Maria

A teyi gbɔ ombaamba mgbi iYesu

26 Ngwi ifu mgbi Elidzabeti wa li ofyia egyin mata, Imgbasho dɔ ongyesɔ iGebre kɛ ogalu iNadzareti, mi ayɛsɛ mgbi iGalalia, 27 mbi ibidrua ongyaa ngwu a li kwun gbɛɛ iMeri, ngwu inggisɛ oka mi etɔ mgbi iDevedi. Ongwu a li kwun di iJose, tsikwɔn dzɛ esɛ nani. 28 Ongyesɔ na ba mbon, o tan angba di nyan gbɛɛ, <<Abu ngwu ikyese dɔ abu kpakpa nɛ! Otsɛ Imgbasho dzɛ yi abu.>>

30 Ongyesɔ iGebre nyan gbɛɛ, <<Ka mio ba, iMeri, bana ikyese dɔ abu mbi Otsɛ Imgbasho. 31 Abu ka wa byifu di mba ongwongyulɔ, o ka kwun iyi gbɛɛ iYesu. 32 O ka li angbodzi inggisɛ a dika kwun gbɛɛ Ongwɛ mgbi Ongwu Nghaangha mi esho. Otsɛ Imgbasho dika kye itsuutɔ mgbi otsɔn iDevedi kye nun. 33 O ka li Utɔ mi etɔ mgbi iJeko gyegwu, esutɔ mgban ka dondu ba.>>

Ombaamba mgbi iYesu iKrestu

18 Nɛnɛ li ngha ngwi ombaamba mgbi iYesu iKrestu dzɛ aani: Onɔn iMeri, ngwu iJose tsikwɔn dzɛ esɛ, kpaa duuse no kyon yɔ, a din yi ifewo mi mfye mgbi Onodzi Osaan.

IMeri tsɛ Imgbasho yi ashi

46 IMeri gbɛɛ,

<<Itukwu mgbi ani tsɛ Otsɛ Imgbasho

47 oshishe mgbɛn dzɛ yi atsa

mi ikye Imgbasho Onagbɛ ani,

48 lubana o wɛ

ani nli unka ba, ongwongyiidɔ mgban.

Wita mi onɛnɛ lu iyayi

etɔ duu kale kwu ani gbɛɛ ogbumse,

49 bana Imgbasho odatu

kyungwɔ okwukwo mi ikye ani,

Osaan li iyi mgban.

50 Elela odiidi mgban li na kɛ,

mbi ama nli sunun,

mi etɔ nghataa kɛ etɔ.

51 O kyungwɔ ama odatu mi abɔ mgban;

o kye ganya ama okyile ewo esho,

mi ɛwɛ otsɛɛtsɛ mgbi ama.

52 O tashulu ama nsɔ utɔ mi itse mgbi ama

kpaa o kyile ama oyile ewo esɛ esho.

53 Ama ngwu enbwa dɔ ma ma,

o mbwo ma yi ungwɔ osuse,

kpaa emi awuya yɔ,

o wo ma ofɛ abubɔ.

54 O tobyi ongwongbɛ,

mgban Israi,

mi ondu odzɛɛdzɛ mgban yi emi otseyi

55 mbi Abrahan bɛyi engwiba mgban gyegwu.>>

4 IJose kyato mi igeli iNadzareti mi ayɛsɛ iGalalia, lu iBɛtlɛhɛn ogalu mgbi iDevedi mi ayɛsɛ iJudia, ikyekyɛ o tɔ mi etɔ mgbi iDevedi. 5 O kɛ oka lɔ mmbwo na yi iMeri, ongwu o tsikwɔn dzɛ esɛ dzɛ yi ifewo nani. 6 Ngwi a ka to iBɛtlɛhɛn nɛta imba kwun, 7 o si mbongwɛ mgban ovlɛ, ongwongyulɔ. O kye oshata ndiwon kyon lakɛ ikpɔkɔ, lubana a tu imbe mi ozu ingyoga ba.

19 Nghaduu iMeri kwulu ungwɔ ntonɛ duu wokɛ itukwu diyɛ le tsɛwɛ mi ele.

34 ISimiɔn kye mse bɛ ma ewo diyɛ nya iMeri gbɛɛ, <<Ongwɛ nɛ, Imgbasho kyon dzɛ ikye odzili-dzili bɛyi owatɔ-watɔ mgbi ibyi inggisɛ mi Israi. O dika li ambɛ ngwi inggisɛ kwuba ka fwan. 35 Ikye ni ewodzɛ mgbi inggisɛ ibyibyi wa dɔ ododa. Ta okwusunkli ka suwo abu itukwu kpaa.>>

48 Onɔ ngwi ama omban wa din nɛ, i kwulu ma ewo. Onɔn si byun gbɛɛ, <<Ongwani, kyɔsinɛ ngwi abu kyungwɔnɛ yi eyi ngha? Otsabu yi ani gbili abu ndɛngyɛ.>>

49 IYesu byi ma gbɛɛ, <<Kyɔsinɛ ngwi ema le pita ani? Ema ye dafi i wo gbɛɛ ani ka dzɛ mi ozu mgbi Otsani baa?>> 50 Nghaduu elodzɛ ngwi o nya ma na gbosa loma ba.

51 Ta iYesu wafɔ yi ama lu iNadzareti dile siikye nu ma. Onɔn kwulu elodzɛ ntonɛ duu wokɛ itukwu mbon.

3 Ngwi eneekwɔ wa ngyɛ nɛ, onɔ iYesu nyan gbɛɛ, <<A sulu eneekwɔ wuba.>>

4 IYesu nyan gbɛɛ, <<Onɛn, li ekyɛ ngwi abu kye ani le wokɛ ele? Onɔ mgbi ani gyɔ waba.>>

5 Onɔn si nya engbidɔ ntona gbɛɛ, <<Kyɔ alungwɔ ngwi o nya ema duu.>>

25 Onɔ iYesu kwudzɛ kwɛkwɛ yi ekwatsi mgbi iYesu yi oshanɔn, yi iMeri owa iKlopa, bɛyi iMeri iMagidalin. 26 Dafi iYesu di onɔn mi imbe na, yi ongwafɔɔn ngwu kpan itukwu kwudzɛ yan nɛ, iYesu nya onɔn gbɛɛ, <<Ongyaa ongwabu dzana,>> 27 o diyɛ gbɔ yi ongwafɔɔn na gbɛɛ, <<Onabu dzana.>> Wita mi onɔ na nghataa lu iyayi, ongwafɔɔn na kye iMeri lu udɛ mgban.

Onɔ iYesu yi emi ongwunɔn

31 Nɛ onɔ iYesu yi emi ongwunɔn wa to. A kwulɛsɛ mi esɛ si dɔ inggisɛ oka kɛ ifun oka kwun ela. 32 Ibyi inggisɛ sisɛ kpakɛkɛ won, a si nyan gbɛɛ, <<Onabu yi engwunabu to esɛ le pita abu.>>

33 IYesu si byita gbɛɛ, <<Li angbele li emi onani yi engwunani?>>

34 Ta o ndinɛ mbi ama nsɔ kpakɛkɛ won ma si gbɛɛ, <<Dii, ntonɛ li emi onani yi engwunani aani! 35 Ali inggisɛ nkyɔ owitukwu mgbi Imgbasho li ongwunani ongyulɔ yi ongyaa bɛyi onani.>>

55 <<Nɛnɛ li ongwɛ inggisɛ ogbokwo ungwɔ nɛ lo? Li ongwu onɔn li iMeri, ngwu emi ongwunɔn li iJɛnsi yi iJose yi iSaimɔn bɛyi iJuda nɛ baa? 56 Emi ongwunɔn emi engyaa duu to yi eyi mmɛnɛ dɛn baa? Nghanɛ li mi ole ngwi inggisɛ nɛ tu ungwɔ ntonɛ duu nghaa?>>

14 Ama duu kwakye mbonyi le bibɔ alonɔ duu, angbeka nto bɛyi ama li engyaa yi iMeri onɔ iYesu bɛyi emi ongwunɔn.