Maria

Jisu tuptiit banbaatta

26 Elijaabet sah la arok wok adi Rangte ih Rangsah Gabrel Galili samnuh Najaret hadaang adi daapkaatta. 27 ✝Heh ih jaalah esiit suh tiitkhaap baatjih angta, jaalah ah Dewid luungwang sutoom Josep damdi nook suh kakhat muicho angta. Heh men ah Meeri angta. 28 Rangsah ah ra haano heh suh baatta, "Khooteng toomtong uh! Teesu an damdi heh ih romseetam koh halu!"

30 Rangsah ih liita, "Nakcho uh, Meeri; Rangte ih an minchan ih halu. 31 ✝An sah wokte anglu eno miwasah et tup uh, heh men ah Jisu et men uh. 32 ✝Heh ah elong angte eno heh suh Elong Echoong ni tongte Rangte sah et li ah. Teesu Rangte ih heh ah luungwang et hoon ah, heh te Dewid likhiik ah, 33 eno heh ah Jaakob sutoom dowa rootang raang ih luungwang ang ah; Heh hasong ah babah uh lathoon thang angte!"

Jisu Kristo tup rangwuung

18 ✝Jisu Kristo ah ame tupta. Heh nuh Meeri ah Josep damdi kakhat muita, enoothong maang nookmui nyuuka ngadi, Meeri suh Esa Chiiala nawa ih hemong ni heh sah ejen wok et thukta.

Meeri rangphoong boongkaat

46 Meeri ih liita,

"Nga ten ih Teesu ah phoong ha;

47 nga pangte Rangte suh nga la roonla,

48 ✝tumeah heh ih ngah, ehin laksuh ah dokthun thoi ah!

aadowa ih miloong ah ih ngah suh tenroon mina et poonhang,

49 tumeah Chaan apaan Rangte ih nga raang ih elongthoon moot ah reekot thoih ah.

Heh men ah Esa;

50 roosiit tokkhodi roosiit

Heh ih heh soomtuute asuh minchan noisok ha.

51 Heh ih chaan apaan pan lak ah janghaat ano

engaam ete loong nyia neng tenthun mongtham ah phaang thukla.

52 ✝Heh ih chaan apaan luungwang loong ah neng tongtheng nawa dattong thuk ano;

ehin loong ah toonjoh ah.

53 Heh ih ramtekte suh phaksat ese koha,

eno changteng loong ah lak huung daap haat ha.

54 Heh ih sengte sengwah suh kakham thiinta rah reeta,

eno heh laksuh Ijirel ah chosok ra hala.

55 ✝Heh ih sengte Abraham nyia heh sutoom satoom loong asuh,

rootang raang ih minchan noisokta ah samthunha!"

4 Josep ah Galili hah Najeret nawa, Dewid luungwang tup hadaang Judia hah Betlehem ni kata. Tumeah Josep ah Dewid sutoom angta. 5 Josep ih Meeri heh suh nook raang ih kakhatta damdi, heh men ah wak raang wanta. Heh ah sakjih angta, 6 eno neng Betlehem ni ang tokdi, nootup rangwuung ah thok taha. 7 Heh sah phangkhoh rah miwasah eh tupta, eno nyuh rah ih khoon ano maan tokkhuung ni jupthiinta naangjam nok laje thoi eah.

19 Meeri ih erah loong tiit ah dokthun ano rapne ih samthunta.

34 Simoon ih nyi suh romseetam koh nyuuta no heh nuh Meeri, suh baatta, "Arah noodek ah Rangte ih danje cho Ijirel loong thet haat nyia khopiipang raangtaan ih ah. Heh ah Rangte mikthe ang ano warep mina ih heh thetbaatte totoh ang ah 35 erah thoi ih neng husah tenthun loong ah dongjat ah. Eno an ten ah langtheh ih dook arah likhiik, sattiiti ih sat uh."

48 Heh nuh nyi wah ah doonmoot ih rumta heh ah tup rum ano ah, eno heh nuh ih liita, "Nga sah, an ih tumjih hoon wan halu? "Sek ah anwah ah rapne ih sootsaam thuk haliitih, an ah noongrep ni taat tum jam sok hiitih."

49 Jisu ih ngaakbaatta, "Ngah set ih tumet suh jam sok hali tih? Set ih tanih jattansih ngah seng wah nok ni eah?" 50 Jisu ih ngaakbaat rumta ah neng ih tajen samjat rumta.

51 Eno Jisu ah neng damdi Najaret ni roong ngaakwangta, heh nuh nyi heh wah jeng chaatchaat ah. Erah di mamah angta erah loong ah heh nuh ih heh tenni lomthun ruh eta.

3 Kham ah thoonphe korum ano, heh nuh ih Jisu suh baatta, <<Neng jiinni kham ah takah jeeka.>>

4 Jisu ih liita, <<tiimjih etheng ah ngasuh nakbaat hang.>> <<Nga saapoot maang thokra.>>

5 Eno Jisu nuh ih neng laksuh loong asuh baatta, <<Heh ih tiim etheng baat han erah re anjoh.>>

25 Jisu bangphak re adi heh nuh nyia heh no Klopas minuh Meeri chapta, Meeri Magdalen uh erah di roongchapta. 26 Heh nuh nyia heliphante hemongnook warah japtup ano Jisu ih heh nuh suh liita, <<Heh an sah.>> 27 Erah lih adi heliphante asuh liita, <<Arah an nuh.>> Erah ja dowa ih heliphante ah ih erah nuh ah heh nok ni siitkaatta.

Jisu nuh nyia heh no loong

31 Eno Jisu nuh nyia heh no loong ah thok rumta. Nokka ni chap rum ano, Jisu ah poonwang thuk rumta 32 Jisu ah miloong hantek ih kooktong rum adi baat rumta, "Sok uh, an nuh nyi an no loong ih nokka ni chap rum ano, an jam rum halu."

33 Jisu ih ngaakbaatta, "Seng nuh o ah? Nga no loong o ah?" 34 Heh reeni kooktongta miloong ah sok ano liita, "Sok an! Ngah di bah arah loong ah seng nuh nyia ngaaphoh ngaano loong ah! 35 O ih Rangte jeng chaat ha erah loong abah seng nuh, seng nah nyia ngaapho ngaano ang ah."

55 Heh ah bangmaakwah wah sah ah tanih angka? Heh nuh ah Meeri tanih angka, erah dam ih Jeems, Josep, Simoon, nyia Judas loong phoh ah tanih ah? 56 Heh no minusah loong aani tongla tanih ah? Heh ih erathan mongtham ah ma nawa chola?"

14 Neng loong ah rangsoom raangtaan ih minuh loong nyia Jisu nuh Meeri erah damdi heh phoh nyia heh no loong damdi hepoot hepoot khoontong rumta.