Mediador

5 Mbrə ə̂në Ndjapä sə kʉ kpiabale â əyïkɔkɔ̂ sə ndje kʉ kpiabale lə takpa tə̂ Ndjapä də azü: Jezu Kristə, tə əzü,

6 Jezu pâ kə ətshə ə pa: «Əmə, mə də̂ äwä nə, djatra əpʉ nə gâ ndə sorô nə. Ə̈bə̈ əzü bale sə sə kə na gâ tə̂ Abä tə̂ ə̈bə̈ äwä kpî tə̂ əmə ne.

6 Bale kpəsəye, Jezu nə rô gâ tə̂ ə̈bə̈ âgbɔ̂ kosəra ə̂në ə rô ənə̂ ə̂dû aawotokrɔ nə gâ ye mbrə ə̂në tshə sə tə əyïkɔkɔ̂ lə mbʉkʉ ə̂në ə rô angbrɔ mbʉkʉ nə gâ ye, ə̂në əpʉ nə ka gâ pâ aəpʉ ə̂në Ndjapä nə zâ ama də nə gâ ye â rô ə̂dû aəpʉ nɔ̂ gâ ye kɔ.

Ə̈ndjï sə tə ərə mbʉkʉ ə̂në Ndjapä mbrə̂ də əzə̂ kɔ

15 Âdârə ə̂në Kristə nə sə tə əyïkɔkɔ̂ lə ə̈bə̈ tafa mbʉkʉ kɔ kə sə̂: tshə tshû gâ ye ndə kə pa tshə djɔ azü lə aəmbrʉ aərə ə̂në əndje mbrə̂ gâ ye lə angbʉlî mbʉkʉ nə kɔ, kanika azü ə̂në Ndjapä nə ê əndje gâ ye kɔ, əndje lï ndə kə pa əndje sɔtə̂ aə̂rɔ̂ aərə ə̂në ə sə piii kɔ ə̂në tshə zâ ama də əpʉ nə kə azü nə̂ ye gâ ye kɔ.

15 Mə yu əbə yu ndə kə pa bə ko əndje pâ ashɔ nə ne, bale ndə kə pa bə bata əndje tə̂ Əmbrʉ ətshə nə.

27 Â Ndjapä nə ə̂në tshə sə kə wu aərə tə̂ lɔsu azü kɔ wûsə̂ ərə ə̂në Âgbɔ̂ Yîrə̂ nə ə yu tshuku nə kɔ gâ ye, mbrə ə̂në Âgbɔ̂ Yîrə̂ nə sə kə yu Ndjapä nə mbrə azü ə̂në əndje zâ lɔsu əndje kə Ndjapä nə gâ ye, mata ə̂në tshelə Ndjapä nə yində nə kɔ.

38 Mbrə ə̂në mə wusə̂ nə mâ tə̂ lɔsu əmə ə pa wala kuzu wala sorô wala atrawaya nə̂ Ndjapä wala aawlra tshelafɔ wala tshe kpəsəye wala tshe dambʉ wala aawlra ə̂në ə sə gâ pâ aərə kɔ, 39 wala aawlra tshelə əyi wala aawlra djoko tʉ wala ə̈bə̈ ata ərə ə̂në Ndjapä mbrə̂ gâ ye kɔ lï lï ndə kə pa ə sɔ əzə̂ gashe tə̂ kə yində əzə̂ ə̂në Ndjapä nə yində əzə̂ lə Jezu Kristə, Âgbɔ̂ Əyïngerə nə̂ əzə̂ kɔ bale ne.

21 Kristə nə ə̂në tshə sə̂ sə̂ də nyaka lə kumu ye bale ne kɔ, Ndjapä nə zâ nyaka nə̂ əzə̂ gâ pâ ye gâ ye, kanika a do tə̂ əzə̂ tə aə̂rɔ̂ azü lə ala Ndjapä nə tə̂ äwä ye.