Maria

Yesuusa Yeletay Kasetiide Odetteedda

26 Usuppuntsa agenaan S’oossaa kiitanchchaa Gabreel Galiilaa gadiyaan Naazireete Katamaa 27 Daawita yaraappe gideedda Yooseefo geetettiyaa bitanew ooshetta k’ashetteedda wodorattikko S’oossaa matappe kiitetteedda; wodoratti suntsaykka Mayraamo geetettee.✝ 28 Kiitanchchaykka Mayraamikko yiide, «Darissaade dosettawunnee, sarotetsay new gido; Godaykka neenanna gatso de’ee; Neenikka mac’c’awanttu giddon anjjetteeddawunno»* yaageedda.

30 Kiitanchchay izo, «Hanne Mayraamee, S’oossaa matan sabaa demmaadda yayyoppa. 31 Neeni shahaaraade, attuma na’aa yelanaassa; Aa suntsaakka Yesuusa gaanaassa.✝ 32 Ikka dara gidanawaa; Ubbaappe D’ok’k’a S’oossaa Na’aa geetettana; Godaa S’oossay Aa aabbu Daawita kawutetsaa oydiyaa aw immanawaa. 33 Ikka Yaak’ooba gollen med’inaw kawutanawaa; Aa kawutetsawukka wurssetsay baawa» yaageedda.✝

Yesuusi Kiristtoosa Yeletaa

18 Yesuusi Kiristtoosa yeletay hawaa mala; Aa daaya Mayraama Yooseefoo ooshetta k’ashetta uttaaddu. He wode Yooseefonna gakettennaan de’aadde, Geeshsha Ayyaanan shahaaraaddu.

Mayraami Galataa Yetsaa

46 Mayraamakka,

«Ta shemppatta ta Godaa bonchchaw,

47 Ta ayyaanaykka ta S’oossaa, ta d’aliyaan,

loytsa nashettaw.

48 Ikka bare ayilatti tooshiyaa s’eelleedda.

Hachcheppe doommiide yeletay ubbay

anjjetteeddawunnee giino.

49 Wolk’k’aama gideedda I,

daro yewuwaa taw ootseedda;

Aa suntsaykka geeshsha.

50 Aa maarotay yayyiyaawanttoo,

yeletaappe yeletay gakkanaw de’ee.

51 Bare wolk’k’aan mino kiitaa kiitetteedda;

barenttu wozanaa k’ofaan otorettiyaawantta,

laaleedda.

52 Mooddiyaawantta kawutetsaa maataa oydiyaappe wotseedda;

ashikkatuwaakka k’ay d’ok’k’u d’ok’k’u ootseedda.

53 Koshatteeddawantta lo"o yewuwaan kalisseedda;

duratuwaa k’ay mela yedersseedda.

54 Bare maarotetsaa k’oppiide,

bare ayiliyaa Israa’eeliyaa maadeedda.

55 Nu aawaatoo I odeeddawaadan,

Abrahaamewunne Aa yaraw geeddawaa,

med’inaw naagana diraassa»

yaagaaddu.

4 Yooseefokka Daawita golliyaappenne yaraappe gidiyaa diraw Galiilaa Awuraajjaan de’iyaa Naazireete katamaappe denddiide Daawita katamaa gideeddawunnikko Yihudaan de’iyaa Beeteleeme geetettiyaa katamaa keseedda. 5 He wode yeliyaa wodii mateedda aw ooshetta utteedda Mayraamakka aanana ittippe baaddu. 6 Unttunttu hewaan de’ishshin iziw yeliyaa wodii gakkii aggeedda. 7 Izakka Bayira Na’aa* gideedda attuma Na’aa yelaaddu; imatsay shemppiyaa sa’aa demmabeenna diraw, na’aa mayuwaan s’aas’aade Gap’atiyaan* k’eraaddu.

19 Mayraama k’ay hawaa ubbaa bare wozanaan oyk’k’aade k’oppaadde gam"aaddu.

34 Simoonikka anjjiide Mayraamo, «Hawe Na’ay Israa’eeliyan c’oratoo dendduwaassinne kunddetsaw gaaso gidanaw, k’aykka iitaa haasayiyaawanttoo malla gidanaw dooretteedda. 35 C’oratookka wozanaa k’ofay k’onc’c’owaa gidanaw, ne shemppuukka mashshaan k’ans’s’owaadan seelettanawaa» yaageedda.

48 Yooseefonne Aa daaya Aa be’o wode maalaletteeddino. Aa daayakka, «Ta Na’aw, ayaw nuuna hawadan ootsay? Ne aabbunne tanne Neena koyyiidde, daro metooteeddo» yaagaaddu.

49 Yesuusikka unttunttoo, «Ayaw taana koyyiitee? Ta aabbu gollen* de’anaw taw koshshiyaawaa eribeykkitee?» yaagi zaareedda. 50 Hewaa yaagi odooppe attin, unttunttoo I odeedda yewuu ayaa gintto gelibeenna.

51 Hewaappe simmiide, unttunttunna ittippe hini Naazireete beedda; hewankka unttunttoo azazettee. Aa daayakka hewaa ubbaa bare wozanaan wotsaaddu.

3 Woynniyaa ushshay wuri diggina, Yesuusa daaya Aa, «Unttunttoo woyniyaa ushshay wuri diggeedda» yaaga oochchaaddu.

4 Yesuusi zaariide, «Ta daayee, hawe ta oosuwaa gidiyaa diraw, ne yayana koshshenna. Ta wodii* biro gakkibeenna» yaageedda.

5 Yesuusa daaya kiitettiyaawanttoo, «I hinttenttoo odiyaawaa ayaa gidooppenne ootsite» yaaga odaaddu.

25 Shin Yesuusa mask’k’aliyaa matan Aa daaya, Aa aatti michchata, K’aliyoop’aa machchata Mayraamanne Magdala geetettiyaa katamaappe yeedda Mayraama ek’k’eeddino. 26 Yesuusi bare daayanne I siik’iyaa kaalliyaawe hewan ek’k’eeddawantta be’iide, bare daayo, «Ha mishirattee, ne na’aa hawaa be’a!» yaageedda.

27 Hewaappe guyyiyaan, he kaalliyaawaa «Ne daayo hanno be’a!» yaageedda. He kaalliyaawe izo he saatiyaappe doommiide, bare soy afeedda.

Yesuusa Daayonne Ishatuwaa

31 Yesuusa daayanne Aa ishatuu yiide, karen ek’k’i aakko asaa kiittiide, Aa s’eesisseeddino. 32 C’ora Asay Aa matan utteeddino; he kiitetteeddawe Aa, «Be’a; ne daayanne ne ishatuu karen ek’k’iide, neenanna gakettanaw koyyiino» yaageedda.

33 Yesuusi zaariide, «Ta daaya oonee? K’ay ta ishatuu oonee?» yaageedda. 34 Bare matan utteedda asaa yuushshi aatsi s’eelliide, «Be’ite; ta daayanne ta ishatuu hawanttushi. 35 S’oossay koyyiyaawaa ootsiyaa ubbay ta ishaa, ta michchatonne ta daayo» yaageedda.

55 Hawe anaas’iyaa na’aa gidennee? Aa daaya Mayraamo gidekkee? Aa ishatuu Yaak’ooba, Yooseefo, Simoonanne Yihudaa gidikkinoo? 56 Aa michchatuu ubbay nuunanna de’ikkinoo? Yaatina, I ha eraa ubbaa hak’appe demmeeddee?» yaageeddino.

14 Hawanttu ubbatuu mac’c’awanttunna, Yesuusa daayi Mayraaminnanne Yesuusa ishatuwaanna ubbay itti wozanaa gidiide, ubbaa wode ittippetetsaan woossaw shiik’iino.