14 ዬያሮ ናኣታ'' ዓሽኪና ሱጉሢና ዓኣ ዓሲ ማዔ ጎይፆ፥ ዬሱሴያ ዔያቶጉዲ ዓሲ ማዔኔ፤ ዬያ ዒ ማዼሢ' ሃይቂ፥ ሃይቢዳ ቢታንቶ ዓኣ ፃላሄ ባይዛኒኬ። 15 ዬያጉዲ ሃሣ ፔ ናንጎ ዎዶ'' ቢያይዳ ሓይቢ ዒጊጪሢና ሓይቢ ዒጊቹሞም ዓይሌ'' ማዒ ናንጋ ዓሶ ዬያይዳፓ ኬሳ''ኒኬ።

54 ባይቃ ዑፃ ባይቁዋኣሢ፥ ሃይ፥ ሓይቃ ዑፃ ሓይቁዋኣሢ ማኣዓ ዎዶ''ና «ሓይቢ ባሺንቴኔ!» ጌይንቴሢ ኩማንዳኔ። ✝ 55 ዬያጉዲ፦

«ሓይቢዮ! ኔ ባሻሢ ዎካዳይ?

ዓሶ ኔ ጫርጋ ዎልቃ ኔኤኮ ዓንካይዳ?»

ጌይንቲ ፃኣፒንቴኔ። ✝ 56 ሓይቢኮ ዓሲ ጫርጎ ዎልቃ ጎሜኬ፤ ጎሜኮ ዎልቃ ሃሣ ዎጌኬ። 57 ጋዓንቴ ኑ ጎዳሢ ዬሱስ ኪሪስቶሴ ዛሎ''ና ባሺሢ ኑም ዒንጋ ፆኦዛሢም ጋላታ ሄሎንጎ።

4 ዋኣፆ ማስቲፆና ዒዛና ዎላ'' ኑ ዱኡቴ ዎዶ''ና ዒዛና ዎላ'' ኑ ሓይቄያ ማዔኔ፤ ዬያሮ ኪሪስቶሴ ዓዶኮ ቦንቾና ሓይባ''ፓ ዔቄሢጉዲ ኑኡኒያ ዓኪ ናንጊ ናንጋንዳኔ። ✝

5 ኑኡኒ ሓይቂ ዒዛና ዎላ'' ፔቴ'' ማዔቴ፥ ሓይባ''ፓ ዔቂፆና ዒዛና ዎላ'' ኑ ፔቴ'' ማዓንዳኔ።

24 ዬሱሴ ሃሣ፦ «ጎኔ ታ ዒንሢም ጋዓኔ፤ ታኣኮ ቃኣሎ'' ዋይዛሢና ታና ዳኬሢያ ጉሙርቃሢኮ ናንጊና ናንጊ ዓኣኔ፤ ዒዚያ ሃይቢይዳፓ ናንጊ ባንሢ ፒንቄያፓዓቴም ናንጊና ሜታዻንዳጉዲ ዎጊንታዓኬ።

25 ዬሱሴ ማሃዖ፦ «ሃይቢፓ ዔቂሳሢና ናንጊና ናንጊ ዒንጋሢ ታናኬ፤ ታና ጉሙርቃሢ ሃይቄቴታዖ ናንጊና ናንጋንዳኔ፤

51 ጎኔ ታ ዒንሢም ጋዓኔ፦ ‹ታኣኮ ቃኣሎ'' ካፓሢ ፔቴ''ታዖ ሃይቃዓኬ› » ጌዔኔ።

16 ሓሣ ዬሱሴ፦ «ፆኦሲ ዓጮ'' ሚርጌ ናሽኬሢሮ ፔኤኮ ፔቴ'' ናዓሢ ዒንጌኔ፤ ዬያሮ ዒዛኮ ናዓሢ ጉሙርቃሢ ቢያ ናንጊና ናንጋያ ማዓንዳኣፓዓቴም ባይቃዓኬ።

18 ናሹሞ ዓኣያታቴ ሂርጋ ባኣሴ፤ ጎኔ ናሹሞ ዒዞ ኬሎ''ና ሂርጎ ባይዛንዳኔ፤ ሂርጋ «ፑርታና ዎጊሳንዳኔ» ጌይ ማሊሢዳፓ ሙካሢሮ ሂርጋ ዓሶኮ ናሹማ ኩሙሢ ናሹሞቱዋሴ።

28 ዓሽኮ ዎዺ፥ ጊዴና ሼምፖ ዎዻኒ ዳንዳዑዋ ዓሶ ዒጊጪፖቴ፤ ዬያይዳፓ ሼምፓሢንታ ዓሽኮንታ ባይቁዋ ታሞይዳ ጌልዚ ባይዛኒ ዳንዳዓ ፆኦሲ ዒጊጩዋቴ።

4 ሓሣ ዓቢፆ ቢያ ዔያቶኮ ዓኣፓፓ ዒ ዑጫንዳኔ፤ ሓይቢ ማዔቴያ ዖዪሢ፥ ዬኤፒ ማዔቴያ ሜታ ማይ ዔያቶኮ ባኣሴ፤ ዓይጎሮ ጌዔቴ ቤርታኣ ባካ ቢያ ዓኣዼኔ» ዼኤፒ ዑኡሲና ጋዓንቴ ታ ዋይዜኔ። ✝

10 ኔና ሄላ''ንዳ ሜታሢ ዒጊጪፖ፤ ሓኣዛጉዋቴ፡ ፃላሄ ዒንሢ ዎይታቴያ ዛጋኒ ዒንሢዳፓ ፔቴ'' ፔቴ'' ዓሶ ቱኡሲ ማኣሪ ጌልዚ ቱኪ''ሴም፥ ታጶ ኬሊ'' ዒንሢ ሜታዻንዳኔ፤ ጋዓንቴ ሓይቢ ሄላ''ንዳኣና ጉሙርቂንታያ ማዔ፤ ቦንቺ ዒንጎ ባኣዚ'' ማሂ ዒንጊንታ ናንጎ ታ ኔኤም ዒንጋንዳኔ።

13 ዓይጎሮ ጌዔቴ ጌኤዦ ማፃኣፖይዳ፦ «ጎዳ ማኣዳ''ንዳጉዲ ዔኤላ''ሢ ጉቤ ዻቃንዳኔ» ጌይንቴኔ። ✝

36 ዬይያ፦

«ኔ ጋይቴ ጌዒ ቢያ ኬሊ''ና

ሓይቢና ኑ ዖልታኔ፤

ሹኪንታ ማራይጉዲ ኑ ማዔኔ»

ጌይንቲ ፃኣፒንቴሢጉዲኬ። ✝ 37 ዓካሪ ኑና ናሽኬ፥ ኪሪስቶሴ ዛሎ''ና ዬንሢ ባኮንሢ ቢያ ባሺፆና ዎልቆሮንሢዳፓ ቢያ ኑ ባሻያኬ። 38 ዬያሮ ሓይቢ ማዔቴያ ናንጊ፥ ፆኦሲ ኪኢታንቾ ማዔቴያ ፑርታ ዓያና፥ ሓሢ ዓኣ ባኣዚ''ታቴያ ሓጊ ሙካንዳያ፥ ዓይጎ ዎልቄ ማዔቴያ፥ 39 ዼጉሞ ማዔቴ ሂርኩሞ፥ ዓይጎ ማዢንቲ ማዖም ኑ ጎዳሢ ዬሱስ ኪሪስቶሴ ዛሎ''ና ኑም ጴዼ ፆኦሲ ናሹሞይዳፓ ኑና ዱማሳኒ ዳንዳዓ ዓይጎ ባኣዚ''ያ ባኣሢ ጎኔና ኑ ዔራኔ።