Maria

ईशु क जनमक बारा मा देखाड़नो

26 इलीशिबाना छोव महना मा यहोवा–भगवान की आरू छे जिब्राईल सोरगदूत, गलील क नासरत नगर मा, 27 ✝एक छल्ली क साथे मुकल्या जेरी मांगनी यूसुफ नाव क दाऊद क घराने क एक मानुस छे होयी होती: उना छल्ली क नाव मरियम हुता। 28 सोरगदूत ने ओको साथे माही आवीन कयो, "मरीयम, खुशी आरू धन्य तारी होय जिना पर यहोवा–भगवान क फोकटन दया हुयो छे! पोरबु तारे साथे छे!"

30 सोरगदूत ने ओका सी कयो "हे मरियम, भयभीत नी होय, काहकि यहोवा–भगवान क फोकटन दया तुखे पर हुयो छे। 31 ✝देख, तु भारीस होयीस, आरू तारे एक पोर्‍या पैदा होयछे; तु ओका नाव ईशु राखने। 32 वो महान होयछे आरू यहोवा–भगवान क पोर्‍या कवायसे; आरू पोरबु यहोवा–भगवान ओको बास दाऊद क सिंहासन ओको देसे, 33 आरू वो याकूब क घराना पर सदा राज करसे; आरू ओको राज्य क आखरी नी होयछे।"

ईशु क जनम

18 ईशु मसीह न जनम इनीये प्रकार सी हुयो, कि जव ओकी माय मरियम की मांगनी यूसुफ क साथ हय गयी, तो ओको एखठा हयने सी पेहल ही त्या चुखली आत्मा क लारे भारीस हुयी।

मरीयम क बढ़ाई गीत

46 तव मरियम ने कयो, "मारो जीव पोरबु की बढ़ाई करता छे"

47 आरू मारी आत्मा मारे उध्दार करनेवावा यहोवा–भगवान छे खुश होयी,

48 काहकि त्यो आपसी दासी की दीनता पर दृष्टि की छे;

एरकरीन देखु, हिमी छे आरामना दाहडो युग–युग क मानसे मखे धन्य कवसे,

49 काहकि उना शक्तिमान यहोवा–भगवानने मारे करता मोटा–मोटा काम कर्‍यो छे।

ओका नाव चुखलो छे,

50 आरू ओकी दया उन पर जो ओको सी बीक राखे, पीढी छे तक बनी रयता छे।

जो यहोवा भगवान न विजुत करीया त्यो उका पर दया करियो

51 त्यो आपसा भुजबल देखाड्या

जो आपने आप क मन मा डाहळाय करता हता, तिनुक तितर बितर कर्‍यो।

52 त्यो राजा उनको ओको सिंहासन छे पाड़ दिया;

आरू नम्र मानसे क उंचा कर्‍यो।

53 त्यो भुजला क वारली वात छे तुप्त कर्‍यो,

आरू धनवान क खाली हात निकावीन दिया।

54 त्यो आपने सेवक इस्राएल क सोमाव केदा की आपसी उना दया क स्मरण कर्‍यो,

आरू ओका दास इसरायल क मदत करियो।

55 "जव अब्राहम आरू ओका वंश पर सदा रवछे,

जोसो त्यो हामरा डाहडा सी कयलो हुतो।"

4 शेवली कावा यूसुफ भी एरकरीन कि वाँ दाऊद क घरानो आरू वंश क हुता गलील क नासरत नगर छे यहूदि या मा दाऊद क नगर बैतलहम क गया, 5 कि आपसी मंगेतर मरियम क साथे जो भारपाय होती नाव लिखायछे। 6 ओको वाँ रयता हुया ओका पोखडायने क दाहड़ा पूरा होया, 7 आरू वाँ आपसा पहिलौठा पोर्‍यो पोखड़ाय आरू ओको लुगड़ा मा लेपटीन चरनी मा राख्या काहकि ओको करता सराय मा जगहनी होती।

19 पुन मरियम यो सब वात आपने मन मा राखीन मन मा सुचती रयी।

34 तव शमौनने उनको बरकत दियो, ओकी माय मरियम छे कयो, वो तो इस्राएल मा घोणा क पड़ने, आरू उठने क करता, आरू एक ओसो सहलानी हुयने क करता ठेराया गया छे, ओका विरोध मा वात करी जाछे 35 "वरना तारो जीव भी तलवार छे वार पार चिर जाछे इनासे घोणा हद्यो क विचार प्रगट होयछे।"

48 "तव वो ओको देखीन चकित हुया आरू ओकी माय हामु छे काय ओसो व्यवहार कर्‍या? पोर्‍या, तारो बास आरू हाव कुरकुर करता जाईन तुखे हेरता हुता?"

49 त्यो उनछे कयो, "तु मखे काय हेरता हुता कि मखे आपसा बास क भवन मा हुयने पाको छे?" 50 पुन जो वात त्यो कयी, त्या ओको नी समझी।

51 तव वो ओको साथे गया, आरू नासरत मा आश, आरू ओको वंश मा रया; आरू ओकी माय यो सब वात आपसा मन राखी।

3 जव अंगुर क रस घट गयलो, ते ईशुन आया उका कयी, "हेरेन जु अंगुरन रस नी रोयु।" 4 ईशु ने ओको कयो "हे बाई, मखे तार जु काय काम? हिमी मार टेम नी आयु।" 5 ईशुन आया सेवकों काजे कयी, "जो काहय त्यो तुमूक कये, चो करजु।"

25 ओळतेन सिपायड़ा ओसात् करिया। पर ईशु न कुरूस न पास हेकी आश आरू हेकी आश न बहिनीस मरियम, क्लोपासन, घर वाळी आरू मरियम मगदलीनी ऊब रया हुती। 26 "ईशु आपसी माय आरू तिना चाकरीयो क जिना छे त्यो मोंग राखतो होतो पास मा ऊबो देखीन आपसी माय छे कयो, ओ बाई, देख, यो तारो पोर्‍या छे।"

27 "तव तिना चाकरीयो छे कयो, देख, यी तारी माय छे।" आरू तिने टेहाव छे त्यो चेलो, हेकेक आपसे घर ली गयो।

ईशु क माय आरू भाई

31 तव ईशु की माय आरू ओका भाई, आरू बाहरता उबा हता आरू ईशु क ओको बुलावने मुकल्या। 32 गर्दी ओकान आस–पास बठी हती, आरू त्यो तिनुक कयो, "देखु, तारी बहिनीस आरू माय आरू तारू भाई बाहरता तुखे हेरने छे।"

33 ईशु तिनुक कयो, "कि मारी माय आरू मारा भाई कुन छे?" 34 आरू ओको पर जा तिनान आस–पास बठ्ला हता, तिनुक देखीन ईशु कयो, "कि देखु, मारी माय आरू मारा भाई यो छे। 35 काहकि जो कुन यहोवा–भगवान क मरजी पर चाले, चे मारा भाई, आरू बहिनीस आरू माय छे।"

55 काय यो सुतार क पोर्‍यो नी हय? आरू काय एकी माय क नाव मरियम आरू ओको भाई क नाव याकूब, यूसुफ, शमौन आरू यहूदा नी हय? 56 आरू काय एकी सब बहिनीस हामरे बीच मा नी रहवे? पछु एको यो सब काँ सी मिलियो?"

14 त्या आखा मळीन थड़ाक बोहनस्या आरू ईशु न माय मरियम आरू उका भाईस क सात मा एक मन होईन विनता आरू प्रार्थना करता रया।