नासरत नगर म्ह, 27 एक कुँवारी कै धोरै भेज्या जिसकी सगाई यूसुफ नाम कै दाऊद कै घराने कै एक माणस तै होई थी, उस कुँवारी का नाम मरियम था। 28 जिब्राईल सुर्गदूत नै उसके धोरै आकै कह्या, "आनन्द अर जयजयकार तेरी हो तेरे पै ईश्‍वर का अनुग्रह होया सै! प्रभु तेरे गेल्या सै!"

Lucas 1:26-28

30 सुर्गदूत नै उसतै कह्या, "हे मरियम, डरै ना, क्यूँके परमेसवर का अनुग्रह तेरे पै होया सै। 31 अर देख, तू गर्भवती होगी, अर तेरे एक छोरा पैदा होगा, तू उसका नाम यीशु धरिये। 32 वो महान् होगा अर परमप्रधान का बेट्टा कुह्वावैगा, अर प्रभु परमेसवर उसकै पूर्वज दाऊद का सिंहासन उसनै देवैगा, 33 अर वो इस्राएल कै घराने पै सदा राज करैगा, अर उसकै राज्य का अंत न्ही होगा।"

Lucas 1:30-33

मसीह का जन्म

18 यीशु मसीह का जन्म इस तरियां होया, कै जिब उसकी माँ मरियम की सगाई यूसुफ कै गैल होग्यी, तो उनका ब्याह होण तै पैहल्याए बेरा पाट्या के वा पवित्र आत्मा की शक्ति तै गर्भवती सै।

Mateus 1:18

O Magnificat

Maria cantou: 'Minha alma engrandece ao Senhor!' Seu cântico exalta a misericórdia, o poder e a fidelidade de Deus.

मरियम के जरिये जै-जै कार

46 फेर मरियम नै कह्या,

"मेरा जी प्रभु की बड़ाई करै सै

47 अर मेरी आत्मा मेरै उद्धार करण आळे परमेसवर तै खुश होई,"

48 "क्यूँके उसनै अपणी दास्सी की लाचारी पै निगांह करी सै,

इस खात्तर देक्खो, इब तै सारे युग-युग कै माणस मन्‍नै धन्य कहवैगें,"

49 "क्यूँके उस शक्तिशाली नै मेरै खात्तर बड़े-बड़े काम करै सै। उसका नाम पवित्र सै,"

50 "अर उसकी दया उनपै, जो उसतै डरै सै, पीढ़ी तै पीढ़ी बणी रहवैं सै।"

51 "उसनै अपणी शक्ति तै बड़े-बड़े काम करै सै, अर जो अपणे-आप म्ह घमण्ड करै थे, उन ताहीं तित्तर-बितर कर दिया।"

52 "उसनै शासकां ताहीं उनकै सिंहासनां पै तै गिरा दिया, अर नम्र लोग्गां ताहीं ऊँच्‍चा उठा दिया।"

53 "उसनै भूख्या ताहीं बढ़िया चिज्जां तै छिकाया सै, अर साहूकारां ताहीं खाल्‍ली हाथ भेज दिया।"

54 "उसनै अपणे सेवक इस्राएल ताहीं सम्भाल लिया, ताके अपणी उस दया नै याद करै,"

55 "जो उसनै अब्राहम अर उसकी पीढ़ी पै सदा खात्तर दया करण का वादा करया सै।"

Lucas 1:46-55

4 आखर यूसुफ भी इस करकै के वो भी दाऊद कै कुण्बे अर पीढ़ी का था, गलील परदेस कै नासरत नगर तै गया, यहूदिया परदेस म्ह दाऊद कै बैतलहम नगर म्ह आया, 5 ताके अपणी मंगेतर मरियम कै गेल्या जो गर्भवती थी, उस जनगणना म्ह नाम लिखवावै। 6 उनकै बैतलहम नगर रहन्दे होए उसके जाम्मण के दिन पूरे होए, 7 अर मरियम नै अपणा जेठ्ठा छोरा जाम्या अर उस ताहीं लत्ते म्ह लपेटकै खोर म्ह धरया, क्यूँके उनकै खात्तर सराये म्ह जगहां कोनी थी।

Lucas 2:4-7

19 पर मरियम ये बात अपणे मन म्ह धरकै सोचदी रई।

Lucas 2:19

34 फेर शमौन नै उन ताहीं आशीर्वाद देकै, उसकी माँ मरियम तै कह्या, "देख, यो बाळक इस्राएल म्ह भोत-से माणसां के पतन अर उत्थान का कारण बणैगा, अर या निशान्‍नी के रूप म्ह परमेसवर की ओड़ तै भेज्या होया सै, अर भोत सारे लोग उसकै बिरुध बोल्‍लैगें। 35 इसका नतिज्जा यो होगा के भोत सारे मनां के विचार जाहिर हो जावैंगे, अर एक भोत बड़ा दुख तेरे पै आवैगा।"

Lucas 2:34,35

48 फेर उसके माँ-बाप उस ताहीं देखकै हैरान होए अर उसकी माँ नै उसतै कह्या, "हे बेट्टे, तन्‍नै म्हारै गेल्या इसा बरताव क्यातै करया? देख, तेरा बाप अर मै तन्‍नै ढूँढ़-ढूँढ़के परेशान होरे थे?"

49 उसनै उनतै कह्या, "थम मन्‍नै क्यातै टोह्वो सो? के बेरा कोनी मन्‍नै मेरे पिता कै घरां होणा जरूरी सै?" 50 पर जो बात उसनै उनतै कही, उननै कोनी समझया।

51 फेर वो उनकै गेल्या गया, अर नासरत म्ह आया, अर उनकै बस म्ह रह्या, अर उसकी माँ नै ये सारी बात अपणे मन म्ह राक्खी।

Lucas 2:48-51

Mãe fiel até o fim

Maria acompanhou Jesus desde o nascimento até a cruz. Ela estava entre os discípulos no Pentecostes, fiel em oração.

3 जिब अंगूर का रस खतम होग्या, फेर यीशु की माँ उसतै बोल्‍ली, "उनकै धोरै अंगूर का रस कोनी रहया।"

4 यीशु नै उसतै कह्या, "हे नारी, या बात तू मेरे तै क्यूँ कहवै सै? इब्बे मेरा बखत कोनी आया।"

5 पर उसकी माँ नै नौकरां तै कह्या, "जो कुछ यो थारे ताहीं कहवै, न्यूए करियो।"

João 2:3-5

यीशु का अपणी माँ खात्तर प्रावधान

25 आखर म्ह सिपाहियाँ नै इसाए करया। यीशु कै क्रूस कै धोरै यीशु की माँ, अर उसकी मौस्सी, क्लोपास की घरआळी मरियम, अर मगदल गाम की मरियम खड़ी थी। 26 जिब यीशु नै अपणी माँ, अर उस चेल्‍लें ताहीं जिसतै वो प्यार करै था, धोरै खड़े देख्या तो अपणी माँ तै कह्या, "हे नारी, लखा, यो तेरा बेट्टा सै।" 27 फेर उस चेल्‍लें तै कह्या, "या तेरी माँ सै।" अर उस्से बखत वो चेल्‍ला उस ताहीं अपणे घरां लेग्या।

João 19:25-27

यीशु की माँ अर भाई

31 फेर यीशु की माँ अर उसके भाई आए, अर बाहरणै खड़े होकै उस ताहीं बुलावा भेज्या। 32 भीड़ उसकै लोवै-धोवै बेठ्ठी थी, अर उननै उसतै कह्या, "देख, तेरी माँ अर तेरे भाई बाहरणै तन्‍नै टोहवै सै।"

33 यीशु नै उनतै जवाब दिया, "मेरी माँ अर मेरे भाई कौण सै?"

34 अर जो उसकै लोवै-धोवै बेठ्ठे थे, उनपै निगांह करकै कह्या, "देक्खों, मेरी माँ अर मेरे भाई ये सै। 35 क्यूँके जो कोए परमेसवर की इच्छा पै चाल्‍लै, वोए मेरा भाई, मेरी बेब्बे, अर मेरी माँ सै।"

Marcos 3:31-35

55 के यो खात्त्ती का छोरा कोनी? अर के इसकी माँ का नाम मरियम अर इसके भाईयाँ का नाम याकूब, यूसुफ, शमौन अर यहूदा कोनी? 56 अर के इसकी सारी बेब्बे म्हारै बिचाळै कोनी रह्न्दी? फेर इसनै यो सारा कित्त तै मिल्या?"