Maria

Yari gǝri kǝ Yesu

26 Gip kyar kǝ mukka na zami tu kǝ Alisabatuwo, Yam kar mǝn kartǝn gǝs Jibra’ilu su gip bǝn Nazarat kan ra gip atl kǝ Galili gwa, 27 kar nye gǝr kan mom moni wi da’a, muntu Isubu gǝs gal kǝ Dauda ri o da ti gwa, tǝ pǝn gip mbatl gǝs tǝ gudlǝmi nan ti gwa, sun kǝ nye gǝri’e Maryamu. 28 Mǝn kartǝn kǝ Yami ri kar ti tǝ wul ti’e, <<Dǝ shirmi ika! Babom Yam ba kum tǝmi gi, Babom Yam ra nan ki.>>

30 Ama mǝn kartǝn kǝ Yami wul ti’e, <<Ba dǝ bǝrti ci’i da’a Maryamu, kǝ zam cirtǝn cina dǝ Yam wi. 31 Ki zam tu’e, ki gǝr nya, ki ne ti sun’e Yesu. 32 Ti dǝm bar mbarǝme, ba wul ti’e nya bar gun kǝ to yamka, Babom Yam ba bi ti dandi kǝ bas Dauda. 33 Ti pi mulki gam bom kǝ Yakubu bat na patǝni, mulki gǝs ba pa da’a!>>

Gǝri kǝ Yesu Almasihu.

18 Nankǝn ni gǝri kǝ Yesu Almasihu ra. Wokoci tu Maryamu ra na o gam dati kǝ gudlumi na Isubuwo, tǝ dǝm gǝr gǝs wu da’a, ar ni shin tǝ ra na tu gǝri muntu tǝ zam tǝp kar Ruhu kǝ Yam gwa.

Maryamu wuli kon ɗǝɗa Yami

46 Arni Maryamu wule,

<<Mbatl gǝn ba ɗǝɗa Babom Yami.

47 Ruhu gǝn ba pi pighol mbatl gip Yam mǝn ɗǝli gǝni.

48 Don tǝ mom namǝni,

ami zher gǝs gǝr mǝtli ni kan ami argon ni da gwa.

Cina ɗewo mbarǝm kup ba wulǝm’e, <ki mǝn albarkani,>

49 den bar ju kan Yam mǝn nartǝn pim gwa,

sun gǝso dlǝran ni ar ra.

50 Guna gǝs ba ri den mǝn ju ba bi ti nartǝn gwa,

zhan ar kop zhan.

51 Ya pi kiri mbap na am gǝs mǝn ndǝrtǝn,

tǝ gǝzan mǝn dlari gamka na kup arjen ju ba se wur gip mbatl gǝzǝn gwa.

52 Ya shu gunka den dandi gǝzǝni,

kan tǝ ɗǝɗa mun ju kan mom nan wur dagwa.

53 Tǝ la’i tu kǝ mǝn kumi guzum na mbuni bari,

kan ti za mǝn bar kǝ am am koni.

54 Tǝ ne am zher gǝs Isra’ila ra,

tǝ tune na gudlǝm shirǝm gǝs kǝ kumi guna’i

55 den tǝ pi ga gigi gǝmi

Ibǝrahim na mimir gǝs kǝ kumi guna gǝzǝn an ri patǝn bari.>>

4 Isubu za bǝn Nazarat gip atl kǝ Galili ti pal to gip bǝn Baitalami gip atl kǝ Yahudiya, bǝn tu kan gǝr gun Dauda tunka gwa. Yusufu pal to bar taka ra’e ti mǝn bom kǝ Dauda ni. 5 Ya pal toka na nye gǝr gǝs Maryamu, muntu kan tǝ ri o da ti kan ra na tu gwa, kǝ dǝ rǝsh sun gǝzǝn toka.

6 Wira to Baitalami kawo, ar ni pǝt gǝri gǝs ɗiri. 7 Tǝ gǝr nya gǝs kǝ pari, tǝ ghum tika gip tutul gǝs tǝ mur ti gip kungǝlǝn, tun kan wira na las muri gip ba shu’i mǝn dikiyi da gwa.

19 Maryamu ngapo tǝ ne bar ju kup su mbatl ka, tǝ den damtǝn dene.

34 Kan Saminu ba lir Yam dǝ tǝ ne am Yusufu na Maryamu ra, ti wul Maryamu nas’e, <<Yam zǝzar nya tu, ti kem mbarǝm na womti kǝ jiltǝni, ti dǝm guntǝp kopi Yam kǝ mbarǝm na womti gip Isra’ila. Tin ti dǝm alama tu ɗǝl kar Yam kan mbarǝm na womti ba nge gwa. 35 Na untun arjen ju wu ghundǝri su mbatl da wurka ma ba ɗǝl kari, bar tu ba ci’i mbatl wule tuli ini tu na sǝɓǝri>>.

48 Ar dlǝkǝn mǝn gǝri gǝs na shini gǝs lasi, kan nas ba wul ti’e, <<Nya gǝni, unun kǝ pi mi untuwu? Ami na be den ngeni gi na zoti ger gwa!>>

49 Tǝ ngen momi kar wur tǝ wule, <<Kǝ ngenǝm ni kǝ unu? Kǝ mom ni’e ar ndari a nǝra te bom dǝ Banka da’a ya?>> 50 Wi ngapo wu mom gǝs kǝ shirǝm tu ti bali wur gwa da’a. 51 Kan tǝ tlyam tǝ kop wur wu pal gǝzǝn su Nazaratka tǝ pi ta kumi bi kǝ mǝn gǝri gǝsi, kup bar juwo nas ne su mbatl da tika.

3 Nan mal kin inabi gǝzǝn pakawo, ar ni nasi Yesu wul ti’e, <<Wu’i na mal kin inabi da’a.>>

4 Yesu bali ti tǝ wul ti’e, <<Nǝna, unun kem kǝ ɗir karǝm rawe? Wokoci gǝn piwi da’a.>>

5 Ar ni nas wul mǝn pi mbapi’e, <<Pi ni argon tu kup tǝ yari in gwa.>>

25 Gip munju dlor kosak na kin tu ɓa Yesuka denewo nas ra, na nye mǝn gǝpi kǝ nase, na Maryamu nagǝr kǝ Kǝlopas, kan na Maryamu kǝ Magdala. 26 Nan Yesu shin nas lasi, kan na nye mǝn kulci kar ti kan tǝ ndu gwa dlor kosako, ar ni tǝ wul nas’e, <<Nana, nya gin tu!>> 27 Kan tǝ wul nye mǝn kulci kar tiyi’e, <<Nana gin tu.>> Argon tu kan pǝn den gas tuwo ar ni nye mǝn kopi gǝsi pǝn nana kǝ Yesu gip bom gǝs tǝ dǝm nan ti.

Nasi Yesu na mir ezǝni

31 Ar ni nasi Yesu na mir ezǝn cwati, wu dlǝr ter kaari kan wu kar gon kǝ tǝ la’i wur bi Yesu. 32 Mbarǝm ra na womti njon kar ti, kan wu wul ti’e, <<Nana gi na mir ya’ǝn ra te karika den ngeni gi.>>

33 Yesu ngen momi kar wur tǝ wule, <<Ga wo ni’e nana na mir ɓyar we?>>

34 Ar ni tǝ bali ger kar munju ra njon kan ngandǝl ti gwa tǝ wule, <<Ga nana na mir ɓyar ni’e mǝnjǝni.>> 35 Murgon tu kup kan ba pi argon tu Yam ba ndu gwa ni’e erǝm gǝn mǝtli na moni na nana gǝni.

55 Ti nya kapinta tu ni diya? Eso nas ni’e, Maryamu da’aya? Kan mir ezǝn ni’e ga Yakubu na Isubu na Saminu na Yahuda diya? 56 Mir ezǝn mǝtli eso, mǝn ra nan wur diya? Akoni mbarǝn kǝn zam bopya na bar kǝ dlǝkǝntǝn ju kam?

14 Kup gǝzǝn ci cina na me gam na shirǝm na Yam na mbatl nǝm, na mǝtliyi, na Maryamu mǝn gǝri kǝ Yesu na mir mǝn gǝpi gǝsi.