Milagres de Jesus
Os Evangelhos registram dezenas de milagres realizados por Jesus — curas, ressurreições, domínio sobre a natureza e libertações. Cada milagre revelava sua divindade e compaixão.
Curas de cegos e surdos
Jesus devolveu a visão aos cegos e a audição aos surdos, manifestando seu poder sobre toda enfermidade e deficiência.
ईशु क दूय आंधवान वारू करनो
जव ईशु वा सी अगोव गयो, ते दूय आंधवा क ओका पोछल यो आयड़ीन कयो, "ए दाऊदन अवलियाद, हामरे पर दया कर।"
जव ईशु घर मा पुगी गियो, तो उन आंधवा ओको पास आया, आरू ईशु उन लोगहन सी कयो, "काय तुमूक विश्वास छे, कि हाव यो कर सकीस?" त्या ओका सी कयो, "हाव पोरबु।"
तव ईशु उन लोगहन क डुवा क छिमियो आरू कयो, "तुमरा विश्वासन लारे तुमरे करता हुये।" आरू उन लोगहन क डुवा खुली गिया आरू ईशु उन क वातड़ी चेतावनी दिन कयो, "चौकचोळिया रहवजो, कोय इनी वात क नी जाने।"
बाकुन त्या लोगहन निकलीन सब क्षेत्र मा ओकी वात पैलाय दिया।
दुय आंधवा क दृष्टिदान
जव या यरीहो नगर सी निकली रया हुता, तो एक मटलो गर्दी उका पछोळ हुय लेदा। आरू दूय आंधवा, जो सड़क क धड़े बठिया हुता, यो सोमवीन ईशु जाय रियो, आयड़ीन कयनो लाग गिया, "ए पोरबु दाऊदन अवलियाद, हामरे पर दया कर।"
लोगहन आंधवा क लड़िया कि चुप रये, पर त्या आरू भी आयड़ता रया, "ए पोरबु दाऊदन अवलियाद हामरे पर दया कर।"
तव ईशु उबो हईन, आंधवा क बुलायो, आरू कयो, "तुमूक काय जुवे कि हाव तुमरे करता करो?"
आंधवा ईशु सी कयो, "ए पोरबु यो कि हामरा डुवा खुल जाय।"
ईशु दया करीन ओको डुवा क छिमियो, आरू त्या तत्काल देखने लाग गिया; आरू ईशु क पछोळ हुय लेदो।
ईशु बैतसैदा गाव मा एक आंधवा क वारू कामो
वो बैतसैदा मा आश।
आरू मानसे एक आंधवा क ओका साथे ली आश आरू ईशु क रावन्या करी कि ओको धर्यो। वो उना आंधवा क हात धरीन ओको गाव क खयड़े ली गया, आरू ओका डुवा मा थुपीन उना पर हात राख्य, आरू ओका सी पुछा, "काय तु काही देखता छे?"
त्यो डुवा उचा करीन कयो, "मा मानुस क देखता छे; वो मखे चालता हुये झाड़को जोसो देखाय दिदा छे"
तव त्यो दुई कावा ओकी डुवा पर हात राख्य, आरू सब आंधवा ने ध्यान छे देख्य। वो वारू होय गयो, आरू सब सच–सच देखने लाग्या। त्यो ओको यो कयकर घर मुकल्या, "इन गाव क माहीय पाय भी नी राखने"
बेहरा आरू गुंगा क वारू करने
पछु ईशु सोर आरू सीदोन क देश छे निकवीन दिकापुलिस छे हुता हुया गलील की ढोंड्या पर पुच्या। तो मानसे ने एक बेहरा क जो हक्ला भी हुता, ओको साथे लावीन ओका सी रावन्या करी कि आपसा हात ओको राखे। तव वो ओको गर्दी छे अलग ली गया, आरू आपसी आंगवी ओका कान्टा मा नाख्या आरू थुपीन ओकी जीभ क दरिया; आरू सोरगदूत की आरू देखीन दम भरी, आरू उना छे कयो, "इप्फत्तह!" मतलब "उघड़ जा!"
ओका कान्टा उघड़ी गया, आरू उना की जीभ की गाठ भी उगड़ी गय आरू वो सच–सच बुलने लाग्या। तव त्यो तीनुक चिताया की काही छे नी कयनो; पुन जोतरा त्यो तीनुक चिताया ओतरा ही वो आरू खबर करने लाग्या। वो घोणा ही घबरायीन मा हईन कयनो लाग्या, "त्यो जो काय कर्या सब वारू कर्या छे; वो बेहरा क सोमवने की, आरू गूंगा क बुलने की शक्ति देता छे!"
आंधवा बरतिमाई क द्रूष्टिदान
ईशु यरीहो नगर मा आय, आरू जव वो आरू ओका चेला, आरू एक मोटी गर्दी यरीहो छे निकवती हुती, तव तिमाई क पोर्या बरतिमाई, दूय आंधवा भिखारी, सड़क क धोड़े बठ्या हुतो। वो यो सोमवीन की ईशु नासरत छे, आयड़ी कयनो लाग्या, "हे दाऊद की अवलियाद, ईशु हामरे पर दया कर"
घोणा ने उको लड़िया की चुप रये, पर वो आरू भी आयड़ने लाग्यो, "हे दाऊद की अवलियाद हामरे पर दया कर"
तव ईशु ने ठहरकर कयो, "उको बुलाया"
आरू मानसे ने उना आंधवा क बुलावीन ओको कयो, "ढाढ़स बांध! उठ वो तुखे बुलाता छे"
वो आपसा छिंदरा नाखी शीघ्र उठ्यो, आरू ईशु क साथे आयो।
इन पर ईशु ने ओको कयो, "तु काय जुवे छे की हाव तारे करता करीस?"
आंधवा ने ओको कयो, "हे रब्बी, यो की हाव देखने लीस"
ईशु ने ओको कयो, "चालीन जा, तारे विश्वास ने तुखे वारू कर दिया छे"
वो तत्काल देखने लाग्यो, आरू मार्गा मा ओको पछव चाल देदो।
आँधवो भिखारी क दृष्टीदान
जव ईशु यरीहो नगर क नाट पुच्चा, ते दूय आंदवो सडक क धोड़े बठयो हुयो भीख मांग रया हुता। वो गर्दी क चालने की आवाज सोमवीन पुछने लाग्या, "यो काय होय रया छे?"
त्या ओको देखाड्या, "ईशु नासरत नगर जाय रया छे।"
तव त्यो आयडी क कयो, "हे ईशु, दाऊद कि अवलियाद, हामरे पर दया कर!"
जो ओगोव–ओगोव जाय रया हुता, वो ओको लड़ायने लाग्या की चुप रया: पुन वो आरू भी आयड़ने लाग्यो, "हे दाऊद की अवलियाद, मखे पर दया कर!"
तव ईशु ने उबा हईन हुकुम देदी की ओको मारे साथे लावु, आरू जव वो आंधवो नीकट आयो ते त्यो ओका सी पुछा, "तु काय जुवता छे की हाव तारे करता करीस?"
त्यो कयो, "हे पोरबु, यो की हाव देखने लाग्यो।"
ईशु ने उको कयो, "देखने लाग्या; तारे विश्वास ने तुखे वारू कर दीया छे।"
तव वो छाटोत देखने लाग्यो आरू यहोवा–भगवान की बढ़ाई करता हुया ओका पछव होय लेदा; आरू सब मानसे ने देखिन यहोवा–भगवान कि बढ़ाई कर्या।
जनम रईन आंधवा द्रूष्टिदान
जातु जातु त्यो एक मानसो काजे देख्यु जु जनम रईन आँधवु हतु। हेरेन चेला ओका सी पुछा, "हे गुरू, कुन पाप कर्यु हतु कि यु आँधवु जनायु, यु मानसन क ओका आवी–बासन?" ईशु जवाब देदु, "नी ते यु पाप कर्यु हतु, नी ओको माय बास; पुन एरकरीन हुयो क यहोव–भगवानन काम ओका प्रकट होय।" जु मखे मकल्यु छे, हामु हेरेन कामन दाहाड़ाम काम करनो जरूरी छे; ची रात आवनेवावी छे जीनाम कोय काम नी कर सके। जव तक हाव जगत मा छे, तव तक अमरकाय प्रकाश छे। यो कयीन त्यो धरती पर थूकलु, आरू तीन थूकसे धरती जारयु, आरू त्यो धरती तीन आंधवान डुवा पर लागाड़ीन त्यो कयो, "जा, शीलोहन ढाबरू मा धुव ले" शीलोहन मतलब मकल्यु छे। त्यो जाईन धुव्यु, आरू देखतु ओसु वापस आयु।
Curas de paralíticos e enfermos
Paralíticos caminharam, leprosos ficaram limpos e todo tipo de doença foi curada pelo toque e pela palavra de Jesus.
आरू एक कुड़ावो ईशु क पास मा आवीन उको वंद्या आरू कयो, "हे पोरबु कदाम तु चाहे तो मेखे वारू कर सके।"
ईशु आपसो हाथ बढ़ावीन हेको छिमीयो, आरू कयो, "म्हार मरजी छे, कि तु वारू हुय जा" आरू चु तत्काल कुड़ वारू हुय गियो। ईशु हेको कयो, "देख, कुदाक कोय नी कयनो, बाकुन जाईन आपसा क पुजारान क देखाड़ आरू जो चढ़ायो मूसा टाकलो छे उको चढ़ाव काहकि त्या लोगहन क करता गवाय हुये।"
आरू काय लोगहन एक लखवा सी बीमार क खाटला पर उका पास मा लाय। ईशु उना क विश्वास देखीन, उना लखवा सी बीमार क कयो, "ए बेटा, हिम्मत राख; थारा पाप माफ हुया।"
आरू थुड़ांक शास्त्रीया विचार करिया, "यो ते यहोवा–भगवान न निन्दा करे।"
ईशु उना क मनन वात क जानीन कयो, "तुम लोगहन आपसा–आपसा मन मा बुरो विचार कहा करी रया? वारू काय छे? ‘यो कयनो की थारा पाप माफ हुया,’ या यो कयनो, ‘उठ आरू चाल पछी।’ बाकुन अतरानकरीन करीन की तुम जान ले कि मानुस क पोर्या क धरती पर पाप माफ करने क हक छे।" ईशु लखवा क बीमार सी कयो, "उठ, थार खाटलो उठाव आरू थार घर जा।"
त्यो उठीन आपसे घर चली गियो।
वा एक मानुस हुतो, जिनान हाथ सुखलो हुतो; आरू त्या उना पर दोष लगाड़ने करीन उका सी पुछिया, "काय आराम क दाहड़े आरगा करनो वारू छे?"
ईशु उन लोगहन सी कयो, "तुमरे माईन असो कुन छे, जिनाक एक गाडरो हय, आरू त्यो उना क धरीन निकाल? वारला, मनुस क दाम गाडरा सी बढ़ीन छे! अतरानकरीन करिन भलाय करनो वारू छे।"
तव ईशु उना मानस क कयो, "थारो हाथ बढ़ाव।" त्यो मानुस हाथ बढायो, आरू त्यो पछु दूसरो हाथ क मसान वारू हुय गियो।
शमौन की सासु जादा सेरी हयने से खाटला मा पड़ रयी हुती, आरू चे छाटात हेका बाराम हेके कयो। तत्यार त्यो तिन्दरे सात मा जाईन हेको हात धरीन क हेके उठाड़ियो; आरू हेको ज्वर उतरी गयो, आरू ची ईशुन सेवा करने लागी।
ईशु क एक कुड़ावा मानुस क आरगो करनों
कुड़ावो लागली बीमारी क एक मानुस ईशु क पास आयो, ओका विनती करने लाग्यु, आरू ईशु अगळ घुटना टेकीन कयो, कदाम थार मरजी हय ती मखे वारू कर दे।
ईशु ओको पर दया करीन हात बढ़ायो, आरू ओको छिमीन कयो, "हाव यो चाहो कि तु वारू हय जा।" आरू छाटलो ओकी कुड़ की बीमारी जात रया, आरू चो वारू होय गयो।
आरू मानसे एक लखवा सी बीमार क चार मानसे ओको हुकलीन ईशुन साथे ली आश। पुन जोत्यार चाँ गर्दीन कारण ईशुन चाँ नी पुचाय सक्यो, ती चे घर क उपर तिनान घरन नेड़ु ईशु हतु, खुल दिदा आरू चे इनाक उधार दिदा, ती खाटला पर लखवान बीमार पड़ रयु हतु, तीनाक लटकाड़ दिदा। ईशु तेरू विश्वास देखीन तीन लखवा वावा कयो "ए पोर्या तारू पाप माफ होय गयु"
तव कोय शास्त्री चाँ बठ रया हता आपसा–आपसा मनमा विचार करणे लाग्या, "यु मानुस काँ ओसो कयतो हतु? यु ते यहोवा भगवानन बुरा विचार करता छे! यहोवा भगवान क छुड़ीन आरू कुन पाप माफ कर सकता छे?"
ईशु तत्काल आपसी आत्मा मा जान लेदु, कि वो आपसा–आपसा मनमा विचार करने लाग्या, आरू तिनुक कयो, "तुमू आपसा–आपसा मनमा काँ विचार कर रया? सहज काय छे? काय लखवा क बीमार छे यो कयनो कि थार पाप माप हयो, यो कयनो कि उठ आपसी खाटली हुचल आरू चाल पछु? पुन तुमू ईशु क जान लेवु कि मानुस क पोर्या क धरती पर पाप माफ करने क भी हक छे।" त्यो लखवा क बीमार छे कयो, "हाव तखो कयो, उठ, थार खाटली हुचलीन थारे घर जाती रोवे।"
त्यो उठयो, आरू तत्काल खाटली हुचलीन आखान क सामने चालीन जात रयो; इना पर आखा क आखा–बाकी हय गया, आरू यहोवा भगवान क बढ़ाई करीन कयनो लाग्यो, "हामु ओसो नी देख्या।"
ईशु सुकला हातवावो लोगहन क वारू करने
ईशु पछु प्रार्थना घर मा गयु; चाँ एक मानुस तेरू सुखलु हाथ हतु, आरू वो तीना पर त्योगली लागाड़ ने क करता ओकी घात मा लाग्या हया हुतो, कि देख, वो आराम क दाहड़े मा भी ओको वारू करतो छे कि नी। ईशु कयो कि सुखला हातवावा मानुस काजे "वीच मा उभु रहने कयो।"
आरू तीनाक कयो, "काय आराम क दाहाड़े वारलो करनेन वारू छे यो बुरो करने, जीव क वाचावने या मारीने?" पर वो चुप रया। "आरू त्यो तिनुक मनम क रिस होईन ओथुन–अथु भावीन तीनु मानसक कयो, आपनु हाथ ओगु करू।" आरू त्यो कर्यु, आरू तेरू हाथ सुधरी गयो।
कुड़ावा क बीमार वारू करने
जव चु काही नगर मा हुता, ते वा कुड़ावा छे भरा हुयो एक मानुस आश; आरू वा ईशु क देखीन मुय क बल पोड्य आरू रावन्या करी, "हे पोरबु, यदि तु जुवे ते मखे वारू कर सकतो छे।"
ईशु हात ओगव उको दरिया आरू कयो, "हाव जुवता छे, तु वारू होय जाय।" आरू ओको हाथ लागाड़ीन कुड़ावो क तत्काल जातो रया।
उना टेहाव कर्या मानसे एक मानुस क जो लखवा सी बीमार हुतो, खाटलो पर लाया, आरू वो उको माहीय लेय जाने आरू ईशु क सामने राखने क उपाय हेर हुता। पर जव गर्दी क कारण उको माहीय नी लेय जा सक्या तो त्या छत पर चढ़ीन आरू खपरैल हटाकर, उको खाट्लो सहावत वीच मा ईशु क सामने उतार दिया। जो लीन आश त्यो ओको विश्वास देखीन ओका सी कयो, "हे मानुस, तारे पाप माफ होयी।"
तव शास्त्री आरू फरीसि विवाद करने लाग्या, "यो कुन छे जो यहोवा–भगवान की निन्दा करता छे? यहोवा–भगवान क छुड़ीन आरू कुन पाप क माफ कर सकता छे!"
ईशु ओको मन की वात जानीन, उनछे कयो, "तुमू आपसा मन मा काय विवाद कर रयो होय? सहज काय छे? काय यो कयनो कि तारे पाप माफ हुय, या यो कयनो कि उठ आरू चाल पछु? पुन एरकरीन कि तुमू जानो कि, मानुस क भी पोर्या क धरती पर पाप माफ करने क भी हक छे।" त्यो उना लखवा क बीमार छे वारू कयो, "हाव तुखे छे कयता छे, उठ आरू आपनो खाट्लो हुचली आपने घर चाली जा।"
वो तत्काल ओको सामने उठीन, आरू जिना पर वो पड़्यो हुता उको उठाड़ीन, यहोवा–भगवान की बढ़ाई करता हुयो आपने घर चाल गया।
सुखला हात वावा मानुस क वारू करने
ओसो हुयो कि काही आरू आराम नो दाहडो क ईशु आराधना घर मा जाईन शिक्षा करने लाग्या; आरू वाँ एक मानुस हुतो जेरो डासच्य हात सुखलो हुता। शास्त्री आरू फरीसि उना पर दोष लागाड़ ने क मेखे देखने की ताक मा हुता़ कि देखछे वो आराम क दाहडो क वारू करता छे कि नी। पुन वो ओको विचार जानता हुता; एरकरीन त्यो सुखलो हातवावा मानुस छे कयो, "उठ वीच मा उबो होय।" वो उठ्यो उबो हुयो। ईशु ने ओको कयो, "हाव तुमूक यो पूछतु छे कि आपसो नियमन क नुसार आरामन दाहाड़ा क काय वारू छे, भलो करने या बुर करने; जीव क वाचाड़ने या नाश करने?" तव त्यो चार आरू उन सभो क देखीन उना मानुस छे कयो, "आपसा हात सुधो कर।" त्यो ओसो ही कर्या, आरू ओको हात पछु वारू होय गया।
एक सूबेदार क विश्वास
जव ईशु मानसक यो सब वात कय त्योक्य तो कफरनहूम नगर मा आश। वाँ काही रोमन सरदार क एक दास जो ओको मोंगावु हुता, बीमारी छे मरना पर हुता, त्यो ईशु क चर्चा सोमवीन यहूदियो क काहय डाहडा ओका सी यी विनती करने क ओका साथे मुकल्या कि, आवीन मारे दास क वारू करे, आरू उका जीवन वाचाड़्यु। वो ईशु क आश, आरू ओका सी मोटी रावन्या करीन लाग्या, "वो इनीये योग्य छे कि तु ओको करता यो कर्या, काहकि वो हामरी मानसे छे मोंग राखता छे, आरू तीनी ने हामरे आराधना घर क बनाड़े छे।"
ईशु ओको साथे गया, पर जव वो घर छे दूर नी हुता, तो सरदार ने ओको कर्या दोस्तो क द्वारा कय मुकल्या, "हे पोरबु दुःख नी उठ्या, काहकि हाव इनीये लायक नी कि तु मारी छत क तवे आश। इनी कारण हाव ने आपने आप क इनीये लायक भी नी समझ्या कि तारे साथे आवीन, पर ओवाज ही कय देय तो मारो सेवक वारू होय जाछे। हाव भी एक सरदार क नेचलो मानुस छे, आरू सिपायड़ा म्हार हको तळे छे; आरू जव एक सी कहवो ‘जा’ तो वो जाय; आरू दिसरा सी कहवो, ‘आव’ तो आवे; आरू म्हारा दास ‘यो कर’ कहवो तो वो ओको करे।"
यो सोमवीन ईशु क भोंगलाय गयो हुयो आरू त्यो मुय फेरकर उना गर्दी छे जो ओको पछव आय रयी होती, कयो, "हाव तुमू छे कयता छे कि हावने इस्राएल मा भी ओसो विश्वास नी देख्या।"
आरू मुकल्या हुया मानसे ने घर पुगीन उना दास क वारू देख्या।
वाँ एक बायर हुती जिनाक अठारे साल छे एक कमजोर करनेवाळी साहळा लागी होती आरू वो कुभडी होय गयी होती आरू काही रीति सिधी नी होयी सकती होती। ईशु ओको देखीन बुलाया आरू कयो, "हे नारी तु आपसी कमजोरी छे छुट गयी। तव त्यो ओको पर हार राखीन आरू वो छाटोत सुधो वा गयी आरू यहोवा–भगवान कि बढ़ाई करने लागी।"
फरीसि क घर मा ईशु
पछु वो विश्राम क दाहड़ो फरीसियो क सरदार मा छे काही क घर रोटा खाने गया; आरू वो ओकी घात मा हुता। वाँ एक मानुस ओको सामने हुता, जिनाक जलन्धर क बीमार हुता। इनीये पर ईशु व्यवस्थापक आरू फरीसियो छे कयो, "विश्राम क दाहड़ा वारलो करने वारू छे या नी?"
पुन वो त्योपचाप रया। तव त्यो ओको धरीन वारू कर्या आरू जाने दिया।
ईशु न एक मानुस क वारू करनो
ओसो हुया क ईशु यरूशलेम जाता हुया सामरिया आरू गलील क बीच मा छे होयीन जाय रया हुता। काही गाँव मा भरायने करता टेहाव ओको दस कुड़ावा मिव्या जो दुर उबा हुता। त्या जोरदीन ओवाज छे कयो, "हे ईशु भगवान हामु पर दया कर!"
त्यो तीनुक देखीन कयो, "जावो आरू आपने आपको पुजारा क देखाडु"
आरू जाता ही जाते वो चुखो होयी गया। तव उनमा छे एक यह देखीन कि हाव वारू हुयी गया छे उंची ओवाज छे यहोवा–भगवान कि बढ़ाई करता हुया पछो आयो। आरू ईशु क पाय पर मुयी क बल पाड़ी उना क धन्यवाद करने लाग्या; आरू वो सामरिया हुता। इनीये पर ईशु कयो, "कायी दस चुखो नी हुया तो पछु वो नोव कहा छे। काय इनीये परदेश क छुड़ीन आरू नी निकव्या जो यहोवा–भगवान कि बढ़ाई करता?" तव ईशु ओका सी कयो, "उठीन चाली जा; तारे विश्वास तुखे वारू कर्या छे।"
अड़तीस सालन दुःख आरगाय करनो
इन वातन बाद भी यहूदि यान एक तिवार होयलो, आरू ईशु यरूशलेम गयु। यरूशलेम मा भेड़–फाटकन साथे एक पानीन ढाबरू छे जो इब्रानी भाषाम बैतहसदा करे छे; हेरेन पाच ओसारे छे। इनामा बैस बीमार, आंधवा, लेंगड़ा आरू सुकला डिलवाला पौवड़ा रयता हुता। काहकि ठरावला टेम पर यहोवा–भगवानन सोरगदूत पानीम डाबराम उतरीन पानी हिलाया करता हुता। पानीम हिलताज जु कोय पेहल पानीम उतरे त्यो आरगाय होय जातु हतु चाहे हेरेन काहनी बीमारी काँ नी हुयो। चाँ एक मानुस हतु, जु अड़तीस सालन बीमारी मा पौड़ु हतु। ईशु उका पौड़ु देखीन आरू यो जानीन कि त्यो बैस दाहाड़ान इन हाल मा पौड़ रयलु छे, ओका पूछु, "काय तुखे आरगाय होयनु छे?" त्यो बीमार उका जवाब देदु, "हे पोरबु, मार जु कोय मानुस नी कि जब पानी हिलाया जाय, ते मखे पानीन ढाबराम उतारियो; पुन हाव पुगता–पुगता दिसरू मखे से पेहल यतर जाता छे।" ईशु ओका सी कयो, "उठ, आपनु खाटलु उठाव, आरू चाल मग।" त्यो मानुस चटकरीन आरगाय होय गयु, आरू आपनु खाटलु हाकलीन चालने पुगनेन लाग्यु।
तव त्यो पछु गलीलन काना गाव मा आयु, जा त्यो पानी काजे दाखरस बनायु हतु। चा रोमन सरदार हतु जिनान पोर्य कफरनहूम नगर मा बीमार हतु। त्यो यो सोमवीन ईशु यहूदिया से गलीलमा आव गयु छे, तीनाक जु गयु आरू तीनाक से विनती करने लाग्यु कि चालीन मारा पोर्या काजे आरगा कर दे: काहकि त्यो मरने पर हतु। ईशु तीनाक कयो, "जव तव तुमूक सहलानी आरू विनछळ्यो काम नी देखसे जा तक कदी भी विश्वास नी करसे।" राजान आधिकारी तीनाक कयो, "हे पोरबु, मारा नानला पोर्या मरनान पेहल चाल।" ईशु तीनाक कयो, "जा, तार पोर्यो जीवतो छे।" त्यो मानुस ईशुन कयली वात विश्वास करीन आरू जात रयु। त्यो वाट परूच हुतो कि हेरेन दास तीनाक आव भेवाया आरू कोवने लाग्या, "तारू पोर्यो जीवतो छे।" त्यो तीनुक पूछु, "काहले टेमे त्यो वारला हुयने लाग्यो?" चाँ तीनाकसे कयो, "काल सात घंटा न बाद हेरेन ज्वर उतरी गयो।" तव बास जान गयु कि यो तीन टेमे हुयो जिन टेमे ईशु तीनाक कयो, "तार पोर्यो जीवतो छे" आरू त्यो आरू हेरेन सब घर वाला विश्वास कर्या। यो दिसरो विछेळीयो काम होतो जो ईशु यहूदि या रईन गलील मा आवीन देखाड़्यु।
A mulher com fluxo de sangue
Uma mulher que sofria há doze anos tocou a orla do manto de Jesus e foi curada instantaneamente pela sua fé.
आरू देखो, एक बायर जिनिक बारह साल सी लुहूय उहवने न की बीमारी हुती, ओको पछोळ सी आवीन ईशुन छिंदरा क कुनाक छिम लेदा। काहकि त्यो आपसा मन मा कहवती हुती, कि कदाम हाव ओका छिंदरा छिम लीस तो आरगी हुय जाईस।
ईशु मुड़ीन ओको देखियो आरू कयो, "पोराय हिम्मत राख; थारो विश्वास तुखे आरगो करलो छे।" आरू त्या बायर उना समय मा आरगी हुय गय।
एक बायर हती, ओका बारा साल होय तक ओका लुहूय यो उहवनेन बीमारी हती। ची घोणा मुवा–बुटीवावा क देखाड़ी पुन काहय चो दुःख वारू नी हयो, आरू ओको धन भी सच्च करीन भी ओको कोय फायदु नी हयो, पुन आरू ची बीमारी मा रई। वो ईशु क वात सोमवीन गर्दी मा आवी ओको पछव रईन आवीन आरू ईशुन क छिंदरा क हाथ लागाड़ी, काहकि ची कयती हती, "कदी हाव ओका ईशुन छिंदरो छिमलीस ते हाव आरगी होय जाईस।"
तत्काल ओको लुहूय यो बंद होय गयो, आरू ची आपसा डील मा जान लेदी कि हाव वो बीमारी रईन वारू होय गय।
एक बायर ने जिना क बारा साल छे लुहूय यो बहनीन क बीमार हुतो, आरू जो आपसी सारी जीविका वैद्यो क पछव व्यय कर त्योकी होती, तवभी काही क छे हात फावो नी होय सकी होती, पछव छे आवीन ओका छिंदरा क छेवड़ा क हाथ लागाड़ताज, आरू तत्काल ओका लुहूय यो उहवनो बंद होय गया। इनीये पर ईशु कयो, "मखे कुन धर्य?" जव सब मुकरने लाग्या, ते पतरस क कयो,
"हे गुरू, तुखे ते गर्दी दाबाय रयी छे आरू तुखे पर पड़ पड़ती छे।"
पुन ईशु कयो, "कोय मखे छिमियो, काहकि हाव ने जान लेदो छे कि मखे मा छे शक्ति निकावी छे।" जव पोराय देखी कि ची डुकाय नी सकती, तव कापती होयी आवी आरू ओका पाय पड़ीन सब मानसे क सामने देखाड्या कि त्यो काही कारण छे ओको दरिया, आरू कोसो तत्काल वारू होय गयी। त्यो ओका सी कयो, "पोराय, थारो विश्वास ने तुखे वारू कर्या छे, शांती छे जात रय।"
Ressurreições
Jesus ressuscitou mortos — a filha de Jairo, o filho da viúva de Naim e Lázaro. Ele é Senhor sobre a morte.
आधिकारी की मरली पोराय आरू ईशु न छिंदरा छिमने वाली बायोर
ईशु उन लोगहन सी वात करतो हुतो, कि एक सरदार आवीन उको नमस्कार करियो आरू कयो, "म्हार पोराय हाय मरी; बाकुन तु आवीन थार हाथ उना पर मेल दे, त्यो जीवतो हुय जासे।"
ईशु उठीन आपसा चेलान क सात मा ओको पछोळ हय लिदो।
जव ईशु उना सरदार क घर मा पुग गयो आरू पाव्वी वाजाड़ने वाला आरू गर्दी क हुल्लड़ मचाड़ता देखियो, तव कयो, "छेटा हुय जात्यो, पोराय मरी नी, बाकुन सुय रई।" इना पर त्या लोगहन ईशुन हासी उड़ावने लाग गिया। बाकुन जव गर्दी क बाहर निकाल दियो गयो, तो ईशु माहय जाईन पोराय क हाथ धरियो, आरू त्यो पोराय जीव उठी।
याईर नाव क प्रार्थना घर क सरदार मा रईन एक आयो, ओको नाव याइराईस हतो, चाँ आयु यो देखी वो कुन छे, ओको पाय पड़्या, आरू यो रावन्या करने लाग्या कि, मारी "नानली पोराय मरना क होय रई ईशु आवीन तेर पर हाथ राखीन ते ची आरगी होईन जीवती रवे।"
तव ईशु ओका साथे चाल्यो; आरू ओको पछल मोटी गर्दी होई, आरू ईशुन पछल चाल पड़ी आरू ईशु पर पड़ने लाग्या।
प्रार्थना घरन क सरदार क घर पुग गयो, ईशु लोगहन क रोड़ता आरू आयड़ता देख्या। तव ईशु ओको पास जाईन कयो, "तुमू काँ रड़ु पोराय मरी नी पुन सुव रया।"
चे ईशु क हासने लाग्या तेत्योर ईशु सबहन क बाहर निकाल्यो पोराय माय–बास क आरू ओको साथी पास गयो, जा चाँ पोराय पड़ रया हती। आरू पोराय क हात धरीन ओको कयो, "ललीता कुमी" ओको मतलब, "हे पोराय, हाव तखं कयो तु उठ!"
आरू पोराय तत्काल उठीन चालने आरू फिरने लागी; काहकि ची पोराय बारा साल क हती। ओको पर लोगहन भोंगलाय गया।
ईशु बुलतो रयो, "शेवली कावा हाव इनीये युग क मानसे की बराबरी कुनी सी दम कि वो कुनीन समान छे? वो उन पोर्या क समान छे जो बजार मा बठ्या हुय एक दिसरा छे आयड़ीन कयता छे, ‘हामु ने तुमरे करता पाव्वी वाजाड़ी, आरू तुमू नी नाचे; हामु विलाप क गीत गाया, आरू तुमू नी रोय’ काहकि यहुन्ना बपतिस्मा देनेवावा नी रोटा खाता आश, पितो नी माय, आरू तुमू कयता होय, ‘उका मा साहळा छे।’ मानुस क पोर्य खातो पीतो आयो छे, आरू तुम कयता होय, ‘देखु पेटू आरू साकट्य छे आरू तुमू फाळो लेनेवाळा क आरू पापी क दोस्त।’ पर यहोवा–भगवान क ज्ञान स्विकारता छे वो यो देखाडता छे वो ज्ञान सच छे।"
ईशु पापी बायर क माफ करसे
पछु एक फरीसि ने ओका सी विनती करी कि वो ओका साथे शेवली कावा वो उना फरीसि क घर मा जाईन रोटा खाने बठ्या। उना नगर की एक पापी बायर यो जानीन कि वो फरीसि क घर मा रोटा खाने बठ्या छे, एक बायर संगमरमर क वाटको मा इत्र लावी,
ओतरा मा याईर नाव क एक मानुस जो यहूदि यो आराधना घर क सरदार हुतो, आश आरू ईशु क पाय पर पड़्यो क ओका सी रावन्या करने लाग्या कि मारे घर चाल, काहकि ओको बारा साल की एकुत पोराय होती, आरू वो मरना पर पड़ जी ही
तव ईशु जाय रयो हुतो तव मानसे ओको पर गिर पड़ता हुता।
वो यो कय रया हुता कि कोय यहूदि यो आराधना घर क सरदार क या से एक मानुस आवीन कयो, "तारी पोराय मर गयी: गुरू क दुःख नी देता।"
ईशु यो सोमवीन ईशु क जवाब देदो, "नी घाबराय मा। केवल विश्वास राख, ते वो वारू होय जाछे।"
घर मा आवीन त्यो पतरस, यहुन्ना याकूब, आरू पोराय क आय बास क छुड़ीन दिसरा काही क आपने साथे माहीय आवने नी दिया। सब ओका करता रड़ पीट रया हुता, पुन ईशु कयो, "रडु मा पोराय मरी नी पुन सुय रयी छे।"
वो यो जानीन कि मर गयी छे ओकी हासी करने लाग्या। पुन त्यो ओको हात दरिया, आरू आयड़ने कयो, "हे पोराय उठ।" तव ओको जीव पछु वापस आयो आरू पोराय तत्काल उठी बठी। पछु ईशु हुकुम देदी कि ओको काय खाने क काय आपसु। ओका माय बास चकित हुया, पुन त्यो तीनुक चिताया कि यो जो हयो छे काही छे नी कयनो।
लाज़रन मोत
मरियम आरू ओकी बहिनीस मार्थान गाँव बैतनियान लाज़र नावन एक मानुस मांदलु हतु। यी ची मरियम हती जु पोरबु पर इत्र नाखीन हेरेन पायो करीन आपसा जुठा करीन पूछी हती, ओका भाई लाज़र मांदलु हतु। अळते: हेरेन बहिनीस उका कहय मोकल्यु, "हे पोरबु, देख, जिनाक तु मोंग राखतु छे, त्यो बीमार छे।" यो सोंमवीन ईशु कयो, "यी बीमारी मोतन नी होय; पुन यहोवा–भगवानन महिमान करता छे, कि हेरेन द्वारा यहोवा–भगवानन पोर्या महिमा हुयो।"
ईशु मार्था आरू हेरेन बहिनीस आरू लाज़र पर मोंग राखतु हतु। तीभी जव उका सोंब्या कि त्यो मांदलु छे, ते जीन स्थान पर त्यो हतु, चाँ दुय दाहाड़ा आरू रूकाय गयु। हेरेन बाद त्यो चेला काजे कयो, "आवु, हामु पछा यहूदि या चाल्या।" चेला ओका सी कयो, "हे गुरू, हिमी ते यहूदि पर दगड़ा करीन देने चाहता हता, आरू काय तु तीभी चाँ जातु छे?" ईशु ओका सी जवाब देदु, "काय दाहाड़ान बारा घंटा नी रवता छे? यदि कोय दाहाड़ा मा चेला ते ठुकर नी खाता छे, काहकि ओको अमरकाय विजाळो देखातु छे। पुन यदि कोय रात मा चाले ते ठुकर खाता छे, काहकि ओकामा प्रकाश नी होय।" त्यो यी वात कयो, आरू ऐर बाद उकासे कयनो लाग्या, "आमरू दोस्त लाज़र सुव गयु छे, पुन हाव उका धरतीवने जाय रयु छे।" तव चेला ओका सी कयो, "हे पोरबु, यदि त्यो सुव गयु छे, ते वारलो होय जासे।" ईशु ते हेरेन मोतन विषय मा कयो हतु, पुन त्यो समझे कि त्यो निंदम रईन सुव जानेन विषय मा कयो। तव ईशु तीनुक काजे साफ साफ कय देदु, "लाज़र मर गयु छे;
Domínio sobre a natureza
Jesus acalmou a tempestade, andou sobre as águas e multiplicou pães. A natureza obedece à voz do seu Criador.
आँधी तुफान क शांत करनो
जव त्यो ढोंड्या पर चढ़ियो, तो ओका चेला ओका पछोळ चालने लागिया। आरू नदी मा एक मोटो वादुन उठियो कि ढोंड्या लेहरो सी ढाकायने लाग गय; आरू ईशु सूय रीयो हुतो। तव त्या पास आवीन ईशु क जगाड़या, आरू कयो, "ए पोरबु, हामुक वाचाड़ हामू नाश हुय रीया।"
ईशु त्या लोगहन सी कयो, "ए विनभुरसीया, कायको बीहयो?" तव त्यो उठीन वादुन आरू पानी क लड़िया, आरू सब धीरो हुयो गियो। अतरा पर चेला घबराय गिया, आरू कयनो लागिया, "यो कसलो मानुस छे? हवा आरू दरियो भी ओको हुकुम क माने।"
जव साँझ हुय तो ईशु क चेला ओको पास मा आवीन कयो, "यो तो सुनसान जागो छे आरू देर हय रयी, लोगहन क भेज दे कि या बस्ती मा जाईन आपसा जुगु खानो मुव ली लेय।"
ईशु चेलान सी कयो, उना क जानो जरूरी नी हय! तुमू इनको खानो देयो।
त्या ईशु सी कयो, "या हामरे पास पाच रोटा आरू दूय मासा क छुड़ीन काय नी हय।"
ईशु कयो, "उन लोगहन क मार पास ली आयो।" तव ईशु लोगहन क खोड़ो पर बठने क कयो, आरू उन पाच रोटा आरू दूय माछली क लेदो; आरू सोरग की तरफ देखीन धन्यवाद करीयो आरू रोटा तोड़ी–तोड़ीन चेलान क दियो, आरू चेला लोगहन क दिया। आरू सब खाईन आफरी गिया, आरू चेला वाचला रोटान टुकड़ा सी भरायला बारा खिल्ला हाकलिया। आरू खाने वाला बायरा आरू पोर्या क छुड़ीन पाच हजार ओदेमड़ा क धोड़ वड़ हुता।
आरू त्यो रात क चौथे टेमे मा दरिया पर चालीन चेलान क पास आयो।
च्यार हजार मानसे क खावड़ावने
ईशु आपसा चेला क बुलावीन कयो, "म्हार सी इनी गर्दी पर तरस आवे; काहकि त्या तीन दिन सी म्हार साथ मा छे आरू उन लोगहन क पास खाने करीन काय नी हय; आरू हाव उना क भुकलात् भेजनो नी चाहो; काहकि असो नी हये कि वाटे हरबड़ीन गीर नी जाय।"
चेला ईशु सी कयो, "हामुक इना उजाड़िया धरती मा काँ सी अतरा रोटा मुवसे कि हामु अतरी मटलो गर्दी क खावाड़े?"
ईशु चेला सी पुछियो, "तुमरे पास कतरा रोटा छे?"
चेला कयो, "सात रोटा आरू धुड़ीक माछली।"
तव ईशु लोगहन क धरती पर बठनेन हुकुम दियो। आरू उन सात रोटा आरू माछली क लीन धन्यवाद करीन तोड़ीयो आरू आपसा चेलान क देतो गयो, आरू चेला लोगहन क। इना रीति सब खाईन आफरी गिया आरू वाचला टुकड़ा सी भरायला सात खिल्ला हाकलिया। आरू खाने वाला बायरा आरू पोर्या क छुड़ीन चार हजार ओदेमड़ा हुता।
मंदिर क कर
जव त्या कफरनहूम मा पुग गया, तो मंदिर क पास आवीन पुछ्या, "काय तुमरो गुरू मंदिर क फालो लेनेवाला पतरस क जु आवीन पुछा काय तुमरो गुरू मंदिर क फावो नी देय?"
त्यो कयो, "होव, देय।"
जव त्यो घर मा आयो, तो ईशु उको पुछने सी पेहले उका सी कयो, "ए शमौन तु काय समझे? धरती क राजा फाळो कुनी सी लेदो? आपसा पोर्या सी या दिसरा सी?"
"पतरस उन क यो कयो, पराया सी।"
ईशु उका सी कयो, "तो पोर्यो वाच गियो। पछु भी हामु उको ठुकर नी खवाड़े, तु नदी क किनारे जाईन जाल न्हाख, आरू जो माछली पेहले निकले, उको ली ले; तो ओको मुय खोलजी उका मा एक सिक्को मुवसे, उना क लीन मार आरू थारे बदले ओको दे देजी।"
फोव रहित गुलर क झाड़को
वेगलु–वेगु क जव नगर तरफ आवतो हुतो, तो उको भुख लागी। आरू अंजीर क झाड़को क किनारो देखीन त्यो उका पास मा गियो, आरू पान्टा क छुड़ीन उका मा आरू कोय नी मुव नी सकियो उका सी कयो, "अब से थारे मा आरू पछु कदी फव नी लागे।" आरू त्यो अंजीर क झाड़को तत्काल सुख गियो।
यो देखीन चेला घबराय गिया, आरू कयो, "अंजीर क झाड़को जिनाक तु स्राप देदो हुतो, सुख गया छे?"
ईशु चेलान क जवाब दियो, "हाव तुमरे सी सच कहवो; कदाम तुमू विश्वास राख, आरू संका नी करो; तो तुमू यो नी करो, जो इना अंजीरन झाड़को सी करीयो गयो; बाकुन कदाम इना बयड़ा सी भी कहवसे कि उखड़ जा, आरू दरिया मा जाईन पड़ जा, तो यो हुय जासे। आरू जो काय तुमू प्रार्थना मा विश्वास सी मांगसे त्यो सब तुमूक मुव जासे।"
उचकाळुन मोट वाहवा आयो, आरू झेलक ढोंड्या पर याहा तक लागी कि वो पानी छे भराय जाती हुती। पर वो आप पोछल भाग मा ताक्यो पर सुय रया हुता। तव त्या ओको जाईन ओका सी कयो, "हे गुरू, काय तुखे चिंता नी कि हामु नष्ट हुय जाय छे?"
तव त्यो उठीन वादुन क धमकाय, आरू पानी छे कयो, "शांत रया, थाम जा!" आरू वादुन थाम गयो आरू मोटा चैन होय गया; आरू उनछे कयो, "तुमू काय घाबराय होय? काय तुमू हिमी तक विश्वास नी?"
वो घणा ही बिही गया, आरू आपसु मा बुल्या, "यो कुन छे कि वादुन आरू पानी भी ओकी हुकुम मानता छे?"
जत्यार दाहडू खुब ढव गयो, तत्यार चेला ईशु क साथे आवीन कयनो लाग्या, "यो सुनसान धरती मा से, आरू दाहडू खुब ढल गयो से। तीनुक विदा करीन की चार आरू क गाव आरू वस्ती मा जाईन, आपने करता काही खाने क मुवे लेदा"
उसने ने जवाब दिया, "तुमू ही तीनुक खाने क आपो।" त्या ओको कयो, "काय हामु दुय सौ दीनार दुय सौ काहकि दाहड़ा की दाहडकी रूटा मुवे ली तीनुकं खावड़ाया?"
उसने उनछे कयो, "जाईन देखा तुमरे साथे कतरा रूटा से?" त्या मालम करीन कयो, "पाच रूटा आरू दुई मासा भी"
तत्यार उसने तीनुकं हुकुम देदी की सब क खोड़ो पर पंगात–पंगात से बट्या दे। वो सौव आरू पचास–पचास करीन पंगात–पंगात बट्या गया। उसने उन पाच रूटा करीन आरू दुई मासा क लेदा, आरू सोरग क तरफ देखीन धन्यवाद कर्यो, आरू रूटा कर चेला क देता गया की वो मानसे क पुरसे, आरू वो दुई मासा भी उन सब मा वाट दीया। सब खाईन तुप्त होय गया, आरू त्या तुकड़ा से बारा मसका भरीन हाकल्या, आरू काय मासा से भी। रूटा खानेवाला, मानसे पाच हजार हुता।
जत्यार उसने देखा कि वो खेते घबराय गया से, काहकि वाहवा ओको विरोध हुती, तो रात क चौथे पहर निकट वो दरिया पर चालतो हुतो ओको साथे आया; आरू उनछे अगोळ निकवी जाने जुवता हुता। पुन त्या ओका सी दरिया पर चालता देखीन समझ्या कि भूत से, आरू आयड़ीन उठ्या।
काहकि सब ओका सी देखीन घाबराय गया हुता। पर उसने छाटत उनछे वात कि आरू कयो, "ढाढ़स बांधो: मे से बीहु मा।" तत्यार वो ओको साथे ढोंड्यो पर आया, आरू वाहवो रूक गयो: आरू वो खुप ही आश्चर्य करने लाग्या।
ईशु चार हजार मानसक क खावड़ाया
इनु दाहड़ा मा जव पछु मोटी गर्दी एखठी होय, आरू ओको साथ काय खाने क नी हुता, तो ईशु आपने चेला क साथे बुलावीन त्यो कयो, हावखे इनीये गर्दी पर तरस आवता छे, काहकि यो तीन दाहड़ा छे मारे साथे छे, आरू ओको साथे काय भी खाने क नी। "कदाम हांव उन लोगहन क भुखला घर मुकली दिस, तो वाट्ये घबराय पड़से; काहकि ओका मा सी कोय–कोय दुर सी आवला छे।"
ईशु क चेला ओको जवाब दिया, "याहा जंगल मा ओतरा रूटा काय कयो छे लावने कि यो तुप्त होय?"
ईशु ओको पुछा, "तुमरे साथे कतरा रूटा छे?"
त्या कयो, "सात।"
तव त्यो मानसे क धरती पर बट्या की हुकुम दिदा, आरू वो सात रोटा लेदा आरू धन्यवाद करीन तुड़ीन आरू आपने चेला क देता गया कि ओको अगळ राखे, आरू त्या मानसे क अगळ परोस दिया। ओको साथे थुड़ी सी नानी मासी भी हुती; त्यो यहोवा–भगवान धन्यवाद करीन तीनुक भी मानसे क अगळ रखने की हुकुम दी। वो खाय तुप्त होय गया आरू चेला ने शेष तुकड़ा क सात खिल्ला भरीन हाकलिया। आरू मानसे चार हजार क लग भग हुता; तव त्यो ओका वाट लागाड़्या,
ईशु गुलर क झाड़को क साप दिदो
दीसर दाहड़ा जव वो बैतनिया छे निकवीन तो ईशु क भुख लागी। वो दुर छे अंजीर क झाड़को क किनारो देखीन त्यो उका पास मा गियो कि काय जाने उको काही देख्या: पर पान्टा क छुड़ीन काही नी देख्या; काहकि फव क टेहाव नी हुता।
इन पर त्यो ओको कयो, "हिमी छे काही तारे फव कदी नी खाय!" आरू ओका चेला सोमवीन रया हुता।
सुकलो गुलर क झाड़को छे शिक्षा
पछु भोर क जव वो उधर छे जाते हुते तो त्या उना गुलर क झाड़का क मुवे तक सूखा हुया देख्या। पतरस क वो वात याद आवी, आरू त्यो ओको कयो, "हे गुरू, देख! यो अंजीर क झाड़को जिनाक तु स्राप देदो हुतो, सुख गया छे!"
ईशु ने ओको जवाब दीया, "यहोवा–भगवान पर विश्वास राख। हाव तुमू छे सच कयता छे कि जो काही इन बयड़ा छे कये तु उखड़ जा आरू दरिया मा जाय पड़, आरू थार मन मा संका नी करे वरना भुरसो करे कि जो कयता छे वो होय जाछे, तो ओका करता चो होयछे। एरकरीन हाव तुमू छे कयता छे की जो काही तुमू प्रार्थना करीन मांगू, ती भुरसो कर ले कि तुमू मीवछे गया, आरू तुमरे करता होय जाछे। आरू जव कदी तुमू उबो हुया प्रार्थना करता होय तो यदि तुमरा मन मा काही क हर काय विरोध होय, तो गुणा क माफ करू:
पेहलो चेला क बुलाया जाना
जव गर्दी यहोवा–भगवान क वचन सोमवने क करता उना पर पड़ गयी होती, आरू वो गन्नेसरत की दरिया क धोड़े पर उबो हुतो, तो ओसो हुयो, कि त्यो दरिया क धोड़े दुय नाव लागी होयी देखी, आरू मासा धरन्या उन पर छे उतरीन जाव धो रये हुतो। उन ढोंड्या मा छे एक पर जो शमौन की होती, चढ़ीन त्यो उका छे विनती की धोड़े छे थुडक धोड़े हट लेय चाल्या। तव वो बठीन मानसे क ढोंड्या पर छे शिक्षा देने लाग्या।
जव वो वात कर त्योक्या तो शमौन छे कयो, "गहरे मा लेय चल, आरू मासा धरने क करता आपसी जाव नाख्या।"
शमौन ने ओको जवाब दिया, "हे भगवान, हामु सारी रात मेहनत की आरू काय नी दरिया तौभी तारे कयनो छे जाव नाखछे।" जव त्या ओसो कर्या, तो घोणा मासा धर लाया, आरू ओको जाव फाटने लागी। इनीये पर त्या आपसा साथी क जो दीसरी पर हुतो, संकेत कर्या कि आवीन हामरी मदत करो, आरू त्या आवीन दुय ढोंड्या याहा तक भर लीय कि वो डुबने लागी। यो देखीन शमौन पतरस ईशु क पाया पोड्य आरू कयो, "हे पोरबु, मारे साथे छे जा काहकि हाव पापी मानुस छे।"
काहकि ओतरा मासा क धराय जाछे ओको आरू ओका साथी क घोणा भोंगलाय गयो हुयो, आरू वोसो ही जबदी क पोर्या याकूब आरू यहुन्ना क भी, जो शमौन क सहभागी हुतो, भोंगलाय गयो हुयो। तव ईशु शमौन छे कयो, "मत घाबराय हिमी छे तु मानुस क यहोवा भगवान राज्यमा लावनेवावा बनावीस।"
आरू वो ढोंड्या क धोड़े पर लगाड़ देदा तेतार चा सब काय छुड़ीन ईशु पछव होय लेदा।
आंझी क शांत करने
पछु एक दाहड़ो वो आरू ईशु क चेला ढोंड्या पर चढ़िया, आरू त्यो उनछे कयो, "आवु, दरिया क पार चाल्या।" शेवली कावा त्या ढोंड्या उघाड दिया आरू निकवी गया। पर जव ढोंड्या चाल रयी होती, तो ईशु सूय गया: आरू ढोंड्या पर वादुन आयो, आरू ढोंड्या पानी छे भरायने लागी आरू वो जोखिम मा हुता। तव त्या साथे आवीन ओको धरती, आरू कयो, "भगवान! भगवान! हामु नाश हुया जाता छे।"
तव त्यो उठीन वादुन क आरू पानी की लहरो क उबराख्य आरू वो रूक गया आरू चैन होय गया। तव त्यो उनछे कयो, "तुमरा विश्वास क छे?"
पर वो घाबराय गया आरू घबराय हईन आपस मा कयनो लाग्या, "यो कुन छे जो वादुन आरू पानी क भी हुकुम देता छे, आरू वो ओकी मानता छे?"
आंझी क शांत करने
पछु एक दाहड़ो वो आरू ईशु क चेला ढोंड्या पर चढ़िया, आरू त्यो उनछे कयो, "आवु, दरिया क पार चाल्या।" शेवली कावा त्या ढोंड्या उघाड दिया आरू निकवी गया। पर जव ढोंड्या चाल रयी होती, तो ईशु सूय गया: आरू ढोंड्या पर वादुन आयो, आरू ढोंड्या पानी छे भरायने लागी आरू वो जोखिम मा हुता। तव त्या साथे आवीन ओको धरती, आरू कयो, "भगवान! भगवान! हामु नाश हुया जाता छे।"
तव त्यो उठीन वादुन क आरू पानी की लहरो क उबराख्य आरू वो रूक गया आरू चैन होय गया। तव त्यो उनछे कयो, "तुमरा विश्वास क छे?"
पर वो घाबराय गया आरू घबराय हईन आपस मा कयनो लाग्या, "यो कुन छे जो वादुन आरू पानी क भी हुकुम देता छे, आरू वो ओकी मानता छे?"
दृष्टात्माग्रस्त मानुस क वारू करने
पछु ईशु आरू ओका चेला गिरासेनियो क देश मा पुच्या, दरिया क उना पार गलील क सामने छे।
जव दाहडु ढवने लाग्या तो ईशुन बारा चेला ने आवीन ओका सी कयो, "गर्दी क वाट लागाड़ीन चार तरफ गाँव आरू वस्तीमा मा जाईन टिके आरू खानो क उपाय करे, काहकि हामु या सुनसान जागामा छे।"
त्यो उनछे कयो, "तुमू ही तीनुक खाने क आपो।"
त्या कयो, "हामरे साथे पाच रूटा आरू दुय मासा क छुड़ीन आरू काही नी; पुन हाव यदि हामु जाईन इन सब मानसे क करता खानो मुवे लेदा, तो होय सकता छे।" वो मानसे तो पाच हजार मानसे लग–भग हुता। "काहकि वा सारी पाच हजार लोगहन हुता"
आरू त्यो आपसा चेला सी कयो, उन लोगहन क बठाड़ देयो।
त्या ओसो ही कर्या, आरू सब क बठाड़ दिया। तव त्यो वो पाच रूटा आरू मासा लावी, आरू सोरगदूत की आरू देखीन यहोवा–भगवान क धन्यवाद कर्या, आरू तुड़ी तुड़ीन चेला क देता गया कि मानसे क पुरछे। तव सब खाईन तुप्त हुया, आरू चेला ने वाच्या हुया तुकड़ा छे बारा खिल्ला भरीन हाकलिया।
गलीलन काना गाँव मा पेहला विछेळीयो काम
पछ तीसरे दहाड़े गलीलन काना गाँव मा कुनीन एकान शाक हुती, आरू ईशुन आया भी चाँ हुती। ईशु आरू उका चेला भी उका शाक मा आवला हुता। जव अंगुर क रस घट गयलो, ते ईशुन आया उका कयी, "हेरेन जु अंगुरन रस नी रोयु।" ईशु ने ओको कयो "हे बाई, मखे तार जु काय काम? हिमी मार टेम नी आयु।" ईशुन आया सेवकों काजे कयी, "जो काहय त्यो तुमूक कये, चो करजु।" चाँ यहूदि योन आधिकारी चुखो करनेन रीतिन लारे दगड़ा क छव: ढुसरो धरला हुता, जीनाम दुय–दुय, तीन–तीन मन समायता हुता। ईशु ने उका कयो, "ढुसराम पानी भर देवु।" चाँ तीनुक मुयेमुये भर दिदा। तव उका कयो, "हिमी निकळीन भोज प्रधानन साथे ले जावु।" आरू चाँ ले गया। जव भोज प्रधानन चाँ पानी चखा, जु अंगुर रस बन गयु हतु आरू नी जानतु छे कि त्यो क से आवलु छे पुन जा सेवके पानी काहडला हुता चाँ जानता हुता, ते भोज क प्रधान ने दुल्हा बुलावीन उका कयो, "हर एक मानसु पेहल वारलु दाखरस देतु छे, आरू जव मानसे पीईन साक जाता छे, तव मध्यम देता छे; पुन तु ने वारलो दासचस हिमी तव मेक छुडे छे।"
ईशु गलीलन काना मा आपनो यो पेहलो सहलानी देखाड़ीन आपसी महिमा प्रगट कर्यु आरू उका चेला क पर विश्वास करलो।
त्यो यी वात उका जावनेन करता कयो, काहकि त्यो आपसु जानता हुता कि चाँ काय करसु। फिलिप्पुस उको जवाब दिदा, "दुय सौ दीनारन रोटा भी ओकान करता पूरू नी होयसे कि तीनुक मा हर एक थुड़ थुड़ जुड़ जाये।" ओकान चेला मा से शमौन पतरसन भाई अन्द्रियास उका कयो, "या एक पोर्य छे ओका पास जौ जु पाच रोटा आरू दुय मासा छे; पुन इतरा मानसन करता चाँ काय छे?" "या एक पोर्यो छे, तेर जु जा पाच रूटा आरू दुय मासा छे, पुन ओतरा मानसन करता चाँ काहय भी नी होय" ईशु कयो, "मानसो बठाड़ दे।" तीन जागे बैस खोड़ो होत: तव मानसे जिनामा मानसन संख्या लग–भग पाच हजार हुती, बोठ गया। तव ईशु रूटा लेदु, आरू धन्यवाद करीन बोठनेवावा वाट देदु; आरू ओसोज मासा मा रईन जोतरा चाँ चाहता हुता वाट देदु। जेतार चाँ खाईन खुस होय गया ते हेके आपसा चेला कयो, "बचला टुकड़ा त्योट लेवु कि काहय नी नाखलो नी जाणु जुवे।" अळते: हेको त्योटला, आरू जा कि पाच जा खाना वालान वाच रया हुता, बारा खिल्लो बर्या। अतरान करीन हेकोने त्योट्या, आरू जा पाच रूटा टुकड़ा जा खाने वालान बच रया हता, ओको बारा खिल्ला बर्या।
जव चाँ चालाड़ता–चालाड़ता तीन–चार किलो मीटर आस पास जात रया, ते हेको ईशु नदीन काठे चालतु आरू नाव वोगे आवतु देख्या, आरू घाबराय गया। पुन त्यो उका कयो, "मी छे; बीहये मा।" अळते: चाँ ओका सी ढोंड्यो पर चढ़ाव लेने करीन तयार होया आरू चटकन ची बुट तीन धरती पर जाय पुगी जा चाँ जाय रया हुता।
तिबिरियुस नदीन काट पर चेला प्रकट होयनु
इनी वात न ओळतेन ईशु आपसा क तिबिरियुस बन्धा न धोड़े चेलाक नेळतालाक देखाङ्यों आरू इनी रीति रईन देखाय पड़्यो। शमौन पतरस आरू थोमा जु दिदुमुस कहवतो छे, आरू गलीलन काना शहरो न नतनएल आरू जबदी ना पोर्या, आरू हेका चेला नेळताळा मा एक आरू जन भैळा हुतो। शमौन पतरस हेन क कयो, "हां माछा धरने क जाम" त्या हेके कयो,
"हामु भी तारे पुठी आवजे" एका करता त्या निकळीन नाळ पर चढ़ीया, पर तीनि रात त्या काहय नी धोर्या। भोळभाको होयतात ईशु धोङ मा ऊबो हुयो; ओळतेन भी नेळताळा हेको नी उळखिया कि यो ईशु छे। तव ईशु तीनुक कयो, "ए नानला पोर्या, काय तुमरे जुळ खाने करिन काहय माछली छे?"
त्या ईशु क जवाब दिदा, "नी होय"
ईशु उन लोगहन क कयो, "डोंगा न जेवड़ा तरफ जाळ नाखो, ती तुमूक जोड़से।" तव त्या जाळ नाख्या, आरू हाय माछा घोण ढेरका आय ज्या तेर सी जाळ नी हापकनेन शक्ति नी हती।
"एरकरीन त्यो नेळताळो जिना सी ईशु मोंग करतो होतो पतरस से कयो, यो ते पोरबु छे।" शमौन पतरस यो सोमळीन कि पोरबु छे, कमर मा कनाट्यो कसीन बांध लेदो, काहकि त्यो नांगरो होतो, आरू बांधा मा कुदी गयो। बाकी आरू नेळताळा ढोंड्या पर माछा छे भरायली जाळ हापेकता जाईन आश, काहकि त्या धोड़े छे घोणा दूर नीहि, पर काय दूय सौ हात दूर हुता। जव डोंगा धोड़े उतरिया, ती त्या कुयला न आगठी, आरू उका पर माछली मेकला रोटा देख्या। ईशु तीनुक कयो, "जो मासा तुमू हाय धोरला छे, तीनाम से थुड़ाक लावु।"
शमौन पतरस डांगा पर चढ़ीन एक सौ न तिरपन मासा से भरायली जाळ धोड़े हापक्या, आरू हतरा मासा हुयने पर भी जाळ नीहि फाटी।
Libertações
Jesus expulsou demônios com autoridade. Os espíritos impuros não resistiam à sua palavra e saíam imediatamente.
रोम आधिकारी दास क आरगो करनो
जव ईशु कफरनहूम नगर मा सी आयो ते एक रोमन सरदार उका पास आवीन उका विनती कर्यु, "ए पोरबु, म्हार घर पर म्हार दास लखवा सी बीमार पड़ रीयो।"
ईशु उका सी कयो "हाव आवीन उको आरगो करीस।"
रोमन सरदार जवाब दीदो, "ए पोरबु, हाव इना लायक नी हय कि तु मार घर छत तवे आवे बाकुन यो मुय सी कय दे तो म्हार दास क आरगो हुय जासे। काहकि हाव भी खुद कुदान हकन नेचो छे आरू म्हारा हक तळे एक दल सिपायड़ा रवे, आरू जव एक सी कहवो जा, तो त्यो जाय; आरू दिसरा सी कहवो आव, तो त्यो आवे; आरू म्हार दास सी कय यो कर तो त्यो करे।"
यो सोमळीन ईशु घबराय गियो, आरू जो उका पछोळ आवता हुता उन लोगहन सी कयो, हाव तुमरे सी छाचो कय, कि इसरायल मा भी ओसो विश्वास हाव नी देख्या। आरू हाव तुमरे सी कहवो, कि घण सवटा पुरब आरू पश्चिम सी आवीन अब्राहम आरू इसहाक आरू याकूब क साथ सोरग राज मा बठसे। बाकुन राज्यन अवलियाद बाहर आँधारामा न्हाख देदा जासे; वा रोड़नो आरू दात पीसनो हुयसे।
आरू ईशु सरदार क कयो, "जा थारो विश्वास छे, वसोत थारे करता हुये।" आरू ओको सिपायड़ो उना समय मा आरगो हुय गियो।
साहळा क सुहर्या क टुळा मा मोकलनो
जव दरियो पार करीन त्या गिरासेनियो क देश मा पुच्या। वा बीड़ा मा सी दुय मानुस निकळीन आया जिनु मा विटळ साहळा हुती ईशु क भेटिया, जो अतरा नाव सादिया हुता, कि कोय उना वाट सी जाय नी सकतो हुतो। ईशु क देखी त्या दुयू आयड़ीन कयनो ला गिया, "ए यहोवा भगवान क पोर्या थारो हामरे साथ मा काय लेनो–देनो? काय तु टेम आवने सी पेहलुत् हामुक दुःख देने आय गियो?"
वा सारी थुड़ांक दूर गुवाळिया सुहर्या न एक टुळा क चरावता हुता। साहळा ईशु सी विनती करने लागी, "कदाम तु हामुक बाहर निकाळ रियो ती हामुक इनु सुहर्या क टुळा मा मकली दे।"
ईशु साहळा क हुकुम दीदो, "जाओ!" त्या निकळी न सुहर्या मा भराय गय आरू देखो सब टुळो जुरे सी दवड़ीन टेकड़ी पर सी पानी कुद पड़ीयो आरू दरिया मा गलील डूबीन मर गिया।
सूहर्यान गुवाळिया ढास गिया आरू साहळा वाळो मनुसो क साथ मा काय हुयो शहरो मा जाईन त्या सारी वात कय दीदा। अतरा पर नगर मा रयने वाळा सब ईशु सी भेटने करीन आया, आरू ओका सी विनती करीया हामरा शहरन काकड़ सी बाहर जात रया।
गुंगड़ा मानुस क वारू करनो
जव त्या बाहर जाय रया हुता, तव लोगहन एक मुका क मानस मा साहळा हुती ईशु क पास लाया। आरू जव साहळा निकाल दी गय, तो मुका बुलने लागियो। आरू गर्दी घबराईन कयो, "इस्राएल मा भी असो कदी नी देखियो गयो।"
ईशु आरू बालजबुल
तव लोगहन एक मुका क जिनाम साहळा हुती, ओको पास लाया; आरू ईशु उना क वारू करियो; आरू त्यो मुका बोलने लाग गियो।
कनानी जातिन बायर क विश्वास
ईशु वा सी निकलीन, सोर आरू सीदोन क देश की आरू चाली गिया। आरू देखो, उना परदेश सी एक कनानी बायर निकली, आरू आयड़ीन कयनो लागी, "ए पोरबु! दाऊदन अवलियाद, म्हार पर दया कर, म्हारी पोराय क साहळा बैस सताय रया।"
पर ईशु ओको सी काय जावब नी दियो, आरू उका चेला आवीन उका सी विनती करीन कयो, "इनी क भेज दे; काहकि त्या हामरे पछोळ आयड़ती जाईन आवे।"
ईशु जावब दियो, "हाव इस्राएल क खुवायला गाडरान क छुड़ीन हाव कोयक पास नी भेजी गयो।"
पर ची बायर आवी, आरू ईशु क नमस्कार करीन कयने लागी, "ए पोरबु, म्हारी मदत कर।"
ईशु जवाब दियो, "पोर्या रोटा लीन कुत्रान क अगल न्हाखनो वारू नी हय।"
त्या कहवी, "सच छे पोरबु, पर कुत्रा भी त्या चुरा खाय, जो ओका मालिक क टेबल पर सी पड़े।"
इना पर ईशु उको जवाब दीन कयो, "ओ बाई, थारो विश्वास बड़ो छे; जसो तु चाहे, थारे करता वसोत हुये" आरू ओकी पोर्या उना समय आरगी हुय गय।
साहळा सी भरायला पोर्या क वारू करने
जव त्या गर्दी क पास पुग गिया, तो एक मानुस उको पास पुग्यु, आरू घटना टेकीन कयने लाग गियो। "ए पोरबु, म्हार पोर्या पर दया कर! काहकि उको मिर्गी आवती रये; आरू बार–बार आगठा मा बार–बार पानी मा पड़ जाय। आरू हाव उको थारा चेला क पास लायो हुतो, पर त्या उना क आरगा नी कर सकिया।"
ईशु जवाब दियो, "हे विनभुरसा आरू एक हेठीले लोगहन, हाव कोतार तक तुमरी सहवतो रहवीस? उना पोर्या क म्हार साथे लावु।" तव ईशु उनी साहळा क लड़ियो, आरू साहळा उका मा सी निकली; आरू पोर्यो उना समय मा आरगाय हुय गिया।
आरू तिना तेम मा, तिन्दरा प्रार्थना क घर मा एक मानुस हुतो जिनाम एक विटळ आत्मा हुती। साहळा आयड़ीन कयी, हे ईशु नासरत, थारो हामरे साते थारो काय काम? काय तु हामुक नाश करने आवलो छे? हाव तुखे जानो, तु कुन से? "तु यहोवा भगवान क चुखलो मानुस से!"
"ईशु साहळा क लड़िन कयो, हुग रया; आरू हेकाम से बाहर निकवी जा।"
तत्यार साहळा ओको मुयड़तीजाईन, आरू मोटात् बुल से आयड़ीन ओको मा से निकली गयी।
द्रूष्टात्माग्रस्त–लोगहन क वारू करने
ईशु दरियो क पार गिरासेनियो क देश मा पुच्या, ईशु जव वो ढोंड्या पर रईन उतरियो तो तत्काल एक मानसन जिनामा विटळ आत्मा हती, मोळवट्या मा रईन आवीन ईशु क देखाई। काहकि वो बीड़ाम रयतो हतो आरू कोय तीनाक साकव करीन बांध भी नी सकता हता, काहकि वो बार–बार साकव करीन बांधता हता, पुन त्यो साकव क तुड़ दिदो आरू साकव क टुकड़ा–टुकड़ा कर दिदो हतो, आरू कोय ओको मानाळी भी नी सकता। वो लगातार रात–दाहड़ो मोड़वाट्याम आरू बयड़ाम आयड़े, आरू वो दगड़ा छे ठुकरायतो हतो।
वो ईशु क दुर रईन देखीन दौड़ीन ईशु क बुलाड़े, आरू जुरे से ओवाज मा आयड़ीन कयो, "हे ईशु, महान यहोवा–भगवान क पोर्या, मखे तुखे छे काय काम छे? हाव तुखे यहोवा–भगवान क शपथ खाम की मखे पीड़ा मा आपे।" काहकि ईशु ओको कयो, हतो "हे विटळ आत्मा इन मानुस मा रईन निकवी जा।"
ईशु ओका पुछु, "थारो नाव काय छे?"
त्यो ईशु कयो, "मारो नाव सेना छे; काहकि हामु घणा सोवटा छे!" आरू त्यो ईशु क विनती करने लाग्या, "हामु क इन प्रदेश रईन बाहर मा मुकले।"
वो बयड़ा पर सुहर्या क टुवु चर रया हता। त्यो ईशु क विनती करीन कयो, कि "हामु इनु सुहर्या मा मुकली दे कि हामु ओको साथे जासु।" शेवली कावा ईशु ने हुकुम दिदो आरू विटळ आत्मा निकवीन सुहर्या क धोड़े गयु त्यो आरू टुवु दुइ हजार क हतो, बयड़ा धड़े रईन दौड़ीन गया आरू दरिया मा जाईन आरू डूब मर्या।
ओका चारनेवावा ढ़ासाड़ीन नगर आरू गाव मा खबर सोमवाळ्या, आरू जो हयो हतो, लोगहन ओको देखने आया।
"पुन तुमू कयता होय की यदि काही आपने बास वो माय छे कये, जो काय तुखे मखे छे लाभ पुग सकता हुता, वो कुरबान मतलब संकल्प होय चुक्यो।" तो तुमू ओको ओका बास वो ओकी माय की काय सेवा करने नी दिदा। "इनीये प्रकार तुमू आपसी रीति छे, जिन्हे तुमू ने ठहराया छे, यहोवा–भगवान क वचन टावने देद होय; आरू ओसो घोणा छे काम करता होय।"
मानुस क विटळ करने वावी वात
तव ईशु ने मानसे क आपने साथे बुलावीन उनछे कयो, "तुमू आखा मारी सोमवु, आरू समझु। ओसी काही समान नी जो मानुस मा बाहरता छे समाकर ओको विटळ कर्यो; पुन जो समान मानुस क माहाय छे निकवती छे वो ही ओको विटळ करती छे।
सोरूफिनीकी जाति की बायर क विश्वास
पछु ईशु वाँ छे उठीन सोर आरू सीदोन क देश मा आश; आरू एक घर मा गया आरू जुवे था कि काही नी जाने; पुन वो साताय नी सक्या। आरू तत्काल एक बायर जेरी नानली पोराय मा साहळा हुती, ओकी चर्चा सोमवीन कर आवी आरू ओका पाय पर पड़ी। यो युनानी आरू सुरूफिनिकी काहली जाति कि हुती। त्यो ओको विनती करी की मारी पोराय मा छे साहळा निकाव दे। त्यो ओको कयो, "पेहल पोर्या क तुप्त हुयने दे, काहकि पोर्या क रोटा लीन कुत्रा क ओगव नाख्या वारू नी छे"
त्यो ओको जवाब दिया, "सच छे पोरबु; तव कुत्रा भी तो हावज क नेड़ो पोर्या क रोटा क चूर–चार खाय लेता छे"
ईशु ओको कयो, "इन वात क कारण शांती मा चाली जाय; साहळा तारी पोराय मा छे निकवी गय छे"
त्यो आपने घर आवीन देख्य कि पोराय खाटला पर पड़ी छे, आरू साहळा निकवी गय छे।
गर्दी मा छे एक ने ओको जवाब दिया, "हे गुरू, हाव आपने पोर्या क, जिनाम विटळ आत्मा छे वो ओको बुलने नी देती अतरान करीन तारे साथे लावने हुतो। वा कयी वो ओको धरायती छे, चो पटक देती छे: आरू वो मुय मा फेसटु भरीन लाता, आरू दात पीसता, आरू सूखता जाता छे। हाव ने तारा चेला छे कयो कि वो निकवीन दे, पुन वो निकवीन नी सके"
यो सोमवीन त्यो उनछे जवाब दिन कयो, "हे विनभुरसीया मानछे, हाव किही तक तुमरे साथे रयीस? आरू किही तक तुमरी रयीस? हाव किही तक तुमरे सहन करीस? ओको मारे साथे लावु!"
तव वो ओको ओका साथे ली आश: आरू जव त्यो ओको देख्या, तो उनी विटळ आत्मा ने तत्काल उको मरोड़ा; आरू वो धरती पर पड्यो, आरू मुय छे फेसटु बयाते हुये धरतीपर घसड़ने लाग्या।
ईशु ओको बाबो छे कहा, इसकी यो दशा किही छे। त्यो कयो, "बचपन छे। दृष्ट आत्मा इनाक नष्ट करने क करता कदी आगठा आरू कदी पानी मा पाड़्या; पुन यदि तु काही कर सक्य, ती हामु पर तरस खाईन हामरी मदत कर!"
ईशु ने ओका सी कयो, "यदि तु काय कर सकता छे? यो काय वात छे! विश्वास करने वावा क करता सुब काही होय सकता छे"
पोर्या क बास ने तत्काल रड़ीरड़ीन कयो, "हे पोरबु हाव विश्वास करता छे, मार विनभुरसा क वदाड़ने बढावने क मदत कर!"
"जव ईशु ने देख्या कि मानसे दोड़ीन गर्दी लागी रये छे कयो, ती उनी विटळ आत्मा क तुखे हुकुम दम छे, ओका मा सी छे निकवीन आय, आरू उको पुगनेन कदी भरायने नी करने!"
तव वो आयड़ीन आरू उको घोणा मरोड़ कर निकळी आवी; पोर्या मर्यो हुतो ओसो हुय गयो, याहा तक की घोणा मानसे कयनो लाग्या कि वो मरी गयो। पुन ईशु ने ओको हात धरीन उको उठाड़ियो, आरू वो उबो होय गया।
ईशु घण सवटा मानसे क वारू करे
वो आराधना घर मा छे उठीन शमौन न क घर मा गया। शमौन की सासु क ज्वर चढ़ियो हुयो हुतो, आरू त्या ओका करता ओका सी रावन्या करी। ईशु ओका निकट उबो हईन ज्वर क लड़यो आरू ज्वर उतर गयो, आरू वो तत्काल उठीन ओकी सेवा टहल करने लागी।
जव वो धोड़े पर उतरीया तो उना नगर क एक मानुस उको मिव्यो जिनामा साहळा होती। वो घोणा दाहड़ा छे नी लुगड़ा पेहरतो हुतो आरू नी घर मा रयता हुता वरना बीड़ा मा रया करतो हुतो। वो ईशु क देखीन आयड़ीया आरू ओको सामने जिरेत मोटेत ओवाज छे कयो, "हे सयाळा प्रधान यहोवा–भगवान क पोर्या ईशु! मखेछे तुखे छे काय काम? हाव तुखे छे रावन्या करता छे, मखे शिक्षा नी देय।" काहकि वो उना साहळा क उना मानुस मा छे निकावने की हुकुम देय रया हुता, एरकरीन कि वो उना पर घड़ी मजबुत होयती होती। यद्यपि मानसे ओको साकव आरू बेड़ी छे बांधता हुता, तौभी वो बांधने क तुडीन नाखता हुता, आरू दूष्टात्मा ओको जंगल मा ढासाडीन फिरती होती।
"ईशु ओका सी पुछु थारो काय नाव छे?"
त्यो कयो, "सेना" काहकि मानसक घोणा साहळा शैतान उको भराय गया हता। ईशु ओका अनुनय रावन्या करने लाग्यो कि हामु आंधारा कुण्ड मा जानेन हुकुम मा देय।
वा बयड़ा पर सुहर्या क एक मोटा हाववो चर रयो हुतो, एरकरीन वो ने ओको तीनुक जाने दिया। तव साहळा उना मानुस मा छे निकवीन सुहर्या मा गयी आरू त्यो झुण्ड टेकड़ा पर सी पर झापटाय न गलील दरिया मा जाय पड़्या आरू डूबीन मर गयो।
चारनेवावा यो जो हुया हुता देखीन ढासा, आरू नगर मा आरू गाँव मा जाईन ओको खबर दिया। मानसे यो जो हुयो हुतो ओको देखने क निकव्या, आरू ईशु क साथे आवीन जिना मानुस छे साहळा निकावी होती, ओको ईशु क पाय क साथे लुगड़ा पेहरने आरू सचेत बठ्या हुया देखीन घाबराय गयो;
हाव तुमूछे सच कयता छे, कि जो याहा उबा छे, उनमा छे काही ओसा छे कि जव तक यहोवा–भगवान क राज्य नी देख लेय, तव तक मरना क हवाद चुखछे।"
ईशु क रूपान्तर
इन वात क काही आगठा दाहड़ा बाद वो पतरस, यहुन्ना आरू याकूब क साथे लीन प्रार्थना करने क करता बयड़ा पर गया। जव ईशु प्रार्थना कर ही रया हुता, तो ओका चेहरा क रूप बदलाय गयो, आरू ओका छिन्दरा श्वेत हईन चमकने लाग्या। आरू उचकाळुन मूसा आरू एलियाह, यो दुय मानसे ओको साथे वात कर रया हुता। यो महिमा साथे देखाय दिया आरू ईशु क मरना की चर्चा कर रया हुता, जो यरूशलेम मा हुयने वालो हुता।
पतरस आरू ओका साथी नीद छे भर्या हुता, आरू जव वारली तरह सचेत हुया, तो ओकी महिमा आरू उन दुय मानसे क, जो ओको साथे उबा हुता, देख्या। जव वो ओको साथे छे जाने लाग्या, तो पतरस ने ईशु छे कयो, "हे भगवान, हामरा याहा रयने खुशी छे: शेवली कावा हामु तीन मण्डप बनावसु, एक तारे करता, एक मूसा क करता, आरू एक एलियाह क करता।" वो जानता नी हुता कि काय कय रया छे।
आरू देखो, गर्दी मा छे एक मानुस ने आयडी कयो, "हे पोरबु, हाव तुखे छे रावन्या करता छे कि मारा पोर्या पर किरपा कर; काहकि वो मारो एक खुळिया पोर्या छे। आरू देख, एक साहळा ओको धरती छे, आरू वो एकदम आयडी उठे; आरू वो ओको ओसो मरोड़ती छे कि वो मुय मा जीभ भर लावता छे; आरू ओको कुचळीन वातड़ी मेहनत छुड़ती छे। हाव ने तारे चेला छे रावन्या करी कि साहळा निकाव, पुन वो नी निकाव सक्या।"
ईशु उनको जवाब दिया, "हे विनभुरसीया आरू हठीले मानछे, हाव किही तक तुमरे साथे रवीस आरू तुमरी सकछे? आपने पोर्या क याहा ली आय।"
वो पोर्या आय ही रया हुता कि साहळा ने ओको नाखीन मरोड़ा, पुन ईशु साहळा क लड़िया आरू पोर्या क वारू करीन ओका बास क आपी दिया तव सब मानसे यहोवा–भगवान क महाशक्ति छे चकित हुया।
दुसरी बार आपने मरना क विषयमा ईशु कि भविष्यवाणी
पुन जव सब मानसे उन सब काम छे जो वो करता हुता घबराय हुता, तो त्यो आपने चेला छे कयो,
ईशु आरू बालजबुल
पछु ईशु एक साहळा क निकाव्या जो उना माणुस क मुका करतो हतो। जव साहळा निकाव गयी ते मुका माणुस बुलने लाग्या; आरू क भोंगलाय गयो हुया।
आरू उनमा छे एक डाहला पुजारा क दास पर तलवार चालाड्या ओको डावु कांटो तुड़ देदो।
इनीये पर ईशु कयो, "हिमी बस कर।" आरू ओको कांटो छूकर ओको वारू कर्या।
जव यहुन्ना क मुकल्या हुया लोगहन जात रया ते ईशु यहुन्ना क बारा मा लोगहन सी कयनो लाग्या, "तुमू जंगल मा काय देखने गया हुता? काय वाहवा छे हालतो हुय डाखलिया क? ते पछु तुमू काय देखने गया हुता? काय कमर क छिन्दरा पेहर्या हुय मानुस क? देख्या, जो भड़कीला छिंदरा पेहर्या आरू सुख विलास छे रयता छे, वो राजभवन मा रयता छे। तो पछु काय देकने गया हुता? काय काही कागळीयान क? हाव, हाव तुमू छे कयता छे, वरना कागळीयान छे भी डाहला क। यो त्योत् छे, जिनान बाराम शास्त्र मा लिखलो छे: ‘यहोवा–भगवान बोल्यो, हाव म्हार दूत क थारे ओगळ–ओगळ मोकलीस, जो थारे ओगळ वाट क सुधार से।’ हाव तुमू छे कयता छे कि, बायर छे जनमछे, उनमा छे यहुन्ना बपतिस्मा देनेवाला छे मोट काही नी: पर जो यहोवा–भगवान क राज्य मा नाना छे नाना छे, वो ओका सी भी मोठ छे।"
आरू सब साधारण मानसे ने सोमवीन आरू फाळो लेनेवाळा ने भी यहुन्ना क बपतिस्मा लीन यहोवा–भगवान क मार्ग सच्चा मान लेदा। पुन फरीसि आरू व्यवस्थापक ने यहुन्ना छे बपतिस्मा नी लीन यहोवा–भगवान क मेहनत क आपने विषय मा टाल दिया।