1 DICHOSO y taotao, ni ti mamomocat gui pinagat y manaelaye, ni y ti sumasaga gui chalan manisao, ni y ti matatachong gui siyan ayo sija y manmanmofefea.2 Lao guiya lay Jeova, ayo y minagofña, ya y layña jajaso, jaane yan puenge.

97 MEM O jafa muna juguaeyo y tinagomo! esteja jinasosoco todot dia.98 Y tinagomo janafanungoñayo qui enemigujo sija; sa sija siempre infanjajameja.99 Megaeña tiningojo qui todo y maestronomo sija: sa y testimoniomo sija, y jinasojo.100 Manungoñayo qui y manbijo; sa juadadaje y finanagüemo sija.

15 Bae jujaso y finanagüemo, ya jurespeta y jinanaomo sija.16 Bae jumagofyo ni y laymo sija: ti jumalefa ni y sinanganmo.

47 Ya bae jumagofyo gui tinagomo sija, ni y juguaeya.48 Bae jujatsa julo locue y canaejo sija gui tinagomo sija, ni y juguaeya; ya bae jujaso y laymo sija.

147 Taftafñayo qui y egaan ya umagangyo: junangga guiya jago.148 Y atadogco taftaña qui y bumela gui puenge para jujajasoja y sinanganmo.

14 Polo ya y sinangang y pachotto ya y jinason y corasonjo umauleg gui menamo, O Jeova, minetgotto yan y munalilibreyo.

3 Y pachotto usangan y minalate; ya y jinason y corasonjo y tiningo.

11 Bae jusangan y checho Jeova: sa bae jujaso y ninamanmanmo gui ampmam na tiempo.12 Bae jujaso locue todo y chechomo, yan jusangan sumanjalomjo y finatinasmo.

5 Jujaso sija y apmam na jaane; jujaso todo y chechomo; jujajaso y checho y canaemo.

9 Injaso y güinaeyamo, O Yuus, gui talo gui templomo.

33 Bae jucantaye si Jeova taemenoja y inanaco y linâlâjo: bae jucantaye tinina y Yuusso mientras lalâlâyo.34 Polo ya y jinasoco iya güiya usenmames: bae jugofmagof as Jeova.