Maria

Tǝ Thlǝnda Faara kalɗǝ mii nggǝtta Yeeso

26 Nana Alisaɓatu tǝ ndǝre mikki, thlǝngga Faara tǝ thlǝndǝghǝn Djibirilla ahu tala ɗǝ a Nggalili, nanda aarha Nadzarat. 27 A ɗǝgha thlǝmad wutararha ɗǝ na thlǝmnggǝn Mairamu, ngwanna niifa na nda aarha Yisufu, turya Ndauda. 28 Ɗǝgha tǝ thlǝndǝɗi thlǝmadghǝn ɗǝ ndanggǝn, "Niya ndo ˈya, sa na tǝ parka teena! Chinǝm nǝghǝn tǝ sa ha."

30 Amma ndangga tǝ thlǝnɗǝɗi, "A tǝrǝmna wa, Mairamu, walna nggayirha a mbed Faara.

31 Na a ɗǝfrha hur,

nggǝt wee hǝshin na,

ɗǝfang thlǝma na Yeeso. **

32 Nǝn a tsaurha manda niifa,

nanda aaghǝn,

Wan Faara na tǝ sǝsǝmnda ha heu.

Na Chinǝm Faara a fǝrang tsǝnnggam kutǝryid chichidghǝn Ndauda.

33 Nǝn tsau kutǝryirha aten nafiya Isǝreela pa kwanɗǝ,

kutǝryidghǝn mbǝ mii ngwaladghǝn sǝ wa." 1:33 2 Samaila 7:12; 13; 16; Ishaya:haya 9:7 1:33, Ndaniyel 2:44; 7:27; Mika 4:7.

Nggǝtta Yeeso

18 Kulo kwaman nggǝtta Yeeso Ƙǝrǝsti ya. A sayidɗi ngwanna Yisufu Mairamu man Yeeso, amma kanda kula kakhrha, ƙǝlagha Mairamu hai, nǝghǝn ahur yi Sǝsǝna tǝ Peɗǝnda.

Amshi Mairamu

46 Ndagha Mairamu,

"Hurna nǝghǝn a fal Faara

47 yiɓǝnna nǝghǝn a ǝna wutsǝfayirha a Faara tǝ Hǝrǝkrǝna,

48 ƙǝsǝr ɗalɗǝ nggi in,

mafadghǝn mbuwa a mii ˈya.

Nanǝnya fiya na heu yi weeriya tǝ na ɓayi nanda ndaarha tǝ parkani nggi,

49 ƙǝsǝr ka ǝngya na mǝmanggǝn ǝneena Faara Amshi,

thlǝmnggǝnni tǝ Peɗǝnda.

50 Na fiya haɗang fa na a tǝrǝmnggǝn,

Ka chichiiya na ƙǝtǝm.

51 Ənaɗǝ ǝngya na mǝmanggǝn tǝ harghǝn;

welengɗǝ fingya ɗǝ na a manang alten ndan hu numan ndan.

52 Tǝrangɗǝ kutǝrya hai hu tsǝnggam nggindan,

amma mananggǝn fingya mbuwa a mii ˈya."

53 "Nggalang ɗǝ fingya na a mirha tǝ ǝngya na nggǝngga,

amma rǝghanggǝn fa ƙǝnaya ɗǝ kula ˈya a harndan.

54 Ɗangɗǝ mafadghǝn sǝ Isǝreela,

tǝ ɗal teena hai haɗang nda

55 Ibrahim fa tǝ chichiyighǝn pa kwanɗǝ

ƙǝla ndang nǝn chingginǝm na kaar."

4 Yisufu ndǝghǝnggima malɗǝ tal Nadzarat na hur Nggalili ɗǝgha hu tal Mbaitalami ɗǝ na hur Yahudiya, tala nggǝnda kutǝra Ndauda sǝ. Yisufu ɗǝɗǝ mbǝɗaɗǝ, ƙǝsǝr nggǝɗit Ndauda ni. 5 Wiighǝn tǝ Mairamu ngwannǝn ka a thlǝɗangganda kanda kyab, ahu sayidɗi ndǝghǝn ahur. 6 Na nanda a Mbaitalami ɗi lǝghǝdgha ɓen nggǝttǝghǝn. 7 Nggǝt wan ˈwadghǝn nǝn hǝshin, lǝlǝɓanggǝn tǝ pam ƙǝnɗǝghǝn, hunanggǝn ahu nggam maɓiya hai, ƙǝsǝr walwanda ƙǝnna a min rongya wa.

19 Mairamu ƙǝsɗǝ ǝnggina haya ahurghǝn, nagha a numarha atenggǝn.

34 Simiyon ɗǝfanɗǝ parka kanda teena, ndanggǝn Mairamu man wanɗi "Wur Faara wanɗiya ƙǝsǝr a tsaukwa fǝlla fingya hai, tǝ thlid fingya sǝ hangga ahur Isǝreela, nǝn tsaurha ǝnsakrha a thlǝma Faara mbuwa na mid fiya sǝ hangga. 35 Nanǝnke, ǝn ǝnandan na ahu tendan nǝn kyarha pǝpal ɓa. Ənɗiya nǝn hatta fa kaan, ƙǝla kuthla thlaukh ƙǝlara."

48 Chin tǝ man wulang teena kanda na nandan a mbǝɗi. Ndangga man, "Waana mani ǝnangna kan kee? Nggi tǝ tsu tsǝ fannan chichakh kaan, nawanan sa."

49 Nggǝmanggǝn kanda tǝ ndaarha, "Kama nun kaɗa nggi? Sunggunsǝ kamɗǝ a tsawi a wuri ki Pǝpa wa?" 50 Sǝngwanda numadghǝn tǝ pathɗiya wa.

51 Thliigha mbu saman ndan nǝn, wuɗa nda Nadzarat ɗǝ heu. Nǝn naarha a na fa nggǝtyighǝn hai, man ƙǝm, ƙǝs ǝngginanǝn haya ahurghǝn.

3 Ngwalana aam inabi ɗa hai, ndangga man Yeeso, "Mba nda tǝ aam inabi ɓal wa." 4 Nggǝrangga Yeeso sǝ, "Nuɗiya ma njiɗangga ƙǝm? Sayid na ɓa wa ɓa ˈwan wa." 5 Amma ndangga man Yeeso nafini na a ndǝk ǝnnarhami, "Kala ˈya thlǝghang nǝn kun ǝnama."

25 Nafiya ishgha tsau tǝ kaɗidɗa fa nda man Yeeso, tǝ wanman, Mairamu nu Kilobas, tǝ Mairamu magdaliya. 26 Nana Yeeso man tǝ tǝtsahadɗi keeghǝn nggǝm nǝn ƙǝt tsau tǝghǝn fa, ndanggǝn man, "Kulo wanwa ya." 27 Tǝrgha ndanggǝn tetsahadɗi, "Kulo muwa ya." Ka farɗi ɗǝgha tǝtsahadɗi tǝ man Yeeso wuri keeghǝn ɗǝ.

Man Yeeso tǝ Wanmanggighǝn

31 Tǝrgha ɓagha man Yeeso ɓa tǝ wanmanggighǝn. Isha nda a ƙǝshi thlǝn farha nda ɗa nda aaghǝn ɓa. 32 Fiya wumngga hai muwang nda maɗufu hai, ndang ngganda, "Muwa tǝ wanmanggiwa kanda a ƙǝshi kanda a kaɗa sa."

33 Tsakhmee nǝn, "Nda wunni iiya tǝ wanmanggina?"

34 Tǝrgha ƙǝlanggǝn fiya muwangga maɗufu hai ndǝghǝn, "Kulo nda iiya ya tǝ wanmanggina! 35 Kala niifa ǝnagha taara tǝ ˈya na mid Faara tsauɗǝ wan pa tǝ wan nya tǝ iiya."

55 Tǝrgha na nda a ndaarha, "Mbǝ wan kafinta ɗani ya, sǝnɗǝm Mairamu man, tǝ wanmanggighǝn nda Yakubu tǝ Yisufu, tǝ Siman tǝ Yahuda? 56 Kulo wanmanggighǝn nishya ya ahur nǝm. Tsahaghǝn ǝnggini a yanggi ya?"

14 Wuma nda hai heu na nda naarha hwan Faara, tǝ fingya nishya hangga, heu tǝ Mairamu man Yeeso, tǝ wan mangya Yeeso hǝshya.