Marido e mulher
O casamento é aliança sagrada entre marido e mulher, instituída por Deus desde o Éden. A Bíblia define papéis complementares fundados em amor, respeito e fidelidade mútua.
Instituição divina
Deus criou homem e mulher e os uniu em uma só carne. O casamento é projeto divino que reflete o amor de Cristo pela Igreja.
तैखन परमेशरे अपने रूपे मां इन्सानेरी रच़ना की, ते अपने रूपे मां परमेशरे इन्सानेरी रच़ना की; नर ते नारी बनेइतां तैनी तैन केरि रच़ना की।
फिरी यहोवा परमेशरे ज़ोवं, "आदमेरू अकैल्लू रानू ठीक नईं; अवं तैसेरेलेइ अक एरहो मद्दतगार बनेइलो ज़ै तैस सेइं मेल खाए।"
एल्हेरेलेइ मड़द अपने अम्मा-बाजी करां अलग भोइतां अपनि कौन्शी सेइं मिलोरो रालो ते तैना दूईये अक जान भोल्हां।
तैनी जुवाब दित्तो, "कुन तुसेईं नईं पढ़ेरू कि ज़ैने तैना बनां तैनी शुरू करां मड़द ते कुआन्श बनेवरां थियां। ‘एल्हेरेलेइ मड़द अपने हाज बव्वे करां कनारे बिशतां अपनि कुआन्शी सेइं साथी रालो, ते तैना दूईये अक जान भोल्हां।’ एल्हेरेलेइ हुनी तैना परमेशरेरी नज़री मां दूई नईं, पन अक्के आन। एल्हेरेलेइ ज़ैना परमेशरे ज़ोड़ोरेन, तैन्न कोई मैन्हु अलग न केरे!"
कुन तैनी अक्के नईं बनेवरी हालांकि होरि भी आत्मा तैस कां थी? ते एक्के किजो बनाई? एल्हेरेलेइ कि तै परमेशरेरे काबल औलाद चाते। एल्हेरेलेइ तुसां अपने आत्मारे बारे मां खबरदार राथ, ते तुसन मरां कोई अपने जुवैनरे कौन्शी सेइं धोखो न केरे।
Papéis no casamento
O marido ama e a mulher respeita. Ambos se submetem voluntariamente a Deus e um ao outro, em parceria e unidade.
हे मुन्शव, अपने-अपने कुआन्शन सेइं प्यार केरा, ज़ेन्च़रे मसीहे भी कलीसिया सेइं प्यार केरतां अपनो आप तैसेरेलेइ दित्तो। ताके तैस वचनेरे ज़िरिये पैनेरे निहाने सेइं शुद्ध केरतां पवित्र बनाए। ते तैस अक एरी महिमा बाली कलीसिया बनेइतां एप्पू कां खड़ी केरे, ज़ैस मां न कोई दाग, न धब्बो, न कोई एरी चीज़ भोए, बल्के पवित्र ते बेइलज़ाम भोए। एन्च़रे मुन्श अपने कुआन्शी सेइं अपने जानी बराबर प्यार केरे। ज़ै अपने कुआन्शी सेइं प्यार केरते, तै एप्पू सेइं प्यार केरते। किजोकि कोन्चे कधी अपने जानी सेइं बैर नईं रखोरो, बल्के तैसेरी हेरगेश कियोरीए, ज़ेन्च़रे मसीह भी कलीसियाई सेइं केरते।
हे कुआन्शव, अपने-अपने मुन्शां केरे अधीन राथ, ज़ेन्च़रे प्रभुएरे। किजोकि मुन्श त कुआन्शरी क्रोड़ीए ज़ेन्च़रे मसीह कलीसियारी क्रोड़ी, ते मसीह कलीसियारो मुक्ति देनेबालोए ज़ै तैसेरी जाने। ज़ेन्च़रे कलीसिया मसीहेरे अधीने, तेन्च़रे कुआन्शां भी हर गल्ली मां अपने-अपने मुन्शेरे अधीन रान।
पन तुसन मरां हर कोई अपने कुआन्शी सेइं एप्पू बराबर प्यार केरे, ते कुआन्श भी अपने मुन्शेरी इज़्ज़त केरे।
हे कुआन्शव, ज़ेन्च़रे प्रभु मां जाइज़े, तेन्च़रे अपने-अपने मुन्शां केरे अधीन राथ। हे मुन्शव, एपनी-एपनी कुआन्शन सेइं प्यार रखा, ते तैन सेइं सखत बर्ताव न केरा।
हे कुआन्शव, तुस भी अपने मुन्शां केरे अधीन राथ। एल्हेरेलेइ अगर इन मां कोई एरो भोए ज़ै परमेशरेरे वचने न मनतो भोए, तुश्शे ज़ींनेरे तरीके सेइं तुश्शे बगैर ज़ोने तैन केरे विश्वास केरनेरी वजा भोल्ही। तैना तुश्शे रोड़े ते पवित्र बर्ताव हेरतां मसीह पुड़ विश्वास केरेले।
तेन्च़रे हे मुन्शव, तुस भी समझ़दैरी सेइं कुआन्शन सेइं ज़िन्दगी बीताथ ते इन याद रखा कि तैना तुसन करां कमज़ोरन, एल्हेरे तुसेईं तैन केरि आदर कियोरी लोड़े, किजोकि तुस दूईये तैस वरदानेरे हिसेदार आथ ज़ैन परमेशर तुसन अनुग्रहे सेइं दित्तोरूए, तै हमेशारी ज़िन्दगीए। एरू केरा ताके ज़ैखन तुस प्राथना केरथ त परमेशर तुश्शी प्राथना शुने।
Fidelidade e união
O casamento é honroso e deve ser preservado com fidelidade. O cordão de três dobras não se rompe facilmente.
एक्की करां दूई रोड़ेन, तैन केरि मेहनतरो रोड़ो फल भोते। किजोकि अगर तैन मरां अक बिछ़ड़े, त होरो तैस खड़े केरेलो; पन अफ़सोस तैस पुड़, ज़ै अकैल्लो भोइतां खिरके, ते तैस कोई खड़ो केरनेबालो न भोए। फिरी अगर दूई ज़ने अकोट्ठे झ़ुलतन त तैन निग्घू लग्गेलू, पन अकैल्लो केन्च़रे निग्घो रेइ सकते? अगर कोई अकैल्ले पुड़ हावी भोए त भोए, पन अगर दूई ज़ने भोन तैना तैसेरो सामनो केरि सकेले। ज़ै रस्सी ट्लाई डोरिन सेइं बनाई गातीए तै जल्दी न ट्लुटे।
भली कौन्श कौन हासिल केरि सकते?
किजोकि तैसेरी कीमत हीरे मोतन करां भी बड़ी जादे भोतीए।
तैसेरे मुन्शेरे मने मां तैसेरेलेइ विश्वासे,
ते तै कधी गरीब न भोल्हो।
ज़ैनी कौन्श ड्लाई, तैस रोड़ी चीज़ मैल्ही,
ते यहोवारो अनुग्रह तैस पुड़ भोवरोए।
घर ते दौलत दादे पड़दादां केरे हिस्से सेइं,
पन अक्लमन्द कौन्श यहोवारे तरफां मैलतीए।
रोड़े सभावेरी कौन्श अपने मुन्शेरू ताजे,
पन ज़ै शरमरां कम्मां केरती तै मन्ना तैसेरी हेड्डी केरि शड़नेरी वजा भोतीए।
तेरो नाग धन राए; ते अपने कौन्शी सेइं साथी खुश रह ज़ैस सेइं तीं ड्लाह बनेवरो थियो ज़ैखन तू जुवान थियो,
तै तेरे लेई ट्लारी हिरनी या खूबसूरत सांभेरनरी ज़ेरि भोए,
तैसारी छाती हमेशा तीं खुश रख्खे,
ते तैसेरो प्यार हमेशा तीं फिदा केरतो राए।
Permanecer juntos
O que Deus uniu, o homem não separe. A Bíblia protege o casamento e orienta sobre convivência, perdão e perseverança conjugal.
हुनी अवं तुश्शे तैन सवालां केरो जुवाब देताईं, ज़ैना तुसेईं अपने चिट्ठी मां पुछ़े, तुसेईं पुछ़ू, इन रोड़ूए कि लोक ड्लाह न बनान? हाँ इन ज़रूरी आहे कि बदमाशी केरनेरे डरे सेइं हर मड़देरी कुआन्श, ते हर कुआन्शरो मुन्श भोए। मुन्श अपने कुआन्शरू हक पूरू केरे; ते तेन्च़रे कुआन्श भी अपने मुन्शेरू। कुआन्शी अपने जिसमे पुड़ अधिकार नईं, पन तैसेरे मुन्शेरो अधिकारे; तेन्च़रे मुन्शे भी अपने जिसमे पुड़ अधिकार नईं, पन कुआन्शी। तुस एक्की होरि करां अलग न भोथ; पन सिर्फ थोड़े च़िरेरे लेई बिस्तारे सेइं कि प्राथनारे लेई फुर्सत मैल्हे, ते फिरी अकोट्ठे भोथ, कि एरू न भोए, शैतान तुसन परखे।
ज़ैन केरो ड्लाह भोवरोए, तैन केरे लेई अवं नईं, बल्के प्रभु हुक्म देते, कि कुआन्श अपने मुन्शे करां अलग न भोए। (अगर अलग भोइ गाए, त होरो ड्लाह न बनाए; या अपने मुन्शे सेइं फिरी मेल मिलाप केरे) ते मुन्श अपने कुआन्शी न शारे।
पन ज़ै मड़द ते कुआन्श विश्वासी न भोए, अगर तैना अलग भोन, त अलग भोने देथ, एस हालती मां कोई विश्वासी ढ्लाए या बेइन बन्धने मां नईं। पन परमेशरे अस कुजेवरेम कि सुखे सेइं ज़ींम। हे कुआन्शव तुस इस गल्ली याद रखा कि तुश्शे मुन्श तुश्शे वजाई सेइं मुक्ति हासिल केरि बटतन, ते हे मुन्शव तुस याद रखा कि तुश्शे वजाई सेइं तुश्शी कुआन्शां मुक्ति हासिल केरि बेटतिन।
मिसालरे तोरे पुड़, ड्लावरी कुआन्श कानूनेरे मुताबिक ज़ांतगर तैसेरो मुन्श ज़ींतोए तांतगर तैसेरी पाबंदे। पन अगर मुन्श मेरि गाए, त तै मुन्शेरे कानूने करां छुटी जेई।
"ज़ैस मड़देरो नंव्वो-नंव्वो ड्लाह बनोरो भोए, तै सेनाई सेइं साथी न गाए ते न कोन्ची कम्मेरो भार तैस पुड़ छ़डो गाए; तै पूरे साले अपने घरे मां आज़ाद रेइतां अपनि ड्लाहोरी कौन्शी खुश केरतो राए।