Maria

Maria, mãe de Jesus, é honrada nas Escrituras como a mulher escolhida por Deus para trazer ao mundo o Salvador. Sua fé, humildade e obediência são exemplo para todos os cristãos.

A escolhida de Deus

O anjo Gabriel anunciou a Maria que ela seria mãe do Filho do Altíssimo. Ela respondeu com fé: 'Faça-se em mim segundo a tua palavra.'

Habari mangale sibuoro Yesus

26 Wakutu ngo Elisabet rami lese ma di’ara ngara rarama, Ma Jou’ongu Madutu 'o soma’a mala’ekata Gabriel tagi toma limau Nazaret toma daeraha Galilea. 27 Gabriel sanga 'utusu tagi toma mosolese matengo ga’a mo waro nau’u nyangu re 'ami lomanga ngo Maria. Mosolese gena-ge Yusuf 'ai ga-ganau re Yusuf unanga gena-ge Daud 'ai ju’uda. 28 Mala’ekata matengo gena-ge 'o sapolo ra ngo Maria re 'o kanau, "Tabea ra ngana ga’a Ma Jou’ongu Madutu 'o sibarakati! Ma Jou’ongu Madutu marimoi ra ngana!"

Lucas 1:26-28

30 Ḏua mala’ekata matengo gena-ge 'o kanau i’a ra munanga, "Maria, mojongo awa! Sababu Ma Jou’ongu Madutu 'o sanangi ra ngana singadolo 'o sitantukanga ḏua pula’a 'Ai cocatu ra ngana. 31 Ngana ḏuanga i’a rani lese re no maḏe-ḏegoro i’a ngowa’a nau’u matengo re ngana balasu nu silomanga unanga Yesus. 32 Unanga ḏuanga i’a 'o dadi lamo’o re ngowa-ngowa’a ḏuanga i’a 'aḏi si’aro’o Unanga Ma Jou’ongu Madutu toma Gau’u 'ai Ngowa’a Nau’u. Ma Jou ga’a Ma Jou’ongu Madutu ḏuanga i’a 'o sidadi Unanga sa’olo 'Olana, ma tero sa’olo 'Olana Daud, Unanga 'ai ete re dotumu 'ua re 'au wali. 33 Re Unanga ḏuanga i’a 'o parenta sa’olo 'olana nena re si’a toma ngowa-ngowa’a manga ju’uda ra Yakub ino. 'Ai pareta kama ḏo-ḏogumu ua."

Lucas 1:30-33

Sibuoro 'a Yesus

18 Sibuoro 'a Yesus Kristus ma jarita so’o ne: Yesus 'ai ngina ga’a 'ami lomanga ngo Maria, munanga Yusuf 'ai ga-ganau. Mada’a wakutu ananga 'aḏi ma’u molo’ara nyangu, ngo Maria 'ami po’olo ri tegoro sababu Ma Ngagara 'Ofi-'Ofi ma kuasa.

Mateus 1:18

O Magnificat

Maria cantou: 'Minha alma engrandece ao Senhor!' Seu cântico exalta a misericórdia, o poder e a fidelidade de Deus.

Ngo Maria mo sibere ie 'ami murasa ma la

46 Maria mo kanau,

"Ngoi rari 'akala re sinyingara 'i puji re silamo’o Ma Jou’ongu Madutu,

47 re Ngoi rari nyawa 'i maroanga sababu Ma Jou’ongu Madutu, Unanga gena-ge 'ari Salamata ma Cimi.

48 Kalaha ngoi ta Ma Jou’ongu Madutu ma tero sa’olo 'Ai budaka ma pake ua, Unanga 'o sidaioranga ngoi ua.

Mulaingi nange-ne re si’a, nani ma soi nani 'aḏi si’aro’o ngoi bara’utungu.

49 Sababu Ma Jou’ongu Madutu ga’a 'Ai kuasa ma pari cua, Unanga gena-ge 'o 'a’a 'ori i’a la-lamo’o rimoi ra ngoi.

Ma Jou’ongu Madutu mode-mode’e 'o 'Ofi-'Ofi.

50 Nani ma soi nani,

Ma Jou’ongu Madutu 'a sijumu 'Ai 'akala re sinyingara ma la-la toma ngowa-ngowa’a ga’a 'aḏi silamo’o Unanga.

51 Tai giama rema kuasa, Unanga 'o sirapo’o ngowa’a momole singadolo manga 'ulungu ma jira 'i dadi ua.

52 Unanga 'o siguci 'olana-'olana tamanga ḏe-ḏegoro

mada’a ngowa-ngowa’a ga’a 'aḏi maholo Unanga ya’u sikau’u.

53 Ma Jou’ongu Madutu 'o pula’a 'ori i’a ma la-la toma ngowa-ngowa’a ma dinga’unu ua singadolo ananga 'aḏi basono kama kuranga ua,

mada’a ngowa’a rema-enanga Ma Jou’ongu Madutu ḏuanga i’a 'o soma’a 'aḏi tagi kamanga 'oru ua.

54 Unanga 'o riono ngowa’a Israel, 'Ai falalomu-falalomu, mete’e 'Ai jaji ga’a 'o sijaji ḏua 'ua re 'au wali ra ngene nanga ete re dotumu.

55 Ma Jou’ongu Madutu 'a sidaioranga ua 'Ai jaji.

Unanga 'a sijumu 'Ai dadalara ra Abraham re 'ai ju’uda nena re si’a kasingado-ngadolo i’a."

Lucas 1:46-55

4,5 'A Yusuf 'o sisoi’i tala limau Nazaret toma daeraha Galilea re ngo Maria unanga 'ai ga-ganau mo mete’e, toma 'orasa gena-ge munanga rami lese ḏua. Ananga 'aḏi tagi toma daeraha Yudea toma limau Betlehem, 'Olana Daud 'ai dola’a ututu ma ngi’i. Yusuf balasu 'a silefo 'ai lomanga toma limau Betlehem sababu unanga 'ai 'asala ra 'Olana Daud ino. 6 Wakutu ananga toma limau Betlehem moju ngo Maria mi 'orasa maḏe-ḏegoro i’a ri ngadolo. 7 Munanga mo sibuoro ngowa’a nau’u matengo ngowa ma jomolo, 'u sao reo ḇa’a kara 'u sigare toma haiwani ma ngo-ngoromo ma ngi’i, sababu 'aḏi sanga ngi’i riwara di’a 'aḏi masiḏingoto.

Lucas 2:4-7

19 Mada’a wakutu ngo Maria ma 'isene i’a so’o gena, munanga pa’i magogono tami 'akala re sinyingara ma dara ḇato.

Lucas 2:19

34 Ḏua Simeon sibarakati ananga re 'o kanau i’a ra ngo Maria, "Ngowa kiau nena-ne Ma Jou’ongu Madutu ro cumutu ḏua di’a sihukumu re sisalamata ngowa’a repe toma Israel re 'O dadi didina’o rimoi ra Ma Jou’ongu Madutu ino mada’a Unanga ḏuanga i’a ngowa’a repe 'U lawana, 35 singadolo 'O sisupu ananga manga 'ulungu ma jira tamanga 'akala re sinyingara ma dara. Mada’a, Maria, 'ani 'akala ḏuanga i’a sanga kangela ma tero sa’olo siruju reo golowa mango-mangono."

Lucas 2:34,35

48 'A Yusuf re ngo Maria masiretene 'aḏi heranga wakutu 'aḏi sanga Unanga toma ngi’i gena-ge. 'Ai ngina mo kanau i’a ra Unanga, "I’a sa’olo no 'a’a ngomi so’o gena-ge? 'Ani ḇaḇa re 'Ani ngina, ngomi minga 'akala kangela masala mi disa Ngana!"

49 Yesus 'a sangoro, "I’a sa’olo baba re meme ni disa Ngoi toma ngi’i lelegu? Baba re meme ni waro ua mangale Ngoi balasu to tegoro Tari Ḇaḇa 'ai wala?" 50 Mada’a ananga ya sahe ua Yesus 'ai sa-sangoro ma ngale.

51 Togumu i’a, Yesus 'o tagi mamete’e ra ananga 'aḏi maḏibo toma limau Nazaret, re 'o mete’e manga mau. 'Ori i’a mo-moini ga’a 'i dadi gena-ge, ngo Maria ma gogono tami 'akala re sinyingara ma dara.

Lucas 2:48-51

Mãe fiel até o fim

Maria acompanhou Jesus desde o nascimento até a cruz. Ela estava entre os discípulos no Pentecostes, fiel em oração.

3 Wakutu toma laya gena-ge manga dodahe 'anggur ri moini, Yesus 'ai ngina mo kanau ra Yesus, "Ananga manga 'anggur ri moini."

4 Yesus 'a sangoro, "Meme, i’a sa’olo no siajele ra Ngoi?! Ma 'orasa enanga 'i ngadolo nyangu di’a Ngoi ta siajele toma ngowa-ngowa’a mangale Ngoi nena-ne 'a guna."

5 Mada’a Yesus 'ai ngina mo kanau i’a toma falalomu-falalomu, " 'A’a ḇato 'oru ga’a Unanga 'o kanau ra ngini."

João 2:3-5

25 Co-cori Yesus 'ai salib, 'age rema we-were’a nga muḏuo i’a 'aḏi made-de’oso: Yesus 'ai ngina, re 'Ai ngina 'ami nongoḏu, Maria 'a Klopas 'ai were’a, re ngo Maria Magdalena. 26 Wakutu Yesus 'o oḏi’i 'Ai ngina re 'Ai me-mete’e ga’a Unanga ya’u dadalara, ananga gena-ge 'aḏi made-de’oso toma ngi’i gena-ge, Unanga 'o kanau i’a Tai ngina, "Ngina, nena-ne 'ani ngowa’a nau’u." 27 Re Yesus 'o kanau i’a Tai me-mete’e matengo, "Munanga nena-ne ngana 'ani ngina." Dadi mulaingi nange-ne re si’a Yesus 'ai me-mete’e matengo gena-ge 'o dawongo Yesus 'ai ngina tai wala.

João 19:25-27

Yesus 'ai ngina re 'Ai ioro re nongoḏu

31 Pasala i’a, Yesus 'ai ngina re 'Ai no-nongoḏu 'aḏi sapolo. Ananga 'aḏi totoma toma soana re 'aḏi soma’a ngowa’a 'aro’o 'a Yesus. 32 Toma 'orasa gena-ge, 'age rema ngowa’a manga repe 'aḏi tegoro sigoloḏi Yesus. Ananga 'aḏi kanau i’a ra Unanga, " 'Ani ngina re 'Ani no-nongoḏu, ananga da’a toma soana. Ananga 'aḏi disa Jou."

33,34 Unanga 'a sangoro, "Ngoi 'ari ngina ngo guna? Ngoi 'ari ioro re 'Ari nongoḏu 'a guna?" Ḏua Unanga 'o tatamo i’a toma ngowa’a repe gena-ge ga’a sigoloḏi re 'o kanau, "Ngini nena-ne ngoi 'ari ngina re 'Ari ioro re 'Ari nongoḏu ḏi’i! 35 'A guna ḇato 'o 'a’a re 'o mete’e Ma Jou’ongu Madutu 'ai 'akala ma mau, ananga gena-ge Ngoi 'ari ngina re 'Ari ioro re nongoḏu re 'Ari biḏanga."

Marcos 3:31-35

55 Unanga gena-ge 'Ai ḇaḇa pa’i 'o tukanga wala ḇato re 'Ai ngina ngo Maria, re 'Ai nongoḏu 'a Yakobus, 'a Yusuf, 'a Simon re 'a Yudas! 56 Re Unanga 'ai nongoḏu biḏa-biḏanga ananga mo-moini 'aḏi tegoro 'ane-ne ḏi’i! Sababu gena-ge, Unanga 'o sanga le’a ino 'Ai 'akala soro’unu re 'Ai kuasa gena-ge?"

Mateus 13:55,56

14 Ananga gena-ge mo-moini 'aḏi malomu tau-taunu di’a 'aḏi manyiata. Ananga 'aḏi manyiata ma’u mete’e we-were’a, ga’a 'aḏi mete’e re 'aḏi de-de’oso 'a Yesus 'au nga’ene, re ngo Maria, Yesus 'ai ngina, re sidogo 'a Yesus 'ai no-nongoḏu.