O marido
A Bíblia define o papel do marido com clareza: amar a esposa como Cristo amou a Igreja, ser fiel, protetor e líder servo no lar.
Amar como Cristo amou
Maridos, amai vossas mulheres como Cristo amou a Igreja e se entregou por ela. O amor do marido deve ser sacrificial e incondicional.
हे मुन्शव, अपने-अपने कुआन्शन सेइं प्यार केरा, ज़ेन्च़रे मसीहे भी कलीसिया सेइं प्यार केरतां अपनो आप तैसेरेलेइ दित्तो।
एन्च़रे मुन्श अपने कुआन्शी सेइं अपने जानी बराबर प्यार केरे। ज़ै अपने कुआन्शी सेइं प्यार केरते, तै एप्पू सेइं प्यार केरते।
एन्च़रे मुन्श अपने कुआन्शी सेइं अपने जानी बराबर प्यार केरे। ज़ै अपने कुआन्शी सेइं प्यार केरते, तै एप्पू सेइं प्यार केरते। किजोकि कोन्चे कधी अपने जानी सेइं बैर नईं रखोरो, बल्के तैसेरी हेरगेश कियोरीए, ज़ेन्च़रे मसीह भी कलीसियाई सेइं केरते।
पन तुसन मरां हर कोई अपने कुआन्शी सेइं एप्पू बराबर प्यार केरे, ते कुआन्श भी अपने मुन्शेरी इज़्ज़त केरे।
एल्हेरेलेइ झूठ ज़ोनू शैरतां हर कोई अपने पड़ोसी सेइं सच़ ज़ोए, किजोकि अस एप्पू मांमेइं एक्की जानेरे अंग आम। अगर तुस क्रोधे मां भोथ खबरदार राथ, कि पाप न केरथ, दिहाड़ो डुबने तगर तुश्शो क्रोध मुक्की गाए। ते शैताने मौको न देथ कि तै तुश्शी अज़मैइश केरे। च़ोरी केरनेबालो फिरी च़ोरी न केरे; बल्के ईमानदैरी सेइं अपने हथ्थन सेइं मेहनत केरे; एल्हेरेलेइ ज़ैस ज़रूरत भोए तैस देनेरे लेई तैस कां किछ भोए। कोई गन्दी गल तुश्शे ज़बाना न निस्से, पन ज़रूरतरे मुताबिक तैन्ने ज़ोथ, ज़ैन होरि केरे लेई विश्वासे मां मज़बूती सेइं बद्धनेरी वजा भोए। तैखन ज़ैन तुसेईं ज़ोवं तैन लोकां केरे लेई रोड़ू भोल्हु ज़ैना तुश्शी शुन्तन। ते ज़ैन किछ तुस केरथ तैसेरे वजाई सेइं परमेशरेरे पवित्र आत्मा दुखी न केरा, ज़ैस सेइं तुसन पुड़ छुटकारेरे दिहाड़रे लेई छाप दित्तोरीए। सेब्भी किसमेरी ट्लिठार ते प्रकोप, ते क्रोध, सखत गल, ते तुहीन ते सारो बैर-भावे सेइं तुस दूर कियोरेथ। ते एक्की होरि पुड़ दया केरा, ते माफ़ केरनेबाले भोथ, ते ज़ेन्च़रे परमेशरे मसीह मां तुश्शे पाप माफ़ किये, तेन्च़रे तुस भी एक्की होरेरे पाप माफ़ केरा।
हे मुन्शव, एपनी-एपनी कुआन्शन सेइं प्यार रखा, ते तैन सेइं सखत बर्ताव न केरा।
हे कुआन्शव, ज़ेन्च़रे प्रभु मां जाइज़े, तेन्च़रे अपने-अपने मुन्शां केरे अधीन राथ। हे मुन्शव, एपनी-एपनी कुआन्शन सेइं प्यार रखा, ते तैन सेइं सखत बर्ताव न केरा।
इन सेब्भन करां बा प्यारे ज़ै सेब्भन सिद्धतारो पटकोए बन्धा।
Fidelidade conjugal
O casamento é honroso e o leito conjugal é santo. O marido deve ser fiel à esposa da sua juventude em pensamento e ação.
ड्लाह बनानो सेब्भी लोकन मां इज़्ज़तरी गल समझ़ी गाए, ते कुआन्श ते मड़द एक्की होरेरे लेई वफादार रान, किजोकि परमेशर बदमाशी केरने ते नाजाइज़ रिशते रखनेबालां केरो न्याय केरेलो।
तू अपने कुण्डे मरां पानी,
ते अपने खुहेरे नागे मरां पानी पी।
कुन तेरे नागां केरू पानी सड़की मां,
ते तेरे पैनेरी धारां चौकन मां बगन?
इन सिर्फ तेरे लेई राए,
ते तीं साथी बखलां केरे लेई न भोए।
तेरो नाग धन राए; ते अपने कौन्शी सेइं साथी खुश रह ज़ैस सेइं तीं ड्लाह बनेवरो थियो ज़ैखन तू जुवान थियो,
तै तेरे लेई ट्लारी हिरनी या खूबसूरत सांभेरनरी ज़ेरि भोए,
तैसारी छाती हमेशा तीं खुश रख्खे,
ते तैसेरो प्यार हमेशा तीं फिदा केरतो राए।
हे मेरे मट्ठा, तू बदचलन कौन्शी पुड़ किजो फिदा भोस,
ते बेखली कौन्शी किजो छैती सेइं लास?
पन अवं तुसन इन भी ज़ोताईं कि ज़ै कोई केन्ची कुआन्शी पुड़ गेन्दी नज़रां सेइं तकते, तैनी अपने दिले मां पेइली तैस सेइं बदमाशी केरि छ़डी।
पन अवं तुसन सेइं ज़ोताईं, कि ज़ै कोई अपने कुआन्शी बदमैशरे अलावा होरि केन्ची गल्ली पुड़ फारख्ती दे, त तै तैस करां बदमाशी करावाते। ते ज़ै कोई तैस शैरोरी कुआन्शी सेइं ड्लाह बनाते, त तै भी तैस सेइं बदमाशी केरते।"
एल्हेरेलेइ हुनी तैना परमेशरेरी नज़री मां दूई नईं, पन अक्के आन। एल्हेरेलेइ ज़ैना परमेशरे ज़ोड़ोरेन, तैन्न कोई मैन्हु अलग न केरे!"
मुन्श अपने कुआन्शरू हक पूरू केरे; ते तेन्च़रे कुआन्श भी अपने मुन्शेरू। कुआन्शी अपने जिसमे पुड़ अधिकार नईं, पन तैसेरे मुन्शेरो अधिकारे; तेन्च़रे मुन्शे भी अपने जिसमे पुड़ अधिकार नईं, पन कुआन्शी।
तुस एक्की होरि करां अलग न भोथ; पन सिर्फ थोड़े च़िरेरे लेई बिस्तारे सेइं कि प्राथनारे लेई फुर्सत मैल्हे, ते फिरी अकोट्ठे भोथ, कि एरू न भोए, शैतान तुसन परखे।
ज़ैन केरो ड्लाह भोवरोए, तैन केरे लेई अवं नईं, बल्के प्रभु हुक्म देते, कि कुआन्श अपने मुन्शे करां अलग न भोए। (अगर अलग भोइ गाए, त होरो ड्लाह न बनाए; या अपने मुन्शे सेइं फिरी मेल मिलाप केरे) ते मुन्श अपने कुआन्शी न शारे।
होरन सेइं प्रभु नईं, पन अवं ज़ोताईं, अगर केन्ची विश्वासी ढ्लाएरी कुआन्श विश्वासी न भोए, ते तै कुआन्श तैस साथी राने सेइं खुश भोए, त तै तैस न शारे।
बदमाशी केरने करां दूर राथ, ज़ेत्रे होरे पाप मैन्हु केरते, तैना जानरे बेइरन, पन बदमाशी केरनेबालो अपने जानरे खलाफ पाप केरते।
Convivência com sabedoria
O marido sábio vive com a esposa com entendimento, dando-lhe honra como co-herdeira da graça. A união conjugal reflete Cristo e a Igreja.
तेन्च़रे हे मुन्शव, तुस भी समझ़दैरी सेइं कुआन्शन सेइं ज़िन्दगी बीताथ ते इन याद रखा कि तैना तुसन करां कमज़ोरन, एल्हेरे तुसेईं तैन केरि आदर कियोरी लोड़े, किजोकि तुस दूईये तैस वरदानेरे हिसेदार आथ ज़ैन परमेशर तुसन अनुग्रहे सेइं दित्तोरूए, तै हमेशारी ज़िन्दगीए। एरू केरा ताके ज़ैखन तुस प्राथना केरथ त परमेशर तुश्शी प्राथना शुने।
एल्हेरेलेइ मड़द अपने अम्मा-बाजी करां अलग भोइतां अपनि कौन्शी सेइं मिलोरो रालो ते तैना दूईये अक जान भोल्हां।
खुदगरज़ या झूठी बड़यैयरे लेई किछ न केरा, पन नर्म भोइतां एक्की होरि एप्पू करां रोड़ो समझ़ा। तुसन मरां हर कोई सिर्फ अपने भलैइयरे लेई न सोचे, बल्के होरि केरि भलैइयरे लेई भी सोचे।
अपने बेकार ज़िन्दगरे सारे दिहाड़े ज़ैना दुनियाई मां तेरे लेई ठहरावरेन, एपनी ट्लेरी कौन्शी सेइं साथी बीता, किजोकि तेरी ज़िन्दगी ते तेरी मेहनती पुड़ ज़ै तू दुनियाई मां केरतस एहे तेरो हिस्सोए।
ज़ैनी कौन्श ड्लाई, तैस रोड़ी चीज़ मैल्ही,
ते यहोवारो अनुग्रह तैस पुड़ भोवरोए।
इस गल्लरू ध्यान रखा, कि कोई कोन्ची सेइं बुरैइारे बदले बुराई न केरे, पन सदा भलियाई केरनेरे लेई तियार राथ, एप्पू मांमेइं ते सेब्भन सेइं भी भलियाई केरनेरी कोशिश केरा।
ते अगर यहोवारी सेवा केरनी तुसन बुरी लगे, त अज़ तुस च़ुना कि तुस केसेरी सेवा केरेले चाहे तैन देबतां केरि ज़ैन केरि सेवा तुश्शे बुज़ुर्ग बड्डे समुन्दरेरे तैस पार केरते थिये, ते चाहे एमोरी लोकां केरे देबतां केरि सेवा केरा ज़ैन केरे मुल्खे मां तुस रहतथ; पन अवं त अपने घराने समेत यहोवारी सेवा केरेलो।"
गैर विश्वासी लोकां केरे सेंगती मां न गाथ, किजोकि धार्मिकता ते अधर्मेरो कुन मेल जोल? या लौ ते आंधरेरो कुन साथ?
ज़ैना लोक होरन सेइं प्यार केरतन तैना सबर ते दयाई सेइं कम केरतन, तैना जलन न केरन, तैना अपनि बडीयाई न केरन, ते न घमण्ड केरन। तैना होरन बेइज़्ज़त न केरन, तैना खुदगरज़ न भोन, जल्दी क्रोध न केरन ते ज़ैना बुरी गल्लां तैन केरे खलाफ भोइ, तैन तैना याद न केरन। ते तैन केरे खलाफ ज़ैना पाप केरतन तैना, तैन बड़े आसान तरीके सेइं माफ़ केरतन। तैना खुशी न भोन ज़ैखन लोक बुरू केरतन, पन तैना तैखन खुश भोतन ज़ैखन लोक तैन केरतन ज़ैन ठीक ते सच़्च़ू। तैना सब गल्लां झ़ैल्लतन, प्यार विश्वास कधी न गुवाए, ते असन परमेशरे पुड़ भरोसो केरनेरे काबल बनाते, मुशकलन ते तकलीफन मां सबर रखते।