Meditação

સાચું સુખ

1 જે માણસ દુષ્ટોની સલાહ પ્રમાણે ચાલતો નથી,

જે પાપીઓના માર્ગમાં ઊભો રહેતો નથી,

અને જે નિંદાખોરોની સાથે બેસતો નથી, તે આશીર્વાદિત છે.

2 યહોવાહના નિયમશાસ્ત્રથી તે હર્ષ પામે છે

અને રાતદિવસ તે તેમના નિયમશાસ્ત્રનું મનન કરે છે.

8 આ નિયમશાસ્ત્ર તારા મુખમાં રાખ. તું રાતદિવસ તેનું મનન કર કે જેથી તેમાં જે બધું લખેલું છે તે તું કાળજીથી પાળી શકે. કારણ કે તો જ તું સમૃદ્ધ અને સફળ થઈશ.

97 તમારા નિયમો પર હું કેટલો બધો પ્રેમ રાખું છું!

હું આખો દિવસ તેમના વિષે મનન કરું છું.

98 મારા શત્રુઓના કરતાં તમારી આજ્ઞાઓ મને વધુ બુદ્ધિમાન કરે છે;

કારણ કે તમારી આજ્ઞાઓ મારી પાસે સર્વદા છે.

99 મારામાં મારા શિક્ષકો કરતાં વધારે શાણપણ છે

કારણ કે હું તમારાં સાક્ષ્યોનું મનન કરું છું.

100 વૃદ્ધોના કરતાં હું વિશેષ જાણું છું;

આ એ માટે કે મેં તમારા નિયમો પાળ્યા છે.

15 હું તમારા નિયમોનું મનન કરીશ

અને તમારા માર્ગોને અનુસરીશ.

16 તમારા વિધિઓ પાળવામાં મને આનંદ થશે;

હું તમારું વચન વીસરીશ નહિ.

મને તમારાં વચનોની અદ્બૂતતા બતાવો

ગિમેલ.

47 તમારી આજ્ઞાઓમાં હું આનંદ પામીશ,

તેઓ પર મેં પ્રેમ કર્યો છે.

48 હું તમારી આજ્ઞાઓ પાળવા મારા હાથ ઊંચા કરીશ, તેમના પર મેં પ્રેમ કર્યો છે;

હું તમારા વિધિઓનું મનન કરીશ.

તમારાં વચન કેવાં દિલાસાદાયક!

ઝ.

147 પ્રભાત થતાં પહેલા મેં સહાયને માટે પ્રાર્થના કરી.

મને તમારાં વચનોની આશા છે.

148 તમારા વચનનું મનન કરવા માટે

મારી આંખો રાતના છેલ્લાં પહોર અગાઉ ઊઘડી ગઈ હતી.

14 હે યહોવાહ, મારા ખડક તથા મારા ઉદ્ધારનાર

મારા મુખના શબ્દો તથા મારા હૃદયના વિચારો

તમારી આગળ માન્ય થાઓ.

3 હું મારે મુખે બુદ્ધિ વિષે બોલીશ

અને મારા હૃદયના વિચારો ડહાપણ વિષે હશે.

11 પણ હું યહોવાહનાં કૃત્યોનું સ્મરણ કરીશ;

તમારા પુરાતન કાળના ચમત્કાર વિષે હું વિચાર કરીશ.

12 હું તમારાં સર્વ કામોનું મનન કરીશ

અને તમારાં કૃત્યો વિષે વિચાર કરીશ.

5 હું ભૂતકાળનાં દિવસોનું સ્મરણ કરું છું;

તમારા સર્વ કૃત્યોનું મનન કરું છું;

અને તમારા હાથનાં કાર્યોનો વિચાર કરું છું.

9 હે ઈશ્વર, અમે તમારા ઘરમાં

તમારી કૃપા વિષે વિચાર કર્યો.

33 હું જીવનપર્યંત યહોવાહની પ્રશંસાનાં ગીતો ગાઈશ;

હું મારા છેલ્લાં શ્વાસ સુધી યહોવાહની સ્તુતિ કરીશ.

34 તેમના માટેના મારા શબ્દો વડે તે પ્રસન્ન થાઓ;

હું યહોવાહમાં આનંદ કરીશ.