Milagres de Jesus
Os Evangelhos registram dezenas de milagres realizados por Jesus — curas, ressurreições, domínio sobre a natureza e libertações. Cada milagre revelava sua divindade e compaixão.
Curas de cegos e surdos
Jesus devolveu a visão aos cegos e a audição aos surdos, manifestando seu poder sobre toda enfermidade e deficiência.
यीशु द्वारा दोय अन्धा ख चंगो करनो
जब यीशु उत सी आगु बढ़्यो, त दोय अन्धा ओको पीछू यो पुकारतो हुयो चल्यो, "हे दाऊद की सन्तान, हम पर दया कर!"
जब यीशु घर म पहुंच्यो, त हि अन्धा ओको जवर आयो, अऊर यीशु न उन्को सी कह्यो, "का तुम्ख विश्वास हय कि मय तुम्ख चंगो कर सकू हय?"
उन्न ओको सी कह्यो, "हव, प्रभु!"
तब यीशु न यो कहतो हुयो उन्की आंखी ख छूय क कह्यो, "तुम्हरो विश्वास को जसो तुम्हरो लायी हो।" अऊर उन्की आंखी खुल गयी। यीशु न उन्ख चिताय क कह्यो, "चौकस रहो, कोयी या बात ख नहीं जाने।"
पर उन्न निकल क पूरो देश म ओकी बात फैलाय दियो।
दोय अन्धा ख नजर दियो
जब हि यरीहो नगर सी निकल रह्यो होतो, त एक बड़ी भीड़ यीशु को पीछू भय गयी। अऊर दोय अन्धा, जो सड़क को किनार पर बैठ्यो होतो, यो सुन्क कि यीशु जाय रह्यो हय, पुकार क कहन लग्यो, "हे प्रभु, दाऊद की सन्तान, हमरो पर दया कर।"
लोगों न उन्ख डाट्यो कि चुप रहे; पर हि अऊर भी चिल्लाय क बोल्यो, "हे प्रभु, दाऊद की सन्तान, हमरो पर दया कर।"
तब यीशु न खड़ो होय क, उन्ख बुलायो अऊर कह्यो, "तुम का चाहवय हय कि मय तुम्हरो लायी करूं?"
उन्न ओको सी कह्यो, "हे प्रभु, यो कि हमरी आंखी खुल जाये।"
यीशु न तरस खाय क उन्की आंखी छूयो, अऊर हि तुरतच देखन लग्यो; अऊर ओको पीछू भय गयो।
यीशु न बैतसैदा नगर म अन्धा ख चंगो करयो
हि बैतसैदा नगर म आयो; अऊर कुछ लोग एक अन्धा ख यीशु को जवर लायो अऊर ओको सी बिनती करी कि ओख छूव। ऊ अन्धा को हाथ पकड़ क ओख गांव को बाहेर ले गयो, अऊर ओकी आंखी म थूक लगाय क ओको पर हाथ रख्यो, अऊर ओको सी पुच्छ्यो, "का तय कुछ देख सकय हय?"
ओन ऊपर देख क कह्यो, "मय आदमी ख देखूं हय; हि मोख चलतो हुयो झाड़ को जसो लग रह्यो हय।"
तब यीशु न दुबारा ओकी आंखी पर हाथ रख्यो, अऊर ओकी आंखी की रोशनी लौट आय गयी, अऊर सब कुछ साफ साफ देखन लग्यो। यीशु न ओख यो कह्य क घर भेज्यो, "दुबारा यो गांव म सी मत जाजो सीधो घर जा।"
यीशु न बहिरा अऊर मुक्का आदमी ख चंगो करयो
तब यीशु सूर को प्रदेश सी निकल क सैदा को रस्ता सी गलील की झील पहुंच क दिकापुलिस म आयो। त लोगों न एक बहिरा ख जो मुक्का भी होतो, ओको जवर लाय क ओको सी बिनती करी कि अपनो हाथ ओको पर रखे। येकोलायी ऊ ओख भीड़ सी अलग ले गयो, अऊर अपनो बोट ओको कानो म डाली, अऊर थूक लगाय क ओकी जीबली ख छूयो; अऊर यीशु स्वर्ग को तरफ देख क आह भरी, अऊर ओको सी कह्यो, "इप्फत्तह!" मतलब "खुल जा!"
अऊर आदमी को कान खुल गयो, अऊर ओकी जीबली की गाठ भी खुल गयी, अऊर ऊ साफ साफ बोलन लग्यो। तब यीशु न लोगों ख आदेश दियो कि ऊ कोयी सी नहीं कहेंन; पर जितनो जादा ओन उन्ख आदेश दियो, उतनोच उन्न अऊर बतायो। हि सुन क बहुतच अचम्भित भयो, "ऊ कितनो अच्छो तरह सी सब कुछ करय हय!" उन्न कह्यो। "ऊ बहिरा ख सुनन की, अऊर मुक्का ख बोलन की शक्ति देवय हय!"
अन्धो बरतिमाई की आंखी ठीक होनो
हि यरीहो नगर म पहुंच्यो, अऊर जब ऊ अऊर ओको चेलावों, अऊर एक बड़ी भीड़ यरीहो सी निकलत होती, त बरतिमाई नाम को एक अन्धा भिखारी, जो तिमाई को बेटा होतो, सड़क को किनार बैठ्यो होतो। जब ऊ सुन्यो कि यो नासरत निवासी यीशु हय, त पुकार पुकार क कहन लग्यो, "हे यीशु! दाऊद को बेटा! मोरो पर दया करो!"
बहुत सो न डाट क कह्यो कि ऊ चुप रहे। पर ऊ अऊर भी पुकारन लग्यो, "हे दाऊद की सन्तान, मोरो पर दया कर!"
तब यीशु न रुक क कह्यो, "ओख बुलाव।"
अऊर लोगों न ऊ अन्धा ख बुलाय क ओको सी कह्यो, "हिम्मत रख! उठ! ऊ तोख बुलावय हय।"
ऊ अपनो कपड़ा फेक क उछल पड़यो, अऊर यीशु को जवर आयो।
येको पर यीशु न ओको सी कह्यो, "तय का चाहवय हय कि मय तोरो लायी करू?"
अन्धा न ओको सी कह्यो, "हे गुरु, यो कि मय देखन लगू।"
यीशु न ओको सी कह्यो, "चली जा, तोरो विश्वास न तोख चंगो करयो हय।"
अऊर ऊ तुरतच देखन लग्यो, अऊर रस्ता म ओको पीछू चली गयो।
अन्धा भिखारी ख नजर दियो
जब यीशु यरीहो नगर को जवर पहुंच्यो, त एक अन्धा आदमी सड़क को किनार बैठ्यो हुयो, भीख मांग रह्यो होतो। ऊ भीड़ की चलनो की आवाज सुन क पूछन लग्यो, "यो का होय रह्यो हय?"
उन्न अन्धा ख बतायो, "यीशु नासरी जाय रह्यो हय।"
तब ओन पुकार क कह्यो, "हे यीशु, दाऊद की सन्तान, मोरो पर दया कर!"
जो आगु–आगु जाय रह्यो होतो, हि ओख डाटन लग्यो कि चुप रहो; पर ऊ अऊर भी जोर सी चिल्लावन लग्यो, "हे दाऊद की सन्तान, मोरो पर दया कर!"
तब यीशु न रूक क आज्ञा दियो कि अन्धा आदमी ख मोरो जवर लावो, अऊर जब ऊ जवर आयो त यीशु न ओको सी पुच्छ्यो, "तय का चाहवय हय कि मय तोरो लायी करू?"
ओन कह्यो, "हे प्रभु, यो कि मय फिर सी देखन लगू।"
यीशु न ओको सी कह्यो, "देखन लग! तोरो विश्वास न तोख अच्छो कर दियो हय।"
तब ऊ तुरतच देखन लग्यो अऊर परमेश्वर की बड़ायी करतो हुयो ओको पीछू भय गयो; अऊर सब लोगों न देख क परमेश्वर की स्तुति करी।
यीशु द्वारा जनम को अन्धा की चंगायी
जातो हुयो ओन एक आदमी ख देख्यो जो जनम सी अन्धा होतो। ओको चेला न ओको सी पुच्छ्यो, "हे गुरु, कौन पाप करयो होतो कि यो अन्धा जनम्यो, यो आदमी न या येको बाप–माय न?"
यीशु न उत्तर दियो, "नहीं येन पाप करयो होतो, नहीं येको माय–बाप न; पर यो येकोलायी भयो कि परमेश्वर को काम ओको म प्रगट हो। जेन मोख भेज्यो हय, हम्ख ओको काम दिनच दिन म करनो जरूरी हय; ऊ रात आवन वाली हय जेको म कोयी काम नहीं कर सकय। जब तक मय जगत म हय, तब तक जगत की ज्योति आय।"
यो कह्य क ओन जमीन पर थूक्यो, अऊर ऊ थूक सी माटी सानी, अऊर ऊ माटी ऊ अन्धा की आंखी पर लगाय क ओको सी कह्यो, "जा, शीलोह को कुण्ड म धोय ले" शीलोह को मतलब "भेज्यो हुयो हय।" ओन जाय क धोयो, अऊर देखतो हुयो लौट आयो।
Curas de paralíticos e enfermos
Paralíticos caminharam, leprosos ficaram limpos e todo tipo de doença foi curada pelo toque e pela palavra de Jesus.
अऊर देखो, एक कोढ़ी न जवर आय क ओख प्रनाम करयो अऊर कह्यो, "हे प्रभु, यदि तय चाहवय, त मोख शुद्ध कर सकय हय।"
यीशु न हाथ बढ़ाय क ओख छूयो, अऊर कह्यो, "मय चाहऊ हय, तय शुद्ध होय जा।" अऊर ऊ तुरतच कोढ़ सी चंगो भय गयो। यीशु न ओको सी कह्यो, "देख, कोयी सी मत कहजो, पर जाय क अपनो आप ख याजक ख दिखाव अऊर जो चढ़ावा मूसा न ठहरायो हय ओख भेंट चढ़ाव, ताकि लोगों लायी गवाही हो।"
अऊर देखो, कुछ लोग एक लकवा को रोगी ख खटिया पर रख क ओको जवर लायो। यीशु न उन्को विश्वास ख देख क, ऊ लकवा को रोगी सी कह्यो, "हे बेटा, हिम्मत रख; तोरो पाप माफ भयो।"
येको पर कुछ धर्मशास्त्रियों न आपस म बोलन लग्यो, "यो त परमेश्वर की निन्दा करय हय।"
यीशु न उन्को मन की बाते जान क कह्यो, "तुम लोग अपनो-अपनो मन म बुरो बिचार कहाली लाय रह्यो हय? सहज का हय? यो कहनो, ‘तोरो पाप माफ भयो,’ यां यो कहनो, ‘उठ अऊर चल फिर।’ पर तुम यो जान लेवो कि आदमी को बेटा ख धरती पर पाप माफ करन को अधिकार हय।" येकोलायी यीशु न लकवा को रोगी सी कह्यो, "उठ, अपनी खटिया उठाव, अऊर अपनो घर चली जा।"
ऊ उठ क अपनो घर चली गयो।
उत एक आदमी होतो, जेको हाथ म लकवा भयो होतो। फरीसियों न यीशु पर दोष लगावन लायी ओको सी पुच्छ्यो, "का आराम को दिन नियम को अनुसार चंगो करनो उचित हय?"
यीशु न उन्को सी कह्यो, "तुम म असो कौन हय जेकी एकच मेंढीं हय, अऊर ऊ आराम दिन गड्डा म गिर जाये, त ऊ ओख पकड़ क नहीं निकालेंन? भलो, आदमी की कीमत मेंढा सी कितनो बढ़ क हय! येकोलायी आराम दिन म भलायी करनो नियम को अनुसार उचित हय।" तब यीशु न ऊ आदमी सी कह्यो, "अपनो हाथ बढ़ाव।"
ओन बढ़ायो, अऊर ऊ तब दूसरों हाथ को जसो अच्छो भय गयो।
शिमोन की सासु बुखार म पड़ी होती, अऊर उन्न तुरतच ओको बारे म यीशु सी कह्यो। तब ओन जवर जाय क ओको हाथ पकड़ क ओख उठायो; अऊर ओको बुखार उतर गयो, अऊर वा उन्की सेवा-भाव करन लगी।
कोढ़ को रोगी ख चंगो करनो
अऊर एक कोढ़ को रोगी यीशु को जवर आय क ओको सी बिनती करी, अऊर ओको सामने घुटना टेक क ओको सी कह्यो; "यदि तय चाहवय त मोख शुद्ध कर सकय हय।"
यीशु न कोढ़ी पर तरस खाय क हाथ बढ़ायो, अऊर ओख छूय क कह्यो, "मय चाहऊ हय तय शुद्ध होय जा!" अऊर तुरतच ओको कोढ़ सुधरतो चल्यो, अऊर ऊ शुद्ध भय गयो।
अऊर लोग एक लकवा को रोगी ख चार आदमी सी उठाय क यीशु को जवर लायो। पर जब हि भीड़ को वजह सी ओको जवर नहीं पहुंच सक्यो। त उन्न ऊ घर को ऊपर को छत ख जित यीशु होतो खोल दियो। अऊर जब हि छत ख उधड़ दियो, त वा खटिया ख जेको म लकवा को रोगी पड़यो होतो, ओख छत पर सी जमीन पर उतार दियो। यीशु न, उन्को विश्वास देख क ऊ लकवा को रोगी सी कह्यो, "हे बेटा, तोरो पाप माफ भयो।"
तब बहुत सो धर्मशास्त्री जो उत बैठ्यो होतो, अपनो-अपनो मन म बिचार करन लग्यो, "यो आदमी कसो बात करन की हिम्मत करय हय? यो त परमेश्वर की निन्दा करय हय! परमेश्वर को अलावा अऊर कौन पाप माफ कर सकय हय?"
यीशु न खुद अपनी आत्मा म जान लियो कि हि अपनो-अपनो मन सी असो बिचार कर रह्यो हय, अऊर उन्को सी कह्यो, "तुम अपनो-अपनो मन म यो बिचार कहाली कर रह्यो हय? का यो कहनो सहज हय? लकवा को रोगी सी कि ‘तोरो पाप माफ भयो, यां यो कहनो कि उठ अपनी खटिया उठाय क चल फिर?’ यीशु न लकवा को रोगी सी कह्यो, तुम जान लेवो कि आदमी को बेटा ख धरती पर पाप माफ करन को भी अधिकार हय।" "मय तोरो सी कहूं हय, उठ, अपनी खटिया उठाय क अपनो घर चली जा।"
ऊ उठ्यो अऊर तुरतच खटिया उठाय क सब को सामने सी निकल क चली गयो; येको पर सब अचम्भित भयो, अऊर परमेश्वर कि बड़ायी कर क् कहन लग्यो, "हम न असो कभी नहीं देख्यो!"
सूख्यो हाथ वालो आदमी ख चंगो करनो
यीशु तब यहूदियों को आराधनालय म गयो; उत एक आदमी होतो जेको हाथ लकवा को रोग सी सूख गयो होतो, अऊर हि यीशु पर दोष लगावन लायी ओख मारन म लग्यो होतो कि देखो, ऊ आराम दिन म ऊ आदमी ख चंगो करय हय कि नहीं। यीशु न लकवा को सुख्यो हाथ वालो आदमी सी कह्यो, "सामने खड़ो हो।"
अऊर उन्को सी कह्यो, "का आराम दिन को नियम को अनुसार भलो करनो ठीक हय यां बुरो करनो? जीव ख बचावनो यां मारनो?" पर हि चुप रह्यो। यीशु न उन्को मन की कठोरता सी उदास होय क, उन्ख गुस्सा सी चारयी तरफ देख्यो, अऊर ऊ आदमी सी कह्यो, "अपनो हाथ बढ़ाव।" ओन बढ़ायो, अऊर ओको हाथ पहिलो जसो अच्छो भय गयो।
कोढ़ को रोगी ख चंगो करनो
जब यीशु कोयी दूसरों नगर म होतो, त उत कोढ़ की बीमारी वालो एक आदमी आयो; अऊर ऊ यीशु ख देख क मुंह को बल गिरयो अऊर बिनती करी, "हे प्रभु, यदि तय चाहवय त मोख शुद्ध कर सकय हय।"
ओन हाथ बढ़ाय क ओख छूयो अऊर कह्यो, "मय चाहऊ हय, तय शुद्ध होय जा।" अऊर ओको कोढ़ तुरतच जातो रह्यो।
ऊ समय कुछ लोग एक आदमी ख जो लकवा को रोगी होतो, खटिया पर लायो, अऊर हि ओख अन्दर लिजान अऊर यीशु को आगु रखन को उपाय ढूंढ रह्यो होतो। पर जब भीड़ को वजह ओख अन्दर नहीं लाय सक्यो त उन्न छत पर चढ़ क अऊर खपरैल हटाय क, ओख खटिया समेत बीच म यीशु को आगु उतार दियो। यीशु न उन्को विश्वास देख क ओको सी कह्यो, "हे आदमी, तोरो पाप माफ भयो।"
तब धर्मशास्त्री अऊर फरीसी अपनो मन म बिचार करन लग्यो, "यो कौन आय? जो परमेश्वर की निन्दा करय हय! परमेश्वर ख छोड़ अऊर कौन पापों ख माफ कर सकय हय?"
यीशु न उन्को मन की बाते जान क, उन्को सी कह्यो, "तुम अपनो मन म का बिचार कर रह्यो हय? सहज का हय? का यो कहनो कि ‘तोरो पाप माफ भयो,’ या यो कहनो कि ‘उठ अऊर चल फिर?’ पर येकोलायी कि तुम जानो कि मय आदमी को बेटा ख धरती पर पाप माफ करन को भी अधिकार हय।" ओन ऊ लकवा को रोगी सी कह्यो, "मय तोरो सी कहू हय, उठ अऊर अपनी खटिया उठाय क अपनो घर चली जा।"
ऊ तुरतच उन्को आगु उठ्यो, अऊर जो खटिया पर ऊ पड़्यो होतो ओख उठाय क, परमेश्वर की बड़ायी करतो हुयो अपनो घर चली गयो।
लकवा सी ग्रस्त हाथ वालो आदमी ख चंगो करनो
असो भयो कि कोयी अऊर आराम को दिन ऊ आराधनालय म जाय क उपदेश करन लग्यो; अऊर उत एक आदमी होतो जेको दायो हाथ लकवा ग्रस्त होतो। धर्मशास्त्री अऊर फरीसी ओको पर दोष लगावन को अवसर पावन की ताक म होतो कि देखे ऊ आराम को दिन चंगो करय हय कि नहीं। पर ऊ उन्को बिचार जानत होतो; येकोलायी ओन लकवा ग्रस्त हाथ वालो आदमी सी कह्यो, "उठ, बीच म खड़ो हो।" ऊ बीच म खड़ो भयो। यीशु न उन्को सी कह्यो, "मय तुम सी यो पूछू हय कि हमरो नियम को अनुसार आराम को दिन का ठीक हय, भलो करनो यां बुरो करनो; जीव ख बचावनो या नाश करनो?" तब ओन चारयी तरफ उन सब ख देख क ऊ आदमी सी कह्यो, "अपनो हाथ बढ़ाव।" ओन असोच करयो, अऊर ओको हाथ फिर चंगो भय गयो।
एक सूबेदार को विश्वास
जब यीशु लोगों सी सब बाते कह्य दियो, त कफरनहूम नगर म आयो। उत सौ रोमन सिपाहियों को अधिकारी को एक सेवक जो ओको प्रिय होतो, बीमारी सी मरन पर होतो। ओन यीशु की चर्चा सुन क यहूदियों को कुछ बुजूर्गों ख ओको सी या बिनती करन क् ओको जवर भेज्यो कि आय क मोरो सेवक ख चंगो कर। हि यीशु को जवर आयो, अऊर ओको सी बहुत बिनती कर क् कहन लग्यो, "ऊ यो लायक हय कि तय ओको लायी यो कर, कहालीकि ऊ हमरो लोगों सी प्रेम रखय हय, अऊर ओनच हमरो आराधनालय ख बनायो हय।"
यीशु उन्को संग गयो, पर जब ऊ घर सी दूर नहीं होतो, त सूबेदार न ओको जवर कुछ संगियों ख यो कहन भेज्यो, "हे प्रभु, दु:ख मत उठाव, कहालीकि मय यो लायक नहाय कि तय मोरी छत को खल्लो आय सकय। योच वजह मय न अपनो आप ख यो लायक भी नहीं समझ्यो कि तोरो जवर आऊं, पर वचनच कह्य दे त मोरो सेवक चंगो होय जायेंन। मय भी शासन को अधीन आदमी हय, अऊर सिपाही मोरो हाथ म हंय; अऊर जब एक ख कहूं हय, ‘जा,’ त ऊ जावय हय; अऊर दूसरों सी कहूं हय, ‘आव,’ त आवय हय; अऊर अपनो कोयी सेवक ख कि ‘यो कर,’ त ऊ ओख करय हय।"
यो सुन क यीशु ख अचम्भा भयो अऊर ओन मुंह घुमाय क वा भीड़ सी जो ओको पीछू आय रही होती, कह्यो, "मय तुम सी कहू हय कि मय न इस्राएल म भी असो विश्वास नहीं पायो।"
अऊर भेज्यो हुयो लोगों न घर लौट क ऊ सेवक ख चंगो पायो।
उत एक बाई होती जेक अठरा साल सी एक कमजोर करन वाली दुष्ट आत्मा लगी होती, अऊर वा कुबड़ी भय गयी होती अऊर कोयी तरह सी सीधी नहीं होय सकत होती। यीशु न ओख देख क बुलायो अऊर कह्यो, "हे नारी, तय अपनी कमजोरी सी चंगी भय गयी हय!" तब ओन ओको पर हाथ रख्यो, अऊर वा तुरतच सीधी भय गयी अऊर परमेश्वर की महिमा करन लगी।
आराम को दिन यीशु न बीमार ख चंगो करयो
तब यीशु आराम दिन म फरीसियों को मुखिया म सी कोयी को घर रोटी खान गयो; अऊर हि ओकी ताक म होतो। उत एक आदमी जेक सूजन को रोग होतो यीशु को जवर आयो। येको पर यीशु न व्यवस्थापकों अऊर फरीसियों सी कह्यो, "हमरो नियम को अनुसार आराम दिन म चंगो करनो ठीक हय यां नहीं?"
पर हि चुपचाप रह्यो। तब यीशु न ओख छूय क चंगो करयो अऊर जान दियो,
कोढ़ को दस रोगियों ख चंगो करनो
असो भयो कि यीशु यरूशलेम जातो हुयो सामरियां अऊर गलील को सिमा सी होय क जाय रह्यो होतो। कोयी गांव म सिरतो समय ओख दस कोढ़ी मिल्यो। जो ओको सी दूर खड़ो होतो। उन्न ऊचो आवाज सी पुकार क कह्यो, "हे यीशु! हे मालिक! हम पर दया कर!"
यीशु न उन्ख देख क कह्यो, "जावो, अऊर अपनो आप ख याजकों ख दिखावो।"
अऊर हि रस्ता म जातोच शुद्ध भय गयो। तब उन्म सी एक यो देख क कि मय चंगो भय गयो हय, ऊचो आवाज सी परमेश्वर कि बड़ायी करतो हुयो वापस लौट्यो, अऊर यीशु को पाय पर मुंह को बल गिर क ओको धन्यवाद करन लग्यो, अऊर ऊ सामरी होतो। येख पर यीशु न कह्यो, "का दसो शुद्ध नहीं भयो; त फिर हि नव कित हंय? का यो परदेशी ख छोड़ कोयी अऊर वापस नहीं आयो जो परमेश्वर की बड़ायी करय हय?" अऊर यीशु न ओको सी कह्यो, "उठ क चली जा; तोरो विश्वास न तोख अच्छो करयो हय।"
अड़तीस साल को रोगी ख चंगो करनो
इन बातों को बाद यहूदियों को एक त्यौहार भयो, अऊर यीशु यरूशलेम ख गयो। यरूशलेम म मेंढा की फाटक को जवर एक कुण्ड हय जो इब्रानी बोली म बैतसैदा कहलावय हय; ओको पाच छप्परियां हंय। इन म बहुत सो बीमार, अन्धा, लंगड़ा अऊर सूख्यो शरीर वालो पानी को हिलन की आशा म पड़्यो रहत होतो। कहालीकि ठहरायो समय पर परमेश्वर को स्वर्गदूत कुण्ड म उतर क पानी ख हिलावत होतो। पानी हलतोच जो कोयी पहिले उतरन वालो चंगो होय जात होतो चाहे ओकी कोयी भी बीमारी हो। उत एक आदमी होतो, जो अड़तीस साल सी बीमारी म पड़्यो होतो। यीशु न ओख पड़्यो हुयो देख क अऊर यो जान क कि ऊ बहुत दिनो सी यो दशा म पड़्यो हय, ओको सी पुच्छ्यो, "का तय चंगो होनो चाहवय हय?"
ऊ बीमार आदमी न ओख उत्तर दियो, "हे प्रभु, मोरो जवर कोयी आदमी नहाय कि जब पानी हिलायो जाये, त मोख कुण्ड म उतारे; पर मोरो पहुंचतो दूसरों मोरो सी पहिले उतर जावय हय।"
यीशु न ओको सी कह्यो, "उठ, अपनी खटिया उठाव, अऊर चल फिर।"
ऊ आदमी तुरतच चंगो भय गयो, अऊर अपनी खटिया उठाय क चलन फिरन लग्यो।
तब ऊ फिर गलील को काना नगर म आयो, जित ओन पानी ख अंगूररस बनायो होतो। उत राजा को एक नौकर होतो जेको बेटा कफरनहूम नगर म बीमार होतो। ऊ यो सुन्क कि यीशु यहूदिया सी गलील म आय गयो हय, ओको जवर गयो अऊर ओको सी बिनती करन लग्यो कि चल क मोरो बेटा ख चंगो कर दे: कहालीकि ऊ मरन पर होतो। यीशु न ओको सी कह्यो, "जब तक तुम चिन्ह अऊर अचम्भा को काम नहीं देखो तब तक तुम कभी भी विश्वास नहीं कर सको।"
राजा को नौकर न यीशु सी कह्यो, "हे प्रभु, मोरो बेटा को मरन सी पहिले चल।"
यीशु न ओको सी कह्यो, "जा, तोरो बेटा जीन्दो हय।"
ऊ आदमी न यीशु की कहीं हुयी बात पर विश्वास करयो अऊर चली गयो। ऊ रस्ताच म होतो कि ओको सेवक ओको सी आय मिल्यो अऊर कहन लग्यो, "तोरो बेटा जीन्दो हय।"
ओन उन्को सी पुच्छ्यो, "कौन्सो समय ऊ अच्छो होन लग्यो?" उन्न ओको सी कह्यो, "कल सातवों घंटो म ओको बुखार उतर गयो।" तब बाप जान गयो कि यो उच समय भयो जो समय यीशु न ओको सी कह्यो, "तोरो बेटा जीन्दो हय," अऊर ओन अऊर ओको पूरो घर परिवार न विश्वास करयो।
यो दूसरों चिन्ह चमत्कार होतो जो यीशु न यहूदिया सी गलील म आय क दिखायो।
A mulher com fluxo de sangue
Uma mulher que sofria há doze anos tocou a orla do manto de Jesus e foi curada instantaneamente pela sua fé.
अऊर देखो, एक बाई न जेक बारा साल सी खून बहन कि बीमारी होती, पीछू सी आय क ओको कपड़ा को कोना ख छूय लियो। कहालीकि वा अपनो मन म कहत होती, "यदि मय ओको कपड़ा ख छूय लेऊ त चंगी होय जाऊं।"
यीशु न मुड़ क ओख देख्यो अऊर कह्यो, "बेटी हिम्मत रख; तोरो विश्वास न तोख चंगो करयो हय।" येकोलायी वा बाई उच घड़ी चंगी भय गयी।
एक बाई होती, जेक बारा साल सी खून बहन कि बीमारी होती। ओन बहुत दु:ख उठायो अऊर बहुत डाक्टरों सी इलाज करवायो, अऊर अपनो सब पैसा खर्च करन पर भी ओख कुछ फायदा नहीं मिल्यो, पर अऊर भी बीमारी भय गयी। ओन यीशु को बारे म ओकी चर्चा सुनी, येकोलायी भीड़ म ओको पीछू सी आयी अऊर ओको कपड़ा ख छूय लियो, कहालीकि वा कहत होती, "यदि मय ओको कपड़ाच ख छूय लेऊ, त चंगी होय जाऊं।"
अऊर तुरतच ओको खून बहनो बन्द भय गयो, अऊर ओन अपनो शरीर म जान लियो कि मय वा बीमारी सी अच्छी भय गयी हय।
एक बाई जेक बारा साल सी खून बहन को रोग होतो, अऊर जो अपनी पूरी जीवन की कमायी बैद्धो को पीछू कुछ खर्चा कर लियो होती, तब भी कोयी को हाथ सी चंगी नहीं भय सकी, भीड़ को पीछू सी आय क ओको कपड़ा को कोना ख छूयो, अऊर तुरतच ओको खून बहन की बीमारी सी ठीक भय गयी। येख पर यीशु न कह्यो, "मोख कौन छूयो?" जब सब मुकरन लग्यो, त पतरस न कह्यो।
"हे मालिक, तोख त भीड़ दबाय रही हय अऊर तोरो पर गिर पड़य हय।"
पर यीशु न कह्यो, "कोयी न मोख छूयो हय, कहालीकि मय न जान लियो हय कि मोरो म सी सामर्थ निकली हय।" जब बाई न देख्यो कि मय लूक नहीं सकू, तब कापती हुयी आयी अऊर ओको पाय पर गिर क सब लोगों को आगु बतायो कि ओन कौन्सो वजह सी ओख छूयो, अऊर कसी तुरतच चंगी भय गयी। यीशु न ओको सी कह्यो, "बेटी, तोरो विश्वास न तोख चंगो करयो हय, शान्ति सी चली जा।"
Ressurreições
Jesus ressuscitou mortos — a filha de Jairo, o filho da viúva de Naim e Lázaro. Ele é Senhor sobre a morte.
रोमी अधिकारी की मरी बेटी अऊर बीमार बाई
ऊ उन्को सी यो बाते कह्यच रह्यो होतो, कि देखो, एक मुखिया न आय क ओख प्रनाम करयो अऊर कह्यो, "मोरी बेटी अभी मरी हय, पर चल क अपनो हाथ ओको पर रखजो, त वा जीन्दी होय जायेंन।"
यीशु उठ क अपनो चेलावों को संग ओको पीछू भय गयो।
जब यीशु ऊ मुखिया को घर म पहुंच्यो अऊर पेपाड़ी बजावन वालो अऊर भीड़ ख हल्ला मचावत देख्यो, तब कह्यो, "हट जा, बेटी मरी नहाय, पर सोय रही हय।" याच बात पर हि ओकी मजाक उड़ावन लग्यो। पर जब भीड़ ख बाहेर निकाल दियो त यीशु अन्दर जाय क बेटी को हाथ पकड़्यो अऊर वा जीन्दी भय गयी।
याईर नाम को आराधनालय को मुखिया म सी एक लोग आयो, अऊर यीशु ख देख क ओको पाय पर गिर पड़्यो, अऊर यो कह्य क ओको सी बहुत बिनती करी, "मोरी छोटी बेटी बीमार हय: तय आय क ओको पर हाथ रख कि वा चंगी होय क जीन्दी रहे।"
तब यीशु ओको संग गयो; अऊर बड़ी भीड़ ओको पीछू चलन लगी, यहां तक कि लोगों कि भीड़ ओको पर गिर पड़त होती।
याईर अधिकारी को घर म जाय क यीशु न, लोगों ख भ्रमित अवस्था म बहुत रोवत अऊर चिल्लावत देख्यो। तब ओन घर को अन्दर जाय क उन सी कह्यो, "तुम कहाली भ्रम म हय? कहाली रोवय हय? बेटी मरी नहीं, पर वा सोय रही हय।"
हि ओकी मजाक उड़ावन लग्यो, येकोलायी ओन सब ख बाहेर निकाल क बेटी को माय-बाप अऊर अपनो तीन चेलावों को संग ऊ कमरा को अन्दर गयो, जित बेटी पड़ी होती। अऊर बेटी को हाथ पकड़ क ओको सी कह्यो, "तलीता कूमी!" जेको मतलब आय, "हे बेटी, मय तोरो सी कहूं हय, उठ!"
अऊर बारा साल की वा बेटी तुरतच उठ क चलन फिरन लगी; येको पर लोगों ख बहुत आश्चर्य भयो।
"त मय यो युग को लोगों की तुलना कौन्को सी देऊ कि हि कौन्को जसो हंय? हि उन बच्चां को जसो हंय जो बजार म बैठ्यो हुयो एक दूसरों सी पुकार क कह्य हंय, ‘हम न तुम्हरो लायी बांसुरी बजायी, अऊर तुम नहीं नाच्यो; हम्न विलाप गीत गायो, अऊर तुम नहीं रोयो!’ कहालीकि यूहन्ना बपतिस्मा देन वालो नहीं रोटी खातो आयो, नहीं अंगूररस पीतो आयो, अऊर तुम कह्य हय, ‘ओको म दुष्ट आत्मा हय।’ मय आदमी को बेटा खातो-पीतो आयो हय, अऊर तुम कह्य हय, ‘देखो, खादाड़ अऊर पियक्कड़ आदमी, कर लेनवालो को अऊर पापियों को संगी।’ जो लोग परमेश्वर को ज्ञान स्वीकारय हय ऊ ज्ञान सच्चो हय।"
फरीसी को घर पापिन बाई ख माफी
फिर कोयी फरीसी न ओको सी बिनती करी कि ऊ ओको संग जेवन करेंन, येकोलायी ऊ उन फरीसी को घर म जाय क जेवन करन बैठ्यो। ऊ नगर की एक पापिन बाई यो जान क कि ऊ फरीसी को घर म जेवन करन बैठ्यो हय, संगमरमर को बर्तन म अत्तर लायी,
इतनो म याईर नाम को एक आदमी जो यहूदियों को आराधनालय को मुखिया होतो, आयो अऊर यीशु को पाय पर गिर क ओको सी बिनती करन लग्यो कि मोरो घर चल।
कहालीकि ओकी बारा साल की एकलौती बेटी होती, अऊर वा मरन पर होती। जब यीशु जाय रह्यो होतो, तब लोग ओको पर गिरत पड़त होतो।
यीशु यो कहतच रह्यो होतो कि कोयी न यहूदी आराधनालय को मुखिया को तरफ सी आय क कह्यो, "तोरी बेटी मर गयी: गुरु ख दु:ख मत दे।"
यीशु न यो सुन क याईर ख कह्यो, "मत डर; केवल विश्वास रख, त वा ठीक होय जायेंन।"
घर म आय क ओन पतरस, यूहन्ना, याकूब, अऊर बेटी को माय-बाप ख छोड़ दूसरों कोयी ख अपनो संग अन्दर आवन नहीं दियो। सब ओको लायी विलाप कर क् रोय रह्यो होतो, पर यीशु न कह्यो, "रोवो मत; वा मरी नहाय पर सोय रही हय।"
हि यो जान क कि वा मर गयी हय ओकी हसी करन लग्यो। पर यीशु न ओको हाथ पकड़्यो, अऊर पुकार क कह्यो, "हे बेटी, उठ!" तब ओको जीव लौट आयो अऊर वा तुरतच उठ क खड़ी भय गयी। तब यीशु न आज्ञा दियो कि ओख कुछ खान ख दे। ओको माय-बाप अचम्भित भयो, पर यीशु न उन्ख चितायो कि यो जो भयो हय कोयी सी मत कहजो।
लाजर को मरनो
मरियम अऊर ओकी बहिन मार्था को गांव बैतनिय्याह को लाजर नाम को एक आदमी बीमार होतो। या वा मरियम होती जेन प्रभु पर अत्तर डाल क ओको पाय ख अपनो बालों सी पोछ्यो होतो, येको भाऊ लाजर बीमार होतो। येकोलायी ओकी बहिनों न ओख कहला भेज्यो, "हे प्रभु, देख, जेक तय बहुत प्रेम करय हय, ऊ बीमार हय।"
यो सुन्क यीशु न कह्यो, "या बीमारी मृत्यु की नोहोय; पर परमेश्वर की महिमा लायी आय, कि ओको द्वारा परमेश्वर को बेटा की महिमा हो।"
यीशु मार्था अऊर ओकी बहिन अऊर लाजर सी प्रेम रखत होतो। तब भी जब ओन सुन्यो कि ऊ बीमार हय, त जो जागा पर ऊ होतो, उत दोय दिन अऊर रुक गयो। येको बाद ओन चेलावों सी कह्यो, "आवो, हम फिर यहूदिया ख चलबो।"
चेलावों न ओको सी कह्यो, "हे गुरु, अभी त यहूदी तोरो पर पथराव करनो चाहत होतो, अऊर का तय फिर भी उतच जावय हय?"
यीशु न उत्तर दियो, "का दिन को बारा घंटा नहीं होवय? यदि कोयी दिन म चलय त ठोकर नहीं खावय, कहालीकि यो जगत को प्रकाश देखय हय। पर यदि कोयी रात म चलय त ठोकर खावय हय, कहालीकि ओको म प्रकाश नहाय।" ओन यो बाते कहीं, अऊर येको बाद उन्को सी कहन लग्यो, "हमरो संगी लाजर सोय गयो हय, पर मय ओख जगावन जाऊं हय।"
तब चेलावों न ओको सी कह्यो, "हे प्रभु, यदि ऊ सोय गयो हय, त चंगो होय जायेंन।"
यीशु न त ओको मरन को बारे म कह्यो होतो, पर हि समझ्यो कि ओन नींद सी सोय जान को बारे म कह्यो। तब यीशु न उन्को सी साफ साफ कह्य दियो, "लाजर मर गयो हय;
Domínio sobre a natureza
Jesus acalmou a tempestade, andou sobre as águas e multiplicou pães. A natureza obedece à voz do seu Criador.
आन्धी ख शान्त करनो
जब यीशु डोंगा पर चढ़्यो, त ओको चेला ओको पीछू गयो। अऊर देखो, झील म अचानक असो बड़ो तूफान उठ्यो कि डोंगा लहर सी दबन लग्यो, पर यीशु सोय रह्यो होतो। तब चेलावों न जवर आय क ओख जगायो अऊर कह्यो, "हे प्रभु, हम्ख बचाव, हम नाश होय रह्यो हंय।"
यीशु न उन्को सी कह्यो, "हे अविश्वासियों, कहाली डरय हय?" तब ओन उठ क आन्धी अऊर पानी ख डाट्यो, अऊर सब शान्त भय गयो।
अऊर हि अचम्भा कर क् कहन लग्यो, "यो कसो आदमी आय कि आन्धी अऊर पानी भी ओकी आज्ञा मानय हंय।"
जब शाम भयी त ओको चेलावों न ओको जवर आय क कह्यो, "यो सुनसान जागा आय अऊर देर होय रही हय; लोगों ख बिदा करयो जाये कि हि बस्तियों म जाय क अपनो लायी भोजन ले ले।"
पर यीशु न उन्को सी कह्यो, "उन्को जानो जरूरी नहाय! तुमच इन्क खान ख देवो।"
उन्न ओको सी कह्यो, "इत हमरो जवर पाच रोटी अऊर दोय मच्छी ख छोड़ क अऊर कुछ नहाय।"
यीशु न कह्यो, "उन्ख इत मोरो जवर लावो।" तब यीशु न लोगों ख घास पर बैठन ख कह्यो, अऊर उन पाच रोटी अऊर दोय मच्छी ख लियो; अऊर स्वर्ग को तरफ देख क धन्यवाद करयो अऊर रोटी तोड़-तोड़ क चेलावों ख दियो, अऊर चेलावों न लोगों ख। जब सब लोग खाय क सन्तुष्ट भय गयो, त चेलावों न बच्यो हुयो टुकड़ा सी भरी हुयी बारा टोकनियां उठायी। अऊर खान वालो बाईयों अऊर बच्चां ख छोड़ क, पाच हजार आदमियों को लगभग होतो।
अऊर यीशु तीन बजे सी छे बजे को बीच भुन्सारो म झील पर चलतो हुयो उन्को जवर आयो।
चार हजार लोगों ख खिलानो
यीशु न अपनो चेलावों ख बुलाय क कह्यो, "मोख यो भीड़ पर तरस आवय हय, कहालीकि हि तीन दिन सी मोरो संग हंय अऊर उन्को जवर कयीच खान को नहाय। मय उन्ख भूखो भेजनो नहीं चाहऊ, कहीं असो नहीं होय कि रस्ता म थक क रह्य जाये।"
चेलावों न यीशु सी कह्यो, "हम्ख यो जंगल म कित सी इतनी रोटी मिलेंन कि हम इतनी बड़ी भीड़ ख सन्तुष्ट करबो?"
यीशु न उन्को सी पुच्छ्यो, "तुम्हरो जवर कितनी रोटी हंय?"
उन्न कह्यो, "सात, अऊर थोड़ी सी छोटी मच्छी।"
तब यीशु न लोगों ख जमीन पर बैठन की आज्ञा दियो। अऊर उन सात रोटी अऊर मच्छी ख लियो, अऊर धन्यवाद कर क् तोड़्यो, अऊर अपनो चेलावों ख देतो गयो, अऊर चेलावों न लोगों ख। तब सब खाय क सन्तुष्ट भय गयो अऊर चेलावों न बच्यो हुयो टुकड़ा सी भरयो हुयो सात टोकनी उठायी। जितनो न खायो, उन्म बाईयों अऊर बच्चां को अलावा चार हजार आदमी होतो।
मन्दिर को कर
जब हि कफरनहूम पहुंच्यो, त मन्दिर को कर लेनवालो न पतरस को जवर आय क पुच्छ्यो, "का तुम्हरो गुरु मन्दिर को कर नहीं देवय?"
ओन कह्यो, "हव, देवय हय।"
जब ऊ घर म आयो, त यीशु न पहिले ओको सी पुच्छ्यो, "शिमोन, तय का सोचय हय? धरती को राजा चुंगी यां कर कौन्को सी लेवय हंय, अपनो बेटा सी यां परायो सी?"
पतरस न ओको सी कह्यो, "परायो सी।"
यीशु न ओको सी कह्यो, "त बेटा कर देनो सी बच गयो। पर असो नहीं होय कि हम उन्को लायी ठोकर को वजह बने, तय झील को किनार जाय क गरी डाल, अऊर जो मच्छी पहिले निकले, ओख ले; अऊर ओको मुंह खोलन पर तोख एक सिक्का मिलेंन, ओख ले क मोरो अऊर अपनो बदला को उन्ख दे देजो।"
यीशु न अंजीर को झाड़ ख श्राप दियो
भुन्सारो ख जब यीशु नगर ख लौटतो समय ओख भूख लगी। त सड़क को किनार पर अंजीर को एक झाड़ देख क ऊ ओको जवर गयो, अऊर पाना ख छोड़ ओको म अऊर कुछ नहीं पा क ओको सी कह्यो। "अब सी तोरो म फिर कभी फर नहीं लगे।" अऊर अंजीर को झाड़ तुरतच सूख गयो।
यो देख क चेलावों ख अचम्भा भयो अऊर उन्न कह्यो, "यो अंजीर को झाड़ तुरतच कसो सूख गयो?"
यीशु न उन्ख उत्तर दियो, "मय तुम सी सच कहूं हय, यदि तुम विश्वास रखो अऊर शक मत करो, त नहीं केवल यो करजो जो यो अंजीर को झाड़ सी करयो गयो हय, पर यदि यो पहाड़ी सी भी कहो, ‘उखड़ जा अऊर समुन्दर म जाय गिर,’ त यो होय जायेंन। अऊर जो कुछ तुम प्रार्थना म विश्वास सी मांगो ऊ सब तुम्ख मिल जायेंन।"
तब अचानक बड़ी आन्धी तूफान आयी, अऊर लहर डोंगा सी यहां तक टकरावन लगी कि ऊ पानी सी भरन लगी। यीशु खुद जहाज को पीछू को भाग म मुन्डेसो लगाय क सोय रह्यो होतो। तब चेलावों न ओख जगायो अऊर कह्यो, "हे गुरु, का तोख चिन्ता नहाय कि हम मरन पर हय?"
यीशु न उठ क आन्धी ख आज्ञा दियो, "शान्त रह, थम जा!" अऊर आन्धी थम गयी, अऊर बड़ो चैन मिल गयो। तब यीशु न अपनो चेलावों सी कह्यो, "तुम कहाली डरय हय? का तुम्ख अब भी विश्वास नहाय?"
हि बहुतच डर गयो अऊर आपस म बोलन लग्यो, "यो आदमी कौन आय? कि आन्धी अऊर लहर भी ओकी आज्ञा मानय हय!"
जब दिन बहुत डुब गयो, त ओको चेला ओको जवर आय क कहन लग्यो, "यो सुनसान जागा हय, अऊर दिन बहुत डुब गयो हय। उन लोगों ख भेज क कि चारयी बाजू को खेतो अऊर गांवो म जाय क, अपनो लायी कुछ खान को लेय क लावो।"
ओन उत्तर दियो, "तुमच उन्ख खान ख देवो।" उन्न यीशु सी कह्यो।
"का हम चांदी को सिक्का की रोटी लेय लेबो जेकी कीमत दोय सौ दिन की मजूरी को बराबर हय, उन्ख खिलायबो?"
यीशु न उन्को सी कह्यो, "जाय क देखो तुम्हरो जवर कितनी रोटी हय?"
उन्न मालूम कर क् कह्यो, "पाच रोटी अऊर दोय मच्छी।"
तब यीशु न चेलावों ख आज्ञा दियो कि सब ख हरी घास पर पंगत-पंगत सी बिठाय देवो। येकोलायी हि सौ सौ अऊर पचास पचास कर क् पंगत-पंगत सी बैठ गयो। तब यीशु न पाच रोटी अऊर दोय मच्छी ख लियो, अऊर स्वर्ग को तरफ देख क परमेश्वर ख धन्यवाद दियो। अऊर ओन रोटी तोड़-तोड़ क चेलावों ख देत गयो कि हि लोगों ख परोसो। अऊर हि दोय मच्छी भी उन सब म बाट दियो। अऊर सब खाय क सन्तुष्ट भय गयो, तब चेलावों न रोटी अऊर मच्छी म सी बच्यो हुयो टुकड़ा सी बारा टोकनी भर क उठायी। जिन्न जेवन करयो, हि पाच हजार आदमी होतो।
जब ओन देख्यो कि हि डोंगा चलावत-चलावत घबराय गयो हय, कहालीकि हवा उन्को विरुद्ध होती, त रात को तीन सी छे बजे को बीच सबेरे होन सी पहिले ऊ झील पर चलत उन्को जवर आयो; कहालीकि ऊ उन्को सी आगु निकल जानो चाहत होतो। पर उन्न ओख झील पर चलतो देख क समझ्यो कि यो भूत आय, अऊर चिल्लाय उठ्यो।
कहालीकि सब ओख देख क घबराय गयो होतो। पर यीशु न तुरतच उन्को सी बाते करी अऊर कह्यो, "हिम्मत रखो: मय आय; डरो मत!" तब ऊ उन्को जवर डोंगा पर आयो, अऊर हवा रुक गयी: अऊर चेला बहुतच अचम्भित भयो।
यीशु चार हजार लोगों ख खिलावय हय
उन दिनो म जब फिर बड़ी भीड़ जमा भयी, अऊर लोगों को जवर कुछ खान को नहीं होतो, त यीशु न अपनो चेलावों ख जवर बुलाय क उन्को सी कह्यो, "मोख यो भीड़ पर तरस आवय हय, कहालीकि हि लोग तीन दिन सी बराबर मोरो संग हय, अऊर उन्को जवर कुछ भी खान लायी नहीं होतो। यदि मय उन्ख भूखो घर भेज देऊं, त रस्ता म थक क बेहोश होय जायेंन; कहालीकि इन म सी कुछ दूर दूर सी आयो हय।"
ओको चेलावों न ओख उत्तर दियो, "इत सुनसान जागा म इतनी रोटी कोयी कित सी लायेंन कि हि सन्तुष्ट होय जायेंन?"
यीशु न उन्को सी पुच्छ्यो, "तुम्हरो जवर कितनी रोटी हय?"
उन्न कह्यो, "सात।"
तब ओन लोगों ख जमीन पर बैठन को आदेश दियो, अऊर हि सात रोटी ख धरी अऊर परमेश्वर को धन्यवाद कर क् तोड़ी, अऊर अपनो चेलावों ख देत गयो कि उन्ख परोसो, अऊर उन्न लोगों को आगु परोस दियो। उन्को जवर थोड़ी सी छोटी मच्छी भी होती; ओन परमेश्वर ख धन्यवाद कर क् उन्ख भी लोगों को आगु परोसन को आदेश दियो। हि खाय क सन्तुष्ट भय गयो अऊर चेलावों न बच्यो टुकड़ा कि सात टोकनी भर क उठायी। अऊर लोग चार हजार को लगभग होतो; तब ओन लोगों ख बिदा कर दियो,
यीशु न अंजीर को झाड़ ख श्राप दियो
दूसरों दिन जब हि बैतनिय्याह नगर सी निकल्यो त यीशु ख भूख लगी। अऊर पाना सी भरयो एक अंजीर को झाड़ ख दूर सी देख क ऊ ओको जवर गयो कि अचानक कुछ मिल जाये: पर उत पहुंच क पाना को शिवाय कुछ भी नहीं मिल्यो; कहालीकि ऊ फर लगन को मौसम नहीं होतो।
येकोलायी यीशु न झाड़ सी कह्यो, "अब सी कोयी तोरो फर कभी नहीं खायेंन!" अऊर ओको चेला सुन रह्यो होतो।
सूख्यो अंजीर को झाड़ सी शिक्षा
जब हि भुन्सारो ख सड़क सी जाय रह्यो होतो, त उन्न ऊ अंजीर को झाड़ ख ऊपर सी ले क जड़ी तक सूख्यो हुयो देख्यो। पतरस ख ऊ बात याद आयो, अऊर ओन यीशु सी कह्यो, "हे गुरु, देख! यो अंजीर को झाड़ जेक तय न श्राप दियो होतो, सूख गयो हय।"
यीशु न ओख उत्तर दियो, परमेश्वर पर विश्वास रखो। मय तुम सी सच कहू हय कि जो कोयी यो पहाड़ी सी कहेंन, उखड़ जा, अऊर समुन्दर म जा गिर, अऊर अपनो दिल म शक नहीं करे, पर जो कुछ ओन कह्यो हय, अऊर विश्वास करे कि होय जायेंन त ओको लायी उच होय जायेंन। येकोलायी मय तुम सी कहू हय कि जो कुछ तुम प्रार्थना म मांगय हय, त विश्वास कर लेवो कि तुम्ख मिल गयो, त ऊ तुम्हरो लायी होय जायेंन। अऊर जब कभी तुम खड़ो होय क प्रार्थना करय हय, त यदि तुम्हरो मन म कोयी को बारे म कुछ विरोध हय, त माफ करो: येकोलायी कि तुम्हरो स्वर्गीय पिता परमेश्वर भी तुम्हरो अपराध माफ करेंन।
पहिलो चेलावों ख बुलायो जानो
जब भीड़ परमेश्वर को वचन सुनन लायी ओको पर गिरत होती, अऊर ऊ गन्नेसरत की झील को किनार पर खड़ो होतो, त असो भयो कि ओन झील को किनार दोय डोंगा लग्यो हुयो देख्यो, अऊर मछवारों उन पर सी उतर क जार धोय रह्यो होतो। उन डोंगा म सी एक पर, जो शिमोन की होती, चढ़ क ओन ओको सी बिनती करी कि किनार सी थोड़ो हटाय ले। तब ऊ बैठ क लोगों ख डोंगा पर सी उपदेश देन लग्यो।
जब ऊ बाते कर लियो त शिमोन सी कह्यो, "गहरो म लिजा, अऊर मच्छी पकड़न लायी अपनो जार डालो।"
शिमोन न यीशु ख उत्तर दियो, "हे मालिक, हम न पूरी रात मेहनत करी अऊर कुछ नहीं पकड़्यो; तब भी तोरो कहन सी जार डालू।" जब उन्न असो करयो, त बहुत मच्छी घेर लायी, अऊर उन्को जार फटन लग्यो। येख पर उन्न अपनो संगियों ख जो दूसरों डोंगा पर होतो, इशारा करयो कि आय क हमरी मदद करो, अऊर उन्न आय क दोयी डोंगा इतनो तक भर ली कि हि डुबन लगी। यो देख क शिमोन पतरस यीशु को पाय पर गिरयो अऊर कह्यो, "हे प्रभु मोरो जवर सी चली जा, कहालीकि मय पापी आदमी हय।"
कहालीकि इतनी मच्छी ख पकड़्यो जानो सी ओख अऊर ओको संगियों ख बहुत अचम्भा भयो, अऊर वसोच जब्दी को बेटा याकूब अऊर यूहन्ना ख भी, जो शिमोन को सहभागी होतो, अचम्भा भयो। तब यीशु न शिमोन सी कह्यो, "मत डर; अब सी तय आदमियों ख परमेश्वर को राज्य म लायजो।"
अऊर हि डोंगा ख किनार पर लायो अऊर सब कुछ छोड़ क ओको पीछू भय गयो।
यीशु आन्धी ख शान्त करनो
फिर एक दिन यीशु अऊर ओको चेला डोंगा पर चढ़्यो, अऊर ओन उन्को सी कह्यो, "आवो, झील को ओन पार चलबो।" येकोलायी उन्न डोंगा खोल दियो अऊर निकल गयो। पर जब डोंगा चल रह्यो होतो, त यीशु सोय गयो: अऊर झील म अचानक आन्धी आयी, अऊर डोंगा पानी सी भरन लग्यो अऊर हि खतरा म पड़ गयो।
तब उन्न जवर आय क ओख जगायो, अऊर कह्यो, "मालिक! मालिक! हम नाश होय रह्यो हंय।" तब यीशु न उठ क आन्धी ख अऊर पानी की लहरो ख डाट्यो अऊर हि थम गयी अऊर चैन मिल गयो।
तब ओन उन्को सी कह्यो, "तुम्हरो विश्वास कित हय?" पर हि डर गयो अऊर अचम्भित होय क आपस म कहन लग्यो, "यो कौन आय जो आन्धी अऊर पानी ख भी आज्ञा देवय हय, अऊर हि ओकी मानय हंय?"
यीशु आन्धी ख शान्त करनो
फिर एक दिन यीशु अऊर ओको चेला डोंगा पर चढ़्यो, अऊर ओन उन्को सी कह्यो, "आवो, झील को ओन पार चलबो।" येकोलायी उन्न डोंगा खोल दियो अऊर निकल गयो। पर जब डोंगा चल रह्यो होतो, त यीशु सोय गयो: अऊर झील म अचानक आन्धी आयी, अऊर डोंगा पानी सी भरन लग्यो अऊर हि खतरा म पड़ गयो।
तब उन्न जवर आय क ओख जगायो, अऊर कह्यो, "मालिक! मालिक! हम नाश होय रह्यो हंय।" तब यीशु न उठ क आन्धी ख अऊर पानी की लहरो ख डाट्यो अऊर हि थम गयी अऊर चैन मिल गयो।
तब ओन उन्को सी कह्यो, "तुम्हरो विश्वास कित हय?" पर हि डर गयो अऊर अचम्भित होय क आपस म कहन लग्यो, "यो कौन आय जो आन्धी अऊर पानी ख भी आज्ञा देवय हय, अऊर हि ओकी मानय हंय?"
दुष्ट आत्मा लग्यो आदमी ख चंगो करनो
तब यीशु अऊर ओको चेला गिरासेनियों को देश म पहुंच्यो, जो गलील की झील को ओन पार होतो।
जब दिन डुबन लग्यो त बारा चेलावों न आय क ओको सी कह्यो, "भीड़ ख बिदा कर कि चारों तरफ को गांवो अऊर बस्तियों म जाय क रूकन की अऊर जेवन को व्यवस्था करेंन, कहालीकि हम इत सुनसान जागा म हंय।"
यीशु न उन्को सी कह्यो, "तुमच उन्ख खान ख दे।"
उन्न कह्यो, "हमरो जवर पाच रोटी अऊर दोय मच्छी ख छोड़ अऊर कुछ नहाय; पर हां, यदि हम जाय क इन सब लोगों लायी भोजन ले लेबो, त होय सकय हय।" हि लोग त पाच हजार पुरुषों को लगभग होतो।
तब यीशु न अपनो चेलावों सी कह्यो, "उन्ख पचास-पचास कर क् पंगत-पंगत सी बैठाय दे।"
उन्न असोच करयो, अऊर सब ख बैठाय दियो। तब यीशु न हि पाच रोटी अऊर दोय मच्छी धरी, अऊर स्वर्ग की तरफ देख क परमेश्वर ख धन्यवाद करयो, अऊर तोड़-तोड़ क चेलावों ख देतो गयो कि लोगों ख परोसो। तब सब खाय क सन्तुष्ट भयो, अऊर चेलावों न बच्यो हुयो टुकड़ा सी भरी बारा टोकनी उठायी।
काना नगर म बिहाव
फिर तीसरो दिन गलील प्रदेश को काना नगर म एक बिहाव होतो, अऊर यीशु की माय भी उत होती। यीशु अऊर ओको चेला भी ऊ बिहाव म निमन्त्रित होतो। जब अंगूररस खतम भय गयो, त यीशु की माय न ओको सी कह्यो, "उन्को जवर अंगूरीरस नहीं रह्यो।"
यीशु न उत्तर दियो "हे बाई, मोख का करनो हय मोख मत बतावो? अभी मोरो समय नहीं आयो।"
यीशु की माय न सेवकों सी कह्यो, "जो कुछ ऊ तुम सी कहेंन, उच करो।"
उत यहूदियों ख हाथ पाय धोय क शुद्ध करन की रीति को अनुसार गोटा को छे घड़ा रख्यो होतो, जेको म सौ लीटर पानी समावत होतो। यीशु न सेवकों सी कह्यो, "घड़ा म पानी भर देवो।" उन्न उन्ख लबालब भर दियो। तब ओन उन्को सी कह्यो, "थोड़ो सो पानी निकाल क भोज को मुखिया को जवर ले जावो।" अऊर हि ले गयो। जब भोज को मुखिया न ऊ पानी चख्यो, जो अंगूररस बन गयो होतो अऊर नहीं जानत होतो कि ऊ कित सी आयो हय पर जिन सेवकों न पानी निकाल्यो होतो हि जानत होतो, त भोज को मुखिया न दूल्हा ख बुलायो, अऊर ओको सी कह्यो "हर एक आदमी पहिले अच्छो अंगूररस देवय हय, अऊर जब लोग पी क सन्तुष्ट होय जावय हंय, तब फिको देवय हय; पर तय न अच्छो अंगूररस अभी तक रख्यो हय।"
यीशु न गलील को काना नगर म अपनो यो पहिलो चिन्ह चमत्कार दिखाय क अपनी महिमा प्रगट करी अऊर ओको चेलावों न ओको पर विश्वास करयो।
ओन या बात ओख परखन लायी कहीं, कहालीकि ऊ खुद जानत होतो कि ऊ का करेंन।
फिलिप्पुस न ओख उत्तर दियो, "दोय सौ चांदी को सिक्का की रोटी भी उन्को लायी पूरी नहीं होयेंन कि उन्म सी सब ख थोड़ी पूर जाये।"
ओको चेला म सी एक शिमोन पतरस को भाऊ अन्द्रियास न ओको सी कह्यो, "इत एक टुरा हय जेको जवर जौ की पाच रोटी अऊर दोय मच्छी हंय; पर इतनो लोगों लायी का होयेंन?"
यीशु न कह्यो, "लोगों ख बैठाय देवो।" ऊ जागा म बहुत घास होतो : तब लोग जेको म आदमियों की संख्या लगभग पाच हजार की होती, बैठ गयो। तब यीशु न रोटी पकड़ी, अऊर धन्यवाद कर क् बैठन वालो ख बाट दियो; अऊर वसोच मच्छी म सी जितनी हि चाहत होतो बाट दियो। जब हि खाय क सन्तुष्ट भय गयो त ओन अपनो चेलावों सी कह्यो, "बच्यो हुयो टुकड़ा जमा कर लेवो कि कुछ फेक्यो म नहीं जाये।" येकोलायी उन्न जमा करयो, अऊर जौ की पाच रोटी को टुकड़ा सी जो खान वालो को बाद बच गयी होती, बारा टोकनी भरी।
जब हि डोंगा चलावत पाच छे किलोमीटर को लगभग निकल गयो, त उन्न यीशु ख झील पर चलतो अऊर डोंगा को जवर आवतो देख्यो, अऊर डर गयो। पर ओन उन्को सी कह्यो, "मय आय; मत डर।" येकोलायी हि ओख डोंगा पर चढ़ाय लेन लायी तैयार भयो अऊर तुरतच ऊ डोंगा ऊ जागा पर जाय पहुंच्यो जित हि जाय रह्यो होतो।
यीशु को तिबिरियास झील को किनार पर चेलावों पर प्रगट होनो
इन बातों को बाद यीशु न अपनो आप ख तिबिरियास झील को किनार चेलावों पर प्रगट करयो, अऊर यो रीति सी प्रगट करयो: शिमोन पतरस अऊर थोमा जो दिदुमुस कहलावय हय, अऊर गलील को काना नगर को नतनएल अऊर जब्दी को टुरा अऊर ओको चेलावों म सी दोय लोग जमा होतो। शिमोन पतरस न उन्को सी कह्यो, "मय मच्छी पकड़न जाय रह्यो हय।"
उन्न ओको सी कह्यो, "हम भी तोरो संग चलजे हय।" येकोलायी हि निकल क डोंगा पर चढ़्यो, पर ऊ रात कुछ नहीं पकड़्यो। भुन्सारे होतोच यीशु किनार पर आय खड़ो भयो; तब भी चेलावों न नहीं पहिचानो कि यो यीशु आय। तब यीशु न उन सी कह्यो, "हे बच्चां, का तुम्हरो जवर कुछ मच्छी हय?"
उन्न उत्तर दियो, "नहीं।"
ओन उन्को सी कह्यो, "डोंगा को दायो तरफ जार डालो त मिलेंन।" येकोलायी उन्न जार डाल्यो, अऊर अब बहुत सी मच्छी को वजह ओख खीच नहीं सक्यो।
तब ऊ चेला न जेकोसी यीशु प्रेम रखत होतो, पतरस सी कह्यो, "यो त प्रभु आय!" शिमोन पतरस न यो सुन क कि ऊ प्रभु आय, कमर म गमछा कस लियो, कहालीकि ओन कपड़ा नहीं पहिन्यो होतो, अऊर झील म कूद्यो। पर दूसरों चेला डोंगा पर मच्छी सी भरयो हुयो जार खीचतो हुयो आयो, कहालीकि हि किनार सी जादा दूर नहीं पर कोयी दोय सौ हाथ पर होतो। जब हि किनार पर उतरयो, त उन्न कोरस्या की आगी पर मच्छी रखी हुयी, रोटी देख्यो। यीशु न उन्को सी कह्यो, "जो मच्छी तुम न अभी पकड़्यो हंय, उन्को म सी कुछ लाव।"
त शिमोन पतरस न डोंगा पर चढ़ क एक सौ त्रेपन बड़ी मच्छी सी भरयो हुयो जार किनार पर खीच्यो, अऊर इतनी मच्छी होन पर भी जार नहीं फट्यो।
Libertações
Jesus expulsou demônios com autoridade. Os espíritos impuros não resistiam à sua palavra e saíam imediatamente.
एक सूबेदार को विश्वास
जब ऊ कफरनहूम नगर म आयो त एक रोमन अधिकारी न ओको जवर आय क ओको सी बिनती करी, "हे प्रभु, मोरो सेवक ख घर म लकवा मारयो हय अऊर ओख बहुत दु:ख होय रह्यो हय।"
यीशु न ओको सी कह्यो, "मय आय क ओख चंगो करूं।"
जवाबदार अधिकारी न उत्तर दियो, "हे प्रभु, मय यो लायक नहाय कि तय मोरो छत को खल्लो आये, पर केवल आज्ञा दे त मोरो सेवक चंगो होय जायेंन। कहालीकि मय भी दूसरों को अधीन हय, अऊर सिपाही मोरो अधीन हंय। जब मय एक सी कहूं हय, ‘जा!’ त ऊ जावय हय; अऊर दूसरों सी कहूं हय, ‘आव!’ त ऊ आवय हय; अऊर जब अपनो सेवक सी कहूं हय, ‘यो कर!’ त ऊ करय हय।"
यो सुन क यीशु ख अचम्भा भयो, अऊर जो ओको पीछू आय रह्यो होतो उन्को सी कह्यो, "मय तुम सी सच कहू हय कि मय न इस्राएल म भी असो विश्वास नहीं पायो। अऊर मय तुम सी कहू हय कि पूर्व अऊर पश्चिम सी बहुत सो लोग आय क अब्राहम अऊर इसहाक अऊर याकूब को संग स्वर्ग को राज्य म भोज म बैठेंन। पर राज्य को प्रजा बाहेर अन्धारो म डाल दियो जायेंन: उत रोवनो अऊर दात को कटरनो होयेंन।" तब यीशु न अधिकारी सी कह्यो, "जा, जसो तोरो विश्वास हय, वसोच तोरो लायी हो।"
अऊर ओको सेवक उच घड़ी चंगो भय गयो।
यीशु दुष्ट आत्मा–ग्रस्त लोगों ख चंगो करनो
जब यीशु ओन पार गदरेनियों को देश म पहुंच्यो, त दोय आदमी जिन्म दुष्ट आत्मायें होती कब्रो सी निकलतो हुयो ओख मिल्यो। हि इतनो खतरनाक होतो कि कोयी ऊ रस्ता सी जाय नहीं सकत होतो। उन्न चिल्लाय क कह्यो, "हे परमेश्वर को बेटा, हमरो तोरो सी का काम? का तय समय सी पहिले हम्ख दु:ख देन ख इत आयो हय?"
उन्को सी कुछ दूरी पर बहुत सो डुक्करों को एक झुण्ड चर रह्यो होतो। दुष्ट आत्मावों न ओको सी यो कह्य क बिनती करी, "यदि तय हम्ख निकालय हय, त डुक्करों को झुण्ड म भेज दे।"
यीशु न उन्को सी कह्यो, "जावो!" अऊर हि निकल क डुक्करों म समाय गयी अऊर देखो, पूरो झुण्ड ढलान पर सी झपट क झील को किनार पर गिर पड़्यो, अऊर पानी म डुब क मरयो।
उन्को चरवाहे भग क अऊर नगर म जाय क या सब बाते अऊर जेको म दुष्ट आत्मायें होती उन्को पूरो हाल सुनायो। तब पूरो नगर को लोग यीशु सी मिलन ख निकल आयो, अऊर ओख देख क बिनती करी कि हमरी सीमा सी बाहेर चली जा।
एक मुक्का ख चंगो करनो
जब हि बाहेर जाय रह्यो होतो, त देख्यो, लोग एक मुक्का ख जेको म दुष्ट आत्मायें होती, ओको जवर लायो; अऊर जब दुष्ट आत्मा निकाल दियो गयो, त मुक्का बोलन लग्यो। येको पर भीड़ न अचम्भा कर क् कह्यो, "इस्राएल म असो कभी नहीं देख्यो गयो।"
यीशु अऊर बालजबूल
तब लोग एक अन्धा अऊर मुक्का ख यीशु को जवर लायो; जेको म दुष्ट आत्मायें होती, अऊर ओन ओख अच्छो करयो, अऊर ऊ बोलन अऊर देखन लग्यो।
बाई को विश्वास
यीशु उत सी निकल क, सूर अऊर सैदा को प्रदेश को तरफ चली गयो। अऊर देखो, ऊ प्रदेश की एक कनानी बाई निकल क आयी, अऊर जोर की आवाज सी कहन लगी, "हे प्रभु! दाऊद की सन्तान, मोरो पर दया कर! मोरी बेटी ख दुष्ट आत्मा सताय रही हय।"
पर ओन ओख कुछ भी उत्तर नहीं दियो। चेलावों न ओको जवर आय क बिनती करन लग्यो, "येख भेज दे, कहालीकि वा चिल्लाती हमरो पीछू आय रही हय।"
पर यीशु न उत्तर दियो, "इस्राएल को घराना की खोयी हुयी मेंढीं ख छोड़ मय कोयी को जवर नहीं भेज्यो गयो।"
पर वा आयी, अऊर यीशु ख प्रनाम कर क् कहन लगी, "हे प्रभु, मोरी मदद कर!"
यीशु न उत्तर दियो, "बच्चा की रोटी ले क कुत्ता को आगु डालनो ठीक नहाय।"
यो बात पर बाई न कह्यो, "सच हय प्रभु, पर कुत्ता भी ऊ जुठो खावय हंय, जो उन्को मालिक की मेज सी गिरय हंय।"
येको पर यीशु न ओख उत्तर दियो, "हे बाई, तोरो विश्वास बड़ो हय। जसो तय चाहवय हय, तोरो लायी वसोच हो।" अऊर ओकी बेटी उच घड़ी सी चंगी भय गयी।
मिर्गी की दुष्ट आत्मा सी पीड़ित बच्चा ख चंगायी
जब हि भीड़ को जवर पहुंच्यो, त एक आदमी यीशु को जवर आयो, अऊर ओको आगु घुटना टेक क कहन लग्यो, "हे प्रभु, मोरो बेटा पर दया कर! कहालीकि ओख मिर्गी आवय हय, अऊर ऊ बहुत दु:ख उठावय हय; अऊर बार-बार कभी आगी अऊर कभी पानी म गिर पड़य हय। मय ओख तोरो चेलावों को जवर लायो होतो, पर हि ओख चंगो नहीं कर सक्यो।"
यीशु न उत्तर दियो, "हे अविश्वासी अऊर जिद्दी लोगों, मय कब तक तुम्हरो संग रहूं? मय कब तक तुम्हरी सहूं? ओख इत मोरो जवर लावो।" तब यीशु न दुष्ट आत्मा ख डाट्यो, अऊर वा ओको म सी निकल गयी; अऊर बेटा उच घड़ी चंगो भय गयो।
उच समय म, उन्को आराधनालय म एक आदमी होतो, जेको म एक दुष्ट आत्मा होती। ओन चिल्लाय क कह्यो, "हे नासरत नगर को यीशु, हम्ख तोरो सी का काम? का तय हम्ख नाश करन आयो हय? मय तोख जानु हय, तय कौन आय? परमेश्वर को पवित्र जन आय!"
यीशु न ओख डाट क कह्यो, "चुप रह्य; अऊर ओको म सी निकल जा।"
तब दुष्ट आत्मा ओख मुरकट क, अऊर बड़ो आवाज सी चिल्लाय क ओको म सी निकल गयी।
दुष्ट आत्मा लग्यो आदमी ख चंगो करनो
यीशु अऊर ओको चेला गलील की झील को ओन पार गिरासेनियों प्रदेश म पहुंच्यो, जब यीशु डोंगा पर सी उतरयो, त तुरतच एक आदमी कब्रस्थान सी बाहेर निकल क आयो। जेको म दुष्ट आत्मा होती ओख मिल्यो अऊर ऊ कब्रस्थान म रहत होतो। अऊर कोयी ओख संकली सी भी बान्ध नहीं सकत होतो, कहालीकि ऊ बार-बार बेड़ियों अऊर संकली सी बान्ध्यो गयो होतो, पर ओन संकली ख तोड़ दियो अऊर हाथ अऊर पाय की बेड़ियों को टुकड़ा टुकड़ा कर दियो होतो, अऊर कोयी ओख वश म नहीं कर सकत होतो। ऊ लगातार रात-दिन कब्रस्थान अऊर पहाड़ी म फिरत होतो, अऊर अपनो आप ख गोटा सी घायल करत होतो।
ऊ दूर सी यीशु ख देख क दवड़्यो, अऊर ओको पाय पर घुटना को बल गिर पड़्यो, अऊर ऊचो आवाज सी चिल्लाय क कह्यो, "हे यीशु, परमप्रधान परमेश्वर को बेटा, मोख तोरो सी का काम? मय तोख परमेश्वर की कसम देऊ हय कि मोख सजा मत दे।" कहालीकि यीशु न ओको सी कह्यो होतो, "हे दुष्ट आत्मा, यो आदमी म सी निकल जा!"
यीशु न ओको सी पुच्छ्यो, "तोरो का नाम हय?"
ओन ओको सी कह्यो, "मोरो नाम सेना हय; कहालीकि हम बहुत हय।" अऊर ओन यीशु सी बहुत बिनती करी, "हम्ख बुरी आत्मावों ख यो जागा सी बाहेर मत भेज।"
उत पहाड़ी को ढलान पर डुक्करों को एक बड़ो झुण्ड चर रह्यो होतो। येकोलायी बुरी आत्मा न यीशु सी बिनती कर क् कह्यो, "हम्ख उन डुक्करों म भेज दे कि हम उन्को अन्दर समाय जाबो।" येकोलायी ओन उन्ख आज्ञा दियो अऊर दुष्ट आत्मा निकल क डुक्करों को अन्दर समाय गयी अऊर डुक्करों को जो झुण्ड, लग-भग दोय हजार होतो, ढलान पर सी झील म गिर क डुब मरयो।
उन डुक्करों ख चरावन वालो न खेतो सी दौड़ क नगर अऊर गांवो म समाचार सुनायो, अऊर जो घटना घटी होती, लोग ओख देखन आयो।
पर तुम सिखावय हय कि यदि कोयी अपनो बाप यां माय सी कहेंन, मय जो कुछ तोख मदत कर सकत होतो, पर कह्य हय, ‘यो कुरबान हय’ जेको मतलब हय, यो परमेश्वर ख दान हय, त असो आदमी ख अपनो बाप यां माय की सेवा नहीं करन को बहाना मिल जावय हय। यो तरह सी तुम अपनो नियम बनाय क, परमेश्वर को शिक्षा टाल देवय हय; अऊर यो तरह सी बहुत सो काम करय हय।"
आदमी ख अशुद्ध करन वाली बात
तब यीशु न लोगों ख अपनो जवर बुलाय क उन्को सी कह्यो, "तुम सब मोरी बात सुनो, अऊर समझो। असी कोयी चिज नहाय जो आदमी म बाहेर सी अन्दर जाय क अशुद्ध नहीं करय; पर जो चिज आदमी को अन्दर सी बाहेर निकलय हय, हिच ओख अशुद्ध करय हय।
गैरयहूदी बाई को विश्वास
तब यीशु उत सी उठ क सूर अऊर सैदा को प्रदेश चली गयो। अऊर एक घर म गयो अऊर ऊ नहीं चाहत होतो कि कोयी ख पता चले, पर ऊ लूक्यो नहीं रह्य सक्यो। एक बाई जेकी छोटी बेटी म दुष्ट आत्मा होती, यीशु की चर्चा सुन क आयी, अऊर ओको पाय पर गिर पड़ी। या बाई गैरयहूदी होती या सिरीया को फिनीकी म पैदा भयी होती। ओन यीशु सी बिनती करी कि मोरी बेटी म सी दुष्ट आत्मा ख निकाल दे। पर यीशु न कह्यो, "पहिले बच्चां ख सन्तुष्ट होन दे, कहालीकि बच्चां की रोटी ले क कुत्तावों को आगु डालनो ठीक नहाय।"
ओन ओख उत्तर दियो, "सच हय प्रभु; पर मेज को खल्लो कुत्ता भी त बच्चां को जूठन ख खावय हय।"
यीशु न ओको सी कह्यो, तय चली जा "तुम्हरो जवाब को वजह सी; दुष्ट आत्मा तोरी बेटी म सी निकल गयी हय!"
ओन अपनो घर आय क देख्यो कि बेटी खटिया पर पड़ी हय, अऊर दुष्ट आत्मा निकल गयी हय।
भीड़ म सी एक आदमी न ओख उत्तर दियो, "हे गुरु, मय अपनो बेटा ख, जेको म दुष्ट आत्मा समायी हय, ओख तोरो जवर लायो ऊ बोल नहीं सकय। जित कहीं आत्मा ओख पकड़य हय, उतच पटक देवय हय: अऊर ऊ मुंह म फेस लावय हय, अऊर दात कटरय हय, अऊर सूखतो जावय हय। मय न तोरो चेलावों सी कह्यो कि वा बुरी आत्मा ख निकाल दे, पर हि नहीं निकाल सक्यो।"
यो सुन क यीशु न चेलावों सी उत्तर दे क कह्यो, "हे अविश्वासी लोगों, मय कब तक तुम्हरो संग रहूं? अऊर कब तक तुम्हरी सहू? ऊ टुरा ख मोरो जवर लावो।"
तब हि बच्चा ख यीशु को जवर लायो: अऊर जब ओन ओख देख्यो, त वा दुष्ट आत्मा न तुरतच ओख मुरकट्यो; अऊर ऊ जमीन पर गिर क, मुंह सी फेस फेकतो लोटन लग्यो।
यीशु न ओको बाप सी पुच्छ्यो, "येकी या दशा कब सी हय?" ओन कह्यो, "बचपना सी। ओन येख मारन लायी कभी आगी म अऊर कभी पानी म गिरायो; पर यदि तय कुछ कर सकय हय, त हम पर तरस खाय क हमरी मदत कर।"
यीशु न ओको सी कह्यो, "यदि तय कर सकय हय? त या का बात आय! विश्वास करन वालो लायी सब कुछ होय सकय हय।"
बच्चा को बाप न तुरतच गिड़गिड़ाय क कह्यो, "मय विश्वास करू हय, पर मोरो विश्वास कमजोर हय मोरो अविश्वास म मोरी मदत कर।"
जब यीशु न देख्यो कि लोग दौड़ क भीड़ लगाय रह्यो हंय, त ओन दुष्ट आत्मा ख यो कह्य क डाट्यो कि, "मुक्की अऊर बहरी आत्मा, मय तोख आदेश देऊ हय, ओको म सी निकल आव, अऊर ओको म फिर कभी मत सिरजो।"
तब दुष्ट आत्मा चिल्लाय क अऊर ओख मुरकट क, निकल गयी; अऊर बच्चा मरयो हुयो सो भय गयो, यहां तक कि बहुत लोग कहन लग्यो कि "ऊ मर गयो हय।" पर यीशु न ओको हाथ पकड़ क ओख उठायो, अऊर ऊ खड़ो भय गयो।
यीशु को बहुत लोगों ख चंगो करनो
यीशु आराधनालय म सी उठ क शिमोन को घर म गयो। शिमोन की सासु ख बुखार चढ़्यो हुयो होतो, अऊर उन्न ओको लायी ओको सी बिनती करी। ओन ओको खटिया को जवर खड़ो होय क बुखार ख डाट्यो अऊर बुखार उतर गयो, अऊर वा तुरतच उठ क उन्की सेवा-भाव करन लगी।
जब ऊ किनार पर उतरयो त ऊ नगर को एक आदमी ओख मिल्यो जेको म दुष्ट आत्मायें होती। ऊ बहुत दिनो सी कपड़ा नहीं पहिनत होतो अऊर घर म नहीं रहत होतो बल्की कब्रस्थान म रहत होतो। ऊ यीशु ख देख क चिल्लायो अऊर ओको आगु गिर क ऊंचो आवाज सी कह्यो, "हे परमेश्वर को बेटा यीशु! मोख तोरो सी का काम? मय तोरो सी बिनती करू हय, मोख सजा मत दे।" कहालीकि यीशु ऊ दुष्ट आत्मा ख ऊ आदमी म सी निकालन की आज्ञा दे रह्यो होतो, येकोलायी कि ऊ ओख पर बार बार हावी होत होती। लोग ओख संकली अऊर बेड़ियों सी हाथ पाय बान्धत होतो अऊर पहरा देत होतो तब भी ऊ बन्धनों ख तोड़ डालत होतो, अऊर दुष्ट आत्मा ओख जंगल म भटकावत फिरत होती।
यीशु न ओको सी पुच्छ्यो, "तोरो का नाम हय?"
ओन कह्यो, "सेना," कहालीकि बहुत सी दुष्ट आत्मायें ओको म घुस गयी होती। उन्न यीशु सी बिनती करी कि हम्ख अधोलोक म जान की आज्ञा मत दे।
उत पहाड़ी पर डुक्कर को एक बड़ो झुण्ड चर रह्यो होतो, येकोलायी उन्न ओको सी बिनती करी कि हम्ख उन्म घुसन दे। ओन उन्ख जान दियो। तब दुष्ट आत्मायें ऊ आदमी म सी निकल क डुक्कर म गयी अऊर ऊ झुण्ड ढलान पर सी झपट क झील म जाय गिरयो अऊर डुब मरयो।
चरावन वालो न यो जो भयो होतो देख क भग्यो, अऊर नगर म अऊर गांव म जाय क ओको खबर दियो। लोग यो जो भयो होतो ओख देखन ख निकल्यो, अऊर यीशु को जवर आय क जो आदमी सी दुष्ट आत्मायें निकली होती, ओख यीशु को पाय को जवर कपड़ा पहिन्यो सुदबुद म बैठ्यो हुयो देख्यो अऊर डर गयो;
मय तुम सी सच कहू हय, कि जो इत खड़ो हंय, उन्म सी कुछ असो हंय कि जब तक परमेश्वर को राज्य नहीं देख ले, तब तक नहीं मरेंन।"
यीशु को रूपान्तर
इन बातों को कोयी आठ दिन बाद यीशु पतरस, यूहन्ना अऊर याकूब ख संग ले क प्रार्थना करन लायी पहाड़ी पर गयो। जब ऊ प्रार्थना करतच होतो, त ओको चेहरा को रूप बदल गयो, अऊर ओको कपड़ा उज्वल होय क चमकन लग्यो। अऊर अचानक, मूसा अऊर एलिय्याह, हि दोय आदमी ओको संग बाते कर रह्यो होतो। हि स्वर्ग की महिमा सहित दिखायी दियो अऊर यीशु को मरन की चर्चा कर रह्यो होतो, परमेश्वर को उद्देश जो कि यरूशलेम म पूरो होन वालो होतो।
पतरस अऊर ओको संगी की आंखी म नींद छायी होती, अऊर जब हि अच्छी तरह सचेत भयो, त यीशु की महिमा अऊर उन दोय आदमी ख, जो ओको संग खड़ो होतो, देख्यो। जब हि ओको जवर सी जान लग्यो, त पतरस न यीशु सी कह्यो, "हे मालिक, हमरो इत रहनो भलो हय: येकोलायी हम तीन मण्डप बनायबो, एक तोरो लायी, एक मूसा लायी, अऊर एक एलिय्याह लायी।" ऊ जानत नहीं होतो कि का कह्य रह्यो हय।
अऊर देखो, भीड़ म सी एक आदमी न चिल्लाय क कह्यो, "हे गुरु, मय तोरो सी बिनती करू हय कि मोरो बेटा पर दयादृष्टि कर; कहालीकि ऊ मोरो एकलौतो बेटा आय। एक दुष्ट आत्मा ओख पकड़य हय, अऊर ऊ अचानक चिल्लावन लगय हय; अऊर ऊ ओख असो मुरकटय हय कि ऊ मुंह म फेस भर लावय हय; अऊर ओख कठिनायी सी गिराय क छोड़य हय। मय न तोरो चेलावों सी बिनती करी कि दुष्ट आत्मा ख निकाले, पर हि नहीं निकाल सक्यो।"
यीशु न उन्ख उत्तर दियो, "हे अविश्वासी अऊर जिद्दी लोगों, मय कब तक तुम्हरो संग रहूं अऊर तुम्हरी सहू? अपनो बेटा ख इत ले आव।"
बेटा आयच रह्यो होतो कि दुष्ट आत्मा न ओख पटक क मुरकट्यो, पर यीशु न दुष्ट आत्मा ख डाट्यो अऊर बेटा ख अच्छो कर क् ओको बाप ख सौंप दियो। तब सब लोग परमेश्वर को महासामर्थ सी अचम्भित भयो।
अपनो मरन को बारे म यीशु की दूसरी बार: भविष्यवानी
पर जब सब लोग उन सब कामों सी जो कुछ यीशु करत होतो, अचम्भित होतो, त ओन अपनो चेलावों सी कह्यो,
यीशु अऊर बालजबूल
तब यीशु न मुक्की दुष्ट आत्मा ख निकाल्यो। जब वा दुष्ट आत्मा निकल गयी त मुक्का बोलन लग्यो; अऊर लोगों ख अचम्भा भयो।
अऊर उन्म सी एक न महायाजक को सेवक पर तलवार चलाय क ओको दायो कान उड़ाय दियो।
येको पर यीशु न कह्यो, "अब बस करो।" अऊर ओको कान छूय क ओख ठीक कर दियो।
जब यूहन्ना को भेज्यो हुयो लोग चली गयो त यीशु यूहन्ना को बारे म लोगों सी कहन लग्यो, "तुम जंगल म का देखन गयो होतो? का हवा सी हिलतो हुयो सरकण्डा ख? त फिर तुम का देखन गयो होतो? का चमकदार कपड़ा पहिन्यो हुयो आदमी ख? जो चमकदार कपड़ा पहिनतो अऊर ठाट बाठ सी रह्य हंय, हि राजभवनों म रह्य हंय। त फिर का देखन गयो होतो? का कोयी भविष्यवक्ता ख? हां, मय तुम सी कहू हय, बल्की भविष्यवक्ता सी भी बड़ो ख। परमेश्वर न तुम सी कह्यो यो उच यूहन्ना आय, जेको बारे म लिख्यो हय: ‘मय अपनो दूत ख तोरो आगु-आगु भेजू हय, जो तोरो आगु तोरो रस्ता सीधो करेंन।’ मय तुम सी कहू हय कि जो बाईयों सी जनम लियो हंय, उन्म सी यूहन्ना बपतिस्मा देन वालो सी बड़ो कोयी नहाय: पर जो परमेश्वर को राज्य म छोटो सी छोटो हय, ऊ ओको सी भी बड़ो हय।"
अऊर सब लोगों न सुन क अऊर कर लेनवालो न भी यूहन्ना सी बपतिस्मा ले क परमेश्वर ख सच्चो मान्यो। पर फरीसियों अऊर व्यवस्थापकों न ओको सी बपतिस्मा नहीं ले क परमेश्वर को इरादा ख अपनो बारे म टाल दियो।