Milagres de Jesus

Yesu kangualamiha bhangabhona abhili

27 Yesu pakabheghite mukubhuka pala, bhangabhona abhili bhakintughila, bhakiyobha kyobho na bhakilongela, "Mwana ywa Daudi ghutupeghe lipyanda."

28 Yesu pakayingiliti munyumba bhala bhangabhona bhakinhikila. Naywo kakiakonya, "Munguhyubhalila kukita ndahotola kutenda nnando aghu?"

Bhakinnyanga, "Ena Bambo."

29 Ndo Yesu kakiabyala meho ghabhe na kulongela, "Na yibheghe kwa mwenga handa panhyubhalila." 30 Meho ghabhe ghakihughuka. Yesu kakiakanikiha, pakalongela, "Nnole, mundu ywohele kakotoke kughumanya nnando aghu." 31 Peni bhombe bhakighenda na kulandamiha mihalo ya Yesu mu nnima ghula ghwoha.

Yesu kangualamiha bhangalola abhili

29 Yesu na ahundwa bhake paabheghite bhangubhuka ku kitami kya ku Yeliko, lumati lukulu lwa bhandu lukintughila. 30 Basi, kukibhegha na bhangalola abhili atama pambwegha ya njila. Pabhayihwite kukita Yesu kangupita apwo, bhakiyobha kyobho paghalongela, "Bambo, Mwana ghwa Daudi, ghutubhonele luhungu."

31 Lula lumati lwa bhandu lukialakalila na kualongela atame jii. Peni bhombe bhakichweha kuyobha kyobho, "Bambo, Mwana ywa Daudi, chonde ghutubhonele luhungu."

32 Yesu kakiyima na kakiakema, kakiakonya "Mungupala nuatendele niki?"

33 Bhakinnyanga, "Bambo tungupala tuhotole kubhona."

34 Yesu kakiabhonela luhungu, kakiabyala meho ghabhe, kamu bhakihotola kubhona, nabho bhakintughila.

Yesu kangunlamiha mundu ywangakubhona ku Betisaida.

22 Yesu na ahundwa bhake bhakihika ku Betisaida, amoo bhandu bhakinnyegha mundu ywa nga kubhona, bhakinnyupa kakan’yabhike. 23 Yesu kakinkamula kibhoko ywa nga kubhona aywo, kakinnyegha panji ya kijiji. Kakinhunila mata mu meho ghake yula ywa nga kubhona na kunmikila mabhoko mu meho, kakinkonya "Ghungubhona kilibhi kyoheli?" 24 Yula ywa nga kubhona kakilola, kakilongela, "Ningubhona bhandu angubhonekana handa mikongo yinakutyanga."

25 Yesu kakinmikila kangi mabhoko ghake mumeho yula ghwa nga kulola. Naywo kakihulutula meho, kubhona kwake hinu kukimmuyila, kakilola hilibhi hyoha telatela. 26 Yesu kakinlagha kabhuye ukaya kwake na kakinkwilikiha, "Ghukotoo kuyingila kukijiji."

Yesu kangunlamiha mundu ywanga kuyihwa na yuna kimama

31 Mbole Yesu kakibhuka ako ugheghela na Tilo, kakipitila Sidoni mbaka Dekapoli nnima ghuna hitami mbinda mabhoko yimo mbaka kakihika kulihibha Galilaya. 32 Akwo bhandu bhakinnyeghela mundu yumu ywa nga kuyihwa na kana kimama, bhakinnyupa kakannyabhikile kibhoko kyake ngati kakannlamihe. 33 Mbole Yesu kakinnyegha yula ywa nga kuyihwa kutali na bhandu, Yesu kakinnyingiha hikonji hyake mu makutu ghake, kakihuna mata muhikonji hyaki na kakilubyala lulimi lwa yula mundu. 34 Mbole kakilolekeha kunani kuluhingo kakitweta kwa makakala kakinng’ombela, "Efata!" Mana yake "Hughuka."

35 Kamu, makutu ghake ghakihughuka na lulimi lwake lukilekekehwa kakiyanda kulongela maha. 36 Yesu kakibhakwilikiha bhakotoo kunnongela mundu ywohele mihalo aywo. Peni paabhakanikihite ndo bhakiyonjokeha kulandamiha munu mihalu aywo. 37 Bhandu bhoha bhakikangacha munu, bhakilongela "Katenda mihalo hyoha yinakunoghela munu, kabhatangatila bha nga kuyihwa, kuyihwa, na bhana kimama bhalongele."

Yesu kangunlamiha Balitimayo mundu ywanga kubhona

46 Ndo bhakihika Yeliko, pala Yesu pakabhukite mukitami na ahundwa bhake papamu na lumati lukulu lwa bhandu, ywangakubhona lihina lyake Balitimayu, mwana ghwa Timayu, kakitama mumbhwegha ya njila pakiyupa utangwo. 47 Balitimayu pakayihwite kukita ndo Yesu ghwa ku Nasaleti ywakabheghite mukupita, kakiyanda kukweha lilobhe pakaghomba, "Yesu, Mwana ghwa Daudi, ghumonele luhungu!"

48 Bhandu atangalo bhakinlakalila na kung’ombela kanyamale, peni mwene kakighendelela kukweha lilobhe pakighomba, "Mwana ghwa Daudi ghunmonele luhungu!"

49 Yesu kakiyima na kulongela, "Munkeme" Ndo bhakinkema yula ywanga kubhona bhaking’ombela, "Ghulikunge mwoyo, ghuyime, kangughukema."

50 Kakilitagha lipinda lyake, na kakihumba na kung’endela Yesu.

51 Yesu kakinkonya, "Ghungupala nukutendele niki?" Yula ywanga kubhona kakinnyanga, "Nhunda ghwangu mbala kubhona."

52 Yesu kaking’ombela, "Ghughende, hyubhalilo yako yikulamiha." Kamu yula ywanga kubhona kakilola, naywo kakintughila Yesu na kakighenda naywo papamu.

Yesu kangunlamiha ywangabhona

35 Yesu pakabheghite kanguheghelela ku nnima ghwa Yeliko, mundu yumu ywangabhona kakibhegha katama mu bhwegha ya njila paakiyupa utangwo. 36 Mundu ywangabhona aywo pakayihwite mayobhe gha lumati lwa bhandu palukinda, kakikonya, "Kubhegha na niki?"

37 Bhala bhandu bhakinnyanga, "Yesu ghwa Nasaleti kangupita."

38 Yula mundu ywangabhona kakikweha lilobhe pakilongela, "Yesu! Mwana ghwa Daudi, ghumonele luhungu!"

39 Bhala bha abheghite ku ulongolo bhakinlakalila bhakinng’obhela kanyamale. Peni mwene kakighendelela kukweha lilobhe "Mwana ghwa Daudi, ghumonele luhungu!"

40 Yesu kakiyima na kakikwilikiha bhannyeghe mundu aywo kwa mwene. Pakabheghite ugheghela, Yesu kakinkonya, 41 "Ghungupala nighutendele niki?"

Ywombe kakiyanga, "Bambo, ningupala kubhona."

42 Yesu kakinng’ombela, "Ghubhone, kuhyubhalila kwako kughulopoha."

43 Kamu mundu yula kakibhona lisaa lila lila, na kakinntughila Yesu, kunu pakintikila Chapanga. Bhandu bhoha paabhonite mihalo ayi, nabho bhakintikila Chapanga.

Yesu kangunnamiha mundu ywakabhelekwite ywangalola

1 Yesu pakabhegite kangutyanga, kakimmona mundu yumu ywangalola kutandila kubhelekwa. 2 Hino, ahundwa bhake bhakinkonya Yesu, "Nhunda, ghani ywakatendite ulemwa, mundu ayu, ebu abhele bhake, mbaka kabhelekwe ywangalola?"

3 Yesu kakiayanga, "Nnando aghu likibhwatuka ng’obhe kubhukana na ulemwa ghwa mundu ayu ebu ghwa abhele bhake, ngati kakibhelekwa ywangalola ngati makakala gha Chapanga ghayimihwe mu ubhumi ghwake. 4 Yingungwiliha kughatenda mahengo ghake ywombe ywakanaghilite pakali pamuhi, uhiku ghunguhika, na kahone mundu ywakahotola kutenda lihengo. 5 Pammegha ngali munnima, nenga ndo lung’ali lwa nnima."

6 Mbole ya kuyomola kulonngela agho, Yesu kakihuna mata pahi kakitendekeha lindikali kakintyelemeka mumeho yula ywangalola, 7 mbole kakinng’ombela, "Ghughende ghukakuhe ku litanda lya Siloamu." Fwambulo ya lihina ali ndo ywakalaghilitwe. Apa yula ywangalola kakighenda, kakikuha kibhungi kyake, mbole kakibhuya kunu pakalola.

2 Mundu yumu yunamaloha kakihika na kakinchutamila mayughwa paking’ombela, "Bambo, handa ghungupala, ghwahotola kunyoha."

3 Yesu kakigholoha kibhoko kyake, kakinnyabhika pakalongela, "Nungupala ghuyoheke." Kamu yula mundu kakilama maloha ghake. 4 Mbole Yesu kaking’ombela, "Ghuyihwe, ghukotoke kunng’ombela ywohele, ngati ghughende ghukalibhonehe kwa ndundame, na kutula matulo gha ghalaghilitwe na Musa ngati yibheghe ubhoneho kukita ghulamihwa."

2 Linjubha alyo alyo bhakinnyeghela mundu ywakalelebhalite, kaghonjekwa mu likahe. Yesu pakabhonitie kuhyubhalila kwabhe, kakinng’ombela yula ywakalelebhalite, "Ghukotoke kutunyuka mwoyo mwana ghwangu, ghulekekehwa ulemwa ghwako."

3 Kwakya nnando aghwo, amoo bha ahunda bha malaghilo bhakiyanda kuhwacha mu myoyo yabhe, "Mundu ayu kangukundula."

4 Peni Yesu kakighamanya mahwacho ghabhe, kakiaghombela, "Kiyaha niki munguhwacha uhokelo mu myoyo yenu? 5 Kyoki kiibheghite kiyeyebhu, kulongela, ‘Ulemwa ghwako ghulekekehwa,’ ebu kulongela, ‘Ghuyime ghutyange?’ 6 Peni nungupala mmanye kukita Mwana ywa Mundu kabhegha na makakala gha kulekekeha ulemwa mu nnima" Ndo kakinng’ombela yula mundu ywakalelebhalite, "Ghuyime ghutole likahe lyako na ghughende ukaya kwako."

7 Yula mundu kakiyima, na kakighenda ukaya kwake.

10 Amwo kakibhegha mundu ywakalelebhalite kibhoko. Bhombe paakipalaha kihokonyo kya kunkokela Yesu, ndo bhakinkonya Yesu, "Bhuli yibhegha tela kulamiha mulinjubha lya Kupumulila?"

11 Yesu kakiayanga, "Ndo ghani mu mwenga ywakabheghite na mene ywake ywene kachumbukila mulibhumba Linjubha lya Kupumulila, katammuha ng’obhe? 12 Peni mundu ywa utopelo kupitingana mene. Basi, yibhegha tela kutenda gha maha Mulinjubha lya kupumulila." 13 Ndo kakinng’ombela yula mundu, "Kigholohe kibhoko kyako." Kakikigholoha nakyo kikibhegha kyamaha handa kila kingi.

30 Na ma ghwa nhumbu ghwa Simoni kakibha na nhehemela tepatepa paulili, bhakinkambukiha Yesu mihalo yake. 31 Ndo Yesu kakinng’endela, na kunkamula kibhoko na kunnyinula. Mbole nhehemela ghukinnekekeha, naywo kakiyanda kuakeyela.

Yesu kangunlamiha mundu yunamaloha

40 Mundu yumu ywakabheghite na maloha kakinng’endela Yesu, kakinchutamila mayughwa na kunnyupa, na kung’ombela, "Paghupala, ghwahotola kunghulula!"

41 Yesu kakimmonela luhungu, kakigholoha kibhoko kyake kakinnyabhika kunu pakanng’ombela "Ningupala ghululika!" 42 Kamu maloha ghakinbhuka naywo kakighululika.

3 Lisaa lilalila bhandu ncheche bhakihika na bhakinng’egha mundu nlelebhaho kwa Yesu. 4 Kiyaha ya lumati lwa bhandu bhakilepelwa kunheghekeha pakabheghite Yesu. Hinu bhakihotola lunyakaha lubheghite unani pakabheghite Yesu, paahotolite kala bhakinhuluha aywo mundu pakaghonjite mulikahe. 5 Yesu pakabhoniti uhyubhalilo ghwabhe kakinng’ombela yula nlelebhaho "Mwana ghwangu, ‘ghulekekehwa ulemwa ghwako.’" 6 Amoo bha ahunda bha malaghilo bhaatamite pautamo aghwo, bhakihwacha mumyoyo yabhe. 7 "Yibha bhuli mundu ayu kangughomba naha? Ayu kangunkundula Chapanga! Kahone mundu ywakulekekeha ulemwa maha nga Chapanga ghweka chake." 8 Kamu Yesu kakighamanya mahwachilo gha myoyo yabhe, kakiakonya, "Bhuli munguhwacha habhu mumyoyo yenu? 9 Kingiki kya kunoghelwa muno, kunng’ombela mundu nlelebhaho, ‘Ghulekekehwa ulemwa ghwako ebu kunng’ombela ghuyinuke ghutole likahe lyako ghutyange?’ 10 Hinu nungupala mmanye kukita Mwana ghwa Mundu kabhegha na makakala gha utabhala ghwa kualekekeha bhandu ulemwa ghwabhe munnima" Ndo Yesu kakinng’ombela yula nlelebhaho. 11 "Ningughughombela ghuyime, ghutole likahe lyako ghughende ukaya kwako." 12 Kamu, kakiyima na kakitola likahe lyake na kakibhuka. Bhandu bhoha bhakikangacha na kunkwiha Chapanga paakilongela, "Twenga tuyibhona ng’obhe mihalo handa ayi."

Yesu kangunlamiha mundu yuna ulelebhalo ghwa kibhoko

1 Yesu kakiyingila kangi mu kitutubhi kya kukonganila Akaayahudi, na akwo pakibha na mundu yumo yunaulelebhaho ghwa kibhoko. 2 Amwo, amoo bhandu bhangi bhakintyegha kanlamihe mundu ayo lisiku lya kupughwa apati ngupukiho ya kuntakila. 3 Yesu kakinng’ombela mundu yula ywakalelebhukite kibhoko, "Ghuhike apa paulongolo" 4 Mbole kakiakonya bhandu, "Hinu lyoki likunoghelwa kutendwa mu lisiku lya kupughwa, kutenda mihalo ya maha ebu mahakataho, kulopoha ubhumi ebu kukoma?" Peni bhombe bhakinyamala jii. 5 Yesu kakialolekeha bhoha kwa kiyaghabhu, na kakikukulika kwa hyeta ya myoyo yabhe, na kakinng’ombela yula mundu, "Ghugholohe kibhoko kyako!" Kakikigholoha kibhoko kyake na kikibha kya maha kangi.

Yesu kangunnamiha mundu yuna maloha

12 Yesu pakabheghite kukitami kimo, mundu yumu yuna maloha mummili ghwoha kakinhikila. Pakammonite Yesu kakighwegha makukama na kakinnyupa Yesu pakilongela, "Bambo, paghupala ghwaahotola kunnamiha ili ng’ululike."

13 Yesu kakikigholoha kibhoko kyake na kakinnyabhika yula mundu, mbole kakinng’ombela, "Ningupala ghughululike!" Kamu kakilama ghala maloha.

18 Bhakihika bhandu bhaanpapite ntamwa ghwa ulelebhalo ghwa mmili muulili. Bhakilitumba kunnyingila unyumba ngati ammike mu ulongolo ghwa Yesu. 19 Peni bhakilepelwa kunnyingila mukitutubhi kila kubhukana na lumati lwa bhandu. Hinu bhakihubhuka kulunyakaa na bhakimatula himoo hipalamande hya hipumbulu na bhakinhuluha aywo ntamwa ghwa ulelebhalo mulikahe lyake pakati ya lula lumati lwa bhandu pakabheghite Yesu. 20 Yesu pakabhoniti kukita bhanguhyubhalila, kakinng’ombela yula ntamwa, "Ghanja, ghulekekehwa ulemwa ghwako."

21 Akaafalisayo na bhala ahunda bha malaghilo bhakiyanda kukonyana kya ufyangu, "Ndo ghani aywo ywakakambukite mihalo ya kunkundula Chapanga? Kahone mundu yuna makakala gha kulekekeha ulemwa maha nga Chapanga ghweka chake."

22 Yesu kakighamanya mahwacho ghabhe ndo kakiakonya, "Kiyaha niki munguhwacha habhu mu myoyo yenu? 23 Hinu lyoki lya nga unonopo, kunng’ombela mundu ayu ‘Ghulekekehwa ulemwa ghwako’ ebu kulongela ‘Ghuyime ghughende?’ 24 Hinu, mbala mmanye kukita nenga Mwana ghwa Mundu megha na makakala gha kulekekeha ulemwa mu nnima aghu." Habhu kaking’ombela mundu yula yunaulelebhalo, "Nungukughombela ghuyime, litole likahe lyako na ghughende ku lubhagha lwako."

25 Kamu mundu aywo kakiyima kunu paankilola, kakitola likahe lyake na kakighenda kulubhagha lwake kunu pakintika Chapanga.

Yesu kangunlamiha mundu ywakalelebhalite kibhoko

6 Mu Linjubha lingi lya Kupumulila Yesu kakiyingila mu kitutubhi kya kukonganila Akaayahudi na kakihunda bhandu, na akwo kakibhegha mundu yumo yuna ulelebhalo ghwa kibhoko kyake kya nnilo. 7 Akaafalisayo na ahunda bha malaghilo gha Musa bhakipalaha kihokonyo kya kunkokelela Yesu, na ndo bhakilindila abhone handa kaanlamiha mundu Linjubha lya Kupumulila. 8 Peni Yesu kakighamanya mahwacho ghabhe na kakinng’ombela yula mundu, "Ghuyime na ghuhike ghuyime pakati!" Yula mundu kakighenda kukiyima pakati yabhe. 9 Ndo Yesu kakiaghombela bhala ahunda bha Malaghilo na Akaafalisayo, "Nunguakonya mwenga, yingutukwiliha kughatughila ghoki mumalaghilo mu Linjubha lya Kupumulila? Kughatenda gha maha ebu gha mahakataho? Kulopoha na kulama ebu kuukanjaghana ubhumi?" 10 Yesu kakialolekeha bhandu bhoha bhabheghite pala na ndo kakinng’ombela yula mundu, "Ghugholohe kibhoko kyako." Naywo kakikigholoha kibhoko kyake nakyo kamu kikibha tela.

Yesu kangunlamiha ndumindumi ghwa kilongohi ghwa amachonda ghwa Akaalumi

1 Mbole pakayomolite kulongela malagho agha ghoha na bhandu paannyihwite kakiyingila ku kitami kya Kapelinaumu. 2 Akwo kakibhegha nbhandwa yumu ghwa machonda kilongohi ghwa Akaalumi, mwene ywakannyelelitwe munu na nkulu ghwake, kakitopelwa utamwa na kakibhegha tepatepa paulili. 3 Kilongohi aywo ywa machonda pakayihwite mihalo ya Yesu, kakialaghila amoo akulu bha Akaayahudi kwa Yesu, ngati akannyupe kahike ngati kakanlamihe nbhandwa ghwa kilongohi aywo gwa amachonda. 4 Bhala hilongohi paahikite kwa Yesu bhakinnyupa kakanntangatile yula kilongohi ghwa amachonda paakilongela, "Mundu aywo yingunnogha kakatendelwe nnando aghwo, 5 kiyaha kanguapala bhandu bhannima ghwetu, hila hila kakituchengela kitutubhi kyetu kya kukonganila."

6 Hinu Yesu kakilongohana nabho, peni pakabheghite kutali ng’obhe na lubhagha lwake, yula machonda kilongohi ghwa Akaaloma kakialaghila aghanja bhake kunng’ombela Yesu, "Bambo, ghukotoke kulighaha kiyaha nenga yingunnogha ng’obhe kwa ghwenga kuyingila payi ya lunyakaa lwangu. 7 Ndo nikilibhona yingunnogha ng’obhe kughuhikila. Peni ghukwilikihe lilagho ghweka chake na nndumitumi ghwangu kaalama. 8 Kiyaha nenga ndo mundu niibheghite pahi ya makakala, megha na machonda bha abheghiti pahi ya nenga. Pa nunng’ombela ayu ‘Ghughende!’ Naywo kaaghenda, na ayu ‘Ghuhike!’ Naywo katahika. Panunng’ombela nbhandwa ghwangu ‘Ghutende aki!’ Ywombe kaatenda."

9 Yesu pakayihwite malagho agho kakinkangacha munu, kakilupilukila lula lumati lwa bhandu luuntughilite, na kakiaghombela, "Nenga niyibhona ng’obhe hyubhalilo ngulu handa ayi hata Muakaaisilaeli."

10 Bhala bhandu paabhuyite mulubhagha lwa nkulu ghwabhe bhakimmona yula nbhandwa kalama kala.

11 Mu lisaa alyo alyo kakihika nndala yumo ywakabheghite na lindilu, naywo kakipimbitala nng’ongo kwa ngungwa mbinda mabhoko yimo na nane kubhukana na lindilu alyo, hangi kakihotola ng’obhe kuligholoha. 12 Yesu pakammonite kakinkema na kakinng’ombela, "Nhumbu, ghulamihwa utamwa ghwako." 13 Kakinnyabhikila mabhoko kamu mmili ghwake ghukigholoka kangi na kakiyanda kuntika Chapanga.

Yesu kagunlamiha mundu yumo

1 Linjubha limo lya Kupumulila Yesu kakighenda kulyegha hilyo ku lubhagha lwa yumoo ywa kilongohi ghwa Akaafalisayo, na bhandu bhaakibhegha apwo bhangunhingukiha. 2 Bahala pala mu ulongolo ghwake kakibhegha mundu ywakabheghite na utamwa wa kutupa mmili. 3 Yesu kakiakonya bhala Akaafalisayo na ahunda bha malaghilo, "Patughatughila malaghilo, bhuli ghangututegheka ebu ng’obhe kualamiha bhandu Mulinjubha lya Kupumulila?"

4 Peni bhombe bhakitama nuu. Habhu Yesu kakinkamula kibhoko yula ntamwa na kakinlamiha, na kakintegheka kaghende ukaya kwake.

Yesu kangualamiha bhanamaloha mbinda mabhoko yimo

11 Yesu pakabheghite mu njila pakighenda ku Yelusalemu, kakikindila mu mbakilo ya Samalia na Galilaya. 12 Pakabheghite mu kuyingila mu kijiji kimo, bhandu mbinda mabhoko yimo bhaabheghite na maloha bhakikongana naywo, na bhakiyima kya kutali, 13 bhakikwiha lilobhe pa akiilongela, "Bambo Yesu, ghutubhonele luhungu!"

14 Pakaabhonite kakiaghombela, "Ng’endi makalibhonehe kwa andundame."

Nabho pa abheghiti mu njila paaghenda, bhakighululikwa. 15 Yumoo ywabhe pakabhonite kukita kakilama, kakibhuya kwa Yesu kunu pakintika Chapanga kwa lilobhe likulu. 16 Kakilitagha kuulongolo ghwa maghulu gha Yesu kunu pakinnumba. Na aywo mundu kakibhegha Nsamalia. 17 Yesu kakikonya, "Bhuli, bhakighululwa na kulamihwa ng’obhe bhoha mbinda mabhoko yimo? Abhegha kwoki bhala nhano na ncheche? 18 Bhuli, kahone na yumu ywakabhuyite ili kakanpeghe ukulu Chapanga maha nga ayu nhenja?" 19 Yesu kakinng’ombela, "Ghuyime na ghughende, kuhyubhalila kwako kughulopoha."

Yesu kangunlamiha mundu kulitanda lya Betisada

1 Mbole ya agha, kukibhegha na kikubhukubhu kya Akaayahudi, naywo Yesu kakighenda akwo Yelusalemu. 2 Akwo Yelusalemu, pakibhegha litanda limo ugheghela na nlyango gwa mene, kwa likabila lya Akaaebulania likikemwa Betisata, lyene likitindilwa na mabanda nhano. 3 Mu mabanda agho pakibhegha na atamwa atangalo, bhangabhona na angwabhengwabhe na bhana ulelebhaho paalindila machi ghabwangulighwe. 4 Kiyaha maghenda maghenda lihoka ywa Chapanga kakihuluka na kughabwangula machi gha litanda alyo, na yula ntamwa ywakabheghite ywa ulongohi kuyingila nkati mwa machi mbole ya kubwangulighwa, kakilama utamwa ghwake ghwoha ghwakabheghite naghwo. 5 Hino, mundu yumu kakibhegha akwo ywene kakilwala kwa ngungwa salasini na nane. 6 Yesu pakammonite ntamwa aywo kaghonja, naywo kakimanya kukita katama apwo kwa manjubha matangalo, ndo kakinkonya, "Ghungupala kulamihwa?"

7 Yula ntamwa kakinnyanga, "Bambo, nenga nanga mundu ghwa kunyegha mulitanda pala machi paghabwangulighwa, pambala kuchumbukila mu litanda, kali nenga na kuyingila mundu yungi kangulopokela."

8 Yesu kakinng’ombela, "Ghuyime, ghutole likahe lyako na ghughende." 9 Kamu, yula mundu kakilama, kakitola likahe lyake na kakiyanda kutyanga.

Nnando aghu ghukitendekwa linjubha lya Kupumulila,

46 Habhu Yesu kakihika kangi mbaka ku kitami kya Kana ya Galilaya, pala pakaghalambulite machi ghabheghe difwai. Akwo kukibhegha mundu yumu kilongohi, ywene mwana ywake kakibhegha ntamwa akwo ku Kapelinaumu. 47 Aywo hofisa pakayihwite kukita Yesu kakihika ku Galilaya kuhumila ku Yudea, kakinng’endela Yesu na kunnyupa ngati kaghende kunnamiha mwana ywake, ywakabheghite tepatepa paulili. 48 Yesu kakinng’ombela yula kilongohi, "Mwenga bhandu kyanga kubhona naho na mihabho mahyubhalila ng’obhe."

49 Yula hofisa ghwa ghubhutwa kakinng’ombela Yesu, "Chonde Bambo, tughende ukaya kwangu yikali na mwana ghwangu kuuleka ulili."

50 Yesu kakinng’ombela yula kilongohi, "Ghughende ukaya kwako, mwana ywako kangukeka!"

Yula kilongohi kakihyubhalila ghala malagho ghakaghombelitwe na Yesu, kakibhuka na kakighenda ukaya kwake.

51 Pakabheghite kakali kunjila kakibhonana na andumindumi bhake na bhakinng’ombela kukita, "Mwana ywako yughunng’endela kalama!"

52 Kakiakonya bhala andumitumi bhake lisaa kyakapatite upughwo mwana ywake, nabho bhakinnyanga, "Yikibha licho pamuhi lichubha lwa londondohi, utamwa ghukinneka." 53 Ndo tate ywa yula mwana kakikulungwa kukita likibhegha ndo lisaa lilalila lyeni Yesu pakankambukilite, "Mwana ywako kalama." Hino, ywombe na bhandu bhoha bha lubhagha lwake bhakinhyubhalila Yesu ndo Kilisto Nkombohi.

54 Ayi ndo yikibhegha naho ya ubhili yeni Yesu yakatenditi pakabhuyite Galilaya kuhumila ku Yudea.

20 Lisaa alyo alyo nndala yumu ywakabheghite na liholobhela kwa ngungwa kumi na ibhili, kakinhikila Yesu kya kuhyetu na kakilibyala lipinda lyake, 21 Kiyaha kakilighombela mumwoyo ghwake, "Handa ndalibyala lipinda lyake, ndaalama."

22 Yesu kakikilibhuka, naywo pakammonitie kakinng’ombela, "Nhinja ghwangu, ghukotoke kutunyuka mwoyo, kuhyubhalila kwako kukulamiha." Naywo yula nndala kakilama lisaa lilalila.

25 Apwo pakibhegha ndala yumu yuna liholobhela mungungwa mbinda libhoko yimo na hibhili. 26 Ndala aywo kakipungwa muno kwa kughenda kwa aghanga atangalo. Na kakiyomola hilibhi hyoha hyakabheghite naywo, peni mbole ya kulama ndo utamwa ghukintopela muno. 27 Naywo kakibhegha pakayihwite mihalo ya Yesu na kakinhikila Yesu kya kuhyetu ya lumati lwa bhandu na kakilibyala lipinda lyake, 28 kiyaha kakighomba mumwoyo ghwake, "Handa nda hotola kulibyala lipinda lyake, kulyaghila ndalama." 29 Kamu, liholobhela lyake likiketuka, naywo kakighubhona mmili ghwake ghulama.

43 Mulumati alwo pakibhegha nndala yumo ywaahuma mwahi kiyaha kanaliholobhela kwa ngungwa mbinda mabhoko yimo na ibhili, kangi kakiyomola hilibhi hyoha hyakabheghite nahyo kwa aghanga, peni kakibhegha ng’obhe nng’anga ywakahotolite kunnamiha. 44 Aywo nndala kakinhikila kya kuhyetu na kakilibyala lupindo lwa lighwanda lya Yesu, kamu ghula mwahi ghwa liholobhela lyake likiketuka. 45 Yesu kakikonya, "Ghani aywo ywakanbyalite?"

Bhandu bhoha paalemite, Petili kakilongela, "Bambo, ndo alu lumati lwa bhandu lukutindilite na kukuyuka mbande hyoha!"

46 Peni Yesu kakilongela, "Kabhegha mundu ywakanbyalite, kiyaha manya kukita ninlamiha mundu kwa likalama lyangu." 47 Yula nndala pakamanyite kukita katahotola ng’obhe kulihiha, kakinhikila pakiloghoya kwa lyogha, kakichutamila mayughwa mu ulongolo ghwa Yesu, na kakilubhulila mu ulongolo ghwa bhandu bhoha kya niki kakinbyala na bhula mwakalamihitwe. 48 Yesu kakinng’ombela, "Nhinja, kuhyubhalila kwako kughulopoha. Ghughende kwa uhihimilo."

Nhinja ywa kilongohi na nhumbu ywakabyalite lipinda lya Yesu

18 Yesu pakabheghite kangulongela agho, kamu kakiyingila kilongohi ywa nyumba ya kukonganila Akaayahudi, kakinchutamila mayughwa muulongolo ghwake na kunng’ombela, "Nhinja ghwangu kahwegha hinu hinu. Peni ghughende na ghunnyabhikile kibhoko kyako naywo katalama."

19 Yesu kakibhuka na kakilongohana naywo, ahundwa bhake nabho bhakintughila.

23 Yesu pakahikite kulubhagha lwa yula kilongohi ywa nyumba ya kukonganila Ayahudi, kakiabhona bhandu bhakipyemba filimbi na lumati lwa bhandu lukibhegha lungukukulika, 24 kakiaghombela, "Mmuke, kiyaha nhinja kahwegha ng’obhe ngati kaghonja." Peni bhombe bhakinheka. 25 Mbole lumati lwa bhandu lukibhuhwa panje, Yesu kakiyingila unyumba na kakinkamula kibhoko, yula nhinja kakiyumuka.

22 Ndo kilongohi yumo ywa kitutubhi kyakukonganila Akaayahudi ywakakemitwe Jailu, kakinhikila pala, na pakanmonite Yesu kakichutamila mayughwa pakibhungi kyake, 23 kannpembeleha pakalongela, "Nhinja ghwangu nndokwa kangutamwa tepatepa paulili, Ningughuyupa ghuhike na ghunnyabhike kibhoko kyako ngati kalame kabhe bha maha." 24 Ndo Yesu kakighenda papamu naywo, bhandu atangalo bhakinntughila na bhakinnyuka mbande hyoha.

38 Pakahikite mulubhagha lwa yula kilongohi ghwa kitutubhi kya kukonganila Akaayahudi, Yesu kakibhona bhulwa, bhandu kwa bhakilila ngukuliko na kwa lilobhe likulu. 39 Pakayingilite munyumba kati, kakiaghombela, "Kiyaha niki mungutenda bhulwa na kulila? Nhinja kahwegha ng’obhe, ngati kaghonja hela."

40 Bhala bhandu bhakinheka kwa uyuyuho. Peni mwene kakiabhuha bhoa panje, kakibhatola tate na ma ghwa yula nhinja papamu na bhala ahundwa bhake andatu. Kakiyingila munyumbakati mbaka pala pakabheghite yula nhinja 41 Kakinkamula kibhoko yula nhinja na kaking’ombela, "Talita komu!" Mana hyaki "Nhinja nungughughombela yumuka."

42 Kamu yula nhinja kakiyima, na kakiyanda kutyanga, aywo nhinja kakibhegha na ngungwa mbinda mabhoko yimo na hibhili. Bhandu paaghabhonite agha bhakikangacha muno

31 Ndo Yesu kakighendelela kulongela, "Bhandu bha kibheleko aki nibhahwananihe na kilibhi kyoki? Ndo bhandu bha kya bhuli? 32 Bhene abhegha handa bhana bhaatamite mu ligulio. Paakemana bhene kwa bhene pa akilongela, ‘Tukiapyembela lupalata peni mukikina ng’obhe, tukiayimbila nhambo ghwa kuhyononeha peni mukilila ng’obhe’ 33 Kiyaha Yohane yunakubatisa kakibhegha pakalyeghagha ng’obhe lingate ebu kakinywegha difwai, mwenga mukilongela, ‘Kana lindilu!’ 34 Mwana ghwa Mundu kahika kunu pakalyegha na kunywegha na mwenga mungulongela, ‘Nlole, nhukila aywo na nnobhi, nng’anja ghwa asumula sumu na bhana ulemwa bhangi!’ 35 Hata habhu Malangu gha Chapanga ghangubhoneha uhoto kwa bhoha bhanakughakingama."

Yesu mu lubhagha lwa Simoni

36 Nfalisayo yumo kakinnyupa Yesu kaghende kulubhagha lwake kwakya hilyo, hinu Yesu kakighenda kulubhagha lwa nfalisayo aywo na kakitama kulyeghela hilyo. 37 Mukitami kila pakibhegha nndala yumo yunaulemwa, pakamanyite kukita Yesu kakibhegha mulubhagha lwa Nfalisayo, yula nndala kakitola kyupa kya liganga lya alabasita kimemikihitwe mahuta ghanakunungila maha munu.

41 Mbole mundu yumu lihina lyake Yailo, kilongohi ghwa kitutubhi kya kukonganila, kakihika na kakilitagha mu ulongolo ghwa Yesu, na kakinnyupa kaghende ku lubhagha lwake, 42 kiyaha nhinja ghwake ghwa kighweka ywaabheghite na ngungwa mbinda mabhoko yimo na ibhili, kakibhegha mu njupula ya kuhwegha.

Yesu pakabheghite mu kughenda, lumati lwa bhandu lukinnyuka mbande hyoha.

49 Yesu pakabheghite akali kangulongela, kakihika ndumindumi kuhuma kulubhagha lwa Yailo, yula kilongohi ghwa kitutubhi kya kukonganila, kunng’ombela, "Nhinja ghwako kahwegha kala, ghukotoke kunng’aha kangi nhunda."

50 Yesu pakayihwite nhalo aghwo, kakinng’ombela Yailo, "Ghukotoke kuyoghopa, ghuhyubhalile, naywo nhinja ghwako katalopoleghawa."

51 Pabhahikite kulubhagha lwa Yailo, kakintegheka ng’obhe ywohele kayingile mukitutubhi papamu naywo ngati nga Petili na Yakobu na Yohane na tate na maghwa yula mwana. 52 Lisaa alyo bhandu bhoha bhakibhegha paakilila na kuhyononeka kwa kya aywo nhinja. Yesu kakiaghombela, "Nkotoke kulila. Nhinja kahwegha ng’obhe ngati kaghonja."

53 Nabho bhankiheka Yesu kwa kunnyuyuha kiyaha bhakimanya kukita nhinja kahwegha. 54 Peni Yesu kakinkamula kibhoko yula nhinja na kukema, "Mwana, ghuyumuke!" 55 Kamu nhuki ghwake ghukimmuyila, naywo kakiyimuka. Yesu kakikwilikiha anpeghe kilibhi kyoheli kya kulyegha. 56 Abhele bha yula nhinja bhakikangacha munu, peni Yesu kakiakanikiha akotoke kunng’ombela mundu ywohele ghaghabwitukiliti.

Kiho kya Lasalo

1 Mundu yumu lihina lyake Lasalo, ywakatamite ku Betania, kakibhegha ntamwa. Ywombe Lasalo kakibhegha kangutama ku kijiji kyakatamiteghe Malia na Malita ahacha bhake. 2 Malia ndo yula ywakanpopolehite na kumpakaha Bambo mahuta gha kunungila na kakinpukuta maghulu kwa hwili hyake, na Lasalo ndo nhacha ghwake ywakabheghite ntamwa. 3 Hino, abho ahacha bhake Lasalo bhakilaghila lilagho kwa Yesu. "Bambo nng’anja ghwako kangubhina."

4 Yesu pakayihwite agho, kakilongela, "Utamwa aghu chepa ghwa kuntenda Lasalo kuuleke ulili, ngati ghwabatenda bhandu bhankwehe Chapanga na kwa njila ayi Mwana ywa Chapanga katakwehwa bhubho."

5 Yesu kakiapala muno Malita na Malia na nhacha ywabhe Lasalo. 6 Yesu pakayihwite kukita Lasalo kabhegha ntamwa, kakighendelela kukabhalila kwakabheghite kwa manjubha mabhili kyanalumu. 7 Mbole kakiaghombela ahundwa bhake, "Hinu tubhuye kangi ku nnima ghwa Yudea."

8 Ahundwa bhake bhakinng’ombela, "Nhunda, lichanachana apa Akaayahudi bhakipala bhaghughume kwa malibho, hinu ghwenga ghungupala kubhuya kangi akwo?"

9 Yesu kakiayanga, "Bhuli, masaa gha pamuhi chepa kumi na mabhili mulinjubha? Bhanakutyanga pamuhi batalikubhala ng’obhe kiyaha bhangulubhona lung’ali lwa luchubha. 10 Peni bhala bhanakutyanga pakilo bhatalikubhala kiyaha kahone lung’ali nkati mwa bhombe." 11 Yesu pakayomolite kulongela malagho agha kakiaghombela, "Nng’anja ywetu Lasalo kaghonja, peni nenga ndaghenda kunnyumuha."

12 Ahundwa bhake bhakinng’ombela, "Bambo, handa kaghonja ng’ono, katahotola kulama."

13 Bhombe bhakihwacha mihalo ya kughonja ng’ono, peni Yesu kakibhegha kanguyobhela yakya kuhwegha kwa Lasalo. 14 Ndo Yesu kakiaghombela pekupeku, "Lasalo kauleka ulili,

Yesu kangulinyamahila likusi

23 Yesu kakikwela mubhwato, na ahundwa bhake bhakintughila. 24 Paabheghite mu mwanja, pindulu likibwituka likusi likulu mu lihibha mbaka bhwato ghukiyanda kudibala kwa mayukano, peni Yesu kakibhegha kaghonja ng’ono. 25 Ahundwa bhake bhaking’endela, bhakinnyumuha paalongela, "Bambo, ghutulopohe, tunguhwegha."

26 Naywo Yesu kakiaghombela, "Mwenga bhandu munakuhyubhalila kyamandina, kiyaha niki munguyoghopa?" Mbole kakiyinuka na kakililakalila lila likusi na lihibha, na kukibhegha tuli.

27 Bhala bhandu bhakikangacha, paalongela, "Ayu ndo mundu ywa kya bhuli mbaka likusi na lihibha hingunnyitikila!"

15 Payihikite makimuhi, ahundwa bhake bhakinng’endela na bhakinng’ombela, "Apa patubheghite kahone bhandu bhaatama, na luchubha lungutipika. Hinu ghubhalaghe bhandu ngati aghende muhijiji hyabhe bhakalihemelele hilyo."

16 Yesu kakiaghombela, "Bhangunoghwa ng’obhe abhuke Mwenga muapeghe hilyo."

17 Peni bhombe bhakinng’ombela, "Tubhegha nagho mangati nhano ghweka na homba abhili."

18 Yesu kakiaghombela, "Munyeghela apa." 19 Kakiakwilikiha bhandu atame mumanyahi, mbole kakighatola ghala mangate nhano na bhala homba abhili, kakilolekeha kunani kwa Chapanga kakighanonela na kakighametulanga, mbole kakiapegha ahundwa bhake agho mangati na bhala homba, nabho ahundwa bhake bhakiapegha bhandu abho. 20 Bhandu bhoha bhakilyegha na bhakiyukuta. Mbole ahundwa bhakikungana mahighalo na bhakimemekeha hikapu kumi na hibhili. 21 Mmalango ghwa bhandu bhaalyeghite bhakibhegha alumi elfu nhano, kyanga mmalango ghwa adala na bhana.

25 Pakilo ugheghela na kuchegha, Yesu kakiaghendela ahundwa bhake pakatyanga unani mwa machi.

Yesu kanguapegha hilyo kangi bhandu elfu ncheche

32 Basi, Yesu kakiakema ahundwa bhake kakiaghombela, "Nungulubhonela luhungu lumati alu lwa bhandu, kiyaha abhegha na nenga kwa manjubha mandatu na abhegha ng’obhe na hilyo hyohele hiihighalite, na nenga mbala ng’obhe kubhalagha paabhegha na njala ngati akotoke kuhima mu njila."

33 Ahundwa bhake bhakinkonya, "Apa tubhegha pangabhandu, twamokola kwoki hilyo hya kuakwila bhandu abha bhoha?"

34 Yesu kakiakonya, "Mmegha na mangati malingi?"

Bhakinnyanga, "Mangate saba na hihomba hyamandina."

35 Yesu kakilughombela lula lumati lwa bhandu atame pahi. 36 Kakighatola ghala mangate saba na hila hihomba hyamandina, kakinnumba Chapanga, kakihimetula na kakiapegha ahundwa bhake, nabho bhakiaghabhila bhandu. 37 Bhoha bhakilyegha na kuyukuta, mbole ahundwa bhake bhakikungana mahighalo na bhakimemekeha hikapu saba. 38 Bhala bhaalyeghiti bhakibhegha alumi elfu ncheche, kyanga kubhalangwa adala na bhana.

Kuhomba sumu ya Nyumba ya Chapanga

24 Mbole ya Yesu na ahundwa bhake kuhika ku Kapelinaumu, asumula sumu ya Nyumba ya Chapanga bhakinnhikila Petili na kunnkonya, "Bhuli, nhunda ywenu kanguhomba sumu ya Nyumba ya Chapanga?"

25 Petili kakiayanga, "Ena, ywombe kanguhomba." Petili pakabhuyite ukaya kukali hata na kunng’ombela kilibhi, Yesu kakiyanda kunkonya, "Ghwenga ghungumanya niki Simoni? Abhatwa bha nnima bhangupongola mapongolo na sumu kuhuma kwa aghani? Bhuli, kuhuma kwa akola nnima bhabe ebu kwa ahenja?"

26 Petili kakinnyanga, "Kuhuma kwa ahenja."

Yesu kakinng’ombela, "Hinu akola nnima bhabhe bhalekekehwa. 27 Peni ngati tukotoke kuakalaliha myoyo yabhe, ghughende ku lihibha ghukataghe ndoano. Ghuntole homba ywa ulongolo ghuunng’omeha, ghubakatule nnomo ghwake, amwo ghwayibhona ngalabha, ghuyitole ghukahombe sumu ya ghwenga na nenga."

Yesu kangughukotola nkongo ghuukemwa Ntini

18 Yesu pakabheghite kangubhuya kumbwani malabhila putiputi, njala yikimmina. 19 Kakighubhona nkongo ghuukemwa Ntini pambwegha ya njila, kakighughendela, peni ghukibhegha ng’obhe na mapambika ngati ghukibhegha na mahamba ghweka. Basi, kakighughombela ghula nkongo, "Ghukotoke kupambika mapambika kangi." Pala pala ghula nkongo ghukinyaluka. 20 Ahundwa bhake paabhonite nnando aghu bhakikangacha, bhakinkonya, paalongela, "Yibhegha bhuli nkongo aghu ghwa ntini ghunyaluke kanongola?" 21 Yesu kakiaghombela, "Kulyaghila nunguaghombela, handa panhyubhalila na nkotoke kubhegha na bhwaghalili, maahotola, chepa ghweka kutenda habhu, ngati hata pamukighombela kitumbi aki, ‘Ghutupuke ghukalitaghe ku lihibha.’ Yaakitendeka habho. 22 Na lyohele limulipala kuyupa mumayupo, malikingama."

37 Kamu likibhegha liyegha likulu lukiyanda kupula, na liyuka lya machi likilututa bhwato ghula mbaka machi ghakiyanda kumema mubhwato. 38 Yesu kakibhegha kunyuma ya libhwato pakighonja munhaghamilo, ahundwa bhake bhakinnyumuha mung’ono na bhaking’ombela, "Nhunda, ghungubhona ng’obhe hamba tungupala kuhwegha?"

39 Yesu kakiyumuka na kakililakalila lila liyegha na kakilikwilikiha liyuka lya machi mulihibha "Ghuyime, ghutengeleke," kamu kamu liyuka likiyima tuli na kukibha tuli maha muno.

40 Mbole Yesu kakiaghombela ahundwa bhake, "Kiyaha niki mukuyoghopa? Nkali na uhyubhalilo ng’obhe?"

41 Nabho bhakiyoghopa muno, bhakikonyekeana, "Ayu ndo ghani? Mwene likusi na mayuka gha machi ghangunnyihwa!"

35 Makimuhi paghaheleliti, ahundwa bhake bhakinng’endela na bhakinng’ombela, "Apa patutamite ndo pakibhala na hinu lubhindu lunguyanda kuyingila. 36 Hino ghualaghe bhandu aghende mumighunda na mu hijiji hya kubhwegha bhakahemele hilyo."

37 Peni Yesu kakiayanga "Mubhapeghe mwenga hilyo." Bhakinnkonya, "Nhunda ghungubhona ng’obhe kukita yingutupala tubheghe na ngalabha nyoloho ndo twahotola kubhahemelela bhandu abha hilyo?" 38 Yesu kakiakonyekeha, "Ng’ende mukalolekehe yibhegha mangate milingi?" Bhakighenda na paabhuyite bhakinng’ombela, "Yibhegha mangate nhano na homba abhili." 39 Ndo Yesu kakiakwilikiha bhaatamihe bhandu mu himati himati mumanyahi mabhihi. 40 Nabho bhakitama muhimati hya bhandu mbinda mabhoko kumi na bhangi mbinda mabhoko nhano. 41 Mbole Yesu kakiyitola yila mangate nhano na bhala homba abhili kakilolekeha kuluhingu, kakinnumba Chapanga, kakiyimetula yila mangate, na kakiapegha ahundwa bhake bhabhapeghe bhandu bhoha. Hila hila bhakiapegha bhandu bhoha bhala homba abhili. 42 Bhandu bhoha bhakilyegha na bhakiyukuta. 43 Ahundwa bhake bhakihiyola mahighalo gha hipalamande hya mangate na homba, na bhakimemekeha hikapu mbinda mabhoko yimo na hibhili.

44 Mbalango ya bhandu alumi bha alyeghite bhakibhegha elfu nhano.

48 Kakiabhona ahundwa bhake mu bhwato bhakighayaghaya pa bhakibhyatula kwa makakala, kiyaha likibhegha liyegha likiapingika. Ugheghela na kuchegha Yesu kakiaghendela ahundwa bhake pakityanga unani mwa machi. Ywombe hamba kakapaliteghe kubhayomboka. 49 Peni paanmonite pakityanga unani mwa machi bhakihwacha kakibha lihoka, bhakitula kyobho. 50 Kiyaha bhoha paanmonite bhakiyoghopa muno. Mbole Yesu kakighomba nabho, "Nkotoke kuyoghopa! Ndo nenga!" 51 Kakihubhuka mubhwato ghwa abheghite na lila liyegha likiyima! Bhala ahundwa bhakikangacha muno.

Yesu kangualyegheha bhandu Elfu ncheche.

1 Mumasiku agho, lumati lukulu lwa bhandu lukikwemuka kangi, na bhakibhegha ng’obhe na hilyo. Hino Yesu kakiakema ahundwa bhake na kakiaghombela, 2 "Nungulubhonela luhungu lumati alu lwa bhandu, kiyaha hino bhabhegha na nenga kwa masiku mandatu na kibhahone kya kulyegha. 3 Handa panialagha aghende ukaya kwabhe kya nga kulyegha, bha hima kwa njala munjila, mana amoo bhangi ahumila kutali."

4 Ahundwa bhake bhakinkonya, "Apa pakibhala twahumbula kwoki mangati gha kukwila kulyegha lumati lwoha alu?"

5 Yesu kakiakonya, "Mubha na mangate milingi?" Ahundwa bhake akinnyanga, "Tubhegha na mangate saba."

6 Kakiakwilikiha bhandu bhoha atami pahi. Ndo kakiyitola yila mangate saba, kakinnumba Chapanga kakiyimetulanga yila mangate, kakiapegha ahundwa bhake abhaghabhanikihe bhandu, nabho bhakiaghabhanikiha bhandu. 7 Hilahila bhombe bhakibhegha na hihomba hya mandina, Yesu kakinnumba Chapanga kwa kya bhala homba na kakiakwilikiha ahundwa bhake abhapeghe bhandu ubwabhu abhu. 8 Bhandu bhala bhakilyegha na kuyukuta na mbole yake ahundwa bhakikungana hipalamande hihighalite na bhakimemekeha hikapu nhano na ibhili. 9 Bhandu bha alyeghite akibhegha elfu ncheche. Ndo Yesu kakialagha.

Yesu kangughukotola nkongo ghwa ntini

12 Kilabho yake pabhabheghite mukubhuka ku Betania Yesu yikinbhina njala. 13 Pakaghubhoniti nkongo ghwa ntini kya kutali ghubheghite na mahamba manyelemba, kakighughendela kakaghulole kukita ghukipambika, pakaghuhikiliti kakighabhona ngamahamba ghweka kiyaha yikibha kihuku kya nga kupambika. 14 Yesu kakighughombela ghula nkongo ghwa ntini, "Kuyandila lelo mbaka masiku ghoha ghapala kuhika mundu ywohele katalyegha ng’obhe mapambiko kuhuma kwa ghwenga" Ahundwa bhake bhakiyihwa paakighomba agha.

Lihundo lya kya nkongo ghwa ntini

20 Malabhila ghake, paabheghite mukutyanga mu njila, bhakighubhona ghula ntini ghunyaluka kala kuhumila kunani mbaka pa kitepo. 21 Petili kakighuhwachila na kaking’ombela Yesu, "Nhunda, ghulole ghula ntini ghu ghukotolite ghunyaluka!"

22 Yesu kakiayanga, "Munhyubhalile Chapanga." 23 Kulyaghila ningubhaghombela mundu ywohele ywakalonda kukighombela kitumbi aki, ghutupuke ghukataghwe kulihibha, na kakotoo kubhona bhwaghalihi mumwoyo ghwake ngati kahyubhalile kukita ghatatendekwa, katatendeghwa nnando aghwo. 24 Ngati hino ningubhaghombela kyoheli kimukiyupa na kutundamila, nhyubhalile kukita maakingama nakyo kyabhegha kyenu. 25 Pammegha mukutundamila, munnekekehe mundu ywohele ywakabhatenditi uhokelo ghwoheli, ngati Tate ghwenu ywakabheghite kuluhingu kabhalekekehe ulemwa ghwenu.

Yesu kanguakema ahundwa bha ulongohi

1 Linjubha limu Yesu pakabheghite kumbwegha ya lihibha lya Genesaleti ubhwabhu lingumanyika handa lihibha Galilaya, na bhandu atangalo bhakiyukana kuntindila ngati bhayihwe lilagho lya Chapanga. 2 Ndo kakiyibhona mibhwato mibhili pambwegha ya lihibha yikilekwa apo na aghomeha homba bha abheghite mukutandambuaha njaho hyabhe. 3 Kakiyingila mughumoo bhwato ghuubheghite ghwa Simoni, na kakinnyupa Simoni kakanheghelehe mumachi kutali kya mandina kuhuma kuluhingo, mbole kakitama mubhwato aghwo na kakiyanda kuluhunda lula lumati lwa bhandu.

4 Pakayomolite kuahunda, Yesu kakinng’ombela Simoni, "Hinu ghuhole bhwato ghwako mbaka mu machi njulwa ya lihibha mbole ghuyihuluhe njaho hyenu na makaghomehe homba."

5 Ndo Simoni kakinnyanga, "Bambo, tukitenda lihengo lya kutopa kilukilu ndaa! Na tukighomeha ng’obhe kyoheli. Peni kwa lilagho lyako nda huluha njaho." 6 Mbole ya kuhuluha njaho, bhakighomeha homba bha mahele muno, mbaka njaho hyabhe yikiyanda kulakatuka. 7 Hinu ndo bhakiakema kunu paakiatendela naho kwa mabhoko aghomeha bhangi bha abheghite mubhwato ghungi ahike kuatangatila. Bhakihika na bhakimemekeha homba mibhwato hyoha mibhili mbaka yikiyanda kudibala. 8 Simoni Petili pakabhonite aghwo ghaabwitukilite kakighwegha mumaghulu gha Yesu na kakinng’ombela, "Bambo ghubhuke kwa nenga, kiyaha nenga nnemwa!"

9 Simoni na aghomeha ayake bhakikangacha muno kwa kya bhala homba bha mahele bhaabhamokolite. 10 Ubhwabhu abhu ayake Yakobu na Yohane, bhana bha Sebedayu bhakikangahwa munu. Ndo Yesu kaking’ombela Simoni, "Ghukotoke kuyoghopa, kiyaha kutandila hinu ghwanngheghela bhandu handa aghomeha homba paaghegha homba muhitutubhi hyabhe."

11 Ndo bhakiyongeha mibhwato yabhe kuluhingo, na akileka hyoha hyaabheghite naywo na bhakintughila Yesu.

Yesu kanguliyimiha Likusi

22 Linjubha limu Yesu kakihubhuka mu bhwato papamu na ahundwa bhake, kakiaghombela, "Tuyomboke lihibha tughendi mbaka kumwambo ya lihibha." Ndo bhakiyanda mwanja. 23 Ndo paabheghite mu mwanja, Yesu kakitopelwa ng’ono, mbole kakighonja, kamu likusi likulu na nnyukano ghwa machi ghukiyanda mu lila lihibha, mbaka bhwato ghukiyanda kumemeka machi, nabho akibhegha ugheghela na kudibala. 24 Bhala ahundwa bhakinng’endela Yesu, bhakinnyumuha paakilongela, "Bambo, Bambo! Tunguhwegha."

Yesu kakiyumuka na kakilikwilikiha likusi liyime na nnyukano ghwa machi ghukipela. 25 Ndo kakiakonyekeha ahundwa bhake, "Hyubhalilo yenu yibha kwoki?"

Peni bhene kya kuyoghopa na ngangahyo bhakighombana, "Ayu ndo mundu ghwa bhuli, ywene ywakakwilikiha likusi na nnyukano ghwa machi nahyo yingunnyitikila?"

Yesu kanguliyimiha Likusi

22 Linjubha limu Yesu kakihubhuka mu bhwato papamu na ahundwa bhake, kakiaghombela, "Tuyomboke lihibha tughendi mbaka kumwambo ya lihibha." Ndo bhakiyanda mwanja. 23 Ndo paabheghite mu mwanja, Yesu kakitopelwa ng’ono, mbole kakighonja, kamu likusi likulu na nnyukano ghwa machi ghukiyanda mu lila lihibha, mbaka bhwato ghukiyanda kumemeka machi, nabho akibhegha ugheghela na kudibala. 24 Bhala ahundwa bhakinng’endela Yesu, bhakinnyumuha paakilongela, "Bambo, Bambo! Tunguhwegha."

Yesu kakiyumuka na kakilikwilikiha likusi liyime na nnyukano ghwa machi ghukipela. 25 Ndo kakiakonyekeha ahundwa bhake, "Hyubhalilo yenu yibha kwoki?"

Peni bhene kya kuyoghopa na ngangahyo bhakighombana, "Ayu ndo mundu ghwa bhuli, ywene ywakakwilikiha likusi na nnyukano ghwa machi nahyo yingunnyitikila?"

Yesu kangunlamiha mundu yuna mandilu

26 Bhakighendelela na mwanja ndo bhakihika ku nnima ghwa Akaagelasi, ghuubheghite kumwambo ya lihibha kuhuma ku Galilaya,

12 Payihegheghelite makimuhi, bhala ahundwa mbinda mabhoko yimo na abhili bhakinng’endela Yesu na bhakinng’ombela, "Ghululaghe lumati alu lwa bhandu lubhuke ngati aghende mu hijiji na mumighunda ya ugheghela, ngati bhakapalahe hilyo na ng’ebhu ya kughonja, kiyaha apa tubhegha pa manyahi."

13 Peni Yesu kakiaghombela, "Mubhapeghe mwenga hilyo."

Nabho bhakinnyanga, "Tubhegha na kyohele ng’obhe, ngati nga mangate nhano na homba abhili, pangi tughende tukahemele hilyo hya kukwila bhandu bhoha abha?" 14 Kiyaha akibhegha bhandu Elfu nhano.