5 Bʉʼka mbyu Nyii nɔ bɛ imɔʼ, nə mbyu lìʼ ntuu-yʉʼʉbə Nyii imɔʼ, kə́ bɛ Klai Jiso ndə mbəŋ-ɛŋ bɛ woməsʉʉ.

6 Jiso ghɔ̀ŋ tʉ ɔŋ mbɔ, "Mɔ nɔ bɛ mbʉ fia, kə́ bɛ mbʉ shʉəŋ bɔŋ-kə́-leʼ bɛ mbʉ məchímbi. Wo mə nə gwè tʉ mbʉ Tie fɛ, yaʼkɛŋ mbɔ ɔ tíŋ hə bɔ̌ŋ mɔ.

6 Bɔŋ nduɔ, fɔʼɔ ndə bə kɔ́ tʉ Klai, nɔ gʉ́ə daa chàa yi-yə ndə bə kə kɔ́ tʉ bʉəfɛ̀ʼndɛŋNyii ndə bɔ̂ŋ kə gwè hə bəshʉ, haʼ ndə ŋkaamə ndə ɔ kə lìʼ ntuu yʉʼʉbə Nyii nə yɔŋ, gʉ́ə chàa nduɔŋ məŋkaa bʉʼka i nɔ gwè nə yʉʼ ŋkɔʼnə.

15 Bʉʼka yɔ̄ŋ-yə, Klai nɔ bɛ lìʼ ntuu ndə ɔ shʉ̀tə fia tʉ bʉʼʉ ndə ŋkaa-fefe-mə, mbɔ bʉə ndə Nyii nɔʼ tíi bɔŋ chʉʼ kie biʼbə ndə Nyii nɔʼ kə kɔ̀ʼnə tʉ bɔŋ təmə liʼ-i ghɔ fɛ. Bəkɔ yɔ̄ŋ-yə fɔ̀ʼ bʉʼka kwú nɔ bɛ ghɔ ndə ĩ chʉ̀ʼ tʉ-bʉə-kə ndə mɔ̀ʼmbɛ ndə bɔ̂ŋ kə chìi ndʉʉ ndə nduɔŋ məŋkaa kə́ bíe fɔ̀ʼ.

15 Mɔ tʉʼ gháa a mbɔ ä fyúhə bɔŋ mu kəwʉʉnəmbi fɛ, bɔŋ mɔ nɔ tʉʼ gháa a mbɔ ä kyʉ̀hə bɔŋ hə kəghɔ-Wo-Bʉəbʉə.

27 Bɔŋ Nyii ndə ɔ tyúutə mu fyiihə-ʉʼʉ nɔ kínə nukə ndə mbʉ kəLyʉʉhəNyii tʉʼ kwɔ̀ʼtə, bʉʼka mbʉ kəLyʉʉhəNyii, nɔ tʉʼ fʉ̀ʉtə Nyii yie-bʉə-bi ndə ntɛ ndə Nyii kʉ̀ʉ.

38 Bʉʼka mɔ nɔ kínə mbɔ nubɛʼkə kaa ghɔ ndə bəkɔ i wɔ̀ʼtə bʉʼʉ ndə ŋkʉ̂ʉ-i fɛ, təkɔmə kwú byuunɔ məchímbi, təkɔmə bʉəntəŋNyii byuunɔ bʉə ndə bɔ̂ŋ tʉʼ sɔ́ʼ njəŋ-yuo-hə byuunɔ nubə ndə i bɛ nduɔ byuunɔ yi-yə ndə i bíe bəshʉ gwè byuunɔ ghʉəʼbə 39 təkɔmə wʉʉnəmbikə ndə i bɛ kweghɔʼ byuunɔ wʉʉnəmbikə ndə i bɛ mu sê, fɔbɛʼkə bɛ ghɔ ndə Nyii chìi ndə bəkɔ i wɔ̀ʼtə bʉʼʉ ndə ŋkʉ̂ʉ-Nyii ndə bʉʼʉ kie tíŋ hə bɔ̌ŋ Klai Jiso Tiekətʉ-yʉʼʉ fɛ.

21 Bʉʼka bʉʼʉ, Nyii nɔ chìi ɔ, ɔ bɛ wo-bʉ̂ʼʉ təmə kínə bʉ̂ʼʉ fɛ, mbɔ bʉʼʉ chʉʼ bɛ ndyʉndyʉ tʉ Nyii ndʉʉ ndə bʉʼʉ fúu ŋwɔŋ-yʉʼʉ bʉʼʉbə Klai.