Maria

Yesuusa yelinttay tiinatii odintteeza

26 Elssabeexa wodexin usuppuntho aginar, Xoossii kiitanichcha Gabreelena Galila biitta yez Naazirete katama kiiteeza. 27 Ezii wuddiritiko Dawute sheeshapp maaqqeez Yooseefa giz athayis ushintteez Mayiramiko kiittintteeza.✝ 28 Kiitanchchay iziko yhanigii, «Aadho keehatithar kumeezannee, saro nees maaqqo, Xooss neer yeza» yeeggeeza.

30 Kiitanchchay mahii, «Mayirame, yashittippe; ne Xooss tiina Saaba dengeeza. 31 Yikkee ne woddexxoda dhiirath na7a yeloda, e sunthakka Yesuusa gi sunthoda.✝ 32 E gita maaqqoda, Ubbaypp Aadho Xooss na7a ginttinttii xeeginttoda. Xoossay E aday Dawute zufaana ees inggoda.✝ 33 E Yayqqooba sheeshal afa medhinas kawutoda; e kaatetithayis zawa baaya» yeegeeza.

Yesuus Kiristtoosa yeletithi

18 Yesuus Kiristtoosa yelintto taarikay yhaypp kaalliza. E indat Mayrama Yooseefas oyccinttii yezar Yooseefar wolla aqekkazar geeshsha Ayyanapp woddexeeza.✝

Mayramii Galata mazmuure

46 Mayirama yhayigarkk yeegeeza:

«Ta shemppata Goda bonchcheeza,✝

47 ta Ayyanay ta dhale Xoossal ufayttiza.

48 E fa ayllatii kawushshatitha be7eeza.

Yhayinope aykkii yeletithi ubbay tana anjjitteezano goda.✝

49 Wolqqama maaqqeez E, taas dammabaz ootheeza.

E sunthaykka Geeshsha.

50 Eza bonchchizitayil afa,

e maarotithay medhinapp medhina hellodayis yeziza.

51 Fa miinth qesayir fa wolqqa beezeeza,

fa wozinar utirttizita laaleeza.

52 Wolqqanthiza kaatita u zufaanaypp wodhiseeza;

fana toochcheezita dhoqqi udeeza.✝

53 Nayintteezita lo77o bazar mishsheeza,

durita kallo kushe dakkeeza.

54 Fa maarotitha qoppii,

Fa aylla Isreele maaddeeza.

55 Yeykka nu aditayis odeez qaala,

Afraamesinnee e sheeshayis geezana medhinas polodayisii»✝

yeegeeza.

4 Yooseefakka Dawute karappennee kochchapp maaqqeez gishos Galila Naazirete katamapp denddii Dawute katama ginttiz Beeteleme yhanigeeza. 5 E oyccii gaddeez wolqqa iita, Mayramir wolla xaafinttodayis Yhanigeeza. 6 Unttikka ezayid yezin iis yelo wode helleeza. 7 Fa bayra na7a yeleeza. Qanxxora xaaxii imathii aqiz aqo aqo dhabeez gishos mehe galla muziz goonna gancce woyitheeza.

19 Mayirama haneezibaza ubba fa wozinar qoppitar yeza.

34 Simoona unttan anjjeeza. Indat Mayiramiko, «Isreele yez gaamitayis u pokkithayisinnee denddayis Xoossapp doorintteeza. Ma ixxizitayis malla maaqqada 35 Ne shemppayirakka azanno mashsha aadhoda» Yikkee gaame asay wozina geemmeez qofay benttoday garkk yeya geeza.

48 Kara asay eza dengeez wode yhay malabaz geeza. E indatakka, «Ta na7ayyo, abis nuna yhay garkk ootheenee? Ne adayirannee taar nena koyttar daabureeza» yeegeeza.

49 Yesuusa unttiko, «Tana abis koyee? Ta, ta aday keetha yezodayis beezizana yi eroosa» yeegeeza. 50 Zin E unttiko geezana unttii akaakekkaya.

51 Yeyppe guye, unttar wolla Naazirete katama yhanigeeza. Unttis kiitinttittar yezeeza. E indat ye ubbita fa wozina gaddii naageeza.

3 Woyne ushshii wurin, Yesuusa indat Yesuusako, «Unttis woyne ushshii wureeza» yeegeeza.

4 Yesuusa mahii, «Ta indatee, ne yhaydda gelippe? Ta woday haga hellekkaya» yeegeeza.

5 Yesuusa indat ooso asitayiko, «E yinttis odeezibaz ababaz maaqqikokka oothoytta» yeegeeza.

25 Zin Yesuusa mazqale kale e indat, e indat mishshiti, Qeliyoophe machchat Mayiramira Magdeela Mayrama eqqeeza. 26 Yesuusa fa indatinnee E qaadhiza tamaaray ezayid eqqeezita bi7ii, fa indatiko, «Ta indatee, ne na7a yhaya bo7oba» yeegeeza.

27 Yeypp guye, ye tamaarayiko, «Ne inidat yhanno bo7oba» yeegeeza. Ye tamaaray izo ye wodepp aykkii fa kara kanggeeza.

Yesuusa indatirannee e ishita

31 E indatinnee E ishitay yi7ii bale eqqii, eza xeegiseeza. 32 E lanqqe betteez gaame asitay, «Ne indatirannee ne ishitayir bale eqqii nena koyiza» yeegeeza.

33 Yesuusa mahii, «Ta indat oonoo? Ma ta ishitay aayita?» yeegeeza. 34 Fa kale betteez asa yuuyii bi7ii, «Ta indatinnee ta ishitay yhayttita. 35 Xooss azazo oothiz ubbitay ta ishe, ta misho ta aayo» yeegeeza.

55 Yhayi anaaxay na7a baasannee? E indatii sunthay Mayiramo baasanee? E ishitay Yayqqooba, Yooseefa, Simoonarannee Yihuda baasannee? 56 E mishunthikka nuur yezunthuna baasanee? Yeezin, yha athay yha ubba anapp ekkeenee?» yeegeeza.

14 Yhayttitay ubbay maachchitayr, Yesuusa indat Maaramirannee Yesuusa ishitayira ubbay pettii wozinar maaqqii ubba wode miinggii woossiza.