Maria

Ntshol esashaang’l mibotsh’dj mi Yish

26 A ngwôn ishaam’l i dieem di Elisabet, Ntshièm katomaan ntshol Gabliel a bol bumotsh bu Ngaleel akat Nazaleet. 27 ✝Abol ilieeng’i ngaat i mbè kayitshik ayeeph nuung imbaak yeek’l ibol Yosef, ntshwakaan abol Davidj. Diin di ilieeng a ngaat i mbè kayitshik ayeeph nuung akun ambaak Maliy. 28 Ntshol kiying’laan a bol Maliy, kanwoosaan ane: "Maliy wanum, nkit’l mwaliaa! Mweeng mu Ntshièm mwaaliaa; Kum ediaa!"

30 Ek ntshol kanwoosaan ane: "Maliy kutshiin’k mbi, ikaam mweeng mu Ntshièm mudiaa." 31 ✝Ween ukaal i dieem, ukabot mwân a nuung, Umwekamweek diin di Yish. 32 ✝El’kaal mwoot anen. Bambokambok mbel ane: "Mwân abol Kum a dik, Kum Ntshièm amwekamweek bunyim bu ishanaan Davidj, 33 el’kaal kum a yoyoo a ben’a Isaleel, bukum bwaan kabulaal i mom mbi."

Lieem lasem’l la Maliy

46 ✝Maliy katwootaan ane:

"Ntem mweem musasem’l Kum;

47 ntem mweem mudi nshaas a Ntshièm, mwoot amaphaans,

48 ✝ikaam i mbè amuk alieen i mun a ngunaan i nkit’l.

Ntshiin mbè, atetsh to lwool mabotsh makim mambokambok mbel ane udi iteem isek,

49 ikaam i mbè Ntshièm a bunoon’l bukim ankes mwooy manen.

Diin diaan di di ikin;

50 mweeng mwaan mul’kaal a mabotsh ma bât

bakim besatshiin bukum bwaan.

51 Amaakel mwooy manen i lo laan la bunoon’l;

amatshaak’dj bât bambaak adiwoot i keny ibey imbaak a mitem mibaan.

52 ✝Amakum’s bakun bambaak a buum,

ek amabaans bât bambaak i nkit’l.

53 Bât bambaak’i ntshal, amabadiees biket bisek;

ek ben budiy amabakas mio bwaang.

54 Amayaas mwootaan Isaleel,

kamotsh amayiph’l mweeng mwaan bos a bât besankes ngun,

55 ✝mbok ambaakaan akel ilak i imuk abol mamiit, Abalapham

i bân baan yoyoo!"

4 Ngwoon, Yosef iyaan, amatow a bol bu Nazalet, a nuung mu Ngaleel, kieenaan a Yudey, a Betelephem, a imbet ibotsh’dj baan kum Davidj; ngwoon, iyaan ambaak mun ilwootshaan. 5 Yosef kieenaan i yeek’liaan Maliy, ikaam adiphuuns miin, Maliy, ambaak i dieem, 6 ambaak baan a Betelephem, matu ma ibotsh kayeem’l maan. 7 Kabotaan mwânaan bukoos a nuung, kankophaan bishaan, amambey a idieel i nyam, ikaam i mbè a mbûl a bientshambaang kayimbaak imbet mbi.

19 Ek Maliy ambaak asuk mwooy maku makim a ntemwaan kamotsh ambaak ambok lakeny labwiik a ntem.

34 A mbis akun Shimeoon amabashaak’s, kalwoosaan Maliy inaan abol Yish ane: "Mwân aku abwekabwees kamotsh ankat’l bât babwiik a Isaleel. El’kaal ying’t i Ntshièm ilaswoot miaang aphiing a bât 35 kamotsh atshikatshik a baph’l bwaany bwaswaam a mitem mi bât babwiik. Ek ween Maliy, susudj yil’kakweet a ntem muna mbaam mu ituum."

48 Babotsh baan amabaan amon, bamakam’l; inanaan amamuul ane: "Mwânieem, umatakel ngo iyey? Ishô i miim taswoot i yiintsh ibwiik."

49 Amabawuul ane: "Bumbanswoos key? Kabusayeeph mbè ane, ndel’kaal a mbûl a Tatieeme?" 50 Ek kabawok mbok ambaakaan abalwoos mbi.

51 Yish kakalaan i baan a Nazalet. Ambaak amabawom’k. Ek inanaan amaasuk mwooy maku makim a ntem mwaan.