26 ኡሱፑን አገናን ጾሳ ኪታንቻ ጋብሬል ጋሊላ ጋድያን ናዝሬተ ካታማ 27 ዳዊታ ያራፐ ግዴዳ ዮሴፎ ጌተትያ ብታነዉ ኦሸታ ቃሸቴዳ ዎዶራትኮ ጾሳ ማታፐ ኪተቴዳ፤ ዎዶራት ሱንይካ ማይራሞ ጌተቴ።✝ 28 ኪታንቻይካ ማይራምኮ ዪደ፥ "ዳርሳደ ዶሰታዉኔ፥ ሳሮተይ ነዉ ግዶ፤ ጎዳይካ ኔናና ጋ ደኤ፤ ኔንካ ማጫዋንቱ ግዶን አንጀቴዳዉኖ"* ያጌዳ።

30 ኪታንቻይ እዞ፥ "ሀነ ማይራሜ፥ ጾሳ ማታን ሳባ ደማዳ ያዮፓ። 31 ኔን ሻሃራደ፥ አቱማ ናኣ የላናሳ፤ አ ሱንካ የሱሳ ጋናሳ።✝ 32 እካ ዳራ ግዳናዋ፤ ኡባፐ ቃ ጾሳ ናኣ ጌተታና፤ ጎዳ ጾሳይ አ አቡ ዳዊታ ካዉተ ኦይድያ አዉ እማናዋ። 33 እካ ያቆባ ጎለን መናዉ ካዉታናዋ፤ አ ካዉተዉካ ዉርሰይ ባዋ" ያጌዳ።✝

18 የሱስ ክርስቶሳ የለታይ ሀዋ ማላ፤ አ ዳያ ማይራማ ዮሴፎ ኦሸታ ቃሸታ ኡታዱ። ሄ ዎደ ዮሴፎና ጋከተናን ደኣደ፥ ጌሻ አያናን ሻሃራዱ።

46 ማይራማካ፥

"ታ ሸምፓታ ታ ጎዳ ቦንቻዉ፥

47 ታ አያናይካ ታ ጾሳ፥ ታ ልያን፥

ሎይ ናሸታዉ።

48 እካ ባረ አይላት ቶሽያ ጼሌዳ።

ሀቼፐ ዶሚደ የለታይ ኡባይ

አንጀቴዳዉኔ ጊኖ።

49 ዎልቃማ ግዴዳ እ፥

ዳሮ የዉዋ ታዉ ኦዳ፤

አ ሱንይካ ጌሻ።

50 አ ማሮታይ ያይያዋንቶ፥

የለታፐ የለታይ ጋካናዉ ደኤ።

51 ባረ ዎልቃን ምኖ ኪታ ኪተቴዳ፤

ባረንቱ ዎዛና ቆፋን ኦቶረትያዋንታ፥

ላሌዳ።

52 ሞድያዋንታ ካዉተ ማታ ኦይድያፐ ዎዳ፤

አሽካቱዋካ ቃይ ቁ ቁ ኦዳ።

53 ኮሻቴዳዋንታ ሎኦ የዉዋን ካልሴዳ፤

ዱራቱዋ ቃይ መላ የደርሴዳ።

54 ባረ ማሮተ ቆፒደ፥

ባረ አይልያ እስራኤልያ ማዴዳ።

55 ኑ አዋቶ እ ኦዴዳዋዳን፥

አብራሃመዉነ አ ያራዉ ጌዳዋ፥

መናዉ ናጋና ድራሳ"

ያጋዱ።

4 ዮሴፎካ ዳዊታ ጎልያፐነ ያራፐ ግድያ ድራዉ ጋሊላ አዉራጃን ደእያ ናዝሬተ ካታማፐ ደንዲደ ዳዊታ ካታማ ግዴዳዉንኮ ይሁዳን ደእያ ቤተሌመ ጌተትያ ካታማ ከሴዳ። 5 ሄ ዎደ የልያ ዎዲ ማቴዳ አዉ ኦሸታ ኡቴዳ ማይራማካ አናና እትፐ ባዱ። 6 ኡንቱንቱ ሄዋን ደእሽን እዝዉ የልያ ዎዲ ጋኪ አጌዳ። 7 እዛካ ባይራ ናኣ* ግዴዳ አቱማ ናኣ የላዱ፤ እማይ ሸምፕያ ሳ ደማቤና ድራዉ፥ ናኣ ማዩዋን ጻጻደ ጋጳትያን* ቀራዱ።

19 ማይራማ ቃይ ሀዋ ኡባ ባረ ዎዛናን ኦይቃደ ቆፓደ ጋምኣዱ።

34 ስሞንካ አንጂደ ማይራሞ፥ "ሀዌ ናአይ እስራኤልያን ጮራቶ ደንዱዋስነ ኩንደዉ ጋሶ ግዳናዉ፥ ቃይካ ኢታ ሃሳይያዋንቶ ማላ ግዳናዉ ዶረቴዳ። 35 ጮራቶካ ዎዛና ቆፋይ ቆንጮዋ ግዳናዉ፥ ነ ሸምፑካ ማሻን ቃንጾዋዳን ሴለታናዋ" ያጌዳ።

48 ዮሴፎነ አ ዳያ አ በኦ ዎደ ማላለቴድኖ። አ ዳያካ፥ "ታ ናአዉ፥ አያዉ ኑና ሀዋዳን ኦይ? ነ አቡነ ታነ ኔና ኮዪደ፥ ዳሮ መቶቴዶ" ያጋዱ።

49 የሱስካ ኡንቱንቶ፥ "አያዉ ታና ኮዪቴ? ታ አቡ ጎለን* ደአናዉ ታዉ ኮሽያዋ ኤርበይክቴ?" ያግ ዛሬዳ። 50 ሄዋ ያግ ኦዶፐ አትን፥ ኡንቱንቶ እ ኦዴዳ የዉ አያ ግንቶ ገልቤና።

51 ሄዋፐ ስሚደ፥ ኡንቱንቱና እትፐ ህን ናዝሬተ ቤዳ፤ ሄዋንካ ኡንቱንቶ አዛዘቴ። አ ዳያካ ሄዋ ኡባ ባረ ዎዛናን ዎዱ።

3 ዎይንያ ኡሻይ ዉር ድግና፥ የሱሳ ዳያ አ፥ "ኡንቱንቶ ዎይንያ ኡሻይ ዉር ድጌዳ" ያጋ ኦቻዱ።

4 የሱስ ዛሪደ፥ "ታ ዳዬ፥ ሀዌ ታ ኦሱዋ ግድያ ድራዉ፥ ነ ያያና ኮሸና። ታ ዎዲ* ብሮ ጋክቤና" ያጌዳ።

5 የሱሳ ዳያ ኪተትያዋንቶ፥ "እ ህንተንቶ ኦድያዋ አያ ግዶፐነ ኦተ" ያጋ ኦዳዱ።

25 ሽን የሱሳ ማስቃልያ ማታን አ ዳያ፥ አ አት ምቻታ፥ ቃልዮጳ ማቻታ ማይራማነ ማግዳላ ጌተትያ ካታማፐ ዬዳ ማይራማ ኤቄድኖ። 26 የሱስ ባረ ዳያነ እ ሲቅያ ካልያዌ ሄዋን ኤቄዳዋንታ በኢደ፥ ባረ ዳዮ፥ "ሀ ምሽራቴ፥ ነ ናኣ ሀዋ በአ!" ያጌዳ።

27 ሄዋፐ ጉይያን፥ ሄ ካልያዋ "ነ ዳዮ ሀኖ በአ!" ያጌዳ። ሄ ካልያዌ እዞ ሄ ሳትያፐ ዶሚደ፥ ባረ ሶይ አፌዳ።

31 የሱሳ ዳያነ አ እሻቱ ዪደ፥ ካረን ኤቂ አኮ አሳ ኪቲደ፥ አ ጼስሴድኖ። 32 ጮራ አሳይ አ ማታን ኡቴድኖ፤ ሄ ኪተቴዳዌ አ፥ "በአ፤ ነ ዳያነ ነ እሻቱ ካረን ኤቂደ፥ ኔናና ጋከታናዉ ኮዪኖ" ያጌዳ።

33 የሱስ ዛሪደ፥ "ታ ዳያ ኦኔ? ቃይ ታ እሻቱ ኦኔ?" ያጌዳ። 34 ባረ ማታን ኡቴዳ አሳ ዩሽ አ ጼሊደ፥ "በእተ፤ ታ ዳያነ ታ እሻቱ ሀዋንቱሽ። 35 ጾሳይ ኮይያዋ ኦያ ኡባይ ታ እሻ፥ ታ ምቻቶነ ታ ዳዮ" ያጌዳ።

55 ሀዌ አናጽያ ናኣ ግደኔ? አ ዳያ ማይራሞ ግደኬ? አ እሻቱ ያቆባ፥ ዮሴፎ፥ ስሞናነ ይሁዳ ግድክኖ? 56 አ ምቻቱ ኡባይ ኑናና ደእክኖ? ያትና፥ እ ሀ ኤራ ኡባ ሀቃፐ ደሜዴ?" ያጌድኖ።

14 ሀዋንቱ ኡባቱ ማጫዋንቱና፥ የሱሳ ዳይ ማይራምናነ የሱሳ እሻቱዋና ኡባይ እት ዎዛና ግዲደ፥ ኡባ ዎደ እትፐተን ዎሳዉ ሺቂኖ።