Milagres de Jesus
Os Evangelhos registram dezenas de milagres realizados por Jesus — curas, ressurreições, domínio sobre a natureza e libertações. Cada milagre revelava sua divindade e compaixão.
Curas de cegos e surdos
Jesus devolveu a visão aos cegos e a audição aos surdos, manifestando seu poder sobre toda enfermidade e deficiência.
Nam7u Qooqe Asata
Yesuusi yaape dendidi gede sinthe biya wode nam7u qooqeti banta qaala dhoqu oothidi, "Dawita na7aw, nuna maararki" yaagishe iya kaallidosona.
Yesuusi soo gelida wode qooqeti iya kaallidi yidosona. Yesuusi entako, "Taani hessa oothanaw danda7eysa hinte ammanetii?" yaagis.
Entika, "Ee, Godaw" yaagidi zaaridosona.
Hessafe guye, Yesuusi enta ayfiya bochidi entako, "Hintew, hinte ammanuwatho hano" yaagis. Enta ayfeyka dooyetis. Yesuusi entako, "Haysa oodeska odopite" yaagidi minthi odis. Shin asati bidi Yesuusaba he biitta ubban odidosona.
Nam7u Qooqeti Paxidosona
Hessafe guye, Yesuusi ba tamaaretara Iyaarkofe keyidi bishin, daro asay entana kaallidosona. Oge gaxan uttida nam7u qooqeti Yesuusi yaara aadheysa si7idi, "Godaw, Dawita Na7aw, nuus qadhetarki" yaagidi waassidosona. Daro asay entana, "Hayzite" yaagidi kaccidosona. Shin enti, "Godaw, Dawita na7aw, nuus qadhetarki" gidi guji waassidosona.
Yesuusi eqidi, enta xeegidi, "Ta hintew ay oothana mela koyeetii?" yaagidi oychis.
Entika, "Godaw, nu ayfey xeellana mela koyoos" yaagidosona. Yesuusi entaw qadhetidi, enta ayfiya bochis. Ellesidi enta ayfey xeellis; enti iya kaallidi bidosona.
Beetesaydan De7iya Issi Qooqe
Enti Beetesayda katamaa bidosona. Guutha asati qooqe uraa Yesuusako ehidi he uraa bochana mela iya woossidosona. Yesuusi qooqe uraa kushiya oykidi katamaape gaxa kessis. Iya ayfiyan cuttidi ba kushiya iya bolla wothidi, "New aykoy bentii?" yaagidi oychis.
Uray dhoqu gidi xeellidi, "Taw asay bentees, shin asay hemetishe mithi daanees" yaagis.
Hessafe guye, Yesuusi zaaridi, uraa ayfiyan ba kushiya wothis. Uray loythi xeellis, iya ayfey paxis, ubbaba geeshshidi be7is. Yesuusi addiyako, "Ne soo ba, shin gutaa gelopa" yaagidi kiittis.
Tullenne Muume Ura
Yesuusi Xiroosa katamaape keyidi, Sidoonaranne Tammu Katamata geetetiya biittara kanthidi Galila Abbaako bis. Asay tullenne waayidi odetiya asi Yesuusako ehidi, ba kushiya iya bolla wothana mela iya woossidosona. Yesuusi barka he uraa daro asape gaxa kessidi, ba biradhiya iya haythan yeddis. Qassi cuchu cuttidi iya inxarsaa bochis. Salo pude xeellidi, tooki shempidi, "Eftah" gis. Birshethayka "Dooyeta" guussu. Uraa haythay ellesidi dooyetis, qashetida inxarsayka birshetis, uray geeshshidi odetis.
Yesuusi asaako, "Haysa oodeska odopite" yaagis. Shin I daro minthidi odopite gin, asay odaa yaa darsis. Hessa si7ida asa ubbay daro malaaletidi, "Ubbabaa I loythi oothees. Hari attoshin, tulliya sissees, muumiya odisees" yaagidosona.
Qooqiya Barximoosa
Enti Iyaarko katama bidosona. Yesuusi ba tamaaretaranne daro asaara Iyaarkofe keyishin, Ximoosa na7ay, qooqey, Barximoosa geeteteysi, oge gaxan woossishe uttis. Barximoosi, yaara aadhey Naazirete Yesuusa gididaysa si7ida wode, ba qaala dhoqu oothidi, "Dawita na7aa Yesuusa, tana maararki!" yaagis.
Daro asay iya, "Hayza!" gidi hanqetidosona.
Shin, I ba qaala kaseysafe daro dhoqu oothidi, "Dawita na7aw, tana maararki!" yaagis.
Yesuusi eqidi, "Iya haa xeegite" yaagis.
Enti qooqiyako, "Aykoy baawa, denda eqa, nena xeegees" yaagidosona. Qooqey ba ma7uwa holi yeggidi, gupi dendi eqidi, Yesuusako bis.
Yesuusi, "Taani new ay oothana mela koyay?" yaagis.
Qooqey, "Astamaariyaw, ta xeellanaw koyayis" yaagis.
Yesuusi, "Ba, ne ammanoy nena pathis" yaagis. Iiraka iya ayfey xeellin, Yesuusa kaallis.
Qooqey Xeellis
Yesuusi Iyaarko matiya wode issi qooqe uray oge gaxan uttidi woossees. Qooqe uray asay he bessaara aadhishin si7idi, "I aybee?" gidi oychis. Enti, "Naazirete Yesuusi haysara aadhees" yaagidosona.
I, "Dawita na7aw, Yesuusa, tana maararki" yaagidi waassis.
Sinthe sinthe biya asati, "Si7i ga" gidi hanqetidosona. Shin I, "Dawita na7aw, tana maara" yaagidi darsidi waassis.
Yesuusi eqidi uraa baako ehana mela kiittis. Urayka, iyako shiiqin, "Ta new ay oothana mela koyay?" yaagidi oychis.
Qooqey, "Godaw ta xeellanaw koyayis" yaagis.
Yesuusi, "Xeella, ne ammanoy nena pathis" yaagis. Uray ellesidi xeelli aggis. Xoossaa bonchishe Yesuusa kaallis. Asa ubbay hessa be7idi Xoosse galatidosona.
Qooqe Gididi Yeletida Ura
Yesuusi bishe yeletoosape qooqe gididi de7iya issi addiya be7is. Iya tamaareti, "Astamaariyaw, ha addey qooqe gididi yeletana mela nagara oothiday oonee? I oothideye woyko iya yelidaysati oothidona?" yaagidi oychidosona.
Yesuusi, "Xoossaa oosoy iya bolla qoncana melape attishin, I woyko iya yelidaysati nagara oothida gisho gidenna. Sa7i gallas de7ishin tana kiittidaysa oosuwa nu oothanaw bessees. Oonika oothanaw danda7onna qammay yees. Taani alamiyan de7ashe alamiyas poo7o" yaagis.
Yesuusi hessa gidi sa7an cuttis. Ba cuchan guutha biitta laakothidi he urqan qooqe addiya ayfiya tiyis. Yaatidi, "Bada Salihoome (Salihoome guussay Kiitetidaysa guussu) geetetiya teqetida haathan ne ayfiya meeceta" yaagis. Hessa gisho, addey bidi ba ayfiya meecetidi xeellishe simmis.
Curas de paralíticos e enfermos
Paralíticos caminharam, leprosos ficaram limpos e todo tipo de doença foi curada pelo toque e pela palavra de Jesus.
Heko issi baro harganchoy iyako shiiqidi, iya sinthan gulbatidi, "Godaw, ne shene gidiko tana geeshshada pathanaw danda7aasa" yaagis. Yesuusi ba kushiya yeddidi iya bochidi, "Ee, ta shene, paxa" yaagis. Uray iiraka geeyi aggis. Yesuusi iyako, "Ne paxuwa oodeska odopa. Shin bada ne geeyada paxoysa kahine bessa. Ne paxuwas marka gidana mela bada Musey kiitida yarshuwa yarsha" yaagis.
Hanida guutha asati issi gunda ura algara tookidi Yesuusako ehidosona. Yesuusi enta ammanuwa be7idi, gunda uraa, "Ta na7aw, yayyofa; ne nagaray atto geetetis" yaagis.
He saatiyan, Ayhude higge astamaaretape issoti issoti, "Haysi Xoossaa cashshe gidenne" yaagidi banta wozanan qopidosona.
Yesuusi enta qofaa eridi, "Iitabaa hinte wozanan ayis qopeetii? Hanoshin, ‘Ne nagaray atto geetetis’ geysafenne ‘Denda eqada ba’ geysafe awusi kawuyii? Shin sa7a bolla nagara atto gaanaw Asa Na7aas maati de7eysa ta hintena erisana" yaagidi, gunda addiyako, "Denda eqa, ne algaa tookada, ne soo ba" yaagis.
Gunda uray dendidi ba soo bis.
Yan kushey gundida issi uray de7ees. Yesuusa mootanaw gaaso koyiya asati, "Sambaata gallas pathanaw bessi bessennee?" yaagidi oychidosona.
I entako, "Hinte giddofe issuwas dorsi Sambaata gallas aafon wulliko, goochidi kessonnay oonee? Yaatin asi dorsaafe waanidi daro aadhenee? Hessa gisho, Sambaata gallas lo77oba oosoy bessees" yaagis.
Hessafe guye, Yesuusi addiyako, "Ne kushiya piddi ootha" yaagin, uray piddi oothis. Iya kushey paxidi hanko kushiyada hanis.
Simoona mache aayiya qoxo misha hargada zin7idaaro Yesuusi yaa gakiya wode iyaw odidosona. I iiko shiiqidi, I kushiya oykidi, iyo denthidi essis. Qoxoynne mishay aggin iya enta mokasu.
Baro Harganchuwa
Baroy oykida issi uray Yesuusako yidi, iya sinthan gulbatidi, "Neeni koyko tana geeshshanaw danda7aasa" yaagidi woossis.
Yesuusi iyaw qadhetidi, ba kushiya yeddidi iya bochidi, "Taani koyayis, geeyiya" yaagis. Ellesidi baroy uraa yeddin uray paxis.
Oyddu asati issi gunda uraa tookidi iyako ehidosona. Asay darida gisho, uraa Yesuusako shiishanaw entaw danda7etonna ixin, Yesuusi de7iya ginara keetha qaaridi, kaara qawuxidi uraa I zin7ida algara duge yeddidi Yesuusa sinthan wodhisidosona. Yesuusi enta ammanuwa be7idi, he gunda uraa, "Ta na7aw, ne nagaray atto geetetis" yaagis.
Higge astamaaretape he bessan uttida issoti issoti banta wozanan, "La ha uray haysa mela iitabaa Xoossaa bolla ayis odeetii? Xoossaa xalaalape attishin, hari ooni nagara atto gaanaw danda7ii?" gidi qopidosona.
Enti banta wozanan hessada qopidaysa Yesuusi ellesidi ba ayyaanan eridi, entako, "Hinte hinte wozanan ayis hessada qopeetii? Gunda uraa, ‘Ne nagaray atto geetetis’ geysi mateyee? Woyko, ‘Denda eqada ne algaa tookada ba’ geysi matee? Shin taw, Asa Na7aas, sa7a bolla nagara atto gaanaw maati de7eysa hinte erana mela" gidi he gunda uraako, "Nena gayis, denda eqada ne algaa tookada ne soo ba" yaagis.
Uray ellesi dendi eqidi, ba algaa tookidi asa ubbay be7ishin bis. Asa ubbay malaaletidi, "Nuuni haysa mela malaalsiyaba be7i eroko" yaagidi Xoossaa galatidosona.
Kushey Silida Ura
Yesuusi ayhude woosa keethi simmi gelis. Yan kushey gundida issi uray de7ees. Issi issi asay Yesuusa mootanaw koyidi, kushey gundida uraa Sambaata gallas I pathikonne aggiko be7anaw koyidi minthidi naagoosona. Yesuusi kushey gundida uraa, "Denda eqada haa sinthe ya" yaagis. Hessafe guye, asaako, "Sambaata gallas lo77oba ootheysi wogeye iitabaa ootheysi wogee? Asa shempo ashoye woyko wodho?" yaagidi oychis.
Shin asay si77i gis. Yesuusi hanqetidi, enta yuushshi aathi xeellidi, enti odin si7onnayisata gidiya gisho, enta bolla daro azzanis. He addiyako, "Ne kushiya piddi ootha" yaagis. Uray piddi oothin iya kushey paxis.
Baro Harganchoy Paxis
Yesuusi katamatape issuwan de7ishin issi baro hargen oyketida asi he kataman de7ees. He uray Yesuusa be7idi iya sinthan gufannidi, "Godaw, ne shene gidiko tana geeshshanaw danda7aasa" gidi woossis.
Yesuusi ba kushiya yeddi bochidi, "Ee, ta shene; geeyiya" yaagis. Iira baro hargey uraape kichis.
He wode asay issi gunda asi halara tookidi ehidosona. Soo gelsidi iya sinthan wothanaw qopidosona. Shin asaa darotethaafe dendoysan soo gelsanaw xoonetidi keethaa bolla keyidi, kaara qawuxidi, harganchuwa halara asaa shaakidi Yesuusa sinthan yeggidosona.
Yesuusi enta ammanuwa be7idi, "La addiyaw, ne nagaray atto geetetis" yaagis.
Higge astamaaretinne Farsaaweti, "Haysi Xoossaa bolla yaagidi odetey oonee? Issi Xoossafe attishin, hari nagara atto gaanaw danda7ey oonee?" yaagidi qopidosona.
Yesuusi enta qofaa erida gisho entako, "Hinte wozanan hessatho ayis qopeetii? ‘Ne nagaray qushetis geysafenne dendada ba geysafe awusi kawuyii?’ Shin ta hessa giday Asa Na7i sa7a bolla nagara ato gaanaw maati de7eysa hinte erana melasa." Hessafe kaallidi, gunda uraako, "Denda; ne algaa tookada ne soo ba" yaagis. I ellesi dendidi enta sinthan eqis; I tooketidi yida algaa tookidi Xoossaa galatishe ba soo bis.
Hara Sambaata gallas Yesuusi ayhude woosa keethi gelidi tamaarsees. He bessan ushacha kushey silida issi asi de7ees. Higge astamaaretinne Farsaaweti iya mootanaw gaaso koyidi Sambaata gallas pathiko be7ana gidi naagoosona. Shin Yesuusi enta qofaa eridi kushey silida uraako, "Dendada asaa giddon eqa" yaagis. Urayka dendi eqis.
Yesuusi, "Ane ta hintena issiba oychayis; Sambaata gallas oothanaw bessey lo77obayeye iitabayee? Shempo ashoye woyko dhayso?" yaagis.
Qassi Yesuusi iya yuushuwan de7iya asaa yuushshi xeellidi uraako, "Ne kushiya piddi ootha" yaagis. Urayka I gidaysada oothin kushey paxis.
Mato Halaqaa Ammano
Yesuusi hessa ubbaa asaa sinthan tamaarsidi ongidaape guye, Qifirnahooma katamaa bis. He bessan issi mato halaqay de7ees. I daro dosiya aylley hargetidi hayqos gakis. I Yesuusaba si7ida wode ba aylliya pathana mela iya woosso gidi issi issi Ayhude cimata Yesuusako kiittis. Kiitetidaysati, Yesuusako bidi, "Ne iyaw haysa oothanaw bessees. Ayis giiko, ha uray nu asaa dosees, ayhude woosa keethaaka keexis" gidi minthi woossidosona Yesuusika entara bis.
Mato halaqaa sooko matiya wode ba laggeta iyako kiittidi, "Godaw, ta kaarape garsan ne gelanaw ta bessonna gisho, daaburopa. Taka tana ne sinthe shiiqanaw bessiya asi gada qopike. Shin ne issi qaala oda; ta aylley paxana. Taw taape bollara halaqay de7ees, taape garsan ta kiittiya wotaadareti de7oosona. Issuwa, ‘Ba’ giiko bees, hankuwa, ‘Haaya’ giiko yees. Ta aylliyako, ‘Hanno ootha’ giiko oothees" yaagis.
Yesuusi hessa si7ida wode malaaletis. Guye simmidi baara yaa asaako, "Taani hintew tuma odayis; hari attoshin Isra7eelenka haysa mela gita ammano demmabike" yaagis. Kiitetida asati soo simmiya wode aylley paxin demmidosona.
He bessan tammanne hospun laythi tuna ayyaani zoko kuunisida issi maccasiya de7awusu. Iya kuunape dendoysan suure eqanaw danda7uku. Yesuusi iyo be7ida wode xeegidi, "Ha maccasete, ne hargiyafe paxadasa" yaagis. Ba kushiya I bolla wothin, iya ellesada, suurada eqasu. Xoosse galatasu.
Yesuusi Farsaawiya Son
Issi Sambaata gallas Yesuusi issi Farsaaweta halaqa soo kathi maanaw geliya wode asay caddi xeelloosona. He bessan shawuhe hargen waayetiya issi asi iyaw sintha baggara zin7is. Yesuusi Farsaawetanne higge astamaareta, "Sambaata gallas hargancho pasoy wogeye woga gidennee?" yaagidi oychis. Enti si77i gidoosona. Yesuusi hargetiya uraa bochi pathidi moyzis.
Baro Hargefe Geeyda Tammu Asata
Yesuusi Yerusalaame bishe Samaarisinne Galilas giddora kanthidi aadhis. Issi gutaa geliya wode baro hargen oyketida tammu asati iya demmidosona. Entika haahon eqidi, "Godaa Yesuusa, nuus qadhetarki" yaagidi waassidosona.
I enta be7ida wode, "Bidi hintenatethaa Ayhude kahine bessite" yaagis. Enti ogiya bolla bishe paxidosona.
Entafe issoy ba paxuwa be7ida wode dhoqu gida qaalan Xoossa bonchishe Yesuusako simmis. I, Samaare biitta asi, shin Yesuusa toho bolla gufannidi iya galatis.
Yesuusi, "Paxiday tammu asata gidokonaayee? Yaatin, uddufunati aw bidonaa? Ha allaga uraape attishin, hari simmidi Xoossa galatey deenna guusseyee?" yaagidi oychis. Uraako, "Ne ammanoy nena pathis; dendada ba" yaagis.
Gunda Ura
Hessafe guye, Yesuusi Ayhudeti bonchiya baaliya bonchanaw Yerusalaame bis. Yerusalaamen Dorsa Pengiya matan Ibraawetho doonan Beetesayda giya teqetida haathi de7ees. He teqeti uttida haatha matan ichashu shempiya bessati de7oosona. [Hessan haathay qaaxanaysa naagiya] daro harganchoti, qooqeti, wobbetinne gundati zin7idosona. [Ayis giiko, issi issi toho Godaa kiitanchoy teqetida haathan wodhidi haatha qaathees. Haathay qaaxiya wode koyro gelida uray bana oykida ay hargefeka paxees.] He bessan hastamanne hospun laythi hargetida issi addey de7ees. Yesuusi yan zin7ida addiya be7idi, qassi daro wode hargetidaysa eridi addiyako, "Paxanaw koyay?" yaagis.
Harganchoy zaaridi, "Godaw, haathay qaaxiya wode tana haathan yeggiya asi baawa. Taani gelana haniya wode haray taape sinthatidi geli kichees" yaagis.
Yesuusi iyako, "Denda eqa; ne algaa tookada ba" yaagis. Addey iiraka paxis; ba algaa tookidi bis.
Hessi Sambaata gallasan hanis.
Yesuusi haatha woyne ushshi laammida bessaa, Galilan de7iya Qaana katama bis. Qifirnahooman kawo keethan oothiya issi shuumas na7ay hargetis. Yesuusi Yihudape Galila yidaysa he shuumay si7idi iyako yis. Hayqanaw matida ba na7aa bidi pathana mela Yesuusa woossis.
Yesuusi shuumako, "Xoossay oothiya malaatatanne oorathabata be7onna de7ishe hinte ubbaraka ammaneketa" yaagis.
Shuumay zaaridi, "Godaw, ta na7ay hayqonna de7ishin taara yedharki" yaagis.
Yesuusi, "Ne soo ba; ne na7ay paxana" yaagis.
He shuumay Yesuusi gidaysa ammanidi ba soo bis. I ba soo bishin iya aylleti iyako yishe iyara ogen gahetidi, "Ne na7ay paxis" gidoosona.
I ba aylleta ba na7aas ay saaten lo77idaako oychis. Enti zaaridi, "Zine laapun saaten mishay aggis" yaagidosona. Na7aa aaway Yesuusi baako, "Ne na7ay paxana" giday he saatiyan gideysa akeekis. Hessa gisho, inne iya soo asa ubbay ammanidosona.
Hessi Yesuusi Yihudape Galila yidi oothida nam7antho malaata.
A mulher com fluxo de sangue
Uma mulher que sofria há doze anos tocou a orla do manto de Jesus e foi curada instantaneamente pela sua fé.
I bishin tammanne nam7u laythi kumethi suuthi goggidi waaysiya issi maccasiya guyera shiiqada Yesuusa afilaa macaraa bochasu. Iya ba wozanan, "Ta iya afilaa macaraa xalaala bochiyako paxana" yaagada qopasu.
Yesuusi guye simmi iyo xeellidi, "Ta naatte, yayyofa! Nena ne ammanoy pathis" yaagis. Maccasiya ellesada paxa aggasu.
Tammanne nam7u laythi Ipe suuthi dhohiya issi maccasiya de7awusu. Daro aakimeti iyo aakimidosona, shin iya paxa kaa7etasu. Iya ba miishiya ubbaa wursinka iw haa iitisipe attishin, aykoka maaddibeenna. He maccasiya Yesuusaba si7ada, asaa kanthada Yesuusa guyera yada iya ma7uwa bochasu. Iya, "Taani hari attoshin iya ma7uwa bochiyako paxana" gada qopasu.
Iipe goggiya suuthay iiraka eqi aggis. Iya ba waayiyape paxidaysa ba asatethan erasu.
Tammanne nam7u laythi suuthi goggishe gam7ida maccasi de7awusu. Iya baw de7iya miishiya aakimetas immada ongasu. Shin paxanaw danda7abuku. Iya Yesuusas guye baggara shiiqada, iya afilaa macaraa bochasu, iiraka goggiya suuthay eqi aggis.
Yesuusi, "Tana bochiday oonee?" yaagis. Ubbay, "Nu bochibooko" yaagin, Phexroosi, "Astamaariyaw, daro asay kaallishininne un7ethishin be7ashe waanada, ‘Tana bochiday oonee?’ gay" yaagis.
Shin Yesuusi, "Issi asi tana bochis; ayis giiko, wolqi taape keyoysi taw eretis" yaagis.
Maccasiya, ibay qoncidaysa erida wode kokorashe yada Yesuusa tohuwa bolla kundasu. Ayis bochidaakonne waanada ellesada paxidaako asaa ubbaa sinthan markatasu. I, "Ta naate, ne ammanoy nena pathis; saro ba" yaagis.
Ressurreições
Jesus ressuscitou mortos — a filha de Jairo, o filho da viúva de Naim e Lázaro. Ele é Senhor sobre a morte.
Hayqida Na7iwunne Hargetiya Maccasiw
Yesuusi hessa odo bolla de7ishin, Ayhude halaqatape issoy iyako yidi, iya sinthan gulbatidi, "Ta na7iya ha77i hayqasu, shin iya paxana mela neeni yada ne kushiya I bolla wotharki" gidi woossis. Yesuusi dendidi iyara bis; iya tamaaretika kaallidosona.
Yesuusi Ayhude halaqaa soo gakiya wode zaye punneysatanne yeekeyisata be7idi, "Ane kichite; guutha na7iya dhiskasupe attishin, hayqabuuku" yaagis. Shin asay iya bolla miicidosona. Asaa kare kessidaape guye soo gelidi, na7e kushiya oykis, na7iya denda eqasu.
Iyaroosa geetetiya ayhude woosa keetha halaqatape issoy, Yesuusa be7ida wode iyako yidi iya tohuwa bolla kundidi, "Ta na7iya hargada hayqana hanawusu. Iya paxada de7ana mela yada ne kushiya I bolla wotharki" yaagidi Yesuusa minthidi woossis.
Yesuusi Iyaroosara bis. I bishin daro asay iya kaallidi un7ethidosona.
Enti ayhude woosa keetha halaqaa soo gakiya wode Yesuusi asay kaha dhayidi yeekeysanne zeleeleysa be7is. Gelidi asaako, "Ayis kaha dhayidi yeeketii? Na7iya dhiskasupe attishin, hayqabuuku" yaagis.
Asay iya bolla miicis. Shin asa ubbaa kare kessidi, na7e aawa, aayiwunne heedzu tamaareta baara ekidi na7iya de7iyasuwa gelis. Yesuusi na7e kushiya oykidi, "Xaalita, quumi" (Guutha naatte, nena gayis denda) yaagis.
Na7iya ellesa denda eqada hemetasu. Iya tammanne nam7u laytha na7a. Hessan asay daro malaaletidosona.
Yesuusi kaallidi haysada yaagis: "Hiza, ha wodiya yeletethaa aybira daaniso? Entika oona daanonna? Giya giddon uttidi woli xeegidi, ‘Nu hintew suusul7e punnin, hinte yexeketa. Nu sabbidi zeleelin, hinte yeekeketa’ giya nayta daanosona. Xammaqiya Yohaanisi moonnanne uyonna yin, ‘Iita ayyaanara de7ees gideta.’ Asa Na7ay mishenne uyishe yin, ‘Yarambanne ushshancho, qaraxa qanxiseysatanne nagaranchota dabbo’ gideta. Hiza, cincatethaa tumatethay iya nayta ubbaa matan eretis" yaagis.
Yesuusa Shitto Tiyida Issi Maccasiw
Issi Farsaawey Yesuusa kathi muzanaw ba soo xeegis. I Farisaawiya soo bidi gayta bolla uttis. He kataman issi nagarancho maccasi, Yesuusi Farisaawiya son gibira bolla de7eysa si7ida wode daro al7o philqaaxe shitto ekada yasu.
Ayhude woosa keetha halaqa gidida Iyaroosa geetetiya uray ba soo yaana mela Yesuusa tohuwa bolla wodhidi woossis. Iyaw tammanne nam7u laythi gidida macca na7i saketada hayqos gakada de7awusu. Yesuusi biya wode asay iya un7ethees.
Yesuusi oda ongonna de7ishin, ayhude woosa keetha halaqaa, Iyaroosa soope issi asi yidi, "Iyaroosa, ne na7iya hayqasu; astamaariya mela daabursofa" yaagis.
Shin Yesuusi hessa si7idi Iyaroosako, "Babofa! Ammana, ne na7iya paxana" yaagis.
Yesuusi Iyaroosa soo gakida wode Phexroosape, Yohaanisape, Yayqoobape, na7e aawapenne aayepe attishin, hari gelana mela koybeenna. He bessan de7iya asa ubbay na7ees mishetidi yeekishin, Yesuusi, "Yeekofite Na7iya dhiskasupe attishin, hayqabuuku" yaagis.
Asay na7iya hayqidaysa eriya gisho, iya oda leqidi miicidosona. Shin Yesuusi na7e kushiya oykidi, "Naatte denda" yaagis. Na7ees shempoy simmin denda eqasu. Yesuusi entako, "Iwu miyaba immite" yaagis. Na7ee aawaranne aayera malaaletidosona. Shin Yesuusi haysa, "Oodeska odopite" yaagis.
Alaazara Hayquwa
Bitaane gutan Alaazara geetetiya issi addey hargetis. Bitaaney Mayraamanne I michiya Marta de7iya guta. He Mayraama Godaa tohuwa shitto tiyada ba binaanan iya tohuwa quchidaaro. Hargetiday I ishaa Alaazara. Hessa gisho, micheti, "Godaw, ne doseysi hargetis" gidi Yesuusako kiittidosona.
Yesuusi hessa si7ida wode, "Ha hargey, Xoossaynne iya Na7ay bonchetana melape attishin, hayqos gathiya harge gidenna" yaagis.
Yesuusi Marta, I michiwunne Alaazara dosees. Shin Alaazari hargidaysa Yesuusi si7idi ba de7iya bessan nam7u gallas gam7is. Hessafe guye, Yesuusi ba tamaaretako, "Zaaridi Yihuda biitta boos" yaagis.
Iya tamaareti zaaridi, "Astamaariyaw, guutha wodepe kase Ayhudeti nena shuchan caddidi wodhanaw koydosona; ha77ika yaa baanee?" yaagidosona.
Yesuusi, "Issi gallasan tammanne nam7u saatey de7ees gidenneyee? Gallas hemetiya asi ha alamiya poo7uwa be7iya gisho dhubetenna. Shin qamma hemetiya oonika poo7oy bayna gisho, dhubetees" yaagis. Yesuusi hessa gidaape guye entako, "Nu dosiya Alaazari dhiskis, shin iya denthanaw taani baana" yaagis.
Iya tamaareti zaaridi, "Godaw, I dhiskidaba gidiko iyaw lo77ana" yaagidosona.
Yesuusi Alaazari hayqidaysa odis, shin entaw coo dhisko daanis. Hessa gisho, Yesuusi geeshshidi entako, "Alaazari hayqis.
Domínio sobre a natureza
Jesus acalmou a tempestade, andou sobre as águas e multiplicou pães. A natureza obedece à voz do seu Criador.
Yesuusi Hobbiya Seeris
Yesuusi baanaw wogoluwan gelida wode, iya tamaaretika iyara baanaw gelidosona. Enti qoponna de7ishin, wolqaama hobbey haatha bolla dendin wogoloy mitettanaw gakis. Shin Yesuusi dhiskis. Iya tamaareti iyako shiiqidi iya barkethidi, "Godaw, nu dhayos nuna ashsharki" yaagidosona.
Yesuusi entako, "Hinteno, ammanoy pacidaysato, ayis yayyetii?" yaagis. Dendidi, hobbiyanne gotiya essis. Ellesidi ubbabay si77i gis.
Iya tamaareti malaaletidi, "Haysi, hari attoshin, hobbeynne gotey kiiteteysi waanida asee?" yaagidosona.
Sa7ay omarsishe biya wode Yesuusa tamaareti iyako shiiqidi, "Ha bessay asi bayna bessi, sa7ika qammis. Yaaniya gisho, heeran de7iya gutata bidi bantaw shammidi maana mela deriya yedda" yaagidosona.
Shin Yesuusi entako, "Derey moonna baanaw koshshenna; enti maanaba hinte immite" yaagis.
Enti zaaridi, "Nuus haysan ichashu uythaafenne nam7u molope hari baawa" yaagidosona.
Ika, "Ane enta haa ehite" yaagis. Kaallidika, derey maatan uttana mela odis. Ichashu uythaanne nam7u molota ekidi, salo xeellidi galati simmidi, uythaa menthidi ba tamaaretas immis; enti qassi deriyas immidosona. Ubbay midi kallidosona. Yesuusa tamaareti mishin attidaysa tammanne nam7u gayta denthidosona. Kathaa mida asay maccasaynne nayti attishin, ichashu mukulu gidees.
Wontimaatha bolla Yesuusi abba bolla hemetishe ba tamaaretako yis.
Oyddu Mukulu Asa
Yesuusi ba tamaareta baako xeegidi, "Ha daro asay taara heedzu gallas gam7ida gishonne entaw ha77i miyabay bayna gisho taani entaw qadhetayis. Enti ogen daaburidi kundonna mela ayko muzonna enta mela yeddanaw koyke" yaagis.
Iya tamaareti zaaridi, "Nuuni ha bazzuwan haysa keena asaas gidiya kathi awupe demmanee?" yaagidosona.
Yesuusi entako, "Hintew aapun uythi de7ii?" yaagidi oychis.
Enti zaaridi, "Laapun uythinne laafa molotape guuthi de7ees" yaagidosona.
Yesuusi deriya sa7an uttite yaagidi kiittis. Hessafe guye, he laapun uythaanne moluwa ekidi Xoossaa galatis. Menthidi ba tamaaretas immis. Iya tamaareti daro asaas gishidosona.
Asa ubbay midi kallidosona. Iya tamaareti, mishin attida tiifiya laapun gita gayta kumethi denthidosona. Mida asay maccasinne na7a paydonna adde xalaali oyddu mukulu.
Xoossa Keetha Giira
Yesuusaranne iya tamaaretara Qifirnahooma katama gakida wode Xoossa Keetha giira qanxiseysati Phexroosako yidi, "Hinte astamaarey Xoossa Keetha giira giirii?" yaagidi oychidosona.
Phexroosi zaaridi, "Giirees" yaagis. Phexroosi soo geliya wode Yesuusi kasetidi, "Phexroosa, new ay daanii? Ha sa7aa kawotethati qaraxanne giira oope ekona? Gade asapeye woyko asa gade asapee?" yaagidi oychis.
Phexroosi "Asa gade asape" gidi zaaris.
Yesuusi zaaridi, "Gade asay giira giirokona guussu. Shin enti dhubetonna mela abba bada molo oykanaw manxaqo yegga. Koyro ne oykiya moluwa doona dooyada giiras gidiya miishe ne gishonne ta gisho efada giira" yaagis.
Yesuusi Baaddida Balase Mithiw
Yesuusi wonta guura katama simmidi yishe koshatis. Oge gaxan issi balase mithi be7idi iiko bis. Shin haythafe attishin, hara aykoka demmibeenna. Hessa gisho, iyo, "Hizape nam7antho ayfe ayfopa!" yaagis. He balase mithiya ellesada mela aggasu.
Iya tamaareti hessa be7idi, "Ha balasiya waanada ellesa meladee?" yaagidi malaaletidosona.
Yesuusi zaaridi, "Taani hintew tuma odayis; hintew ammanoy de7iko, qassi hinte sidhonna ixiko balase bolla taani oothidaysa mela xalaala ootheketa, shin ‘Ha zumaa shodetada abban wodha’ yaagiko hanana. Ammanidi hinte woossiyaba aybiba gidikoka hinte ekana" yaagis.
Wolqaama gotey dendidi, hobbey wogoluwa shocin, kumana gakanaw wogoluwa giddo haathi gelis. He wode Yesuusi wogoluwan guye baggara borkotidi dhiskis. Iya tamaareti iya denthidi, "Astamaariyaw, nuuni dhayiya wode ne si77i gada xeellay?" yaagidosona.
Yaatin, I barkidi gotiya, "Si7i ga" gidi, abbaaka, "Wopu ga" gis. Goteyka si77i gin ubbabay wopu gis. Yesuusi ba tamaaretako, "Ayis haysada babetii? Hintew ammanoy waanidi dhayidee?" yaagis.
Enti daro babidi banta giddon, "Haysi hari attoshin, goteynne abbay kiiteteysi oonee?" yaagidosona.
Sa7ay omarsiya wode Yesuusa tamaareti iyako yidi, "Haysi bessay asi bayna bessi; ha77i sa7ika qammis. Asay gutatanne katamata bidi bantaw miyaba shammana mela asa yedda" yaagidosona.
Shin Yesuusi zaaridi entako, "Asaas miyaba hinte immite" yaagis.
Enti, "Nuuni bidi nam7u xeetu dinaaren uythu shammidi asaa muzana mela koyay?" yaagidi oychidosona.
Yesuusi entako, "Hintew aapun uythi de7ii? Ane bidi be7ite" yaagis.
Enti be7idi, "Ichashu uythunne nam7u molo" yaagidosona.
Yesuusi ba tamaareta asa ubbaa cugan cugan shaakidi maatan utisana mela kiittis. Asay xeetu cuganinne ishatamu cugan shaaketi shaaketi uttidosona. Yesuusi ichashu uythaanne nam7u molota ekidi, pude salo xeellidi Xoossaa galatis. Uythaa menthidi asaas gishana mela ba tamaaretas immis. Qassi nam7u molota enta ubbaas shaakis. Asa ubbay midi kallidosona. Attida uytha tiifiyanne molota tiifiya, iya tamaareti tammanne nam7u gayta kumethi denthidosona. Uythaa mida adde asaa tayboy ichashu mukulu.
Carkoy iya tamaaretako carkiya gisho, abba pidhoy waayseysa Yesuusi be7is. Wontimaathe sa7i geeyana haniya wode I abba bolla hemetishe entako yidi, enta yeggidi aadhanaw koyis. Shin I abba bolla hemetishin, enti be7idi, entaw moytille daanin waassidosona. Enti ubbay iya be7idi, yashshan kokoridosona.
Shin Yesuusi ellesidi entako, "Tana, aykoy baawa; yayyofite" yaagis. Yesuusi wogoluwan gelidi entara issife uttin carkoy wopu gis. Enti daro malaaletidosona.
Oyddu Mukulu Asaa
Guutha wodepe guye, daro asay Yesuusako shiiqidosona. Asaas miyabay dhayin Yesuusi ba tamaareta baako xeegidi, "Ha asay taara heedzu gallas gakanaw gam7idi, aykoka miyaba demmiboonna gisho, tana asay qadhethees. Taani asaa koshara soo yeddiko asay bishe ogen daaburidi kundana, bagga asay haahosoope yidosona" yaagis.
Yesuusa tamaareti zaaridi, "Ha mela biittan ha asa ubbaa muzanaw gidiya kathi demmanaw danda7ey oonee?" yaagidosona.
Yesuusi entako, "Hintew aapun uythi de7ii?" yaagidi oychis.
Enti zaaridi, "Laapun uythi de7ees" yaagidosona.
Yesuusi asay sa7an uttana mela kiittis. Yaatidi, laapun uythaa ekidi Xoossaa galati simmidi he uythaa menthidi, asaas gishana mela ba tamaaretas immis. Iya tamaareti asaas gishidosona. Entaw qassi guutha laafa moloti de7oosona. Yesuusi he molota gisho Xoossaa galatidi, asaas gishana mela ba tamaareta kiittis. Asa ubbay midi kallidosona. Iya tamaareti attida tiifiya laapun gayta kumethi denthidosona. Kathaa mida asaa tayboy oyddu mukulu gidana. Hessafe guye, Yesuusi asa yeddis.
Yesuusi Baaddida Balase Mithiw
Wontetha gallas enti Bitaanepe keyidi bishin, Yesuusi koshatis. Haahon issi balase mithiw haytha xalaala ma7a uttidaaro be7idi, I bolla ayfey bentiko gidi, be7anaw iiko bis, shin iiko I biya wode, haytha xalaalape attishin, issi ayfeka demmibeenna; ayis giiko, balasey ayfiya wodey gakibeenna. Yesuusi he balasiw, "Hiza, asi neepe merinaw ayfe moopo" yaagis. Iya tamaareti I geysa si7idosona.
Balase Mithiya Melasu
Enti wontetha gallas he ogiyara aadhishe, he balasiya xaphora melidaaro be7idosona. Phexroosi akeekidi, "Astamaariyaw, Heko, neeni baaddida balasiya melasu" yaagis.
Yesuusi zaaridi, "Xoossaa ammanite. Taani hintew tuma odayis; oonika ba wozanan sidhonna gidabay hananaysa ammanidi, ha zumaa, ‘Dendada abban kunda’ yaagiko iyaw hanana. Hessa gisho, taani hintew odayis; Xoossaa hinte woossiyabanne oychiyaba ayba gidikoka ekidaada ammanite, hinte ekana. Xoossaa woossanaw hinte eqiya wode, salon de7iya hinte Aaway hinte nagara atto gaana mela, oonika hintena naaqidabay de7iko, iyaw atto giite.
Koyro Tamaareta Xeegethaa
Issi gallas Yesuusi Gensareexe Abbaa matan eqidashin daro asay iya yuushuwa un7ethidi, I tamaarsiya Xoossaa qaala si7oosona. Yan haatha gaxan de7iya nam7u wogolota be7is. Molo oykiya asati wogolotape wodhidi banta gitiya meeccosona. He wogolotape Simoonaysan gelidi biittafe guuthi giddo shiishana mela oychis. Yaatidi, he wogoluwa bolla uttidi asaa tamaarsis.
Ba timirtiya ongidaape guye Simoonako, "Gede ciimmuwako shiishada moluwa oykanaw hinte gitiya yeggite" yaagis.
Simooni zaaridi, "Astamaariyaw, qamma kumethi daaburishe aqidi aykoka oykibooko, shin ne giiko gitiya yeggana" yaagis.
Enti gitiya yeggida wode gitey daaketana gakanaw daro molo oykidosona. Hara wogolon de7iya banta laggeti yidi, bantana maaddana mela wuttidi xeegidosona. Enti yidi nam7u wogoloti, haathan mitettana gakanaw molon kunthidosona.
Simoon Phexroosi hessa be7ida wode, Yesuusa sinthan kundidi, "Godaw, taani nagarancho asi gidiya gisho, taape shaaketa" yaagis. I hessa giday, inne iyara de7eysati oykida moluwa darotethan malaaletida gishosa. Qassi Simoona lagge gidida Zabdiyoosa nayti Yayqoobaranne Yohaanisara malaaletidosona. Yesuusi Simoonako, "Babofa! Hizape neeni ase oykiya asi gidana" yaagis. Enti wogolota gaxa shiishidaape guye ubbaa aggidi Yesuusa kaallidosona.
Yesuusi Hobbiya Seeris
Issi gallas Yesuusaranne iya tamaaretara issife wogolon gelidi, "Abbaa pinnoos" yaagis. Entika baanaw dendidosona. Abbaa bollara enti pinnanaw bishin Yesuusi dhiskis. Qoponna mino carkoy abba bolla dendis. Haathi wogoluwan gelin wogoloy mitetethi oykiya wode ubbay babidosona.
Iya tamaareti iyako shiiqidi, "Godaw! Godaw! nu dhayos" yaagidi Yesuusa denthidosona.
Yesuusi dendidi carkuwanne gotiya hanqis. Ellesidi carkoynne gotey wopu gis; sarotethi simmis. Yesuusi ba tamaaretako, "Hinte ammanoy awunee?" yaagis. Entika, yayyishenne malaaletishe issoy issuwako, "Carkoynne haathay kiiteteysi, I haysi oonee" yaagidosona.
Yesuusi Hobbiya Seeris
Issi gallas Yesuusaranne iya tamaaretara issife wogolon gelidi, "Abbaa pinnoos" yaagis. Entika baanaw dendidosona. Abbaa bollara enti pinnanaw bishin Yesuusi dhiskis. Qoponna mino carkoy abba bolla dendis. Haathi wogoluwan gelin wogoloy mitetethi oykiya wode ubbay babidosona.
Iya tamaareti iyako shiiqidi, "Godaw! Godaw! nu dhayos" yaagidi Yesuusa denthidosona.
Yesuusi dendidi carkuwanne gotiya hanqis. Ellesidi carkoynne gotey wopu gis; sarotethi simmis. Yesuusi ba tamaaretako, "Hinte ammanoy awunee?" yaagis. Entika, yayyishenne malaaletishe issoy issuwako, "Carkoynne haathay kiiteteysi, I haysi oonee" yaagidosona.
Tuna Ayyaani Iyape Keyda Ura
Abba pinnidi Galila baggara de7iya Gergesoone biitta gakidosona.
Sa7i omarsiya wode tammanne nam7u hawaareti iyako shiiqidi, "Nu de7ey mela biitta gidiya gisho asay dumma dumma gutatanne katamata bidi, kathinne aqiya bessi koyana mela asaa moyza" yaagidosona.
Shin I, "Entaw miyaba hinte immite" yaagis.
Enti, "Nuus de7ey ichashu uythinne nam7u molo gidiya gisho, ha asaas gidiya kathi nuuni bidi shammonna ixiko gidenna" yaagidosona. He bessan ichashu mukulu gidiya addeti de7oosona.
Yesuusi ba tamaaretako, "Ishataman ishataman shaaki shaaki asaa utisite" yaagis.
Iya tamaareti, I kiitidaysada asaa utisidosona. I ichashu uythaanne nam7u molota ekidi, salo xeellidi, Xoossaa galatidi, menthidi asaa ubbaa gathana mela ba tamaaretas immis. Ubbay midi kallidosona. Entafe attida tiifey tammanne nam7u gayta kumethi gidis.
Yesuusi Yaagano Bessan
Heedzantho gallas Galila biittan Qaana kataman yaaganoy yaaganetis. Yesuusa aayiya he yaaganuwan de7awusu. Yesuusika ba tamaaretara issife he yaaganuwa xeegetis. Woyne ushshay wurin, Yesuusa aayiya Yesuusako, "Entaw woyne ushshay wuris" yaagasu.
Yesuusi zaaridi, "Ta aaye, ne haysan gelopa? Ta wodey buroo gakibeenna" yaagis.
Yesuusa aayiya oosanchotako, "I hintew odiyaba aybiba gidikoka oothite" yaagasu.
Ayhudeti banta geeshsho wogaas go7etiya usupun shucha baathati he bessan de7oosona. Issi issi baathay nam7u woyko heedzu xugga oykees. Yesuusi oosanchotako, "Baathatan haathe kunthite" yaagis. Enti baathatas doona gakanaw haathe kunthidosona. Yesuusi entako, "Ha77i duuqidi yaaganuwa aawatethan poliseysas immite" yaagis. Enti iyaw efidi immidosona.
Yaaganuwa aawatethan poliseysi woyne ushshi laametida haatha ganxi ekidi awupe yidaako eribeenna, shin haatha kunthida oosanchoti eroosona. Yaaganuwa aawatethan poliseysi machiw ekeysa xeegidi, "Oonika lo77o woyne ushsha asaa koyrottidi ushshees. Yaatidi asay uyi kallidaape guye, qiraariya immees. Shin neeni lo77o woyne ushsha hanno gakanaw wotha aggadasa" yaagis.
Yesuusi ha koyro malaata Galila biittan Qaana kataman oothis; hessan ba gitatetha bessis. Iya tamaareti iya ammanidosona.
I hessa Filphoosa paacanaw gisipe attishin, I ba huuphen ay oothaneko erees.
Filphoosi zaaridi Yesuusako, "Hari attoshin, Huuphen huuphen, issi issi barsi gathanaw, nam7u xeetu dinaaren uythu shamminka gidenna" yaagis.
Qassi Yesuusa tamaaretape issoy, Simoon Phexroosa ishay Indiriyasi, "Ichashu banga uythinne nam7u molo oykida issi na7ay haysan de7ees, shin ha asa ubbaas hessi ay maaddanee?" yaagis.
Yesuusi ba tamaaretako, "Asaa utisite" yaagis. He bessan daro maati de7ees; asa ubbay uttis. Adde asaa tayboy ichashu mukulu gidana. Yesuusi uythaa ekidi Xoossaa galati simmidi yan uttida asaas gishis. Moluwaka ekidi hessada oothidi immin, asay ba koydaysa mela mis. Enti ubbay kallidaape guye, Yesuusi ba tamaaretako, "Issibayka iitonna mela attida tiifiya shiishite" yaagis. Hessa gisho, enti ubbaa shiishidosona. Asay min attida banga uytha tiifiya shiishidi tammanne nam7u gayta kunthidosona.
Ichashu woyko usupun kilo mitire gideysa mela enti abba pidhidi bidaape guye, Yesuusi abba bollara hemetishe yeysa be7idi yayyidosona. Shin I, "Babofite, tana" yaagis. Enti ufaytidi iya wogoluwan gelsidosona; iiraka wogoloy enti biya abba gaxa gakis.
Yesuusi Laapun Tamaaretas Qoncis
Hessafe guye, Yesuusi Xibradoosa Abba matan ba tamaaretas zaari qoncis. I entaw haysafe kaallidi de7iya hanotan qoncis. Simoon Phexroosi, Mente geetetiya Toomasi, Qaana Galilape yida Natina7eeli, Zabdiyoosa naytinne Yesuusa tamaaretape hara nam7ati issife de7oosona.
Simoon Phexroosi entako, "Taani molo oykanaw bayis" yaagis.
Enti, "Nuka neera baana" yaagidi, wogoluwa giddo gelidosona. Shin enti he qamman aybi moloka oykibookona.
Wonta guura xalqey dolanaape sinthe, Yesuusi abba gaxan eqis, shin iya tamaareti Yesuusa gididaysa eribookona. Yesuusi entako, "Ta laggeto, molo oykibeeketii?" yaagis.
Enti zaaridi, "Aykoka oykibooko" yaagidosona.
I zaaridi, "Hinte gitiya wogoluwape ushacha baggara yeggite; guutha molo hinte oykana" yaagis. Hessa gisho, gitiya ushacha baggara yeggidosona. Moloy darida gisho goochi kessanaw xoonetidosona.
Yesuusi dosiya tamaarey Phexroosako, "Haysi Godaa!" yaagis. Simoon Phexroosi I Godaa gidaysa si7ida wode, kallo de7iya gisho, ba ma7uwa ma7idi abba giddo gupi gelis. Shin wogoluwan attida hanko tamaareti moloy kumida gitiya goochidi, abbaafe gaxa keyidosona. Enti abbaafe nam7u xeetu wadha mela haakoosona. Enti abbaafe gaxa keyida wode, xiifa bonqon moloy de7eysanne uythi be7idosona.
Yesuusi entako, "Ha77i hinte oykida moluwape guuthara hammite" yaagis.
Simoon Phexroosi wogoluwan gelidi, xeetanne ishatammanne heedzu wogga moloti kumida gitiya goochidi abbaafe gaxa kessis. Moloy hessa mela daro gidin gitey daaketibeenna.
Libertações
Jesus expulsou demônios com autoridade. Os espíritos impuros não resistiam à sua palavra e saíam imediatamente.
Mato Halaqa Ammano
Yesuusi Qifirnahooma katama gakida wode, issi mato halaqay iyako shiiqidi, "Godaw, ta aylley asatethay gundin daro hargetidi, son zin7idi de7ees" yaagidi woossis.
Yesuusi zaaridi, "Taani bada iya pathana" yaagis.
Shin mato halaqay zaaridi, "Godaw, ne ta soo gelanaw bessiya asi gidike, shin ne han uttada qaala xalaala oda, ta aylley paxana. Ayis giiko, taape bollara tana kiittiya asati de7oosona, qassi taape garsara taw kiiteteysati de7oosona. Entafe issuwa, ‘Ba’ giyade bees; hankuwa qassi ‘Haaya!’ giyade yees. Ta aylliya, ‘Haysa ootha’ giyade oothees" yaagis.
Yesuusi hessa si7ida wode malaaletidi, bana kaalliya asaako, "Ta hintew tuma odayis; taani haysa mela ammano Isra7eele asanka be7abike. Ta hintew odayis; daroti dolohapenne wulohape yidi, salo kawotethan Abrahaamera, Yisaaqaranne Yayqoobara issife imato bolla uttana. Shin salo kawotethaa laattanaw bessishin attidaysati kare dhuman holetana. Yan entaw yeehonne acha garcethi gidana" yaagis.
Yesuusi mato halaqaako, "Ne soo ba, ne ammanuwatho new hano" yaagis. Iya aylley iiraka paxi aggis.
Tuna Ayyaani Oykida Nam7u Asata
Yesuusi abbaafe hefinthan de7iya Gergesoone biitta gakida wode tuna ayyaanay oykida nam7u asati duufope keyidi iyara gahetidosona. Enti daro iitanne yashshiya asata gidiya gisho asi he bessaara aadhanaw danda7enna. Entika, "Xoossaa Na7aw, nunanne nena aybe gathey? Wodey gakonna de7ishin nuna pirdanaw yadii?" gidi waassidosona.
Entafe daro haakonna guduntho wudey hemetees. Tuna ayyaanati Yesuusa, "Ne nuna kessanaba gidiko, hini guduntho wudiya giddo yeddarki" yaagidi woossidosona.
Yesuusi, "Biite" yaagis. Tuna ayyaanati asatape keyidi gudunthotan gelidosona. Gudunthoti ubbay aafo doonara dirgidi bidi abban mitetidi hayqidosona.
Guduntho wudiya heemmeysati baqatidi katama bidi, hanidabaanne tuna ayyaanay oykida asata bolla oosetidaba ubbaa odidosona. Yaatin, kataman de7iya asa ubbay Yesuusa be7anaw keyidosona. Enti Yesuusa be7ida wode banta biittafe keyidi baana mela woossidosona.
Enti yaape keyiya wode asay tuna ayyaanay oykidi muumisida issi asi Yesuusako ehidosona. Tuna ayyaanay keydaape guye muume uray odetis. Dereyka malaaletidi, "Haysa mela oorathabay Isra7eele biittan hanibeenna" yaagidosona.
Yesuusanne Bi7eel-Zebuula
Hessafe guye, tuna ayyaanan oyketida qooqenne muume ase de7eysa iyako ehidosona. Yesuusi ura pathin, uray xeellis; odetis.
Issi Maccase Ammano
Hessafe guye, Yesuusi yaape keyidi Xiroosanne Sidoona katamati de7iya biitta bis. Issi Kanaane biitta maccas Yesuusako yada, ba qaala dhoqu oothada, "Godaw, Dawita na7aw, taw qadhetarki; ta na7iw tuna ayyaanay oykidi iita waaysees" yaagasu.
Shin Yesuusi issi qaalaka zaaronna si77i gis. Yesuusa tamaareti iyako yidi, "Ha maccasiya nu geedo kaalla kaallada, woossawusu. Hessa gisho, neeni iyo moyzarki" yaagidi woossidosona.
Yesuusi zaaridi, "Taani wudepe dhayida dorsada Isra7eele keethaafe dhayida asata xalaalas kiitetas" yaagis.
Shin iya, iya sinthan kundada, "Godaw, tana maaddarkii?" yaagasu.
I zaaridi, "Nayta kathi ekidi kanatas yeggeysi lo77o gidenna" yaagis.
Maccasiyaka, "Godaw, hessi tuma, shin hari attoshin kanati banta godati mishin, gaytape wodhiya tiifiya moosona" yaagasu.
Yesuusi zaaridi, "Ha maccasete, ne ammanoy gita; ne koydaysada new hano" yaagis. I na7iya iiraka paxa aggasu.
Tuna Ayyaani Oykida Na7a
Enti deriyape asaako simmiya wode issi asi Yesuusa sinthan gulbatidi, "Godaw, hayyana ta na7aas qadhetarki; iya shocidi yeggiya hargey daro un7ethidi tamaninne haathan yeggees. Ne tamaaretako ehas, shin enti pathanaw danda7ibookona" yaagis.
Yesuusi zaaridi, "Hinteno, ammanonna geella yeletethaw awude gakanaw ta hintera daanee? Awude gakanaw ta hintena danda7anee? Ane na7aa haa eki yiite" yaagis. Yesuusi tuna ayyaana hanqin, tuna ayyaanay na7aape keyis; he saatenka na7ay paxis.
He wode tuna ayyaanay oykida issi uray ayhude woosa keethi gelidi ba qaala dhoqu oothidi, "Naazirete Yesuusa, neeni nuupe ay koyay? Nuna dhaysanaw yadii? Neeni ooneko ta erayis; neeni Xoossaa Geeshshaa gidikii?" yaagis.
Yesuusi he tuna ayyaana, "Hayza, ha addiyafe keya" gidi kiittis.
Tuna ayyaanay uraa daferethidi, waassidi iyape keyis.
Tuna Ayyaani Oykida Ura
Yesuusinne iya tamaareti abba pinnidi, Gergesoone biitta gakidosona. Yesuusi wogoluwape wodhiya wode tuna ayyaanay oykida issi uray duufope keyidi iyara gahetis. He uray aqi pee7idi de7ey duufona. Iya oonika santhalaatan qachanaw danda7enna. I daro toho duthaninne santhalaatan qashetidi de7ees. Shin santhalaata duuserethees, dutha mentherethees. Iya teqanaw danda7iya oonika baawa. I qammanne gallas he duufuwaninne dere bolla waassees, ba asatethaa shuchan gaarees.
Yesuusa haahon be7ida wode woxi bidi iya sinthan gulbatis. He uray ba qaala dhoqu oothidi, "Ubbaafe Bolla Xoossaa Na7aw Yesuusa, nenanne tana aybe gathey? Tana dhaysona mela taani nena Xoossaa sunthan woossayis" yaagis. I hessa giday Yesuusi iya, "La ha tuna ayyaanaw, ha addiyafe keya" yaagida gishosa.
Yesuusi iyako, "Ne sunthay oonee?" yaagidi oychis.
I, "Nuuni daro gidiya gisho, ta sunthay Leegiyona" yaagis. Tuna ayyaanati bantana he biittafe kessi yeddonna mela Yesuusa minthidi woossidosona.
He deriya bolla daro guduntho wudey hemetees. Tuna ayyaanati Yesuusako, "Nuna hini guduntho wudiyako yeddarki, entan bidi geloos" yaagidi woossidosona. Yesuusi entako, "Biite" yaagis. Yaatin tuna ayyaanati addiyafe keyidi gudunthotan gelidosona. Nam7u mukulu gidiya guduntho wudey aafo doonara dirgidi bidi abban gelidi mitetidosona.
Guduntho wudiya heemmeysati baqati bidi hanidaba katamaninne gaxariyan odidosona. Yaatin asay hanidaba be7anaw keyidosona.
Shin issi asi ba aawa woyko ba aayiw maaddanaysa aggidi, ‘Haysi taani Xoossas immida yarsho’ giiko, I ba aawa woyko ba aayiw maaddonna mela ootheeta. Hessadaka, hinte harata tamaarsida hinte wogan Xoossaa qaala kadhideta. Hessa mela hara darobaa ootheeta" yaagis.
Ase Tunisiyabata
Yesuusi daro asaa qassika baako xeegidi, "Ubbay taani odeysa si7itenne akeekite. Asa wozanape keyaabay ase tuniseesipe attishin, karepe asa ulo gelidi ase tunisiyabay aybika baawa.
Issi Maccase Ammano
Yesuusi yaape keyidi, Xiroosa katama matan de7iya biitta bis. I issi keethi gelidi yan de7eysa oonika erana mela koybeenna. Shin qosetidi gam7anaw danda7ibeenna. Shin I guutha na7iw tuna ayyaanay oykida issi maccasiya Yesuusaba si7ada ellesa iyako yada iya tohuwa bolla kundasu. Iya Ayhude maccasi giduku; iya yeletiday Sirofinqe biittana. Iya, ba na7epe tuna ayyaana kessana mela Yesuusa woossasu.
Shin Yesuusi zaaridi, "Nayti koyrottidi kathaa kallo; nayta kathaa ekidi kanatas yeggeysi lo77o gidenna" yaagis.
Maccasiya zaarada, "Ta Godaw hessi tuma, shin gayta matan de7iya kanati naytape wodhiya tiifiya moosona" yaagasu.
Yesuusi qassi iiko, "Ha ne qaala gisho, ne soo ba; tuna ayyaanay ne na7epe keyis" yaagis.
Maccasiya ba soo biya wode tuna ayyaanay iipe keyin hiixan zin7idaaro demmasu.
He daro asa giddofe issi uray zaaridi, "Astamaariyaw, ta na7aa bolla odetethi diggiya tuna ayyaanay de7iya gisho, iya neeko ekada yas. Ha tuna ayyaanay iya oykiya wode ubban, iya shoci yeggees; iya doonara gopontoy yees; qassi ache garcisees; asatethayka minnees. Iyape ha tuna ayyaana kessana mela, ne tamaaretas odas, shin kessanaw danda7ibookona" yaagis.
Yesuusi zaaridi entako, "Ammanonna ha wodiya asaw! Taani hintera awude gakanaw daanee? Qassi hintena awude gakanaw danda7anee? Na7aa taako haa eki yiite" yaagis. Enti na7aa iyako ehidosona; he tuna ayyaanay Yesuusa be7ida mela na7aa kokorsis; na7ay sa7an kundidi, doonara gopontoy toofu gishin gondoretis. Yesuusi he na7aa aawako, "Haysi ne na7aa oykoosape ay mela wode gidanee?" yaagidi oychis.
Na7aa aaway, "I guuthan de7ishin oykis. Iya wodhanaw daro wode tamaninne haathan yeggees, shin ne danda7iko, nuus qadhetarki, nuna maaddarki" yaagis.
Yesuusi iya, " ‘Neeni danda7iko gay?’ Ammaniya oodeska ubbabay danda7etees" yaagis.
Ellesidi na7aa aaway ba qaala dhoqu oothidi, "Taani ammanayis, shin guja ammananada tana maaddarki" yaagis.
Yesuusi asay dari dari beysa be7idi, tuna ayyaana, "Ha tullenne muume ayyaanaw, ha na7aape keya gada nena ta kiittayis; qassi nam7antho iyan gelopa" yaagis.
He tuna ayyaanay waassidi, na7aa daro kokorsidi, iyape keyis. Na7ay hayqida daanin, daro asay, "Na7ay hayqis" yaagidosona. Shin Yesuusi na7aa kushiya oykidi denthin, na7ay dendi eqis.
Yesuusi Daro Harganchota Pathis
Hessafe guye, Yesuusi ayhude woosa keethafe keyidi Simoona soo gelis. Simoona mache aayiya mino qoxo misha hargen saketasu. Iyo pathana mela Yesuusa woossidosona. I hiixako shiiqi hokidi I hargiya hanqis. Mishay aggin ellesa dendada enta mokasu.
Yesuusi wogolope keyidi sa7an wodhishin tuna ayyaanan oyketida uray katamaape keydi iyara gahetis. Daro laythi ma7o ma7onna kallo duufon de7eesipe attishin, soo gelenna. Yesuusa be7ida wode iya sinthan gufannidi, ba qaala dhoqu oothidi, "Ubbaafe Bolla Xoossaa na7aw Yesuusa neera taw aybi issifetethi de7ii? Hayyana tana ha77i un7ethofarki" yaagis. Hessa I giday, tuna ayyaanay uraape keyana mela Yesuusi hanqida gishosa. Daro wode tuna ayyaanay iya haarida gisho santhalaataninne toho qachiya biratan qashetidi naagetees. Shin qashuwa duuthidi tuna ayyaanan laagetidi mela biitta gelis.
Yesuusi, "Ne sunthay oone" yaagidi oychis.
I, daro tuna ayyaanati iya oykida gisho bana, "Leegiyona" gis. Tuna ayyaanati bantana Si7oole kiittonna mela woossidosona.
He bessan zooze bolla miya guduntho wudey hemetees. Hini gudunthotan gelino gidi woossidosona, ika "Gelite" gis. Tuna ayyaanati uraape keyidi gudunthotan gelidosona. Wudey deriyape duge gurguxidi abban gelis.
Henthanchoti hanidaysa be7ida wode woxi bidi, katamaninne guta ubban odidosona. Asay hanidaba be7anaw keyidi Yesuusako yidosona. Tuna ayyaanay keyida uray ma7o ma7idi, iya wozanay simmin, Yesuusa toho matan uttidaysa demmidi yayyidosona.
Ta hintew tuma odayis; haysan eqidaysata giddofe Xoossaa kawotethaa be7onnashin hayqonna asati de7oosona" yaagis.
Yesuusa Malay Laametis
Yesuusi he oda odin, hospun gallasape guye, Phexroosa, Yayqoobanne Yohaanisa baara ekidi woossanaw zuma bolla keyis. I woosa bolla de7ishin iya ayfe karey laametis; afilayka booxidi, awa mela phoolis. Nam7u asati, entika Museranne Eeliyaasara bonchon qoncidi, Yerusalaamen poletanaw de7iyaba, hessika, I ha alamiyape shaaketanaba iyara odetoosona.
Phexroosanne iyara de7eyisata dhiskoy efin, enti dhiskofe barkiya wode iya bonchuwanne iyara eqida nam7u asata be7idosona. Asati Yesuusape shaaketidi baana hanishin, Phexroosi Yesuusako, "Godaw, nu haysan gidiko nuus ay mela lo77o! Issino new, issino Muses, issino Eeliyaasas oothidi, heedzu shaqara shaqaroos" yaagis. Shin I ay gidaako erenna.
He wode asaa giddofe issi asi, "Astamaariyaw, ta issi na7aa yada be7arki. Tuna ayyaanay qoponna oykidi waasisees; goponto yegisidi qakerethees, asatethaa qohidi un7ethidi yeddees. Ne tamaareti kessana mela woossas, shin enti danda7ibookona" yaagidi woossis.
Yesuusi, "Ammanoy bayna geella yeletato, awude gakanaw ta hintera daane, hintena danda7anee? Ne na7aa bada haa ekaya" yaagis.
Na7aa ekidi yaa wode tuna ayyaanay sa7an holi yeggidi kokorsis. Shin Yesuusi tuna ayyaana hanqidi na7aape kessis. Na7aaka na7aa aawas immis. Asa ubbay Xoossaa gita wolqan malaaletidosona. Enti I oothidaban malaaletishin, Yesuusi ba tamaaretako,
Yesuusanne Bi7eel-Zebuula
Issi gallas Yesuusi, doona muumisida tuna ayyaana issi uraape kessis. Tuna ayyaanay keyida mela muume uray odetis. Asayka malaaletis.
Enta giddofe issoy kahine halaqaa oosanchuwa shocidi ushacha haytha qanxidi yeggis.
Shin Yesuusi, "Agga! Diggofite" yaagis. Uraa haythaa bochidi pathis.
Yohaanisi kiittidaysati bidaape guye Yesuusi asaas Yohaanisaba yaagidi odis: "Hinte ay be7anaw mela biitta keydetii? Carkoy qaathiya maata be7anaseyee? Yaatin, ay be7anaw keydetii? Koyse ma7o ma7ida asaa be7anaseyee? Koyse ma7o ma7idaysatinne sa7i injetida asay kawo gadhon de7oosona. Yaatin, ay be7anaw keydetii? Nabiya be7anaseyee? Ee, ta yaagayis: hinte be7anaw keyday nabepe aadheysa.
" ‘Ne ogiya ne sinthan giigisiya
ta kiitanchuwa neepe sinthe ta kiittana’
geetetidi xaafetiday iyassa. Ta hintew odayis; maccasape yeletidaysata giddofe Yohaanisape aadhey baawa. Xoossaa kawotethan ubbaafe guuxeysi, I ubbaafe gita gidana" yaagis.
Hari attoshin, Yesuusa qaala si7ida qaraxa qanxiseysati ubbay Yohaanisa kushen xammaqetidi Xoossay xillo gideysa qoncisidosona. Shin Farsaawetinne higge astamaareti Yohaanisa kushen xammaqetonna ixidi Xoossaa zoriya leqsidosona.