Milagres de Jesus
Os Evangelhos registram dezenas de milagres realizados por Jesus — curas, ressurreições, domínio sobre a natureza e libertações. Cada milagre revelava sua divindade e compaixão.
Curas de cegos e surdos
Jesus devolveu a visão aos cegos e a audição aos surdos, manifestando seu poder sobre toda enfermidade e deficiência.
यीसु दुइठे अंधरन के निक्खा करथै
जब यीसु उछो लग जाय लगिस, ता दुइठे अंधरा मनसे चिरलाउत ओखर पाछू हुइ लेथै, "हे दाऊद कर टोरवा हमर उप्पर दया कर।"
जब यीसु घर के भित्तर पहुंचथै, ता उन अंधरा मनसे ओखर लिघ्घो आथै, ता यीसु उनखर लग पूछथै, "का तुमही बिस्वास हबै, कि मै तोके निक्खा कर सकथों?" उन कथै,
"हंव परभु।"
तब यीसु उनखर आंखी के छुवत कथै, "तुम्हर निता ओसनेन होय जसना तुम्हर बिस्वास हबै।" अउ उनखर आंखी उघर गइस, फेर यीसु उनही समझाय के कथै, "एखर बारे हे कउ के पता झइ होय।"
पय उन जायके ऊ सगलू देस हे यीसु के बारे हे खबर फइला देथै।
अंधरन के निक्खा करना
जब यीसु यरीहो सहर छो निकडथै, ता उछो अक्ठी बोहत मनसेन के भीड ओखर पाछू हुइ लेथै। उछो दुइठे अन्धरा मनसे सडक के टाठा हे बइठे रथै, जब उन हइ सुनथै कि यीसु जथै ता उन चिरलाथै, हे परभु दाऊद कर टोरवा हमर उप्पर दया कर।
अउ मनसे उनही गधारथै कि चुप रह, पय उन अउ बोहत चिरलायके कथै, हे परभु दाऊद कर टोरवा हमर उप्पर दया कर।
ता यीसु उछो रुक जथै, अउ उनही अपन लिघ्घो बुलवाइस अउ कथै तुम काहिन चाहथा? कि मै तुम्हर निता करव।
उन ओखर लग कथै, परभु हम देखै चाहथन।
यीसु के उनखर उप्पर दया आथै अउ ऊ उनखर आंखिन के छिथै, अउ उन उहै टेम देखै लग जथै अउ उन यीसु के पाछू हुइ लइन।
बैतसदा हे अक्ठी अन्धरा मनसे के निक्खा करथै
जब यीसु बैतसदा नगर छो आथै, अउ अक्ठी अन्धरा मनसे रथै, कुछ मनसे ओही यीसु के लिघ्घो लइके आथै, अउ ओखर लग बिनती करके कथै, हे यीसु अन्धरा मनसे के छि दे। यीसु ओखर हाथ पकडके गांव लग बाहिर छो लइ जथै, अउ ओखर आंखी हे थूकिस अउ ओखर उप्पर हाथ धरिस, अउ ओखर लग पूछथै, "तोके कुछु दिखथै?" अउ ऊ कथै, "मै मनसेन के देखथो, उन मोके रेंगत दिखथै, अउ रूख के जसना दिखाई देथै।"
तब यीसु दुबारा ओखर आंखी हे रखथै, अउ अन्धरा निक्खा हुइ जथै, अउ साफ-साफ देखै लागथै। यीसु ओखर लग ई कही के घर पठोथै, "ई गांव के भित्तर गोडो झइ मडाबे।"
यीसु बहिरा अउ बउरा मनसे के निक्खा करथै
फेरै यीसु सूर अउ सैदा लग गुजरत दिकापुलिस इलाका होवत, गलील नगर के झील छो पहुंचथै। ता मनसे अक्ठी बहिरा जउन बउरो रथै, उके यीसु के लिघ्घो लइके आथै, अउ ओखर लग बिनती करथै, कि अपन हाथ ओखर उप्पर मडाय दे। ता यीसु उनही भीड लग अलग लइ जथै, अउ अपन अंगठी बहिरा के कान हे गुसेडथै अउ थूक के बउरा के जीभ के छीथै। अउ स्वरग छो निहार के यीसु कथै, इप्फत्तह एखर मतलब हबै खुल जा।
ता हरबी बहिरा के कान खुल जथै, अउ बउरा साफसुथरा गुठेमै लागथै। यीसु उनही आदेस देथै, कि मोर बारे हे कोनो के झइ गुठेबे। पय ऊ बोहत बरजै लग ओतकय बोहत ऊ परचार करथै। मनसे बोहत चकराय के कहे लागथै, "ऊ जउन कुछु करै हबै, निक्खा करै हबै, यीसु बहिरा के कान अउ बउरा के गुठेमै के सक्ति दय हबै।"
यीसु अन्धरा बरतिमाई के आंखी दइस
अक्ठी रोज यीसु अउ चेला यरीहो नगर छो आथै, अक्ठी बड्डे भीड अकजुट होथै, जबय यीसु अउ ओखर चेलन यरीहो नगर छो निकडके जथै, ता गली हे तिमाई के लरका जउन अन्धरा बरतिमाई रथै, जउन अन्धरा भीख मांगै के निता, गली के टाठा हे बइठे रथै। जबय बरतिमाई के पता चलथै, कि उहै गली लग यीसु गुजरथै, ता ऊ बोहत चिरलाय लागथै, हे यीसु नासरी दाऊद के लरका, मोर उप्पर दया कर।
बोहत मनसे अन्धरा भिखारी के गधार के कथै, चुप्पे हुइ जा, पय अन्धरा भिखारी अउ बोहत चिरलाय लागथै, हे दाऊद के लरका, मोर उप्पर दया कर।
अउ ऊ रुक जथै, अउ कथै, अन्धरा मनसे के मोर लिघ्घो लाबा, अउ मनसेन उके बुलाय के कथै,
हिम्मत धर, अउ ठाड हुइ जा, यीसु तोके बुलाथै।
ऊ अपन खुरथा पइजामा के फेकिस, अउ कूदके यीसु के लिघ्घो आ जथै।
यीसु ओखर लग कथै, तै काहिन चाहथस, कि मै तोर निता करव? अन्धरा मनसे कथै, हे परभु, मै देखै चाहथो।
यीसु कथै, "जा तोर बिस्वास तोके निक्खा करै हबै।"
अउ ऊ हरबी देखै लगथै, अउ यीसु के संग हे रेंगै लग जथै।
अंधरा भिखारी के आंखी देथै
जब यीसु यरीहो सहर के लिघा पहुंचथै, ता अक्ठी अंधरा भिखारी मनसे, सडक के टाठा हे बइठके मनसेन लग भीख मांगत देखथै। जब अंधरा, मनसेन के जाय के आरो सुनथै, ता ऊ पूछथै, इछो काहिन होथै? मनसे ओखर लग कथै, यीसु नासरी जथै।
ता अंधरा मनसे चिरलायके कथै, "हे यीसु दाऊद कर टोरवा, मोर उप्पर दया कर।"
ऊ मनसे जउन ओखर आगू रेंगत रहिन ऊ ओही डांटथै, चुप्पे रह पय ऊ अउ बोहत चिरलाय लागथै अउ कथै, "हे दाऊद कर टोरवा मोर उप्पर दया कर।"
यीसु रेंगत-रेंगत रुक जथै अउ ऊ आदेस दइके कथै, अंधरा मनसे के मोर लिघ्घो लावा, अउ जब ओही यीसु के लिघा लानथै, ता यीसु ओखर लग पूछथै। तै काहिन चाहथस, कि मै तोर निता करव, ऊ कथै, हे परभु, मै देखै चाहथो।
यीसु ओखर लग कथै, जा देखै लग, "तोर बिस्वास तोर आंखी के निक्खा करै हबै।"
ता अंधरा मनसे अपन आंखी लग देखै लग जथै, अउ भगवान कर बडाई करत यीसु के पाछू कढ जथै, अउ सगलू मनसे ऊ काम के देखके भगवान कर भजन करथै।
पइदाइसी अन्धरा के निक्खा करथै
जब रास्ता हे यीसु अक्ठी मनसे के देखथै, जउन पइदाइसी अन्धरा रथै। यीसु के चेला ओखर लग पूछथै, हे गुरू कोन पाप करे हबै, कि हइ अन्धरा पइदा हुइस, हइ मनसे या एखर दाय-बाफ? यीसु जबाब देथै, न तो हइ मनसे पाप करे हबै, अउ न एखर दाय-बाफ, पय हइ सब इहैनिता पइदाइसी अंधरा हबै, कि एखर जीवन हे भगवान के काम परगट होय। जउन मोके पठोय हबै, हमही ओखर काम के दिनै हे करै के जरूरी हबै, रात आउत हबै जब कउनो मनसे काम नेहको कर सकथै। जब तक मै दुनिया हे हव, तब तक दुनिया के उजेड हव।
हइ कहिके यीसु भुंइ हे थूकिस अउ ऊ थूक लग माटी के सानिस अउ अंधरा के आंखी हे लगाय दइस। यीसु ओखर लग कथै, "जा, सिलोह के झिरिया हे धोय लइहे।" सिलोह के मतलब हबै पठोय हर, अउ ऊ जाय के धोइस, अउ देखत लउट आथै।
Curas de paralíticos e enfermos
Paralíticos caminharam, leprosos ficaram limpos e todo tipo de doença foi curada pelo toque e pela palavra de Jesus.
उहै अक्ठी कोढी रथै, जउन यीसु कर लिघ्घो आय के उके निहुर के परनाम करके कथै, "हे परभु, अगर तै चाहथस, ता मोके सुध्द कर सकथस।"
यीसु हाथ बढाय के ओहि छियत कथै, मै चाहथो कि तै निक्खा हुइ जा, उहै टेम ऊ मनसे कोढ नंगहा लग सुध्द हुइ गइस। यीसु ओखर लग कथै, "देख हइ बारे हे कउनो लग कुछु झइ कहबे। जायके खुद के पुजारी के दिखा अउ फेर मूसा कर आदेस के जसना बलि चढा, ताकि मनसेन के तोर निक्खा होमै के गवाह बनै।"
कुछ मनसे लोकवा के अक्ठी नंगहन के खटिया हे सोबाय के यीसु के लिघ्घो लानथै, यीसु उनखर बिस्वास देखके ऊ लोकवा नंगहा लग कथै, "हे टोरवा हिम्मत धर तोर पाप छमा हुइ गय हबै।"
तब कुछ यहूदी गुरू अपन मन हे सोचथै, "हइ तो भगवान कर बुराई करथै।"
उनखर हइ बिचार जानके यीसु कथै, "तुम अपन मन हे बेकार बिचार काखे करथा? बोहत जरूरी काहिन हबै? हइ कहो कि तोर पाप छमा हुइस, या हइ कहो कि ठाड हुइ जा अउ रेंग बाग? ता तुम हइ जान लेया कि मनसे कर टोरवा के भुंइ हे पाप छमा करै के हक हबै।" तब नंगहा लग कथै, "ठाड हुइ जा अउ अपन खटिया उठाय के अपन घर छो कढ जा।"
ऊ ठाड हुइस अउ अपन घर छो कढ गइस।
उछो अक्ठी मनसे रथै जेखर हाथ झुराय हर रथै, उन मनसे यीसु लग पूछथै, "मूसा कर नियम के जसना सुस्ताय कर रोज कउनो के निक्खा करै के उचित हबै?" उन इहैनिता पूछथै कि ओखर हे दोस लगाय सकि।
यीसु उनही जबाब देथै "मानलेया, तुम्हर मसे कउनो के लिघ्घो अक्ठिन गेडरा हबै, अउ ऊ गेडरा सुस्ताय कर रोज कोनो खोदरा हे गिर जही, ता का तुम उके पकड के बाहिर नेहको निकडिहा। मनसे ता गेडरा लग कहुं बड्डे हबै। इहैनिता सुस्ताय कर रोज निक्खा करै के नियम के जसना उचित हबै।" तब यीसु ऊ झुराय हर हाथ बाले मनसे लग कथै, "अपन हाथ मोर छो आगू बढा" ऊ अपन हाथ आगू बढाथै
अउ ऊ दूसर हाथ के जसना निक्खा हुइ गइस।
यीसु के गुठेथै कि समोन के फुवा नंगाय हबै, अउ उन हरबी ओखर बारे हे ओखर लग कथै। तब ओखर लिघ्घो गइस अउ ओखर हाथ पकडके उके उठाथै, अउ उहै टेम ओखर नांगा निक्खा हुइ जथै, अउ यीसु के सेबा करै लागथै।
कोढ नंगहा के निक्खा करथै
अक्ठी कोढी मनसे यीसु कर लिघ्घो आथै, अउ बिनती करिस, "अउ ओखर आगू घुटवा टेक के कथै, तै चाहबे ता मोके सुध्द कर सकथस।"
यीसु ओखर परति दया लग भर जथै, अउ कोढी के छिके कथै, "मै चाहथो कि तै सुध्द हुइ जा।" ऊ मनसे कोढ लग सुध्द हुइ जथै, अउ ओखर खलरी निक्खा हुइ जथै।
ता चारठे मनसे लोकवा बाले मनसे के यीसु के लिघ्घो लानथै। बोहत भीड के कारन ओखर लिघ्घो नेहको पहुंचथै, ता उन जछो ऊ रथै, उहै के छानी के खपरा के टरकाय के, ऊ लोकवा मनसे के खटिया सहित यीसु कर आगू उतार देथै। यीसु चारोठे मनसे के बिस्वास के देखके लोकवा मनसे लग कथै, "हे टोरवा तोर पाप छमा हुइस।"
उहां बइठे नियाव के गुरू अपन-अपन मन हे खयाल करै लागथै, "हइ मनसे असना कसना कथै? ई तो भगवान के बुराई करथै, ओखर बगैर कउनो पाप छमा नेहको कर सकथै।"
यीसु हरबी अपन आतमा हे जान लेथै, कि नियाव के सिक्छा दे बाले अपन मन हे असना खयाल करथै, इहैनिता ऊ उनखर लग कथै, "तुम अपन मन हे काखे खयाल करथा? का ई बोहत लिखडी हबै कि लोकवा बाले मनसे लग कहों, कि तोर पाप छमा हुइस, या ई कहों कि अपन खटिया उठाय के रेंग बाग? पय तुम जान लेया कि मनसे कर टोरवा के भुंइ हे पाप छमा करै के हक हबै।" ऊ लोकवा नंगहा लग कथै, "मै तोर लग कथो, उठ, अउ अपन खटिया के उठाय के अपन घर छो कढ जा।"
ऊ हरबी उठथै, अउ अपन खटिया के उठाय के अपन घर छो कढ जथै, उहां बइठे मनसे देखके सगलू चकरा जथै, अउ भगवान के महिमा करथै, "हम असना कबहुन नेहको देखे हबन।"
झुराय हर हाथ बाले मनसे के निक्खा करथै
जब यीसु मंडली हे फेरै जथै, ता उहां अक्ठी मनसे रथै जेखर हाथ झुराय हर रथै। कुछ फरीसी मनसे ओखर ताक हे रथै, कि उके कसके पकडी कि यीसु सुस्ताय कर रोज हे उके निक्खा करथै कि नेहको। यीसु झुराय हर हाथ बाले मनसे लग कथै, तै आगू ठाड हुइ जा। ता यीसु फरीसी लग पूछथै, सुस्ताय कर रोज हे निक्खा करै के हमर नियाव के जसना हबै? निक्खा करै के या बेकार पय सगलू मनसे चुप्पे रथै। तब यीसु उनखर मन के ठोस के देखके निरास होथै, अउ गुस्साय के चारो चउगिरदा देखथै अउ ओखर लग कथै, अपन हाथ मोर पल्ला लान अउ ओखर हाथ निक्खा हुइ जथै।
कोढ नंगहा के निक्खा करथै
अक बेर जब यीसु कउनो सहर छो रथै, ता ओखर लिघ्घो अक्ठी मनसे आइस, ओखर देह कोढ नंगहा लग भरे हर रथै, ऊ यीसु के देखके अपन मुंह के बल गिर पडिस, अउ ओखर लग मदत के निता बिनती करिस, "परभु अगर तै चइहे ता मोके सुध्द कर सकथस।"
यीसु अपन हाथ बढाय के कोढी के छिके कथै, "मै इहै चाहथो कि तै सुध्द हुइ जा" अउ उतकै टेम कोढ नांगा लग निक्खा हुइ गइस।
उहै टेम कुछ मनसे अक्ठी लोकवा के नंगहा के खटिया हे सोबाय के उछो लानथै, उन उके भित्तर लइ जायके यीसु के आगू धरै के जुगाड खोजथै। पय जब भीड के कारन ओही घर के भित्तर लइ जाय के, कउनो उपाय नेहको दिखथै, ता उन छानी हे चढ गइन अउ उन खपरा के टार के खटिया के संग, लोकवा के नंगहा के मनसेन के बीच हे यीसु कर आगू उतार दइन। उनखर बिस्वास के देखके यीसु कथै, "हे मनसे तोर पाप छमा हुइ गइस।"
फरीसी अउ नियाव के गुरू अक दूसर लग पूछै लागथै, "हइ भगवान कर बुराई करथै हइ कउन हबै? भगवान कर अलाबा कउन पाप छमा कर सकथै?" यीसु उनखर सबाल के जानके जबाब देथै, "तुम अपन मन हे हइ सबाल काखे उठाथा? का कहेका सरल होही, हइ कहबे कि तोर पाप छमा कर दय गय हबै, अउ हइ कहेका कि ठाड हो अउ रेंग बाग? पय इहैनिता कि तुमही पता हुइ जाय कि मनसे कर टोरवा के भुंइ हे पाप छमा करै के हक हबै," ऊ लोकवा के नंगहा लग बोलिस, "मै तोर लग कथो ठाढ हुइ जा, अउ अपन खटिया उठाय के घर छो जा।"
उहै टेम सबके आगू उठके ठाड हुइस, अउ जउन खटिया हे सोय रथै, उके उठायके भगवान कर बडाई करत अपन घर छो कढ गइस।
यीसु सुखाय हर हाथ बाले मनसे के निक्खा करथै
कउनो दूसर सुस्ताय कर रोज यीसु यहूदी मंडली हे जायके सिक्छा देथै, उहां अक्ठी मनसे रथै, जेखर दहिना हाथ झुराय गय रथै। नियाव के गुरू अउ फरीसी हइ बात के ताक हे रथै, कि अगर यीसु सुस्ताय कर रोज कउनो के निक्खा करी, ता ओखर हे आरोप लगाय सकि। यीसु उनखर सोच के जानथै, तउभरमा झुराय हर हाथ बाले मनसे लग कथै, "उठ अउ सबके बीच हे ठाड हुइ जा।" ऊ उठिस अउ ठाड हुइ गइस। यीसु उन मनसेन लग कथै, मै तुम्हर लग पूछथो, सुस्ताय कर रोज कउनो के निक्खा करै के जरूरी हबै, या कउनो के नुसकान पहुंचामै के, कउनो के जीवन बचामै के जरूरी हबै, या कउनो के जीवन के नास करै के? यीसु चउगिरदा पल्ला सब के देखके ऊ मनसे लग कथै, अपन हाथ के आगू बढा अउ ओसनेन करथै, अउ ओखर हाथ निक्खा हुइ गइस।
अक्ठी चवकीदार के बिस्वास
मनसेन के अपन ई सगलू बात सुनामै के बाद, यीसु कफरनहूम सहर हे आइस। उहां अक्ठी रोमन सिपाही के खास हरवाह, जउन बोहत नंगाय रथै अउ मरै बाले रथै। जब सिपाहिन के सिपाही यीसु के चरचा सुनिस, ता कुछ सियान यहूदी के यीसु के लिघ्घो हइ बिनती करै के निता पठोथै, कि ऊ आयके ओखर हरवाह के निक्खा कर दे। उन यीसु के लिघ्घो आयके ओखर लग बिनती करके कथै, "ऊ सेना साहब ऊ काबिल हबै, कि तै ओखर निता असना कर। ऊ हमर रास्ट लग माया करथै, अउ उहै हमर निता मंडली सभा बनवाय हबै।"
यीसु उनखर संग कढ गइस, जब ऊ ओखर घर के लिघ्घो पहुंचै बाले रथै, तब सेना सिपाही अपन सखा के दवारा यीसु के लिघ्घो हइ कहिके संदेस पठोथै, कि परभु तै कस्ट झइ कर, काखे कि मै हइ काबिल नेहको हबो, कि तै मोर छानी तरी आबै। सिपाहिन के साहब कथै, मै इहैनिता खुद के हइ काबिल नेहको समझथो, कि तोर लिघ्घो आंव तै अक्ठी सब्द कहि दे ता मोर सेबक निक्खा हुइ जही। मै खुदय साहबन के वस हे रथो, अउ सिपाही मोर वस हे रथै, जब मै अकझन लग कथो जा, ता ऊ जथै अउ अपन हरवाह लग कथो, हइ कर ता ऊ करथै।
हइ सुनके यीसु सेनानायक के बात हे चकित होथै, ऊ अपन पाछू आउत मनसेन के पल्ला मुडके कथै, मै तुम मनसेन लग कथो, इस्राएल हे मै एतका मजबूत बिस्वास नेहको पायों।
अउ पठोय हर मनसे अपन घर छो लउटके आथै, ता अपन हरवाह के चंगा पाथै।
उहां अक्ठी डउकी रथै, उके अठारा साल लग कमजोरी करै बाले आतमा लगे रथै, जेखर कारन ओखर देह झुक के कुबडी हुइ गय रथै, अउ कउनो मेर ऊ सिध्धा नेहको हुइ पाथै। यीसु उके देखके अपन लिघ्घो बुलाथै, अउ ओखर लग कथै, "तै अपन नांगा लग आजाद हुइ गय हवस।" यीसु ओखर हे हाथ धरिस, उहै टेम ऊ डउकी सिध्धा ठाड हुइ गइस अउ भगवान के बडाई करै लगथै।
फरीसी के घर हे यीसु
यीसु सुस्ताय कर रोज कउनो फरीसी साहब के इछो भोजन करै जथै, उन मनसे ओखर ताक हे रथै। यीसु के आगू फुलनी रोग लग पीडित अक्ठी मनसे आथै। यीसु उन फरीसी अउ नियम के गुरून लग सबाल करथै, "सुस्ताय कर रोज कउनो के निक्खा करै के नियम के जसना सही हबै या नेहको?" पय उन चुप रथै, तब यीसु ऊ नंगहा हे हाथ धरके उके चंगा कर दइस अउ ओखर बिदा करिस।
दस कोढिन के निक्खा करथै
यीसु यरुसलेम सहर छो जथै सामरिया अउ गलील परदेस के इलाका लग हुइके जात रथै। यीसु जसके अक्ठी देहात छो पहुंचथै, ता उके दसठे कोढी मनसे मिलथै। उन दुरिहां ठाड हुइके बोहत आरो लग गोहराके कथै, हे यीसु हे मालिक हमर उप्पर दया कर।
यीसु जब उनही देखथै ता कथै, जा अउ अपन खुद के पुजारिन के दिखइहा अउ रेंगतै-रेंगत उन सुध्द हुइ जथै।
ता ऊ भगवान कर बडाई करत लउटथै। पय उन दसठे कोढिन मसे अक्ठी मनसे जब देखथै, कि मै कोढ नंगहा लग निक्खा हुइ गय हबो, ता ऊ लउट के यीसु के लिघ्घो आथै अउ ऊ बोहत आरो लग भगवान कर बडाई करै लग जथै। ऊ यीसु के धन्यबाद देत ओखर गोड हे मुंह के बल गिर पडिस, अउ ऊ सामरी रथै। यीसु ओखर ले पूछथै, का अबहुन तक दसोठे कोढी मनसे सुध्द नेहको हुइन, फेर ऊ नवठे मनसे कछो हबै। का ई परदेसी मनसे के छांड के, कउनो मनसे भगवान के, बडाई करै नेहको लउटिन। यीसु ओखर लग कथै, ठाड हुइ जा अउ कढ जा, तोर बिस्वास तोके निक्खा करे हबै।
अडतिस साल के नंगहा के निक्खा करथै
कुछ रोज के बाद यीसु यहूदिन के तेउहार हे यरुसलेम छो जथै। यरुसलेम हे गेडरन के फाटक के लिघ्घो अक्ठी झिरिया हबै, इब्रानी भासा हे इके बैतसदा कहे जथै, एखर बगल हे पांचठे अंगना हबै। ओहमा बोहत नंगहा अन्धरा लेंगरा अउ लोकवा बाले मनसे पानी के डोले के आसरा हे पडे रथै। जउन मनसे पानी के डोलय के ओरगत रथै काखे उन मानथै कि भगवान कर स्वरगदूत झिरिया हे उतर के पानी के डोलय करथै, पानी डोलतै मन्तर जउन कउ आगुन कूदथै, ऊ निक्खा होय जथै, चाहे ओखर कउनो मेर के बिमार काहेका झइ होय। उछो अक्ठी मनसे रथै, जउन अडतिस साल लग नंगाय रथै। जब यीसु उके उहां पडे हर देखथै अउ हइ जानके कि ऊ बोहत दिन लग हइ हालत हे पडे हबै, यीसु ओखर लग पूछथै, "का तै निक्खा होमै के चाहथस?"
ऊ नंगहा मनसे ओखर लग कथै, "हे परभु, मोर लिघ्घो कउ मदद करै बाले नेहको हबै, कि जब पानी डोलत टेम मोके झिरिया के कुन्ड हे कउ उतारै, मोर पहुंचत भरमा दूसर कउ मोर लग आगुन कूद जथै।"
यीसु ओखर लग कथै, "उठ, अपन खटिया उठाय के कढ जा।" ऊ मनसे हरबी निक्खा हुइ जथै अउ अपन खटिया उठाय के चलै फिरै लग जथै,
ऊ रोज सुस्ताय कर रोज रथै।
तब फेर यीसु गलील परदेस के काना हे आथै, जिहां यीसु पानी के अंगूर कर रस बनाथै, ऊ परदेस के साहब रथै, जेखर टोरवा कफरनहूम हे नंगाय रथै। हइ सुनके कि यीसु यहूदिया लग गलील परदेस छो आय हबै, ऊ साहब ओखर लिघ्घो जथै अउ ओखर लग बिनती करै लागथै, कि चलके मोर टोरवा के निक्खा कर दे, काखे मोर टोरवा मरै बाले हबै। यीसु ओखर लग कथै, जब तक मनसे चिन्हा अउ चकित काम नेहको देखहा, तब तक कबहुन बिस्वास नेहको करिहा।
साहब ओखर लग कथै, "हे परभु मोर टोरवा के मरे लग अगुन्नै चल।"
यीसु ओखर लग कथै, "जा तोर टोरवा जिन्दा हबै।"
ऊ मनसे यीसु के कहे हर बात हे बिस्वास करथै अउ अपन घर छो कढ जथै। ऊ रास्ता हे रथै, कि ओखर हरवाह रास्ता हे मिलथै अउ गुठेथै, "कि तोर लरका जिन्दा हबै।"
सेबक लग पूछथै, ऊ केतका टेम निक्खा हुइ गय रहिस? ऊ कथै कल दुपहरी करीबन अक बजे ओखर बुखार उतर गइस। लरका के बाफ जान जथै, कि उहै टेम हुइस, जेतका टेम यीसु मोर लग कहे रहिस, कि तोर टोरवा जिन्दा हबै, तब ओखर सगलू घर परवार यीसु हे बिस्वास करथै।
हइ दूसर चकित बाले चिन्ह के काम रथै, जउन यीसु यहूदिया के गलील परदेस छो आयके करथै।
A mulher com fluxo de sangue
Uma mulher que sofria há doze anos tocou a orla do manto de Jesus e foi curada instantaneamente pela sua fé.
उहै टेम अक्ठी डउकी रथै, जेही बारा साल लग खून बोहै के नांगा रथै, अउ ऊ पाछू लग यीसु के लिघ्घो आथै, अउ ओखर खुरथा पइजामा के छोर के छि लेथै। काखे ऊ अपन मन हे हइ कथै, अगर मै ओखर खुरथा पइजामा के छि लइहों ता निक्खा हुइ जइहों।
यीसु पाछू फिर के उके देखथै अउ ओखर लग कथै, "टोरिया हिम्मत रख, तोर बिस्वास तोके निक्खा कर दय हबै" अउ ऊ डउकी उतकै टेम निक्खा हुइ जथै।
अक्ठी डउकी रथै, जेही बारह साल लग खून बोहे के नांगा रथै। ऊ बोहत गुनिया के देखाय रथै, अउ अपन सगलू डेरा के बडोय डारथै, अउ ऊ निक्खा नेहको होथै, पय ओखर नांगा अउ बोहत बढ जथै। ऊ यीसु कर बारे हे सुनके भीड हे ओखर पाछू आ जथै, अउ ओखर खुरथा पइजामा के छि लेथै। ऊ सोचथै, अगर मै ओखर बन्डी के छि लेहूं, ता मै निक्खा हुइ जहुं।
अउ ओखर बन्डी के जसनेन छिथै, ता ओखर खून बोहे के बन्द हुइ जथै, अउ ओही अपन देह हे पता हुइ जथै, कि मै निक्खा हुइ गय हबो।
उहां अक्ठी डउकी बारह साल लग खून बोहय के नांगा हे रथै, ऊ अपन सगलू जीवन भर मेहनत के कमाई गुनिया हे खरचा कर चुकथै, अउ कउनो उके निक्खा नेहको कर सकिन। ऊ डउकी पाछू ले आयके यीसु के कपडा के चुप्पे लग छि लेथै, अउ उहै टेम ओखर खून बोहय के बन्द हुइ गइस। यीसु कथै, "मोके कोनहर छिय हबै?" जब सगलू मनसे मना करथै, ता पतरस अउ ओखर संगी यीसु लग कथै, "हे स्वामी मनसेन के बोहत भीड हबै, अउ तोर गोड तरी गिरे पडथै अउ तैहां पूछथस कि मोके कोनहर छिय हबै।"
पय यीसु कथै, "कोनो मोके बिस्वास लग छिय हबै, काखे कि मै अनुभव करे हव कि मोर लग सक्ति निकरे हबै।" जब डउकी हइ देखथै मै नेहको लुक सकथों, ता ऊ डेरात आइस अउ यीसु के गोड हे गिर जथै, अउ सगलू मनसेन के आगू गुठेइस कि परभु मै तोके छिय हबो, काखे मोके बारह साल लग नांगा हे रहों, अउ मै अपन सगलू डेरा के गुनिया पंडा हे लुटाय चुके हबो, पय निक्खा नेहको होयों, इहैनिता मै तोर बन्डी के छिय हबो, अउ मै हरबी निक्खा हुइ गय हव। यीसु ओखर लग कथै, "टोरिया तोर बिस्वास तोके निक्खा करे हबै, सान्ति लग घर जा।"
Ressurreições
Jesus ressuscitou mortos — a filha de Jairo, o filho da viúva de Naim e Lázaro. Ele é Senhor sobre a morte.
साहब के टोरिया अउ यीसु के खुरथा पइजामा के छिय बाले डउकी के निक्खा करथै
यीसु उन मनसेन के जब हइ बात कहत रथै, तबै यहूदी मुखिया ओखर लिघ्घो आथै, अउ ओखर आगू निहुर के परनाम करत कथै, "अभिनैन मोर टोरिया मर गय हबै, ता तै चलके ओखर उप्पर अपन हाथ धरहे, ता ऊ जिन्दा हुइ जही।"
यीसु उठके अपन चेलन के संग ओखर संग चले गइस।
जब यीसु ऊ मुखिया के घर छो पहुंचथै, ता उहां बसुरी बजामै बाले अउ मनसेन के हल्ला मचाउत देखथै। तब यीसु मनसेन लग कथै, "इछो लग बाहिर हुइ जा, टोरिया नेहको मरे हबै, पय ऊ सोथै" हइ बात सुनके उन मनसे ओखर मजाक उडाथै। जब मनसेन के बाहिर छो के देथै, ता यीसु टोरिया के कोठा हे जाय के ओखर हाथ पकर के उठाथै अउ ऊ उठ जथै।
याइर नाम के अक्ठी मनसे रथै, जउन बिनती भवन के अक्ठी मुखिया रथै, जउन यीसु के देखके गोड हे गिरथै। अउ यीसु लग बिनती करके कथै, मोर अक्ठी नान टोरिया हबै, जउन बोहत नांगा हे हबै, अउ ऊ हरबी मरै बाले हबै, तै मोर घर छो चल अउ हाथ धरबे ता निक्खा हुइ जही, अउ जिन्दा रही।
ता यीसु ओखर संग कढ जथै, अउ यीसु कर पाछू चलय लग जथै, इहां तक कि मनसे यीसु के उप्पर गिरे पडे लागथै।
बिनती भवन के मुखिया घर हे पहुंचथै, ता मनसेन के बोहत रोबत अउ चिरलात देखथै। ऊ घर के भित्तर जाय के मनसेन लग कथै, तुम काखे रोथा? टोरिया नेहको मरे हबै, ऊ सोथै।
मनसे ओखर मजाक उडाथै, पय यीसु उनही घर के बाहिर छो निकाडके, टोरिया के दाय-बाफ अउ अपन चेला के संग भित्तर जथै, जिहां ऊ मरे हर रथै। ऊ ओखर हाथ पकडके कथै, "तालिताकुम्मी, जेखर मतलब हबै, हे टोरिया मै तोर ले कथो, उठ वो।"
ऊ उठ जथै, अउ रेंगय-बागय लग जथै, टोरिया बारह साल के रथै, उके देखके मनसे बोहत चकरा जथै।
यीसु आगू कथै, मै हइ पुरखा के मनसेन के बरोबरी केखर लग करव? ऊ केखर जसना हबै? ऊ बजार हे बइठे हर लरकन के जसना हबै, जउन अक्ठी दूसर लग पुकार के कथै, हम तुम्हर निता बसुरी बजायन, पय तुम नेहको नाचे, हम तोर निता रोय के गाना गायन, पय तै नेहको रोय। यूहन्ना बतिस्मा देय बाले अउ ऊ न रोटी खाइस अउ दाखरस पीइस, अउ एखर हे तुम काहिन कथा, ओखर हे भुतवा लगे हबै। मनसे कर टोरवा आइस, ऊ मनसे के जसना खात पियत हबै अउ तुम कथा, "देखा हइ मनसे लदहा अउ दरुहा हबै, पइसा उगाहै बाले के साहब अउ पापिन के संगी हबै। पय भगवान के सिक्छा ओखर सगलू परजा दवारा परमाडित करे गय हबै।"
फरीसी मनसे के घर हे पापिनी डउकी के माफी
अक्ठी फरीसी मनसे यीसु के अपन संग खाना खाय के निता बिनती करिस, यीसु उस फरीसी के घर छो गइस, अउ खाना खाय के निता बइठ गइस। सहर के अक्ठी पापिन डउकी के हइ पता होथै, कि यीसु ऊ फरीसी मनसे के घर खाना खाथै, ता संगमरमर के बरतन हे महकनी तेल लइके आइस।
ता ऊ टेम बिनती भवन हे याइर नाम के अक्ठी मुखिया आइस, अउ यीसु के गोड लग गिरके बिनती करै लगिस कि ऊ ओखर इहां जाय के किरपा करे। काखे ओखर बारह साल के टोरिया मरै बाले रथै, यीसु ओखर संग कढ गइस, गली हे मनसेन के भीड चउगिरदा पल्ला यीसु के दबाय डारथै।
यीसु ई बात के कहत रहिस, ता ओतकै टेम बिनती भवन के मुखिया इहां लग अक्ठी मनसे आइस, अउ कथै, "तोर टोरिया मर गय हबै, अब तै गुरू के परसान झइ कर।"
हइ सुनके यीसु ओखर लग कथै, "झइ डर बस बिस्वास कर, ऊ चंगा हुइ जही।"
जब यीसु याइर के घर छो पहुंचिस ता उन पतरस यूहन्ना याकूब अउ टोरिया के दाय-बाफ के छांड के कउनो के अपन संग घर के भित्तर नेहको आमै देथै। सगलू मनसे रोथै अउ ओखर निता विलाप करथै, यीसु कथै, "झइ रोबा, ऊ मरे नेहको हबै, बलुक टोरिया सोथै।"
उन यीसु के खिल्ली उडामै लागथै, काखे उन जानथै कि ऊ मर गय हबै। यीसु टोरिया के हाथ पकड के कथै, "हे टोरिया उठ।" टोरिया के परान लउट आइस अउ उहै टेम उठ बइठिस, यीसु आदेस दइस कि उके कुछु खाय के देया। टोरिया के दाय बाफ चकित हुइ गइन, पय यीसु आदेस दइस कि हइ घटना के चरचा कउनोन लग झइ करबे।
लाजर कर मिरतू
लाजर नाम के अक्ठी मनसे नांगा हे रथै, मरियम अउ ओखर बेहन मारथा बैतनिय्याह गांव के रहै बाले रथै। मरियम उहै डउकी रथै, जउन परभु के उप्पर महकनी तेल डार के ओखर गोड के अपन चूंदी लग पोछथै, इहै के भाई लाजर नंगाय रथै। इहैनिता दोनो बेहन यीसु के खबर पठोथै, हे परभु, देख जेखर लग तै माया करथस, ऊ नंगाय गय हबै।
हइ सुनके यीसु कथै, हइ नांगा मिरतू के नेहको, बलुक भगवान कर महिमा के निता हबै, कि ओखर दवारा भगवान कर टोरवा के महिमा होय।
यीसु मारथा अउ ओखर बेहन अउ लाजर लग माया करथै। तउभरमा जब यीसु सुनथै, कि लाजर नंगहा हबै, जउन जिघा हे यीसु रथै, उहां दुइ रोज अउ रुक जथै। एखर बाद चेलन लग कथै, आबा, हम फेरै यहूदिया परदेस छो चली।
चेला ओखर लग कथै, "हे गुरू अबहुन यहूदी तोर उप्पर पथरा मारै के चाहथै अउ तै फेरै उछो जाय चाहथस?" यीसु जबाब देथै, "का दिन के बारह घंटा नेहको होथै? अगर कउ दिन हे रेंगथै ता ठोकड नेहको खाथै, काखे हइ दुनिया के उजियार के देखथै। पय अगर जउन कउ रात हे चलै ता ठोकड खाथै, काखे ओहमा उजेड नेहको होथै।" एतका कहै के बाद यीसु अपन चेलन लग कथै, हमर संगी लाजर सोय गय हबै, पय मै ओही जगामै के निता जथो।
तब चेला ओखर लग कथै, हे परभु अगर लाजर सोय गय हबै, ता ऊ निक्खा हुइ जही।
यीसु ओखर मिरतू के बारे हे कहे रथै, पय चेला समझथै कि ऊ नींद हे सो जाय के बारे हे कहे हबै। तब यीसु उनखर लग सही कहि देथै, "लाजर मर गय हबै।
Domínio sobre a natureza
Jesus acalmou a tempestade, andou sobre as águas e multiplicou pães. A natureza obedece à voz do seu Criador.
यीसु बडेरा के सान्त करथै
जब यीसु नाह जिहाज हे बइठिस, ता ओखर चेलो ओखर संग हुइ लेथै। उहै टेम दहार हे एतका भयंकर बडेरा उठिस, कि नाह जिहाज लेहरा लग बुडे लग जथै, पय यीसु ऊ टेम सोउत रथै। तब चेला ओखर लिघ्घो आय के उके जगाउत कथै, "हे परभु हमही बचा ले, नहि ता हम सगलू मर जउबे।"
यीसु उनखर लग कथै, "हे अबिस्वासी तुम काखे डरथा?" तब ऊ उठके बडेरा अउ पानी के गधारिस, अउ उहै टेम सब कुछ सान्त हुइ गइस।
चेला चकरा गइन अउ कहै लागथै, हइ कइसन मेर के मनसे हबै, कि बडेरा अउ पानी ओखर बात मानथै।
संझा होय लग चेला ओखर लिघ्घो आयके कथै, परभु हइ सूनसान जिघा हबै अउ बोहत देरी हुइ गय हबै, इहैनिता भीड के जाय दे, ता गांव हे जायके अपन खाय के निता कुछु खरीद लइ आमै।
यीसु जबाब दइस "इनही कहुं जाय के जरूरत नेहको हबै, तुमै करा इनखर निता खाय के जुगाड।"
चेला ओखर लग कथै, "हमर लिघ्घो पांचठे रोटी अउ दुइठे मछडी के छांड अउ कुछु नेहको हबै।"
यीसु कथै, "उनके मोर लिघ्घो लइ आन।" यीसु मनसेन के चारा हे बइठै के आदेस दइस, तब ऊ पांच रोटी अउ दुइठे मछडी अपन हाथ हे लइके, स्वरग के पल्ला खाना के निता धन्यबाद देय के बाद, रोटी टोर-टोर के चेलन के दइस अउ चेला मनसेन के। सगलू मनसेन पेट भर खथै, अउ एखर अलाबा बचे हर रोटी के खन्डन के चेला बाराठे छन्नी उठाथै। भोजन करै बाले मसे डउकी अउ लरकन के छांड के करीबन पांच हजार डउका रथै।
सुब्बेन लगभग तीन अउ छय बजे के टेम के बीच, यीसु झील हे चलत उनखर लिघ्घो आइस।
अउ अक्ठी समूह के खाना खबाथै
तब यीसु अपन चेलन के लिघ्घो बुलाथै अउ कथै, "मोके हइ भीड हे दया आउत हबै, काखे हइ मनसे तीन रोज लग लगेतार मोर संग हबै, अउ इनखर लिघ्घो कुछु खाय के निता नेहको हबै, मै इनके भूखे नेहको पठोमै चाहथो काखे हुइ सकथै, कउ रास्ता हे थक के बिहोस झइ हुइ जाय।"
तब ओखर चेला कथै, "एतका बडा भीड के निता असना पतेरा जिघा हे एतका खाना हमके कछो लग मिलही?" तब यीसु उनखर लग पूछथै, "तुम्हर लिघ्घो केतका रोटी हबै?" उन कथै "सातठे रोटी हबै अउ कुछ नान-नान मछडी हबै।"
यीसु मनसेन के भुंइ हे बइठे के निता आदेस देथै। अउ यीसु सातठे रोटी अउ कुछ मछडी के लइस, भगवान के धन्यबाद करके टोरथै, अउ अपन चेलन के दइस अउ फेर चेला मनसेन के दइन। मनसेन तब तक खात रथै, जब तक उनखर लादा नेहको भर गइस, फेर ओखर चेला बचे हर खंडन लग सात टोपरी रोटी भरिन। डउकी अउ लरकन के छांड के उहां चार हजार डउका रथै।
मन्दिर हे चंदा देना
जब यीसु अउ ओखर चेला कफरनहूम सहर हे आथै, ता जउन मंडली के पइसा उगाहै बाले आयके पतरस लग कथै, "का तुम्हर गुरू मंडली के पइसा नेहको देथै?" पतरस जबाब देथै, "हव, देथै" जब पतरस घर हे पहुंचिस। ता ओखर बोलै लग पहिले यीसु पूछथै, "हे समोन तुम काहिन सोचथा? हइ भुंइ के राजा करजा केखर लग लेथै? अपन नागरिक लग।"
पतरस कथै, "दूसर के लरकन लग।"
तब यीसु ओखर लग कथै, "नागरिक के पइसा नेहको देय चाही। तउभरमा हम उनखर ठोकड के कारन झइ बनब, तै पानी के दहार हे बनसी लगाबे अउ जउन आगू मछडी पकड हे आही, ओखर मुंह के उघारत टेम तुमके चांदी के अक्ठी खोटन्ना मिलही, उके ले आबे अउ मोर बदला पइसा दइ दइहा।"
यीसु अंजीर कर रूख के सरापथै
आने रोज बिहनेन यरुसलेम नगर छो यीसु वापिस आथै, ता उके भूख लगथै। तब यीसु सडक के पाखा हे अंजीर कर अक्ठी रूख देखथै, ऊ ओखर लिघ्घो जथै, पय पत्तन के अलाबा अउ कुछु नेहको पाथै, ता यीसु रूख लग कथै, अब लग तोर हे कबहुन फडुहा नेहको लगही, अउ अंजीर के रूख हरबी झुराय गइस।
हइ देखके चेला चकित होथै अउ उन कथै, हइ अंजीर के रूख एतका हरबी कसके झुराय गइस।
यीसु उनही जबाब देथै, मै तुम्हर लग सही कथो, अगर तुम बिस्वास करथा अउ संका नेहको करथा, ता तुम न बलुक ऊ करिहा, जउन मै अंजीर के रूख लग करे हव, पय अगर हइ डोंगर लग कइहा, उठ अउ समुन्दर हे जाय गिर, ता ओसनेन हुइ जही। अउ जउन कुछु तुम बिस्वास के संग बिनती हे मंगिहा, ऊ तुमही मिल जही।
तब भयंकर आंधी बडेरा आथै, जेखर लग पानी के लहरा उठै लागथै, जेखर कारन नाह जिहाज पानी लग भर जथै। जब यीसु नाह जिहाज के पाछू मूड हे मुडोसा धरके सोउत रथै, ता चेला यीसु के जगायके कथै, हे गुरू, काखे तोके फिकर नेहको हबै? कि हम मरै बाले हबन।
यीसु नाह जिहाज हे ठाड होथै, अउ ऊ हबा अउ बडेरा के गधारिस, अउ कथै, चुप्पे हुइ जा, अउ उहां सब कुछ चुप्पे हुइ जथै। ता यीसु चेला लग कथै, तुम काखे डरथा? काखे तोके अभिन्नो बिस्वास नेहको आय? चेला बोहत डर जथै, अउ अपन हे गुठेमै लागथै, ई कउन आय, ओखर तो आंधी बडेरा बातन के मानथै।
जब सांझ हुइ जथै, ता चेला यीसु लग कथै, हइ जिघा सुनसान हबै, अउ बोहत देरी हुइ जथै। उनही पठोय दे, अउ चारो चउगिरदा गांव मोहल्ला हे कढ जाय, अपन खाय के निता जुगाड करले।
यीसु जबाब देथै, "तुमिन उनखर निता खाये के जुगाड करा,"
चेला ओखर लग कथै, "का हम आठ महीना के मजदूरी के चांदी के पइसा लग कछो लग खरीदी, इनही खाना कछो लग दइ?" यीसु चेलन लग कथै, जाय के देखा, कि कोनो के लिघ्घो रोटी हबै,
उन पता करके कथै, पांच रोटी अउ दुइठे मछडी हबै।
तब यीसु चेलन लग कथै, कि सगलू मनसे के हरियर चारा हे लाइन बार बइठा देया। अउ चेला उनही सव-सव, अउ पचास-पचास अक्ठी कतार बइठा देथै। यीसु पांचठे रोटी अउ दुइठे मछडी के लेथै, अउ स्वरग छो देखथै, भगवान के धन्यबाद करथै, अउ रोटी टोर-टोर के चेलन के देथै, अउ सगलू मनसे के बांटथै अउ उहै मेर सगलू मछडी के बांट देथै। सगलू मनसे खाइन, अउ सब कर लादा टुल्य हुइ जथै। अउ सगलू मनसे खाये के बाद हे, चेला बचे हर रोटी अउ मछडी के खन्डा लग बारह छन्नी भरथै। खाय बाले हे केबल पांच हजार डउकन के गिनती रथै।
हबा बोहत चलथै, ता चेला बोहत डेराय जथै, यीसु चेलन के डेरात देखथै, ता करीबन मुरगोसा टेम ऊ पानी हे रेंगत आउत रहिस, अउ उनखर बगल हुइके आगू जाय के चाहथै। पय चेला यीसु के पानी हे रेंगत देखथै, ता उके भुतवा समझ के चिरलाय लग जथै। यीसु के सगलू झन देखके उन डर जथै,
पय ऊ हरबी उनखर लग कथै, तुम हिम्मत धरा मै हबो। तब यीसु चेलन के लिघ्घो नाह जिहाज हे आथै, अउ बडेरा रुक जथै, अउ उन बोहत चकरा जथै।
चार हजार मनसेन के खाना खबाना
ऊ टेम हे जब बड्डे भीड अकजुट होथै, ता मनसेन के लिघ्घो कुछु खाय के निता नेहको रथै, यीसु अपन चेला के बुलाके कथै। इहैनिता कि मनसे मोर संग तीन रोज लग हबै, अउ मनसे के लिघ्घो खाय के निता कुछु नेहको हबै, मोके इनखर उप्पर दया आथै। अगर मै मनसे के भुखे घर पठोहूं, ता गली हे थक जही, अउ बिहोस हुइ जही, काखे भीड बोहत दुरिहां लग आय रथै।
यीसु के चेला कथै, ई नान जिघा हे बोहत मनसे के निता रोटी कछो लग लानबो कि पेट भर खाय? यीसु अपन चेलन लग पूछथै, तोर लिघ्घो केतका रोटी हबै? उन कथै, सात रोटी हबै।
यीसु सगलू मनसे के भुंइ हे बइठे के निता बोलथै, अउ ऊ सात रोटी लेथै, अउ भगवान के धन्यबाद दइके टोरिस, अउ चेलन के देथै अउ चेला उनके पोरसै लागथै। मनसे के लिघ्घो चुटु हस नान मछडी रथै, अउ यीसु के देथै, यीसु धन्यबाद करके मछडी के बांटै के आदेस देथै। ता मनसे रोटी खायके अघाय जथै, अउ खाये के बाद हे सात टोपरी रोटी बच जथै। अउ मनसे के गिनती करीबन चार हजार के रथै, एखर बाद हे यीसु उनही घर छो पठोय देथै।
फडुहा रहत अंजीर रूख के सरापथै
सकारे जब हुइस ता यीसु बैतनिय्याह गांव लग निकडिस, अउ ऊ भुखाय रथै। ऊ अंजीर के रूख के देखके ओखर लिघ्घो जथै, यीसु के पत्ता के सिबाय कुछु नेहको मिलथै, काखे फडुहा के टेम नेहको रथै। यीसु अंजीर के रूख लग कथै, "अब लग तोर कबहुन फडुहा नेहको फरही।" अउ चेला ई बात के सुनथै।
सुखाय हर अंजीर कर रूख लग सिक्छा
भिनसारे टेम यीसु, अउ ओखर चेलन रास्ता लग जथै, तब उन अंजीर कर रूख के जर तक झुराय हर देखथै। पतरस के यीसु के कहे हर बात सुरता आय जथै, अउ पतरस यीसु लग कथै, "हे गुरू, देखा ई अंजीर कर रूख के तै सराप दे रहस, ऊ रूख झुराय गय हबै।"
यीसु उके कथै, "भगवान के उप्पर बिस्वास करा। मै तुम्हर लग सही कथो, कि जउन कउ हइ डोंगर लग कही, कि तै टर जा, अउ समुन्दर हे कढ जा अउ अपन मन हे सक झइ करै, पय बिस्वास करै, कि जउन मै कथो, ऊ हुइ जही ता ओखर निता ओसनेन हुइ जही। इहैनिता मै तुम्हर लग कथो, कि जउन कुछु तुम बिनती करके मांगथा, ता बिस्वास करै कि ऊ तोके मिल जही, अउ तुम्हर निता ओसनेन हुइ जही। बिनती करत टेम अगर तुम्हर मन हे, कउनो के निता कुछु बिरोध हबै, उके छमा कर देया, तब तुम्हर बाफ जउन स्वरग छो हबै, तुम्हर पाप छमा करही।
यीसु अपन पहिले चेला के बुलाथै
अक रोज यीसु गन्नेसरत झील के टाठा लग ठाड रथै, ता मनसे भगवान कर बचन सुनै के निता, ओखर चउगिरदा पल्ला घेरे रथै। ऊ टेम उन झील के पाखा छो लगे हर दुइठे नाह जिहाज के देखथै, ढिमरा उतर के जाला के धोउत रथै। यीसु उनखर मसे अक्ठी नाह जिहाज लग जउन समोन के रथै, चढ गइस अउ उन ओखर लग कथै, नाह जिहाज के टाठा लग कुछ दुरिहां लइ चला, एखर बाद ऊ बइठ गइस अउ नाह जिहाज लग मनसेन के सिक्छा देय लगथै।
बात करै के बाद उन समोन लग कथै, नाह जिहाज गहीर पानी हे लइ चला अउ मछडी पकरै के निता अपन जाला उछो डाला।
समोन जबाब देथै, स्वामी रात भर मेहनत करै भरमा हम कुछु नेहको पकड सकन, पय तोर कहे लग मै जाल डारे देथो। असना करे लग बोहत मछडी जाल हे फस गइस, कि उनखर जाल फटै लगिस। उन दूसर नाह जिहाज के अपन संगिन के इसारा करिस, कि उन आयके उनखर मदत करै, उन आइन अउ उन दुनो नाह जिहाज के मछडिन लग एतका भर लइन कि नाह जिहाज पानी हे बुडै लगथै। हइ देखके समोन पतरस यीसु के गोड हे गिरके कथै, "परभु मोर लिघ्घो लग कढ जा, मै तो पापी मनसे हव।"
काखे जाल हे बोहत मछडिन के फसै के कारन समोन अउ ओखर संगी चकित रथै। इहै हाल याकूब अउ यूहन्ना के होइस, हइ जबदी के टोरवा समोन सहपारटी रथै, यीसु समोन लग कथै, "झइ डर काखे अब तुम जिन्दा मनसेन के पकरे करिहा।"
जब उन अपन नाह जिहाज के पाखा लग लानथै, तब उन सगलू कुछ छांडके यीसु के पाछू हुइ लेथै।
आंधी बडेरा के सान्त करथै
अक रोज यीसु अपन चेलन के संग नाह जिहाज हे चढथै अउ उनखर लग कथै, "आबा हम दहार के ऊ पल्ला चली" अउ उन नाह जिहाज हे बइठके चल देथै। जब नाह जिहाज चलत जथै, तब यीसु सोय जथै, उहै टेम दहार हे बोहत आंधी बडेरा आथै अउ उनखर नाह जिहाज हे पानी भरै लग जथै, अउ उन समस्या हे फस जथै। चेला यीसु के लिघ्घो आयके ओही जगाथै, अउ कथै, स्वामी-स्वामी हम बुडथन हमके बचाय ले, ता यीसु उठथै अउ आंधी बडेरा अउ लहरा के डांटथै, अउ ऊ थम गइस अउ उहां सान्ति छाय गइस। तब यीसु अपन चेलन लग कथै, "तुम्हर बिस्वास कछो गइस?" उन डरथै अउ अचम्भित हुइके अक दूसर लग गुठेवै लग जथै, "हइ कउन मनसे हबै? हइ आंधी बडेरा अउ पानी के आदेस देथै अउ उन ओखर आदेस मानथै।"
आंधी बडेरा के सान्त करथै
अक रोज यीसु अपन चेलन के संग नाह जिहाज हे चढथै अउ उनखर लग कथै, "आबा हम दहार के ऊ पल्ला चली" अउ उन नाह जिहाज हे बइठके चल देथै। जब नाह जिहाज चलत जथै, तब यीसु सोय जथै, उहै टेम दहार हे बोहत आंधी बडेरा आथै अउ उनखर नाह जिहाज हे पानी भरै लग जथै, अउ उन समस्या हे फस जथै। चेला यीसु के लिघ्घो आयके ओही जगाथै, अउ कथै, स्वामी-स्वामी हम बुडथन हमके बचाय ले, ता यीसु उठथै अउ आंधी बडेरा अउ लहरा के डांटथै, अउ ऊ थम गइस अउ उहां सान्ति छाय गइस। तब यीसु अपन चेलन लग कथै, "तुम्हर बिस्वास कछो गइस?" उन डरथै अउ अचम्भित हुइके अक दूसर लग गुठेवै लग जथै, "हइ कउन मनसे हबै? हइ आंधी बडेरा अउ पानी के आदेस देथै अउ उन ओखर आदेस मानथै।"
भुतवा लग फसे हर मनसे के निक्खा करथै
यीसु नाह जिहाज लग उतर के गिरासेनियो के परदेस छो पहुंचथै, जउन दहार के ऊ पल्ला गलील परदेस के आगू हबै।
सांझ होंय बाले रथै, इहैनिता बारहठे चेला यीसु के लिघ्घो आयके कथै, "मनसेन के भीड के पठोय दे, ता उन अगल-बगल के गांव हे जाय के रहै के निता, अउ खाय के निता जुगाड कर सकै, काखे इहां हम सुनसान जिघा हे हवन।"
यीसु अपन चेलन के जबाब दइस, "तुमिन उनही खाय के देया"
ता चेला कथै, "हमर लिघ्घो पांचठे रोटी अउ दुइठे मछडी हबै अउ एखर सिबाय हमार लिघ्घो कुछु नेहको हबै, तै काहिन चाहथस कि हमिन खुद जायके इन सगलू मनसेन के निता खाना खरीदी?" उछो करीबन पांच हजार डउका रथै, यीसु अपन चेलन लग कथै, "उन मनसेन के पचास-पचास के झुन्ड हे उनके बइठा देया।"
अउ चेला ओसनेन करिन अउ सब के बइठा दइन। तब यीसु पांचठे रोटी अउ दुइठे मछडी हाथ हे लइके स्वरग पल्ला देखके भगवान के धन्यबाद देथै, अउ फेर रोटी के टोरिस, अउ अपन चेलन के दइस, ता उन मनसेन के पोरसै। सगलू मनसे मछडी अउ रोटी खायके अघाय गइन, अउ बचे हर रोटी के खन्डा लग बारा छन्नी भर गइस।
गलील सहर के काना हे काज
तीसर रोज गलील सहर के काना हे कउनो के काज रथै अउ उहां यीसु के दाय रथै। जेखर घर हे काज रथै, उन यीसु अउ ओखर चेलन के बुलाय रथै। उहां जब अंगूर कर रस बढाय जथै, तब यीसु के दाय कथै, "उनखर लिघ्घो अंगूर कर रस नेहको हबै।"
यीसु ओखर लग कथै, "हे डउकी मोर लग काखे कथस, मोके तोर लग काहिन काम? अबे मोर टेम नेहको आय हबै।"
फेर ओखर दाय ओखर सेबकन लग कथै, जउन कुछु ऊ तुम्हर लग कहि उहै करिहा।
उहां सुध्द करन के निता पानी भर के पथरा के छय गघरी रखथै, हइ गघरी ओसनेन रथै जसना यहूदी पवितर असनादै के निता काम हे लाथै, हर अक्ठी गघरी हे कउनो अस्सी लग अक सव बीस लीटर पानी समाथै। यीसु उनखर लग कथै, गघरी हे पानी भर देया तब उन गघरी हे पानी फुल्य भर देथै। तब ऊ उनखर लग कथै, अब निकाडके दावत के परधान के लिघ्घो लइ जा। अउ उन ओसनेन करथै। जब दावत के परधान ऊ पानी के पीथै, जउन अंगूर के रस्सा बन जथै अउ उनके पता नेहको चलथै, कि दाखरस कछो लग आय हबै, पय जउन सेबक पानी के निकाडथै ऊ जानथै, ता ऊ परधान दुलहा के बुलवाइस, अउ ओखर लग कथै, हर अक्ठी मनसे पहिले निक्खा अंगूर कर रस देथै अउ जब मनसे पी के टुल्य हुइ जथै, तब फेर घटिया देथै, पय तुम निक्खा अंगूर के रस बचाय के रखे हबस।
यीसु गलील सहर के काना गांव हे अपन हइ पहिले चकित कर काम दिखाथै अउ अपन महिमा के परगट करथै अउ ओखर चेला यीसु हे बिस्वास करथै।
यीसु फिलिप्पुस के परखै के निता हइ बात कहे रथै, काखे ऊ खुदय जानथै, कि ऊ का करही।
फिलिप्पुस ओही जबाब देथै, दुइ सव चांदी के पइसा के रोटी इतनी हस नेहको होही, कि हर कउ के चुटु-चुटु मिल सकै।
यीसु के चेला मसे समोन पतरस के भाई अन्द्रियास लग कथै, "इहां अक्ठी टोरवा हबै, जेखर लिघ्घो जबा के पांचठे रोटी हबै अउ दुइठे मछडी हबै, पय एतका मनसेन के निता ऊ का होही?" यीसु कथै, मनसेन के बइठा देया, उहां बोहत हरियर चारा रथै अउ मनसे के बइठा देथै अउ डउकन के गिनती करीबन पांच हजार रथै। तब यीसु रोटी लेथै अउ भगवान के धन्यबाद देथै अउ अपन चेलन के दइ देथै, उन बइठे हर मनसेन हे बांट देथै अउ उहै मेर मछडी के जेतका चाहथै बांट देथै। जब सगलू मनसे खाय के टुल्य हुइ गइन, ता यीसु अपन चेलन लग कथै, "बचे हर रोटी के खन्डा के उठाय लेया, ताकि कुछु झइ फटके जाय।" चेला रोटी के उठाइन अउ जबा के पांचठे रोटी के खन्डा जउन खाय लग बचे हर रथै, बाराठे छन्नी हे भरिन।
जब धीरे-धीरे तीन चार किलो मीटर के करीबन निकर गइन, ता चेला देखथै कि यीसु समुन्दर के उप्पर रेंगत नाह जिहाज के लिघ्घो अउत हबै अउ उन बोहत डेराय जथै। पय यीसु चेलन लग कथै, मै आंव, "झइ डेराबा।" तब ऊ ओही नाह जिहाज के उप्पर चढाय बाले रथै, पय नाह जिहाज ऊ जिघा हे पहुंच जथै, जिछो उन जाय चाहथै।
सातठे चेलन के यीसु दिखाई देथै
एखर बाद यीसु खुद के तिबिरियास समुन्दर के लिघ्घो चेलन के आगू परगट होथै अउ हइ मेर होथै। समोन पतरस अउ थोमा जउन दिदमुस कहाथै अउ गलील परदेस के काना सहर नतनएल के रहै बाले रथै अउ जबदी के दुइठे टोरवा अउ यीसु के दुइठे चेला मसे अक जिघा रथै। समोन पतरस उनखर लग कथै, "मै मछडी पकडै जथो।" उनो ओखर लग कथै, "हमु तोर संग चलबो।"
उन निकड के नाह जिहाज हे चढथै, पय ऊ रात उनही कुछु नेहको मिलथै। सकरहा यीसु समुन्दर के लिघ्घो आयके ठाढ रथै, तउभरमा चेला नेहको चीनथै कि ऊ यीसु हबै। यीसु उनखर लग कथै, "हे लरिका, का तुम्हर लिघ्घो कुछु खाय के निता मछडी हबै?" उन जबाब देथै, "कुछु नेहको हबै।"
यीसु उनखर लग कथै, "नाह जिहाज के दहिना पल्ला जाला डाला, ता तुमही मिलही।" जब उन जाला डालिन अउ एतका मछडी फस गइन कि उन जाला नेहको तीन पाउत रहिन।
तब ऊ चेला जेखर लग यीसु माया करथै, पतरस लग कथै, "हइ परभु हबै।" जब समोन पतरस हइ सुनथै कि ऊ परभु हबै, ता ऊ अपन कनिहा हे साफी लपेट लेथै, काखे ऊ कपडा नेहको पहिने रथै अउ दहार हे कूद जथै। दूसर चेला नान हस नाह जिहाज हे मछडी लग भररे हर जाला के तीनत आथै, काखे ऊ समुन्दर के टाठा लग बोहत दुरिहां नेहको रथै, केबल दुइ सव मीटर के दुरिहां हे रथै। जब उन समुन्दर के टाठा हे उतरथै, ता उन कोइला के आगी हे धररे हर मछडी अउ रोटी के देखथै। यीसु उनखर लग कथै, "जउन मछडी तुम अबे पकडे हबा, उन मसे कुछ मछडी लइ आबा।"
जब समोन पतरस नाह जिहाज हे चढके जाला के समुन्दर के टाठा हे लइ आनथै, ऊ जाला हे अक सव तिरपन बडका-बडका मछडी रथै अउ एतका मछडी होय लग जाला नेहको फटथै।
Libertações
Jesus expulsou demônios com autoridade. Os espíritos impuros não resistiam à sua palavra e saíam imediatamente.
यीसु अक्ठी रोमन साहब के हरवाह के निक्खा करथै
जब यीसु कफरनहूम सहर छो आथै, ता अक्ठी रोमन सिपाही ओखर लिघ्घो अइस, अउ ओखर लग मदद के निता बिनती करत कथै, "हे परभु, मोर सेबक कर घर हे नांगा हे पडे हबै, उके लोकवाबाव मार दय हबै, उके बोहत पीरा होथै।"
तब यीसु सिपाही लग कथै, "मै आय के उके निक्खा कर देहुं।"
तब सिपाही जबाब देथै, "हे परभु, मै हइ लायक नेहको हबो, कि तै मोर छानी तरी आ, इहैनिता तै इहै लग कहि दइहे, ता मोर सेबक निक्खा हुइ जही। मै साहबन के तरी हंव अउ सिपाही मोर तरी हबै, जब मै कउनो लग कथो, उछो जा, ता ऊ जथै अउ दूसर लग कथो, हइछो आ, ता ऊ आथै अउ अपन हरवाह के कथो हइ के ता ऊ करथै।"
यीसु हइ सुनके चकित होथै, अपन पाछू आमै बाले मनसेन लग कथो, मै तुम्हर लग सही कथो, मै एतका मजबूत बिस्वास इस्राएल हे कउनो के भित्तर नेहको पाय हबो। मै तुम्हर लग कथो, दिन उगती, अउ दिन बुडती लग बोहत मनसे आय के अब्राहम, इसहाक अउ याकूब के संग, स्वरग कर राज के खाना हे समलित हुइहिन। पय जेही मोर राज हे होमै चाही, उनही अंधियार हे डाल दय जही, जिहां रोइहिन अउ दांत पिसहिन। तब यीसु सिपाही लग कथै, जा जसना तोर बिस्वास हबै, ओसनेन तोर निता होय अउ ओखर सेबक उहै टेम निक्खा हुइ गइस।
यीसु दुइठे भुतवा लग परेसान मनसे के निक्खा करथै
जब यीसु दहार के दूसर पार गदरेनियो परदेस के इलाका हे पहुंचथै, ता ओखर मुलाकात दुइठे मनसे लग हुइस, जउन मरघटी लग निकडके ओखर लग मिले आथै, उनखर भित्तर भुतवा रथै अउ ऊ एतका भयंकर रथै, कि ऊ गली लग कोनो के हिम्मत नेहको होथै, कि ऊ रास्ता लग गुजर सकै। ऊ यीसु के देखके चिरलायके कथै, "हे भगवान कर टोरवा हमर लग तै काहिन चाहथस? का टेम पूर होय लग आगुन तै इछो हमही पीरा दे के निता आय हबस?" उहां चुटु दुरिहां हे अक्ठी सुमरा के बडका झुन्ड चरत रथै। भुतवा यीसु लग बिनती करके कथै, कि "अगर तै हमही निकाडथस, ता हमही ऊ सुमरा कर झुन्ड हे पठोय दे।"
यीसु उनखर लग कथै, "निकड जा।" तब भुतवा ऊ मनसे मसे निकडके उन सुमरन हे कढ जथै, अउ सगलू सुमरा के झुन्ड डोंगर के करखा लग कुदर के पानी हे बुड के मर गइन।
सुमरा चरामै बाले बरेदी भगिन, अउ सहर छो जायके जेहमा भुतवा रथै अउ जउन घटना घटे रथै, ऊ पूर गुठेथै। हइ सुनके सगलू सहर कर मनसे यीसु लग मिलै के निता आमै लगिन अउ उन उके देखके, ओखर लग बिनती करके कथै, हमर इलाका लग कढ जा।
यीसु अक्ठी बउरा मनसे के निक्खा करथै
जब उन दुनो उहां लग निकडथै, तबै कुछ मनसे अक्ठी बउरा मनसे यीसु के लिघ्घो लइके आनथै, जेहमा भुतवा समाय रथै, इहैनिता ऊ कुछ नेहको बोल पाउत रहिस। जब यीसु भुतवा के ओखर लग निकार देथै, ता ऊ बउरा बोलै लागथै, ता मनसे हइ देखके चकरा जथै अउ कथै, "हम इस्राएल हे असना कबहुन नेहको देखे हबन।"
यीसु अउ बालजबूल
फेर मनसे यीसु कर लिघ्घो अक्ठी अंधरा अउ बउरो मनसे के लानथै जेहमा भुतवा रथै, यीसु उनही निक्खा कर देथै, ऊ देखै अउ बोलय लगिन।
डउकी कर बिस्वास
फेर यीसु उछो लग निकडके सूर अउ सैदा परदेस छो कढ गइन। ऊ इलाका लग अक्ठी गैर यहूदी डउकी आथै, अउ किरराय लागथै, "हे परभु दाऊद के टोरवा मोर हे दया के, मोर टोरिया के भुतवा बोहत परसान करथै।"
यीसु ओखर लग कुछु नेहको कथै, ता ओखर चेला ओखर लिघ्घो आथै, अउ बिनती करै लग जथै, "इके बिदा करा, काखे ऊ हमर पाछू किररावत हबै।"
यीसु जबाब देथै, "मोके सिबाय इस्राएल के मनसेन के भुलाय हर गेडरा के बिना, कउनो अउ के निता नेहको पठोय गय हबो।"
ता ऊ डउकी यीसु के आगू निहुर के परनाम करथै, "हे परभु मोर मदद के।"
यीसु जबाब दइके कथै, हइ सही नेहको हबै कि "लरकन के खाना लइके उके कुकरा के आगू डाल दय जाय।"
ऊ डउकी कथै, "हइ सही हबै परभु पय इहां तक कि कुकरा अपन मालिक के टेबुल लग गिरे हर जूठा लग अपन लादा भर लेथै।"
तब यीसु कथै, "हे डउकी तोर बिस्वास बोहत बडा हबै, जउन तै चाहथस ऊ पूर होय।" अउ ओखर टोरिया उहै टेम निक्खा हुइ जथै।
यीसु अक्ठी लरका के भुतवा लग निक्खा करथै
जब यीसु भीड के लिघ्घो पहुंचथै, ता अक्ठी मनसे ओखर लिघ्घो आथै अउ घुटवा टेक के कथै। "हे परभु, मोर टोरवा के उप्पर दया कर उके मिरगी मारथै, ऊ बोहत तडपथै, ऊ आगी हे या कबहुन पानी हे गिर जथै। मै तोर चेला के लिघ्घो लइ गय रहों, पय तोर चेला ओहि निक्खा नेहको कर सकिन।"
तब यीसु कथै, "हे अबिस्वासी अउ बेकार मनसे, मै तुम्हर संग कब तक रइहों? तुम्हर कब तक सइहों? ओही मोर लिघ्घो लाबा।" तब यीसु भुतवा के आदेस देथै, अउ भुतवा ओखर भित्तर लग निकड जथै, अउ ऊ उहै टेम लरका निक्खा हुइ जथै।
यहूदी मंडली हे अक्ठी मनसे आय रथै, जउन भुतवा लग जकडरे रथै, भुतवा चिरलायके कथै, "हे यीसु नासरी मोके तोर लग कउनो काम नेहको आय? का तै हमके मारै आय हवस? मै तोके जनथो, भगवान के दवारा पठोय हर पवितर मनसे हबस।"
यीसु भुतवा के गधारे के कथै, "चुप रह, अउ मनसे के जीवन लग निकड जा।"
ता भुतवा मनसे के मरोडथै, अउ बोहत चिरलायके मनसे के जीवन लग निकड जथै।
यीसु भुतवा नंगहा मनसे लग निक्खा करथै
जब यीसु अउ ओखर चेला दहार के ऊ पल्ला गिरासेनियो के इलाका छो पहुंचथै। जब यीसु नाह जिहाज लग उतरथै, ता अक्ठी मनसे मरघटी मसे निकड के आथै, जेखर भित्तर भुतवा रथै। ऊ मनसे मरघटी हे रथै, अउ ऊ मनसे के कउनो सांकड लग नेहको बांध सकथै। ऊ मनसे के कइन बार हाथ अउ गोड के सांकड लग बांध देथै, पय ऊ सांकड अउ डोरा के टोर देथै, ओही कउनो मनसे अपन बस हे नेहको कर सकथै, काखे कि ऊ बोहत बलवान रथै। ऊ मनसे रात-दिन मरघटी अउ डोंगर छो बोहत चिरलाय करथै, अउ अपन के पथरा लग अधमरहा कर लेथै।
ऊ यीसु के दुरिहां लग देखथै, अउ दउडके आथै, अउ ओखर आगू निहुर के परनाम करथै। ऊ चिरलायके कथै, हे यीसु परम परधान भगवान कर टोरवा, मोके तोर लग का काम? तोके भगवान कर किरिया हबै, कि मोके सजा झइ दे। ऊ ओखर लग कथै, हे भुतवा हइ मनसे के जीवन लग बाहिर निकड जा।
ऊ ओखर लग पूछथै, "तोर काहिन नाम हबै?" ऊ कथै, "मोर नाम सेना हबै? काखे हम बोहत हबन।" ऊ यीसु लग बोहत बिनती करके कथै, हम के हइ इलाका लग बाहिर झइ पठो।
उछो डोंगर के उतारू रथै, जछो सुमरा के बोहत झुंड चरथै। ऊ ओखर लग गिडगिडाय के बिनती करथै, हमके सुमरा के झुंड हे पठोय दे, कि हम सुमरा के भित्तर रहबो। यीसु फेरै ओखर लग कथै, हे भुतवा मनसे के जीवन लग निकडके सुमरा के भित्तर कढ जा, अउ सुमरा कर झुंड दुइ हजार के रथै, एतका हरबी सगलू सुमरा डोंगर के उतारू लग, दहार हे बुड के मर जथै।
सुमरा के बरेदिया दउरके सहर अउ गांव छो जाय के संदेस सुनाथै, जउन कुछु होथै, मनसेन उके देखे बर आथै।
अगर तुम असना कथा, कि कोनो अपन दाय-बाफ लग कहे, जउन कुछु काम करा, अउ तोके फायदा होय, भगवान के निता बलि चढामै। हइ मेर लग तुम ओखर दाय-बाफ के सेबा करै लग दुरिहां कर देथा। हइ मेर लग अपन आदेस, जउन तुम रीति रिबाज बनाय हबा, अउ भगवान कर बचन के दुरिहां करथा, अउ इहैमेर बोहत गलत बात हबै, जउन तुम करथा।"
मनसे के असुध्द करै बाले बात
यीसु मनसेन के अपन लिघ्घो बुलाथै, अउ उनखर लग कथै, तुम मोर सगलू बात के सुना, अउ समझा। असना कउनो चीज नेहको हबै, जउन मनसे के भित्तर जथै उके असुध्द करथै, जउन मनसे के भित्तर लग बाहिर निकडथै, उके असुध्द करथै।
सुरुफिनीकी डउकी कर बिस्वास
यीसु गन्नेसरत नगर लग सूर अउ सैदा परदेस हे आथै, ऊ अक्ठी घर हे जथै, अउ ऊ नेहको चाहथै, कि कोनो मोके जान सकै पय उके जान जथै, अक्ठी डउकी रथै, ओखर टोरिया के भित्तर भुतवा रथै, ऊ यीसु के खबर सुनके आइस, अउ ऊ ओखर गोड हे गिरथै। सीरिया देस के यूनानी डउकी अउ सुरुफिनीकी गैर यहूदी के रथै, ऊ ओखर लग बिनती करके पूछथै, मोर टोरिया के भित्तर भुतवा हबै, उके निकाड दे। यीसु ओखर लग कथै, आगू लरका के खाय देया, ई जरूरी नेहको आय कि रोटी के, कुकरा के आगू फेकै के निक्खा नेहको हबै।
ऊ डउकी यीसु के जबाब देथै, "सही हबै परभु, तउभरमा लरकन के जूठा बचे हर के कुकरा खाय लेथै।"
यीसु उके कथै, ई बातन के कारन कढ जा, तोर टोरिया ले भुतवा निकड गय हबै।
ऊ अपन घर जाय के देखथै, ता ओखर टोरिया खटिया हे सोय रथै, अउ भुतवा निकड जथै।
भीड लग अक्ठी मनसे जबाब देथै, "हे परभु मै अपन टोरवा के, तोर लिघ्घो लाय रहों, ओखर भित्तर अक्ठी बउरा भुतवा हबै। जिहां मोर टोरवा के भुतवा पकडथै, उहै पटक देथै, ओखर मुंह लग गेजरा भर जथै, अउ दांत के चाबथै, मोर टोरवा रोज दिन झुराथै, मै तोर चेला लग कहे रहों, कि भुतवा के निकाड दा। पय उके नेहको निकाड पाथै।"
ई बातन के सुनके यीसु कथै, "हे अबिस्वासी मनसे मै तुम्हर संग कब तक रइहों? कब तक तुम्हर सइहों? ऊ लरका के मोर लिघ्घो लाबा।" तब मनसे ऊ टोरवा के, ओखर लिघ्घो लाथै जब भुतवा यीसु के देखथै।
ता ओही पटकिस अउ ऊ भुंइ हे गिरथै, अउ मुंह लग गेजरा बोहे लगिस अउ लोटय लागथै। यीसु टोरवा के बाफ लग पूछथै, एखर दसा कब लग हबै,
ता ओखर बाफ कथै, नान लग हबै। भुतवा उके मरै के निता कइन बार आगी हे, कबहुन पानी हे गिराथै, अगर तै कुछु कर सकथस, ता हमर उप्पर दया कर।
यीसु ओखर लग कथै, असना तुम काखे गुठेथा, कि अगर तै कर सकथस, ता बिस्वास करिहा ता, सब कुछु हुइ सकथै।
ऊ ओखर लग कथै, मै बिस्वास करथो, मोर अबिस्वास के बढामै के निता मदद करा।
जब यीसु देखिस कि मनसे दउडके चले आथै, तब भुतवा के गधारत कथै, हे बउरा भुतवा मै तोके आदेस देथो, कि टोरवा के जीवन लग निकड जा, अउ फेर कबहुन झइ आबे।
तब भुतवा चिरलायके बोहत मरोडत टोरवा कर जीव लग निकड जथै, अउ ऊ मरै के जसना हुइ जथै, तब मनसे कथै, ऊ मर गय हबै। पय यीसु टोरवा कर हाथ पकडके, उके उठाइस अउ ऊ ठाड हुइ जथै।
यीसु के दवारा केतका मनसे निक्खा
तब यीसु मंडली लग निकड के समोन के घर छो गइस, समोन के फुवा के तेज दुख्खन हे पडे हर रथै, अउ मनसे ओखर निता यीसु लग बिनती करिन। यीसु ओखर लिघ्घो जायके दुख्खन के डांटिस अउ दुख्खन उहै टेम उतर जथै, अउ झट्टैने उठके मनसेन के सेबा करै हे लग गइस।
यीसु जब नाह जिहाज लग भुंइ लग उतरथै, ता ऊ सहर के अक्ठी भुतवा लग बइहा मनसे यीसु के लिघ्घो आइस, ऊ बोहत रोज ले खुरथा पइजामा नेहको पहनथै, अउ घर छो नेहको, बलुक मरघटियानी छो रहे करथै। यीसु के देखके चिरलाय उठथै अउ यीसु के गोड हे गिरके जोर आरो लग कथै, "हे परम परधान भगवान कर टोरवा यीसु, मोर लग तोके काहिन काम हबै? मै तोर लग बिनती करथो, मोके दुख झइ दे" काखे यीसु भुतवा के ऊ मनसे मसे बाहिर निकर जाय का आदेस देथै, काखे भुतवा उके घरी-घरी पकर लेथै, अपन वस हे रखै के निता मनसे उके सांकड अउ डोरा लग बांध देथै, पय बांधे हर के टोर देथै अउ भुतवा उके पतेरा छो लइ जथै।
यीसु ओखर लग पूछथै, "तोर नाम काहिन हबै?" ऊ कथै, मोर नाम सेना हबै, काखे ऊ मनसे हे बोहत लग भुतवा लगे रथै। ऊ यीसु लग बिनती करके कथै, हमके नरक छो झइ पठो।
उहां डोंगर छो सुमरा के अक्ठी बोहत बडा झुन्ड चरथै, भुतवा यीसु लग बिनती करके कथै, हमके सूरा के झुन्ड हे जाय के आदेस दे अउ यीसु उनके सूरा के झुन्ड हे जाय के आदेस देथै। तब भुतवा ऊ मनसे मसे निकरके सुमरन के देह लग जाय घुसथै, ऊ सगलू सुमरा के झुन्ड डोंगर के टिल्ली लग तरी छो झील के दहार हे गिरथै अउ उन बुड के मर गइन।
हइ देखके सुमरा चरामै बाले बरेदी भाग गइन, अउ उन सहर अउ गांव हे एखर खबर फइलाय दइन। अउ जउन होने रहिस उके देखै के निता आथै, अउ यीसु के लिघ्घो आयके जउन मनसे लग भुतवा निकरे रथै, उके यीसु के गोड के लिघ्घो कपडा पहिरे अउ साथ बइठे हर देख के डर गइन।
मै तुम्हर लग सही कथो, इहां ठाड मनसेन मसे कुछ असना मनसे हबै, तब तक मिरतू के स्वाद नेहको चकही, जब तक उन भगवान कर राज नेहको देख लइहिन।"
यीसु के रूप बदलथै
हइ बातन के कउनो आठै रोज बाद यीसु पतरस, यूहन्ना अउ याकूब के अपन संग लइ गइस, अउ बिनती करै के निता अक्ठी डोंगर हे गइस। ता बिनती करत टेम यीसु के चेहरा सकल बदल गइस, अउ ओखर खुरथा पइजामा चरका हुइके चमकथै। अचनकै चेला दुइठे डउकन के यीसु के संग बात करत देखिन, उन मूसा अउ एलिय्याह रथै। अउ उन महिमा के संग दिखाई दइन, अउ ओखर मरै के बारे हे गुठेथै, जउन यरुसलेम सहर छो होय बाले रथै।
पतरस अउ ओखर संगी भारी नींद हे सोय रथै, जब पूर तरह अपन नींद लग जाग उठथै, ता उन यीसु के महिमा के अउ ओखर संग ठाडे दुइठे डउकन के देखिन। मूसा अउ एलिय्याह यीसु के लिघ्घो लग जाय लागथै, पतरस यीसु लग कथै, हे परभु हमके इहां रहै के निता बढिहा हबै, हम इछो तीनठे तम्बू बनाबो, अक्ठी तोर निता अक्ठी मूसा कर निता अउ अक्ठी एलिय्याह कर निता, उके पता नेहको रथै, कि ऊ काहिन कथै।
भीड मसे अक्ठी मनसे चिरलाय के कथै, "हे गुरू तोर लग हइ बिनती हबै, कि तै मोर टोरवा के चंगा कर दे, काखे मोर अक्ठिन टोरवा हबै। उके अक्ठी भुतवा पकडथै, जेखर लग ऊ चिरला उठथै, भुतवा उके असना मरोडथै, कि ओखर मुंह लग गजरा निकरै लागथै अउ उके अधमरहा कर देथै अउ बोहत कठिनाई लग उके छांडथै। मै तोर चेलन लग निकारै के बिनती करे रहों, पय ऊ भुतवा के नेहको निकार सकिन।"
यीसु जबाब दइस, "हे अबिस्वासी अउ गरजुहा मनसे अउ जिद करै बाले मनसे मै कब तक तुम्हर संग रइहों अउ तुम्हर बात कब तक सइहों? अपन टोरवा के मोर लिघ्घो लान।"
जब टोरवा यीसु के लिघ्घो आथै, ता भुतवा फेरै उके भुंइ हे पटक के मरोडै लागथै, पय यीसु भुतवा के डांटिस, अउ भुतवा टोरवा के जीवन लग निकड गइस, यीसु टोरवा के निक्खा करके ओखर बाफ के सउप दइस। भगवान के हइ काम देखके, सगलू मनसे चकित हुइ जथै।
फेरै यीसु अपन मरै के बारे हे गुठेथै
सगलू मनसे यीसु के काम के देखके चकित हुइ जथै, ता यीसु अपन चेलन लग कथै।
पवितर आतमा अउ भुतवा कर आतमा
यीसु अक्ठी भुतवा के जउन बउरा रथै, भुतवा के निकाडथै बउरा मनसे बोलै लगिस अउ मनसे चकित हे पड गइन।
अउ उनखर मसे अक्ठी महायाजक के हरवाह, ओखर दहिना पल्ला के कान के काट देथै।
ई बात लग यीसु कथै, अब बस करा अउ ओखर कान के छुइ के निक्खा कर देथै।
यूहन्ना दवारा पठोय हर चेलन के कढ जाय के बाद, यीसु मनसेन के यूहन्ना के बारे हे गुठेमै लागथै, तुम निरजन परदेस हे काहिन देखय गय रहा? का हवा लग हिलत हर सरकन्डे के? ता तुम काहिन देखै गय रहा? बढिहा खुरथा पइजामा पहिरै बाले मनसे के? नेहको मंहगा खुरथा पइजामा पहिरै बाले, अउ मउज मस्ती हे जीवन गुजारै बाले मनसे पक्का घर हे रथै। गुठेबा तुम काहिन देखै गय रहा? का कउनो ग्यानी मनसे के? निस्चय मै तुम्हर लग कथो, ग्यानी मनसे लग बडा मनसे के। हइ उहै हबै जेखर बारे हे किताब हे लिखररे हबै, भगवान कथै, देखा मै अपन दूत के तुम्हर आगू पठोथो, ऊ तुम्हर आगू तुम्हर गली तइयार करी। मै तुम्हर लग कथो, जउन डउकिन लग पइदा होय हबै, उनखर मसे यूहन्ना लग बडे कउनो नेहको, तउ भगवान कर राज हे जउन सगलू लग नान हबै, ऊ यूहन्ना लग बडा हबै।
सगलू मनसे अउ पइसा उगाहै बाले सिपाही जब हइ सुनथै, ता उन यूहन्ना के बतिस्मा लेय के कारन हइ स्वीकार करिन, कि भगवान के योजना सही हबै। पय फरीसी मनसे अउ नियम के गुरू, यूहन्ना लग बतिस्मा नेहको लेथै, अपन बारे हे भगवान के योजना के बेकार कर देथै।