Maria
Maria, mãe de Jesus, é honrada nas Escrituras como a mulher escolhida por Deus para trazer ao mundo o Salvador. Sua fé, humildade e obediência são exemplo para todos os cristãos.
A escolhida de Deus
O anjo Gabriel anunciou a Maria que ela seria mãe do Filho do Altíssimo. Ela respondeu com fé: 'Faça-se em mim segundo a tua palavra.'
Di madagoaa Elizabeth ne hai dama nia malama e ono, gei God ga hagau mai tangada di langi Gabriel gi tama waahale Nazareth i Galilee, gi baahi tama ahina madammaa, dono ingoo go Mary, dela gu hagababa ang gi Joseph, tangada di madawaawa David. Tangada di langi gaa hana gi baahi o mee, ga helekai, "Mary, di aumaalia gi madalia goe! Dimaadua e noho i do baahi gei e haga maluagina goe!"
Tangada di langi ga helekai, "Mary, hudee madagu, idimaa, tumaalia o God guu honu i do baahi. Goe ga hai dama, ga haanau tama daane, gei goe wanga ina dono ingoo go Jesus. Mee ga aamua, ga haga ingoo bolo Tama ni di God Aamua Huoloo. Dimaadua go God ga haga menege aga a Mee gii hai di king be dono damana go David. Mee gaa hai di king ni di hagadili o Jacob, gaa hana hua beelaa, gei dono henua king la hagalee haga odi!"
Deenei di hai o di haanau o Jesus Christ. Dono dinana go Mary ne hagababa ang gi Joseph, gei meemaa digi haga hai lodo. Mary gu iloo bolo ia gu hai dama i di Hagataalunga Dabu.
O Magnificat
Maria cantou: 'Minha alma engrandece ao Senhor!' Seu cântico exalta a misericórdia, o poder e a fidelidade de Deus.
Mary ga helekai,
"Dogu manawa e hagaamu Dimaadua.
Dogu mouli e tenetene gi God,
dogu Dangada Hagamouli,
i Mee dela ne langahia dana hege dulii loo deenei!
Dolomeenei gaa huli gi muli,
nia daangada huogodoo ga haga hagaamu au,
mai i nia hagadilinga mee haga goboina
ala ne hai go God Aamua mai gi di au.
Dono ingoo koia e dabuaahia.
Mee e haga modongoohia dono dumaalia
ang gi digau ala e hagalaamua Ia,
di adu dangada nei mo di adu dangada nei.
Mee ne holo dono lima mogobuna gi daha,
ga hagahuaidu nia hiihai digau huogodoo
ala e hagamuamua.
Mee ne daa nia king ala e hagamuamua
gi daha mo nadau lohongo,
ga haga mmaanege aga digau lligi.
Mee ne haga maaluu digau ala e hiigai
gi nia meegai humalia,
ga hagau gi daha digau maluagina
gii hula nadau mee e kae ai.
Mee e dadaahi dana hagababa
ang gi tadau maadua mmaadua,
ne hanimoi belee hagamaamaa dana hege go Israel.
Mee e langahia dono dumaalia
ne hai ang gi Abraham mo ono hagadili huogodoo
gaa hana hua beelaa."
Joseph, tangada di hagadili o David, gu hagatanga i di waahale Nazareth i Galilee, gaa hana gi Bethlehem, di waahale o David i lodo Judea, bolo gii dau ia e hihi ngaadahi mo Mary dela belee lodo gineia. Mary gu hai dama i di madagoaa deelaa. Di madagoaa meemaa e noho i Bethlehem, gei Mary guu dae gi dono madagoaa e haanau ai, gei mee ga haanau dana dama daane madua, gaa hii a Mee gi di gahu hii dama, gaa dugu gi lodo di mee haangai manu, idimaa, di hale noho dangada la gu deeoo.
Mary ga langahia nia mee huogodoo, ga mamaanadu hua i ono lodo.
Simeon ga haga maluagina meemaa, ga helekai gi Mary, go tinana o Tama, "Tama deenei ne hilihili go God belee hagahuaidu gei e haga mouli digau dogologo o Israel. Mee gaa hai di haga modongoohia mai baahi o God dela ga helekai hai baahi ginai digau dogologo, ga haga modongoohia aga nadau maanadu hagammuni. Di manawa gee le e hai gadoo be tulumanu dauwa ma ga daalo do hadu manawa."
Nia maadua o Maa gu goboina di nau gidee a Mee, gei tinana o Maa ga helekai, "Dagu dama daane, ma di aha ne hai Kooe? Gimaua gu uli mau gai i di mau halahala Goe!"
Jesus ga helekai, "Goolua e halahala Au eiaha? Goolua e de iloo bolo Au belee hai loo gii noho i lodo di hale o dogu Damana?" Meemaa digi modongoohia nnelekai a Maa.
Jesus gaa hana i muli meemaa gi Nazareth, di gowaa nogo hagalongo iei Mee gi meemaa. Tinana o Maa e daahi hagahumalia nia mee huogodoo aanei i ono lodo.
Mãe fiel até o fim
Maria acompanhou Jesus desde o nascimento até a cruz. Ela estava entre os discípulos no Pentecostes, fiel em oração.
I muli nia waini ne odi, gei tinana o Jesus ga helekai gi Mee, "Nia waini digaula la guu odi."
Jesus ga helekai, "Dogu dinana, hudee hagia mai dagu mee belee hai. Dogu madagoaa la digi dau mai."
Tinana o Jesus ga helekai gi digau hai hegau, "Heia nia mee a Mee ala bolo gi heia."
Nia daangada ala e tuu hoohoo gi di loobuu o Jesus, la go tinana o Maa, tuaahina ahina tinana o Maa, mo Mary di lodo o Clopas, mo Mary mai Magdala. Jesus gu gidee Ia dono dinana mo dana dama agoago dela e baa ai e tuu i golo, ga helekai gi dono dinana, "Mee go dau dama daane."
Nomuli, gei Mee ga helekai gi dana dama agoago, "Deenaa do dinana." Di madagoaa deelaa, gei tama agoago deelaa gaa lahi tinana o Jesus gi dono hale belee noho i dono baahi.
Nia duaahina daane o Jesus mo tinana o maa ne dau mai. Digaula e tuu i malaelae di hale, ga hagau di nadau hagailoo, belee gahi mai a Mee. Digau dogologo i baahi o Jesus, ga helekai gi Mee, "Mmada, do dinana, o duaahina daane, o duaahina ahina i malaelae, e hiihai e heetugi adu."
Gei Jesus ga helekai gi digaula, "Dogu dinana la koai? Ogu duaahina la koai?" Mee ga mmada adu hua gi digau ala e noho i dono baahi, ga helekai, "Mmada! Aanei ogu dinana mo ogu duaahina! Be ko ai hua dela e hai nia mee a God bolo gi heia, deelaa go dogu duaahina daane, dogu duaahina ahina, mo dogu dinana."
Mee hagalee go tama a taane hau hale? Tinana o Maa hagalee go Mary, ono duaahina go James, Joseph, Simon mo Judas? Gei ono duaahina ahina la hagalee aanei i tadau baahi? Malaa, nia mee a Maa ne gaamai i hee?"
Nia madagoaa e logo, digaula huogodoo e buni e hai dalodalo, ginaadou mo nia ahina, mo Mary tinana o Jesus, mo nia duaahina daane o Jesus.