Maria

Kubhelekwa kwa Yesu kungulondolwa

26 Mwehi ghwa sita mbole ya kuyima ndumbo Elisabeti, lihoka lya Chapanga lihina lyake Gabilieli likilaghilwa na Chapanga kaghende ku kitami kya Nasaleti mu nnima ghwa Galilaya 27 kwa nhinja kamwali yumu ywakaluhitwe na mundu yumo lihina lyake Yosefu ghwa lukolo lwa Daudi. Lihina lya ayo nhinja likibhegha Malia. 28 Na yula lihoka ghwa ghwa Chapanga kakinhikila Malia na kakinng’ombela, "Mwika ghwenga ghunonelitwe na Bambo kabhegha papamu na ghwenga!"

30 Ndo lihoka lya Chapanga likinnyanga, "Malia ghukotoke kuyoghopa, Kiyaha Chapanga kakupegha ghumaha ghwake. 31 Nnole, ghwayima ndumbo, na ghutalela mwana nnume na ghwankema lihina lyake Yesu. 32 Mwene katabhegha ywa kuhyubhalilwa na bhaankema Mwana ghwa Chapanga ywakabhegha unani mwa hyoha, Bambo Chapanga katantenda kabhe Mutwa kwa kummbegha kiteho kya ghubhutwa kya tate ghwake Daudi. 33 Katakitabhala kibheleko kya Yakobu mumanjubha ghoha na Ghubhutwa ghwake ghwabhegha ghwa nga kupela."

Kubhelekwa kwa Yesu Kilisito

18 Kubhelekwa kwa Yesu Kilisito kukibhegha naha, Malia mama ywake Yesu pakaluhitwe na Yosefu, peni kukali na kughonja papamu, Malia kakibhonekana kabhegha na ndumbo kwa makakala gha Nhuki ywa Chapanga.

Nhambo ghwa kutika ghwa Malia

46 Malia kakilongela,

"Mwoyo ghwangu ghunguntika Bambo,

47 Na nhuki ghwangu ghubhegha na chekwa kwa Chapanga ywakannopolite nenga,

48 Kiyaha kangulungwa nenga nbhandwa ghwake nndokwa,

Hinu kutandila hinu bhandu bhoha bhanngema yunakunonelwa

49 Kiyaha Chapanga yunamakakala kanndendela mihalu mikulu,

Lihina libhaghulitwe kwakya Chapanga ndo lihina lyanga kulihwana na mahina ghangi.

50 Lipyanda lyako ghunguatendela bha aghutundamila,

Kuhuma ubheleko mbaka ubheleko.

51 Kiyaha katenda mihalo ya mihabho kwa kibhoko kyake,

Kabhapwilinganiha bhanaluhimba mumahala gha myoyo yabhe.

52 Kabhahuluha atabhala muhiteho hya ghubhutwa ghwabhe,

peni kabhayinula bhala adokwa.

53 Kabhayukutiha bhaabheghite na njala kilibhi kya maha,

na bhana utopelo kaabhuha kyanga kilibhi kwa mabhoko gha yaghi.

54 Kantangatila nndumitumi ghwake Isilaeli,

pakikulungwa kuapegha lipyanda lyake,

55 kakulungwa kuabhoneha lipyanda kwa Ibulahimu na ubheleko ghwake

ghoha mbaka manjubha ghoha."

4 Naywo Yosefu bhubho kakiyanda mwanja kuhuma ku kitami kya Nasaleti yiibheghite mu nnima ghwa Galilaya, kiyaha kakibhegha ghwa ubheleko ghwa Daudi, kakighenda kumbwani Betelehemu ku nnima ghwa Yudea, pakabhelekite mutwa Daudi 5 Kakighenda akwo kubhalangwa papamu na Malia nndala ywakanluhite, naywo Malia kakibha na ndumbo, 6 pa bhabheghite ku Betelehemu, linjubha lya Malia lya kupapa likihika. 7 Kakilela mwana nnume ghwa ulongohi na kakinhwika mapinda gha kilembwe, na kaking’onjeka mwana mulikungwa lya kualyegheha senga kiyaha yikibha ng’obhe ng’ebu kukitutubhi kya ahenja.

19 peni Malia kakiyibhika malagho agho ghoha mumwoyo ghwake na kughahwachila muno.

34 Ndo Simoni kakianonela na kakinng’ombela Malia maghwake yula mwana, "Mwana ayu katabhegha nhokolo ghwa kuahobheha bhandu, na kuahyuha bhandu atangalo Muakaaisilaeli, mwene katabhegha naho yakulemwa na bhandu atangalo. 35 Habhu mahwacho gha bhandu atangalo ghabhegha pa kindandabhanji, na kwa ghwenga lihingila handa kikechelo lyakuhoma mu mwoyo ghwako."

48 Yosefu na Malia paammonite Yesu bhakikangacha muno, maghwake kakinkonya, "Mwana ghwangu, bhuli ghungututenda naha? Nnole nenga na tate ghwako tungukupalaha kwa bhwaghalili ngulu."

49 Yesu kakiayanga, "Yibhegha bhuli mungumbalaha? Mukimanya ng’obhe kukita yingungwiliha kutama Mukitutubhi kya tate ghwangu?" 50 Peni bhene bhakimanya ng’obhe fwambulo ya lila lilagho lyakaaghombilite.

51 Ndo kakighenda papamu na bhene mbaka Kunasaleti, naywo Yesu kakiayitikila kwa mihalo hyoha. Maghwake kakighendelela kukulungwa mumwoyo malagho agha ghoha.

3 Difwai payipelite mama ywake Yesu kakinng’ombela Yesu, "Bhapelelwa difwai."

4 Yesu kakinnyanga, "Mama megha na niki na ghwenga? Lisaa lyangu likali kuhika."

5 Mama ywake Yesu kakiaghombela bhala andumitumi, "Lyoheli lyakapala kubhaghombela mukitende."

25 Ugheghela na lupingika lwa Yesu bhakiyima Malia mama ywake Yesu, na nnung’una ywa mama ywa Yesu na Malia nhumbu ywa Kilopa na Malia ywa kuhuma ku Magidala. 26 Yesu pakammonite mama ywake na nhundwa ywake ywakanpalite muno bhayima pala, kakinng’ombela mama ywake, "Nhumbu, ayu apa ndo mwana ghwako."

27 Mbole kakinng’ombela yula nhundwa ywake, "Ghulole, ayu ndo mama ywako." Kutandila lisaa lila yula nhundwa kakintola mama ywake Yesu na kutama naywo ukaya kwake.

Ma na alongo bhake Yesu.

31 Ma ghwake Yesu na alongo bhake bhakihika papamu na bhakiyima panji, bhakinlaghila mundu kankeme. 32 Lumati lwa bhandu lukibha palukintindila. Ndo, bhandu bhakinng’ombela, "Ma ghwako na alongo bhako bhabhegha panji, bhangukukema."

33 Yesu kakiayanga, "Ma ghwangu na alongo bhangu ndo a ghani?" 34 Apa kakialolekeha bhala bhandu bhaantindilite, na kakighomba, "Abha ndo ma ghwangu na ndo alongo bhangu. 35 Mundu ywohele ywakatenda ghakaghapala Chapanga, aywo ndo nlongo ghwangu na nhacha ghwangu na ndo ma ghwangu."

55 Bhuli, ayu chepa yula mwana ywa ntendehi ywa uselemala? Bhuli, mama ywake chepa kangukemwa Malia? Na alongo bhake chepa Yakobu na Yosefu na Simoni na Yuda? 56 Na ahacha bhake chepa abha bhangutama papamu na twenga? Basi kaghamokola kwoki agha ghoha?"

14 Abho bhoha bhakighendelela kukwemukana papamu kuyupa. Papamu nabho bhakibhegha amoo bha adala, na Maliamu ma ghwake Yesu na alongo bhake Yesu.