Marido e mulher
O casamento é aliança sagrada entre marido e mulher, instituída por Deus desde o Éden. A Bíblia define papéis complementares fundados em amor, respeito e fidelidade mútua.
Instituição divina
Deus criou homem e mulher e os uniu em uma só carne. O casamento é projeto divino que reflete o amor de Cristo pela Igreja.
ବେଡ଼ିୟେ ପରମେଶ୍ୱର ନିଜର ମକମ୍ତେ ନାରୁଣ୍ଡ୍ ତିଆର୍ ମାଡ଼୍ତଣ୍ଡ; ପରମେଶ୍ୱରତେ ନିଜର୍ମକମ୍ତେ ଅଣ୍ଡ୍ ଅଂକିଙ୍କ୍ ତିଆର୍ ମାଡ଼୍ତଣ୍ଡ୍; ମାନେୟ୍ ନୁ ନାଟାଡ଼୍ ମାଡ଼ି ଅଣ୍ଡ୍ ଅଡ଼୍କିଙ୍କ୍ ତିଆର୍ ମାଡ଼୍ତଣ୍ଡ୍ ।
ଅନନ୍ତର ସଦାପ୍ରବୁ ପରମେଶ୍ୱର କେତ୍ତଣ୍ଡ୍, ନାରୁଣ୍ଡ୍ ୱେରଣ୍ଡ୍ ମାନ୍ଦାନାଦ୍ ସାୟ୍ ଇଲେ, ମାମ୍ମେ ଅନ୍ ସେଙ୍ଗେ ଅନ୍ ତଡ଼୍ ମାନ୍ଦାନାଦିଙ୍କ୍ ତିଆର୍ ମାଡ଼ିତମ୍।
ଆଦିନ୍ ମାଇଦିଙ୍କ୍ ନାରୁଣ୍ଡ୍ ନିଜର୍ ୟାୟ୍ବାବାଙ୍କ୍ ୱିଡ଼୍ସି ନିଜର୍ ମୁତେନ୍ତଡ଼୍ ମାନ୍ତ୍ତଡ଼୍, ମେଣ୍ଡେ ଅଡ଼୍ ଅଣ୍ଡୟ ଆଦ୍ତଡ଼୍ ।
ଜିସୁ କେତ୍ତନ୍, "ଶାସ୍ତ୍ରତାଗ୍ କାର୍ୱିଡ଼୍ କି, ମୁନେଙ୍କ୍ ସୃଷ୍ଟି କର୍ତ୍ତାଲ୍ ମାନେଇ ନୁ ନାଟାଡ଼୍ତିଙ୍କ୍ ତିଆର୍ ମାଡ଼୍ତଣ୍ଡ୍ ? ଆସୁଙ୍କ୍ ଜିସୁ କେତ୍ତନ୍, ‘ଇଦିନ୍ ସେଙ୍ଗେ ମାନେଇ ତାନ୍’ ୟାୟ୍ ବାବାଙ୍କ୍ ୱିଡ଼୍ସି ତାନ୍ ମୁଦ୍ପାନ୍ ତଡ଼୍ କାଇଲିମାନ୍ତେ ନୁ ଅଡ଼୍ ଇର୍ୱୁଡ଼୍ ୱେରନ୍ ଇନା ମାନ୍ତଡ଼୍ । ଅଡ଼୍ ମେଣ୍ଡେ ଇର୍ୱୁଡ଼୍ ଆୟ୍ୟଡ଼୍, ଅଡ଼୍ ମେଣ୍ଡେ ୱେରନ୍ ଇନା ମାନ୍ତଡ଼୍ । ବେନଡ଼୍କ୍ ଇଶ୍ୱର୍ କାଲ୍ପି ମିନ୍ଦେଣ୍ଡ୍, ନାରୁଡ଼୍ ଅଡ଼୍କିଂଙ୍କ୍ ୱେରେ ୱେରେ ମାଡ଼ାନାଦ୍ ଟିକ୍ ଆୟ୍ୟ ।"
Papéis no casamento
O marido ama e a mulher respeita. Ambos se submetem voluntariamente a Deus e um ao outro, em parceria e unidade.
ମୁଦ୍ପାଲଡ଼ି, କ୍ରିଷ୍ଟ ବେଲା ମଣ୍ଡଲିତିଙ୍କ୍ ପ୍ରେମ ମାଡ଼ି, ତାନ୍ ଜିୱୁଣ୍ଡ୍ ଇତ୍ତନ୍, ମିଡ଼୍ ଟିକ୍ ଆଲେନେ ନିଜର୍ନିଜର୍ ମୁତେକିଙ୍କ୍ ପ୍ରେମ ମାଡ଼ାଟ୍ । କ୍ରିଷ୍ଟ ମଣ୍ଡଲିତିଙ୍କ୍ ଏର୍ ତଡ଼୍ ପରିଷ୍କାର୍ ମାଡ଼ି ଇଶ୍ୱର୍ତେ ଗଟ୍ ମାଇଦିଙ୍କ୍ ଉତ୍ସର୍ଗ ମାଡ଼୍ତଣ୍ଡ୍, ମେଣ୍ଡେ ଆଦ୍ ପବିତ୍ର, ନିର୍ଦୋଷ୍, ନିଷ୍କଳଙ୍କ୍ ନୁ ସାର୍ରେ ସାୟେ ସୁନ୍ଦର୍ ମାଡ଼ି ନିଜେ ନେଃଏତଣ୍ଡ୍ । ମାନେୟ୍ନଡ଼ି ନିଜେତ୍ ମେନ୍ଦୁଲ୍ ଇଞ୍ଜ ଆଲ୍ସି ନିଜେତ୍ ନାଟାକିଙ୍କ୍ ପ୍ରେମ ମାଡ଼ାନାଦ୍ ସାୟେ । ବେନ ନିଜେତ୍ ନାଟାକିଙ୍କ୍ ପ୍ରେମ ମାଡ଼ିତନ୍, ଅଣ୍ଡ୍ ନିଜେତିଙ୍କ୍ ପ୍ରେମ ମାଡ଼ୁତଣ୍ଡ୍ । ବେନ ବେସୁଟ୍ ନିଜେତ୍ ମେନ୍ଦୁଲ୍ତିଙ୍କ୍ ପାସ୍କଣ୍ଡ୍ । ମେଣ୍ଡେ ମେନ୍ଦୁଲ୍ତିଙ୍କ୍ ତିନ୍ଦାନ୍ ଉନ୍ଦାନ୍ ମାଡ଼ିତନ୍ ନୁ ଜତନ୍ ଆଦ୍ତନ୍ ଆଲେନେ କ୍ରିଷ୍ଟ ମଣ୍ଡଲିତେ ଜତନ୍ ଆଦ୍ତନ୍,
ଆ ନାଟାନଡ଼ି ! ମିଡ଼୍ ବେଲା ପ୍ରବୁନାଗ୍ ମିନ୍ଦେଡ଼ି ଆଲେନେ ନିଜର୍ନିଜର୍ ମୁଦ୍ପାଲଡ଼୍ ତଡ଼୍ ମାନୁଟ୍ । ମଣ୍ଡଲିତେ ପର୍ର କ୍ରିଷ୍ଟନାଦ୍ ଅଦିକାର୍ ବେଲା ମିନ୍ଦେ ଆଲେନେ ନାଟାଡ଼୍ତେ ପର୍ର ମାନେୟ୍ତେ ଅଦିକାର୍ ମିନ୍ଦେ; ମେଣ୍ଡେ କ୍ରିଷ୍ଟ କେ ତାମ୍ ମେନ୍ଦୁଲ୍ ଇନା ମଣ୍ଡଲିତେ ତ୍ରାଣକର୍ତ୍ତାଲ୍ । ମଣ୍ଡଲିତାଗ୍ ବେଲା କ୍ରିଷ୍ଟନ୍ ଅଦିକାର୍ ମିନ୍ଦେ, ନାଟାକି ବେଲା ନିଜର୍ନିଜର୍ ମୁଦ୍ପାଲଡ଼୍ ଗାର୍ରେ ସାରେୱେଲେ ମାନି ।
ଇତ୍କେ ଇଦ୍ ମିଇ ସେଙ୍ଗେବା ସାୟେ । ସାର୍ରେ ମୁଦ୍ପାଲଡ଼୍ ମୁତେଙ୍କ୍ ଜିୱେଇସ୍ ପ୍ରେମ ମାଡ଼ାଟ୍ ନୁ ସାର୍ରେ ମୁତ୍ତେ ନିଜେତ୍ ମୁଦ୍ପାଲଡ଼୍କିଙ୍କ୍ ସମ୍ମାନ୍ ଇୱି ।
ପୁନେ ଜିୱୁଣ୍ଡ୍ତାଗ୍ ନିଜର୍ ସମ୍ପର୍କ
ଅ ନାଟାନଡ଼ି, ମିଇ ମୁଦ୍ପାଲଡ଼୍ ତଡ଼୍ କାୟ୍ଲି ମାନୁଟ୍, ବାତେଙ୍କ୍ ଇତ୍କେ ପ୍ରବୁ ଜିସୁ କ୍ରିଷ୍ଟନ୍ ନାରୁଣ୍ଡ୍ ଇନା ଇଦ୍ ମିୟାଦ୍ ପାଡ଼୍ୟି ।
ଅ ମୁଦ୍ପାଲଡ଼ି, ମିୟାୱ୍ ମୁତେକିଙ୍କ୍ ପ୍ରେମ ମାଡ଼ାଟ୍ । ଆୱିଙ୍କ୍ କାରାପ୍ ବ୍ୟବହାର୍ ମାଡ଼୍ମାଟ୍ !
ମୁତେ ନୁ ମୁଦ୍ପାଲଡ଼୍ ସେଙ୍ଗେ ଶିକ୍ଷା
ଆ ମୁତେନଡ଼ି ! ମିଡ଼୍ ମୁଦ୍ପାନଡ଼୍ ସନ୍ତୁଷ୍ଟ ଆୟମୁଟ୍ । ଆଲେକେ, ଯଦି ବେନ୍ ଆୟି ମୁଦ୍ପାଲ୍ ଇଶ୍ୱର୍ତେ ବାକ୍ୟତେ ବିଶ୍ୱାସ୍ ମାଡ଼୍ୱେ ମାତ୍କେ, ଆଲେକ୍ ମିୟାଦ୍ ସାୟେତ୍ ବ୍ୟବହାର୍ ତଡ଼୍ ଆଦ୍ ବାକ୍ୟ ସେଙ୍ଗେ ଅନାଦ୍ ବିଶ୍ୱାସ୍ ଆଦ୍ତେ । ମିଡ଼୍ ସୁଦୁଟ୍ ମିକା କେତାନଙ୍କ୍ ଦର୍କାଡ଼୍ ଆୟ । ବାତେଙ୍କ୍ଇତ୍କେ ମିୟାଦ୍ ପବିତ୍ର ବ୍ୟବହାର୍ ନୁ ବକ୍ତି ବାବ୍ ଅଡ଼୍ ଉଡ଼ିତଡ଼୍ ।
ଆ ମୁଦ୍ପାନଡ଼ି, ଆଦ୍ ଲେକାମ୍ ମୀଇ ମୁତେକିଙ୍କ୍ ଶାତ୍ୱାମ୍ ଇଲ୍ଲେ ଇଞ୍ଜ ପୁଞ୍ଜ୍ ଆୱିନ୍ ସେଙ୍ଗେ ପସନ୍ଦ୍ ଆସ୍ ମାନ୍ନୁଟ୍ । ଆୱିଙ୍କ୍ ସମ୍ମାନ୍ ଇମୁଟ୍ । ଆୱୁମିକା ମିଇତଡ଼୍ ଇଶ୍ୱର୍ତାଗେ ଜିୱେତ୍ ଲେକାମ୍ ଦାନ ପାଏମ୍ ଆଦ୍ତା । ମିଇଡ଼୍ ଆୱିନ୍ ସେଙ୍ଗେ ସାୟେତ୍ ବ୍ୟବହାର୍ ମାଡ଼୍କେ, ମିୟାଦ୍ ପ୍ରାର୍ତନା ଅଟ୍କେମ୍ ଆୟ ।
Fidelidade e união
O casamento é honroso e deve ser preservado com fidelidade. O cordão de três dobras não se rompe facilmente.
ୱେରଙ୍କ୍ ୱିଡ଼୍ସି ଇର୍ୱୁଡ଼୍ ସାୟେ, ବାତେଙ୍କ୍ଇତ୍କେ ଅଡ଼୍ ନିଜର୍ ନିଜର୍ ତିପାଲ୍ତେ ସାୟେତ୍ କାୟା ପାହେମ୍ ଆଦ୍ତଡ଼୍ । ଅଡ଼୍ ରାଲ୍କେ, ୱେରଣ୍ଡ୍ ନିଜର୍ ତଡ଼୍ଦାଦିଙ୍କ୍ ତେତିତଣ୍ଡ୍; ମାତର୍ ବେନ ରାଲାନ୍ ୱେଲେ ୱେରଣ୍ଡ୍ ମାନ୍ତ୍ତଣ୍ଡ୍ ନୁ ବେନଙ୍କ୍ ତେତାନ୍ ମାଇଦିଙ୍କ୍ ୱେର୍ଅର୍ତୁଣ୍ଡ୍ ଇଲକଟ ମାନ୍ତଣ୍ଡ୍, ଅଣ୍ଡ୍ ଅବିସାପ୍ ପାହେମ୍ ଆତ୍ତେ ନାରୁଣ୍ଡ୍ । ମେଣ୍ଡେ, ଇର୍ୱୁଡ଼୍ ଅଣ୍ଡୟାଗେ ଉଞ୍ଜ୍କେ କାମ୍କେଆଦ୍ତଡ଼୍; ମାତର୍ ୱେରଣ୍ଡ୍ ବେଦ୍ପୁଟୁଙ୍କ୍ କାମ୍କେ ଆଦ୍ ପାର୍ଦ୍ତଣ୍ଡ୍ ? ବେସୁଙ୍କ୍ ବେନ ୱେରଣ୍ଡ୍ ମାନ୍ଦାନ୍ ନାରୁଙ୍କ୍ ଆରା ମାଡ଼ିତଣ୍ଡ୍, ଆଲାଇତ୍କେ ଇର୍ୱୁଡ଼୍ ଅଂକିଙ୍କ୍ ଦମ୍କା ମାଡ଼ିତଡ଼୍; ମେଣ୍ଡେ, ମୁଣ୍ଡ୍ ମାଡ଼୍ତେ ମାନ୍ଦାନ୍ ନଡ଼େ ସିଟ୍ପାଟ୍ ତେଗ ।
ସାରେ ଗୁନାମ୍ ବେବାର୍ ମାଡ଼ାନ୍ ନାଟାଡ଼୍
ସାୟେତ୍ ଗୁନାମ୍ ମାନ୍ଦାନ୍ ନାଟାଡ଼୍ ବେନ ଦର୍ସ୍କେ ପାର୍ତଣ୍ଡ୍ ? ଇରା କାଲ୍ବଦେ ତାଗାଙ୍କ୍ ହିଁ ଆଦିନ୍ ଦାମ୍ ଅଦିକ୍ । ତାନ୍ ମୁଦ୍ପାନ୍ ହୃଦୟ ତାନାଗ୍ ଆଶେ ମାଡ଼ିତ୍, ମେଣ୍ଡେ, ଆଦିନ୍ ଲାବ୍ତେ ଅବାବ୍ ଆୟ ।
ବେନ୍ ନାରୁଙ୍କ୍ ମୁତେ ଦର୍କିତ୍, ଅଣ୍ଡ୍ ଲେକେତ୍ ସାମାନ୍ ପାହେମ୍ ଆଦ୍ତଣ୍ଡ୍ ନୁ ସଦାପ୍ରବୁନାଗାଙ୍କ୍ ଆଶିର୍ବାଦ୍ ପାହେମ୍ ଆଦ୍ତଣ୍ଡ୍ ।
ଲନ୍ ନୁ ଦନ ୟାୟ୍ ବାବାନାଗାଙ୍କ୍ ପାହେମ୍ଆତ୍ତେ ଅଦିକାର୍; ମାତର୍ ବୁଦ୍ଦ୍ ମାନ୍ଦାନ୍ ନାଟାଡ଼୍ ସଦାପ୍ରବୁନାଗାଙ୍କ୍ ପାହେମ୍ ଆଦ୍ତେ ।
ଗୁଣବତି ନାଟାଡ଼୍ ନିଜର ମୁଦ୍ପାନ୍ ସଜ୍ଇନା; ମାତର୍ ସିଗ୍ ଇସମାନ୍ଦାନ୍ ନାଟାଡ଼୍ ତାନ୍ ବୁଲାସାରେ ଉର୍ଙ୍ଗ୍ତେ ଲେକାମ୍ ।
ମିଇ ପେୟିତାନ୍ ଇଡ଼୍ପାମ୍ଏର୍ ଦନ୍ୟ ଆୟି; ମେଣ୍ଡେ, ମି ନିଜେତ୍ ଲେୟ୍ ଲେକାମ୍ତେ ନାଟାଡ଼୍କନ୍ ୱେଡ଼୍କେ ମାଡ଼ାଟ୍ । ଆଦ୍ ପ୍ରେମତେ କଡ୍ମାୱୁ ନୁ ସୁନ୍ଦର୍ ମେଟେତ୍ ମେକେ ଇନା, ତାନାଦ୍ ବମାନାଗ୍ ସାରେଦାମ୍ ନିକିଙ୍କ୍ ସାର୍ଦେ ମାଡ଼ିତ୍; ମେଣ୍ଡେ, ତାନ୍ ପ୍ରେମତେ ମିଡ଼୍ ସାରେଦାମ୍ ମାୟି ମାନୁଟ୍ ।
Permanecer juntos
O que Deus uniu, o homem não separe. A Bíblia protege o casamento e orienta sobre convivência, perdão e perseverança conjugal.
ପେଣ୍ଡୁଲ୍ତାଦ୍ ନିୟମ୍
ମିଡ଼୍ ବାତ୍ ସାର୍ରେ ବିଷୟ୍ ଲେକ୍ତିଡ଼୍, ଆୱ୍ ସାର୍ରେତାୱିନ୍ ଉତର୍ ଇଦ୍, ନାରୁଡ୍ ଇୱୁ ନାଟାକିଙ୍ଗ୍ ପେଣ୍ଡୁଲ୍ ଆୟ୍ୱେ ମାତ୍କେ ସାୟେ; ବାତେଙ୍କ୍ ଇତ୍କେ ସାର୍ରେତଡ଼୍କ୍ ଯୌନ ଲାଲସା ମାନ୍ଦାନ୍ ମାଇଦିଙ୍କ୍ ସାର୍ରେ ମୁଦ୍ପାଲଡ଼୍କ୍ ତାମ୍ ମୁତ୍ତେ ମାନି, ମେଣ୍ଡେ ସାର୍ରେ ମୁତେକିଙ୍କ୍ ତାମ୍ ମୁଜାଲର୍ ମାନିର୍ । ମୁଜାଲ୍ ମୁତେନ୍ ତାନାଦ୍ ପ୍ରାପ୍ୟ ଇୱିଣ୍ଡ୍, ମେଣ୍ଡେ, ଆଦେଲେକାମ୍ ମୁତ୍ତେ ମୁଜାନ୍ ତାନାଦ୍ ପ୍ରାପ୍ୟ ଇୱୁ । ମୁତେନ୍ ନିଜେତ୍ ମେନ୍ଦୁଲ୍ତେ ପର୍ର ଅଦିକାର୍ ଇଲ୍ଲା, ବାତେଙ୍କ୍ ଇତ୍କେ ମୁଦ୍ପାନାଦ୍ ମିନ୍ଦେ; ଆଦେଲେକାମ୍ ମେଣ୍ଡେ ମୁଦ୍ପାନ୍ ନିଜେତ୍ ମେନ୍ଦୁଲ୍ତେ ପର୍ର ଅଦିକାର୍ ଇଲ୍ଲା, ବାତେଙ୍କ୍ ଇତ୍କେ ମୁତେନାଦ୍ ମିନ୍ଦେ । ଅଡ଼୍ ତାମ୍ତାମ୍ ଲୋପେ ୱେରେ ଆୟ୍ମାକିଡ଼୍ । ଇତ୍କେ ପ୍ରାତ୍ନା ମାଡ଼ାନ୍ ମାଇଦିଙ୍କ୍ ସୁଦୁଟ୍ ଦିନାମ୍ ସେଙ୍ଗେ ଇର୍ୱୁର୍ ୱେର୍ ଆସ୍ ମାନ୍ଦ୍ପାର୍ଦିତିଡ୍; ମେଣ୍ଡେ ମିୟାଦ୍ ଆତ୍ମସଂଯୋମ୍ ଅବାବ୍ ସେଙ୍ଗାତ୍ ଶୟିତାନ୍ ବେଲାକି ମିକିଂଙ୍କ୍ ପରିକ୍ଷା ମାଡ଼୍ ମା କି ଆଦିନ୍ ସେଙ୍ଗେ ମିଡ଼୍ ମେଣ୍ଡେ କାୟ୍ଲାଟ୍ ।
ବାତେଙ୍କ୍ ଇତ୍କେ ପେଣ୍ଡୁଲ୍ ଆତ୍ତେ ନଡ୍କିନ୍ ଇଦ୍ ନାୟାଦ୍ ଗଟ୍ ଆୟ୍ୟ, ଇଶ୍ୱର୍ତାଦ୍ ଗଟ୍, ମୁତ୍ତେ ମୁଦ୍ପାଙ୍କ୍ ବେସୁଟ୍ବା ୱିଡ଼୍ସ୍ମାକି, ଯଦି ମାଡ଼ିତ୍ ଆଲେକେ ଆଦ୍ ୱେରଡ଼୍ ମାନୀ, ମୁଦ୍ପାନ୍ ତଡ଼୍ କାୟ୍ଲି । ମେଣ୍ଡେ ମୁଦ୍ପାଲ୍ ମୁତେଙ୍କ୍ ବେସୁଟ୍ବା ୱିଡ଼୍ସ୍ମାକିଣ୍ଡ୍ ।
ଆଦ୍ ବାତ୍ ଆୟି, ଯଦି ୱେରଡ଼୍ ଅବିଶ୍ୱାସି ଏଲାଡ଼୍, ଆଦିନ୍ କ୍ରିଷ୍ଟ ବିଶ୍ୱାସୀ ମୁଦ୍ପାଲ୍ ବାତେ ତାନାଗାଙ୍କ୍ ୱେରେ ଆଦାନକ୍ ଇଚ୍ଛା ମାଡ଼ୁତଡ଼୍, ଆଲାଇତ୍କେ ୱେରେ ଆଇୱିଡ୍, କ୍ରିଷ୍ଟ ବିଶ୍ୱାସ୍ତାଗ୍ ମୁଦ୍ପାଲ୍ ବା ମୁତେ ବେନେ ନିୟମ୍ତେ କାଇୱେ ମାନ୍ତଡ଼୍; ଇତ୍କେ ଇଶ୍ୱର୍ ମିକିନ୍ ସୁକାମ୍ତେ ବାଦ୍କାନଙ୍କ୍ କାର୍ଙ୍ଗିମିନ୍ଦେ । ହୋ ନାଟାଡ୍, ନିମ୍ ଯେ ନି ମୁଜାନ୍ ପରିତ୍ରାଣ୍ ମାଇଦିଙ୍କ୍ ଆତ୍ତି, ଇଦ୍ ବାତା ପୁନ୍ଦିଇଲେନ୍ ? ହୋ ମୁଜାଲ୍, ନିମ୍ ଯେ ନି ମୁତେନ୍ ପରିତ୍ରାଣତ୍ ବାତେଙ୍କ୍ ଇତ୍କେ ଆତିନ୍ ଇଦ୍ ବାତା ପୁନ୍ଦିଲିନ୍ ?
ମୁଦ୍ପାଲ୍ ବେସୁଟ୍ ଆୟ୍ନା ଜିୱେ ମାନ୍ତଣ୍ଡ୍, ଆସୁଟ୍ ଆୟ୍ନା ମୁତ୍ତେ ମୁଦ୍ପାନ୍ ନିୟମ୍ ତଡ଼୍ ମାନ୍ତେ, ଇତ୍କେ ମୁଦ୍ପାଲ୍ ଡଲିଆତ୍କେ ମୁତ୍ତେ ମୁଦ୍ପାନ୍ ନିୟମ୍ତାଗାଙ୍କ୍ ମୁକ୍ତି ଆଦ୍ତେ ।