Maria

O anđelo navestisarel kaj bijandola o Isus Hristo

26 Kana e Jelisaveta sas khamni šov čhon, o Del bičhaldas e anđele Gavrilo ando cikno galilejsko gav savo akhardolas Nazaret, 27 ke Marija savi sas još čhej thaj sas mangli palo manuš, savo akhardolas Josif, savo sas potomko e carosko Davidosko.

28 Kana o anđelo dijas late andre phendas laće: "Raduisar tut, kaj o Del si pherdo milosti prema tute! O Gospod si tusa."

30 A o anđelo phendas laće: "Na dara Marija! Kaj o Del iskažisardas tuće piri ljubav." 31 Ake ačheja khamni thaj bijaneja čhave saves deja alav Isus. 32 Vo avela baro thaj akhardola Čhavo e Majbare Devlesko thaj o Gospod Del dela les autoriteto te vladil sago o caro David savo sas lesko prapapo. 33 Vo vladila e Jakovešće plemenova dži ko veko thaj lešće carstvošće či avela krajo.

E Isusesko bijandipe

18 Ake sar sas kana bijandilo o Isuso Hristo: lešći dej e Marija, sas mangli palo Josif. Ali majsigo nego so line pe, dok sas još čhej, sikadilo kaj e Marija ačhili phari katar o Sveto Duho.

E Marija slavil e Devle

46 E Marija askal phendas:

"Barjarel e duša mungri e Gospode!

47 Thaj raduil pe o duho mungro e Devlešće mungre Spasitelješće.

48 Kaj milostivo dikhla pe mande pe piri ponizno sluškinja,

katar akana sa e manuša akharena man blagoslovime.

49 Kaj o silno Del, savesko si alav sveto,

ćerda manđe baro lačhipe.

50 Kaj o Del si milostivo;

e milost lešći si katar e čang dži ke čang okolenđe save daran lestar.

51 Pire moćno vastesa ćerel silne dela

thaj odbacisardas pestar okolen save si barikane ande pire ile.

52 Čhudas tele katar o prestolje e vladaren,

a vazdas e poniznen.

53 E bokhalen čaljarda e lačhipeja,

a e barvalen mukla čuče vastenca.

54 Huklo ando pomoć pire slugenđe e Izraelconenđe

thaj či bistardas te avel milostivo

55 sago kaj obećisarda amare prapaponenđe,

e Avramešće thaj lešće potomkonenđe dži ko veko."

4 Gajda vi o Josif teljardas andar o gav Nazaret andar e galilejsko regija, ando Vitlejem e judejsko regija kaj sas o David bijando, kaj o Josif sas potomko e carosko Davidesko 5 te prijavil pe palo zapis zajedno pire verenicasa e Marijasa savi sas khamni. 6 Dok sas ando Vitlejem avili laći vrjama te bijanel, 7 thaj bijandas pire prvo čhaves, paćarda les thaj čhuta les ande jasle kaj nas than ande gostijonica.

19 A e Marija sa akala alava araćhelas ande piro ilo thaj stalno gindilas pale lende

34 O Simeon askal blagoslovisarda len thaj phendas e Isusešće dejaće e Marijaće: "O Del odredisardas pale akava čhavro te e but e manušenđe ando Izrael avel palo propast thaj butenđe palo vaskrsenje. Vo si odredime te avel e Devlesko znako, ali o but o them odbacila les. 35 Akava avela sar te sikadon e gindimata save si garade ande but e ile. A vi tuće korkoraće o mačo hvarela ćiro ilo."

48 Kana dikhline les začudisajle, a lešći dej phendas lešće: "Čhaveja! Sostar ćerdan amenđe gadava? Ake me thaj ćiro dad e darasa rodam tut."

49 A o Isus phendas lenđe: "Sostar rodine man zar či džangline kaj me trubul te avav ando ćher mungre Dadesko?"

50 Ali von či haćardine so o Isus kamlas te phenel lenđe.

51 Askal bolda pe lenca ando Nazaret thaj čholas kan lende. A e dej lešći lelas sama pe sa akala događajurja ande piro ilo.

3 Kana nas len majbut mol, e Isusešći dej phendas lešće: "Najlen majbut mol."

4 A o Isus phendas laće: "Drago manušnjije, so si man tusa? Još či avilo mungro časo!"

5 Lešći dej phendas e slugenđe: "Ćeren sa so phenel tumenđe."

25 A paše Isusesko trušul ačhenas lešći dej, laći phen, e Marija e Klopešći romnji thaj e Marija andar e Magdala.

26 Kana o Isus dikhla pire deja thaj e učeniko saves but volilas sar ačhel paše late, phendas pire dejaće: "Manušnjije, ake tuće čhavo."

27 Askal phendas e učenikošće: "Ake tuće dej."

Thaj katar godova časo o učeniko lija lat ande piro ćher.

O Isus phenel ko si lešći čači familija

31 Ande godova aresline e Isusešći dej thaj lešće e phral. Dok ačhenas avri, bičhaldine leste jećhe manušes te akharel les.

32 A oko leste bešelas o but o them, thaj phendine lešće: "Ake avri roden tut ćiri dej thaj će phral."

33 Askal o Isus phučla len: "Ko si mungri dej thaj mungre phral?"

34 Askal dikhla pe okola kaj bešenas oko leste ando krugo thaj phendas: "Ake akala si mungri dej thaj mungre phral! 35 Kaj ko god ćerel e Devlešći volja, godova si mungro phral, mungri phen thaj mungri dej."

55 Naj li akava e tesaresko čhavo? Či li bučhol lešći dej Marija, a lešće phrala o Jakov, o Josif, o Simon, thaj o Juda? 56 Thaj zar naj sa lešće pheja akate maškar amende? Katar les askal sa akava?"

14 Savora von istrajno thaj jek dušava molinas pe zajedno još varesave manušnjenca. Maškar lende sas vi e Isusešće dej thaj lešće phral.