Maria

ኢስ እለመኖገ መላይኬቹ ጠወኡስ

26 ኤልሳቤጥ ላፈተ እኮ ሌህቅ አገናን መላይኬቹ ገሊለ ባዶን ሄዕዮ «ናዝሬተ» ዬኖ ከተማን ሄኣ መቴ ሀፍቶበ መገን አዲን ሶሀሞ። 27 እሴን ዳዉዴ ዘሬች እኮ «ዩሱፈ» ዬኖ መንቺሃ ኣሰንቶእተ እቅ፤ ሀፍቶስ ሱዕሙ «መርየመ» ዬኖተ እቅ።✝ 28 ሁኩ መላይኬቹንኩ እሴቤቹ አሜች «መገን ኣስቱት ዊሞሄት፤ ወገሬቱ ኬሳሃ እሁን፤ መገኑ ኪን ዮኡ፤ አት ሜንቲች ጉዕሚችን ማሰአንቶንትተ» ዬሴ።

30 ሁኩ መላይኬቹንኩ እሴንተ «ቴ መርየማ! መገን አያኑ ዮሄቤቺሃ ዋጅቶት። 31 ሁኩዕኑ! አት ላፈተ እካንት፤ ለባ ጩልንከ እልታንት፤ ሱዕመስ ‹ኢሰ› ይት ገእታንት።✝ 32 እስን ሎረ እሀኖ፤ ጉዕሚችን ሎረ መገን ቤቱ የመመኖ፤ ህትን ቀርቹ መገኑ አንስ ደዉዴ ሎረ ኬዕምኝ ቦርጭመተ ኣሰኖስ። 33 ያቁብ እለ አሌን ዘላለሚሃ ዎመ እሀኖ፤ ወሞማተስ ዳንጉ ዮስበአ» ዬሴ።✝

መሲህ ኢስ እለሞገ

18 መሲህ ኢስ እለንሹ ህትጎታን፤ አመስ መርየመ ዩሱፍሃ ኣሰንት ዮሃኔን ደቀንቱዕናን ጠሊለ አያን ወልቃን ላፈተ እካን መኑ ጉዕሙንኩ ደጎ።✝

መርየመ መገኑ ገለትጩሴ

46 መርየመ

«ፎልቹኤ መገኑ ገለትጭታአ፤✝

47 ህትን ቀልቡኤ ፌሳንቾ መገኖን ሙንደአኖ።

48 መሰንትስ መገኑ ሮስቾስ ህንቀሙ ለዕዮኡ፤

ህትን ከበሬች ኬሽ መኑ ጉዕሙንኩ ‹ማሰአንቶእተ› የኖኤ።✝

49 ህትን ወልቃሙ መገኑ ኤሳሃ አበ ጠወ አዕዮኤ።

ሱዕሙስን ጠሊለሃን።

50 ህትን እሱ ዋጅታ መኒሃ ጉዕሚንከ መገኑ

እላች እለ እለተ ኢለሬተ ማረኖሰ።

51 አንጋንተስን ጠረኘ ሆጉተ አዕዮኡ፤

ቦንታ መነንከ ቀልብሰ ሰውቲንን ብን አዕዮ።

52 ህትን ሎራኑተ ሹምነቱ ዮሰረ ኬዕምኝ ቦርጭማችሰ ድርሾኡ፤

ጠው እኮጎሬ ገዉሰ ሆፍሳእረ ኬዕምሾሰ።✝

53 ህትን ጎሩ አፎሰራ ጡመ ጠዊን ዱሴሰ፤

እኮጎሬ ቀባጣመተ ኦነ አንገንተ መርታገ አዕዮሰ።

54,55 ህትን መገኑ አናኖተኔ ጠወዕዮገን

እብራሂሚሃለከ ዘሬተስ

ዘላለሚሃ አጉሩስ ሰውይ

ሮስቹስ እስራኤለ ሀዕልዮኡ» ይቶኡ።✝

4,5 ዩሱፍን እለንሹስ ደዉዴ ምኒ ዘርተ እኮቤቺሃ እሲሃ ኣሴናንስ ላፈተ እኮ መርየማን ሜጡበ ገሊላን ሄዕዮ ናዝሬት ከተሚች ኬዕይ ይሁድ ባዶን ሄዕዮ «ቤተሌመ» ዬኖ ደዉዴ ከተመ ኦሮዕዮ። 6 ለሙንኩሰ ህከኔ ሄኦገን መርየመ እልታ ወክቱ ኢሌእ። 7 ህከንቤቾንን ሀንገፈ ጩል እልቶኡ፤ ኮሁ ገለኖ ምኔን ቤቹ ዮሰበእቤቺሃ ኦድኖን ጣጥ ጋድር ብሬን ለሉ ህጥተ እተኖ ገበት ኣዜን ኦሲሶስ።

19 ጠው እኮጎሬ መርየመ ህከ ጠወ ጉዕመንከ ቀልቤንከሴ አፍ ሰውይታኢት እቅ።

34,35 ስሞንን እሰንተ ማሰዕዮሰ፤ ህትን ጩልስ አመት መርየመ «ኩ ጩሉ አበ መን ቀልብ ሰውቱ ደገሞተ እስራኤል ኣዜን ሄዕዮ ልግብያ መኒሃ ኡቢሃለከ ኬኢሃ መገኑ ኤቦስ፤ ህከ መላተ ልግቡ መኑ ግቦስ፤ ኪ ቀልብ ሻዙት ሲፍገ ሙርታአ» ዬሴ።

48 ዩሱፍለከ መርየመ ለኦ ወክት አበ አጀብሲጭቶኡ፤ አመስን «ኢ ጩሌ! ሚሃት ህት አቶንትኔሁ? ህትን አኑኪ አን ጨነቀመን ሀንሳንኬት እቅ» ይቶስ።

49 እስን «ሚሃ ሃሴነዕኔ? አኒሀኤ ዮርቾን እሁ ሀስሰኖኤሀ እሁስ ደጌነንተበእንዶ?» ዬሰ። 50 እሰን ጠወዕዮሰ ጠወሃ አጥራመቶበአ።

51 ህከኒች ኤተሮን እሳኒን ሜጡበ ናዝሬተ አሜቾ፤ እሳንከ አዘዘመኖሰ እቅ፤ አመስ ህከ ጠወሃ ጉዕመንከ ቀልቤንከሴ አፋ እቅ።

3 ዎይን ጠጁንኩ ህከን ቦለች ምኔን ጎፎ ወክት ኢሲሃ አመስ «ዎይን ጠጁ ጎፎሰ» ይቶስ። 4 ኢስን «ኪን ም ዮኤ፤ ወክቱኤ እልዮበአ» ዬሴ።

5 ህከ ወክት አመስ ህከን ቤቾን ሄኦ ካዲማተ «እስ የኖህዕኔሃ ጉዕመንከ አዕዬ» ይቶኡ።

25 ህከ ወክት ኢስ መስቀል መዴን አመስ፥ አመስ አመ ቤቱቲ፥ ቀሎጴ መንቹት መርየመለከ መግደል ከተም መርየመ ኡርቶ እቅ።

26 ኢስ አመስለከ እስ ኢተኖሰ አሳበስ መዴንከስ ኡርታን ለዕዮ ወክት አመስ «ቴ መንቾ! ቤቱክ ሁኩዕኑን» ዬሴ።

27 ህትን አሳቤችሃስ «አመክ ትዕኒን» ዬስ፤ ህከን ወክቲች ኬሽ ሁኩ አሳቤቹ ኢስ አመተ ምንስ መሴእ።

ኢስ አመተለከ አመስ ኦሱተ

31 ኢስ አመትለከ አመስኦሱት አሜት አብሌን ኡርት እስበ መነ ሶክ ገእሲሶስ፤ 32 ኢስ መዴን ልግቡ መኑ አፉዕልዮ እቅ፤ እሰን «አመክለከ አመክ ኦሱት አብሌን ኡርት ኬሳሃ ሀሳሄት» ይት ኩልቶስ።

33 እስን «አመኤለከ አመኤ ኦሱት አዬኤታን?» ይ መስለ ፈንቀሼሰ። 34 ኢስን መዴስ አፉዕልቶሀኑ አደ ለአን «አመኤለከ አመኤ ኦሱት ከኑኡታን። 35 መገን ሰውት አአኖ አዪሁ እኮጎር ኤሳሃ አመዕያ ቤቱ፥ አመኤተ ቤቱለከ አመተኤ» ዬእ።

55 ኩን አናጤችየ ቤቱበእንዶ? አመስ ማይረመ ዬኖተበእንዶ? አመስ ኦሱንት ያቁባቲ፥ ዩሱፋቲ፥ ስሞኔትለከ ይሁዳበእንዶ? 56 ህትን ሜአኖ አመስ ኦሱንት ጉዕሙንኩ ከኔ ኒን ሄኣእበእንዶ? ህካን እኮጎሬ ኩ መንቹ ከ ጠወ ጉዕመንከ ሀከን አዲች ደኤእ?» ይቶኡ።

14 ሁኩ ጉዕሙንኩ ኢስ አማን መርየማን፥ ለቤ አመስ ኦሶንለከ ዎሎ ሜንቲን ሜጡበ መቶሃ ቀልቢን ኡርሱዕናን ዱአ አታኢት እቅ።