1 దుష్టుల సలహాను పాటించక

పాపులు కోరుకునే మార్గంలో నిలబడక

ఎగతాళి చేసేవారి

గుంపుతో కూర్చోక,

2 యెహోవా ధర్మశాస్త్రాన్ని బట్టి ఆనందిస్తూ,

రాత్రింబగళ్ళు దాన్ని ధ్యానిస్తూ ఉండేవారు ధన్యులు.

8 ఈ ధర్మశాస్త్ర గ్రంథం ఎప్పుడు నీ పెదాల మీద ఉండాలి; పగలు రాత్రి దానిని ధ్యానించాలి, తద్వార నీవు దానిలో వ్రాయబడి ఉన్న ప్రతిదీ శ్రద్ధగా చేయగలవు. అప్పుడు నీవు విజయవంతంగా వర్ధిల్లుతావు.

97 ఓ, మీ ధర్మశాస్త్రం అంటే నాకెంత ఇష్టమో!

నేను రోజంతా దానిని ధ్యానిస్తాను.

98 మీ ఆజ్ఞలు ఎల్లప్పుడు నాతో ఉండి

నా శత్రువుల కన్నా నన్ను జ్ఞానిగా చేస్తాయి.

99 నేను మీ శాసనాలను ధ్యానిస్తాను కాబట్టి

నా ఉపదేశకులందరి కంటే నేను ఎక్కువ పరిజ్ఞానం కలిగి ఉన్నాను.

100 నేను మీ కట్టడలను ఆచరిస్తాను కాబట్టి

వృద్ధులకు మించిన గ్రహింపు నేను కలిగి ఉన్నాను.

15 మీ శాసనాలను నేను ధ్యానిస్తాను

మీ మార్గాలను పరిగణిస్తాను.

16 మీ శాసనాలను బట్టి నేను ఆనందిస్తాను;

నేను మీ వాక్యాన్ని నిర్లక్ష్యం చేయను.

ג గీమెల్

47 నేను మీ ఆజ్ఞలలో ఆనందిస్తాను

ఎందుకంటే అవంటే నాకు ప్రేమ.

48 నేను ప్రేమించే మీ ఆజ్ఞల వైపు నా చేతులెత్తుతాను,

తద్వారా నేను మీ శాసనాలను ధ్యానిస్తాను.

ז జాయిన్

147 నేను తెల్లవారక ముందే లేచి సహాయం కోసం మొరపెడతాను;

నేను మీ వాక్కులలో నిరీక్షణ ఉంచాను.

148 మీ వాగ్దానాలను నేను ధ్యానించేలా,

రాత్రి జాములంతా నా కళ్లు తెరిచి ఉంటాయి.

14 యెహోవా, నా కొండ, నా విమోచకా,

నా నోటి మాటలు, నా హృదయ ధ్యానం

మీ దృష్టికి అంగీకారంగా ఉండును గాక.

3 నా నోరు జ్ఞానాన్ని పలుకుతుంది;

నా హృదయ ధ్యానం మీకు అవగాహన ఇస్తుంది.

11 యెహోవా కార్యాలను గుర్తు చేసుకుంటాను;

అవును, చాలా కాలంనాటి మీ అద్భుతాలను జ్ఞాపకం చేసుకుంటున్నాను.

12 మీ కార్యాలన్నిటిని నేను తలంచుకుంటాను,

మీ గొప్ప క్రియలన్నిటిని నేను ధ్యానిస్తాను."

5 వెనుకటి రోజులు జ్ఞాపకము చేసుకుంటున్నాను;

మీ క్రియలను గురించి ధ్యానిస్తున్నాను,

మీ చేతిపనిని గురించి ఆలోచిస్తాను.

9 దేవా! మీ మందిరం మధ్యలో

మీ మారని ప్రేమను మేము ధ్యానిస్తాము.

33 నా జీవితకాలమంతా నేను యెహోవాకు పాడతాను;

నేను బ్రతికి ఉన్నంత కాలం నా దేవునికి నేను స్తుతిగానం చేస్తాను.

34 నేను యెహోవాయందు ఆనందిస్తుండగా,

నా ధ్యానము ఆయనకు ఇష్టమైనదిగా ఉండును గాక.