O marido

A Bíblia define o papel do marido com clareza: amar a esposa como Cristo amou a Igreja, ser fiel, protetor e líder servo no lar.

Amar como Cristo amou

Maridos, amai vossas mulheres como Cristo amou a Igreja e se entregou por ela. O amor do marido deve ser sacrificial e incondicional.

25 Adim, lakwen akyay abɛ asànaa Klistɔ kàkwen nde Ikööŋ anà kàpɛ nde mɔ̈ɔ̈ ande ŋakwo ntɔn kya.

Efésios 5:25

28 Undiiràwun, un’dim akyer akwen un’kyay ande asànaa ndür ande ŋakwo. Mbuur afàkwen un’kyay ande, afàkwen sye nde ŋakwo.

Efésios 5:28

28 Undiiràwun, un’dim akyer akwen un’kyay ande asànaa ndür ande ŋakwo. Mbuur afàkwen un’kyay ande, afàkwen sye nde ŋakwo. 29 Ntɔn, akà mbuur mwɛy watɛy afàyiiŋ ndür ande ŋakwo, wɛɛ nde akyer afàdii anà afàlɔɔn ya ubwaŋàbwaŋ asànaa ufàkyer Klistɔ ntɔn Ikööŋ ande.

Efésios 5:28,29

33 Itàkal naa abà, wɛy mbuur mbuur uboo a bɛ ukwen un’kyay ande asànaa nde ŋakwo, wɛy un’kaar upɛ un’dim ande làzir.

Efésios 5:33

25 Abun, bɛ làbà aŋàlwomà unsà loor: wɛy mbuur mbuur utɛn ndandaa akà mbääb ande, ntɔn bi ibà atɔŋ bi a bi. 26 Nkye bɛ làbà u nkyɛl? Twon lan’kyer man’be, twon lan’kal u nkyɛl tii mpal làkàminà taaŋ. 27 Twon lan’pà ipöl akà ileŋ. 28 Wɛy mbüüb ukɔ̈ɔ̈n afàyib, wɛɛ nde usi ngwal musal unsà lää kà an’kɔɔ ande ŋakwo, ntɔn nde umɛn undiir akab akà mbuur awe anà ngyal awa. 29 Wɛy ndaa a nsɔɔr ikɔ̈ɔ̈n atoo u mun abɛ. Wɛɛ, kya ngyal isàkal, làtɛn ndaa aŋàbwaŋ, yan’kwo mutɔŋ anà mupà kab a ngway akà baar bàweemà ya. 30 Twon lan’pà Dweelà In’kyɛɛl ngyɛb, Dweelà kàlasi Nzam asànaa inyɛm, ntɔn ilä a ntsuuŋ. 31 Wɛy naa itsumbuun, umpɔr, nkyɛl, an’sye anà in’tswe, bya byanswà byàdiimà amu bɛ anà ube banswà. 32 Làkäl bàŋàbwaŋ bɛ a bɛ, làkäl anà nkääŋ a mpem, làdwääl nkul bɛ a bɛ, asànaa kàladwääl Nzam amu Klistɔ.

Efésios 4:25-32

19 Abaal, lakwen akyay abɛ, twon lan’kal anà itsumbuun akà ba.

Colossenses 3:19

Nkääl akün uboo a bɔr

18 Akaar, lawem adim abɛ, asànaa abà ukwen a Mwol.

19 Abaal, lakwen akyay abɛ, twon lan’kal anà itsumbuun akà ba.

Colossenses 3:18,19

14 Unsà ya yanswà, làkäl anà ukwen, wa wà asànaa un’siŋ a ngwal ufàlatüüb.

Colossenses 3:14

Fidelidade conjugal

O casamento é honroso e o leito conjugal é santo. O marido deve ser fiel à esposa da sua juventude em pensamento e ação.

4 Wɛy bɔr làkäl làlàkoo akà baar banswà anà mbiin ikɔ̈ɔ̈n akal udu a itäb, ntɔn Nzam asàtsul mbar a baar a inswem anà bà ipasàsɛ.

Hebreus 13:4

28 Mɛ, mɛ alàkyään naa: mbuur wanswà kan’ler un’kaar anà an’kyän an’be, nde kan’furàtà inswem anà nde u mpem ande.

Mateus 5:28

32 Waa mɛ, mɛ alakyään naa: Yan’kwo bàböŋ un’kaar kan’tà inswem mpɛl. Mbuur wanswà kan’böŋ un’kyay ande mpa kàtɛ nde inswem, nde kàmusiinà mutà inswem. Mbuur usàbääl un’kaar ban’böŋ u bɔr, nde kan’tà inswem. »

Mateus 5:32

6 Abun, ba bàfàkal anki abɔ̈ɔ̈l, wɛɛ ndür mwɛy mpɛl. Apan, wɛy mbuur ukɔɔn akaab ayà kàtüüb Nzam." »

Mateus 19:6

3 Wɛy un’dim ukwey buur ande akà un’kyay ande, anà un’kaar ukyer sye abun kusà a un’dim ande. 4 Un’kaar ikɔ̈b kyatɛy u ndür ande ŋakwo, wɛɛ un’dim ande awe anà kya. Ifà imwɛy sye, un’dim, ikɔ̈b kyatɛy u ndür ande, wɛɛ un’kyay ande awe anà kya.

1 Coríntios 7:3,4

5 Wɛɛ bɛ twon lan’tsuŋ umwɛy anà wumwɛy, nà isàkal naa, unsà ukwen umwɛy anà utaaŋ làmwɛy là ikikye, ntɔn bɛ làpɛ taaŋ unsà ngyamàkà, waa làfàfurà kà un’tüüb, manà naa Satanà uyàsyääl ukɔɔn nkäŋ a mpem abɛ mukàlabwiy.

1 Coríntios 7:5

10 Wɛɛ akà baar abàŋàbääl, mɛ amàlaswaŋ, kà mɛ anki, wɛɛ Mwol: wɛy un’kaar ukɔ̈ɔ̈n akaabà anà un’dim ande, 11 isàkal naa nde kàkyàkaabà, wɛy nde ukɔ̈ɔ̈n àfàbääl, itàkal naa nde uyöŋà a un’dim ande. Wɛy un’dim sye ukɔ̈ɔ̈n awɛy un’kyay ande.

12 Akà bamwɛy, mɛ in’tɛn abà, kà Mwol anki: isàkal un’tɔŋ abaal wɛ anà un’kyay mpa awà ŋàlàkwikilà, wɛɛ un’kaar awà kan’kyey mukal anà nde, wɛy nde ukɔ̈ɔ̈n akun’wɛy.

1 Coríntios 7:10-12

18 Làtiin ipasàsɛ. Man’be asin asin manswà ukyer mbuur mà u nsà a ndür ande. Wɛɛ mbuur afàkyer ndaa a nswɛn afàkyer man’be u ndür ande ŋakwo.

1 Coríntios 6:18

Convivência com sabedoria

O marido sábio vive com a esposa com entendimento, dando-lhe honra como co-herdeira da graça. A união conjugal reflete Cristo e a Igreja.

7 Bɛ adim sye, làkäl anà nkääl a un’tüüb unsà ngwem anà làyöb nsöön a bwääl alye a akaar. Lasi akyay abe làzir, ntɔn ba, asànaa bɛ, ba bà aŋakwal a kab a ngway a mɔ̈ɔ̈, waa akà ndaa mwɛy ikɔ̈ɔ̈n asà lingyoomà uboo a ngyamàkà abɛ.

1 Pedro 3:7

3 Twon làkyer akà undiir mwɛy unsà isür, itàkal unsà làkoo làkɔ̈ɔ̈n ndöŋ, wɛɛ, anà làbɔ̈ɔ̈n, lawɛl atɔŋ asànaa ba ban’söön bɛ ŋakwo. 4 Wɛy mbuur ukɔ̈ɔ̈n aler ndaa ande ŋakwo mpɛl, wɛɛ nde uler sye ndaa a baar bumwɛy.

Filipenses 2:3,4

15 Làkäl kikyɛɛŋ, wɛy mbuur ukɔɔn afuur ube unsà ube, wɛɛ taaŋ lanswà làkyer ubwaŋ uboo a bɛ anà akà baar banswà.

1 Tessalonicenses 5:15

Igyɛɛŋ akà baar mpa abà Ayudà

14 Twon lan’tüüb anà baar bàkɔ̈ɔ̈n làkwikilà. Un’tüüb nà kan’kwo mukäl uboo a balàbal anà ube? Un’tüüb nà uboo a pɛɛlà anà làpib?

2 Coríntios 6:14

4 Ukwen bà nkääŋ a mpem anà ubwaŋ, ba un’kɔl aŋàyɔŋ watɛy, bàfàswaŋ anki ngaal, bàfàkyey anki uyɔl, 5 bàfàkyer anki ndaa ikɔ̈ɔ̈n ndöŋ, bàfàleŋ anki bweel a ba ŋakwo, bàfàwem anki nkyɛl, bàfàfuur anki ube, 6 bàfàsaŋ anki unsà ndaa ikɔ̈ɔ̈n balàbal, wɛɛ bàfàsaŋ unsà ndandaa. 7 Ukwen bàfàfwe indiir byanswà, bàfàsà làkwikilà unsà indiir byanswà, bàfàsà làkyän unsà indiir byanswà, bàfàsɛn buur a indiir byanswà.