Milagres de Jesus

Iesus Betsaidan gumaghan arɨmaghan thughaniiŋm mbɨzesi mavɨn akurasi, ana arɨmaghaniiŋ nom indera

22 Mee Betsaidan guesima, gumasir marsi gumaghan arɨmaghan thughaniiŋm mbɨzesi mav nigha, Iesusɨusua zii. Mee zegha afharɨn aŋra rɨghaousuava Iesusɨ aghori. 23 Mem mbɨkemisima Iesus gumaghan arɨmaghan thughaniiŋm mbɨzesi thavɨna afharimuunɨ usuragha, ana nigha uŋuua thaegha akɨran gu. Aniiŋ akɨran gugha, Iesus gumaghan arɨmaghaniiŋgi ipharigha nona afharimuun aŋni iphɨa athɨgha kamagh aŋna azaaghi, "Nɨɨ bigha thavɨn gari?" 24 Ana aŋm mbɨkemisima gumaghan khav khogha garava kamaghɨm mbɨŋgeeghi, "Aŋre, kɨ garima, gumasi ther mɨn garava arui." 25 Mauthughura Iesus nomthegha nona afharimuun aŋn arɨmaghaniiŋnɨ usuirasima, gumaghan arɨmaghaniiŋ ukuighirɨsima, a nom inderaghɨvɨra bisir gari. 26 A garima, Iesus ana amandagha kamaghɨm mbɨŋgeeghi, "Nɨɨ nomtheghɨva uŋuun khavɨna aven maŋan thaghri. Nɨɨ nor rɨphenan maaŋɨri."

Iesus gumaghanɨ ukuaraniiŋ oŋanisi mavɨn akurasima a indera

31 Iesus rɨkhavigha Tairɨnɨ uŋuum mbɨrogha thaegha, guava Saidonɨnɨ uŋuun otogha guava, Dekapolisɨn distrighɨn otogha gua, Galilin rɨmɨm mbɨroghɨn gueghirɨ. 32 A gusima, gumasir marsi gumaghanɨ ukuaraniiŋ oŋanisi mav nigha Iesusɨusua zii. A ivɨram mbɨzɨ osemigha inderaghavɨram mbɨŋge phatɨ. Mee zegha afharɨn aŋra rɨghaousua Iesusɨ aghori. 33 Am mbɨŋgeema Iesus gumaghan khav nigha gumasira avɨrara thaegha aniiŋ noniiŋra mbɨŋɨniiŋn gugha, a nona afharɨn gumaghanɨ ukuaraniiŋga athɨgha aniiŋ asigharafha, a maghɨra nona afharɨnɨ ufheeniiŋgi ipharigha aŋm mbɨzaan khɨɨ. 34 Mauthughura Iesus iphɨno ovheen garav, gumaghan khavɨusua nav biigha arava kamaghɨm mbɨŋgeeghi, "Efata!" Akaman khavɨm mbɨnɨɨŋ kamagh gu, "Ukuighirɨghɨri!" 35 Iesus kamaghɨm mbɨŋgɨvɨre itima, aŋnɨ ukuarani ukuighirɨ. Mauthughura aŋm mbɨzɨ mbɨghɨvɨghɨghi. A inderaghavɨra bisi vɨŋgeeghi. 36 Iesusa akamana aghavagharan bighan khavɨn gunɨm mbɨkɨman mee rɨghorigharui. A mee rɨghorigharuisima mee nomthegha phuvɨra bighan khavɨn gunɨm mbɨŋgɨvɨre iti. 37 Mee akaman khavɨm mbɨŋgeema, gumasi rako amisir kharsi aŋm mbaraegha guisimbaaŋra rɨŋgavan maghatɨgha amuigha kamaghɨm mbɨŋgeeghi, "Gumaghan khav ana amuir bisi anda bar indera. A ukuari oŋanisi tharsigha amuima, mee nomthegha orasi. Am, mbɨzeri osemisi tharsigha amuima, mee nomthegha inderaghavɨra bisi vɨŋgeeghi."

Iesus gumaghan arɨmaghan thughaniiŋm mbɨzesi mavɨa amuisi a indera

46 Iesus non suren gumasir phorugha Jerikon guegha, gumasi rako amisira avɨrara men phorugha uŋuun khava thaegha zui. Mauthughura arɨmaghaniiŋ mbɨzesi gumaghan mav, aŋni izɨɨ Bartimeus Timeusɨn otar, a utuavɨm mbɨkeeŋn apheraghav ikhava bisivɨusua azaaghi. 47 Ano orasima Nasaretɨn gumagh Iesus ivɨra za zuima a dɨɨ kamaghɨusue, "Iesus Devitɨn avav, nanɨ ukuarukuvi!" 48 Am mbɨŋgeema gumasi rako amisira avɨrara dɨman aŋn thɨvagha inɨmɨre ikhaaousuava aŋm mbɨŋgeeghi. Mem mbɨŋgeema am mbɨghɨravɨra dɨɨvɨre iti, "Devitɨn avav nanɨ ukuarukuvi!" 49 Mauthughura Iesusɨ utugha kamaghɨm mbɨŋgeeghi, "Aŋn dɨɨgha." A mem mbɨkemisima mee arɨmaghaniiŋ mbɨzesi gumaghan dɨɨgha kamaghɨusue, "Nɨɨ gamgaeŋgɨri. Iesus nɨɨn deeghi. Nɨɨ rɨkavigh maaŋɨ." 50 An aŋm mbɨkemisima a nona akɨrani iti shaarɨ usuegha ana ukunigha uzuamɨra rɨkhavigha Iesusɨusua zee. 51 Mauthughura Iesus aŋna azaaghi, "Kɨ nɨɨmɨusua theeghɨna ramuamɨusua nɨɨ vhusvhusi?" An aŋna azarasima arɨmaghaniiŋ mbɨzesi gumagh kamaghɨm mbɨŋgeeghi, "Fhɨghɨn gumagh, kɨ ganamɨusua vhusvhusi." 52 An aŋm mbɨkemisima Iesus kamagh aŋm mbɨŋgeeghi, "Nɨɨ maaŋɨ. Nɨɨ nɨghnɨghana aghavaghar Gotɨni itima, a nɨɨŋga amuisi nɨɨ nom indera." A maghɨra nomthegha gari. Mauthughura a Iesusɨn gɨnɨ utuavɨn zui.

30 Mee gua garima Saimonɨna asamuiiŋ arɨva mbɨkarɨgh siava akoghi irɨghavi itima, gumasir marsi aŋn gun Iesusɨm mbɨŋgeeghi. 31 Mee aŋm mbɨkemisima, an aŋmɨusua gua aŋna afharimuunɨ usuiragha ana ufhee. Ana ufheesima aŋna arɨmarɨm ana thaesima a rɨkhavigha maghɨra aghaer meŋga anɨndi.

Iesus mamburan arɨmarɨm itir gumaghan mav aŋga amuisima, a indera

40 Mamburan arɨmarɨm itir gumaghan mav Iesusɨusua zava, aŋm mbɨnɨman aviragha itɨvɨnia rɨphɨrigha phuvɨra aŋga aghori, "Nɨɨ vhusvhusighɨv, nɨɨ nara amuighti, kɨ Gotɨn arɨmaghaniiŋn inderaghɨvɨre ikaami." 41 Iesus kamagh oraegha, guisimbaaŋra bar aŋnɨ ukuarukuvi. Kamagha amuigha a nona afharimuu nigha kha gumaghani iphɨa athɨgha kamaghɨusue, "Nan vhusvhus. Nɨɨm mbɨkarɨgh nomi inderaghami." 42 Iesus kamaghɨm mbɨŋgɨvɨre itima, mamburan arɨmarɨmɨ uzuamɨra kha gumagha thaesima aŋm mbɨkarɨgh indera.

3 Ana akamɨ ukurima, gumasir marsi gumaghanɨ usue rako afhari arɨghiresir mav nigha aŋmɨusua zii. Gumaghan phunini ko phunini akuuna aŋgi isaghuphɨgha zii. 4 Mee za garima rɨphenani itɨmam mburoghɨn bar izɨvasima, mee Iesusɨusua azaaŋni iŋgura. Mee gumaghan khav nigha rɨphenani isɨɨŋn guavanambogha rɨphenani isɨɨŋn thooŋga amuigha umbuera akuu rafhagha ana amandasima a Iesusɨusua zeghiri. 5 Uthughun khavɨn Iesus gumasir kharsir nɨghnɨghana aghavagharan ganigha kamaghɨ usue rako afhari amɨrasi gumagham mbɨŋgeeghi, "Nano otar, kɨ nɨɨno othevir maghatɨsi gɨna amanda."

6 Iesus kamagh aŋm mbɨŋgeema, Judariro othevi ikeeŋsi gumasi apiighav ikhava norira non navira averir kamaghɨm mbɨŋgeeghi, 7 "Gumaghan khav thoghousua kamaghɨm mbɨŋgeeghi? A Gotɨna aŋan niamɨusua amui! Gumaghan khɨna thav gumaghan igharisi thavɨno othevir maghatɨsi gɨna amandagham phatɨghami. Got nombɨra." 8 Mee kamaghɨ nɨghɨnɨsima, Iesusɨ uzuamɨra non navana aven men nɨghɨnɨsi ikeeŋga kamagh mem mbɨŋgeeghi, "Gee manmaghɨusua kamagh nɨghɨnɨsi? 9 Kɨ manmaghatɨsira akamanɨ usue rako afhari amɨrasi gumagham mbɨkɨmti? Mana akamambaaŋ indera. Kɨ nɨɨno othevir maghatɨsi gɨna amanda, o? Kɨ kamaghɨm mbɨkɨmaŋga nɨɨ nomthegh inderaghɨri. Nɨɨ rɨkavigh nona akuu nigh maŋɨ. Kɨ manmagha amuisi akamam mbɨkɨmti, gee aŋm mbaraghɨv kamaghɨm mbɨkɨmaŋga a indera. 10 Kɨ othɨvhan khav ramuightima, gee ganighi ikeeŋgemi, Gumasir Otar* a unuaghɨnan khavɨno othevir maghatɨsi gɨna amaaŋgamiri izɨɨ iti." A kamagh gumaghanɨ usue rako afhari amɨrasi thavɨm mbɨŋgeeghi, 11 "Kɨ nɨɨm mbɨŋgeeghi, nɨɨ rɨkavigh nona akuu nigh rɨphenan maaŋɨri." 12 Am mbɨŋgɨvɨre itima mee garima gumaghan khav rɨkavighava nona akuu nigha akɨran zui. Gumasi rako amisi bar aŋn ganigha rɨŋgavan maghatɨgha amuigha Gotɨni izɨɨ ufhava kamaghɨm mbɨŋgeeghi, "Ee ufhuaragha kamagha amuisi bigha thavɨn ganis phatɨ!"

Iesus avhughususanɨ uthughuna afhari konisi gumaghan mavɨa amuisima a nomthegha indera

1,2 Igharisirɨ uthughun mavɨn Iesus Gotɨn phorugham mbɨŋger rɨphenan gua, garima afhari konisi gumaghan mav rɨphenan khavɨna aven gumasi rako amisira avɨrar arɨghani iti. A itima gumasir marsi ivɨre iti. Iesus bigha thavɨ ramuightima, mee akaman aŋga asaousua bar inderaghavɨra aŋn gari. Mee kamaghɨusua aŋn gari. Ana avhughususanɨ uthughun gumaghan khavɨna akuraghami, o? 3 Mee bighan khavɨusua aŋn garavɨre itima, Iesus kamaghɨna afhari konisi gumagham mbɨŋgeeghi, "Nɨɨ rɨkavigh zɨɨ bar eem mbɨnɨmanɨ utughɨri." 4 Gumagh rɨkhavigha utusima, Iesus kamagh mena azaaghi, "Othɨvhan manav ana avhughususanɨ uthughuni indera? Ee othɨvhana aghuuŋ ramuaŋga, o othɨvhan maghatɨgha ramuaŋga, o gumaghana akuruvaghami, o gumagha asɨghasɨghami?" A kamagh mena azarasima, mee bar inɨmɨre iti. 5 Ana arɨmaghaniiŋ bar gumasi rako amisigha aruava, navana avera meŋga avhesi. A men garima, men navia aghavagharigha ukuarukuvan nɨghɨnɨsi men phatɨ. Kamagha amuisi a bar osemigha kha gumagh kamagh aŋm mbɨŋgeeghi, "Nɨɨ nona afharimuu oneeghɨri." Gumaghan khav nona afhari onesima, aŋna afhari nomthegha indera.

25 Mee zuima men thooŋn ŋaanambatir arɨmarɨm itira amighan mav ivɨra men phorugha zui. Amighan khav ŋaanambatir arɨmarɨm aŋni itima 12 pɨlan ombari gɨva. 26 A fhomɨra nona arɨmarɨma gɨvaousuava arɨmarɨa rɨkɨrir gumasivɨusua zuima, mee aŋna arɨmarɨma gɨvasi phatɨ. Thighira am mbɨzaghɨn maghatɨgh nii. A nona arɨmarɨm ana gɨvaousua phura nona aŋgɨro ovɨsir meŋgɨ uvhuesima aŋna aŋgɨro ovɨsi bar gɨva. Bisir kharsi aŋna arɨmarɨmana akuruvasi phatɨ. Ana arɨmarɨmi ikhɨva guavɨre iti. 27,28 A Iesusa amuisi bisira akamam mbaraegha, a kamaghi nɨghɨnɨsi, "Kɨ phura aŋna akɨrani iti shaaran khɨghtima nana arɨmarɨm gɨvaghami." A kamaghi nɨghɨnɨghava anaaŋ ramuamɨusua. A gumasi rako amisir avɨrar gɨn zava mee munamaŋga zava Iesusɨn shaaranɨ usuira. 29 Amigh aŋn shaaranɨ usuiraghavɨra, aŋnɨ ŋaanambatir arɨmarɨm phura rɨthugha gu. A nombɨra nombɨ oraegha ikaaŋi, aŋm mbɨkarɨgh nom indera.

22,23 Gotɨn phorugham mbɨŋger rɨphenan bisir gari gumaghan mav, aŋni izɨɨ Jairus, a zava, Iesusɨn garav aŋn khoman nombɨ ukunigha kamagh phuvɨra aŋga aghori, "Nan guiva aremighaousua aŋn rɨghorɨn kɨnare iti. Nɨɨ zɨva nona afharɨn aŋra athɨghtima aŋna arɨmarɨm gɨvagh nom ikaami." 24 Kamagha amuisima Iesus aŋn phorugha zui.

A zuima gumasi rako amisira avɨrara bar ana akuvaghava aŋn gɨn zui.

38 Mee guava Jairusɨ rɨphenan otuivigha Iesus gumasi rako amisiva arasima, mee bar azia nɨŋnɨɨŋni ikhɨva amui. 39 A memɨusua aven guava kamagh mem mbɨŋgeeghi, "Gee thoghousua azia nɨŋnɨɨŋni ikhɨva amui? Guivan khava aremisi phatɨ. Ana akui." 40 A kamagh mem mbɨŋgeema, mee aŋ rɨphovava akavarɨ nori vɨŋgeeghi, "Ee ikaaŋi, a guisimbaaŋra aremi." Gumasi rako amisi kamaghɨm mbɨŋgeema a bar mem mbatuegha guivani inaghaves ko inaghamuuŋ nigha aŋn suren gumaghan phunini ko mbɨkethav, mera aŋn phorugha zui. A mee nigha mee guivan khum itira aŋanana aven zui. 41 Mee guegha a guivana afharimuunɨ usuragha kamagh aŋm mbɨŋgeeghi, "Talita kum!" Akaman khavɨm mbɨnɨɨŋ kamagh iti, "Guivan sovange, kɨ nɨɨm mbɨŋgeeghi, nɨɨ rɨkavi!" 42 An aŋm mbɨŋgɨvɨre itima, guiv rɨkhavigha utughava arui. Aŋno ombarir 12 pɨla. A rɨkhavigha utughava aruima, mee kamagh guisimbaaŋra rɨŋgavan maghatɨgha amui.

37 Iesus non suren gumasir phorugha zuima, gamiiŋni ikhɨv rɨkavi. Uthughun khavɨn rɨpɨraghiri rɨmɨ zava akemaŋga afhimsɨsima rɨmɨ akemana aven gueghira, akemaŋgi izɨvasima, ana atam rɨmɨna aven meghiraousuava amui. 38 Akem meghiraousuava amuima, Iesusa akeman khavɨn gɨraŋgɨran aghoran mav nona aphanan aghorugha akui. Aŋn suren gumasi aŋga aghuragha kamagh aŋm mbɨŋgeeghi, "Fhɨghɨn gumagh, ee gɨvaousuava amui! Nɨɨ emɨusua nɨghɨnɨsi, o phatɨ?" 39 Iesus rɨkhavigha utugha gamiiŋ mbatogha, rɨpɨraghiri rɨmɨ kamagh aŋm mbɨŋgeeghi, "Aŋgo amɨragh, inɨmɨre ikhɨɨ!" Am mbɨŋgeema, gamiiŋ amɨrasima, rɨmɨ phurama amɨnatɨ. 40 Iesus kamagh non suren gumasi vɨŋgeeghi, "Gee thoghousua phuvɨra atitiiŋi? Gee nɨghnɨghana aghavagharo othevigha kamaghɨre iti?" 41 Mee bar ana atitiiŋga kamagh norira nori vɨŋgeeghi, "Gumaghan khav thɨɨŋra? Gamiiŋ ko rɨpɨraghiri rɨmɨ ivɨram aŋna akamam mbarasi!"

35 Am mbɨŋgɨvɨre itima, aro gevima aŋn suren gumasi aŋmɨusua za kamagh aŋm mbɨŋgeeghi, "Khara gumasi iti phatɨsira aŋan, aro gevi. 36 Nɨɨ gumasi rako amisi amandaghti, mee maaŋɨ kha aŋanani itirɨ uŋuimba rako aghangera itirɨ uŋuimbar sovsegher maŋɨva mee ramamɨusua nori vagha aghaeghu uvhuesami." 37 Mem mbɨkemisima a mee ikaragha kamaghɨm mbɨŋgeeghi, "Gee nori aghae tharsir mee ranɨɨŋ." A mem mbɨkemisima mee kamagh aŋm mbɨŋgeeghi, "Ee memɨusua uvisirɨ uthughu uvhuesamira aŋgɨro ovɨsi anda 200tɨ utu. Ee anda nigh, maaŋɨ, memɨusua uvisirɨ uthughu uvhuesigh mee ranɨɨŋmɨusua, nɨɨ vhusvhuisi o?" 38 Iesus mena azaaghi, "Gee manmaghɨra uvisirɨ uthuu iti? Gee maaŋɨ gan." Am mbɨkemisi, mee gua ganigha kamagh aŋm mbɨŋgeeghi, "Ee uvisirɨ uthuur 5 pɨla koma osɨran phuninira khari iti."

39,40 Mauthughura Iesus mem mbɨkemisi mee gumasi rako amisi vɨŋgeema, mee norira nori isɨgha izɨghɨnani iphɨna apiigha. Mee nori isiragha phosigha amuigha apiigha marsi 50 pɨlan amemeeŋn apiighi, marsi 100 pɨlan amemeeŋn apiigha gue. 41 Mee apiighav itima, Iesus uvisirɨ uthuur 5 pɨla koma osɨran phunini nighava, iphɨn ovheen garav Gotɨm mbɨnambagha uvisirɨ uthuua bɨɨghɨusue. Iesus non suren gumasi vɨŋgeema, mee anda nia, gumasi rako amisi meŋga anɨndi. A ivɨra osɨrani phorugha bɨɨghɨusuesima, mee anda nigha, meŋga anɨndi. 42 Gumasi rako amisir kharsi bar amegha, navi bar izɨva. 43 Men navi bar izɨvasima Iesusɨn suren gumasi, mee thaesira aghaero othevi nigha 12 pɨla akɨragha aghuisima, anda bar izɨva. 44 Aghae amesi gumasir rɨmbomboni gua 5,000ɨnɨ utu.

48 A ikhava non suren gumasir garima, gamiiŋna aghavaghar zava mena akemaŋgɨ uvhaaghi. Mee aghosava amua iŋaarani ikhɨva amuava gamiiŋn phorugha mee nori vathosi. Amɨni itiisuava amuima, Iesus rɨmɨni iphɨnɨ utuiva memɨusua zui. A gua meŋgi indɨragh maŋamɨusuava amuima, 49,50 mauthughura mee aŋn garima, a rɨmɨni iphɨnɨ utuiva zuima, mee kamaghɨ nɨghɨnɨsi, "Khara ti asaaŋ thavti." Mee nɨghnɨghan khavɨ amuava, bar aŋn ganigha phuvɨra atitiiŋga araaghi. Mee araema, a uzuamɨra kamagh mem mbɨŋgeeghi, "Gee gamgaeŋgiri, kɨra khara. Gee atitiiŋn thaghri!" 51,52 A kamagh mem mbɨŋgɨva, mem mbathɨghɨn akemana aven gusima, gamiiŋ phura rɨthugha gu. Iesus 5,000ɨn gumasi uvisirɨ uthuur meŋga aniiŋsi, mee anda amesima, mee bighan khavɨn ganigha, thange ikeeŋsi bar phatɨ. Men navia aghavagharigha nɨghɨnɨsi othevigha bar isaghure iti. Kamagha amuigha mee bisir kharsighi nɨghɨnɨghava guisimbaaŋra rɨŋgavan maghatɨgha amui.

Iesus aghaer 4,000ɨn gumasi rako amisigha anɨndi

1 Kha uthughun gumasi rako amisir avɨrari igharis tharsi nori akuvaghav iti. Mee ramaŋgamir aghae phatɨ. Kamagha amuisima Iesus non suren gumasir dɨɨsima mee aŋmɨusua zima a kamagh mem mbɨŋgeeghi, 2 "Gumasi rako amisir kharsi, mee nan phorugh aron phunini ko mbɨkethavɨni itima, aghae mange othevisima mbɨtii mena azi, kamagha amuisima kɨ menɨ ukuarukuvi. 3 Gumasir marsi isaghuni ikegha zee. Kamagha amuisi kɨ mee amandaghtima mem mbɨtiir navira nori nonɨ uŋuimbar maŋɨva arɨmasi meŋgi ighutima mee iraami." 4 Am mbɨkemisima aŋn suren gumasi aŋna akam ikara, "Ee gumasi iti phatɨsira aŋanan khavɨni iti. Ee managh membagha uvisirɨ uthuu nigh mee ranɨɨŋti?" 5 Mee kamaghɨm mbɨŋgeema Iesus kamagh mena azaaghi, "Gee manmaghɨra uvisirɨ uthuu iti?" Mee ana ikaragha kamaghɨm mbɨŋgeeghi, "7 pɨla."

6 Mem mbɨkemisima Iesus unuaghɨnara apiighousua gumasi rako amisi vɨkemisi mee apiigha. Mauthughura a 7 pɨla uvisirɨ uthuu nigha Gotɨm mbɨnambagha anda bɨɨghɨusuegha, gumasi rako amisir anɨɨŋmɨusua non suren gumasigha aniiŋsima mee andar meŋga anɨndi. 7 Mee ivɨra osɨrir sovsegher move iti. A ivɨra andavhagha Gotɨm mbɨnambagha andar mee ranɨɨŋmɨusua non suren gumasi vɨŋgeeghi. 8 Gumasi rako amisira avɨrara mee amegha bar izɨva. Gɨn aŋn suren gumasi aghaero othevi mee thamɨraesi tharsi, mee anda nigha 7 pɨla akɨrari ikhiigha aghuisima, anda izɨva. 9 Uthughun khavɨni itir gumasi rako amisir rɨmbomboni 4,000ɨna aghan gu. Mee amesima, a mee amandasi, mee nonɨ uŋuimbar gue.

Iesus baan fhighɨn khan thɨva

12 Amɨrɨtusi Iesus non suren gumasir phorugha nomthegha Betania thaegha zuima, Iesusɨm mbɨti aŋna azi. 13 A isaghun garima fhighɨn khan mavɨna afharire iti. Mauthughura ana aghangera maaŋɨ ikhaaŋmɨusua ana aghae iti, o phatɨ. Khara fhisir thee beerɨ uthugh phatɨ. Kamagha amuisima a guava ovɨgha thavɨn ganisi phatɨ, afharir kɨnira aŋni iti. 14 Mauthughura a kamagh khan khavɨm mbɨŋgeeghi, "Thav gɨn nɨɨno ovɨgha thava rameghem thughathɨgham phatɨghami." An aŋm mbɨkemisi, aŋn suren gumasi oraghi.

Fhighɨn khɨm mbɨsɨɨŋi

20 Amɨrɨtusi rɨmaaŋra Iesus non suren gumasir phorugha gua garima fhighɨn khan bii ivɨram mbɨsɨɨŋi. 21 Pita nɨndɨgha Iesusɨm mbɨŋgeeghi, "Fhɨghɨn gumagh, nɨɨ gan, nɨɨ booghuma asɨghasɨghaousuam mbɨkemisi fhighɨn kɨ, am mbɨsɨɨŋi!" 22 Iesus aŋm mbɨŋgɨŋgɨm ikaragha kamagh mem mbɨŋgeeghi, "Nɨghnɨghana aghavaghar Gotɨni ikhɨɨ. 23 Kɨ guisimbaaŋra gem mbɨŋgeeghi. Thɨɨŋra nɨghɨnɨghana aghavaghar Gotɨni ikhɨva oragh thavɨm mbɨkɨm, ‘Got nɨɨ kha oraghɨnɨ usuiragh ana ufhegh oŋarao ukuni.’ Nɨɨ khamaghɨm mbɨkemightima, a nombɨ ufhegh oŋarao ukunighemi. A non navana aven nɨghɨnɨghan phunini phatɨghɨva, nɨghɨnɨghana aghavaghar ikɨɨm mbɨkɨmtima kha bighaaŋ otoghomi. 24 Kamagha amuisima kɨ gem mbɨŋgeeghi, gee bigha thav niamɨusua nɨghɨnɨghana aghavaghar ikɨɨm mbɨkɨmaŋga, ‘Got anan eera aniiŋgemi.’ Kamaghɨn Got anan geera aniiŋgemi.

25,26 Nɨɨ uthughɨva Gotɨn phorughum mbɨkɨmɨva osɨmndɨgh thɨɨŋni iti, nɨɨ aŋno othɨvhan maghatɨgh gɨna amandaghti, kamaghɨn nɨɨni Inaghavesɨni Ikhɨv, nonɨ uŋuuni iti thav, a ivɨra nɨɨno othevir maghatɨsi gɨna amaaŋga." *

23 A kamagh mem mbɨŋgɨvɨre itima utuman maghatɨgha aphasagha zii gumagh a zava Gotɨn phorugham mbɨŋger rɨphenana aven zegha deeghi. 24 A dɨɨ kamaghɨm mbɨŋgeeghi, "Nɨɨ manmagh ee ramuamɨusua, Iesus Nasaretiiŋn gumagh? Nɨɨti eŋga asɨghasɨghaousua zesire? Kɨ nɨɨ ikaaŋi, nɨɨ Got amandasi gumagh, nɨɨ Gotɨn arɨmaghaniiŋn bar inderasi gumaghara." 25 A deema, Iesusa akamana aghavagharan kamagh aŋm mbɨŋgeeghi, "Nɨɨ inɨmɨre ikhɨɨ. Nɨɨ kha gumagha thaegha akɨran zɨɨ." 26 Mauthughura utuman maghatɨgh Iesusɨ oraegha gumaghan khavi ikuskusa dɨɨva arava akɨran zee.

Iesus Gerasan gumaghan mavɨnɨ unduur maghatɨsigha avarasima anda ana thaghi

1 Iesus non suren gumasir phorugha rɨmɨa rɨthugha muaaŋmogh Gerasana aŋanan oto. 2 Mee otuiva, Iesusa akema thaegha ataaŋn anandima utuman maghatɨgh aphasasi gumaghan mav, a khuurɨ uŋuuni ikegha Iesusɨ otuivousua zii. 3,4 A khuurɨ uŋuuni ikhava aŋga akui. Mee uthusira avɨrara ukuaghaviir aŋna agharaniiŋ ikhava, phivɨsir aŋnɨ usuaniiŋ iti. Mee aniiŋ itima, a mɨghasɨgha ukuaghaviir kharsirɨ usuighava anda rɨghoraghɨusuava aŋnɨ usuaniiŋ ikesir phivɨghaniiŋm mbɨsogha aniia rɨghoraghɨusui. Kamagha amuisima gumagha thav gumaghan khavɨnɨ usuiragh ana ikhɨva aveeŋgemi. Mee ivɨra ukuaghaviir ana ikeghtima anda aŋnɨ usuiragham thughathɨgham phatɨghami. Gumagha thav kha gumagh ana ikeghem thughatɨs phatɨ. 5 A rɨmaŋgari rako aroer khuurɨ uŋuimba rako orasir phurama aruava mbɨghɨravɨra dɨɨva aŋgɨr nom mbɨkarɨgha rɨghoraghɨusui.

6 A isaghuni ikha Iesusɨn ganigha akhɨghavtɨgha aŋmɨusua zava aŋm mbɨnɨman noni itɨvɨnia rɨpɨri. 7,8 Mauthughura Iesus kamaghɨ utuman maghatɨgham mbɨŋgeeghi, "Nɨɨ utuman maghatɨgh, nɨɨ gumaghan khava thaegha akɨran zɨɨ." Iesus kamagh aŋm mbɨŋgeema, gumaghan khavɨm mbɨghɨravɨra arava kamaghɨm mbɨŋgeeghi, "Kha bisi bar andari iphɨni iti Gotɨn Otar Iesus, nɨɨ manmagh na ramuamɨusua. Kɨ Gotɨn arɨmaghaniiŋnɨm mbɨghɨravɨra nɨɨna azaaghi, nɨɨ naŋga asɨghasɨgha thaghri." 9 A kamaghɨm mbɨŋgeema Iesus kamagh aŋm mbɨŋgeeghi, "Nɨɨ noni izɨɨ rɨmboru." Utuman maghatɨghan khav ana ikaragha kamagh aŋm mbɨŋgeeghi, "Ee bar avɨrekevi, kamagha amuisi nani izɨɨ Avɨrira." 10 A Iesus igharisi aŋana thavɨn mee amaaŋn agharkuvigha Iesusɨna avɨgha aŋga aghori.

11 Kha uthughun, mem mburoghɨre itiro oraghɨn mav daar avɨrire ikhava aphi. 12 Anda aphima, unduur maghatɨsir kharsi kamagh Iesusɨm mbɨŋgɨva aŋga aghori, "Nɨɨ eem mbɨkɨmɨva ee amandaghtima ee maŋɨva daar bɨsir muna andarsigha aphasaghami." 13 Mauthughura a mee amandasima unduur maghatɨsir kharsi gumaghan khava thaegha akɨran zegha guava daar bɨsigha aphasa. Daar avɨrir kharsi, andar rɨmbomboni 2,000ɨna aghan gu. Mauthughura daa phuvɨra akhɨrɨsɨigha gueghira avaranɨ ukondɨghan gueghirava rɨmɨna aven guegha rɨma aphava arɨɨghire.

14 Mauthughura daar garir gumasi daava otuivisi bisir ganigha guava uŋuimbari ikiir gua kha aŋanani itirɨ uŋuimbar sovsegher guava kha otuivisi bisir gunɨm mbɨŋgeeghi. Gumasi rako amisi bighan khavɨn ganamɨusua rɨkhavigha zii.

11 Gee kamaghɨm mbɨŋgeeghi, ‘Gumagha thav noni inaghamuuŋ ko inaghavesɨna akuruvaghaousua aŋgɨro ovɨsi rarɨghan nɨghɨnɨighava gɨn a nomthegha kamagha aniiŋm mbɨŋgeeghi, "Aŋgona akuruvaghaousua athɨsi aŋgɨro ovɨsi, aŋgo marikɨɨ. Kha anda nigh Got ranɨɨŋgami." ’ 12 Gee kamaghɨm mbɨŋgeema, gumaghan khav bigha thav noni inaghamuuŋ ko inaghavesɨna akurasi phatɨ. 13 Gee kamagha amuava, nona avavi nisiro othevir gɨn gua, anda igharisi gumasigha anɨndi. Gee othevir kharsigha amua, Gotɨn othevia thaegha, nona avaviro othevi ufhuaraghavɨra anda arɨsi. Gee Gotɨna akamaŋga amuima a phura bighɨn maghɨ. Gee amuir bisir avɨrar marsi ivɨre iti."

Gotɨn arɨmaghaniiŋn maghatiisir bisi, Iesus anda vɨŋgeeghi

14 Iesus nomthegha nombɨna aghani iti gumasi rako amisir dɨɨsima, mee aŋmɨusua zima, a kamagh mem mbɨŋgeeghi, "Gee bar nam mbaraeghɨva nana akaar kharsi, inderaghɨvɨra anda ikeeŋgɨri. 15,16 Bigha thava akɨrani ikeghɨva gumaghan navana aven meghirɨgh aŋn ramuighti, a Gotɨn arɨmaghaniiŋn maghatiighem phatɨ. Phatɨ, gumaghan navana aveni ikegha akɨran zesi bisi, aŋn ramuightima, a Gotɨn arɨmaghaniiŋn maghatiighemi."

Fonisiana aŋanana amighan mav nɨghnɨghana aghavaghar Iesusɨni iti

24 Iesus Genesareta thaegha Tairɨnɨ uŋuuni ikhɨvan aŋanan gu. A gumasi rako amisi ana ikhaaŋgamim mbaaŋn aŋna agharkuvigha, mondugha guava rɨphenan mavɨna aven gugha mondusi phatɨ. Mee bar ikaaŋi, a rɨphenana aveni iti. 25 A rɨphenan khavɨni itima, utuman maghatɨgh aphasasir guivani inaghamuuŋ, a Iesus zesir arorɨ oraegha, uzuamɨra aŋmɨusua zava aŋn aŋgariri irɨ. 26 Amighan khav, aŋni inaghamuuŋ Fonisiana aŋanan aŋm mbate. A Sirian distrighɨni ikhɨvana aveni iti. A Grighiiŋna akamam mbɨŋgeeghi. A non guiva aphasasirɨ utuman maghatɨghan khavɨ avharaghaousua Iesusɨm mbɨŋgɨva aŋga aghori. 27 Am mbɨŋgeema, Iesus kamagh aŋm mbɨŋgeeghi, "Ee ufhuaragh boorir aghae mee raniiŋti, mee ramaŋga. Othɨvhan maghatɨgh, kɨ boorir aghae nigh afhee vɨkɨnaŋga."

28 Am mbɨŋgeema amigh kamagh Iesusɨm mbɨŋgeeghi, "Ikhɨv, Kɨ ikaaŋi, afhee ivɨra boorir akoghɨn apheeŋni iresir aghae vɨzuii aphi."

29 Am mbɨŋgeema Iesus kamagh aŋm mbɨŋgeeghi, "Nɨɨm mbɨŋgɨŋgɨm indera. Kamagha amuisi nɨɨ nomthegh no rɨphenan maaŋɨ. Utuman maghatɨghan khav nɨɨn guiva thaegha akɨran zee." 30 Ana aŋm mbɨkemisima, a nomthegha no rɨphenan gua garima, aŋn guiv nona akoghi irɨghav iti. Mauthughura an aŋn ganigha ikaaŋi, utuman maghatɨghan khav ana thaegha akɨran gu.

17 Gumaghan mav gumasi rako amisira avɨran thooŋni ikhava kamaghɨm mbɨŋgeeghi, "Fhɨghɨn gumagh, kɨ nono otar nigha nɨɨmɨusua zee, utuman maghatɨgh aŋga aphasasima, am mbɨŋge phatɨ. 18 An aŋga amuirɨ uthughun, ana na ukurima a daaghira, phuvii aŋna akamndooŋnim mbɨsevi, aŋna atari nori vɨtivima aŋm mbɨkɨrɨvasi. Kɨ utuman maghatɨgha avharaghavharaghaousua nɨɨn suren gumasira azarasi mee aŋga avharasi phatɨ."

19 Ana aŋm mbɨkemisima Iesus kamaghɨm mbɨŋgeeghi, "Oio! Kɨ bara amɨra, thighira itir gumasi rako amisi nɨghɨnɨsia aghavagharisi phatɨ. Kɨ fhomɨra gen phorugha itima, gee daasughun bigha thav ikeeŋgɨti? Kɨ mɨghasɨgh geno osɨmndɨsira nitire? Otar nigh namɨusua zɨɨ." 20 A mem mbɨkemisima mee otar Iesusɨusua ana nigha zee. Mauthughura utuman maghatɨgh Iesusɨn garavɨra, maghɨra otara amuima a inɨsi. A unuaghɨnaŋgi irɨgha uphoghuphogha phuvii aŋna akamndooŋninɨm mbɨsevi.

21 Am mbɨsevima Iesus otarani inaghavesɨna azara, "A mana uthughunɨ utuman maghatɨgh aŋga aphasa?" An aŋm mbɨkemisima, inaghaves kamaghɨm mbɨŋgeeghi, "A irɨrɨvare itima an aŋga aphasa. 22 An aŋ ramuightima ana aremighaousua uthusira avɨrara ana ukurima ana arivi rako rɨphar gueghiri. Nɨɨ ena akuruvaghamir gamgaaŋ ikhɨtima, nɨɨ enɨ ukuarukuvighɨva ena akuraghɨri." 23 An aŋm mbɨkemisima Iesus kamaghɨm mbɨŋgeeghi, "Nɨɨ thoghousua kamaghɨusue nɨɨ gamgaaŋ ikhɨva nana akura? Nɨɨ nɨghnɨghana aghavaghar ikhɨtima bisir kharsi bar othuivhami." 24 An aŋm mbɨkemisima otarani inaghaves uzuamɨra kamagh dɨɨgham mbɨŋgeeghi, "Kɨ nɨghnɨghana aghavaghar ikhava, ano othevi. Kamagha amuisima, nɨɨ nana akura!" 25 Iesus garima gumasi rako amisi akɨrsiigha mena aghan zesima a utuman maghatɨgha athogha kamagh aŋm mbɨŋgeeghi, "Nɨɨ kha utuman maghatɨgh gumasigha amuima mee ukuari oŋandava mbɨŋger phatɨsi thav. Kɨ nɨɨm mbɨŋgeeghi, nɨɨ akɨran zɨɨ, nɨɨ nomthegh aven maaŋa thaghri!" 26 Mauthughura utuman khavɨ oraegha mbɨghɨravɨra ana ikuskusava akɨran zesima otar gumaghan khuman mɨn gari. Kamagha amuisima gumasi rako amisira avɨrara kamaghɨm mbɨŋgeeghi, "Ana aremi." 27 Mem mbɨkemisima Iesus ana afharɨnɨ usuiragha ana ufhesi a rɨkhavigha utu.