Maria

Jesuha Mmi law vaia Mawng

26 Acunüng, akhya khyuk üng Pamhnam naw khankhawngsä Kabriel Kalile khaw, Nazareta a tüih. 27 ✝Acuna nglami cun Davita pakhui üngka, Josep ngming nakia khyu vaia ami mkhyäpa kyaki. Nglamia ngming cun Marih naki. 28 Acunüng, khankhawngsä naw Mariha veia lut lü, "Pamhnama hlüei la jekyainak, dim’yenak am awma, Pamhnam na veia awm ve, nghnumi he avan üng na josen säih ve," a ti.

30 Acunüng, khankhawngsä naw, "Marih aw, ä kyüa; Pamhnam na veia dawki ni, 31 ✝m’yai lü, kpamica na ca khai, a ngming Jesuha na sui khai. 32 ✝Ani cun kyäpsawk law se, ak’hlüng säiha Capa ti khai he, Bawipa Pamhnam naw a pu Davita mäiha sangpuxanga pawh law khai. 33 Ani naw Jakopa mjü he angläta jah uk se, a khaw am düt khai ni," a ti.

Jesuh Khritawa hminak

18 ✝Jesuh Khritaw a hmi lawa mawng cun hikbaa kyaki. A nu Marih cun Josepa khyu vaia ami mkhyäp käna, atänga am ani awm ham üng, Marih cun Ngmüimkhya Ngcim naw a mpyaisak.

Mariha Mküimtonak Ng’äi

46 ✝Acunüng Marih naw,

"Ka mlungmthin naw Bawipa mküimto ve;

47 ka ngmüimkhya pi na küikyankia Pamhnama khana aktäa jekyai ve,

48 ✝a na m’yanua hnemnak hmu lü, na süm ve;

atuh üng tün lü, khyang avan naw a jo senki na ti na khai he.

49 Akyan säih naw ka khana akyäp säih na pawh pe ve,

A ngming pi, ngcimcaiki ni;

50 A m’yeneinak cun angsawn täh se

amät kyühki hea khana awmsaki.

51 "A ban am a kyannak mdang lü,

khyang awhcaki he cun ami ngaikyunak am akcea a jah ngtaisak.

52 ✝"Ami bawingawhnak üng ngawki hea bawi he a hnemnaka jah khya lü,

ami mlung hnemsaki he a jah mhlünmtai.

53 "Ami ei cawiki he, akdaw am jah kphü lü,

bawimangki he, ami kut xawnga a jah tüih.

54 "Mi pupa he, a jah na khyütamnakpüi kümkawisak lü,

a m’ya Isarel he jah kpüi khaia law ve.

55 ✝A jah m’yeneinak Abraham

la a ngsawn hea veia angläta süm ve" a ti.

4 Josep pi Davita khui üngka la ksawna akyaa phäha, Kalile khaw Nazaret üngka naw, Judah hne Davita mlüh Bethlehem ami tia, 5 a khyu vaia ami mkhyäp Marih a m’yai mah am ani ngming yu khai xawia citki xawi. 6 Bethlehema ani ve üng Marih cun a canak vaia mhmüp küm lawki. 7 Acunüng, a ca kcük kpamica a canak, jih am hlawp lü, khin ima am ani ngsut hnga phäha, sepata einak kawng üng a msän.

19 Cunsepi Marih naw, acuna ngthu avan cun ngai lü, a mlung k’uma a tak.

34 Acunüng Simeon naw ani cun josenak am kbe lü, a nu Mariha veia, "Ngaia, hina hnasen hin Isarel he üng khyang khawjaha pyehnak vai la küikyanak vaia Mhnam naw a xü ni. Acunüng khyang naw ami pyenei vaia msingnaka mcawna kyaki. 35 "Khyang khawjaha ami ngaihkyunak a ngdangnak vaia, kcim naw namäta mlung pi ning sun khai," a ti.

48 Acunüng, ani va hmuh üng, aktäa cäi ni lü, a nu naw, "Ka capa aw, ivai hinkba na awmki ni? Ngaia na pa la kei cäi ni lü, kani ning sui hüki hin," a ti.

49 Jesuh naw, "Ivai nani na sui hüki ni? Ka pa ima ka awm khai ti am nani ksingki aw?" ti lü a jah msang. 50 Cunsepi, a jah msangnaka suilam cun am ani ksing.

51 Acunüng, ani hlawnga law be lü, Nazareta law beki, acuia ani mtheh ngai lü awmki. Acunüng a nu naw, avan a mlung k’uma a tak.

3 Capyitui päih se Jesuha nu naw, "Capyitui päih ve," ti lü Jesuh üng a mtheh.

4 Jesuh naw, "I pawh vai ti cun, nanga na mtheh vai am hlü. Ka kcün am pha ham," a ti.

5 A nu naw mpyae üng, "A ning jah mtheh naküt pawh ua," a ti.

25 Jesuha kutlamktung peia, Jesuha nu ja Kalawphaa a khyu Marih ja Marih Makdalin ngdüikie. 26 Jesuh naw a nu ja a kphyanak axüisaw a peia ngdüi ni se jah hmu lü, a nu üng, "Na capa ta ani ni" a ti.

27 Axüisaw üng, "Ani ni na nu" a ti. Acunüng tün lü, acuna axüisaw naw Jesuha nu cun a ima a cehpüi.

Jesuh a Nu la a Bena he

31 Acunüng, Jesuha nu la a bena he pha lawki he. Kpunga ngdüi u lü khyang mat tüi u lü ami va khüsak. 32 Khyang he a peia ngawki he naw, "Tenga, na nu la na bena he kpunga ve u lü ning sui ve u," ami ti.

33 Jesuh naw jah msang lü, "U ni ka nu? Ue ni ka bena he?" a ti. 34 A peia ngawki he ngvei lü jah tengki naw, "Teng u! hin he hin ka nu la ka bena he ni! 35 U pi Mhnama a ngjakhlü tiki avan cun ka bena, ka cina la ka nua kyaki he ni," a ti.

55 Imksaa ca am ni mä? A nu pi Marih, a benae pi Jakuk, Josep, Sihmon ja Judah ami ti am nikie mä? 56 A cinae am pi ahia awmki he am ni mä? Hawia ka hin naw ahikba johit hin a jah yah hü ni? ami ti.

14 Amimi cun, Jesuha nu Marih ja akce nghnumie ni, Jesuha a nae am, atänga ngkhäm u lü ktaiyü läkie.