Meditação
A meditação na Palavra de Deus é prática espiritual essencial. Diferente da meditação oriental, a meditação bíblica é reflexão profunda sobre as Escrituras — ruminar a Palavra dia e noite.
Meditar na Palavra dia e noite
Bem-aventurado o homem que medita na lei do Senhor de dia e de noite. Ele é como árvore plantada junto a ribeiros de águas.
Vuza vu ma̱za̱nga̱ ɗa,
vuza na u tsu tono odoki a uma a gbani-gbani ba,
ko u tono uye wa aza a unushi ba,
ko u gbaɓa kaci n aza ulami ba.
Ama wi ta̱ a kupana uyoꞋo u tono wila̱ u Vuzavaguɗu,
wi ta̱ e kusheshe ku wila̱ wa a̱ ka̱ɗu ka̱ ni kanna n kayin.
Ka̱ta̱ vu ushuku Katagarda ka̱ Wila̱ ka nampa ka̱ ka̱sukpa̱ una̱ u nu ba, yongo e kusheshe ukuna u kaꞋa kanna n kayin dem, ciya̱ vu fuɗa vu tono mayin ka̱ta̱ kpamu vu yaꞋan ili i na yi punu uɗani derere. Nannai ɗa vo kokpo vuza vu uciyi n kulyaꞋa ku kelime.
Tsu na n cigai wila̱ u nu,
n tsu ka̱na̱ ta̱ kusheshe
ku u ɗa kanna dem.
Kadanshi ka̱ nu ka zuwa mu ta̱
n ciya̱i ugboji n laꞋi irala i va̱,
adama a na makyan dem
kaꞋa ki ta̱ nu mpa.
N ciya̱ ta̱ kuyeve n laꞋi nlum n va̱ ra̱ka̱,
adama a na mi ta̱ e kusheshe
a ukuna u kadanshi ka̱ nu.
N laꞋa ta̱ nkoshi m gba̱ra̱-gba̱ra̱ kuyeve,
adama a na n zuwaka ta̱
n ili i kutono i nu.
Mi ta̱ a̱ kuka̱na̱ kusheshe,
a̱ ukuna wi ili i kutono i nu,
ka̱ta̱ n zuwaka n uye u nu.
Mi ta̱ a̱ ma̱za̱nga̱
n ili i na vu dansai,
mi a kucinukpa n kadanshi ka̱ nu ba.
Adama a na n tsu pana ta̱
uyoꞋo u kadanshi ka̱ nu,
adama a na n ciga ta̱ u ɗa.
Mi ta̱ e kuneke kadanshi ka̱ nu tsugbayin,
adama a na n ciga ta̱ kaꞋa,
kpamu ka̱ta̱ n ka̱ na̱ kusheshe a ili i na vu dansai.
Kafu kayin ka asa n shika̱ ta̱ a̱ kula̱nsa̱ uɓa̱nki
n keɗe ta̱ a̱pa̱Ꞌa̱ a kadanshi ka̱ nu.
Kayin ra̱ka̱ n lata ba,
e kusheshe a ukuna wu
uzuwakpani u Vuzavaguɗu.
Frutos da meditação
A meditação produz entendimento, alegria e adoração. Quem medita na Palavra encontra direção, paz e renovação espiritual.
YaꞋan kadanshi ka̱ va̱ n kusheshe ku va̱,
ko okpo ili i ku isa wa̱ a̱ nu,
Vuzavaguɗu, ubuta̱ u kusheɗeku u va̱ n ka̱shibi ka̱ va̱.
Mi ta̱ a kuyaꞋan kadanshi n kuyeve,
mi ta̱ a kuyaꞋan kusheshe ku singai.
Mi ta̱ a kuciɓa n ulinga u na vu yaꞋansai Vuzavaguɗu,
mi ta̱ a kuciɓa n ili mereve i na vu yaꞋin cau ɗe.
Mi ta̱ a̱ kuka̱na̱ kusheshe ili i na vu yaꞋin ra̱ka̱,
mi ta̱ a̱ ka̱na̱ kusheshe a ukuna wu ulinga u nu.
N ciɓa ta̱ n ayin a cau,
n ka̱na̱i kusheshe a ili i na vu yaꞋin ra̱ka̱,
n ciɓa ta̱ n ulinga we ekiye u nu ra̱ka̱.
Ka̱shile, punu A̱Ꞌisa̱ a gbayin a̱ nu,
ci ta̱ a kusheshe ucigi u nu u na u tsu sabaꞋa ba,
Mi ta̱ a kuyaꞋan vishipa u Vuzavaguɗu
a wuma u va̱ dem,
mi ta̱ a kuyaꞋan vishipa vu kucikpa u Ka̱shile ka̱ va̱
a ayin a wuma u va̱ dem.
YaꞋan kusheshe ku va̱ ku zuwa yi ma̱za̱nga̱,
ka̱ta̱ mpa tamkpamu
n yaꞋan ma̱za̱nga̱ u Vuzavaguɗu.