1 ፑርቶ ዓሶ ዞሮ ዋይዙዋኣሢ

ጎሞ ዓሳ ሃንታ ጎይፆ ሃንቱዋኣሢ

ፆኦሲ ባኮ ቦሃ ዓሶና ፔቴ ማዒባኣሢ ዓንጂንቴያኬ።

2 ዬያ ጉዴ ዓሢ

ናንጊና ናንጋ ጎዳኮ ዎጎና ዎዛዻኔ፤

ዬያ ዎጎዋ ዋንቶና ሮኦሮና ፔ ዒኖና ማላኔ።

8 ሃያ ዎጎ ማፃኣፖ ቢያ ዎዴ ናባቤ፤ ዬያይዳ ፃኣፒንቴ ባኮ ቢያ ማዺ ኩንሣኒ ዋንቶና ሮኦሮና ቢያ ማሌ፤ ኔ ዬያይዴቴ ቢያ ባኣዚ ኔኤም ጊኢጋንዳኔ።

97 ዎጎ ኔኤሲ ታ ኮሺ ናሽካኔ፤

ሮኦሮ ጉቤያ ታኣኒ ማላኔ።

98 ኔኤኮ ዓይሢፃ ዓይጎ ዎዴናኣ ታኣፓ ዱማዹዋኣሢሮ

ታ ሞርኮይዳፓ ባሼ ታና ኔ ማሊ ጶቂሣያ ማሄኔ።

99 ኔ ዎጎ ታኣኒ ማላሢሮ

ታና ዔርዛ ዓሶይዳፓ ባሼ ማሊ ጶቂሣ ዒኔ ታ ዔኬኔ።

100 ኔኤኒ ኬሴ ዎጎ ጊንፆ ታ ዓኣዻሢሮ

ጋርቼ ዓሶይዳፓ ባሼ ታኣኒ ዔራ ማዔኔ።

15 ኔኤኮ ዳምቦ ታኣኒ ታ ዒኖና ማላኔ፤

ዒኖ ታኣሲ ታኣኒ ኔ ጎይፃ ማሄኔ።

16 ዳምባ ኔኤሲ ታና ዎዛሳኔ፤

ቃኣሎዋ ኔኤኮ ታ ዋሉዋሴ።

47 ታ ኮሺ ናሽካ ኔ ዓይሢፆና ዎዛዻኔ።

48 ኩጮ ታኣሲ ታኣኒ ናሽካ ኔ ዓይሢፆ ባንሢ ዔቂሳኔ፤

ዳምቦዋ ኔኤሲ ማሊ ታ ጶቂሣኔ።

147 ኔ ታና ማኣዳንዳጉዲ

ዓባ ፆርቁዋንቴ ጴጪ ታ ዒላታኔ፤

ኔ ቃኣሎዋ ሃጋኣ ዎዛ ማሂ ታ ጌሣኔ።

148 ኔኤኮ ቃኣሎ ታ ማላኒ

ዓኣፓ ታኣኮ ዋንቶ ጉቤ ዱኡሚንቱዋዖ ዎርቃኔ።

14 ታኣኮ ላላሢንታ ታና ዓውሳ ናንጊና ናንጋ ጎዳሢዮ!

ታኣኮ ጌኤዞንታ ዒኖ ማሊፆንታ ኔኤም ኮሽካያ ማዖንጎ።

3 ዻንጋ ታኣኮ ዔራቶ ጌኤሲ ጌስታኔ፤

ታኣኮ ዒኖ ማሊፃኣ ማሊ ጶቂሥሢ ዔርዛኔ።

11 ናንጊና ናንጋ ጎዳኮ ማዾ ታ ጶቂሣኔ፤

ሚና ዒ ፔ ዎልቆና ማዻ ዲቃሣ ማዻ

ጎኔና ታኣም ጶቃኔ።

12 ማዾ ቢያ ታ ኔኤኮ ማላኔ፤

ዲቃሣ ዓኮ ማዾ ቢያ ማሊ ታ ሱካኔ።

5 ታኣኒ ሚናኣ ዎዶ ጶቂሢ ማሌኔ፤

ኔኤኒ ማዼ ማዾዋ ሺርሺ ሺርሺ ታ ማሌኔ፤

ኔ ዎልቆና ኔ ማዼ ባኮዋ ቢያ ታ ጶቂሴኔ።

9 ፆኦሲዮ! ኑኡኒ ኔኤኮ ጌኤዦ ማኣሮይዳ ማዒ

ኔኤኮ ማኣሪፆ ኑ ማላኔ።

33 ታኣኒ ሼምፔና ዓኣና ናንጊና ናንጋ ጎዳም ዓይናዻንዳኔ፤

ዔቂ ታ ሃንታ ዎዳ ዒዛ ታ ዓኣሣንዳኔ።

34 ታኣኒ ናንጊና ናንጋ ጎዳና ዎዛዻሢጉዲ

ታ ማሊፃ ዒዛ ዎዛሶንጎ።