26 Про шовто чон есас бічадо анґєлос про нав Гавріїл ле Девлестар андро галілєйсько фоврос, со вічінелпес Назарет, 27 кє чай Марія. Ой есас манґаді ле ромескє про нав Йосип, саво есас андало родос ле Давідоскєро. 28 І сар заавля анґєлос кє лате, пгендя лакє:

— Бахт тукє, ту хундял благіпе! О Рай туга!

30 І акор анґєлос лакє пгендя:

— На дара, Марія, бо о Дейл сікадя кє туте благіпе!

31 А канакє ту ачега пгарі, і ловтярега ле Час, і дега лескє нав Ісус. 32 Ов ейла баро, і Лес вічінкєрена о Ча Майопрунескєро. І дела Лескє о Рай о Дейл о тронос лескєре дадескєро Давідоскєро. 33 І кралінела про саворо родос ле Яковскєро міндик, і Лескєре краліпнаскє на ейла ніґда аґор.

46 Марія отпгендя:

— Мійрі вовді барарел ле Раєс,

47 а мійро духос радисальол важо Дейл,

Саво ратинел ман,

48 бо дикгля пре Пескєрі цікні совґалкіня.

А канакєстар ман саворо родос вічінела бахталі,

49 Майзораледер кєрдя манґє баро!

І Лескєро нав свентно!

50 Девлескєро лачіпе сікавелпес про саворе роди,

про одала, со Лестар пес даран.

51 Лескєре вастега кєрде баре бувтя:

Ов розтранля баріканен, кай тговенаспес аврі андро пескєро їло,

52 ле зорален чідя тейле пал ленґєро тронос,

а ваздня чоре манушен.

53 Ле бокгален чалярдя лачіпнага,

а ле барвален бічадя нісога,

54,55 лепердя о лав, саво диня амаре даденґє,

ле Авраамоскє і лескєре чавенґє,

гой мієл міндик лачоїлескєро про векі,

і поможіндя ле Ізраєльоскє, Пескєре совґаскє.

4 Ґейля те о Йосип андал галілєйсько фоврос Назарет андро Іудєя, андро фоврос ле Давідоскєро, со вічінелпес Віфлієм, бо ов есас андал родос ле Давідоскєро. 5 Ов ґейля те запісіненпес ле Маріяга, саві есас лега манґаді і ужарелас ле Чаворес. 6 Ачіля авка, гой адик ой одя есас, авля лакє овра те ловтярен. 7 Ой увліля пескєре перше Чаворес, патярдя Лес андро пгерноре і тгодя Лес андре ясля, бо на есас лен тган андре гостіно соба.

19 а Марія ґарувелас саворе кадала лава андро пескєро їло і думінелас пало ода.

34 Сімеон благословіндя лен і пгендя ле Маріякє, Лескєра дакє:

— Пріґ када Чаворо, саво пашльол аде, бутджяне андало Ізраєль перена і вазденапес опре. Ов ейла знаменіє, саво бутджяне мануша на прелена. 35 Те тукє коркоракє е шабля преджяла пріґ тийрі вовді. Акор ейла пгутердо думішоґос, со буте манушенґє гін андро їло.

48 Сар Лес дикгле Лескєре дада, чудаліндепес, а е дай Лескє пгендя:

— Чаворея, соскє Ту авка кєрдял? Тийро дад те ме Тут родагас, і іґєн дарагас важ Туте.

49 Ов ленґє пгендя:

— Соске тумен Ман роденас? Чі тумен на джяненас, со Ме мушінав те авен андро Мійре Дадескєро кгєр?

50 Та оне на ахаліле ола лава, со ленґє Ов пгендя. 51 Акор Ов вісаліля ленца, авля андро Назарет, і шунелас лен. А лескєрі дай ґарувелас саворо ода андро пескєро їло.