Milagres de Jesus
Os Evangelhos registram dezenas de milagres realizados por Jesus — curas, ressurreições, domínio sobre a natureza e libertações. Cada milagre revelava sua divindade e compaixão.
Curas de cegos e surdos
Jesus devolveu a visão aos cegos e a audição aos surdos, manifestando seu poder sobre toda enfermidade e deficiência.
दुईथो आँधर मनै
जब येशू उ लौँदीक घरेसे जाइतिहिँत। तब दुईथो आँधर मनै "हे दाऊद रज्वक सन्तान, हमार उप्पर दया करी" कहिके गोहरैती हुँकार पाछे-पाछे लागगिलाँ। जब येशू अपन रना घरेम पैठ्लाँ। तब हुँकार रहल ठाउँमे उ आँधर मनै हुँकार थेन अइलाँ। येशू ओइन्हे पुँछ्लाँ, "मै तुहुरिन्हे चोख्वाई सेकदारम कहिके का तुहुरे विश्वास करथो?" ओइने येशूहे कलाँ, "हाँ, प्रभु! हम्रे विश्वास कर्थी कि अप्नि हम्रिहिन्हे चोख्वाई सेकदर्बी।" तब् ऊ ओइन्के आँखी छुके कलाँ, "काकरेकी मै चोख्वाई सेकदरथुँ कहिके तुहुरे विश्वास करथो। तबेकमारे तुहुरे चोखाजिबो।" तब् ओइने देख्नाहाँ होगिलाँ। येशू असिक कहिके ओइन्हे कड़ा आज्ञा देलाँ, "तुहुरे किहुहे फेन नै बतैहो कि मै तुहुरिन्के लग का कर्नु!" पर ओइने गैलाँ और येशूक कर्लक कामके बारेमे पूरा ईलाकामे सक्कु जहनहे सुनादेलाँ।
दुईथो आँधर मनै
ओइने यरिहोमेसे जाइबेर, एकथो बरवार भीड़ हुँकार पाछे लागगिल। डग्रिक आँरितिर बैठल दुईथो आँधर मनै येशू यहे डगर जाइतताँ कना सुनके असिक कहिके गोहरैलाँ, "हे प्रभु, दाऊद रज्वक सन्तान, हमारिकमे दया करी।" भीड़ ओइन्हे चुप लागो कहिके डँत्लिन। पर ओइने असिक कती आकुर जोरसे गोहरैलाँ, "हे प्रभु, दाऊद रज्वक सन्तान, हमारिकमे दया करी।" तब् येशू रुकगिलाँ और ओइन्हे बलाके कलाँ, "तुहुरे का चहथो कि मै तुहुरिन्के लग का करदिऊँ?" ओइने हुँकिन्हे कलाँ, "हे प्रभु, हम्रे देख्नाहाँ हुई चहथी।" येशू सोगाके ओइन्के आँखी छुदेलिन। और ओइने तब्बेहेँ देख्नाहाँ होगिलाँ। और ओइने हुँकार पाछे लागगिलाँ।
बेथसेदक आँधर मनैया
तब् येशू और हुँकार चेलनके बेथसेदा गाउँमे अइलाँ। कौनो मनै एकथो आँधर मनैयाहे येशूक थेन नन्लाँ। ओइने येशूहे बिन्ती करलाँ कि ऊ उहिहे छुइँत और उहिहे चोख्वादिँत। येशू उ मनैयाहे अपन हाँथेलेके पकरलाँ, और नगरमेसे बाहेर लैगिलाँ। तब् येशू ओकर आँखीमे थुक लगैलाँ, और अपन हाँथ ओकरमे धारके उहिसे पुँछ्लाँ, "का तुहिन्हे कुछु देखाइता?" तब् उ मनैया चारु ओहोँर हेरल और कहल, "मै मनैनहे देखतुँ, पर महिन्हे फरछ्वारसे नै देखाइथो, ओइने मोरिक चारु ओहोँर रुख्वा नेगे हस देखाइतताँ।" तब् फेनदोस्रे येशू अपन हाँथ उ मनैयक आँखीमे धरलाँ। अप्सीर यी मनैया घित्गरसे हेरल, ते ओकर आँखीक रोशनी फिर्ता आगिलिस, और उहिहे सक्कु चिज फरछ्वारसे बिल्गाई लग्लिस। यकरपाछे येशू उहिहे असिक कहिके ओकर घरे पठैलाँ, "अपन घर फिर्ता जाऊ, पर यहाँ का हुइल कहिके यी बात गाउँलेनहे बताइक लग कौनो फेन गाउँमे ना पैँठ्होँ।"
बहिर और गोँगाहा मनैया
यकरपाछे येशू और हुँकार चेलनके टुरोस नगरके आँजरपाँजरके ईलाकाहे छोरदेलाँ। ओइने सीडोन ईलाका ओहोँरसे गैलाँ, और ओइने डेकापोलिस प्रदेशके आँजरपाँजरके ठाउँसे हुइती निकरलाँ, और गालील समुन्दरमे पुग्लाँ। कौनो मनै येशूक थेन एकथो मनैयाहे नन्लाँ, और ऊ बहिर रहे और फरछ्वारसे बोले फेन नै सेके। ओइने येशूहे बिन्ती करलाँ कि ऊ अपन हाँथ ओकर उप्पर धारदिँत, ताकि ऊ चोखाजाए। तब् येशू उ मनैयाहे भीड़मेसे दूर अल्गे लैगिलाँ। तब् येशू ओकर कानेम अपन अंग्री दरलाँ, तब् अपन अंग्रीमे थुक्लाँ, और उ मनैयक जीभहे छुलाँ। और येशू स्वर्ग ओहोँर हेरलाँ, प्राथनामे एकचो नम्मा साँस लेके उ मनैयाहे कलाँ, "इफ्फाता," जेकर मतलब हुइत "खुलजा।" जुरतेहेँ उ मनैया सुने लागल, और ऊ फरछ्वारसे बोले लागल। येशू मनैनहे कलाँ, "जोन मै अब्बे कर्नु, यी किहु ना बतैहो।" पर जतरा येशू चेतावनी देलाँ कि मनैनहे ना बतैहो, ओत्रेहे धेउर हौसलासे ओइने यी खबर दोसुर जहनसम पुगैलाँ। यी बात सुनुइया सक्कु जहनहे अचम्म लग्लिन। और ओइने घनिघनी असिक कहे लग्लाँ, "ऊ सक्कु चिज बहुत मजा करल! यहाँसम कि ऊ बहिराहे सुन्नाहा और गोँगाहाहे बोल्नाहा बनाइत।"
बारतिमै कना आँधर मनैया
यरुशलेम शहर जाइबेर येशू और हुँकार चेलनके यरिहो नगरमे पुग्लाँ। जसिके येशू और हुँकार चेलनके और दोसुर मनैनके एकथो बरवार भीड़ नगरमेसे जाइतिहिँत, तब्बेहेँ एकथो बारतिमै नाउँक आँधर भिखारी मनैया डग्रिक आँरितिर बैठल रहे। ऊ तिमैक छावा रहे। जब ऊ मनैनसे सुनल कि नासरत गाउँक येशू यहे डगर जाइतताँ। तब उ भिखारी मनैया जोरसे गोहराइल, "हे येशू, दाऊद रज्वक सन्तान, महिन्हे दया करी!" बहुत्ते मनै उहिहे चुप लाग कहिके डँत्लाँ। पर ऊ आकुर जोरसे गोहराई लागल, "हे येशू, दाऊद रज्वक सन्तान, महिन्हे दया करी!" जब येशू सुन्लाँ ते ऊ ठरह्यागिलाँ, और पंज्रेक मनैनहे उहिहे नाने कलाँ। ओइने उ आँधर मनैयाहे बलैलाँ और कलाँ, "ना घबराऊ! आऊ! येशू तुहिन्हे बलाइतताँ।" तब् आँधर मनैया अपन घल्लक लुग्गा फेँकल, और येशूक थेन गैल। येशू उहिहे पुँछ्लाँ, "तुँ का चहथो कि मै तोहाँर लग का करदिऊँ?" उ आँधर मनैया जवाफ देहल, "गुरुजी, मै देख्नाहाँ हुई चहथुँ।" तब् येशू उहिहे कलाँ, "तुँ अब्बेहेँ अपन घरे जाई सेक्थो, मै तुहिन्हे चोख्वा देले बतुँ। काकरेकी तुँ महिन्हे विश्वास करथो।"
आँधर भिखारी देख्नाहाँ हुइलक
येशू यरिहोक लग्गे पुगगिलाँ। वहाँ एकथो आँधर मनैया डग्रिक आँरितिर बैठके भीख माँगतेहे। एकथो भीड़ पन्ज्रेसे जाइता कहिके सुनके "यी का हो?" कहिके ऊ पुँछल। मनै उहिहे कलिस, "नासरत गाउँक येशू यहे डगर जाइतताँ।" तब् ऊ असिक कहिके गोहराइल, "हे येशू, दाऊद रज्वक सन्तान, महिन्हे दया करी!" आघे-आघे नेगुइयन उहिहे चुप लाग कहिके डँत्लाँ। पर ऊ आकुर जोरसे गोहराई लागल, "हे दाऊद रज्वक सन्तान, महिन्हे दया करी!" येशू ठरह्यागिलाँ, और उहिहे अपन थेन नन्ना आज्ञा करलाँ। उ लग्गे आइल ते येशू उहिहे पुँछ्लाँ, "तुँ का चहथो? मै तोहाँर लग का करदिऊँ?" ऊ कहल, "प्रभु, मै देख्नाहाँ हुई चहथुँ।" तब् येशू उहिहे कलाँ, "तुँ देख्नाहाँ होजाऊ। तोहाँर विश्वास तुहिन्हे चोख्वाइल बा।" तब् जुरतेहेँ ऊ देख्नाहाँ होगिल, और परमेश्वरके प्रशंसा कर्ती ऊ हुँकार पाछे लागगिल। यी देख्के सक्कु मनै परमेश्वरके प्रशंसा करलाँ।
जल्मत्तिक आँधर मनैयाहे देख्नाहाँ बनैलक
जब येशू वहाँसे जाइतिहिँत, तब ऊ एकथो जल्मत्तिक आँधर मनैयाहे देख्लाँ। हुँकार चेलनके हुँकिन्हे पुँछ्लाँ, "गुरुजी, यी पाप करल कि यकर दाई-बाबा पाप कर्लिस, केकर पापके कारण यी आँधर होके जल्मल?" येशू जवाफ देलाँ, "ना ते यी पाप करल ना यकर दाई-बाबा, पर परमेश्वरके शक्ति यी मनैयक जीवनमे प्रकट होए कहिके यी आँधर मनैया जल्मल। जे महिन्हे पठाइल ओकर काम हम्रे दिन रहले समयमे करदारी। रात आइता, तब केऊ फेन काम करे नै सेकी। मै संसारमे रहतसम मै संसारके ओजरार हुइतुँ।" यी बात कहिके येशू भुइयाँमे थुक्लाँ, और थुकेलेके माटिक रेपन बनाके ओकर आँखीमे लगादेलाँ। तब् येशू उहिहे कलाँ, "जाऊ, और अपन मुह सिलोआमके तलवामे धोलेऊ।" (सिलोआमके मतलब हो, पठागिलक।) तब ऊ जाके अपन मुह धोलेहेल, और वहाँसे देख्नाहाँ होके घुमल।
Curas de paralíticos e enfermos
Paralíticos caminharam, leprosos ficaram limpos e todo tipo de doença foi curada pelo toque e pela palavra de Jesus.
एकथो कोढ़ रोग लागल मनैया येशूक थेन आइल। और हुँकार आघे ठेहुनी टेकके बिन्ती करे लागल, "हे प्रभु, यदि अप्नि चहबी कलेसे महिन्हे कोढ़ रोगसे चोख्वाई सेक्बी।" येशू अपन हाँथ पसारके उहिहे छुलाँ और कलाँ, "मै चहथुँ कि, तुँ चोखाजाऊ।" जुरतेहेँ ओकर कोढ़ चोखागिलिस। तब् येशू उहिहे कलाँ, "यकर बारेम किहु नै बतैहो। पर जाऊ और अपनहे पुजारीक थेन देखाऊ कि तुँ चोखागिलो। तब् जसिके परमेश्वरके अगमवक्ता मोशा आज्ञा देहल बा, ओस्तेके मन्दिरमे दान चह्राऊ। तब् सक्कु जाने जन्हीँ कि तुँ कोढ़ रोगसे चोखागिल बतो।"
कौनो मनै दरीमे पस्रल एकथो कुँज रोग लागल मनैयाहे हुँकार थेन नन्लाँ। येशू ओइन्के विश्वास देख्के कुँज रोग लागल मनैयाहे कलाँ, "मोरिक संघरिया तोहाँर पाप माफ होगिलाँ।" यहूदी कानुनके गुरुनमेसे केऊ-केऊ आपसमे कलाँ, "यी मनैया ते परमेश्वरके निन्दा करता! यिहिहे सोँचे परना रहिस कि ऊ परमेश्वर हुइँत! सिरिफ परमेश्वर किल पापहे माफ करे सेक्थाँ।" येशू ओइन्के मनके बात बुझके कलाँ, "तुहुरे काकरे अपन मनमे खराब विचार सोँच्थो? का कना सहजिल बा, ‘तोरिक पाप माफ होगिल’ कना कि ‘उठ् और नेङ्ग’ कना? पर मै चहथुँ कि तुहुरे जानो कि मै, मनैयक छावाहे धर्तीमे मनैनके पापहे माफ करना अधिकार बा।" तब् येशू उ कुँज रोग लागल मनैयाहे कलाँ, "मै तुहिहे कहतुँ, ठरह्याजा, अपन दरी उठा और अपन घरे जा।" उ कुँज रोग लागल मनैया जुरतेहेँ ठरह्यागिल, और अपन घर ओहोँर चलगिल।
वहाँ एकथो हाँथ सुखल मनैया रहे। ओइने येशूहे दोष लगैना विचारसे हुँकिन्हे पुँछ्लाँ, "का बिँसैना दिनमे किहुहे चोख्वैना उचित बा?" येशू ओइन्हे कलाँ, "मानलेऊ कि तुहुरिन्केमेसे केक्रो थेन एकथो भेँरवा बा और बिँसैना दिनमे उ गड्ढामे गिरगिल कलेसे, का तुँ उहिहे पकरके बाहेर नै निकरथो? भेँरवासे मनैया धेउर किम्ती बा! तबेकमारे हमार नियम कानुन हम्रिहिन्हे बिँसैना दिनमे मनैनहे चोख्वैना अनुमति देहत।" तब येशू उ सुखल हाँथ रहल मनैयाहे कलाँ, "अपन हाँथ पसार।" ऊ अपन हाँथ आघे पसारल, और ओकर हाँथ फट्से चोखागिलिस।
वहाँ सिमोनके माउ बेमार रहिस, और पठरीमे सुतल रहिस। काकरेकी उहिहे जुरी आइल रहिस। जब येशू उ घरेम पुग्लाँ ते ओइने कलाँ कि सिमोनके माउ बेमार बतिस। येशू ओकर पठरीक लग्गे गैलाँ, और उहिहे ओकर हाँथ पकरके ठरह्याइक लग सहयोग करलाँ। और जुरतेहेँ ओकरमेसे जुरी चोखागिलिस। तब् ऊ ओइन्हे खाना खाई देहल।
कोढ़ रोग लागल मनैया चोख्वागैलक
वहाँ एकथो कोढ़ रोग लागल मनैया येशूक थेन आइल, और हुँकार आघे ठेहुनी टेकके बिन्ती करे लागल, "यदि अप्नि चहबी कलेसे महिन्हे कोढ़ रोगसे चोख्वाई सेक्बी।" येशूहे ओकरमे सोग लग्लिन। ऊ अपन हाँथ आघे बह्राके उ मनैयाहे छुलाँ और कलाँ, "मै चहथुँ कि तुँ चोखाजाऊ", फेनदोस्रे येशू कलाँ, "चोखाजाऊ।" तब्बेहेँ ओकर कोढ़ रोग ओकरमेसे हटगैलिस, और ऊ चोखागिल।
कौनो मनै वहाँ अइलाँ, ओइने एकथो कुँज रोग लागल मनैयाहे लेके येशूक थेन अइलाँ। चारजाने उ मनैयाहे दरीमे लेके आइल रहिँत। जब ओइने उ मनैयाहे भीड़के कारण येशूक थेन पुगाई नै सेक्लाँ, तब् ओइने येशूक मुन्टक सोझे उप्पर छँपरा उजरलाँ। तब् ओइने उप्परसे येशूक ठिक आघे उ मनैयाहे दरीसुन्धे झुलाके उतारदेलाँ। जब येशू अपन उप्पर ओइन्के विश्वास देख्लाँ, तब कुँज रोग लागल मनैयाहे ऊ कलाँ, "मोरिक संघरिया तोहाँर पाप माफ होगिलाँ।" पर वहाँ केऊ-केऊ यहूदी कानुनके गुरुन बैठल रहिँत, और अपन मनमे असिक कहिके विचार करतिहिँत। "यी मनैया असिन बात काकरे बोलता? यी ते परमेश्वरके निन्दा करता! यिहिहे सोँचे परना रहिस कि ऊ परमेश्वर हुइँत! सिरिफ परमेश्वर किल पापहे माफ करे सेक्थाँ।" वहे बेला येशू ओइन्के मनके बात बुझगिलाँ कि ओइने का सोचतताँ। तब् ऊ ओइन्हे कलाँ, "तुहुरे अपन मनमे असिन काकरे सोँचतो? सहजिल का बा, यी कुँज रोग लागल मनैयाहे असिन कना, तोरिक पाप माफ होगिल," या असिन कना, "उठ्जा, अपन दरी उठा और नेगे लाग? पर मै चहथुँ कि तुहुरे जानो कि मै, मनैयक छावाहे धर्तीमे मनैनके पाप माफ करना अधिकार बा।" तब् येशू उ कुँज रोग लागल मनैयाहे कलाँ, "मै तुहिहे कहतुँ, ठरह्याजा, अपन दरी उठा और अपन घरे जा।" उ कुँज रोग लागल मनैया जुरतेहेँ ठरह्यागिल। अपन दरी उठालेहल, और वहाँसे सक्कुहुनके आघेसे बाहेर चलगिल। उहिहे देख्के सक्कु जहनहे अचम्म लग्लिन, और ओइने सक्कु जाने परमेश्वरके महिमा करलाँ और कलाँ, "हम्रे कबु फेन यिहिसे आघे असिन नै देख्ली।"
सुखल हाँथक मनैया चोखैना
एकचो फेनदोस्रे येशू एकथो यहूदिनके बैठक भवनमे गैलाँ। वहाँ एकथो मनैया रहे, जेकर हाँथ सुखल रहिस। फरिसी दलके मनै यी हेरे लग्लाँ कि येशू सुखल हाँथ रहल मनैयाहे यहूदिनके बिँसैना दिनमे चोख्वैथाँ कि नाई, ताकि ओइने हुँकारमे दोष लगाई सेकिँत। येशू उ सुखल हाँथ रहल मनैयाहे कलाँ, "आऊ, और यहाँ सक्कुहुनके आघे ठरह्याजाऊ।" फेनदोस्रे येशू कलाँ, "बिँसैना दिनमे मोशक कानुन हम्रिहिन्हे मजा करे कहत कि गलत करे कहत? केक्रो जिन्गीहे बँचाई कहत कि उहिहे मुवादेना कहत?" पर ओइने चुपागिलाँ। येशू गजब रिसाइल रहिँत, और ऊ ओइन्के चारु ओहोँर हेरलाँ, ऊ गजब दुखि होगिलाँ। काकरेकी ओइने गजब जिद्दीह्या रहिँत। तब् येशू सुखल हाँथ रहल उ मनैयाहे कलाँ, "अपन हाँथ पसारो।" ऊ अपन हाँथ आघे पसारल, और ओकर हाँथ फट्से चोखागिलिस।
कोढ़रोग लागल मनैया
जब येशू कौनो एकथो शहरमे रहिँत, तबे एकथो कोढ़ रोग लागल मनैया येशूहे देख्के हुँकार गोरामे घोपत्या होके बिन्ती करे लागल, "हे प्रभु अप्नि चहबी कलेसे महिन्हे चोख्वाई सेक्बी।" येशू अपन हाँथ पसारके, "मै चहथुँ, तुँ चोखाजाऊ" कती उहिहे छुलाँ, और जुरतेहेँ ओकर कोढ़ ओकरमेसे हटगिलिस।
कौनो मनै एकथो कुँज रोग लागल मनैयाहे दरीमे नन्लाँ, और ओइने उहिहे भित्तर नाने और हुँकार थेन धारे खोज्लाँ। पर भीड़के कारण उ मनैयाहे भित्तर येशूक थेन पुगाई नै सेक्लाँ ते ओइने छँपरक उप्पर चहुँरलाँ। और ओइने खप्टा उजारके उ मनैयाहे दरीसुन्धे झुलाके मनैनके बिच्चेमे येशूक आघे उतारदेलाँ। येशू ओइन्के विश्वास देख्के कलाँ, "ए मोरिक संघरिया तोहाँर सक्कु पाप माफ होगिल।" तब् फरिसी दलके मनै और यहूदी कानुनके गुरुनके प्रश्न करे लग्लाँ, "यी ते परमेश्वरके निन्दा करता! पाप ते परमेश्वर किल माफ करे सेक्थाँ।" पर येशू ओइन्के मनके बात बुझके कलाँ, "तुहुरे अपन मनमे असिन काकरे सोँचतो? का कना सहजिल बा, ‘तोरिक पाप माफ होगिल’ कना कि ‘उठ् और नेङ्ग’ कना? पर मै चहथुँ कि तुहुरे जानो कि मै, मनैयक छावाहे धर्तीमे मनैनके पाप माफ करना अधिकार बा।" तब् येशू उ कुँज रोग लागल मनैयाहे कलाँ, "मै तुहिहे कहतुँ, ठरह्याजा, अपन दरी उठा और अपन घरे जा।" तब् उ जुरतेहेँ ओइनेहेँन्के आघे उठल, और जोन खटियामे उ बिल्तल रहे, उहिहे उठाके परमेश्वरके महिमा कर्ती उ अपन घर ओहोँर चलगिल।
बिँसैना दिनमे रोगीहे चोखैना
बिँसैना दिनमे यहूदी बैठक भवनके भित्तर पैँठ्के येशू शिक्षा देलाँ। वहाँ एकथो मनैया रहे। ओकर दाहिन हाँथ सुखल रहिस। यहूदी कानुनके गुरु और फरिसीनके यी हेरे लग्लाँ कि येशू सुखल हाँथ रहल मनैयाहे यहूदिनके बिँसैना दिनमे चोख्वैथाँ कि नाई, ताकि ओइने हुँकारमे दोष लगाई सेकिँत। पर येशू ओइन्के नियत पता पागिलाँ। और सुखल हाँथ रहल मनैयाहे ऊ कलाँ, "आऊ, और यहाँ सक्कुहुनके आघे ठरह्याजाऊ।" तब् ऊ उठल और ठरह्यागिल। तब येशू ओइन्हे कलाँ, "मै तुहुरिन्से पुँछम, बिँसैना दिनमे मोशक कानुन हम्रिहिन्हे मजा करे कहत कि गलत करे कहत? केक्रो जिन्गीहे बँचाई कहत कि उहिहे मुवादेना कहत?" तब् सक्कु जहन चारुओहोँर हेरके येशू उ सुखल हाँथ रहल मनैयाहे कलाँ, "अपन हाँथ पसार।" ऊ अपन हाँथ आघे पसारल, और ओकर हाँथ फट्से चोखागिलिस।
कप्तानके विश्वास
अपन सक्कु बात मनैनहे सुनाके सेकके येशू कफर्नहुम नगरमे पैँठ्लाँ। सौथो सिपाहिनके एकथो रोमी कमान्डरके एकथो दुलार नोकर रहिस, जे बेमार होके मुए लागल रहे। जब येशूक बारेमे ऊ सुनल, तब् ओकर नोकरहे चोख्वादेऊ कहिके ऊ यहूदी दलके नेतनहे बिन्ती करे पठाइल। ओइने येशूक थेन अइलाँ, और असिक कहिके हुँकिन्हे बिन्ती करलाँ, "ऊ अप्निक यी दया पैना लायकके बताँ। काकरेकी ऊ हमार जातिनहे माया करथाँ, और वहे हमार बैठक भवन बनादेहल रहिँत।" येशू ओइन्के संगे गैलाँ। कमान्डरके घरक लग्गे येशू रहलमे कमान्डर अपन संघरियनहे हुँकार थेन असिक कहिके पठाइल, "हे प्रभु, दु:ख ना उठाई। काकरेकी अप्नि मोरिक घरक भित्तर अइना लायकके मै नै हुइतुँ। मै अपनहे फेन अप्निक थेन अइना लायकके नै मन्नु। पर वचन कहिदी और मोरिक नोकर चोखाजाई। काकरेकी मै फेन अख्तियारके तरे बैठुइया मनैया हुइतुँ, मोरिक अधिनमे सिपाहिन बताँ। मै एकथोहे ‘जा’ कथुँ, तब् ऊ जाइत, और दोसुरहे ‘आजा’ कथुँ तब् ऊ आइत। मोरिक नोकरहे ‘यी कर’ कथुँ और ऊ करत।" ओकर यी बात सुनके येशू उहिसे अचम्मित होगिलाँ, और घुमके अपन पाछे अइना भीड़हे कलाँ, "मै तुहुरिन्हे कहतुँ, पूरा इजरायल देशमे एकथो फेन असिन मनैया मै नै भेटैनु, जे यी दोसुर जातिक मनैयक हस मोरिकमे भरोसा करत।" जब कमान्डरके संघरियन घरे घुमके गैलाँ ते ओइने उ नोकरहे मजा हुइल भेटैलाँ।
तब वहाँ एकथो जन्नी मनैया रहे, जिहिहे अठार सालसे अपाहिज करुइया भूत्वा लागल रहिस। ऊ कुब्री होगिल रहे और ऊ सोझे होके ठरह्याई नै सेके। येशू उहिहे देख्लाँ और बलाके कलाँ, "ए नारी, तैँ अपन कुब्रीपनसे मुक्त होगिले।" तब् येशू ओकरमे अपन हाँथ धरलाँ ते ऊ जुरतेहेँ सोझ होगिल, और परमेश्वरके प्रशंसा करे लागल।
येशू एकथो फरिसीक घरेम
एकथो बिँसैना दिन येशू फरिसीनके कौनो एकथो शासकके घरेम खाना खाई गैलाँ। और फरिसीनके हुँकिन्हे महा साबधानीसे हेरतिहिँत। वहाँ एकथो मनैया रहे, जेकर हाँथगोरा सुवाइल रहिस। येशू यहूदी कानुनके गुरुनहे और फरिसीनहे पुँछ्लाँ, "मोशक नियम कानुनमे बिँसैना दिनमे मनैनहे चोख्वैना अनुमति बा कि, नै हो?" पर ओइने चुप लागल रहिगिलाँ, और येशू उ बेमार मनैयक उप्पर अपन हाँथ धारके उहिहे चोख्वादेलाँ, और येशू उहिहे पठादेलाँ।
दशथो कोढ़ रोग लागल मनै
जब येशू और हुँकार चेलनके यरुशलेम शहरमे जैना डगर नेगतिहिँत। और ओइने सामरिया प्रदेश और गालील प्रदेशके बिच्चेक सिमानासे होके जाइतिहिँत। ओइने एकथो गाउँमे पैँठतिहिँत, तब्बेहेँ दशथो कोढ़ रोग लागल मनैनसे हुँकार भेँटा होगिलिन। तब ओइने दूरे ठरह्याके येशूहे जोरसे असिके गोहरैलाँ, "हे येशू, गुरुजी हमार उप्पर दया करी।" येशू ओइन्हे देख्के कलाँ, "यरुशलेमके मन्दिरमे जाऊ, और यहूदी पुजारीनहे देखाऊ कि ओइने तुहुरिन्हे जाँचिँत कि तुहुरे चोखागिल बतो।" जैती-जैती ओइने डग्रेहेमे चोखागिलाँ। पर जब ओइन्मेसे एकथो देखल कि ऊ चोखागिल बा, तब ऊ येशूक थेन फिर्ता आइल। और महा जोरसे परमेश्वरके महिमा करे लागल; और येशूहे धन्यवाद देके ऊ येशूक गोरामे घोपत्या परगिल। उ मनैया सामरिया प्रदेशके रहे। येशू कलाँ, "का चोखैलक दश जाने नै हुइताँ? ते नौ जाने कहाँ बताँ? का यी गैर-यहूदी बाहेक घुमके आके परमेश्वरके प्रशंसा करुइया आकुर केऊ नै हुइल?" तब् येशू उहिहे कलाँ, "उठो, और अपन डगर लागो। काकरेकी तोहाँर विश्वास तुहिन्हे चोख्वैले बा।"
जल-कुण्डामे कुँज रोग लागल मनैया चोखैलक
ओकरपाछे यहूदिनके एकथो तिहुवार रहिन, और येशू गालील प्रदेशमे गैलाँ। यरुशलेम शहरमे भेँरी-दवारीक लग्गे एकथो पानीक कुण्डा बा। यी पानीक कुण्डाहे हिब्रू भाषामे बेथस्दा कहिजाइत। और यी कुण्डा आँजर पाँजरसे पाँचथो खम्बक उप्पर बनल एकथो छँपरासे घेरल रहे। ओकर आँरितिर मेरमेरके बेमार मनै आँधर, नाँगर और कुँज रोग लागल मनै पस्रल रहतिहिँत। ओइने पानी कब छल्की कहिके अँस्याइँत। काकरेकी परमेश्वरके एकथो स्वर्गदूत घनी-घनी पानीक कुण्डामे उतरके पानी हिलादेहे। और पानी छल्कती किल जे सुरुमे पानीमे जाए, जसिन रोगसे सत्वा पाइल रलेसे फेन ऊ चोखाजाए। वहाँ अरतिस सालसे बेमार रहल एकथो मनैया रहे। येशू उहिहे वहाँ पस्रल देख्लाँ। तब् नम्मा समयसे ऊ यी दशामे बा कहिके जानके येशू उहिहे पुँछ्लाँ, "का तुँ चोखैना चहथो?" उ बेमार मनैया हुँकिन्हे जवाफ देहल, "हे प्रभु, जब पानी छल्काजाइत, तब महिन्हे पानीक कुण्डामे लैजुइया मोरिक केऊ मनै नै रथाँ। मै जैतीजैती महिन्से आघे दोसुर मनैया पानीमे कुदुक जाइत।" येशू उहिहे कलाँ, "ठरह्याजाऊ, अपन दरी उठाऊ और नेँगो।" उ मनैया जुरतेहेँ चोखागिल, और अपन दरी उठाके ऊ नेगे लागल। यी यहूदिनके बिँसैना दिनमे हुइल रहे।
तब येशू गालील प्रदेशके काना नगरमे अइलाँ, जहाँ ऊ पानीहे अंगुरके रस बनाइल रहिँत। वहाँ रज्वक एकथो कर्मचारी रहे, जेकर छावा कफर्नहुम नगरमे बेमार रहिस। येशू यहूदिया प्रदेशमेसे गालील प्रदेशमे आइल बताँ कना सुनके ऊ येशूक थेन गैल, और हुँकिन्हे बिन्ती करे लागल कि "मोरिक संग जाके मोरिक छावाहे चोख्वादि।" काकरेकी ओकर छावा मुचुकल रहिस। येशू उहिहे कलाँ, "जबसम तुहुरे चिन्हा और अचम्मक काम नै देख्बो तबसम तुहुरे ख्रीष्टके रुपमे महिन्हे विश्वास नै कर्बो।" रज्वक कर्मचारी हुँकिन्हे कहल, "हे प्रभु, मोरिक छावा मुनासे आघे अप्नि आदेबी।" येशू उहिहे कलाँ, "जाऊ, तोहाँरिक छावा नै मुई।" उ मनैया येशूक कहल बातमे विश्वास करल, और वहाँसे चलगिलस। जब उ जाइबेर डग्रेहेमे पलिरहे, तब ओकर नोकरनके उहिहे भेटाके उहिहे बतैलाँ कि अप्निक छावा जित्ती पलि बा। ऊ ओइन्हे पुँछल कि कबसे उहिहे मजा लागे लग्लिस। तब ओइने उहिहे कलाँ, "काल दुपहरके एक बजेसे जुरी उहिहे छोरे लग्लिस।" तब उ लौँदक बाबा जानगिलस कि यी वहे समयसे हुइल, जोन समयमे येशू उहिहे कलाँ, "तोहाँरिक छावा नै मुई।" यी देख्के ऊ और ओकर सारा परिवार येशूकमे विश्वास करलाँ। यी येशूक दोस्रा चिन्हा रहिन जोन यहूदिया प्रदेशमेसे फिर्ता आके गालील प्रदेशमे करलाँ।
A mulher com fluxo de sangue
Uma mulher que sofria há doze anos tocou a orla do manto de Jesus e foi curada instantaneamente pela sua fé.
तब्बेहेँ बाह्र साल आघेसे खुन बहना रोग लागल एकथो जन्नी मनैया पाछेसे आके हुँकार लुग्गक झल्लर छुअल। काकरेकी उ जन्नी मनैया मनमने सोँचल रहे, "मै येशूक बाहिरी लुग्गा किल छुए सेकम कलेसे फेन मै चोखाजिम।" फिरिकसे घुमके हेरलाँ ते येशू उ जन्नीहे देख्लाँ और कलाँ, "छाई, हरेस जिन खाऊ, तुँ अपन विश्वासके कारण चोखाइल बतो।" उ जन्नी मनैया तब्बेहेँ चोखागिल।
भीड़के बिच्चेम एकथो जन्नी रहे, जिहिहे बाह्र साल आघेसे खुन बहना रोग लागल रहिस। ऊ बहुत्ते बैदनके थेन फेन गैल रहे, पर ओइने उहिहे आकुर धेउर दुःख देना बाहेक औरे कुछु नै करलाँ। ओकर थेन ज्या फेन रहिस, ऊ सक्कु खर्च कर दारल रहे। पर चोखैना छोरके ऊ आकुर जोरसे बेमार होगिल रहे। जब उ जन्नी येशूक बारेम सुनल रहे, तब्बेहेँ ऊ भीड़के बिच्चेम हुँकार पाछे आगिल, और बरे मुश्किलसे हुँकार लुग्गक झल्लर छुअल। उ जन्नी मनैया असिन यकर लग करल, काकरेकी ऊ अपनेहे कहे, "यदि मै येशूक बाहिरी लुग्गा किल छुए सेकम कलेसे फेन मै चोखाजिम।" जस्तेहेँके ऊ येशूक बाहिरी लुग्गा छुअल, ओकर खुन बहना रुकगिलिस, और ऊ जानदारल कि मै चोखागिनु।
बाह्र साल आघेसे खुन बहना रोग लागल एकथो जन्नी, जिहिहे केऊ फेन चोख्वाई नै सेकल रहिस। उ जन्नी मनैया पाछेसे आके हुँकार लुग्गक झल्लर छुअल, और जुरतेहेँ ओकर खुन बहना बन्द होगिलिस्। येशू कलाँ, "महिन्हे के छुअल?" जब सक्कु जाने नै मन्लाँ, तब् पत्रुस और ओइन्के संग रहुइयन कलाँ, "गुरुजी, भीड़के मनै अप्निहे घेरके ठेलतताँ।" पर येशू कलाँ, "केऊ महिन्हे छुअले बा, काकरेकी शक्ति मोरिकमेसे निकरके जाइत मै पता पैनु।" तब् अप्निहीँ नै नुके सेक्ना बात पता पाके उ जन्नी डरैती लग्लगैती आइल। और हुँकार आघे ठेहुनी टेकके बैठ्गिल, और ऊ हुँकिन्हे छुअल। तब् कसिके जुरतेहेँ मजा होगिल कहिके ऊ सक्कु मनैनके थेन बतादेहल। येशू उ जन्नीहे कलाँ, "छाई, तुँ अपन विश्वासके कारण चोखाइल बतो, शान्तिसे जाऊ।"
Ressurreições
Jesus ressuscitou mortos — a filha de Jairo, o filho da viúva de Naim e Lázaro. Ele é Senhor sobre a morte.
याइरसके छाई
जब येशू ओइन्हे यी बात बताइतिहिँत। तब् बैठक भवनमे एकथो शासक आइल। और आदर करके हुँकार आघे ठेहुनी टेकके बिन्ती करल, "मोरिक छाई भर्खरे मुअल, पर अप्नि आके ओकर उप्पर अपन हाँथ धारदी, ताकि ऊ चोखाजाए और जिजाए।" येशू उठ्लाँ और अपन चेलनके संग ओकर पाछे गैलाँ।
और येशू जब शासकके घरेम पुग्लाँ, ते ऊ बसिया बजुइयन और भीड़हे खैलाबैला मचाइल देख्लाँ। तब ऊ ओइन्हे कलाँ, "बाहेर जाऊ, तुहुरे असिके काकरे छाती ठठाठठाके और टोँटा फारफारके रुइतो? लौँदी अभिन मुअल नै हो, यी ते निदाइल किल बा।" असिन सुनके मनै येशूकमे हाँस देलाँ। भीड़हे निकारके सेकके ऊ भित्तर पैठ्लाँ। और उ लौँदीक हाँथ पकरलाँ ते उ लौँदी जुरुकसे उठ्गिलस।
यहूदी बैठक भवनके मुखिया फेन वहाँ आइल। ओकर नाउँ याइरस रहिस, जब येशूहे ऊ देखल ते ऊ हुँकार थेन गैल और येशूक आघे ठेहुनी टेकल। येशूहे ऊ असिक कहिके बिन्ती करल, "मोरिक छुट्की छाई मुए लागल बा। अप्नि आके ओकर उप्पर अपन हाँथ धारदी, ताकि ऊ चोखाजाए और जिजाए।" तब् येशू याइरसके संग गैलाँ। बहुत्ते जाने हुँकार संग गैलाँ, और हुँकार चारु ओहोँर भीड़ लगाइतिहिँत।
तब् ओइने यहूदी बैठक भवनके मुखिया याइरसके संग ओकर घर गैलाँ, और ओइने देख्लाँ कि मनै अपन छाती ठठाठठाके और टोँटा फारफारके रुइतिहिँत। तब् येशू भित्तर गैलाँ, और ओइन्हे कलाँ, "तुहुरे असिके काकरे अपन छाती ठठाठठाके और टोँटा फारफारके रुइतो?" लौँदी अभिन मुअल नै हो, यी ते निदाइल किल बा। असिन सुनके मनै येशूकमे हाँस देलाँ। पर ऊ ओइन् सक्कुहुनहे घरेमेसे बाहेर पठादेलाँ। येशू उ लौँदीक दाईबाबा और उ तीनथो चेलनहे अपन संग लैगिलाँ, जेने हुँकार संग रहिँत। और ओइने वहाँ गैलाँ जहाँ लौँदी सुतल रहे। येशू ऊ बाह्र सालके लौँदीहे हाँथेम लेलाँ और कलाँ, "तालिता कूमी!" जेकर मतलब हुइत, "बाबु मै तुहिन्हे कहतुँ, उठ्जाऊ!" लौँदी जुरुकसे उठ्गिलस और यहोँरओहोँर नेगे लागल, काकरेकी ऊ बाह्र सालके रहे। जोन मनै यी देख्लाँ, ओइने गजब अचम्म मन्लाँ।
येशू कलाँ, "यी पुस्ताके मनैनहे मै किहिसे तुलना करुँ? ओइने का हस बताँ? यी ते बजारमे खेलुइया छुटीछुटी लरकन हस हो, जे एकदोसुर जहनहे बलैथाँ और कथाँ, ‘हम्रे तुहुरिन्के लग खुशीक बाजा बजैली, पर तुहुरे नै नच्लो। हम्रे रुवैना गीत गैली, पर तुहुरे नै रुइलो।’ यूहन्ना डुब्कि देहे आइल, और ऊ ना ते रोटी खाए, ना अंगुरके रस पिए। तुहुरे उहिहे भूत्वा लागल बतिस कथो। मै, मनैयक छावा खैती और पिटी अइनु। तब ओइने कथाँ, ‘हेरो, दलिद्रा, मदुवा, कर उठुइया और पापीनके संघरिया!’ पर परमेश्वरके ज्ञान उ मनैनके जीवनमे सहि बिल्गाइत, जे उ ज्ञानके पालन करत।"
पापी जन्नीहे माफ हुइलक
फरिसीनमेसे एक जाने येशूहे खाना खैना नेउँता देहल, और ऊ वहे फरिसीक घरेम जाके खाई बैठ्लाँ। उ नगरमे एकथो जन्नी मनैया रहे, जे छिनार काम करके पापके जीवन बिताइतेहे। जब ऊ पता पाइल कि येशू फरिसीक घरेम खाना खाई बैठल बताँ। तब् उ जन्नी मनैया एकथो सिंगमरमर नाउँक पठरालेके बनल शीशीमे शुद्ध बहुमूल्य महँकना तेल लेके घरेक भित्तर आइल।
याइरस नाउँक एकथो यहूदी बैठक भवनके शासक आके येशूक गोरामे परल, और ओकर घरेम अइहो कहिके हुँकिन्हे बिन्ती करल। काकरेकी बाह्र साल पुगल ओकर एक्केथो किल छाई रहिस। और ऊ मुए लागल रहिस। येशू जाइबेर भीड़के मनै हुँकिन्हे ढक्का मुक्का करतिहिँत।
येशू बोल्ती रहिँत, तब्बेहेँ यहूदी बैठक भवनके मुखिया याइरसके घरेसे एकथो मनैया आपुगल। और उहिहे कहल, "अप्निक छाई मुसेकल बा! गुरुहे आब आकुर आफत करना जरुरी नै हो।" पर येशू यी सुनके याइरसहे कलाँ, "जिन डराऊ, मोरिकमे विश्वास किल करो और ऊ चोखाजाई।" जब येशू घरेम पुग्लाँ तब् येशू पत्रुस, याकूब, यूहन्ना और लौँदीक बाबा और दाईहे बाहेक औरे किहुहे फेन हुँकार संग भित्तर आई नै देलाँ। सक्कु जाने छाती ठठाठठाके और टोँटा फारफारके रुइतिहिँत। पर येशू ओइन्हे कलाँ, "तुहुरे असिके काकरे छाती ठठाठठाके और टोँटा फारफारके रुइतो? ना रोऊ, लौँदी अभिन मुअल नै हो यी ते निदाइल किल बा।" ऊ मुगिल बा कना जानके मनै येशूकमे हाँस देलाँ। पर येशू ओकर हाँथ पकरके असिक कहिके बोल्करलाँ, "बाबु, मै तुहिन्हे कहतुँ, उठ्जाऊ!" तब् ओकर ज्यान घुमके आगिलिस, और उ लौँदी जुरुकसे उठ्गिलस। और लौँदीहे कुछु खाई देऊ, कहिके येशू ओकर दाईबाबाहे आज्ञा देलाँ। ओकर दाई-बाबाहे अचम्म लग्लिन। पर ज्या हुइल रहे, उ किहुहे ना बतैहो कहिके येशू उ लौँदीक दाईबाबाहे कड़ा चेतावनी देलाँ।
लाजरसके मृत्यु
लाजरस नाउँक एकथो मनैया बेमार हुइल रहे। ऊ मरियम और ओकर दिदी मार्थक गाउँ बेथानिया गाउँक रहे। यी वहे मरियम हो, जे पाछे प्रभुक गोरामे बहुमूल्य महँकना तेल लगाइल रहे। यक्रेहे भैया लाजरस बेमार रहे। यी दुईजाने दिदीन मार्था और मरियम येशूक थेन असिक कहिके समाचार पठैलाँ, "प्रभु, जिहिहे अप्नि माया कर्थी, उ बेमार बा।" पर यी सुनके येशू कलाँ, "यी बेमार मृत्युमे नै पुगाई, पर यी परमेश्वरके महिमक लग हो, ताकि यिहिसे मै, परमेश्वरके छावक महिमा होए।" येशू मार्थाहे, ओकर बाबुहे और लाजरसहे माया करिँत्। तभुन फेन लाजरस बेमार बा कना सुनके येशू जहाँ रहिँत, आकुर दुई दिन वहैँ बैठ्लाँ। दुई दिन पाछे येशू अपन चेलनहे कलाँ, "लेऊ, आब हम्रे फेनदोस्रे घुमके यहूदिया प्रदेशमे जाई।" चेलनके येशूहे कलाँ, "गुरुजी, भर्खरे यहूदी दलके नेतन अप्निहे पठरालेके मारे खोजल रहिँत, और का तभुन फेन अप्नि वहाँ जैबी?" येशू जवाफ देलाँ, "का दिनमे बाह्र घण्टा नै रहत? दिनके घुमफिर करुइयाहे ठेस नै लागत, काकरेकी ओइने यी संसारके ओजरार देख्थाँ। पर रातके नेङघुम करुइयाहे ठेस लागत, काकरेकी उ मनैयकमे ओजरार नै रहत।" ओकरपाछे येशू ओइन्हे कलाँ, "हमार संघरिया लाजरस निदाइल बताँ, पर मै हुँकिन्हे निंदेमेसे जगाई वहाँ जैम।" चेलनके येशूहे कलाँ, "प्रभु, ऊ निदाइल बताँ कलेसे चोखाजिहीँ।" येशू ओकर मृत्युक बारेमे कले रहिँत, पर ओइने स्वाभाविक निंदके बारेमे कलाँ कहिके सोच्लाँ। तब येशू ओइन्हे फरछ्वारसे कहिदेलाँ, "लाजरस मुअल बताँ।
Domínio sobre a natureza
Jesus acalmou a tempestade, andou sobre as águas e multiplicou pães. A natureza obedece à voz do seu Criador.
येशू आँधीहे शान्त पर्लक
येशू लाउमे चहुँरलाँ ते, हुँकार चेलनके हुँकार पाछे लागगिलाँ। एकफाले समुन्दरमे बरवार आँधी आइल, लाउमे उप्पर उप्परसम पानीक छल्का मारे लागल। लाउ पानीलेके भरे लागल रहे। येशू भर निदाइल रहिँत। चेलनके आके असिक कती जगैलाँ, "बँचाई प्रभु! हम्रे डुबे लग्ली।" येशू ओइन्हे कलाँ, "अल्पविश्वासी मनै, तुहुरे काकरे डरैथो?" तब् उठ्के ऊ आँधी और समुन्दरहे घघोट्लाँ। और आँधी बिरकुल शान्त होगिल। तब चेलनके अचम्ममे परगिलाँ। और कलाँ, "यी कसिन सिन मनैया हुइँत। काकरेकी आँधी और समुन्दर फेन हिँकार आज्ञा मन्थाँ।"
संझा हुइल ते येशूक चेलनके हुँकार थेन आके कलाँ, "यी ते सुनसान ठाउँ बा, और पैलेहेँ बहुत बेर होसेकल बा। मनैनहे फिर्ता पठादी ताकि ओइने आँजरपाँजरके बजार और गाउँमे जाँइत, और अपन लग खैनक बन्दोबस्त करे सेकिँत।" पर येशू ओइन्हे कलाँ, "ओइन्हे जैना जरुरी नै हो। तुहुरेहे यनहे खाई देऊ।" ओइने हुँकिन्हे कलाँ, "यहाँ हमार थेन पाँचथो रोटी और दुईथो मच्छी किल बताँ।" तब् येशू कलाँ, "उहिहे मोरिक थेन नानो।" ऊ भीड़हे घाँसमे बैठे कलाँ, और उ पाँचथो रोटी और दुईथो मच्छी लेलाँ। उप्पर स्वर्ग ओहोँर हेरलाँ, और परमेश्वरहे धन्यवाद देलाँ। ऊ रोटीहे खन्टैलाँ और मनैनहे बाँटक लग चेलनहे देलाँ। और चेलनके मनैनहे बँट्लाँ। ऊ सक्कु जाने जतरा मन रहिन, ओत्रा सक्कु जाने खैलाँ, और अघागिलाँ। जब सक्कु जाने खाना खासेक्लाँ और खन्टैलक उब्रल रोटी और मच्छी चेलनके जमा करलाँ ते उ बाह्र छिट्वा रहे। जन्नी मनै और लरकनहे छोरके खउइयन लगभग पाँच हजार थारु मनै रहिँत।
भिन्सारके तीन बजे ओहोँर ऊ समुन्दरके उप्पर नेंग्ती ओइन्के थेन अइलाँ।
येशू चार हजार जहनहे खवैलाँ
तब् येशू अपन चेलनहे अपन थेन बलाके कलाँ, "यी भीड़हे देख्के महिन्हे सोग लागता। काकरेकी यने मोरिक संग रलक आज तीन दिन होगिल बतिन। और यनके थेन खाइक लग कुछु नै हुइतिन। यनहे भुँख्ले पठैना मै नै चहथुँ। यदि मै यनहे बिना खवैले भुँख्ले घरे पठैम कलेसे यने डगरमे बेहोस होजिहीँ।" चेलनके हुँकिन्हे कलाँ, "अतरा भारी भीड़हे यी सुनसान ठाउँमे खवाइक लग हम्रे अतरा धेउर रोटी कहाँसे भेटाबी?" येशू ओइन्हे पुँछ्लाँ, "तुहुरिन्के थेन कैथो रोटी बा?" चेलनके जवाफ देलाँ, "सातथो रोटी और थोरचे छुटी-छुटी मच्छी बताँ।" तब् येशू मनैनहे भुइयाँमे बैठे कलाँ। ऊ सातथो रोटी और मच्छी लेलाँ। और परमेश्वरहे धन्यवाद देके रोटीहे खन्टैलाँ। और मनैनहे बाँटक लग चेलनहे देलाँ। तब् चेलनके मनैनहे बँट्लाँ। ओइने सक्कु जाने खैलाँ, और अघागिलाँ। ओकरपाछे खन्टैलक उब्रल रोटी ओइने सात छिट्वा उठैलाँ। जन्नी मनै और लरकन छोरके खउइयन चार हजार थारु मनै रहिँत।
मन्दिरके कर
जब ओइने कफर्नहुम नगरमे अइलाँ। तब मन्दिरके कर उठुइयन पत्रुसके थेन आके कलाँ, "का तुहुरिन्के गुरु मन्दिरके कर नै तीर्थाँ?" ऊ कहल, "हाँ, तीर्थाँ।" पत्रुस घरेम पैँठ्तिकिल येशू सुरुएमे उहिहे पुँछ्लाँ, "सिमोन, तोहाँर का विचार बा? पृथ्वीक रज्वन महसूल या कर किहिसे उठैथाँ? अपन छावनसे कि दोसुर जहनसे?" पत्रुस कहल, "दोसुर जहनसे," येशू उहिहे कलाँ, "ओसिक हो कलेसे ते छावन भर छुट भेटैना ठहरल। पर ओइने हम्रिहिन्से बकबक ना करिँत् कहिके, समुन्दरमे जाके बन्सी लगाऊ और सुरुमे फँसल मच्छी नानो। ओकर मुह खोल्बो ते तुँ चाँदीक सिक्का भेटैबो। उ लैजाके तोहाँर और मोरिक सताहामे ओइन्हे दैदेहो।"
अञ्जीरके रुख्वा
बेहानके नगरमे फिर्ता आइबेर येशूहे भुँख लागगिलिन। डगरके आँरितिर ऊ एकथो अञ्जीरके रुख्वा देख्लाँ। येशू उ रुख्वक लग्गे गैलाँ, पर ओम्ने पटिया बाहेक आउर कुछु नै भेटैलाँ। तब् ऊ उहिहे कलाँ, "आबसे तोरिकमे कबु फारा ना फरे" और उ अञ्जीरके रुख्वा जुरतेहेँ कुल्मुलागिल। यी देख्के चेलनके अचम्ममे परके कलाँ, "यी अञ्जीरके रुख्वा कसिके जुरतेहेँ कुल्मुलागिल?" येशू जवाफ देके ओइन्हे कलाँ, "जात्तिके, मै तुहुरिन्हे कहतुँ, तुहुरिन्केमे विश्वास बा, और कबु शंखा नै करबो कलेसे, अञ्जीरके रुख्वाहे ज्या करगिलस। ओत्रा किल नै हो। पर यी पहाड़हे फेन ‘उँखरके समुन्दरमे गिरजा’ कबो कलेसे वहे होजाई। विश्वास करके प्राथनामे ज्या मंग्बो, उ तुहुरे भेटैबो।"
येशू लाउक पाछेक हिस्सामे सिरहन्नी धारके सुते लग्लाँ। एकफाले बरवार आँधी आइल, और लाउक उप्पर उप्परसम पानीक छल्का मारे लागल। और लाउ पानीलेके भरे लागल रहे। तब चेलनके येशूहे जगैलाँ, और कलाँ, "गुरुजी, लाउ डुबे लागल, और हम्रे फेन डुब जैबी! अप्निहे कुछु वास्ता नै हो?" येशू जग्लाँ, तब् ऊ आँधी और छल्काहे घघोट्लाँ, और समुन्दरहे कलाँ, "शान्त होजा! वहैँ रुक्जा!" आँधी और छल्का थमगिल, और वहाँ शान्त होगिल। तब् येशू चेलनसे पुँछ्लाँ, "तुहुरे अतरा काकरे डराइल बतो? का तुहुरिन्हे अभिन फेन विश्वास नै हो?" पर ओइने गजब डरागिलाँ, और एकदोसर जहनसे कहे लग्लाँ, "यी कसिन मनैया हुइँत? यी ते आँधी और छल्काहे फेन अपन कब्जामे करलेथाँ!"
संझक हुँकार चेलनके हुँकार थेन आके कलाँ, "यी एकथो सुनसान ठाउँ बा, और आग्गिहीँ बहुत बेर होसेकल बा। मनैनहे फिर्ता पठादी ताकि ओइने आँजरपाँजरके बजार और गाउँमे जाँइत, और अपन लग खैनक बन्दोबस्त करे सेकिँत।" पर येशू कलाँ, "तुहुरे ओइन्हे खाइक लग देऊ।" ओइने पुँछ्लाँ, "का हम्रे दुई सौ चाँदीक सिक्का देके रोटी किनी और यनहे खवाई?" तब् येशू ओइन्हे पुँछ्लाँ, "तुहुरिन्के थेन कैथो रोटी बा? जाके हेरो।" जब ओइने खोज्लाँ और येशूहे बतैलाँ, "पाँचथो रोटी और दुईथो मच्छी बताँ।" तब् येशू अपन चेलनहे कलाँ, "मनैनहे हरियर घाँसमे पहाँटिक पहाँट बैठादेऊ।" तब् मनै सौ-सौ और पचास-पचासके पहाँट बनाके बैठ्लाँ। तब् येशू पाँचथो रोटी और दुईथो मच्छी लेलाँ, उप्पर स्वर्ग ओहोँर हेरलाँ, और परमेश्वरहे धन्यवाद देलाँ। ऊ रोटीहे खन्टैलाँ, और मनैनहे बाँटक लग चेलनहे देलाँ। येशू मच्छी फेन बाँटदेलाँ ताकि सक्कु जाने भेटाई सेकिँत। उ सक्कु जाने जतरा मन रहिन, ओत्रा खैलाँ और अघागिलाँ। जब सक्कु जाने खाना खाके सेक्लाँ, और खन्टैलक उब्रल रोटी और मच्छी चेलनके जमा करलाँ ते उ बाह्र छिट्वा रहे। जेने रोटी खैलाँ, ओइने पाँच हजार जाने रहिँत। ओइने जन्नी और लरकनहे नै गिनित।
येशू देख्लाँ कि चेलनके महा समस्यामे बताँ, ओइने लाउ आघे बह्राइक लग संघर्ष करतिहिँत। काकरेकी बयाल ओइन्के उल्टा ओहोँरसे बहतिहिन। येशू भिन्सरहीँ समुन्दरमे नेंग्ती ओइन्के थेन अइलाँ। असिन लागतेहे कि ऊ ओइन्से आघे निक्रे चाहतताँ। जब चेलनके येशूहे समुन्दरमे नेगत देख्लाँ ते ओइने चिल्लाई लग्लाँ, काकरेकी ओइने सोच्लाँ कि ऊ भूत्वा हो। जब ओइने येशूहे देख्लाँ ते ओइने सक्कु जाने घब्रागिल रहिँत। तब्बेहेँ येशू ओइन्हे कलाँ, "सँस्सा करो, यी मै हुइतुँ, ना डराऊ।" तब् येशू ओइन्के संग लाउमे चहुँरलाँ, और बयाल एकदम शान्त होगिल। चेलनके गजब अचम्मित होगिलाँ।
येशू चार हजार जहनहे खवैलाँ
एक दिन फेनदोस्रे बहुत्ते मनै येशूक थेन अइलाँ। और हुँकार चारु ओहोँर जमा होगिलाँ। जब मनैनके थेन वहाँ खाइक लग कुछु नै बच्लिन। तब येशू अपन चेलनहे अपन थेन बलैलाँ। और ओइन्हे कलाँ, "यी मनै पैलेहेँ तीन दिनसे मोरिक संग बताँ। जोन खाना यने अपन संग नानल रहिँत। उ फेन ओरागिल बतिन। तबेकमारे महिन्हे यनहे देख्के सोग लागता। यनमेसे बहुत जाने दूर दूरके ठाउँसे आइल बताँ। यदि मै यनहे बिना खवैले भुँख्ले घरे पठैम कलेसे यने डग्रेहेमे बेहोस होजिहीँ।" येशूक चेलनके हुँकिन्हे कलाँ, "यी सुनसान ठाउँमे हम्रे अतरा धेउर मनैनहे खवाइक लग अतरा धेउर रोटी कहाँसे नानी?" येशू ओइन्हे पुँछ्लाँ, "तुहुरिन्के थेन कैथो रोटी बा?" चेलनके जवाफ देलाँ, "सातथो रोटी" तब् येशू मनैनहे भुइयाँमे बैठे कलाँ। सातथो रोटी ऊ लेलाँ और परमेश्वरहे धन्यवाद देलाँ, रोटीहे खन्टैलाँ और मनैनहे बाँटक लग चेलनहे देलाँ, और चेलनके ओस्तेहेँ करलाँ। ओइन्के थेन थोरचे छुटी-छुटी मच्छी फेन रहिन। येशू ओकर लग फेन परमेश्वरहे धन्यवाद देलाँ, और चेलनहे उ फेन बाँटक लग कलाँ। मनै खैलाँ और अघागिलाँ, ओकरपाछे खन्टैलक उब्रल रोटी और मच्छी चेलनके सात छिट्वा भरके जमा करलाँ। उ दिन वहाँ लगभग चार हजार मनै रहिँत। तब् खाके सेक्लाँ ते उ सक्कुहुनहे येशू ओइन्के घरे पठादेलाँ।
मन्दिरमे येशू
दोसुर दिन, जब ओइने बेथानिया गाउँमेसे फिर्ता आइतिहिँत, तब येशूहे भुँख लागगिलिन। ऊ दूरेसे हरियर पटियालेके भरल एकथो अञ्जीरके रुख्वा देख्लाँ। तबेकमारे येशू यी हेरक लग अञ्जीरके रुख्वक लग्गे गैलाँ ताकि ओम्ने कौनो फारा मिलजाए। पर जब ऊ ओकर लग्गे गैलाँ ते हुँकिन्हे ओकर पटिया किल मिल्लिन। काकरेकी यी अञ्जीरके रुख्वक फारा देना ठिक समय नै रहे। येशू ऊ रुख्वाहे कलाँ, "आबसे तोरिकमे कबु फेन फारा नै फरी।" और हुँकार चेलनके हुँकिन्हे असिके कहत सुन्लाँ।
विश्वासके शक्ति
दोसुर बेहानके जब येशू और हुँकार चेलनके यरुशलेम शहर ओहोँर फिर्ता जाइतिहिँत। तब ओइने अञ्जीरके रुख्वा देख्लाँ, जिहिहे येशू सरापल रहिँत। उ रुख्वा जरब्वँट्टीसे सुखगिल रहे। तब् पत्रुसहे अञ्जीरके रुख्वाहे येशूक कलक उ बात याद अइलिस। और ऊ येशूहे कहल, "गुरुजी, हेरी, जोन अञ्जीरके रुख्वाहे अप्नि सराप देहल रही, उ ते सुखागिल बा।" येशू अपन चेलनहे जवाफ देलाँ, "विश्वास करो कि जोन तुँ माँगल बतो, परमेश्वर उ करदिहीँ। जात्तिके मै तुहुरिन्हे कहतुँ, ‘तुहुरे यी पहाड़हे कहे सेक्बो, उँखरके समुन्दरमे गिरजा’ और ओस्तेहेँ होजाई। पर अपन मनमे शंखा नै करहो, कि असिन हुई। बेन विश्वास करो कि जोन ऊ माँगल बा, परमेश्वर ऊ करदिहीँ, तब् परमेश्वर ओकर लग करदिहीँ। तबेकमारे मै कहतुँ, जब तुहुरे प्राथना करथो और कुछु मंग्थो, ते यी विश्वास करहो कि ऊ तुहुरिन्हे पक्कै मिली, और ज्या फेन तुहुरे मंग्बो, परमेश्वर तुहुरिन्हे दिहीँ। पर जब तुहुरे प्राथना करबो, तब् तोहाँर मनमे केक्रो विरोधमे रिसिबी बा कलेसे उहिहे माफ करबो कलेसे स्वर्गमे रहुइया बाबा फेन तुहुरिन्के पापहे माफ करदी।
सुरुक चेलनके
मनै परमेश्वरके वचन सुनक लग हुँकार चारुओहोँर ठेलमठेल करतिहिँत, और येशू गनेसरेत तलुवक आँरितिर ठरह्याइल रहिँत, तब असिके हुइल। ऊ समुन्दरके आँरितिर दुईथो लाउ देख्लाँ, पर मच्छी मरुइयन लाउसे बाहेर बैठके अपन मच्छी मरना जाल धुइतिहिँत। उ दुईथो लाउमेसे एकथो लाउ सिमोनके रहे। ओम्ने चहुँरके येशू लाउहे आँरितिरसे थोरचे दूर लैजाई कलाँ। ऊ लाउमे बैठके भीड़हे शिक्षा देहे लग्लाँ। जब ऊ भीड़के मनैनसे बात बत्वाके सेक्लाँ ते सिमोनहे कलाँ, "लाउहे गहिँर ओहोँर लैजाके मच्छी मारक लग अपन जाल लब्दाऊ।" पर सिमोन येशूहे कहल, "हे गुरुजी, हम्रे रातभर मेहनत करके फेन कुछु नै भेटैली, तभुन फेन अप्नि असिक करे कहती कलेसे मै जाल लब्दैम।" जब पत्रुस और ओकर संघरियन जाल लब्दैलाँ ते ओइने बहुत्ते मच्छी छोपलेलाँ, और ओइन्के मच्छी मरना जाल फाटे लग्निन। ओइने दोसुर लाउमे रहल संघरियनहे आके सहयोग करिँत कहिके गोहराई लग्लाँ, और आके ओइने दुनु लाउमे मच्छी भरलाँ, यहाँसम कि लाउ डुब्ना हस होगिल। तब यी देख्के येशूक गोरामे घोपत्या होके सिमोन पत्रुस कहल, "हे प्रभु, महिन्से दूर होजाई, काकरेकी मै पापी मनैया हुइतुँ।" अतरा धेउर मच्छी मारल देख्के ऊ और ओकर संगे रहुइयन सक्कु जाने महा अचम्म मन्लाँ। सिमोन पत्रुसके संघरियन याकूब और यूहन्ना जेने जब्दियक छावन रहिँत, ओइन्हे फेन अचम्म लग्लिन। तब येशू सिमोनहे कलाँ, "जिन डराऊ, आबसे तुँ मोरिक चेला हुइक लग मनैनहे जमा करैबो।" और जब ओइने अपन लाउ धिक्वामे नन्लाँ, ओइने सक्कु चिज छोरदेलाँ, और हुँकार पाछे लागगिलाँ।
येशू आँधीहे शान्त परलाँ
एक दिन जब साहिँजुन होगिल रहे। तब येशू अपन चेलनहे कलाँ, "चोलो, गालील समुन्दरके उपार जाई।" तब् ओइने लाउमे चहुँरके चलगिलाँ। लाउमे जाइबेर येशू निदागैलाँ। समुन्दरमे बरवार आँधी आई लागल। और ओइन्के लाउ पानीलेके भरे लग्लिन्। ओइने आफतमे परगिलाँ। तब् ओइने येशूक लग्गे आके हुँकिन्हे जगैलाँ, "गुरुजी, गुरुजी, हम्रे डुबे लग्ली।" येशू उठ्के आँधी और तेज छल्काहे घघोट्लाँ ते छल्का थमगिल, और आँधी बिरकुल शान्त होगिल। येशू ओइन्हे कलाँ, "तुहुरिन्के विश्वास कहाँ गिल?" ओइने डरागिलाँ, और ओइन्हे अचम्म लग्लिन। और आपसमे कहे लग्लाँ, "यी के हुइताँ? आँधी और समुन्दरहे फेन अह्रैथाँ और ओइने हिँकार आज्ञा मन्थाँ।"
येशू आँधीहे शान्त परलाँ
एक दिन जब साहिँजुन होगिल रहे। तब येशू अपन चेलनहे कलाँ, "चोलो, गालील समुन्दरके उपार जाई।" तब् ओइने लाउमे चहुँरके चलगिलाँ। लाउमे जाइबेर येशू निदागैलाँ। समुन्दरमे बरवार आँधी आई लागल। और ओइन्के लाउ पानीलेके भरे लग्लिन्। ओइने आफतमे परगिलाँ। तब् ओइने येशूक लग्गे आके हुँकिन्हे जगैलाँ, "गुरुजी, गुरुजी, हम्रे डुबे लग्ली।" येशू उठ्के आँधी और तेज छल्काहे घघोट्लाँ ते छल्का थमगिल, और आँधी बिरकुल शान्त होगिल। येशू ओइन्हे कलाँ, "तुहुरिन्के विश्वास कहाँ गिल?" ओइने डरागिलाँ, और ओइन्हे अचम्म लग्लिन। और आपसमे कहे लग्लाँ, "यी के हुइताँ? आँधी और समुन्दरहे फेन अह्रैथाँ और ओइने हिँकार आज्ञा मन्थाँ।"
भूत्वा लागल मनैया
येशू और हुँकार चेलनके गेरासेनसके प्रदेशमे आपुग्लाँ, जोन गालील प्रदेशके उपार बा।
आब उ दिन संझक हुँकार बाह्रथो चेलनके हुँकार थेन आके कलाँ, "मनैनहे फिर्ता पठादी ताकि ओइने आँजरपाँजरके बजार और गाउँमे जाँइत। और अपन खैनक लग और बैठक लग बन्दोबस्त करे सेकिँत। काकरेकी यहाँ हम्रे सुनसान ठाउँमे बती।" पर येशू ओइन्हे कलाँ, "तुहुरेहे यनहे खाई देऊ।" तब् ओइने कलाँ, "हमार थेन ते पाँचथो रोटी और दुईथो मच्छी किल बताँ, नै हुई कलेसे हम्रे जाके यी सक्कु मनैनके लग खाना किने परी।" ओइने लगभग पाँच हजार जाने सम् थारु मनै रहिँत। तब् येशू अपन चेलनहे कलाँ, "ओइन्हे पचास-पचास जहनके पहाँटमे बैठाऊ।" ओइने ओस्तेहेँक करलाँ और सक्कुहुनहे बैठैलाँ। तब् येशू उ पाँचथो रोटी और दुईथो मच्छी लेलाँ, उप्पर स्वर्ग ओहोँर हेरलाँ और परमेश्वरहे धन्यवाद देलाँ। ऊ रोटीहे खन्टैलाँ और मनैनहे बाँटक लग चेलनहे देलाँ। तब् सक्कु जाने जतरा मन रहिन ओत्रा सक्कु जाने खैलाँ और अघागिलाँ। जब सक्कु जाने खाना खाके सेक्लाँ, और खन्टैलक उब्रल रोटी और मच्छी चेलनके जमा करलाँ ते उ बाह्र छिट्वा रहे।
काना नगरमे भोजक खुशियाली
तब तेसर दिन गालील प्रदेशके काना नगरमे केक्रो भोज रहे। येशूक दाई फेन वहाँ रहिन। येशूहे और हुँकार चेलनहे फेन भोजमे नेउँता देगिल रहिन। जब अंगुरके रस ओरागिल तब् येशूक दाई हुँकिन्हे कलिन, "ओइन्के थेन रहल अंगुरके रस ओरागिल बतिन।" येशू उहिहे कलाँ, "हेर दाई, महिन्हे तैँ काकरे बताइते? ख्रीष्टके रुपमे चिन्हाजिना मोरिक समय अभिन नै आइल हो।" पर हुँकार दाई गाउँक किसन्वनहे कलिन, "ऊ ज्या कही तुहुरे वहे करहो।" आब यहूदिनके धार्मिक चलन अनुसार हाँथ धुइना चलन रहिन। असिक करक लग वहाँ पठरक छेथो गग्री धारल रहे, प्रत्येक गग्रीमे लगभग एक सौ लिटर अँताए। येशू गाउँक किसन्वनहे कलाँ, "गग्रीमे पानी भरो।" तब ओइने गग्रीक मोहँकरसम् पानीलेके भरदेलाँ। तब येशू गाउँक किसन्वनहे कलाँ, "यम्नेमेसे थोरचे पानी निकारके भल्मन्सक थेन लैजाऊ।" तबेकमारे गाउँक किसन्वन ओस्तेहेँ करलाँ जस्तेके येशू कलाँ। जब भोजे मनिक भलमन्सा उ पानी चिखल, जोन आब अंगुरके रसमे बदलगिल रहे। और भलमन्साहे पता नै रहिस कि अंगुरके रस कहाँसे आइल। पर गाउँक किसन्वनहे पता रहिन। तब् गाउँक भलमन्सा दुल्हाहे बलाके कहल, "हरेक घरगोस्यन पहिले सक्कुहुनसे मजा अंगुरके रस देथाँ। और जब पिके मनैनके हौस बतैथिन, तब ओइने सस्ता अंगुरके रस देथाँ। पर अप्नि ते मजा अंगुरके रस अभिनसम बँचाके धारल बती।" गालील प्रदेशके काना नगरमे येशू अपन सुरुक चमत्कारके काम देखाके अपन महिमा प्रकट करलाँ। तब् हुँकार चेलनके हुँकारमे विश्वास करलाँ।
ऊ फिलिपके जाँच करक लग यी कहल रहिँत, काकरेकी ऊ ज्या करे जाइतिहिँत, ओकर बारेमे हुँकिन्हे पता रहिन। फिलिप हुँकिन्हे जवाफ देहल, "प्रत्येक जाने थोर-थोरचे भेटैलेसे फेन दुई सौ चाँदीक सिक्कक रोटीसे ओइन्हे नै पुग्हीन।" हुँकार चेलनमेसे एकथो, सिमोन पत्रुसके भैया अन्द्रियास कहल, "यहाँ एकथो लौँदा बा, ओकर थेन जौक पाँचथो रोटी और दुईथो मच्छी बतिस। पर अतरा धेउर जहनके लग अतरासे का पुगी काहुँ?" येशू कलाँ, "मनैनहे बैठे लगाऊ।" वहाँ बहुत्ते घाँस रहल डँरवा रहे। तब् लगभग पाँच हजार थारु मनै वहाँ बैठ्लाँ। तब् येशू रोटी लेलाँ और परमेश्वरहे धन्यवाद चह्राके सेकके घाँसमे बैठल मनैनहे बाँटदेलाँ, और ओस्तेके मच्छी फेन बाँटदेलाँ। ओइने चाहल जतरा खैलाँ। और जब ओइने पेटभर खाके सेक्लाँ ते येशू अपन चेलनहे कलाँ, "खन्टैलक रोटीक उब्रल खण्टा बिटोरो और कुछु खराब ना होए।" खउइयनके उब्रलक जौक उ पाँचथो रोटीक खण्टा ओइने बिटोरलाँ और बाह्र छिट्वा भरलाँ।
पाँच-छे किलोमिटर लाउ चलाके सेक्लाँ ते ओइने येशूहे समुन्दरके उप्पर नेंग्ती लाउक लग्गे आइत देख्लाँ, तब् ओइने डरागिलाँ। पर येशू ओइन्हे कलाँ, "यी मै हुइतुँ, ना डराऊ।" ओइने हुँकिन्हे खुशीसे लाउमे बैठैलाँ, और यकरपाछे लाउ उ ठाउँमे पुगगिल, जहाँ ओइन्हे जाई परना रहिन।
येशू सातथो चेलनके थेन देखा पर्लक
ओकरपाछे तिबेरियास समुन्दरके आँरितिर जेकर दोसुर नाउँ गालील समुन्दर हो। वहाँ येशू अपनहे चेलनके आघे देखा परैलाँ। और यी असिके हुइलस: सिमोन पत्रुस, दिदुमस कना थोमा, गालील प्रदेशके काना नगरके नथानेल, जब्दियक दुईथो छावन और हुँकार चेलनमेसे आकुर दुई जाने एक्के संग जमा हुइल रहिँत। सिमोन पत्रुस ओइन्हे कहल, "मै ते फेनदोस्रे मच्छी मारे जाइतुँ।" ओइने उहिहे कलाँ, "हम्रे फेन तोहाँरिक संग अइबी।" तब ओइने वहाँसे निकरके लाउमे चहुँरलाँ, पर उ रात ओइने एक्को मच्छी मारे नै सेक्लाँ। दोसुर दिन बेहान हुई लागल रहे, येशू आँरितिर ठरह्यागिलाँ। तभुन फेन चेलनके उ येशूए हुइताँ कहिके नै चिहिन्लाँ। येशू ओइन्हे कलाँ, "हे मोरिक संघरियन! तुहुरे कतराचे मच्छी मर्लो?" ओइने हुँकिन्हे जवाफ देलाँ, "एक्को नै।" येशू ओइन्हे कलाँ, "जाल लाउक दाहिन ओहोँर फेँकाऊ, तब् भेटैबो।" तब् ओइने जाल फेँकैलाँ ते ओइन्हे अतरा धेउर मच्छी मिल्लिन कि ओइने जालहे ताने नै सेक्लाँ। जिहिहे येशू प्रेम करिँत् वहे चेला पत्रुसहे कहल, "ऊ ते प्रभु हुइँत।" जब सिमोन पत्रुस यी सुनल कि ऊ प्रभु हुइँत, तब ऊ अपन उ लुग्गा घाललेहल, जोन लुग्गा ऊ मच्छी मारेबेर खोलके धारल रहे। ऊ येशूहे भेँटा करक लग पानीमे कुड्गल। पर दोसुर चेलनके लाउमे बैठके मच्छीलेके भरल जालहे पानीमे सहजिलसे तन्ति अइलाँ। काकरेकी ओइने आँरितिरसे धेउर दूर ते नै रहिँत, पर लगभग सौ मिटर जतरासम दूर रहिँत। जब ओइने आँरितिर उतरलाँ, तब् ओइने आगिक अंगठामे मच्छी दारल और लग्गेहेँ रोटी फेन धारल देख्लाँ। येशू ओइन्हे कलाँ, "जोन मच्छी तुहुरे अब्बे पकरलो, ओम्नेमेसे थोरचे यहाँ नानो।" तब् सिमोन पत्रुस लाउमे चहुँरके एक सौ त्रिपनथो बर-बर मच्छिनसे भरल जाल धिक्वामे तानके नानल। पर अतरा धेउर मच्छी रहलमे फेन जाल नै फाटल।
Libertações
Jesus expulsou demônios com autoridade. Os espíritos impuros não resistiam à sua palavra e saíam imediatamente.
रोम देशके एकथो हाकिमके विश्वास
येशू कफर्नहुम नगरमे जाइबेर रोम देशके एकथो हाकिम, जे सौथो सिपाहिनके कमान्डर रहे। ऊ येशूक थेन आके बिन्ती करे लागल, और ऊ कहल "हे प्रभु, मोरिक नोकर कुँज रोगसे गजब दुःख पाके घरे पठरीमे ठल्हा परल बा।" येशू उहिहे कलाँ, "मै तोरिक घरे जाके उहिहे चोख्वादेहम।" पर कमान्डर कहल, "हे प्रभु, अप्निहे मोरिक घरेम स्वागत करना लायकके मै नै हुइतुँ। पर अप्नि कही किल दि और मोरिक नोकर चोखाजाई। मै यी बुझ्थुँ कि काकरेकी मै फेन अधिकारीनके अधिनमे बतुँ, और मोरिक अधिनमे सिपाहिन बताँ। मै एकथोहे ‘जा’ कथुँ, तब् ऊ जाइत, और दोसुरहे ‘आजा’ कथुँ, तब् ऊ आइत। मोरिक नोकरहे ‘असिक कर’ कथुँ, तब् उ करत।" ओकर बात सुनके येशू अचम्म मन्लाँ, और अपन पाछे अउइयनहे कलाँ, "जात्तिके, मै तुहुरिन्हे कहतुँ, पूरा इजरायल देशमे एकथो फेन असिन मनैया मै नै भेटैनु, जे यी दोसुर जातिक मनैयक हस मोरिकमे विश्वास करत। मै तुहुरिन्हे कहतुँ, पूरुव और पश्छिउँ ओहोँरसे यहूदी और बहुत्ते गैर-यहूदी मनै अइहीँ। और अब्राहाम, इसहाक और याकूबके संग स्वर्गक राजके खाना खाई बैठिहीँ। पर परमेश्वरके राजके सन्तान जेने इजरायलके मनै हुइँत, ओइने अंधारमे फेँकाजिहीँ। वहाँ मनै रुइहीँ और कष्टमे दाँत किचकिचैहीँ।" तब् येशू कमान्डरहे कलाँ, "घरे जाऊ, जसिन विश्वास तुँ करल बतो, ओस्तेहेँ तुहिन्हे होए!" तब् ओकर नोकर तब्बेहेँ चोखागिलिस।
भूत्वा लागल दुईथो मनै
जब येशू उपार गदरिनीनके मुलुकमे गैलाँ। तब् भूत्वा लागल दुईथो मनै चिहानमेसे आइबेर हुँकिन्हे भेटैलाँ। ओइने अतरा डर लग्ना मेरके रहिँत, कि केऊ फेन वहाँसे आई-जाई नै सेके। ओइने असिक कती चिल्लैलाँ, "हे परमेश्वरके छावा, अप्निक हम्रिहिन्से का सरोकार? हमार समय बिना पुग्ले हम्रिहिन्हे दुःख देहे अप्नि यहाँ आइल बती?" ओइन्से थोरिक दूर बहुत्ते सुरिनके एकथो बरवार बगाल चह्रतेहे। भूत हुँकिन्हे असिक कहिके बिन्ती करलाँ, "यदि अप्नि हम्रिहिन्हे निकारती कलेसे हम्रिहिन्हे सुरिनके बगालमे पठादी।" तब् ऊ ओइन्हे कलाँ, "जाऊ।" तब् ओइने उ मनैयकमेसे बाहेर निकरलाँ और सुरिनकेमे पैँठगिलाँ। और सुरिनके पूरा बगाल हरबरैती पख्वामेसे समुन्दरके पानीमे गिरलाँ, और डुबके मुगिलाँ। जोन मनै उ सुरिनहे चह्राइतिहिँत, ओइने वहाँसे भागगिलाँ। और नगरमे जाके सक्कु बात और उ भूत लागल मनैनहे का हुइलिन कहिके फेन सुनादेलाँ। तब् नगरके बहुत्ते मनै येशूहे भेँटा करक लग निकरके आगिलाँ। और हुँकिन्हे देख्के ओइन्के प्रदेशमेसे चलजाई कहिके मनै हुँकिन्हे बिन्ती करे लग्लाँ।
लाट मनैया चोखैलक
जब दुईथो आँधर मनै घरेमेसे निकरके बाहेर जाइतिहिँत, तब् एकथो मनैया जे बोले नै सेके। उहिहे येशूक थेन नानगिलिस। काकरेकी उहिहे भूत्वा लागल रहिस। जब येशू भूत्वाहे उ मनैयकमेसे बाहेर निकारदेलाँ। तब उ लाट मनैया बोले लागल। तब् यी सक्कु बात देख्के भीड़के मनै अचम्ममे परगिलाँ। और कहे लग्लाँ, "इजरायल देशमे कबु नै असिन देख्गिल रहे।"
येशू और शैतान
तब् हुँकार थेन भूत्वा लागल एकथो आँधर और लाट मनैया नानगिलस। येशू उहिहे चोख्वादेलाँ। यहाँसम कि, ऊ लाट और आँधर मनैया बोल्नाहाँ और देख्नाहाँ होगिल।
कनानी जन्नीक विश्वास
तब् येशू वहाँसे निकरगिलाँ, और टुरोस और सीडोनके ईलाका ओहोँर गैलाँ। उ ईलाकामेसे एकथो कनानी जन्नी मनैया आके चिल्लाके कहे लागल, "हे प्रभु, दाऊदके छावा, मोरिकमे दया करो। मोरिक छाइहे भूत्वा गजब सताइल बतिस।" येशू उहिहे कुछु जवाफ नै देलाँ। हुँकार चेलनके आके हुँकिन्हे अनुरोध करलाँ, "यिहिहे विदा करदी, काकरेकी उ चिल्लैती हमार पाछे लागल बा।" ऊ कलाँ, "मै इजरायलके मनैनके लग किल पठागिल बतुँ, जेने हेराइल भेँरीनके हस बताँ।" पर उ जन्नी आके हुँकार आघे लम्पसार होके हुँकार गोरा पकरके कहे लागल, "हे प्रभु, महिन्हे सहायता करी।" येशू कलाँ, "लरकनके रोटी लेके कुकरीनहे दारदेना ठिक नै रहत।" ऊ जन्नी कहल, "हाँ प्रभु, पर कुक्कुर फेन ते अंगनामे अपन मलिक्वक बच्का खैथाँ।" तब् येशू उहिहे जवाफ देलाँ, "ए नारी, तोहाँर विश्वास भारी बा। तोहाँर इच्छा करल हस तुहिन्हे होए।" ओकर छाई तब्बेहेँ चोखागिलिस।
भूत्वा लागल लौँदा
तब् ओइने भीड़ रहल ठाउँमे आके सेक्लाँ ते एकथो मनैया हुँकार आघे ठेहुनी टेकके कहल, "प्रभु, मोरिक छावकमे दया करी। काकरेकी उहिहे मृगी रोग लागल बतिस, और भारी कष्ट भोगता। उ कबु आगीमे परत, कबु पानीमे पेलजाइत। मै उहिहे अप्निक चेलनके थेन नन्नु, पर ओइने उहिहे नै चोख्वाई सेक्लाँ।" तब् येशू कलाँ, "ए अल्पविश्वासी और भ्रष्ट पुस्ता, मै कबसम रहुँ ताकि तुहुरे विश्वास करो? महिन्हे कबसम तुहुरिन्के विश्वास करना अस्याँ लागे परी? यी लौँदाहे मोरिक थेन नानो।" येशू उहिहे घघोत्लाँ और भूत्वा ओकरमेसे निकरके चलगिल। उ लौँदा जुरतेहेँ चोखागिल।
जब येशू यहूदी बैठक भवनमे सिखाइतिहिँत, तब्बेहेँ वहाँ एकथो मनैया जिहिहे भूत्वा लागल रहिस। ऊ असिक कती जोरसे गोहराइल, "ए नासरत गाउँक येशू, हम्रिहिन्से अप्नि का चाहती? का अप्नि हम्रिहिन सर्वनाश पारे आइल बती? अप्नि के हुइती कहिके हम्रे अप्निहे चिन्थी! अप्नि परमेश्वरके पवित्र जन हुइती, जे परमेश्वरके ओहोँरसे आइल।" येशू उ भूत्वाहे घघोट्के कलाँ, "चुप लाग और ओकरमेसे निकरजा।" तब् भूत्वा उ मनैयाहे जोरसे हिलाइल, और जोरसे चिल्लाके उ मनैयकमेसे बाहेर निकरगिल।
भूत्वा लागल मनैयक छुटकारा
येशू और हुँकार चेलनके गालील समुन्दरके दोसुर पाँजर गेरासेनस ईलाकामे पुगगिलाँ, जहाँ गनेसरेत नाउँक मनै रहिँत। जस्तेके येशू लाउमेसे बाहेर निकरलाँ, एकथो भूत्वा लागल मनैया मरट्ठीमेसे हुँकार थेन आइल। भूत्वा लागल यी मनैया मरट्ठीएमे बैठे। केऊ फेन उहिहे सिँक्रीलेके बहानके नै धारे सेके। बहुत्तेचो ओकर हाँथ और गोरा सिँक्रीलेके बन्धवा पाइल रहिस। पर हरेकचो सिँक्रीहे ऊ तुरदेहे, और ओकर गोरम बाँधल लोहेक साँकरहे फेन तुरदेहे। कौनो मनै फेन यिहिहे साधे नै सेकिँत। जबफेन रातदिन ऊ मरट्ठीक बिच्चेम और पहाड़मेसे चिल्लाए, और अपनेहे चोखुर पठरालेके बकोते। जब ऊ येशूहे देखल, तब् ऊ येशूसे थोरिक्के दूर रहे। ऊ येशूक थेन दौर्ती आइल, और आदर देखाइक लग हुँकार आघे ठेहुनी टेकके हुँकार आराधना करल। येशू उहिहे कलाँ, "ए भूत्वा यी मनैयकमेसे बाहेर निकर!" तब् उ भूत्वा लागल मनैया गजब जोरसे चिल्लाइल, "हे येशू सर्वोच्च परमेश्वरके छावा, अप्नि हम्रिहिन्से का चहथी? परमेश्वरके ओहोँरसे वाचा करी कि अप्नि हम्रिहिन्हे दुःख नै देबी!" येशू उहिहे पुँछ्लाँ, "तोरिक नाउँ का हो?" ऊ येशूहे जवाफ देहल, "मोरिक नाउँ फौज हो, काकरेकी हम्रे यहाँ यी मनैयक भित्तर बहुत्ते जाने बती।" तब् भूत्वनके येशूसे बिन्ती करलाँ, "हम्रिहिन्हे यी ईलाकासे बाहेर ना पठाई।" वहाँ डँरवामे सुरिनके एकथो बरवार बगाल चह्रतेहे। तब् उ भूत्वन येशूसे बिन्ती करलाँ, "हम्रिहिन्हे सुरिनकेमे पठादी ताकि हम्रे ओइन्के भित्तर जाई सेकी।" येशू ओइन्हे अनुमति देलाँ। और भूत उ मनैयकमेसे बाहेर निकरगिलाँ। और सुरिनकेमे पैँठगिलाँ। उ बगालमे लगभग दुई हजार सुवर रहिँत। सुरिनके बगाल पख्वामेसे तरे दौरल, और उ सुअर गालील समुन्दरमे डुबके मुगिलाँ। तब् जोन मनै उ सुरिनहे चह्राइतिहिँत। ओइने वहाँसे भागगिलाँ। और ओइने यी खबरहे गाउँ और नगरमे फैलादेलाँ। तब् मनै यी हेरे गैलाँ कि का हुइल रहे।
पर तुहुरे मनैनहे यी कथो कि ओइने अपन दाईबाबाहे असिक कहिँत कना तुहुरे चहथो, ‘महिन्हे माफ करो, मै तुहुरिन्हे सहयोग करे नै सेकम। काकरेकी ज्या मै तुहुरिन्हे देना रहे, उ मै परमेश्वरहे देना वाचा कर्ले बतुँ।’ असिके तुहुरे मनैनहे ओइन्के दाईबाबाहे सहयोग करे नै देथो। और अपन चलनहे कायम करक लग तुहुरे परमेश्वरके आज्ञाहे पन्ज्र्या देथो, और असिके तुहुरे कैयो गलत चिज सिखैथो।"
मनैनहे अशुद्ध बनैना बात
तब् येशू ओइन्हे फेन एकचो अपन थेन बलैलाँ और कलाँ, "तुहुरे सक्कु जाने मोरिक बात सुनो और बुझो। असिन कुछु चिज नै हो, जोन बाहेरसे भित्तर जाके तुहुरिन्हे अशुद्ध बनाइत। पर जोन चिज मनैनमेसे बाहेर निकरत, वहे चिज उहिहे अशुद्ध बनाइत।
एकथो जन्नीक विश्वास
यकरपाछे येशू और हुँकार चेलनके गालील प्रदेशमेसे चलगिलाँ, और टुरोस नगरके आँजरपाँजरके ईलाकामे गैलाँ। येशू एकथो घरेम गैलाँ, और ऊ वहाँ बताँ कना केऊ फेन पता ना पाए कहिके चाहिँत। पर येशू वहाँ बताँ कहिके मनै महा झत्ते पता पादरलाँ। तब्बेहेँ एकथो जन्नी, जेकर छाईकमे भूत्वा लागल रहिस। ऊ येशूक बारेम सुनल, और येशूक थेन आके हुँकार आघे ठेहुनी टेकल। उ जन्नी यहूदी नै रहे, उ जन्नी सिरिया देशके फोनिके ईलाकामे जल्मल रहे। ओकर छाईकमेसे भूत्वा निकारदिँत कहिके उ जन्नी येशूहे बिन्ती करल। येशू उ जन्नीहे कलाँ, "आघे छाइछावनहे अघाई देऊ। काकरेकी लरकनके रोटी लेके कुकरीनहे दारदेना ठिक नै हो।" (काकरेकी यहूदी मनै ओइन्हे कुकरीनके हस व्यवहार करिँत्, जे यहूदी नै हो।) उ जन्नी बुझगिल रहे कि येशू गैर-यहूदिनहे कुकरीनके और यहूदिनहे लरकनके रुपमे बुझाइतताँ। तबेकमारे ऊ जवाफ देहल, "हाँ प्रभु, कुक्कुर फेन अंगनामे लरकनके बच्का खैथाँ।" तब् येशू उ जन्नीहे कलाँ, "तुँ ठिक जवाफ देलो! आब तुँ अपन घरे जाऊ। भूत्वा तोहाँर छाईकमेसे निकरके चलगिल बा।" तब् ऊ अपन घरे गैल, और अपन छाइहे खटियामे सुतल देखल, और ओकरमनसे भूत्वा निकरगिल रहिस।
भीड़मेसे एकथो मनैया कहल, "गुरुजी, मै अपन छावाहे अप्निक थेन नानल बतुँ, काकरेकी ओकरमे एकथो भूत्वा लागल बतिस, जे यिहिहे बात बत्वाई नै देथिस। जब उ भूत्वा यिहिहे अपन कब्जामे करलेहत, तब ऊ यिहिहे तरे भुइयाँमे गिरादेहत, और यिहिहे ऐँथ्वाइत। तब् यकर मुहेँमेसे फेँज्कुर निकर्थिस, और यी अपन दाँत किचकिचाइत, और ठेत्कार होजाइत, और यी हिल्बो नै करत। मै अप्निक चेलनहे फेन कनु कि भूत्वाहे निकारदेऊ, पर ओइन्के थेन असिन करना शक्ति नै हुइतिन।" येशू ओइन्हे कलाँ, "तुहुरे अविश्वासी मनैनके संग मै कबसम रहुँ ताकि तुहुरे विश्वास करो? महिन्हे कबसम तुहुरिन्के विश्वास करना अस्याँ लागे परी? यी लौँदाहे मोरिक थेन नानो।" ओइने उ लौँदाहे येशूक थेन नन्लाँ। जब उ भूत्वा येशूहे देखल, तब् भूत्वा उ लौँदाहे भुइयाँमे गिराके ऐँथ्वाई लागल, और उ लौँदक मुहेँमेसे फेँज्कुर निक्रे लग्लिस। येशू उ लौँदक बाबाहे पुँछ्लाँ, "यकर यी हालत कैह्यासे बतिस?" तब् लौँदक बाबा कलिस, "छुटिएसे, कैयोचो यी भूत्वा यिहिहे आगिम और पानीमे दारके मुवैना कोशिस करल। यदि अप्नि कुछु करे सेक्थी कलेसे, हमारमे दया करी और हम्रिहिन्हे सहयोग करी।" येशू उहिहे कलाँ, "तुँ असिक काकरे कहतो? ‘यदि अप्नि कुछु करे सेक्बी’ विश्वास करुइयनके लग सक्कु चिज सम्भव बा!" तब्बेहेँ उ लौँदक बाबा रुइति कहल, "मै विश्वास करतुँ, मोरिक शंखा महिन्से दूर करदी!" जब येशू मनैनके भीड़ गजब बह्रत देख्लाँ, तब येशू भूत्वाहे असिक कहिके हप्कैलाँ, "यी लौँदाहे बहिर और गोंग बनुइया ए भूत्वा! मै तुहिहे आज्ञा देहतुँ, यी लौँदकमेसे बाहेर निकर, और फेनदोस्रे कबु फेन घुमके ना आईस।" तब् भूत्वा चिल्लाई लागल, और उ लौँदाहे ऐँठाई लागल, और बाहेर निकरगिल। तब् उ लौँदा बेहोस होके गिरगिल। और उ लौँदा मुअल हस होगिलस, यहाँसम कि वहाँ रहल बहुत्ते मनै कलाँ, "यी मुगिल बा।" पर येशू उ लौँदक हाँथ पकरके उठैलाँ ते ऊ ठरह्यागिल और चोखागिल।
पत्रुसके माउ और औरे मनैन चोखैना
बैठक भवनमेसे निकरके येशू सिमोनके घरेम गैलाँ। सिमोनके माउ बेमार रहिस, और पठरीमे सुतल रहिस। काकरेकी उहिहे जुरी आइल रहिस। जब येशू उ घरेम पुग्लाँ ते मनै सिमोनके माउ बेमार बतीस् कहिके चोख्वाइक लग येशूसे विन्ती करलाँ। ओकर लग्गे ठरह्याके येशू जुरिहे हप्कैलाँ, और जुरतेहेँ ओकरमेसे जुरी चोखागिलिस। तब् ऊ तुरुन्ते उठ्के ओइन्के सेवा करे लागल।
जब ऊ धिक्वामे उतरलाँ। तब् ऊ शहरके एकथो मनैयाहे भेटैलाँ, जिहिहे भूत्वा लागल रहिस। ऊ बहुत दिनसे लुग्गा नै घाले और घरेम नै रहिके ऊ मरट्ठीमे बैठे। ऊ येशूहे देखल और चिल्लाके हुँकार आघे घोपत्या होके जोरसे कहल, "हे सर्वोच्च परमेश्वरके छावा येशू, अप्निक महिन्से का काम? बिन्ती करतुँ, महिन्हे ना सताई।" काकरेकी येशू भूत्वाहे उ मनैयकमेसे निकरके जैना आज्ञा देहल रहिँत। उहिहे बहुतचो भूत्वा पक्रल रहिस। उ मनैया चौकिदर्वक रेखदेखमे धारगिल रहे। उ साँकर और सिँक्रीलेके बन्धवा पाए, पर ऊ उ बंधन तुरदारे। तब् भूत्वा उहिहे उजाड़-ठाउँ हुइती लैजाए। येशू उहिहे पुँछ्लाँ, "तोरिक नाउँ का हो?" ऊ कहल, "फौज।" काकरेकी बहुत्ते भूत्वन ओकरमे लागल रहिस। ओइन्हे गहिँर कुण्डामे ना पठाइँत कहिके ओइने हुँकिन्हे बिन्ती करलाँ। लग्गेक डँरवामे सुरिनके एकथो बरवार बगाल चह्रतेहे। तब् सुरिनके भित्तर जाइदी कहिके भूत्वन हुँकिन्हे असिक कहिके बिन्ती करलाँ, और ऊ मन्जुर होगिलाँ। तब् भूत्वन उ मनैयकमेसे बाहेर निकरलाँ। और सुरिनकेमे पैँठगिलाँ, और सुरिनके बगाल पख्वामेसे तरे दौरलिन, और गालील समुन्दरके तलुवामे डुबके मुगिलाँ। आब ज्या हुइल रहे, उ देख्के जोन मनै उ सुरिनहे चह्राइतिहिँत। ओइने वहाँसे भागगिलाँ, और जाके नगर और गाउँ हुइती यी बात बतादेलाँ। तब् ज्या हुइल रहे वहे हेरक लग मनै येशूक थेन अइलाँ। और जोन मनैयक मनसे भूत्वन निक्रल रहिस। उ मनैयाहे लुग्गा लगाके सफा मनके होके येशूक गोरातिर बैठल भेटैलाँ और उ देख्के ओइने डरागिलाँ।
पर जात्तिके, मै तुहुरिन्हे कहतुँ, तुहुरिन्मेसे बहुत्ते जाने जेने यहाँ ठरह्याइल बताँ। ओइने परमेश्वरके राजहे अपन मुनासे आघे शक्तिक संग आइत देख्हीँ।"
येशूक रुप बद्लना
यी बातके लगभग आठ दिन पाछे पत्रुस, यूहन्ना और याकूबहे अपन संग लैजाके प्राथना करक लग ऊ पहाड़मे चहुँरलाँ। जब ऊ प्राथना करतिहिँत, तब हुँकार मुहारके रुप बदलगिलिन, और हुँकार लुग्गा बिज्ली चम्कल हस चहकार होगिलिन। और हुँकिन्से दुईथो मनै बात बत्वाइतिहिँत, ओइने मोशा और एलिया रहिँत। ओइने महिमित रुपमे देखा परके येशूक मृत्युक बारेमे बात बत्वाइतिहिँत। यी बात येशूहे यरुशलेम शहरमे पूरा करे परना रहिन।
आब पत्रुस और ओकर संग रहुइयन निदे लेके लट्ठ परल रहिँत। पर जग्लाँ ते ओइने येशूक महिमा और हुँकार संग ठरह्याइल उ दुईथो मनैनहे देख्लाँ। तब् उ दुईथो मनै हुँकार थेनसे विदा होके जाइबेर पत्रुस येशूहे कहल, "गुरुजी, हम्रिहिन यहैँ बैठ्ना मजा ठहरल। हम्रे तीनथो बैठ्ना तम्बू बनाई, एकथो अप्निक लग, एकथो मोशक लग और एकथो एलियक लग।" अपन बोल्लक बातके उहिहे ख्याले नै रहिस।
भीड़मेसे एकथो मनैया जोरसे चिल्लाके कहल, "गुरुजी, मै अप्निसे बिन्ती करतुँ, मोरिक छावकमे दया-दृष्टि करदी। काकरेकी उ मोरिक एक्केथो छावा हो। हेरी, एकथो भूत्वा उहिहे पक्रत, और उ एकफाले चिल्लाइत और उहिहे ऐँठाइत, तब ऊ फेँज्कुर निकारे दँतजाइत। और उहिहे चिँथचाथ पारके बरबत्ति छोरत। मै अप्निक चेलनसे लगातार बिन्ती कर्नु, पर ओइने उ भूत्वाहे निकारे नै सेक्लाँ।" तब् येशू जवाफ देलाँ, "ए अविश्वासी और हठी पुस्ता, मै कबसम तुहुरिन्के संग रहम, और तुहुरिन्हे कबसम सहुँ? तोहाँर छावाहे यहाँ नानो।" पर ऊ अइति-अइति भूत्वा उहिहे पटक देहल, और ऐँठे लागल। पर येशू उ भूत्वाहे हप्कैलाँ, और उ लौँदाहे चोख्वाके ओकर बाबाहे दैदेलाँ।
अपन मृत्युक बारेम फेनदोस्रे बत्वैलक
परमेश्वरके महानता देख्के सक्कु जहनहे अचम्म लग्लिन। येशूक कर्लक सक्कु कामसे सक्कु जहनहे अचम्म परल देख्के, येशू अपन चेलनहे कलाँ,
येशू और शैतान
येशू एकथो लट्वकमेसे भूत्वा निकारतिहिँत, जे बोले नै सेके। भूत्वा निक्रल ते उ लाट मनैया बोले लागल, और मनैनहे अचम्म लग्लिन।
ओइन्मेसे एकथो मनैया प्रधान पुजारीक नोकरहे मारल, और ओकर दाहिन कान काटके छिङ्टा देहल। पर येशू कलाँ, "होगिल्, आब रहेदेऊ।" तब उ मनैयक कान छुके येशू उहिहे पहिलेक हस बनादेलाँ।
हुलाकी यूहन्नक चेलनके वहाँसे चलगिलाँ ते येशू यूहन्नक बारेमे भीड़हे कहे लग्लाँ, "तुहुरे उजाड़-ठाउँमे का हेरे गैलो? का बयालके हिलैती रहल गौलरहे? तब् तुहुरे का हेरे निकरलो? का महिँगा लुग्गा घालल मनैयाहे हेरे? हेरो, महिँगा लुग्गा घालल और सुखचैनमे बैठुइयन ते राजमहलमे बैट्थाँ। पर तुहुरे का हेरे निकरलो ते? का परमेश्वरके अगमवक्ताहे? हो मै कहतुँ, तुहुरे परमेश्वरके अगमवक्तासे फेन महान व्यक्तिहे देख्लो। यी वहे हुइताँ जेकर बारेमे लिखल बा, ‘हेर, मै हुलाकीहे तोरिक आघे-आघे पठैम, जे तोरिक आघे डगर सोज करी।’ मै तुहुरिन्हे कहतुँ, जन्नीकमेसे जल्मलहुँक्रिहिनमे डुब्कि-देहुइया यूहन्नासे महान दोसुर केऊ नै हुइल हो। तभुन फेन परमेश्वरके राजमे जे सक्कुहुनसे छुटी बा, ऊ उहिसे आकुर महान हो।" जब मनै और यहाँसम कि कर उठुइयन फेन येशूक कलक बात सुन्लाँ ते, परमेश्वर धर्मी बताँ कहिके ओइने स्वीकार करलाँ। काकरेकी यूहन्ना ओइन्हे डुब्कि देले रहिन। पर फरिसीनके और यहूदी कानुनके गुरुनके ओइन्के उप्पर परमेश्वरके रहल इच्छाहे अस्वीकार करदेलाँ और यूहन्नासे डुब्कि लेना नै मन्लाँ।