Versículo sobre mentira: o que a Bíblia diz sobre o engano

22 Mukama akyawa emimwa egirimba,

naye asanyukira ab’amazima.(Engero 12:22)

16 Waliwo ebintu mukaaga Mukama by’akyawa,

weewaawo musanvu eby’omuzizo gy’ali.

17 Amaaso ag’amalala,

emimwa egirimba,

okuttira abantu obwereere;

18 omutima ogutegeka okukola ebibi,

ebigere ebyanguwa okukola ebibi,

19 obujulizi obw’obulimba,

n’omuntu aleeta obutakkaanya mu booluganda.(Engero 6:16-19)

6 Abalimba bonna obazikiriza;

Mukama akyawa abatemu

era n’abalimba.(Zabbuli 5:6)

44 Kubanga Setaani ye kitammwe era nammwe mwagala okukola ebyo kitammwe by’ayagala. Okuva ku lubereberye mutemu era tanywerera mu mazima, era mu ye temuli mazima. Bw’ayogera eby’obulimba ayogera ebiva mu bibye, kubanga mulimba era kitaawe w’abalimba.(Yokaana 8:44)

6 Yesu n’addamu nti, "Nze kkubo, n’amazima n’obulamu. Tewali n’omu ajja eri Kitange wabula ng’ayita mu Nze.(Yokaana 14:6)

25 Mulekeraawo okulimba, mwogerenga amazima buli muntu ne munne, kubanga tuli bitundu bya mubiri gumu.(Abaefeso 4:25)

9 Temulimbagananga kubanga mweyambulako omuntu ow’edda n’ebikolwa bye,(Abakkolosaayi 3:9)

19 Emimwa egyogera amazima gibeerera emirembe gyonna,

naye olulimi olulimba lwa kiseera buseera.(Engero 12:19)

9 Omujulizi ow’obulimba talirema kubonerezebwa,

n’oyo ayogera eby’obulimba alizikirira.(Engero 19:9)

6 Okufuna obugagga n’olulimi olulimba,

mpewo buwewo etwalibwa eruuyi n’eruuyi era mutego gwa kufa.(Engero 21:6)

28 Olulimi olulimba lukyawa abo be lufumita,

n’akamwa akawaanawaana kaleeta okuzikirira.(Engero 26:28)

11 "Tobbanga.

"Tokumpanyanga.

"Temulimbagananga.(Ebyabaleevi 19:11)

7 Atayogera mazima

taabeerenga mu nnyumba yange.

Omuntu alimba

sirimuganya kwongera kubeera nange.(Zabbuli 101:7)

8 Naye abo ababi n’abatakkiriza n’abagwagwa, n’abassi, n’abenzi, n’abalogo n’abasinza ebifaananyi, n’abalimba bonna, omugabo gwabwe kuliba kuzikirizibwa mu nnyanja ey’omuliro ogwaka ne salufa. Okwo kwe kufa okwokubiri."(Okubikkulirwa 21:8)