Milagres de Jesus
Os Evangelhos registram dezenas de milagres realizados por Jesus — curas, ressurreições, domínio sobre a natureza e libertações. Cada milagre revelava sua divindade e compaixão.
Curas de cegos e surdos
Jesus devolveu a visão aos cegos e a audição aos surdos, manifestando seu poder sobre toda enfermidade e deficiência.
यीशु दुय आंदला माणहाह देखतो केरने
जेवी यीशु तारेन जाणे बाजरियेल इतो, ते दुय आंदला तान पासाण चाल देना एने इहकेरीन आयेड़ने बाज गीया, "एय दाऊदान बेटाख, आमु पोर गीण केर!"
जेवी यीशु गेरा माय आवो, तेवी यीशु केयो, "तुमूह बुरहो हे काय मी तुमूह हुदार सेकथु?" ता जापाप आप्या, "होव मालीक!"
तेवी यीशु तान डोलाह सापलीन केयो, "तुमरा बोरहान गेत, तुमरी केरता एय!" एने तान डोला उगड़ी गीया। ओवतो यीशु ताह सोमजाड़ीन केयो, "उशारिम ज्यी वात कुण बी जाणने नाय जुवे!"
पुण ता ता रेन जाईन आखा देसाम यीशुन बाराम केय होमलाया।
दुय आंदलान किस्सो
जेवी यीशु एने तान चेला यरीहो माय रेन निकेलताला, ते एक मोटली माणहान गेरदी तान पासाण चाल देनी। एने दुय आंदला, जा सेड़कीन दिड़े बोह रियेल एता, ज्य होमल्या काय यीशु जाणे बाजरिनोह, आयड़ीन केणे बाज गीया, "एय मालीक, दाऊदान बेटाख आमु पोर किव केर।"
माणहे ताह ठावका रिवो केरीन दोपकाया, पुण ता उंजु मोठेह आयड़ीन केया, "एय मालीक, दाऊदान बेटाख आमु पोर किव केर!"
तेवी यीशु उबरीन ताह हाद्यो एने केयो, "तुमरी काय आसा हे काय मी तुमरी केरता केरू?"
ता ताह केया, "एय मालीक, ज्योस काय आमु देखणे बाज जाज्यु।"
तेवी यीशु किव केरीन तान डोलाह सापल्यो; एने चालोच देखाणे बाज गीयो, एने ता यीशुन पासाण चाल देना।
यीशु बेतसेदा गावाम एक आंदला माणहाह हुदारने
ता आखा बेतसेदा गावाम आवा, एने थोड़ाक माणहे एक आंदलाह यीशु फाय लेन आवा एने ताह विन्ता केऱ्या काय आंदलाह सापली। यीशु ता आंदला माणहान आथ देरीन गावान बाहेर ली गीयो। ओवतो तान डोला पोर थुप्यो एने आथ मेलीन ताह फुशो, "काय तुवाह काह देखाह?"
तो उपेर नेजेर केरतीन केयो, "होव मी माणहाह देख सेकथु, पुण ता माहु चालताला जाड़ान गेत देखातेह।"
यीशु पुशो एक वार तान डोला पोर आथ मिल्यो। एने तो हासकेरीन देख्यो, एने तो हुदरी गीयो, एने साप साप देखणे बाज गीयो।
यीशु ताह ज्य केयीन गेर मुकेल दिनो, "ज्या गावा माय पुशो जाहे मा।"
बेयरा एने बोबड्या माणहाह यीशु हुदारने
उवतो यीशु सुर ने ईलाका माय रेन निकलीन सेदान ईलाका माय लागतोस गेलील ने देरीया हिऱ्यो आवो, एने दोह गावान हियोर दिकापुलिस माय गीयो। थोड़ाक माणहे ता फाय एक बेयरा माणहाह लावा जो बोबड्यो बी एतो, माणहे ता एदमी पोर आथ मेलनेन केरता यीशुह विन्ता केऱ्या। यीशु ताह गेरदी माय रेन आंगेच ली गीयो, एने यीशु तान आंगल्या बेयरान काना पोर मिल्यो, एने तान आंगल्या पोर थुपीन तान जिबी पोर मिल्यो। एने हेरगान उगे देखीन हाह लिदो, एने ताह केयो, "इप्फत्तह!" मतलब "उगड़ीजा!"
ता माणहान कान उगड़ी गीया, एने तान जिबीन गाठ बी जात रेनी, एने तो हास केरीन बोलने बाज गीयो। तेवी यीशु ताह उकुम आप्यो काय ज्य कुणीह मा किहो; पुण ताह जोलो सोमजाड़ेल ईतो, तोला ता माणहाह केया। तान वातु होमलीन बोंगलाय गीया एने केया, "ज्यो कोलोक हास केरीन आखो काय केर लिथे, तो बेयराह होमेलने एने मुकाह बोलनेन ताकेत आपेह!"
आंदला बरतीमाईह देखतो केरने
ज्यान पासाण ता यरीहो गावा माय पोचना, जेवी यीशु तान चेला एने एक माणहान होवटाली गेरदी हेऱ्यो यरीहो रेन बाहेर जाणे बाजरियेल ईतो, तेवी ताह वाटीन मीरे बोह रियेल एक आंदलो बिखारी मिलनो, तान नाव बरतीमाई एने तान आबोख तीमाई ईतो। जेवी ताह ज्य मालुम एनो काय यीशु नासरी हे, तो आयड़ीन केयो, "एय दाऊदान सोरा यीशु! मार पोर गीण केर!"
जुलूम माणहे ताह जोर केऱ्या काय ठावको रेय। पुण तो उंजु जोरेस आयेड़ने बाज गीयो, "एय दाऊदान सोरा, मार पोर गीण केर!"
तेवी यीशु उबरीन केयो, "ओयाह माहु फाय लियावो।"
केरीन माणहे आंदलाह हादिन केया, "ईमोत मेल! उठ, तो तुवाह हादिह।"
आंदलो माणुह तान फाड़का टाकीन कुदिन उबरेय गीयो, एने यीशु फाय आवो।
एने यीशु आंदलाह फुशो, "तुवाह मार फाय रेन काय जुवे?"
आंदलो यीशुह जापाप आप्यो, "एय गुरू, मी पुशो देखणे बाज जाव।"
यीशु आंदलाह केयो, "जातरे, तारो बुरहो तुवाह हुदार दियेल हे।"
आंदलो चालोच देखणे बाज गीयो एने वाटे यीशुन पासाण चाल पोड़नो।
यीशु आंदला बिखारीह देखतो केरने
जेवी यीशु यरीहोन आहने पोचनो, ते एक आंदलो सेड़कीन दिड़े बोहीन बिख मांगतालो। एने माणहान चालनेन गेगदो होमलीन तो फुशो, "ज्य काय एणे बाजरिनोह?"
माणहे आंदलाह केया, "यीशु नासरी जाणे बाजरिनोह।"
तेवी आंदलो आयड़ीन केयो, "एय यीशु दाऊदान सोरा, मार पोर गीण केर!"
जा ओंगाण जाताला, ता आंदलाह दोपकावताला काय ठावको रे; पुण तो उंजु जोरेस आयेड़ने बाज गीयो, "एय दाऊदान सोरा, मार पोर गीण केर!"
तेवी यीशु उबरीन उकुम आप्यो आंदलाह मार फाय लावो, एने जेवी तो आहने आवो ते यीशु आंदलाह फुशो, "तु काय हुदेह काय मी तार केरता केरू?"
"एय मालीक, ज्य काय मी पोशो देखणे बाज जाव।"
यीशु ताह केयो, "देखणे बाज्जा; तारो बुरहो तुवाह हुदार दियेल हे।"
तेवी तो चालोच देखणे बाज गीयो एने बोगवानान बोड़ाय किरते लेन यीशुन पासाण चाल पोड़नो; एने आखा माणहे देखीन बोगवानान बोड़ाय केऱ्या।
पायदास रेन आंदलाह यीशु देखतो केरनो
जाणे बुखेत यीशु एक माणहाह दिख्यो, जो जेल्माम रेच ने आंदलो एतो। तेवी यीशुन चेला ताह फुशा, "एय गुरू, कुणीन पापान वोजेसे ज्यो ओहलो आंदलो पायदा ईयेल हे; ज्यान काय ज्यान आईख आबाख ने?"
यीशु ताह जापाप आप्यो, "नाह ते ज्यो पाप किरेल ईतो, नाह ज्यान आहख आबोख। पुण ज्यो ज्यानकेरता आंदलो पायदा ईयेल हे काय बोगवानान काम ता माय देखाय। जो माहु मुकलेल हे, तान काम दिह हे ताह वोर आपुह केरने जोरेवरी हे; काहाकाय रात आवणी हे ती माय कुणीह बी काम केरता नाय आवी। मी जाह वोर दुनियाम हे, ताह वोर मी दुनियान उजालो हे।"
इहकेरीन केयीन यीशु बुय पोर थुप्यो, एने थुपा केरीन माटड्यो बिजाड़ीन; एने तो माटड्यो ता आंदलान डोला पोर लागाड़ीन ताह केयो, "जा, शिलोम मतलब मुकलेल। नावान कुंडाम दोव ले।" तो आंदलो जाईन दोव लेदो, एने देखतीन आवो।
Curas de paralíticos e enfermos
Paralíticos caminharam, leprosos ficaram limpos e todo tipo de doença foi curada pelo toque e pela palavra de Jesus.
एने ता एक कोढ लागेल माणुह बी ता एतो, तो तान आहने तान ओंगाण पाया पोड़ीन केयो, "एय मालीक, केदी तारी मोरजी एय, ते तु माहु हुदार सिकेह।"
तेवी यीशु आथ ओंगाण केरीन ताह सापलीन केयो, "मारी मोरजी हे, तु हुदेर जाय।" एने चालोच तो हुदेर गीयो। तेवी यीशु ताह केयो, "होमेल ज्य कुणीह मा किहे; पुण तु जाईन चाकऱ्याह देखाड़जे एने जो चेड़ावो मुसा ठेरायेल हे, ताह बेट चेड़ाव काय ता पोर माणहान केरता पुरावो एय।"
एने दिखो, थोड़ाक माणहे लोखवान बेमारी वालाह खाटला पोर लोटाड़ीन ता फाय लावा। यीशु तान बुरहो देखीन ता लोखवान बेमारी वाला माणहाह केयो, "एय बेटा! दिर खा, तारा पाप माफ एय गीया।"
तेवी देरेमगुरू माय रेन थोड़ाक आपसा माय बोलाचाल केरीन केया, "ज्यो ते बोगवानान चिहटा किरेह।"
यीशु तान मोनान वातु जाणीन केयो, "तुमू तुमरा मोना माय खाराब विचार काहा केरतेह? होपो काय हे, ‘ज्य केणे काय तारा पाप माफ एय गीया,’ काय ज्य केणे, ‘उठ एने चाल फिर?’ पुण तुमू ज्य जाण लिवो, माहु माणहान बेटाख देरती पोर पापाह माफ केरनेन आदिकार हे।" ओवतो यीशु लोखवान बेमारी वाला माणहाह केयो, "उठ, तारो खाटलो विस एने तार गेर जातरे!"
तो उठीन तान गेर जात रेनो।
ताहरी एक माणुह एतो जान एक आथ पांगलो इतो, एने ता माणहे यीशु पोर गुनो लागाड़नेन केरता ताह फुशा, "काय विहेवणेन दिह हुदारने हाजो हे?"
यीशु ताह जापाप आप्यो, "तुमरे माय रेन ओहलो कुण हे जान एकुस मेंड्रो हे, एने तो विहेवणेन दिह खाडा माय पोड़ जाय? ते ताह तो खाडा माय रेन देरीन बाहेर नाय काड़ी? ते माणहान किमोत मेंड्राह रेन! कोलीक वोदार हे, तानकेरता विहेवणेन दिह बोलो केरने हाजो हे।" तेवी यीशु ता माणहाह केयो, "तार आथ ओंगाण किर।"
तो माणुह आथ ओंगाण केऱ्यो, एने तान आथ दिहरा आथान गेत हुदरी गीयो।
शमोनान हाहवोक हेरी माय दुखारी खाटला पोर लोट रियेल एती, जेवी यीशु ता पुचनो, तीन बाराम ताह केया। तेवी यीशु जाईन तीन आथ दिऱ्यो, एने तुलेचबूखे तीन हेरी उतेर गीयो, एने ती उठीन यीशु एने तान चेलान सेवा चाकरी केरने बाज गियी।
यीशु कोढी माणहाह हुदारने
एक कोढी यीशु फाय आवीन तान पाया पोड़ीन विन्ता केरीन केयो, "केदी तारी मोरजी एय, ते तु माहु हुदार सिकेह।"
यीशु ता पोर गीण केरीन आथ ओंगाण केरीन ताह सापलीन केयो, "मारी मोरजी हे काय तु हुदेर जाय!" एने तुलेचबूखे कोढ ने बेमारी ताह एदम्याह सोड़ देनी, एने तो हुदरी गीयो।
तेवी माणहे एक लोखवान दुखाऱ्याह यीशु फाय लावा, एने ताह चार एदमी उखलीन लायेल एता। काहाकाय ताहरी जुलूम गेरदी एती केरीन यीशुन आहने ताह नाह पोचानो, ता गेरान साजाह जान निड़ो यीशु ईतो, ताहरूह उगाड़ देना, एने जेवी ताह वेसड़ी देना। तेवी ता खाटलाह जा पोर लोखवान दुखाऱ्यो लुट रियेल एतो, ताह उतार देना। यीशु ता माणहान बुरहो देखीन लोखवान दुखाऱ्याह केयो, "एय मार बेटा, तारा पाप माफ एय गीया।"
तेवी मोकतास देरेमगुरू ताहरी बोह रियेल एता, ता आप आपणा मोना माय विचार केरने बाज गीया, "ज्यो माणुह काहा इहकेरीन किथे? ज्यो ते बोगवानान चिहटा किरेह! बोगवानाह सोड़ीन कुण पाप माफ केर सिकेह!"
यीशु तुलेचबूखे तान जीवा माय जाण लिदो काय ता आप आपणा मोना माय कोहलो विचार केरने बाजरेनाह, एने ताह केयो, "तुमू काहा तुमरा मोना माय ज्यो विचार केरने बाजरेनाह? काय ज्या लोखवान दुखाऱ्याह ज्य केणे होपो हे, ‘तारा पाप माफ एय गीयाह,’ काय ज्य केणे, ‘उठ, तारो खाटलो उखलीन चाल?’ मी ज्यो साबीत केर सेकथु काय माणहान बेटाख ज्यी देरती पोर पाप माफ केरनेन आदिकार हे।" केरीन यीशु ता लोखवान दुखाऱ्याह केयो, "मी तुवाह केथु, उठ, तारो खाटलो उखेल, एने गेर जातरे!"
तुलेचबूखे तो माणुह उठनो, एने खाटलो उखलीन आखा माणहान देखतास बाहेर जात रिनो। ज्यो देखीन आखा बोंगलाय गीया, एने बोगवानान बोड़ाय केरतीन केया, "ओहलो ते आमु केदीच नाह देख्या!"
यीशु आथ पांगला माणहाह हुदारने
एने यीशु पुशो यहुदिन बोक्ती केरन्या गेरा माय गीयो, ता एक माणुह एतो जान आथ पांगलो ईतो। थोड़ाक माणहे वाट जोवणे बाजरियेल एता काय यीशु विहेवणेन दिह ता आथ पांगा माणहाह हुदारी; काय ता यीशु पोर गुनो लागाड़ सेकी।
यीशु ता आथ पांगा माणहाह केयो, "न्या आखान ओंगाण आवीन उबरी।"
यीशु माणहाह फुशो, "काय विहेवणेन दिह हाजो केरने कायदान विरोद हे? काय बाकतो केरने, जीवाह वोचाड़ने काय मारने, ज्याम रेन काल्लो हाजो हे?"
पुण ता ठावकाच रेय गीया। यीशु कावदेन ताह रागा माय बोरायीन दिख्यो, एने तान मोनान वातड़ाय देखीन जुलूम नाराज एय गीयो। ओवतो यीशु ता माणहाह केयो, "तार आथ ओंगाण किर।" तो आथ ओंगाण केऱ्यो, एने तान आथ पेल ने गेत हुदेर गीयो।
यीशु कोढवाला माणहाह हुदारने
जेवी यीशु एक गावा माय ईतो, ता एक कोढ वालो माणुह आवो; एने यीशुह देखीन तान पाया पोड़ीन विन्ता केरीन केयो, "एय मालीक, केदी तारी मोरजी एय, ते तु माहु हुदार सिकेह!"
तेवी यीशु आथ ओंगाण केरीन ताह सापलीन केयो, "मारी मोरजी हे, तु हुदेर जाय," तेवी चालोच तो हुदेर गीयो।
तुलबूखे थोड़ाक माणहे एक लोखवान बेमारी वालाह खाटला पोर लोटाड़ीन लावा, पुण जुलूम बिड़ एती, तानकेरीन ताह गेरा माय नाह ली जाय सेक्या, ता ताह गेराम ली जाणेन केरता जागो होदणे बाज गीया। तेवी ता गेरा पोर चेड़ीन साजो उगाड़ीन लोखवान दुखाऱ्याह खाटला बेलुच यीशुन आहने उतार देना। यीशु तान बुरहो देखीन लोखवा वाला दुखाऱ्याह केयो, "एय बेटा तारा पाप माफ एय गीया।"
तेवी फरिसी एने देरेमगुरू तान तान मोना माय विचार केरने बाज गीया, "ज्यो एदमी कुण हे? ज्यो ते बोगवानान चिहटा किरेह! बोगवानाह सोड़ीन पापान माफी कुण आप सिकेह!"
तान मोनान विचाराह जाणीन यीशु ताह केयो, "तुमरा मोना माय तुमू काहा ओहलो विचार केरने बाजरेनाह? होपो काय हे? काय ज्य केणे, ‘तारा पाप माफ एय गीया, नाहते इही केणे काय उठीन चाल फिर?’ पुण तुमूह मालुम रेणे जुवे काय माहु माणहान बेटाख ज्यी देरती पोर पाप माफ केरनेन बी आदिकार हे, ज्य किते जाईन लोखवान दुखाऱ्याह केयो, ‘मी तुवाह केथु, उठ एने तारो खाटलो उखलीन गेर जातरे।’"
तुलेचबूखे तो माणुह आखान ओंगाण उठीन उबरेय गीयो, एने खाटलो उखलीन बोगवानान बोड़ाय केरतीन तान गेर जात रिनो।
यीशु आथ पांगा माणहाह हुदारने
दिहरे विहेवणेन दिह यीशु यहुदिन बोक्ती केरन्या गेरा माय जाईन हिकाड़ने बाजरियेल ईतो, एने ता एक माणुह एतो, तान जिवड्यो आथ पांगलो ईतो। तेवी थोड़ाक फरिसी एने देरेमगुरू यीशु पोर गुनो लागाड़ने ताकाव रियेल एता, ता ज्य देखणे होदताला काय यीशु विहेवणेन दिह आथ पांगा माणहाह हुदारेत काय नाह। पुण यीशु तान मोनान विचार जाणीन आथ पांगा माणहाह केयो, "उठ, आखान ओंगाण उबरी जा," तेवी उठीन उबरी गीयो। तेवी यीशु ताह केयो, एवी तुमूह एक वात फुसथु आपणा नेम ने गेत विहेवणेन दिह काय केरने हाजो हे, काय बाकतो केरने हाजो हे? काय बोलो केरने? जीवाह वोचाड़ने काय जीवाह मारने? ताहरी बोह रियेल माणहान उगे फिरीन यीशु केयो, "तार आथ ओंगाण केर, तो तिहेस केऱ्यो, एने तान आथ पेल ने गेत हुदेर गीयो।"
रोमन आदिकारीन पावराह यीशु हुदारने
जेवी यीशु माणहाह तान आखी वातु हिकाड़ दिनो, तेवी कफरनहूम हेयरा माय आवो। ता एक रोमन आदिकारीन मोंगाल्लो पावोर ईतो, बेमारी माय मोरने पोर ईतो। तो आदिकारी यीशुन बाराम होमलीन यहुदियान थोड़ाक डायडायाह इहकेरीन विन्ता केरनेन केरता यीशु फाय मुकल्यो, काय आवीन मार पावराह वोचाड़ ले। ता यीशु फाय आवीन जुलूम विन्ता केरीन केया, "ता पोर गीण केर, काहाकाय तु गीण केरनार हे। काहाकाय ताह आपणा देसान माणहा पोर मोंग हे, एने आमरी केरता तोच बोक्ती केरन्यो गेर बाणायेल हे।"
तेवी यीशु ता हिऱ्यो गीयो, एने आदिकारीन गेरान आहने पोचनो, ते आदिकारी तान हातीह ज्यी खुबेर केय मुकल्यो, "एय गुरू! तु मार गेर आवणेन तेकलीत मा केरी, काहाकाय मी ज्यान लायेक नाह सुतो, काय तु मार गेर आवी। तान केरता मी आपणे आपाह ज्यी लायेक नाह सोमेजनो काय तार फाय आवो। पुण वचन ओलोच किय दे काय मारो पावोर हुदेर जाय। काहाकाय मी बी दिहरा आदिकारीन आथान निड़ो काम केरथु, एने मार नेड़ा बी दिहरा सिपाय हेते, एने मी एकाह केथु, जा, ते तो जाथे, एने दिहराह केथु, आव ते तो आवीह, एने मार पावराह केथु, ज्य केर तो ताह किरेह।"
तेवी यीशु तान वातु होमलीन बोंगलाय गीयो, एने तान पासाण आवणारे माणहान उगे फिरीन केयो, "मी तुमूह केथु काय, मी इस्राएल माय बी ओलो बुरहो केरनार माणहाह नाह दिख्यो।"
एने आदिकारीन मुकलेल माणहे गेर पोशा आवीन ता पावराह हुदरेल देख्या।
ता एक बायकु एती, जीह आठरा वोरह्या वोर एक कमजोर केरनार बुतड़ो लागेल ईतो, एने ती डोंगाय जायेल एती एने किहीक बी हुतरी नाह एय सेकताली। यीशु तीह देखीन हादिन केयो, "एय बायकु, तु तारी कमजोरीम रेन सुट जायेल हे।" तेवी यीशु ती पोर आथ मिल्यो, एने ती तुलेचबूखे हुतरी उबरेय गियी, एने बोगवानान बोड़ाय केरने बाज गियी।
यीशु विहेवणेन दिह हुदारने
ओवतो इहकेरीन एनो काय विहेवणेन दिह, जेवी यीशु फरिसीन एक आदिकारीन गेर रूटो खाणेन गीयो, एने ता यीशुह मारनेन ताकाव रियेल एता। ताहरी यीशुन ओंगाण एक माणुह एतो ताह पाय हुजणेन बेमारी माय दुखाऱ्यो एतो। यीशु देरेमगुरू एने फरिसीह केयो, "विहेवणेन दिह आपणा नेम ने गेत हुदारने हाजो हे काय नाह?"
पुण ता ठावकाच रेना। तेवी यीशु ताह आथलीन हुदाऱ्यो एने जाणे दिनो,
यीशु कोढवाला दोह दुखाऱ्याह हुदारने
यरूशलेम जाणेन बुखेत यीशु सामरीया एने गेलीलान विचीम रेन एन जाणे बाजरियेल ईतो। ते एक गावाम रिगताच यीशुह दोह कोढ लागेल माणहे मीलना। ता यीशुह देखीन जोरेस आयड़ीन केया, "एय यीशु मालीक, आमरी पोर किव केर!"
यीशु ताह देखीन केयो, "जावो, तुमरा सेरीराह चाकऱ्याह देखाड़ो।"
ते ता वाटे जाणे बाजरियेल एताच ने चोखा एय गीया। ता माय रेन एक दिख्यो काय मी चोखो एय जायेल हे, तेवी तो मोठेच आवाज माय बोगवानान बोड़ाय केरती लेन पुशो यीशु फाय आवो; एने यीशुन पाया पोड़ीन यीशुह दन्यवाद दिनो; एने तो सामरीवालो ईतो। यीशु ताह केयो, "काय दोह ने दोह चोखा नाह एना काय, ते ओवता ता दिहरा नोव का हेते? विदेसी पुशो आवीन बोगवानान बोड़ाय किऱ्यो पुण दिहरा यहुदि का हेते?" तेवी यीशु ताह केयो, "उठीन उब रे एने जातरे; तु बुरहो किऱ्यो केरीन चोखो एय जायेल हे।"
तेला हेऱ्यो हुदारने
तान पासाण यहुदिन एक तिवार ईनो, केरीन यीशु यरूशलेम माय गीयो। यरूशलेम माय मेंड्रान बायणा हेऱ्यो कुंड हे, ताह इब्रानी बाषाम बेतसेदा केताला; तान आहने पाच माला एता। ता माय जुलूम होवटा दुखाऱ्या आंदला, लेंगड़ा, एने पांगला पाणी आलनेन आसा माय ता लोट रेताला। काहाकाय एक खास टेम हेरोगदुत तेला माय उतरीन पाण्याह आलाड्या केरताला, पाणी आलताच जो बी पेल कुदतालो तो हुदरी जातालो ताह काल्ली बी बेमारी काहा नाय रेय ती हुदरी जाताली। ताहरी आड़तीस वोरह्यान एक दुखाऱ्यो माणुह एतो। यीशु ताह लुट रियेल देखीन जाण गीयो काय ज्यो जुलूम दिह्यान दुखाऱ्यो ज्यी देशा माय पोड़ रियेल हे, एने यीशु ताह फुशो, "काय तु हुदेरने हुदेह?"
तो दुखाऱ्यो माणुह यीशुह जापाप आप्यो, "एय मालीक, पाणी आलाड़ाय जाणे बुखेत माहु पाण्याम उतारनार काल्लोस माणुह नाह सोतो; एने माहु पोचता पोचता माहु रेन पेलुस दिहरो उतेर जाथे।"
यीशु ताह केयो, "उठ, तारो खाटलो उखलीन चालने बाज्जा।" तो माणुह चालोच हुदरी गीयो, एने तान खाटलो उखलीन चालने बाज गीयो।
ज्यो आखो ईयेल एतो तो विहेवणेन दिह ईतो।
तेवी यीशु गेलील ने काना गावा माय पुशो आवो, जाहरी तो पाण्यान अंगुरान रूह बाणायेल ईतो। एने ताहरी राजान एक रोमन आदिकारी ईतो, तान बिटोख कफरनहूम हेयरा माय दुखाऱ्यो ईतो। तेवी यीशुह यहुदिया माय रेन गेलील माय आव रिनोह ज्यो होमलीन तो यीशु फाय जाईन रावण्या केरीन केयो, कफरनहूम चाल मारा सोराह हुदार दे, काहाकाय तान सोरो मोरने केरतालो। यीशु ताह केयो, "जाह वोर तुमू निसाणी एने चोमेत्कारान कामाह नाय दिखहो ताह वोर केदी बुरहो नाय किरहो।"
राजान आदिकारी यीशुह केयो, "एय मालीक, मार सोराह मोरनेन पेल चाल।"
यीशु ताह केयो, "जा; तारो बिटोख जीवतालोच हे!"
तो माणुह यीशुन वाती पोर बुरहो केरीन जात रिनो। तो जाणे बाजरियेल ईतो तेवी तान पावरे वाटे आव मिलना एने ताह केया, "तारो बिटोख वोच जायेल हे!"
तो ताह फुशो, "कुलबुखे हाजो एवालो?" पावरे ताह केया, "काल हिराण एक वाजता तान हेरी उतेर जायेल।" तेवी तान आबोख सोमजी गीयो काय ज्यो तुलबूखे एनो जुलबुखे यीशु ताह कियेल ईतो, "तारो बिटोख जीवतालो हे।" तो एने तान आखो गेराणो यीशु पोर बुरहो केऱ्या।
ज्यो दिहरो चोमेत्कार एतो, जो यीशु यहुदिया ईलाका माय रेन गेलील गावाम आवीन देखाड़ेल ईतो।
A mulher com fluxo de sangue
Uma mulher que sofria há doze anos tocou a orla do manto de Jesus e foi curada instantaneamente pela sua fé.
एने ता एक बायकु एती जीह बारा वोरह्या रेन लुय वोयणेन बेमारी एती, ती पासाण रेन आवीन यीशुन फाड़कान सेंडो सापेल लेदी। काहाकाय ती तीन मोना माय विचार केरताली, "केदी मी तान फाड़काह ओलीच सापली लेह ते हुदेर जाह।"
यीशु फिरीन तीह दिख्यो, एने केयो, "मार बेटी दिर खा! तारो बुरहो तुवाह हुदार दियेल हे।" एने ती चालोच हुदरी गियी।
ता माय एक बायकु एती, जीह बारा वोरह्या रेन लुय वोयणेन बेमारी एती, ती जुलूम तेकलीत माय एती, एने मोकतास वोंसीन आथा केरीन जुलूम दुख विठेल एती। एने ती फाय जोलो मालदेन एतो तो आखो खेरची दियेल एती तीबी तीह कायच गुण नाह दिनो। पुण उंजु होवटीह दुखार्यी एय जायेल एती। ती यीशुन बाराम होमलेल एती, केरीन गेरदी माय रेन तान पासाण आवी एने तान फाड़काह सापेल लेदी, काहाकाय ती केताली, "केदी मी तान फाड़काह ओलीच सापेल लेह, तीबी मी हुदेर जाह।"
एने ती यीशुन फाड़काह सापेलतास तीन लुय वोयणे बोंद एय गियी, एने ती तीन सेरीर माय ज्य जाण लेदी काय मी ता दुखा माय रेन हुदेर गियीह।
एक बायकु जीह बारा वोरह्या रेन लुय वोयणेन बेमारी एती, एने जी तीन आखी जीवाय वोंसीन पासाण खीरचो किर दियेल एती, तीबी कुणीच ने आथा केरीन हुदरेल नाह एती, पासाण रेन आवीन यीशुन फाड़कान सेवड़ाह सापल्यी, एने चालोच तीन लुय वोयणे बोंद एय गीयो। ज्या पोर यीशु केयो, "माहु कुण सापलेल?" जेवी आखा माणहे नाह नाह केणे बाज गीया, ते पतरस केयो, "एय मालीक, तुवाह ते बिड़ दाबेह, एने तार पोर माणहे आव पोड़तेह।"
पुण यीशु केयो, "माहु कुण सापलेल हे, काहाकाय मी जाण लियेल हे, काय मार माय रेन ताकेत निकलेल हे।" जेवी बायकु देख्यी काय मी लीकाय नाह सिकेत, ते कापतेन आवी, एने यीशुन पाया पोड़ीन आखा माणहान सोमोर केयी काय ती कायतान केरीन यीशुह सापलेल, एने किहीक चालोच हुदरी गियी। यीशु तीह केयो, "बेटी, तारो बुरहो तुवाह हुदार दियेल हे, बे फिकेर जातरे।"
Ressurreições
Jesus ressuscitou mortos — a filha de Jairo, o filho da viúva de Naim e Lázaro. Ele é Senhor sobre a morte.
यीशु मुरेल सोरीह जीवतो केरने एने दुखारी बायकु हुदारने
यीशु ता हिऱ्यो वातु केरनेच बाजरियेल इतो, तोलाक माय यहुदि पोंचान एक आदिकारी ता फाय आवो, एने तान पाया पोड़ीन केयो, "मारी सोरी एवीच मोरनीह; पुण तु केदी आवीन ती पोर आथ मिलहे, ते ती जीवताली एय जाय।"
तेवी यीशु उठीन, तान चेला हिऱ्यो तान पासाण चाल दिनो।
जेवी यीशु ता आदिकारीन गेर पोचनो। तो पावला वाजाड़नाराह एने गेरदीह आयेड़ तालो दिख्यो, एने यीशु केयो, "तुमू आखा बाहेर जात रिवो, सोरी मोरी नाह, पुण हुवणे बाजरेनीह!" ज्य होमलीन माणहे तान मोजाक उड़ाया। पुण जेवी आखा माणहाह बाहेर निकाल देना, ते यीशु सोरीह मिलेल ती जागे जाईन तीन आथ दिऱ्यो, एने ती जीव उठनी।
तेवी यहुदिन बोक्तीन गेरान आदिकारी माय रेन याईर नावान एक माणुह आवो, एने यीशुह देखीन तान पाया पुड़नो। एने याईर आथ जोड़ीन यीशुह विन्ता केरीन केयो, "मार आतली सोरी जुलूम दुखारी हे। केरीन तु मार गेर चाल एने ती पोर आथ मील काय ती हुदरी जाय, एने जीवताली रेय!"
ओवतो यीशु ता हिऱ्यो गीयो, एने होवटाली माणहान गेरदी बी तान पासाण चाल देनी, एने माणहे ओला होवटा एता काय ता हेऱ्या ठोकातेन चालताला।
जेवी ता आदिकारीन गेर आवा, तेवी यीशु माणहाह चिल्लाटा देन रेड़ताला एने जोरेस आयेड़ताला दिख्यो। तो माय जाईन ताह केयो, "तुमू काहा आयेड़तेह एने रेड़तेह? सोरी मुरेल नाह सोती, पुण हुवणे बाजरेनीह!"
ता माणहे ज्य होमलीन यीशुन मोजाक उड़ाया, पुण तो ताह आखाह बाहेर काड़ दिनो, एने सोरीन आईख आबाख एने तान तीन चेलाह आरही लेदो, एने सोरी एती ती खोली माय गीयो। एने तो सोरीन आथ देरीन तीह केयो, "तलीता कुमी," तान मतलब हे, "एय आतली सोरी, मी तुवाह केथु उठ!"
ती सोरी तुलेचबूखे उठीन चालने फिरने बाज गियी। काहाकाय ती बारा वोरह्यान एती, तेवी ता माणहे जुलूम बोंगलाय गीया।
एने यीशु कितेच रिनो, "मी ज्यी दुनियान माणहान गेणती कायता हेऱ्यो केरू, काय ता कुणीन गेत हेते? ता माणहे आटा माय बोहीन आयेड़नारा सोरान गेत हेते, जा एका दिहरा पोर आयड़ीन गुनो लागाड़तेह, ‘आमु तुमरी केरता पावली वाजाड़ेल, एने तुमू नाह नाचना, एने आमु दुख मोणायेल, पुण तुमू नाह रेड़ना।’" काहाकाय बपतीस्मा केरनार योहान नाह रूटो खातेन आवो, एने नाह अंगुरान रूह पितेन आवो, एने तुमू केतेह, "ता माय बुतड़ो हे।" पुण मी माणहान बिटोख खाते पितेन आवो, एने तुमू माहु केतेह, दिखो ज्यो ते खादाड़ एने दारकुट्या माणहे, फालो उकालनारान एने पापीन हाती हे! पुण जा माणहे बोगवानान एकलीह मानतेह, ताच बोगवानान एकलीह खेरलो केतेह।
यीशु पापी बायकुह माफ केरने
ओवतो एक फरिसी यीशुह विन्ता किऱ्यो, काय मार गेर आवीन रूटो खाय, तेवी यीशु ता हिऱ्यो जाईन रूटो खाणे बुठो। ता गावाम एक पापी बायकु एती, ती ज्यो होमलीन काय यीशु फरिसीन गेर रूटो खाणे बोह रिनोह, तेवी ती पिपेलनी सिसी माय जटामासीन गेंदाण्यो तेल लेन आवी।
तोलास माय याईर नावान एक माणुह जो यहुदिन बोक्ती केरन्या गेरान आदिकारी ईतो आवो, एने यीशुन पाया पोड़ीन विन्ता केरने बाज गीयो काय मार गेर चाल। काहाकाय तान बारा वोरह्यान एकुच बेटीख एती, एने ती मोरने केरताली, जेवी यीशु ता हिऱ्यो जातालो, ते माणहे ता पोर जाय पोड़ताला।
तेवी यीशु ज्य केणेच बाजरियेल ईतोन एक जाण यहुदिन बोक्ती केरनेन गेरान आदिकारीन ता रेन आवीन केयो, "तार सोरी मोर जायेल हे; एवी गुरूह तेकलीत मा आपी।"
ज्यी वात होमलीन यीशु याईराह केयो, "बिय मा; बुरहो उलोस केर, तेवी ती वोच जाय,"
गेरा माय आवीन यीशु पतरस, योहान, याकुब, एने सोरीन आईख आबाख ओलास दिहरा कुणीच ता हिऱ्यो माय आवणे नाह दिनो। आखा माणहे तीन केरता साती ठोकीन रेड़ताला, पुण यीशु ताह केयो, "रिड़ो मा; ती मुरेल नाह सोती, पुण हुवणे बाजरेनीह।"
ता माणहे ज्यो सोमजीन काय ती मोर गियीह, ता माणहे यीशुन मोजाक उड़ावणे बाज गीया। पुण यीशु तीन आथ देरीन केयो, "एय बेटी, उठ।" तेवी तीन जीव वोलीन आव लागो, एने ती चालोच उठीन उबरी गियी, एने यीशु उकुम आप्यो काय ज्यीह काह खाणेन आपो। तीन आहख आबोख बोंगलाय गीया, पुण यीशु ताह सोमजाड्यो काय जो ईयेल हे, तो कुणीह मा किहो।
लाजरान मोत
बेतनिया गावा माय मरीयम एने मार्था दुय बोणीख रेताल्यु, एने त्युन लाजर नावान बाहख दुखाऱ्यो ईतो। ज्यी तीस मरीयम हे जी मालीकान पाया पोर मोग मोग गेंदाण्यो तेल रोचवीन लेट्या केरीन नुसेल एती; तिच ने बाहख लाजर दुखाऱ्यो ईतो। ओवत्यु लाजरान बोणह्युख यीशु फाय इहकेरीन खुबेर केय मोकल्यु, "एय मालीक, जाह तु मोंग किरेह, तो दुखाऱ्यो हे।"
ज्यो होमलीन यीशु केयो, "ज्यी बेमारीन आखरी परिणाम लाजरान मोत नाय मीले; पुण बोगवानान बोड़ायीन केरता हे, काय तान द्वारा बोगवानान बेटाख ने बोड़ाय एय।"
यीशु मार्था एने तीन बोणीख मरयमीह एने लाजराह मोंग केरतालो। तीबी लाजर दुखाऱ्यो हे इहकेरीन यीशु होमल्यो, तेवी यीशु ता उंजु दुय दिह थुबनो, एने ताच रिनो। तान पासाण यीशु तान चेलाह केयो, "चालो, आपु पोशा यहुदिया गावाम जाहु।"
चेला यीशुह केया, "एय गुरू, यहुदि माणहे थोड़ाक दिह्यान पेल तुवाह देगड़ाठणे होदताला, एने काय तु पुशो ता जाणे हुदेह?"
यीशु जापाप आप्यो, "दिह्यान बारा गेंटा नाह रेते काय? केदी एगदो माणुह दिह्या चाली ते जेठवाय नाय, काहाकाय तो ज्यी दुनियान उजालो दिखेह। पुण एगदो माणुह राती चाली ते जेठवाय, काहाकाय ता फाय उजालो नाह रेत।" यीशु ज्यी वातु किन पासाण ताह केयो, "मारो जोड़ीदार लाजर हुव जायेल हे, पुण मी ताह जागाड़ने जाथु।"
तेवी चेला यीशुह केया, "एय मालीक, तो हुव गीयोह, ते वोच जाय।"
यीशु लाजरान मोतीन बाराम कियेल ईतो, पुण चेला सोमेजना काय यीशु निंदी माय हुवणे बाराम किथे। तेवी यीशु ताह साप साप केय दिनो, "लाजर मोर जायेल हे,
Domínio sobre a natureza
Jesus acalmou a tempestade, andou sobre as águas e multiplicou pães. A natureza obedece à voz do seu Criador.
यीशु तुफानाह ठावको केरने
जेवी यीशु डोंडह्या पोर चेड़नो, ते तान चेला बी तान पासाण चेड़ना। एने उचकाहुच देरीया माय ओहलो मोठो तुफान आवो काय डोंडह्यो लाटा माय बुजाणे बाज गीयो, पुण यीशु हुवणे बाजरियेल इतो। तेवी चेला आहने आवीन ताह जागाड्या। एने केया, "एय मालीक, आमुह वोचाड़, आपु खेतेम एणे बाजरेनाह!"
तेवी यीशु ताह केयो, "एय अविश्वासी काहा बितेह?" एने तो उठीन वादोण एने पाण्याह दोपकाड्यो, एने आखो ठावको एय गीयो।
एने चेला बोंगलायीन केणे बाज गीया, "ज्यो कोहलो माणुह हे? वादोण एने पाणी बी ज्यान उकुम मान्तेह।"
जेवी हांज एनी ते चेला यीशुन आहने आवीन केया, "ज्यो हुनालो जागो हे, एने दिह जुलूम डेल जायेल हे। न्या माणहाह मुकेल दे, काय ता गावा माय जाईन तान केरता खाणो वेचातो लेती।"
पुण यीशु ताह जापाप आप्यो, "न्याह जाणेन जोरवुत नाह सोती, तुमूच न्याह खाणेन आपो।"
चेला ताह केया, "न्या आमु फाय पाच रोटा एने दुय मासाह सोड़ीन दिहरो कायच नाह सोतो।"
यीशु ताह केयो, "ताह मार फाय लावो।" तेवी यीशु माणहाह खेड़ा पोर बोहणेन उकुम आप्यो; एने ता पाच रोटाह एने दुय मासाह लिदो एने हेरगान उगे देखीन बोगवानान दन्यवाद किऱ्यो। एने रोटा मुड़ मुड़ीन चेलाह आप्यो, एने चेला माणहाह आप्या। जेवी आखा माणहे खाईन आफरी गीया। तेवी चेला वोचेल रोटान टुकड़ा बारा टोपला बोरीन विशा। एने रोटा खाणारे बायकु एने सोराह सोड़ीन पाच एजार एदमीच एता।
एने यीशु राती तीन ते सोव वाचतान टेम माय पाण्या पोर चालतेन तान आहने आवो।
यीशु चार एजार माणहाह खाणो खावड़ावणे
तेवी यीशु तान चेलाह हादिन केयो, "माहु न्या माणहा पोर किव आवेह, काहाकाय न्या तीन दिह रेन मार हेऱ्या हेते, एने न्या फाय खाणेन केरता कायच नाह सोतो। मी न्याह बुखल्योच मोकेलने नाह होदेत, नाह ते बुखल्या न्या वाटेच लेवायीन रेय जाती।"
चेला ताह फुशा, "आपुह ज्या उजाड़ी माय ओला रोटा कारीन जुड़ती, काय आपु ओला होवटा माणहाह खावाडीन आफराव हु?"
यीशु ताह फुशो, "तुमू फाय कोलाक रोटा हेते।" ता जापाप आप्या, "हात रोटा, एने थोड़ाक आतल्या मासा बी हेते।"
तेवी यीशु माणहाह बुई पोर बोहणे केयो। एने तो ता हात रोटा, एने मासाह आथाम लेन हेरगान उगे देखीन बोगवानान दन्यवाद केरीन मुड्यो, एने तान चेलाह आपते गीयो; एने चेला माणहाह वाट देना। इहकेरीन आखा माणहे खाईन आफरी गीया, एने चेला उगरेल रोटान टुकड़ा हात टोपला बोरीन विशा। खाणारे बायकुह एने सोराह सोड़ीन चार एजार एदमीच एता।
बोक्तीन गेरान फालो
जेवी यीशु एने तान चेला कफरनहूम हेयराम आवा, तेवी मोंदिरान फालो लेणारे पतरसान आहने आवीन फुशा, "काय तुमरो गुरू मोंदिरान फालो नाह आपेत?"
पतरस केयो "होव आपणे" जेवी तो गेराम आवो, ते यीशु ताह फुसणेन पेल ताह केयो, "एय शमोन, तु काय किथे? देरतीन राजा कुणी फाय रेन फालो लेणे? तान सोरा फाय रेन काय पाराया माणहा फाय रेन?"
पतरस ताह केयो, "पाराया माणहा फाय रेन।" यीशु ताह केयो, "ते सोरा वोच गीया। तीबी ज्यानकेरता काय आपु ताह ठोकरा नाय खावाड़हु, तु तेलान मीरे जाईन गेली टाक, एने जो मासो पेल निकली, ताह ली; तान मुय उगाड़ हे, ते तुवाह चांदीन एक सिक्को जुड़ी, ताह लावीन मारे एने तार वोतीन ताह आप दिज्ये।"
यीशु अंजीरान जाड़ाह हाराप देणे
जेवी विगोस यीशु हेयराम आवतालो, तेवी यीशुह बुख लागी। एने वाटीन दिड़े एक अंजीरान जाड़ देखीन तो तान आहने गीयो, पुण ताह पांटा सोड़ीन कायच नाह देखीन केयो, "एवी रेन तार पोर केदीच फोल नाय लागी।" एने अंजीरान जाड़ तुलेचबूखे हुक गीयो।
ज्यो देखीन चेला बोंगला गीया एने केया, "ज्यो अंजीरान जाड़ चालोच किहीक हुक गीयो?"
यीशु ताह केयो, "मी तुमूह खेरीच केथु, केदी तुमू बुरहो किरहो, एने सेंका दिरहो नाय, ते नाह ज्य ओलोस किरहो, जो ज्या अंजीरान जाड़ा हेऱ्यो किरेल हे; पुण केदी ज्या बोयड़ाह बी किहो, काय उखेल जा, एने देरीयाम जाय पोड़, ते ज्यो एय जाय। एने जो काय तुमू विन्ता माय बुरहो केरीन मांगहो तो सोब तुमूह जुड़ी।"
तेवी उचकाहुच एक मोटलो वादोण आवो, एने जेलखा डोंडह्या हेऱ्या ठोकाणे बाज गीया, न्या वोर काय पाणी डोंडह्या माय बोराणे बाज गीयो। एने यीशु डोंडह्यान पासाणल्या पुड़ाम उहत्या पोर मुंड मेलीन हुवणे बाजरियेल ईतो। एने ता जाईन यीशुह जागाड्या एने केया, "एय गुरू, काय तुवाह फिकेर नाह सोती आमु मोरने पोर हेते?"
तेवी यीशु उठीन वादोणाह उकुम आप्यो, एने जेलखाह केयो, "ठावको रे! एने थोब जा!" ओवतो वारो थोब गीयो, एने आखी उगे ठावको एय गीयो।
तेवी यीशु चेलाह केयो, "तुमू काहा ओला बितेह? काय तुमूह एवी वोर बुरहो नाय मीले?"
पुण ता जुलूम बिय गीया एने एका दिहराह केणे बाज गीया, "ज्यो एदमी कुण हे? वादोण एने जेलखा बी ज्यान उकुम मान्तेह!"
जेवी दिह डेल गीयो, तेवी तान चेला आहने आवीन केया, "ज्यो हुनालो जागो हे, एने दिह जुलूम डेल जायेल हे। एवी न्या माणहाह मुकेल दे, एने ज्या आस पास ने गावा माय एने वोहती माय जाईन तान केरता काह खाणेन लेती।"
पुण यीशु ताह जापाप आप्यो, "तुमूच न्याह खाणेन आपो।"
चेला यीशुह फुशा, "ओला माणहाह खावड़ावणेन केरता कोम से कोम दुय होव दिह्यान मोंजरीन पोयशा लागती। तार काय मोरजी हे काय आमु जाईन न्यान केरता रोटा ली आवज्यो?"
यीशु ताह फुशो, "कोलाक रोटा हेते न्या? जावो एने दिखो।"
ता मालुम केरीन केया, "पाच रोटा एने दुय मासा हेते।"
तेवी यीशु चेलाह उकुम आप्यो काय आखा माणहाह निल्ला खेड़ा पोर पोंगेत पोंगेत बोहाड़ दिवो। ता माणहे होव होव, एने पाचाह पाचाह केरीन पोंगेत माय बोह गीया। यीशु ता पाच रोटा एने दुय मासाह आथाम देरीन हेरगान उगे देख्यो, एने बोगवानान दन्यवाद किऱ्यो। तो रोटा मुड़ीन चेलाह आपते गीयो काय माणहाह वाटती। एने ता दुय मासा बी तिहेस केरीन वाट देना। जेवी आखा माणहे खाईन आफरी गीया। तेवी चेला उगरेल रोटान टुकड़ा बारा टोपला बोरीन विशा, एने थोड़ाक मासा बी। एने रोटा खाणारा माय पाच एजार एदमीच एता।
यीशु दिख्यो काय चेला जुलूम मेहनेत केरीन डोंडह्यो चालाड़ने बाजरेनाह एने जुलूम गाबराय जायेल हेते, काहाकाय वादोण वारो तान हुम्बो एतो, तेवी यीशु उजालो एणेन पेल पाण्या पोर चालतेन तान आहने आवो। तो ताह रेन ओंगाण जाणेन होदतालो, पुण ता यीशुह पाण्या पोर चालतालो देखीन सोमेजना काय "ज्यु बुत हे!" एने आयेड़ने बाज गीया। काहाकाय ता आखा यीशुह देखीन बिय जायेल एता।
पुण यीशु ता हिऱ्यो वातु केरीन केयो, "ईमोत किरो, मी हे, बिवो मा!" तेवी यीशु ता हिऱ्यो डोंडह्या माय आवो, एने वादोण वारो थोब गीयो। ज्य देखीन चेला जुलूम बोंगलाय गीया,
यीशु चार एजार माणहाह रूटो खावड़ावणे
ता दिह्याम माणहान होवटाली गेरदी यीशुन जागे टोलवाय गियी। एने ता फाय खाणेन केरता कायच नाह एतो, तेवी यीशु तान चेलाह आहने हादिन केयो, "माहु न्या माणहा पोर किव आवीह, काहाकाय न्या तीन दिह वोर एक सारका मार हेऱ्या हेते एने न्या फाय खाणेन केरता कायच नाह सोतो। केदी मी न्याह बुखल्योच गेर मोकेल देह, ते न्या वाटेच लेवायीन पोड़ जाती, काहाकाय न्या माय रेन थोड़ाक सीटे रेन आयेल हेते।"
तान चेला ताह फुशा, "ज्यी उजाड़ी माय ओला होवटा रोटा कुण लावी काय न्या आखा माणहे खाईन आफरी जाती?"
यीशु तान चेलाह फुशो, "तुमू फाय कोलाक रोटा हेते?" ता जापाप आप्या, "हात।"
तेवी यीशु माणहाह बुई पोर बोहणेन केरता उकुम आप्यो। उवतो ता हात रोटा मांग लिदो, एने बोगवानाह दन्यवाद केरीन मुड्यो, एने तान चेलाह आपती गीयो काय ता माणहाह वाटती; एने चेला माणहाह वाट देना। ता फाय थोड़ाक आतल्या मासा बी एता। यीशु ताह बी बोगवानान दन्यवाद केरीन माणहाम वाटणेन केरता चेलाह आप दिनो। एने आखा माणहे खायलीन आफरी गीया, एने चेला उगरेल रोटा हात टोपला बोरीन विशा। एने ताहरी चार एजार माणहे एता। उवतो यीशु ताह मोकली दिनो।
यीशु अंजीरान जाड़ाह हाराप देणो
दिहरे दिह जेवी ता बेतनिया माय रेन वोलना, तेवी यीशुह बुख लागी। यीशु सिटोच रेन अंजीरान एक निलोगार जाड़ देखीन आहने आवो काय काह जुड़ जाय। पुण पाला सावाय कायच नाह जुड़नो, काहाकाय फोल लागणेन टेम नाह एतो।
तेवी यीशु जाड़ाह केयो, "एवी रेन कुणीच बी तारो फोल केदीच नाय खाय!"
एने तान चेला ज्य होमेलने बाजरियेल एता।
हुकेल अंजीरान जाड़ा पोर रेन हिकवोण
उठ्यान वेगाच, जेवी ता ता रेन आवणे बाजरियेल एता, तेवी चेला अंजीरान जाड़ाह उपेर रेन ते मुलाम वोर हुकेल देख्या। पतरसाह ती वात एर आवी, एने तो यीशुह केयो, "एय गुरू, देख! ज्यो अंजीरान जाड़ जाह तु हाराप दियेल ईतो, हुक जायेल हे!"
यीशु ताह जापाप आप्यो, "बोगवाना पोर बुरहो मीलो। मी तुमूह खेरीच केथु काय जो कुण बिगेर सेंका माय ज्या बोयड़ाह केय, तु उखील जा, एने देरीया माय जाय पोड़, पुण जो आपणा मोना माय बुरहो केरी एय जाय, ताहार तान केरता तो एय जाय। केरीन मी तुमूह केथु, ‘जेवी तुमू विन्ता केरतेह एने काह मांगतेह, बुरहो किर लिवो काय तुमूह तो जुड़ जायेल हे, एने जो बी तुमू मांगतेह, तो तुमरी केरता एय जाय। एने जेवी तुमू उबरीन विन्ता किरहो ते केदी तुमरे मोना माय एगदान बाराम काह खोट एय ते माफ किरो, तानकेरता काय तुमरो हेरगावालो आबोख बोगवान बी तुमरो गुनो माफ केरी।
यीशु पेल्ला प्रेरिताह हादणे
एक दिह यीशु गन्नेसरतान देरीयान दिड़े उबरियेल ईतो, तेवी जुलूम माणहे तान कावदेन उबरीन, बोगवानान वचन होमेलनेन केरता एका दिहरा हेऱ्या देखलाताला। तेवी यीशु देरीयान मीरे दुय डोंडह्या उबरियेल देख्यो, एने मासऱ्या ता पोर रेन उतरीन जाल दोवणे बाजरियेल एता। ता डोंडह्या माय रेन एक जी शमोनान एती, ती पोर यीशु चेड़ गीयो एने शमोनाह केयो, "डोंडह्याह मेरा माय रेन जारीक ओग्योह ली जा," उवतो यीशु ता पोर बोहीन हिकाड़ने बाज गीयो।
जेवी यीशु वातु हिकाड़ दिनो, ओवतो शमोनाह केयो, "डोंडह्याह उंडेह ली चाल, एने मासा देरनेन केरता तारी जाल टाक।"
शमोन यीशुह केयो, "एय मालीक! आखी रात आमु जुलूम मेहनेत किरेल हेते, एने आमुह एक बी मासो आथ नाह लागो, पुण तु किथे केरीन जाल टाकुह।" जेवी ता यीशुन वात होमलीन जाल टाक्या, तेवी जाली माय जुलूम मासा बोराय गीया, एने तान जाल फाटणे बाज गियी। तेवी मोदेक ने केरता दिहरा डोंडह्याम बोह रियेल तान हातीह हाद्या, तेवी ता आवीन डोंडह्याह ओला बोर देना काय दुय बी डोंडह्या बुड़ने बाज गीया। ज्यो देखीन पतरस यीशुन पाया पोड़ीन केयो, "एय मालीक! माहु हिऱ्यो रेन सिटो जातरे, काहाकाय मी पापी माणुह हे।"
काहाकाय शमोन एने तान हाती ओला मासा देखीन बोंगलाय जायेल एता। ता शमोनान हाती जब्दीन दुय सोरा याकुब एने योहान बी एता, ता बी बोंगलाय गीया, तेवी यीशु शमोनाह केयो, "बिय मा, मी तुवाह हिकाडुह काय माणहाह बोगवाना फाय किहीक लावणु हे।"
जेवी शमोन एने तान हाती डोंडह्याह देरीयान दिड़े लावा, तेवी ता आखो काय सोड़ीन यीशुन पासाण चाल देना।
यीशु वारो एने वादोणाह हाटेवणे
उंजु एक दिह यीशु एने तान चेला डोंडह्या पोर चेड़ना, एने यीशु चेलाह केयो, "आवो आपु देरीयान पार जाहु।" तेवी ता डोंडह्याह सोड़ लेदा एने चाल देना। पुण जुलबुखे डोंडह्यो चालने बाजरियेल एतो, ते यीशु हुव गीयो, तेवी उचकाहुच देरीया माय वादोण आवो, एने डोंडह्याम पाणी बोराणे बाज गीया, एने ता दोका माय एता। तेवी ता आहने आवीन यीशुह उठाड्या, एने केया, "मालीक, मालीक, आमु खेतेम एणे बाजरेनाह।" तेवी यीशु उठीन वादोणाह एने पाण्यान जेलखाह दोपकाड्यो एने ता थोब गीया, एने ठावको एय गीयो। तेवी यीशु ताह केयो, "तुमरो बुरहो का हे?" पुण ता बिय गीया एने बोंगलायीन तान तान केणे बाज गीया, "ज्यो कुण हे, जो वादोण एने पाण्याह बी उकुम आपेह, एने ता तान वात मान्तेह।"
यीशु वारो एने वादोणाह हाटेवणे
उंजु एक दिह यीशु एने तान चेला डोंडह्या पोर चेड़ना, एने यीशु चेलाह केयो, "आवो आपु देरीयान पार जाहु।" तेवी ता डोंडह्याह सोड़ लेदा एने चाल देना। पुण जुलबुखे डोंडह्यो चालने बाजरियेल एतो, ते यीशु हुव गीयो, तेवी उचकाहुच देरीया माय वादोण आवो, एने डोंडह्याम पाणी बोराणे बाज गीया, एने ता दोका माय एता। तेवी ता आहने आवीन यीशुह उठाड्या, एने केया, "मालीक, मालीक, आमु खेतेम एणे बाजरेनाह।" तेवी यीशु उठीन वादोणाह एने पाण्यान जेलखाह दोपकाड्यो एने ता थोब गीया, एने ठावको एय गीयो। तेवी यीशु ताह केयो, "तुमरो बुरहो का हे?" पुण ता बिय गीया एने बोंगलायीन तान तान केणे बाज गीया, "ज्यो कुण हे, जो वादोण एने पाण्याह बी उकुम आपेह, एने ता तान वात मान्तेह।"
यीशु बुतड़ो लागेल माणहाह हुदारनो
पोशा यीशु एने तान चेला गिरासेनियान देसा माय पोचना, जो गेलीलान ती मीरे हे।
जेवी दिह डेल ने बाज गीयो, ते बारा चेला आवीन यीशुह केया, "माणहाह मोकली दे, काय आहने पाहने गावा माय जाईन थोबती, एने रोटान बांदाबोस केरती, काहाकाय आपु न्या हुनाला जागाम हेते।"
यीशु चेलाह केयो, "तुमूच न्याह खाणेन आपो," चेला केया, "आमु फाय पाच रोटा एने दुय मासाह सोड़ीन उंजु काय नाह सोतो, पुण होव, केदी आमु जाईन ज्या आखा माणहान केरता रूटो वेचातो लेहु, ते एय सिकेह।" ता माणहे एदमीच पाच एजार एता। तेवी यीशु तान चेलाह केयो, "माणहाह पाचाह पाचाह केरीन पोंगेत माय बोहाड़ दिवो।"
ता इहीचकेरीन केऱ्या एने आखाह बोहाड़ देना। तेवी यीशु ता पाच रोटा एने दुय मासा आथाम लिदो, एने हेरगान उगे देखीन बोगवानान दन्यवाद किऱ्यो, एने मुड़ मुड़ीन चेलाह आपते गीयो काय माणहाह वाटती। जेवी आखा माणहे खाईन आफरी गीया, एने चेला उगरेल रोटान टुकड़ा बारा टोपला बोरीन विशा।
गेलीलान काना गावा माय वाराड़
तीसरे दिह गेलीलान काना गावा माय एक वाराड़ एतो। एने यीशुन आहख बी ता एती, यीशु एने तान चेला बी ता वाराड़ा माय हादेल एता। जेवी अंगुरान रूह निवरी गीयो, तेवी यीशुन आहख ताह केयी, "न्या फाय अंगुरान रूह नाह सुतो।"
यीशु तीह जापाप आप्यो, "एय बाय, माहु काय केरनु हे तो माहु मा केय, काहाकाय एवी मारो टेम नाह आयेल सुतो।"
यीशुन आहख पावराह केयी, "जो काय तो तुमूह केय तोस किरज्यो।"
ताहरी यहुदि माणहान चोखो एणेन रितीन गेत आथ पाय दोवणेन देगड़ान सोव डोसरा एता, जा माय दुय दुय तीन तीन मोण पाणी होमातालो। यीशु पावराह केयो, "डोसरा माय पाणी बोर दिवो।" ता डोसराह टाकाटाक बोर देना। तेवी यीशु ताह केयो, "एवी पाणी काड़ीन खाणान मुखी फाय ली जावो।" तेवी ता ली गीया, जेवी खाणान मुखी तो पाणी साक्यो, जो अंगुरान रूह बोण जायेल एतो, एने नाह जाणतालो काय ज्यो अंगुरान रूह कारीन आयेल हे, पुण जा पावोर पाणी काड़ेल एता ता जाणताला; ते खाणान मुखी वोवड़ाह हाद्यो एने केयो, "काल्लो बी माणुह पेल हाजालो अंगुरान रूह आपणे, एने जेवी माणहे पिन साक जातेह, तेवी तोलो हाजो नाह आपणे। पुण तु ते हाजालो अंगुरान रूह एवी वोर मेल रिनोह!"
यीशु गेलीलान काना गावा माय तान ज्यो पेल्लो चोमेत्कार देखाड़ीन तान बोड़ाय देखाड्यो; एने यीशुन चेला ता पोर बुरहो केऱ्या।
यीशु ज्यी वात ताह पारेखणेन केरता कियेल, काहाकाय तो सोता जाणतालो काय तो काय किरन्यो ईतो।
फिलीपुस यीशुह जापाप आप्यो, "न्या माय रेन एक एक जाण थोड़ो थोड़ो खाती, तीबी दुय होव रूपियान रोटा पुरती नाय।" तान चेला माय रेन शमोन पतरसान बाहख अन्द्रियास यीशुह केयो, "न्याहरी एक आत्योच सोरो हे, ता फाय जुवारीन पाच रोटा एने दुय मासा हेते। पुण ता ओला माणहान केरता किहीक पुरती?"
यीशु केयो, "माणहाह बोहाड़ दिवो।" ता जागाम जुलूम खेड़ एतो। तेवी ताहरी एदम्यान गेणती कोमीत कोमी पाच एजारान एती; ता आखा बोह गीया। तेवी यीशु रोटा आथाम देरीन बोगवानान दन्यवाद केरीन बोह रियेल माणहाह वाट दिनो। एने तिहेच केरीन मासाह बी जोलोक ताह जोवतालो, तोलोक वाट दिनो। जेवी ता पेट बोरीन खाईन आफरी गीया, तेवी यीशु तान चेलाह केयो, "रोटान उगरेल टुकड़ा टुलो केर लिवो काय बी विरेखणे नाय जुवे।" ओवता ता टुलो केऱ्या एने ता जुवारीन पाच रोटान टुकड़ा माय रेन जा आखा खायलीन पासाण उगरेल एता, ता बारा टोपला बोरीन टुलो केऱ्या।
जेवी चेला डोंडह्याह चालाड़ी चालाड़ीन कोमीत कोमी पाच सोव किलो मिटर सेटी जात रेना, ते ता यीशुह पाण्या पोर चालीन डोंडह्या उगे आवतालो देखीन जुलूम बिय गीया। पुण यीशु चेलाह केयो, "मी हे, बिवो मा!" तेवी ता यीशुह डोंडह्या माय बोहाड़नेन केरता राजी एना, एने तुलेचबूखे डोंडह्यो ता ईलाका माय पोच गीयो, जाहरी ताह पोचणो एतो।
यीशु हात चेलाह देखाणे
तान पासाण यीशु तीबीरीयास देरीया दिड़े चेलाह पुशो देखानो एने ज्यो इहकेरीन एनो: शिमोन पतरस, थोमा जो दिदुमूस जुवल्यो केवाथे, गेलील ने काना गावान नथनेल, जब्दीन सोरा एने यीशुन चेला माय रेन दुय जाणे ताहरी टोलवाय रियेल एता। शिमोन पतरस ताह केयो, "मी मासा देरने जाणे बाजरिनोह।"
ता पतरसाह केया, "आमु बी तार हेऱ्या आवतेह।" एने ता बी पतरसा हेऱ्या डोंडह्या माय बोहीन चाल पोड़ना, पुण ती राती ता कायच नाह देऱ्या।
उजालो एताच यीशु देरीयान दिड़े आवीन उबरेय गीयो, पुण यीशु हे इहकेरीन चेला ताह ओलख्या नाह। तेवी यीशु ताह फुशो, "एय जुवान्या, तुमू फाय खाणेन केरता काह मासा हेते काय?"
ता जापाप आप्या, "नाह।"
यीशु ताह केयो, "डोंडह्यान जीवड़े उगे जाल टाको, ताहार तुमूह मासा सापड़ती।" ज्यो होमलीन ता जाल टाक्या, एने खेचाय नाय ओलाक मासा जाली माय फोस गीया।
जा चेलाह यीशु मोंग केरतालो, तो पतरसाह केयो, "ज्यो ते मालीक हे!" जेवी शिमोन पतरस मालीक हे इहकेरीन होमल्यो, तेवी शाल केरीन कोमेर बांदिन देरीया माय कुद पुड़नो, काहाकाय तो नांगरलोस ईतो। पुण दिहरा चेला मासा माय बोरायेल जाल खेचती लेन डोंडह्या माय मीरे आवा, काहाकाय ता मेराह रेन जादा सेटा नाह एता, पुण कोमीत कोमी एक होव मिटर सेटा एता। जेवी ता मेरा माय उतेरना, तेवी ता ईंगाला पोर मासो मीलेल एने रूटो देख्या। यीशु ताह केयो, "जा मासा तुमू एवी दिरेल हेते, ता माय रेन थोड़ाक लावो।"
शिमोन पतरस डोंडह्या माय चेड़ीन एक होव त्रेपन मोटला मासा माय बोरायेल जाल मेरा माय खेच लावो, एने ओला मासा एता, तीबी जाल फाटनी नाह।
Libertações
Jesus expulsou demônios com autoridade. Os espíritos impuros não resistiam à sua palavra e saíam imediatamente.
एक रोमन आदिकारीन बुरहो
जेवी यीशु कफरनहूम हेयरा माय आवो, ते एक रोमन आदिकारी ता फाय आवीन मोदेकीन केरता विन्ती किऱ्यो, एने केयो, "एय मालीक मारा एक पावराह लोखवो लाग जायेल हे एने ताह जुलूम तेकलीत ईथे।"
तेवी यीशु ताह केयो, "मी आवीन ताह हुदारूह।"
आदिकारी ताह जापाप आप्यो, "एय मालीक मी ज्यान लायेक नाह सुतो काय तु मार गेरा माय आवी, केरीन निस्तो एक उकुम आप दे, ते मारो पावोर हुदेर जाय। काहाकाय मी बी एक ओहलो माणुह हे एने सिपाय मार आथा माय हेते। एने जेवी मी एकाह केथु, ‘जा,’ ते तो जाणे; एने दिहराह ‘आव,’ ते तो आवणे; एने मी मार पावराह केणे काय ज्य केर, ते तो ताह केरने।"
ज्य होमलीन यीशु बोंगलाय गीयो, एने तान पासाण आवणारे जा माणहे एता ताह केयो, "मी तुमूह खेरीच केथु, मी ओलो पाको बुरहो इस्राएल माय बी कुणीस माय नाह दिख्यो। एने मी तुमूह केथु काय जुलूम माणहे पुर्व एने पश्चिम रेन आवीन अब्राहाम, इसहाक, एने याकुब हेऱ्या हेरगान राज ने खाणा माय बोहती। पुण राज ने सोरा बाहेर आंदारा माय टाकाय जाती, ताहरी रेड़णो एने दात केकड़ावणो रेय।" तेवी यीशु आदिकारीह केयो, "गेर जा, जोहलो तार बुरहो हे तोहलोस तार केरता एय।" एने तान पावोर तुलेचबूखे हुदेर गीयो।
यीशु दुय खाराब जीव लागेल माणहाह हुदारने
जेवी यीशु ती मीरे गदरेनियोन देसा माय पोचनो, ते ताह माहणा माय रेन जाणे बाजरियेल इतो तेवी दुय माणहे मिलना, जा माय खाराब जीव एता, ता दुयू ओला बियावी ओहला एता, काय कुण बी ती वाटे रेन जाय नाह सेकतालो। ता आयड़ीन केणे बाज गीया, "एय बोगवानान बेटाख, आमरो तुवा हेऱ्यो काय काम? काय तु टेमीह रेन पेल आमुह दुख देणेन न्या आयेल हे?"
ताह रेन जारीक सेटोह जुलूम होवटा हुवऱ्यान एक टुलो चेरने बाजरियेल इतो। ता खाराब जीव ताह विन्ती केरीन केया, "केदी तु आमुह बाहेर निकालेह, ते पोला हुवऱ्यान टोला माय मोकेल दे।"
यीशु ताह केयो, "जावो," तेवी ता ता माणहा माय रेन निकलीन ता हुवऱ्या माय रिग गीया। ओलो आखो हुवऱ्यान टुलो आड़वाया माय रेन उतरीन देरीया माय जाय पोड़नो, एने बुड़ीन मोर गीया।
ज्य देखीन हुवऱ्यान गोवाले नाठा, एने हेयराम जाईन ज्यु आख्यु वातु एने जा माय खाराब जीव एता, तान बाराम आखो काय केय होमलाया। तेवी आखा हेयरान सोब माणहे यीशुह मिलनेन केरता आवा; एने ताह देखीन विन्ती केऱ्या काय तो तान ईलाका माय रेन दिहरी जागे जात रेय।
एक मुकाह बोलतो केरने
जेवी यीशु एने तान चेला बाहेर जाणे बाजरियेल एता, तेवी माणहे एक मुकाह जा माय खाराब जीव एतो, ता फाय लावा। एने जेवी तो खाराब जीवाह निकाल दिनो, ते तो मुको, जो पेल कायच बोल नाह सेकतालो, बोलने बाज गीयो। ज्य देखीन आखा माणहे बोंगलायीन केया, "इस्राएल माय ओहली वात केदीच नाह देख्या।"
यीशु एने बालजबुल
तेवी थोड़ाक माणहे एक आंदलो एने मुको एतो ता माणहाह यीशु फाय लावा। ता माणहा माय खाराब जीव एतो, केरीन तो बोल नाह सेकतालो, यीशु ताह हुदार दिनो, एने तो बोलने एने देखणे बाज गीयो।
बायकुन बुरहो
यीशु तारीन निकलीन सुर एने सेदान देसा माय जात रिनो। ता देसा माय रेणार एक कनानी जातीन बायकु रेड़तेन ता फाय आवीन आयड़ीन केयी, "एय मालीक! दाऊदान सोरा, यीशु। मार पोर किव केर, काहाकाय मार सोरीह बुतड़ो जुलूम विताड़ने बाजरिनोह।"
पुण यीशु तीह कायच जापाप नाह आप्यो। तेवी तान चेला आवीन ताह केया, "तीह मोकेल दे, काहाकाय ती आमरे पासाण आयेड़तेन आवणे बाजरेनीह।"
यीशु जापाप आप्यो, "इस्राएलान गेराणान टाकायेल मेंड्राह सोड़ीन, बोगवान माहु दिहरा कुणीस फाय नाह मोकलेल सोतो।"
पुण ती बायकु आवी एने यीशुह नमस्कार केरीन केणे बाज गियी, "एय मालीक, मारी मोदेक केर।"
यीशु तीह जापाप आप्यो, "सोरान रूटो चिताह आपणे हाजो नाह सोतो।"
ती केयी, "ज्य खेरीच हे मालीक, पुण चिता बी ते मालक्यान खाणे बुखेत टेबला पोर रेन उसटालो बुंदे पुड़ेह ते, विसीन खाणु ते खोरा।"
ज्य होमलीन यीशु तीह जापाप आप्यो, "एय बाय, तारो बुरहो मोटलो हे! जिहकेरीन तु हुदेह तिहेस केरीन तार केरता एय।" एने तीन सोरी चालोस हुदरी गियी।
खाराब जीव लागेल सोराह हुदारने
जेवी ता गेरदी हेऱ्या पोचना, ते एक माणुह यीशु फाय आवो एने मांड्या पोड़ीन केयो, "एय मालीक, मार सोरा पोर किव केर! काहाकाय ताह फेपरो आवीह एने तो जुलूम दुख विठेह, तो केदी आक्ठा माय पोड़ जाथे, ते केदी पाण्या माय। मी ताह तार चेला फाय लायेल इतो, पुण ता ताह हुदार नाह सेक्या।"
यीशु जापाप आप्यो, "एय अविश्वासी एने कोपट्या माणहा! मी केदीह वोर तुमू हिऱ्यो रेह? एने केदीह वोर तुमरी वेठुह? ता सोराह न्या मार फाय लावो!" तेवी यीशु बुतड़ाह दोपकाड्यो, एने तो ताम रेन निकेल गीयो, एने सोरो चालोच हुदेर गीयो।
तुलेचबूखे बोक्ती केरन्या गेरा माय एक बुतड़ो लागेल माणुह एतो, तो आयड़ीन केयो, "एय यीशु नासरी आमुह तुवा हेऱ्यो काय काम? काय तु आमुह खेतेम केरने आयेल हे? मी तुवाह जाणथु, तु बोगवानान चोखालो खुबर्यो हे!"
पुण यीशु ताह दोपकाड़ीन केयो, "ठावको रे, एने ज्या एदम्यान सेरीर माय रेन निकेल जा!"
तेवी बुतड़ो ताह मोहदेलीन मोठेस आयेड़नो, एने तान सेरीर माय रेन निकेल गीयो।
यीशु एक बुतड़ो लागेल माणहाह हुदारने
यीशु एने ता चेला गेलीलान देरीयान दिहरे उगे गिरासेनियान एद्दीम आवा। एने जेवी यीशु डोंडह्या माय रेन उतेरनो, तेवी बुतड़ो लागेल एक माणुह ताह मिलनो। जो माहणान उगे रेन आयेल एतो। एने तो माहणा माय रेतालो। कुण बी ताह हाकुल केरीन बांदिन नाह मेल सेकताला; काहाकाय ताह जुलूम वारीन आथा पायाम बेड्या एने हाकुल केरीन बांदिल एता, पुण तो हाकलीह तोड़ देतालो एने बेड्यान टुकड़ा टुकड़ा केर देतालो। ताह ताबाम केरनेन ताकेत कुणास फाय नाह एती। तो रात ने दिह माहणा एने डोंगरा माय आयेड़तीन फिरतालो, एने देगड़ा केरीन सोतान सेरीराह देन जेखमी केरतालो।
जेवी तो सिटेच रेन यीशुह देख्यो; केरीन तो दोवड़ीन ता फाय आवो, एने तान पाया पोड़ीन वोंद्यो, एने मोठेस आयड़ीन केयो, "एय मोटला बोगवानान सोरा यीशु! मारो तार हेऱ्यो काय लेन देन नाह? मी तुवाह बोगवानान सुगोण आपथु, माहु डेंड मा आपी!" तो ज्यानकेरता इहकेरीन केयो, काहाकाय यीशु ता बुतड़ाह कियेल ईतो, "एय बुतड़ा, ज्या माणहा माय रेन बाहेर निकेल जा।"
यीशु ताह फुशो, "तारो नाव काय हे?"
तो माणुह जापाप आप्यो, "मारो नाव ‘फोज हे,’ काहाकाय आमु जुलूम हेते!" एने तो यीशुह जुलूम विन्ता केरीन केयो काय आमुह ज्या ईलाका माय रेन बाहेर नाय मोकली।
ताहरी बोयड़ान आड़वाया माय हुवऱ्यान एक मोटलो टुलो चेरने बाजरियेल ईतो। केरीन बुतड़ो यीशुह विन्ता केरीन केयो, "आमुह ओया हुवऱ्या माय मुकेल दे, एने आमु हुवऱ्या माय रिग जाहु।" ओवतो यीशु ताह मुकेल दिनो, एने बुतड़ा ता माणहा माय रेन निकलीन हुवऱ्या माय रिग गीया। एने हुवऱ्यान टुलो जा दुय एजार एता, आड़वाया माय रेन दोवड़ीन पाण्या माय जाय पोड़ना एने बुड़ीन मोर गीया।
ज्य देखीन हुवऱ्यान गोवाल्या दोवड़ीन हेयराम एने गावाम गीया, एने ज्यी गेटनान बाराम केणे बाज गीया। एने जो काय ईयेल एतो तो देखणेन केरता माणहे आवा,
पुण तुमू केतेह काय जो आईख आबाख आपण्यो एतो, "तो मी नाह आप सिकेत।" काहाकाय तो मी बोगवानाह बेट चेड़ाव दियेल हे, केरीन तुमूह तुमरे आईख आबाख ने चाकरी नाह केरनेन बाहानो जुड़ जाथे। इहकेरीन तुमू बोगवानान वचनाह टाल देतेह। पुण तुमू ठेरायेल ता नेमाह मान्तेह, एने ओहलाच जुलूम काम तुमू केरतेह।
माणहाह एठी केरनार चिज
उवतो यीशु माणहाह आहने हादिन केयो, "तुमू आखा मारी हुमलो, एने सुमजो। ओहली काल्लीस वोस्तु नाह सोती जी माणहाह बाहेर रेन माय जाईन ताह एठी केरी। पुण जी चिज माणहान माय रेन निकलेह, तीस माणहाह एठी किरेह।"
बिगेर यहुदि बायकुन बुरहो
उवतो यीशु ता रेन निकलीन सुर हेयराम आवो, एने एक गेराम गीयो। तो ज्य नाह होदतालो काय कुण बी ताह ओलखी, पुण यीशु लीकाय नाह सीकनो। एक कनानी जातीन बायकु यीशुन बाराम होमलीन ताह मिलनेन आवी, ज्यीन आतली सोरी माय बुतड़ो रिग रियेल ईतो, एने ती गेराम आवीन तान पाया हेरी पोड़ गियी। ती बायकु बिगेर यहुदि एती, एने सीरीयान फीनीके माय पायदा ईयेल एती। ती यीशुह विन्ता केरी काय मार सोरी माय रेन बुतड़ाह निकाल दे। यीशु तीह जापाप आप्यो, "पेल सोराह आफेरने दे। काहाकाय सोरान रूटो लेन चितान ओंगाण टाकणे हाजो नाह सोतो।"
ती यीशुह जापाप आप्यी, "ज्य खेरीच हे मालीक, पुण सोरान उस्टालो रूटो पाटला पोर रेन पुड़ेल चिता खाणु ते खोरा!"
यीशु ती बायकुह केयो, "तु ज्य कियेल हे केरीन हुकेह गेर जातरे, काहाकाय बुतड़ो तार सोरी माय रेन निकेल जायेल हे!"
ती गेर पोचीन तीन सोरीह खाटला पोर हुवताली देखी; एने बुतड़ो ती माय रेन निकेल जायेल ईतो।
गेरदी माय रेन एक जाण यीशुह जापाप आप्यो, "एय गुरू, मी मार सोराह तुवा फाय लावोह, काहाकाय ता माय मुको बुत रिग रिनोह एने तो बोल नाह सिकेत। जेवी ज्यो बुतड़ो ता पोर हमलो किरेह, ताह बुई पोर आचटी दिथे, एने तान मुया माय रेन फेचे निकेलने बाज जाथे, एने दात केकड़ावेह, एने हुकते जाथे। मी तारा चेलाह कियेल काय तुमू ताह काड़ दिवो, पुण ता बुतड़ाह काड़ नाह सेक्या।"
ज्यो होमलीन यीशु चेलाह केयो, "एय अविश्वासी माणहे! मी केवीह वोर तुमू हिऱ्यो रेह? एने तुमरी वेठुह? सोराह मार फाय लावो!" तेवी ता सोराह यीशु फाय लावा।
जेवी यीशुह ताह दिख्यो ते बुतड़ो चालोच मोंहदेलीन सोराह बुई पोर आचटी दिनो, एने तान मुया माय रेन फेचे वोयणे बाज गीया, एने तो लोलने बाज गीयो।
यीशु तान आबाख फुशो, "ज्यान ज्यी देशा केवीह रेन हे?"
तो यीशुह जापाप आप्यो, "आत्योच रेन हे।" "एने ज्याह मारनेन केरता केदी आक्ठा माय ते केदी पाण्याम पाड़ीह। पुण केदी तु काह केर सिकेह ते आमु पोर गीण केरीन आमरी मोदेक केर!"
यीशु ताह केयो, "तु केर सिकेह! ज्यी काय वात हे? बुरहो केरनारान केरता आखो एय सिकेह।"
सोरान आबोख रेड़ीन केयो, "मी बुरहो केरथु, पुण पुरो नाह सुतो। मार बुरहो वोड़नेन केरता मार मोदेक किर!"
जेवी यीशु दिख्यो काय गेरदी जुलूम एय गियीह, केरीन ता बुतड़ाह दोपकाड़ीन केयो, "मुका बुतड़ा, मी तुवाह उकुम आपथु, ज्या माय रेन निकेल जा, एने पुशो केदी मा रिगहे!"
तेवी बुतड़ो आयड़ीन ताह जुलूम मोहदेलीन निकेल गीयो, एने तो सोरो मुरेल ने गेत एय गीयो, एने आखा माणहे केया, "सोरो मोर जायेल हे!" पुण यीशु ताह आथ देरीन उब रेणेन मोदेक किऱ्यो, एने तो उबरी गीयो।
यीशु जुलूम होवटा माणहाह हुदारने
ओवतो यीशु बोक्ती केरन्या गेरा माय रेन निकलीन शमोनान गेर गीयो, ता शमोनान हाहवोक हेरी माय दुखारी खाटला पोर लुट रियेल एती, तेवी ता तीह हुदारनेन केरता यीशुह केया। यीशु खाटला हिऱ्यो उबरीन हेरीह उतेर जाणेन केरता उकुम आप्यो, तेवी तीन हेरी उतरी गीयो, एने ती तान सेवा चाकरी केरने बाज गियी।
जेवी यीशु मेराम उतेरनो ते ता हेयरान एक माणुह ताह मिलानो, जा माय मोकतास बुतड़ा एता, तो जुलूम दिह रेन नाह फाड़का पेरतालो एने नाह गेरा माय रेतालो, पुण तो माहणा माय रेतालो। तो यीशुह देखीन आयड्यो एने तान ओंगाण पाया पोड़ीन मोठेस सोबदाम केयो, "एय आखाम रेन मोठा बोगवानान बेटाख यीशु! माहु तुवा हेऱ्यो काय काम? मी तुवाह विन्ता केरथु, माहु डेंड मा आपी।" काहाकाय यीशु ता बुतड़ाह ता माणहाम रेन निकेलनेन उकुम आपतालो। तानकेरता तो ताह जाहार ताहार सेतावतालो, केरीन माणहे तान आथ पाय हाकली केरीन एने बेड्यु केरीन बांदिन राखवाली केरताला, तीबी तो बांदिल तो तोड़ टाक देतालो, एने बुतड़ो ताह जेंगला माय दोवड़ावते लेन फिरतालो।
यीशु ताह फुशो, "तारो नाव काय हे?" तो केयो, "फोज" काहाकाय जुलूम बुतड़ा ता माय रिग रियेल एता। बुतड़ा यीशुह विन्ता केऱ्या काय आमुह नेरेग कुंड माय जाणेन उकुम मा आपी।
ता जागेच बोयड़ा पोर हुवऱ्यान एक मोटलो टुलो चेरने बाजरियेल ईतो, तानकेरता ता यीशुह विन्ता केऱ्या, काय आमुह ओया माय रिगणे दे, यीशु ताह हुवऱ्या माय मोकली दिनो। तेवी बुतड़ा ता माणहाम रेन निकलीन हुवऱ्या माय रिग गीया, एने तो हुवऱ्यान टुलो, आड़वाया माय रेन दोवड़ीन देरीया माय जाय पोड़ना, एने बुड़ीन मोर गीया।
गोवाले जो ईयेल एतो, तो देखीन दोवेड़ना एने गावाम एने हेयराम जाईन तान खुबेर केऱ्या। माणहे जो जो ईयेल एतो, तो देखणेन निकेलना एने यीशुन आहने आवीन, एने जा माय रेन बुतड़ा निकलेल एता, ताह यीशुन पायान जागे फाड़का पेरीन एने सुद्दी माय ठावकोस बोह रियेल देखीन बिय गीया;
मी तुमूह खेरीच केथु, "जा न्या उब रेनाह, ता माय रेन काल्ला काल्ला ओहला हेते काय जाह वोर बोगवानान राज नाय देख लेती, ताह वोर मोतीन होवाद नाय चाखती।"
यीशुन वेह बोदेलने
ज्यी वातुन आठ दिह्यान पासाण यीशु पतरस एने याकुब एने योहानाह आरही लेन विन्ता केरनेन केरता बोयड़ा पोर गीयो। जुलबुखे यीशु विन्ता केरनेच बाजरियेल ईतो, तेवी तान मुयान वेह बोदलाय गीयो, एने तान फाड़का दोवल्या एन पिपेलने बाज गीया। एने उचकाहुच मुसा एने एलिया, ज्या दुय एदमी यीशु हेऱ्या वातु केरने बाजरियेल एता। ज्या हेरगान बोड़ाय हेऱ्याच देखाना, एने यीशुन मोरनेन होमच्यो केरने बाजरियेल एता, जो बोगवानान योजना यरूशलेम माय पुरो एण्यो एतो।
पतरस एने तान हाती निंद माय बोराय रियेल एता, एने जेवी ता जागना, तेवी तान बोड़ाय एने ता दुय एदम्याह, जा यीशु हेऱ्या उबरियेल एता, देख्या। जेवी ता यीशुन आहने रेन जाणे बाज गीया, ते पतरस यीशुह केयो, "एय मालीक, आपणो न्या रेणेन हाजो हे! ते आमु तीन तोम्बु बाणावहु, एक तार केरता, एक मुसान केरता, एने एक एलियान केरता।" पतरस नाह जाणतालो काय, काय केणे बाजरिनोह।
एने दिखो, गेरदी माय रेन एक माणुह आयड़ीन केयो, "एय गुरू, मी तुवाह विन्ता केरथु, काय मार बेटाख पोर गीण केर, काहाकाय तो मारो एकुच बिटोख हे। एने होमेल, एक बुतड़ो ताह दिरेह, एने तो उचकाहुच आयड़ी उठेह: एने तो ताह ओहलो मोहदेलेह काय तो मुयाम रेन फेचे बोर लावेह; एने ताह केठीण देशा माय सोड़ेह। एने मी तारा चेलाह विन्ता किरेल काय बुतड़ाह निकाले, पुण ता नाह निकाल सेक्या।"
यीशु ताह जापाप आप्यो, "एय अविश्वासी, एने पिटारा माणहे, मी केवीह वोर तुमू हिऱ्यो रेह, एने तुमरी वेठुह? तारा सोराह न्या लेन आव।"
तो सोरो आवणेच बाजरियेल ईतो काय बुतड़ो ताह आसटीन मोहदेल्यो, पुण यीशु बुतड़ाह दोपकाड्यो एने सोराह हुदारीन तान आबाख होप दिनो। तेवी आखा माणहे बोगवानान मोटली ताकेत देखीन बोंगलाय गीया।
यीशु तान मोतीन दुसरी वार जाणाव केरने
पुण जेवी आखा माणहे यीशु किरेल ता कामाह देखीन बोंगलाय रियेल एता, तेवी तान चेलाह यीशु केयो,
यीशु एने बालजबुल
उवतो यीशु एक बुतड़ाह जो ता एदम्या माय रिगेल ईतो, तो मुको ईतो, एने जेवी यीशु ता बुतड़ाह काड्यो ते तो एदमी बोलने बाज गीयो, एने तो देखीन माणहे बोंगलाय गीया।
एने ता माय रेन पतरस तालवार केरीन मुखी चाकर्यान पावोरान जीवड्यो कान काट दिनो। पुण यीशु तो देखीन केयो, "थुबो, इही मा किरो।" एने यीशु तान कानाह सापलीन ताह हाजो किऱ्यो।
जेवी योहानान चेला जात रेना, तेवी यीशु योहानान बाराम माणहाह केणे बाज गीयो: "तुमू उजाड़ी माय काय देखणे जायेल एता? काय वाराम आलताला टोकराह? ओवता तुमू काय देखणे जायेल एता? काय हुवाल्ला फाड़का पेरनारा माणहाह? जा हुवाल्ला फाड़का पेरतेह, ता राजवाड़ाम हुकेह रेतेह। ते ओवता तुमू काय देखणे जायेल एता? काय एगदा जाणकाराह देखणे? होव, मी तुमूह केथु, काय बोगवानान जाणकाराह रेन बी मोटलाह।" ज्यो तोच योहान हे, जान बाराम वचन माय इहकेरीन लेख मीलेल हे, "काय बोगवान कियेल, मी मार खोबर्याह तारे ओंगाण मोकलुह, जो तार केरता वाट हुतरी केरी।" मी तुमूह खेरीच केथु, "काय बायकुम रेन जा पायदा ईयेल हेते, ता माय योहानाह रेन मोठो कुण नाह, तीबी बोगवानान राज माय जो आत्याह रेन आत्यो हे, तोस योहानाह रेन मोठो हे।"
योहानान वातु होमलीन फालो उकालनारे एने जुलूम माणहे योहाना फाय आवीन बपतीस्मा लेदा, ता सोब बोगवानान वातीह खेरी मान लेदा। पुण फरिसी एने देरेमगुरू योहान फाय रेन बपतीस्मा नाह लेदा, एने बोगवानान मोरजीह उपरूच टाल देना।