Marido e mulher

27 ती परमेश्वर न मानुसक आपसा रुपो क ओनसारे बोनायो, आपसात रुपो क ओनसारे परमेश्वर न ओको पोरदा कोर्‌यो; नर आरु नारी कोरीन हुयो मानुस क बोनायो। (मत्ती 19:4, मर 10:6)

18 ओळी योहोवा परमेश्वर न कयो, "मानुसक एखलो रयनो वारु नी हयस; हांव एरे जुगु एक ओसो सहायक बोनावीस जो एरे सी मेळ खाय।"

24 इने रिते मानुस आसी बासाक छुड़ीन आपसी घोरवाळी सी मिलीन रोहसे, आरु हुये एकुत डील बोनला रोहसे। (मत्ती 19:5, 1 कुरि. 6:16, इफि. 5:31)

4 ईशु जवाब दिदो, "काय तुमू नी भणिया, की जो उको बनायो, त्योत् शुरू सी नर आरू नारी करीन बनावीन कयो, 5 ‘इना कारण सी मानुस आपसा माय बास सी अलग हुईन आपसी लाड़ी क साथ मा रहवसे आरू त्या दुयू एक डील हुयसे?’ 6 त्या दुय नी, बाकुन एक डील छे अतरानकरीन करीन जिना क यहोवा–भगवान जुड़ियो, मानुस उको अलग नी करनो जुवे।"

25 ✝ए घर वाळा, आपसी–आपसी लाड़ी साते मोंग राखु, जोसु ईशु मसीह भी मंडळी साते मोंग राखीन आपसा काजे हेर जुगु आप दिदो, 26 कि हेरा वचन क लारे पानी छे उगवाड़िन चुखो बनावे, 27 आरू ओको एक ओसी तेजस्वी मंडळी बनावीन आपसे साते उबी करे, जिना मा नी गुणो, नी झुर्री होय, नी ओसी काय चीज होय, बाकुन त्योखो आरू निर्दोष होय। 28 इने रीते वारू छे, कि घर वाळु आपसी–आपसी घर वाळी छे आपसा डीलोन सारका मोंग राखे, जो आपसी घर वाळी छे मोंग राखे, चो आपसा छे मोंग राखे। 29 काहकि कोय भी कदी आपसा डील सी बैर नी राखलो होय बाकुन हेरो पाळन पुषण करलो छे, जो मसीह भी मंडळी न साते करियो।

घरवाळा आरू लाड़िया क हुकुम देनो

22 ✝हे लाड़िया, आपसा–आपसा घर वाळान ओसा वात मानता रवु, जोसा कि पोरबुन वात माने 23 काहकि घर वाळु ते लाड़ीन मुनको छे जोसु ईशु मसीह मंडळी न मुनका छे आरू आपसु डीलोन उध्दारकरता छे। 24 पर जोसी मंडळी ईशू मसीहन वात मानती रये, वसोत लाड़िया भी आपसा–आपसा घर वाळान वात मानता रहवो।

33 पर तुमरे मा सी आखा आपसी घर वाळी साते आपसा सारका मोंग राखु, आरू घर वाळी आपसा घर वाळा विजुत करे।

नवलो जीवन क पारिवारिक नियम

18 ✝हे लुगाई, जोसो पोरबु मा वारू छे, वोसो ही आपसा–आपसा घर वावा क हको तळे रवु।

19 ✝हे घर वावा आपसी–आपसी लुगाई, छे मोंग राखु, आरू उनछे वातड़ो हुयने नी करनो।

घरवाळा आरू बायर

1 ✝हे बायर, तुमू भी आपसा घरवाळा क हको तळे रयो, अतरान करीन कि यदि इन मा छे काही ओसो होय जो वचन क मानता होय, 2 तौभी तुमरे बीक सहित चुखलो चाल चालने क देखीन विना वचन क आपसी–आपसी बायर क चाल चालने क द्वारा खेच जाय।

7 वोसो ही घर वावो तुमू भी बुध्दिमानी छे बायर क साथे जीवन निर्वाह करू, आरू बायर क निर्बल पात्र जानीन ओको विजुत करू यो समझीन की हामु दुय जीवन क वरदान क वारीस छे, जिनासे तुमरी प्रार्थना रूक नी जाय।

9 एक सी दुय जन रयनो वारु छे काहकी हेनकी मेहनतन फोव वारु जड़े। 10 काहकी कदाम हेनु मा सी एक पड़े, ती दिसरो हेको उठाड़े; पुन विखु उना पर जो एखलोत हयीन पड़े आरु हेको कोय उठाड़ने वाळो नी रये। 11 ओळी कदाम दुय जन एखटा सुवे ती ताता रयसे, पुन कोय एखलो रयीन कसो तातो हुयसे। 12 कदाम कोय एखला क कोमजुर ते करे, पुन दुय हेको सामनो कर लेय। जो दुवड़ो तीन दुवड़ा सी बनलो रये, त्यो छाटो नी टुटे।

वियाव छे सम्बन्धित सवाल

1 उन वात क विषय मा जो तुमू ने लिखी यो वारलो छे कि मानुस बायर क नी धर्‍य। 2 पुन व्यभिचार क घाबराय छे हर एक मानुस की बायर, आरू हर एक बायर क घर वावो होनो जुवे। 3 घर वावो आपसी बायर क हक पूरो कर्‍या; आरू वोसो ही बायर भी आपने घर वावो क 4 बायर क आपसी देह पर हक नी पर ओका घर वावो क हक छे; वोसो ही घर वावो क भी आपसी देह पर हक नी, पुन बायर क छे। 5 तुमू एक दिसरा छे अलग नी रयो; पुन केवल काही टेहाव तक आपस की सम्मति छे कि प्रार्थना क करता छुट्टी मिवे, आरू पछु एक साथे रयो; ओसो नी होय कि तुमरे गम क कारण शैतान तुमू पारखे।

10 जिनका वियाव होय गया छे, उनको हाव नी, वरना पोरबु हुकुम देता छे कि बायर आपने घर वावो छे अलग नी होय। 11 आरू यदि अलग भी होय जाय, तो विन दिसरा वियाव कर रया; या आपने घर वावो छे पछु हावल कर लेय आरू नी घर वावो आपसी बायर क छुड़।

15 पुन जो मानुस विनभुरसीया छे, यदि वो अलग होय तो अलग हुयने देवु, ओसी दशा मा काही भाईस या बहिनीस बन्धन मा नी यहोवा–भगवान ने हामु मेलमिलाप क करता बुलाया छे। 16 काहकि हे बायर, तु काय जानती छे कि तु आपने घर वावा क उध्दार कर लेछे? आरू हे मानुस, तु काय जानता छे कि तु आपसी बायर क उध्दार कर लेछे?

2 उदारणन करता एक वियाव वाली बाई नियम न द्वारे ताह तक बांधली छे, ज्योत्यार तक ची जीवती छे, पुन यदि हेको घर वावु मर जातु छे, ती तेर नाता मा नियम रईन सुट जाती छे।