Maria

Yesu bari feen yi fala

26 Elisabɛti kuiin kike senninna, Ala yi maleka Yibirila rasiga Galile taana nde yi naxan xili "Nasarɛti." 27 A falan ti sungutun nasɔlɔnxin xa, xɛmɛna nde bata yi a masuxu naxan yi xili Yusufu, Manga Dawuda bɔnsɔnna muxuna nde nan yi na ra. Na sungutun nasɔlɔnxin yi xili nɛn Mariyama. 28 Malekan yi fa a fɛma, a naxa, "Sɛwani i xa Ala fe faɲin nagidixi i tan naxan ma. Marigina i xɔn!"

30 Malekan yi a fala a xa, a naxa, "Mariyama, i nama gaxu amasɔtɔ Ala bata maragidi faɲin fi i ma. 31 I fudikanma nɛn, i dii xɛmɛn sɔtɔ, i yi a xili sa Yesu.* 32 A binyen sɔtɔma nɛn, a xili bama nɛn a Kore Xɔnna Alaa Dii Xɛmɛna. Marigina Ala a findima nɛn mangan na alo a benba Dawuda yi kii naxan yi. 33 A findima nɛn Yaxuba bɔnsɔnna mangan na habadan. A mangayaan mi ɲanɲɛ mumɛ!"

Marigi Yesu sɔtɔ fena

18 Awa, Yesu Alaa Muxu Sugandixin sɔtɔxi kii naxan yi, na nan ito ra. A nga, Mariyama yi masuxi Yusufu xɔn ma nun, koni benun a xa dɔxɔ a xɔn ma waxatin naxan yi, a yi a to a bata fudikan fata Alaa Nii Sariɲanxin na.

Mariyamaa bɛtina

46 Mariyama naxa,

"N Marigin tantunma n bɔɲɛni.

47 N sɛwaxi n bɔɲɛni n nakisimana Alaa fe ra.

48 Amasɔtɔ a bata a xaxili lu

n tan a walikɛ magodoxin xɔn ma.

Nanara, fɔlɔ iki ma han habadan,

muxun birin a falama nɛn

a baraka diin nan n tan na.

49 Amasɔtɔ Ala Sɛnbɛmaan bata fe gbeen liga n xa.

A xinla sariɲan.

50 A kininkinin a yɛɛragaxu muxune ma

han mayixɛtɛ mayixɛtɛne.

51 Ala bata a yiini bandun,

a yi waso muxune raxuya ayi

e nun e fe yitɔnxine.

52 Ala bata manga sɛnbɛ kanne ba e manga gbɛdɛne yi.

Naxanye e yɛtɛ magodoxi, a yi ne yite.

53 A kamɛtɔne ralugo fe faɲin na.

A nafulu kanne yii seene ɲan.

54 Ala layirin naxan xidi en benbane xa,

a mi ɲinanxi na ma.

55 A yi a xaxili lu a hinanna xɔn ma

Iburahima xa e nun a bɔnsɔnna birin

han habadan!"

4 Yusufu fan yi keli Galile Nasarɛti taani, a siga Yudaya taana nde yi naxan yi xili Bɛtɛlɛmi, Manga Dawuda sɔtɔxi dɛnaxan yi. Yusufu yi siga na, amasɔtɔ Dawuda bɔnsɔnna nan yi a tan fan na, 5 a siga a xili sɛbɛdeni e nun Mariyama naxan yi masuxi a xɔn ɲaxalandiyani. A fudi kanna nan yi a ra. 6 E yi Bɛtɛlɛmi yi waxatin naxan yi, Mariyama dii bari waxatin yi a li. 7 A yi a dii xɛmɛ singen sɔtɔ. A yi a mafilin dugini, a yi a sa xuruseene balon sa seen kui kulani amasɔtɔ e mi yigiya sɔtɔ xɔɲɛ yigiyadeni.

19 Mariyama yi feni itoe birin namara a xaxinla ma, a yi a miri ne ma kati!

34 Simeyɔn yi duba a nga Mariyama xa, a naxa, "Ala bata diini ito yɛba, a yi Isirayila muxu wuyaxi halagi, a yi a wuyaxi rakisi. A findima nɛn taxamasenna ra koni muxu wuyaxi a matandima nɛn, 35 a yi e miriya luxunxine ramini kɛnɛnni. Tɔrɔna i bɔɲɛn sɔxɔnma nɛn alo dɛgɛma xɛnxɛna."

48 A sɔtɔ muxune a to waxatin naxan yi, e kabɛ. A nga yi a fala a xa, a naxa, "N ma diina, i ito ligaxi nxu ra nanfera? Nxu nun i fafe bata yigitɛgɛ i fendeni kati!"

49 A yi e yabi, a naxa, "Ɛ n fenma nanfera? Ɛ mi a kolon fa fala a lan nɛn n xa lu n Fafe a banxini?" 50 Koni a naxan fala e xa, e mi na famu.

51 Nanara, Yesu yi siga e fɔxɔ ra Nasarɛti yi, a yi e sagoon liga. A nga yi feni itoe birin namara a xaxinla ma.

3 Manpaan to dasa, Yesu nga yi a fala a xa, a naxa, "Manpaan bata ɲan e yii." 4 Yesu yi a yabi, a naxa, "N na, en ma fe na yi? N ma waxatin munma a li singen." 5 Yesu nga yi a fala walikɛne xa, a naxa, "A na naxan fala ɛ xa, ɛ na liga."

25 Yesu nga yi tixi a faxa wudin fɛma nun, e nun a ngaxakeden ɲaxalanmana, Mariyama, Kilofasi a ɲaxanla, e nun Mariyama Magadala kaana. 26 Yesu yi a nga tixin to na yi e nun a xarandiina, a yi naxan maxanuxi han! A yi a fala a nga xa, a naxa, "Nga, i ya dii xɛmɛn nan ito ra." 27 A yi a fala na xarandiin xa, a naxa, "I nga ni ito ra." Na waxatin yɛtɛni, na xarandiin yi a nga tongo, a siga a ra a konni.

Yesu nga nun a xunyɛne fe

31 Na xanbi ra, Yesu nga nun a xunyɛne yi fa. E ti tandeni, e xɛraan nasiga a xilideni banxini. 32 Yamaan yi dɔxi Yesu rabilinni, e yi a fala a xa, e naxa, "A mato, i nga nun i xunyɛne tandeni e waxi i to feni." 33 Yesu yi e yabi, a naxa, "Ndee nga nun n xunyɛne ra?" 34 Muxun naxanye dɔxi a rabilinni, a yi ne mato, a naxa, "N nga nun n xunyɛne mato be yi. 35 Amasɔtɔ muxun naxanye Ala sagoon ligama, ngaxakeden xɛmɛmaan nun a ɲaxalanmaan ne nan na e nun n nga."

55 Kamudɛrɛna dii xɛmɛn xa mi ito ra ba? Mariyama a diin xa mi a ra ba? Yaki nun Yusufu nun Simɔn nun Yudasi tada xa mi ito ra ba? 56 A xunyɛ dii tɛmɛne xa mi dɔxi be ba? A tan feni itoe birin sɔtɔxi minɛn yi?"

14 Itoe birin yi e malanma yire kedenni Ala maxandideni waxatin birin e nun ɲaxanla ndee nun Yesu nga, Mariyama e nun Yesu xunyɛne.