Medo da morte
O medo da morte é universal, mas Cristo o venceu. A Bíblia ensina que para quem crê, a morte perdeu o aguilhão — não é mais motivo de terror, mas porta para a eternidade com Deus.
Cristo venceu a morte
Jesus assumiu carne e sangue para, pela morte, destruir o que tinha o poder da morte e libertar os que viviam em escravidão pelo medo dela.
Sababu 'o nyawa-nyawa gee wakisironga 'o ngowaka ge’ena la 'o nyawa gee kaidadi yosongene, so 'o Yesus ma sirete womadiai 'isoka 'ona de wo’ahu 'isoka 'o nyawa. 'Una wodiai koge’ena, la ma ngekomo wosongene, 'una wodiai 'o Tokata ma Koana gee 'o songene yaparetano koimado-do’oawau. Ma ngekomo ge’enau 'una wosipidili 'o nyawa-nyawa gee manga 'ahu ma sigoronaka 'isoka 'o yongosi sababu yodomodongo yosongene.
Nako 'o roese gee kaisongenoka 'isitagaliokau de gee koisonge-songenuwa, de 'o roese 'o duniano 'isitagaliokau de 'o roese 'o sorogaano, ma 'orasi ge’ena 'asa de 'idadi 'okia naga gee 'isilefokau 'o Buku 'Itebi-tebinoka konee, << 'O songene ma Jo’oungu ma Dutu waisangokau ma ngale walakuokau!>>
<<Ee songene, ngona konolakuwau,
'ani guata ma ngale 'o nyawa nosisangisara ge’ena koi’iwau!>>
'O songene ma guata ma ngale 'o nyawa 'isisangisara ge’ena ma titi 'o sowono. De 'o sowono ma pareta 'isidagi ma ngekomo 'o besesongo gee 'o Musa wositota-totara. Ma po’amalaha ma Jo’oungu ma Dutuka, sababu 'unau so ngone palakuokau 'o sowono de 'o songene ma ngekomo ma Yesus Kristus to ngone nanga Jou!
De 'o go-gosiki ge’ena, ngone matero kapomasidosongenokau de ma Kristus de 'inasidobo’osukokau de de 'una. La 'isoka kokia naga ma Kristus wosongenuku de wisiwangokau de nanga Dea 'awi kuasa gee ma batingi koi’iwa, koge’enali mita ngone 'idadi pamake 'o 'ahu ma sungi.
Nako ngone pomarimoiokau de ma Kristus sababu ngone matero kapomasidosongenokau de de 'una, ngone 'asa pomarimoi mita de de 'una sababu ngone mita 'inasiwangoli kaimatero de de 'una.
A promessa da vida eterna
Quem ouve a Palavra e crê já passou da morte para a vida. O amor perfeito lança fora o medo, até o medo da morte.
Ma gou-goungu 'itiai 'ai demo-demo ne’ena: Nago’ona yosigisene 'ai demo-demo, de wingaku 'unaka gee woisulo-suloko, 'ona yamake 'o 'ahu 'ika-kakali. 'Ona 'asa koyakihukumuwa, de yakisimadakau 'o songenoka ma ngale koyomakati-tingakuawau de ma Jo’oungu ma Dutu, de yamakekau 'o 'ahu 'ika-kakali.
De 'o Yesus wongoseli 'o ngo Martaka, <<Ngoi ne’ena 'o nyawa yosonge-songenuku takisimomi-momiki de takikula 'o 'ahu 'ika-kakali. 'O nyawa gee yongaku-ngaku ngoino ngaro yosongenukou ma dua yowangoli.
Tinisidemo ne’ena, 'o nyawa gee yamoteke 'ai demo, 'ona koyosongenuawau kaisi’ado-'adonika.>>
Sababu ma Jo’oungu ma Dutu wadora ma sala 'o nyawa 'o duniaka ne’ena, sigado wokula 'awi Ngowaka womatengo-tengoka, la nago’ona yongaku de yomasiga-gao 'unaka, ge’ena koyobinasawa ma yamake 'o 'ahu kaisi’ado-'adonika.
'O nyawa gee yamaokau ma Jo’oungu ma Dutu 'awi dora, 'ona koyakimodo-modonguwa; sababu 'o dora 'itoto-totomo yaisanga 'o sagala modongo. So 'o nyawa gee yakimodongo yodaari gee dua ma 'orasi 'inahakimi, ge’ena 'iwaitokau 'ato 'ona ge’ena koyamaowasi ma Jo’oungu ma Dutu 'awi dora 'itoto-totomo.
Não temas
Jesus disse: não temais os que matam o corpo. No vale da sombra da morte, o Senhor está conosco como pastor e protetor.
'Uwa niakidomodongo 'ona gee yato-to’oma nia roese, ma koya’akunuwa yado’oanikia nia jiwa. Salingou winidomodongo ma Jo’oungu ma Dutu gee wokuasa wabinasa nia roese de mita nia jiwa 'o 'ukuoka gee koisonge-songenuawau.
'Una 'asa wakoki’ikiri to 'ona manga kongoro manga akoka. 'O nyawa 'asa koyosongenuawau. 'O nyawa dua koyobalisawau, koyo’ariwau, bolo koyokasiriwau sababu 'o dunia ma sira 'iisangokau.>>
Ngini dua ma raiokau niosangisara, ma 'uwa niododato. Niosi-singina! 'O Tokata ma Koana dua 'isuloko 'o nyawa-nyawaka gee koyosa-sanangiwa nginika, so dua nginioka naga munuka yakitagoko de yakisingosama 'o buika ma ngale nitaili. Ngini dua posironga niosangisaraka 'o wange mogiookino; ngini salingou 'uwa nimada ngoi ngaro 'o nyawa nito’oma ma. Ngoi 'asa tinisiparasengi 'o 'ahu 'ika-kakali.
'O Buku 'Itebi-tebinoka 'isilefoku, << 'O nyawa 'iodumu gee yomasigasoko ma Jouka, 'asa yakisilaha.>>
'O Buku 'Itebi-tebini ma dodaka 'isilefoku koneda,
<< 'O wange moi yapasiku ngomi rekeni mito’omaka sababu miongaku ngonaka.
Ngomi midiai 'isoka 'o domba gee yatoakou.>>)
Ma 'iodumu ge’ena dau ma dodaka, ngone ma gou-goungu koina’akunuwa, sababu ma Kristus gee wonasiboso-bosono wonariwo ngone! Sababu ngoi tongaku ma gou-goungu, kiaka naga bato 'o duniaka ne’ena, komoiwa 'idadi yatatoko ma Jo’oungu ma Dutu 'awi dora ngoneno. 'O songene bolo 'o 'ahu, 'o mala’ekati, bolo yopa-pareta bolo 'o sagala moi-moi gee podo-dodato ma 'orasi ne’ena de ma 'orasi ma du’uruoka, bolo 'iregu-reguosi gee 'ipa-pareta, 'okia sonaa 'o diwangoka, bolo 'o tonaoka bolo 'okia naga bato 'iregu-iregu, 'iodumu ge’ena koidadiwa yatatoko ma Jo’oungu ma Dutu wonadora ngone, 'isoka gee wosidumutokau ma Kristus Yesusoka to ngone nanga Jou.