Milagres de Jesus
Os Evangelhos registram dezenas de milagres realizados por Jesus — curas, ressurreições, domínio sobre a natureza e libertações. Cada milagre revelava sua divindade e compaixão.
Curas de cegos e surdos
Jesus devolveu a visão aos cegos e a audição aos surdos, manifestando seu poder sobre toda enfermidade e deficiência.
ယေရှု မျက်မမျော်သောသူ နေယောက်ဟို မျက်စေ့မျော်စေခြင်း
ယေရှုဟ အဲအရပ်မှ ထွက်စဉ် မျက်မမြင်နေယောက်ဟ "ဒါဝိဒ်ရဲ့ သားတော်၊ ငါလို့ဟို သနားမန့်" ဟု ဟစ်အော်လျက် ကိုယ်တော်ရဲ့ နောက်တော်ဟို လိုက်လာကြအယ်။
ယေရှုဟ နေအိုင်ထဲဟို ဝင်သောအခါ၊ အဲမျက်မမြင်လို့ဟ ကိုယ်တော်ဆေဟို လာကြအယ်၊ အားပင်း ယေရှုဟ "ဟေအရာဟို ငါ လုပ်နိန်အယ်ဟု နင်လို့ ယုံကြည်ကြသလော" ဟု မေးရင် အဲသူလို့ဟ
"ယုံကြည်ပါအယ်၊ သခင်ဘုရား" ဟု ပြန်ဆှောက်ကြအယ်။
အဲအခါ ယေရှုဟ သူလို့ရဲ့ မျက်စေ့များဟို တို့ထိယွေ့ "နင်လို့ရဲ့ ယုံကြည်လဲ့အတိုင်း နင်လို့နှိုက် ဖြစ်စေ" ဟု မိန့်ပင်း သူလို့ဟ မျက်စေ့ မျော်လာအယ်။ ယေရှုဟလည်း "အဲအမှုဟို စသူဟိုမျှ မသိစေနဲ့" ဟု ကြပ်တည်းစွာ သတိပေးအယ်။
အဲလိုလဲ အဲသူလို့ဟ ထွက်သွားယွေ့ ကိုယ်တော်ရဲ့သတင်းဟို အေးတပြေလုံးနှိုက် နှံ့ပြားကျော်စောစေအယ်။
ယေရှုဟ မျက်စေ့မမျော်နေယောက်ဟို ကျန်းမာစေခြင်း
ယေရှုနဲ့ တဘဲ့တော်လို့ဟ ယေရိခေါမြို့မှ ထွက်ခွာလာကြစဉ် လူအုပ်ကြီးဟ နောက်တော်ဟို လိုက်ကြအယ်။ ယေရှု ကြွသွားကျောန်းဟို လမ်းအနီးတွင် ထိန်နေသော မျက်စေ့ မမျော်သောသူနေယောက်လို့ဟ ကြားယွေ့ "ဒါဝိဒ်ရဲ့သားတော် သခင်ဘုရား၊ ငါလို့ဟို သနားမန့်" ဟု စတင် အော်ကြအယ်။
လူအုပ်ကြီးလို့ဟ သူလို့အား တိတ်တိတ်နေရန် ငေါက်ငမ်းပြောဆိုကြပေမဲ့ သူလို့ဟ "ဒါဝိဒ်ရဲ့သားတော် သခင်ဘုရား၊ ငါလို့ဟို သနားမန့်" ဟု ပိုပင်းအော်ကြအယ်။
ယေရှုဟ ရပ်တန့်ယွေ့ အဲသူလို့အား အထံတော်ဟိုခေါ်ပင်းလျှင် "နင်လို့အတွက် မစာအရာဟို ပြုစေလိုလုန်း" ဟု မေးအယ်။
သူလို့ဟ "သခင်ဘုရား၊ ငါလို့အား မျက်စေ့ပြန်ယွေ့ မျော်ချင်ပါအယ်" ဟု ဆှောက်ကြအယ်။
ယေရှုဟ သူလို့ဟို သနားသဖြင့် သူလို့ရဲ့မျက်စေ့ဟို လက်နဲ့ တို့အယ်။ အဲသူလို့ဟ ခုတင်ချင်းပင် မျက်စေ့မျော်ယွေ့ နောက်တော်ဟို လိုက်ကြအယ်။
ယေရှုဟ ဗက်ဇဲဒရွာတွင် မျက်စေ့မမျော်လဲ့တယောက်ဟို မျက်စေ့ မျော်စေခြင်း
သူလို့ဟ ဗက်ဇဲဒမြို့သို့ လာကြအယ်၊ လူအချို့လို့ဟ မျက်စေ့မမျော်လဲ့ တယောက်အား ယေရှုဆေဟို ခေါ်လာယွေ့ အဲသူအား တို့ထိပေးရန် တောင်းပန်ကြအယ်။ ယေရှုဟ မျက်စေ့မမျော်သောသူအား လက်ဆွဲကာ ရွာအပြင်ဟို ခေါ်သွားအယ်။ သူရဲ့ မျက်စေ့များဟို ဆံထွေး ထွေးယွေ့ ကိုယ်တော်ဟ သူရဲ့ အပေါ်မှာ လက်ဟို တင်ပင်း၊ "နင်ဟ တစုံတခုဟို မျော်ပီလော" ဟု သူ့အား မေးလေအယ်။
သူဟ မျော်ကျေ့ပင်း ပြောတာဟ၊ "ငါဟ လူလို့ဟို မျော်နိန်ပေမဲ့ သူလို့ဟ လမ်းဆှောက်နေလဲ့ သစ်ပင်တွေနဲ့ တူအယ်" ဟု ပြောအယ်။
ယေရှုဟ အဲသူရဲ့ မျက်စေ့ပေါ်တွင် လက်ဟို နောက်တခါ တင်လေအယ်။ ဒီတခါတော့ အဲသူဟ စူးစူးစိုက်စိုက် ကျေ့ရာ၊ သူ့မျက်စေ့ မျော်လာပင်း အရာအားလုံးဟို ဆှင်းဆှင်းလင်းလင်း မျော်လေအယ်။ ယေရှုဟ သူ့အား နေအိုင်ဟို ပြန်ဖို့ အမိန့်ပေးယွေ့၊ "ရွာထဲဟို မပြန်နဲ့" ဟု ပြောလေအယ်။
ယေရှုဟ ဆွံ့အနားပင်းမှုဟို ပျောက်ကင်းစေခြင်း
အဲပင်းရင် ယေရှုဟ တုရုမြို့ရဲ့ အနီးဝန်းကျင်မှ ထွက်ခွာပင်း ဇိဒုန်မြို့မှတဆင့်၊ ဂါလိလဲအိန်ဟို ဖြတ်ယွေ့ ဒေကာပေါလိနယ်ဟို ဆက်သွားလေအယ်။ လူအချို့လို့ဟ ဆွံ့အနားပင်းသူ တယောက်ဟို ကိုယ်တော်ဆေသို့ ဆောင်ခဲ့ကြပင်း၊ သူ့ပေါ်တွင် လက်တော်ဟို တင်ပေးရန် ယေရှုအား တောင်းပန်ကြအယ်။ ယေရှုဟ သူ့အား လူအုပ်နဲ့ ဝေးရာဟို ခေါ်သွားပင်းရင် ကိုယ်တော်ဟ သူရဲ့ လက်ချောင်းများဟို သူရဲ့ နားထဲဟို ထည့်လေအယ်။ အဲပင်းရင် ကိုယ်တော်ဟ ဆံထွေး ထွေးပင်း သူရဲ့ လျှာဟို တို့လေအယ်။ အဲပင်းရင် ယေရှုဟ မိုးခေါန်းခင်သို့ မျှော်ကျေ့လျက်၊ သက်ပြင်းချကာ "ဧဖသ" ဟု သူ့အား ပြောလေအယ်။ ဧဖသ အဓိပ္ပာယ်မှာ "ပွင့်စေ" ဟု ဖြစ်အယ်။
ခုတုံးပင် သူရဲ့ နားလို့ဟ ပွင့်သွားအယ်၊ သူရဲ့ လျှာဟ ပြေလျော့သွားပင်း သူဟ ပြတ်ပြတ်သားသား စတင် ပြောလာအယ်။ ယေရှုဟ သူလို့ဟို စသူ့ဟိုမျှ မပြောဖို့ အမိန့်ပေးအယ်။ အားပင်မဲ့ ကိုယ်တော်ဟ တားမြစ်လေလေ၊ သူလို့ဟ အဲသတင်းဟို ပိုယွေ့ ပြောကြားလေ ဖြစ်အယ်။ ကြားရသူအပေါင်းလို့ဟ ရမ်းဆာ့ အံ့ဩကြအယ်။ "ကိုယ်တော်ဟ အရာအားလုံးဟို စလောက် ကောင်းကောင်းလုပ်အယ်၊ သူဟ နားပင်းသူလို့ဟို ကြားစေပင်း ဆွံ့အသူလို့ဟို စကားပြောစေပီ" ဟု သူလို့ဟ ကြွေးကြော်ကြအယ်။
ယေရှုဟ မျက်စေ့မမျော်သော ဗာတိမဲဟို ကုသပေးခြင်း
အဲပင်းရင် သူလို့ဟ ယေရိခေါမြို့သို့ ရောက်လာကြအယ်။ ယေရှုနဲ့ တဘဲ့တော်လို့ဟ လူအုပ်ကြီးနဲ့အတူ မြို့မှ ထွက်ခွာလာစဉ်၊ မျက်စေ့မမျော်သော ဗာတိမဲ (တိမဲရဲ့ အောင်နီငယ်ဟု ဆိုသူ)၊ လမ်းဘေးနှိုက် ထိန်ပင်း တောင်းစားနေအယ်။ အဲသူဟ နာဇရက်မြို့သား ယေရှု ဖြစ်ကျောန်း ကြားရသောအခါ၊ "ဒါဝိဒ်ရဲ့ သားတော် ယေရှု၊ ငါ့ဟို သနားပါ" ဟု စတင် အော်ကလေအယ်။
ရမ်းဆာ့သော လူဟ သူ့ဟို ငေါက်ငမ်းပင်း သူ့ဟို တိတ်တိတ်နေရန် ပြောခဲ့အယ်။ အဲလိုလဲ သူဟ "ဒါဝိဒ်ရဲ့ သားတော် ယေရှု၊ ငါ့ဟို သနားမန့်" ဟု ပိုယွေ့ပင် ကျယ်လောင်စွာ အော်ဟစ်လေအယ်။
ယေရှုဟ ရပ်တန့်လျက် "သူ့ဟို ခေါ်ခဲ့လိုက်" ဟု ပြောလေအယ်။
အဲကျောန့် သူလို့ဟ မျက်စေ့မမျော်သောသူဟို ခေါ်လိုက်အယ်။ "အားမငယ်နဲ့၊ ထမန့်၊ သူဟ နင့်ဟို ခေါ်နေအယ်" ဟု သူလို့ဟ ပြောလေအယ်။
သူဟ သူ့ဝတ်လုံဟို လောချပင်း၊ ခုန်ယွေ့ ယေရှု ဆေဟို လာလေအယ်။
ယေရှုဟ "နင့်အတွက် ပစာအရာဟို ပြုစေလိုလုန်း" ဟု သူ့အား မေးလေအယ်။
မျက်စေ့မမျော်သောသူဟ "ဆရာ၊ ငါ မျက်စေ့ပြန်ယွေ့ မျော်ချင်အယ်" ဟု ဖြေလေအယ်။
ယေရှုဟ "သွားလော့၊ နင့်ရဲ့ ယုံကြည်ခြင်းဟ နင့်ဟို ကောင်းစေပီ" ဟု သူ့အား ပြောလေအယ်။
ခုတုံးပင် အဲသူဟ မျက်စေ့မျော်ယွေ့ ယေရှု ကြွလာရာလမ်းတွင် နောက်တော်ဟို လိုက်လေအယ်။
ယေရှုဟ မျက်စေ့မမျော်သော ကျောန့်နန်ဟို မျက်စေ့မျော်စေခြင်း
ယေရိခေါမြို့အနီးနှိုက် ရောက်လာစဉ်၊ မျက်စေ့မမျော်သော တယောက်ဟ လမ်းနားမှာ ထိန်ယွေ့ တောင်းစားလျက် နေအယ်။ သူဟ လူအုပ်လို့ သွားသောသံဟို ကြားသောအခါ "ပစာရီးလုန်း" ဟု မေးအယ်။
သူလို့ဟ "နာဇရက်မြို့သား ယေရှု ဖြတ်သွားစာရီး" ဟု ပြောကြအယ်။
"ဒါဝိဒ်ရဲ့ သားတော် ယေရှု၊ ငါ့ဟို သနားမန့်" ဟု အော်ပြောလေအယ်။
ဆေ့မှာဆိသောလူလို့ဟ သူ့ဟို တိတ်တိတ်နေရန် ငေါက်ငမ်းယွေ့ ပြောကြအယ်။ အဲလိုလဲ သူဟ "ဒါဝိဒ်ရဲ့ သားတော်၊ ငါ့ဟို သနားမန့်" ဟု ပိုယွေ့ အော်ပြောလေအယ်။
အေးလို့မို့ ယေရှုဟ ရပ်တန့်လိုက်ပင်းနောက် အေးသူဟို ခေါ်ခဲ့ဟု ပြောအယ်။ သူအနား ရောက်လာသောအခါ ယေရှုဟ၊ "နင့်ဖို့ ပစာလုပ်ပေးစေချင်လော" ဟု မေးသောအခါ သူဟ
"ဆရာ" "ငါမျက်စေ့ မျော်ချင်အယ်" ဟု ဖြေအယ်။
ယေရှုဟ "မျက်စေ့ မျော်စေ၊ နင့်ရဲ့ ယုံကြည်ခြင်းဟ နင့်ဟို မျော်စေပီ" ဟု ပြောအယ်။
အေးခဏချင်းတွင် သူဟ မျက်စေ့မျော်ယွေ့၊ ဘုရားသခင်ဟို ချီးမွန်းပင်း ကိုယ်တော်နောက်ဟို လိုက်အယ်။ အေးအရာဟို လူအုပ်ကြီးဟ မျော်သောအခါ ဘုရားသခင်ဟို ချီးမွန်းကြအယ်။
ယေရှုဟ မွေးရာပါ မျက်စေ့ကန်းသောသူတယောက်ဟို ပျောက်ကင်းစေခြင်း
ယေရှုဟ လမ်းဆှောက်ယွေ့ သွားစဉ် အမေ့ဖိုက်ထဲဟ မျက်စေ့ကန်းသော သူတယောက်ဟို မျော်လေအယ်။ ကိုယ်တော်ရဲ့ တဘဲ့တော်လို့ဟ "ဆရာ၊ ဟေသူဟ ပစာအပစ်ကျောန့် မျက်စေ့ကန်းတုန်း။ မိမိ အပစ်ကျောန့်လား အဲဟာမဟုတ်ရင် မိဘ အပစ်ကျောန့်လား" ဟု မေးဆှောက်ကြအယ်။
ယေရှုဟ "သူ့ အပစ်ကျောန့် မဟုတ်၊ မိဘ အပစ်ကျောန့်လည်း မဟုတ်။ သူမျက်စေ့မမျော်ရခြင်းမှာ ဘုရားသခင်ရဲ့ တန်ခိုးတော် သူနှိုက် ထင်ဆှားစေရန် ဖြစ်အယ်။ ငါ့ဟို စေလွှတ်သော သူရဲ့အမှုဟို နေ့အချိန်နှိုက် ဆိစဉ် ငါလို့ လုပ်ရမယ်၊ စသူမျှ မလုပ်ဆောင်နိန်သော အချိန်တည်းဟူသော ညအချိန် ရောက်လာလိမ့်မယ်။ ငါဟ ဟေလောကနှိုက် ဆိနေစဉ် ဟေလောကရဲ့ အလင်း ဖြစ်အယ်" ဟု မိန့်အယ်။
ဟေလို မိန့်ပင်းနောက် ယေရှုဟ မြေပေါ်ဟို ဆံထွေးနဲ့ ထွေးယွေ့ ရွံ့လုပ်ပင်း ကန်းနေသောသူရဲ့ မျက်စေ့ဟို ရွံ့နဲ့ လူးယွေ့ သူ့ဟို "သွားပင်း ရှိလောင် ယေကန်နှိုက် မျက်စေ့ဟို ဆေးလော့" ဟု မိန့်အယ်။ ရှိလောင် အဓိပ္ပာယ်မှာ "စေလွှတ်အယ်" ဟု ဖြစ်အယ်။ အဲသူဟ သွားယွေ့ မျက်စေ့ဟို ဆေးပင်းနောက် မျက်စေ့မျော်လျက် ပြန်လာအယ်။
Curas de paralíticos e enfermos
Paralíticos caminharam, leprosos ficaram limpos e todo tipo de doença foi curada pelo toque e pela palavra de Jesus.
အဲအခါ အရေပြားရောဂါစွဲကပ်သူ လူတယောက်ဟ ကိုယ်တော်ဆေဟို လာယွေ့၊ ဆေ့မှာ ဒူးထောက်လျက် "ဆရာ၊ ကိုယ်တော် အလိုတော်ဆိရင် ငါ့အား သန့်စင်စေနိန်မန့်" ဟု ဆှောက်အယ်။
ယေရှုဟ လက်တော်ဟို ဆန့်ယွေ့ အေးသူဟို တို့ထိကာ "ငါ အလိုဆိအယ်၊ သန့်စင်စေ" ဟု မိန့်အယ်။ ခုတုံး သူဟ အဲအရေပြားရောဂါ ပျောက်ကင်း သွားလေအယ်။ အဲအခါ ယေရှုဟ "နားထောင်လော့၊ စသူ့ဟိုမှ မပြောနဲ့။ အဲလိုလဲ ယဇ်ပုရောဟိတ် ဆေဟို သွားယွေ့ နင့်ရဲ့ ကိုယ်ဟို ပြပင်း လူလို့ဆေ့နှိုက် သက်သေဖြစ်စေဖို့ မောရှေ စီရင်မှာထားသော ပူဇော်သကာဟို ဆက်လော့" ဟု မိန့်အယ်။
လူအချို့လို့ဟ အိပ်ယာပေါ်နှိုက် လဲလျောင်းနေလဲ့ လေဖြတ်သူ လူတယောက်ဟို ကိုယ်တော်ဆေဟို ခေါ်ခဲ့ကြအယ်။ ယေရှုဟ အဲသူလို့ရဲ့ ယုံကြည်ခြင်းဟို မျော်သောအခါ လေဖြတ်သူအား "ငါ့သား အားမငယ်နဲ့။ နင်ရဲ့အပစ်ဟို လွှတ်ပီ" ဟု မိန့်အယ်။
အဲပင်းရင် ကျမ်းတတ်ဆရာအချို့လို့ဟ "ဟေသူသည် ဘုရားသခင်ဟို ပစ်မား ပြောဆိုလေပီ" ဟု အချင်းချင်း ပြောဆိုကြအယ်။
ယေရှုဟ အဲသူလို့ တွေးတောပုံဟို သိမျော်သဖြင့် "နင်လို့ဟ ပစာကျောန့် ဟေလို့မားယွင်းစွာ တွေးနေကြလုန်း။ ‘နင်ရဲ့ အပစ်ဟို ဖြေလွှတ်ပီ’ ဟု ပြောရန် ပိုယွေ့ လွယ်ကူသလော၊ အဲဟာမဟုတ်ရင် ‘ထပင်း လှမ်းသွားလော့’ ဟု ပြောရန် ပိုယွေ့ လွယ်ကူသလော။ အဲပင်းရင်၊ လူသားဟ လောကတွင် အပစ်ဖြေလွှတ်ပိုင်တာဟို ငါ နင်လို့ဟို သက်သေပြမယ်။" အဲလိုမို့ ကိုယ်တော်ဟ လေဖြတ်သူအား "ထလော့၊ အိပ်ယာဟို မပင်း နေအိုင်ဟို ပြန်လော့" ဟု မိန့်အယ်။
အဲသူဟလည်း ထယွေ့ နေအိုင်ဟို ပြန်လေအယ်။
တရားဇရပ်ထဲတွင် လက်တဖက်သေသူ လူတယောက်ဆိအယ်။ လူအချို့လို့ဟ ယေရှုဟို ပစ်တင်စွပ်စွဲလိုသောကျောန့် သူလို့ဟ ကိုယ်တော်အား "ဥပုသ်နေ့နှိုက် အနာရောဂါ ပျောက်ကင်းစေခြင်းဟ ငါလို့ရဲ့ ပညတ်တရားဟို ဆန့်ကျင်သလော" ဟု မေးဆှောက်ကြအယ်။
ယေရှုဟ "နင်လို့ရဲ့ သိုးတကောင်ဟ ဥပုသ်နေ့နှိုက် တွင်းထဲဟို ပုတ်ကျအယ်ဆိသော် အဲသိုးဟို မဆွဲတင်ဘဲနေမယ့်သူ နင်လို့တွင် ဆိမန့်သလော။ လူဟ သိုးထက် ရမ်းဆာ့ပိုယွေ့ အဖိုးတန်တာ မဟုတ်မန့်လော။ အဲလိုမို့ ငါလို့ရဲ့ ဥပဒေအရ ဥပုသ်နေ့နှိုက် ကောင်းသောအမှုဟို ကူညီနိန်ခွင့် ဆိသလော" ဟု မိန့်အယ်။ အဲပင်းရင် ကိုယ်တော်ဟ လက်သေသူအား "နင့်ရဲ့ လက်ဟို ဆန့်လော့" ဟု မိန့်အယ်။
အဲသူဟ လက်ဟို ဆန့်လိုက်ခါ အခြားလက်တဖက်လို အကောင်းတိုင်းတိုင်း ပြန်ဖြစ်လာအယ်။
ရှိမုန်ရဲ့ ယောက္ခမဟ ဖျားနေယွေ့ အိပ်ယာပေါ်လှဲလျက် နေတာဟို ယေရှုအား သူမအကျောန်း သူလို့ဟ ခုတုံးပြောအယ်။ ကိုယ်တော်ဟ သူမဆေဟို သွားပင်း၊ သူမရဲ့ လက်ဟို ယူယွေ့ ထရန် ကူညီပင်း၊ သူမဟ အဖျားပျောက်ယွေ့ စတင်ပင်း သူလို့ဟို လုပ်ကျွေးပြုစုလေအယ်။
ယေရှု လူတယောက်ဟို ကျန်းမာစေခြင်း
နူနာရောဂါစွဲကပ်သူ လူတယောက်ဟ ယေရှုဆေဟိုလာပင်း ဒူးထောက်ယွေ့ "ကိုယ်တော် အလိုတော်ဆိရင် ငါ့ဟို ရောဂါမှ သန့်စင်စေနိန်ပါအယ်" ဟု တောင်းပန်အယ်။
ယေရှုဟ သနားသဖြင့် လက်ဟို ဆန့်ယွေ့ အဲသူဟို တို့ထိလေအယ်။ "ငါ အလိုဆိအယ်၊ သန့်ဆှင်းပါစေ" ဟု ပြောအယ်။ ခုတုံးပင် သူဟ နူနာရောဂါပျောက်ယွေ့ သန့်စင်သွားလေအယ်။
အဲအခါ လူလေးယောက်လို့ဟ လာပင်း လေဖြတ်သူ တဦးဟို ကိုယ်တော်ဆေဟို မကြအယ်။ လူအုပ်ကြီးကျောန့် သူလို့ဟ သူ့ဟို ယေရှုဆေဟို မ မလာနိန်ကြ။ သူလို့ဟ ယေရှုဆိလဲ့ နေရာအပေါ်မှ ခေါင်မိုးဟို ဖွင့်ယွေ့ အပေါက်ဖောက်ကာ လေဖြတ်နေသောသူ လဲလျောင်းနေသော ထမ်းစင်ဟို လျှောချကြအယ်။ ယေရှုဟ သူလို့ရဲ့ ယုံကြည်ခြင်းဟို မျော်ရင် "ငါ့သား၊ နင့်ရဲ့ အပစ်များဟို လွှတ်စေပီ" ဟု လေဖြတ်သူအား ပြောလေအယ်။ အဲနေရာမှာ ထိန်နေကြသော ကျမ်းတတ်ဆရာအချို့လို့ဟ သူလို့ တတ်တိုင်း တွေးနေကြအယ်၊ "ဟေသူဟ ပစာကျောန့် ဟေလို့ ပြောဝံ့လုန်း။ သူဟ ဘုရားသခင်ဟို စော်ကား ပြောဆိုလေပီ၊ ဘုရားသခင်ဟ အပစ်များဟို ခွင့်လွတ်နိန်သော တဦးတည်းသောသူ ဖြစ်အယ်။"
ယေရှုဟ အဲသူလို့ ပစာတွေးနေလဲဆိုတာဟို ခုတုံးသိသောကျောန့် ယေရှုဟ သူလို့အား ပြောတာဟ၊ "နင်လို့ဟာ ပစာကျောန့် ဟေအရာဟို တွေးနေကြလုန်း။ ဟေလေဖြတ်သူအား ‘နင်ရဲ့ အပစ်များဟို ခွင့်လွှတ်ပီ’ အားမှမဟုတ် ‘ထလော့၊ နင့်ထမ်းစင်ဟို ကောက်ယူယွေ့ လမ်းဆှောက်လော့’ ဟု ပြောရန် ပိုလွယ်သလော။ အဲလိုလဲ လူသားဟ မြေကြီးပေါ်တွင် အပစ်များ ခွင့်လွှတ်ပိုင်ခွင့် အာဏာဆိတာဟို နင်လို့အား ငါ သက်သေပြမယ်။" "နင့်ဟို ငါပြောမယ်၊ ထလော့၊ နင့်ထမ်းစင်ဟို ကောက်ယူယွေ့ နေအိုင်ဟို ပြန်လော့" ဟု သူဟ လက်ခြေသေသောသူအား ပြောအယ်။
သူလို့အားလုံး ကျေ့နေခါ၊ အဲသူဟ ထယွေ့၊ သူရဲ့ ထမ်းစင်ဟို ကောက်ယူယွေ့ အမြန် ထွက်သွားလေအယ်။ သူလို့အားလုံးဟ လုံးဝအံ့ဩယွေ့ ဘုရားသခင်ဟို ချီးမွန်းပင်း "ငါလို့ ဟေလိုမျိုး တခါမှ မမြင်ဖူးဝူး" ဟု ပြောကြအယ်။
လက်တဖက်သေသောသူ တယောက်အကျောန်း
ယေရှုဟ တရားဇရပ်ဟို တဖန် ဝင်ရင်၊ အဲနေရာတွင် လက်တဖက်သေသောသူ တယောက်ဆိအယ်။ လူအချို့လို့ဟ ယေရှုဟို ပစ်တင်စွပ်စွဲရန်အတွက် ဥပုသ်နေ့နှိုက် သူ့အား ပျောက်စေမယ် အဲဟာမဟုတ်ရင် မပျောက်စေဘူးဆိုတာ အနီးကပ် စောင့်ကျေ့နေကြအယ်။ ယေရှုဟ လက်တဖက်သေသောသူအား "လူတိုင်းဆေ့တွင် မတ်တတ်ရပ်လော့" ဟု ပြောလေအယ်။ အဲပင်းရင် ယေရှုဟ "ငါလို့ ပညတ်တရားအရ ဥပုသ်နေ့တွင် ကောင်းသောအရာ အဲဟာမဟုတ်ရင် ဆိုးသောအရာဟို ပြုသင့်သလော၊ လူ့အသက်ဟို ကယ်အပ်သလော အဲဟာမဟုတ်ရင် သတ်အပ်သလော" ဟု သူလို့အား မေးလေအယ်။ အားပင်မဲ့ သူလို့ဟ တိတ်တိတ်လေး နေကြအယ်။ ယေရှုဟ အူထော့လျက် သူလို့ဟို ပတ်ပတ်လည်သို့ ကျေ့လိုက်ပင်း၊ သူလို့ရဲ့ ခိုင်မာသော စိတ်နေလုံးကျောန့် ရမ်းဆာ့ ဝမ်းနည်းလျက်၊ အဲသူအား "နင့်ရဲ့ လက်ဟို ဆန့်လိုက်" ဟု ပြောလေအယ်။ သူဟ လက်ဟို ဆန့်လျှင် သူ့လက်ဟ ပြန်ကောင်းသွားလေအယ်။
ယေရှုဟ နူနာစွဲသောသူဟို ကုသပေးခြင်း
တခါ ယေရှုဟ မြို့ထဲတွင် ဆိပင်း အေးမြို့တွင် အရေပြားရောဂါဝေဒနာ ခံစားနေရသော လူတယောက် ဆိအယ်။ သူဟ ယေရှုဟို မျော်သောအခါ သူ့ကိုယ်သူ လဲချပင်း အသနားခံလျက် "ဆရာ၊ ကိုယ်တော် အလိုဆိရင် ငါ့အား သန့်ဆှင်းစေနိန်အယ်" ဟု ပြောအယ်။
ယေရှုဟ သူ့လက်တော်ဟို ဆန့်ပင်း အေးသူဟို တို့အယ် "ငါ အလိုဆိအယ်၊ သန့်ဆှင်းစေ" ဟု ပြောအယ်။ ခုတုံးပင် သူဟ နူနာရောဂါ ပျောက်လေအယ်။
လူအချို့လို့ဟ လေဖြတ်နေသောသူ တယောက်ဟို အိပ်ယာထမ်းစင်နဲ့ သယ်ဆောင်လာပင်း သူ့ဟို နေအိုင်ထဲဟို သယ်ပင်း ယေရှုဆေ့တွင် ချထားရန် ကြိုးစားကြအယ်။ လူများသောကျောန့် အထဲဟို ဝင်စရာ နည်းလမ်း မတွေ့သဖြင့်၊ အိုင်မိုးပေါ်ဟို သယ်ခဲ့ပင်း အုတ်ကြွပ်ပြားဟို ဖွင့်ယွေ့ လူနာဟို အိပ်ယာနဲ့အတူ လူလို့အလယ် ယေရှုဆေ့ဟို လျှောချကြအယ်။ ယေရှုဟ အေးသူလို့ရဲ့ ယုံကြည်ခြင်း စလောက်ဆိအယ်ဟို မျော်သောအခါ အေးလူဟို "မိတ်ဆွေ၊ နင်ရဲ့ အပစ်ဟို ငါ ခွင့်လွှတ်ပီ" ဟု မိန့်အယ်။
ကျမ်းတတ်ဆရာများနဲ့ ဖာရိရှဲများဟ "ဘုရားဟို ပစ်မားပြောဆိုသော ဟေသူဟ စသူလုန်း၊ အပစ်များမှ ခွင့်လွှတ်နိန်သူဟာ ဘုရားသခင် တဦးတည်းသာ ဖြစ်အယ်" ဟု သူလို့တတ်တိုင်း ဟောနေကြအယ်။
ယေရှုဟ သူလို့ စိတ်ထဲမှ အတွေးဟို သိရင် "ပစာကျောန့် နင်လို့ ဟေအရာများဟို တွေးနေကြလုန်း။ ‘နင့်ရဲ့ အပစ်ဟို လွှတ်စေပီ’ လို့ပြောရဟာ ပိုပင်း လွယ်ကူသလော အဲဟာမဟုတ်ရင် ‘ထပင်း လှမ်းသွားမန့်’ လို့ ပြောရဟာ ပိုပင်း လွယ်သလော။ လူသားဟ မြေကြီးပေါ်မှာ အပစ်လွှတ်ပိုင်လဲ့ အာဏာဆိတာဟို နင်လို့ဟို သက်သေပြမယ်" ဟု သူလို့အား ပြောပင်း၊ ယေရှုဟ "ထလော့၊ နင့်အိပ်ယာဟို သိမ်းပင်း အိုင်ဟို ပြန်လော့" ဟု လေဖြတ်နေသောသူဟို မိန့်အယ်။
သူဟ လူလို့ဆေ့မှာ ခုတုံး ထပင်း အိပ်ယာဟို ယူယွေ့၊ ဘုရားသခင်ဟို ချီးမွန်းပင်း အိုင်ဟို ပြန်သွားအယ်။
လက်တဖက် သေသောလူ
တခြား ဥပုသ်နေ့နှိုက် ယေရှုဟ တရားဇရပ်ဟို ဝင်ယွေ့ သွန်သင်အယ်၊ အေးဇရပ်ထဲတွင် ညာလက် သေနေသောသူ တယောက် ဆိအယ်။ အချို့ ကျမ်းတတ်ဆရာများနဲ့ ဖာရိရှဲအချို့လို့ဟ ယေရှုဟို မားလဲ့လုပ်ရပ်အဖြစ် စွပ်စွဲဖို့ အကျောန်းပြချက် လိုချင်နေသဖြင့်၊ ကိုယ်တော်ဟ ဥပုသ်နေ့နှိုက် အေးသူရဲ့ ရောဂါဟို ငြိမ်းစေမယ် မငြိမ်းစေမယ်ဟို သူလို့ဟ စောင့်ကျေ့နေကြအယ်။ ယေရှုဟ သူလို့ရဲ့ အတွေးဟို သိသောကျောန့် သူ့အား "ထလော့၊ အဆေ့မှာ လာလော့" ဟု မိန့်အယ်။ အေးသူဟ နေရာမှ ထပင်း ရပ်လေအယ်။ အေးနောက် ယေရှုဟ "ပညတ်အရ ဥပုသ်နေ့နှိုက် စလိုလုပ်ရမလော၊ ကောင်းတာဟို လုပ်မလော အဲဟာမဟုတ်ရင် ဆိုးတာဟို လုပ်မလော၊ တစုံတယောက်ရဲ့ အသက်ဟို ကယ်ဖို့လား အဲဟာမဟုတ်ရင် သတ်ဖို့လား" ဟု သူလို့အား ပြောအယ်။ ယေရှုဟ အေးသူအားလုံးလို့ဟို လှည့်ကျေ့ပင်း အေးသူဟို "နင့်လက်ဟို ဆန့်လော့" ဟု မိန့်ယွေ့ သူဟ လက်ဟို ဆန့်လိုက်သောအခါ သူ့လက်ဟ အကောင်းအတိုင်း ဖြစ်လာအယ်။
ယေရှုဟ တပ်မှူးတယောက်ရဲ့ ကျွန်ဟို ရောဂါ ပျောက်စေခြင်း
ယေရှုဟ လူလို့ဟို ဟေအကျောန်းအရာ အားလုံးဟို ပြောပင်းသောအခါ ကပေရနောင်မြို့ဟို သွားအယ်။ အေးမြို့နှိုက် ရောမတပ်မှူး တယောက်မှာ ရမ်းဆာ့ချစ်လဲ့ ကျွန်တယောက် ဆိပင်း၊ အေးသူဟ ဖျားနာပင်း သေခါနီး ဖြစ်အယ်။ တပ်မှူးဟ ယေရှုရဲ့ အကျောန်းဟို ကြားသောအခါ၊ ယုဒအကြီးအကဲ တချို့လို့ဟို စေလွှတ်ပင်း၊ ကိုယ်တော်ဟ လာပင်း မိမိကျွန်ဟို ကျန်းမာစေဖို့ ဆှောက်စေအယ်။ သူလို့ဟ ယေရှုဆေဟို လာပင်း "အေးသူဟ နင့်ရဲ့ အကူအညီဟို အမန်တကယ်ပင် ခံထိုက်အယ်။ သူဟ ငါလို့လူမျိုးဟို ချစ်သောကျောန့် တရားဇရပ်ဟို ငါလို့အဖို့ သူတတ်တိုင်း တည်ဆောက်ပေးသူ ဖြစ်အယ်" ဟု စိတ်အားထက်သန်စွာ တောင်းပန်ကြအယ်။
ယေရှုဟ သူလို့နဲ့အတူ သွားအယ်။ တပ်မှူးနေအိုင်နဲ့ မနီးမဝေး ရောက်သောအခါ တပ်မှူးရဲ့ မိတ်ဆွေများဟို ကိုယ်တော်ဆေဟို လွှတ်ပင်း "ဆရာ၊ ဒုက္ခမဆာပါနဲ့၊ ကိုယ်တော်ဟာ ငါရဲ့ နေအိုင်မိုးဟို လာဖို့ ငါဟ ထိုက်တန်တဲ့သူ တယောက် မဟုတ်ပါ။ အဲကျောန့် ငါ့တတ်တိုင်းလည်း ကိုယ်တော့်ဆေ လာဖို့ ထိုက်တန်အယ်လို့တောင် ငါ မထင်ခဲ့မိဝူး။ အဲလိုလဲ အမိန့်ဟိုသာ ပေးရင် ငါ့ရဲ့ အစေခံဟ ကျန်းမာပါလိမ့်မယ်။ ငါတတ်တိုင်းလည်း အထက်တပ်မှူးရဲ့ အာဏာ အောက်တွင် အမှုထမ်းသူ ဖြစ်ပင်း၊ ငါ့ရဲ့ လက်အောက်တွင်လည်း စစ်သားများ ဆိပါအယ်။ စစ်သားတယောက်ဟို ‘သွားလော့’ ဟု အမိန့်ပေးရင် သူဟ သွားပါအယ်။ တယောက်ဟို ‘လာပါ’ ဟု အမိန့်ပေးရင် သူဟ လာပါအယ်။ ငါ့ရဲ့ ကျွန်ဟို ‘အေးသာဟို လုပ်ပါ’ ဟု အမိန့်ပေးရင် သူဟ လုပ်ပါအယ်" ဟု ဆှောက်အယ်။
ယေရှုဟ သူ့ရဲ့ အေးစကားဟို ကြားသောအခါ အံ့ဩယွေ့၊ သူ့နောက်ဟ လိုက်လာကြသော လူများလို့ဟို လှည့်ကျေ့ပင်း "ငါ ပြောမယ်၊ အေးလို ယုံကြည်ခြင်းဟို ဣသရေလအမျိုးထဲမှာတောင် ငါ မတွေ့ဖူးသေး" ဟု မိန့်အယ်။
သတင်းပို့သမားများဟ တပ်မှူးရဲ့ နေအိုင်ဟို ပြန်ရောက်သွားသောအခါ အေးကျွန်ဟ ကျန်းမာလျက် ဆိတာဟို တွေ့ကြအယ်။
ဆယ့်ဆစ်နှစ်လုံး နတ်ဆိုးဝင်ပူးသဖြင့် မသန်စွမ်းဖြစ်လျက်နေသော အမျိုးသမီးတယောက် ဆိအယ်။ သူဟ ကျောကုန်းငိုင်းကျယွေ့ ခါးလုံးလုံး မဆန့်နိန်ချေ။ ယေရှုဟ အေးအမျိုးသမီးဟို မျော်သောအခါ သူ့ဆေ့ဟို ခေါ်ယွေ့ "အမျိုးသမီး၊ နင့်ရဲ့ အနာရောဂါဟနေ လွတ်ပီ" ဟု ပြောလေအယ်။ ကိုယ်တော်ဟ အေးအမျိုးသမီးအပေါ် လက်တင်လိုက်သောအခါ ခုတုံးပင် သူ့ခါးဟ တန်းဆန့်သွားယွေ့ ဘုရားသခင်ဟို ချီးမွန်းလေအယ်။
ဖျားနာသူတဦးဟို ရောဂါပျောက်စေခြင်း
ဥပုသ်နေ့ တနေ့တွင် ယေရှုဟ အစားစာသုံးဆောင်ရန် ဖာရိရှဲ ခေါင်းဆောင်တဦး နေအိုင်ဟို ဝင်လေအယ်၊ လူလို့ဟ ယေရှုဟို စောင့်ကျေ့နေကြအယ်။ ရေဖျဉ်းနာစွဲသော သူတယောက်ဟ ယေရှုရဲ့ ဆေ့တွင် ဆိအယ်။ ယေရှုဟ "ငါလို့ ဥပဒေအရ ဥပုသ်နေ့တွင် အနာရောဂါ ငြိမ်းစေသင့်ဝူးလော" ဟု ကျမ်းတတ်ဆရာများနဲ့ ဖာရိရှဲလို့ဟို မေးအယ်။
အဲလိုလဲ သူလို့ဟ တိတ်ဆိတ်စွာ နေကြအယ်။ ယေရှုဟ အေးလူဟို ခေါ်ယွေ့၊ အနာရောဂါဟို ပျောက်ကင်းစေပင်းရင် သူ့အား လွှတ်လိုက်အယ်။
ယေရှုဟ နူနာစွဲသူဆယ်ဦးအား ရောဂါပျောက်ကင်းစေခြင်း
ယေရှုဟ ယေရုရှလင်မြို့သို့ သွားနေစဉ် ရှမာရိပြေနဲ့ ဂါလိလဲပြေနယ် စပ်ကြားတွင် ဆောက်သွားအယ်။ ရွာတရွာသို့ဝင်သောအခါ အရေပြားရောဂါသည် ဆယ်ယောက်လို့ဟ ကိုယ်တော်ဟို ခရီးဦးကြိုပြုကြအယ်။ အေးသူလို့ဟ ခပ်ခွာခွာရပ်နေလျက်၊ "ယေရှု၊ သခင် ငါလို့ဟို ကယ်မသနားမန့်" ဟု အော်ပြောကြအယ်။
ယေရှုဟ သူလို့ဟို မျော်သောအခါ "နင်လို့တွေ ယဇ်ပုရောဟိတ်ဆေ သွားပင်း ကိုယ်ဟို ပြလော့" ဟု ပြောအယ်။
သူလို့သွားနေတုန်းတွင် သန့်ဆှင်းခြင်းဟိုရောက်ကြအယ်။ အေးသူလို့ထဲတွင် တယောက်ဟ မိမိရောဂါ ပျောက်ကင်းသွားကျောန်းဟို သိသောအခါ အသံကျယ်ရီးဖြင့် ဘုရားသခင်ဟို ချီးမွန်းလျက် ကိုယ်တော်ဆေ ပြန်လာအယ်။ အဲပင်းရင် ယေရှုရဲ့ ခြေရင်းနှိုက် ပျပ်ဝပ်ယွေ့ ကိုယ်တော်ဟို ကျေးဇူးတင်ကျောန်း ပြောအယ်။ အေးလူဟ ရှမာရိလူမျိုး ဖြစ်အယ်။ ယေရှုဟ "လူဆယ်ယောက်လို့ဟ ရောဂါပျောက်ကင်းသွားကြအယ် ဟုတ်ဝူးလော။ တခြားကိုးယောက်ဟ ပစာနားရောက်ကုန်နှင်း။ ဘုရားသခင်ဟို ချီးမွန်းဖို့ရန် ပြန်လာသောသူဟ ဟေတပါးအမျိုးသားမှ လွဲယွေ့ တဦးမျှ မဆိဝူးလော" ဟု မေးအယ်။ အေးနောက် ယေရှုဟ သူ့အား "နင်ထယွေ့ သွားမန့်၊ နင့်ရဲ့ ယုံကြည်ခြင်းဟ နင့်ဟို ကျန်းမာစေပီ" ဟု ပြောအယ်။
ယေကန်အနီးနှိုက် ကျန်းမာစေခြင်း
အဲပင်းရင် ယုဒအမျိုးသားလို့ရဲ့ ဘာသာရေးပွဲတော်အတွက် ယေရှုဟ ယေရုရှလင်မြို့ဟို သွားလေအယ်။ ယေရုရှလင်မြို့နှိုက် သိုးထင်ခါးအနီးမှာ ယေကန် ဆိအယ်၊ အေးယေကန်ဟို ဟေဗြဲစကားဖြင့် ဗေသေသဒဟု ခေါ်အယ်၊ အေးယေကန်ဟို မုခ်ငါးခုဖြင့် ခြံရံထားအယ်။ အဲမုခ်များအောက်တွင် — မျက်စေ့ကန်းသူ၊ ခြေမစွမ်းသူ၊ လေဖြတ်သူမှစယွေ့ လူနာအမြောက်အမြား လဲလျောင်းလျက် နေကြအယ်။ ပစာကို့ ခုတုံးချိန်မှစပင်း သခင်ဘုရားရဲ့ ခေါန်းခင်တမန်တပါးဟ ယေကန်ထဲဟို ဆင်းကာ ယေဟို လှုပ်ဆှားစေတတ်အယ်။ စသူမဆို ယေလှုပ်ဆှားပင်းနောက် ဦးရင်ဆုံးဝင်သောသူဟ စလိုရောဂါဆိတာဖြစ်စေ သက်သာခြင်းရအယ်၊ ဟူယွေ့ ပေါင်းထည့်ထားအယ်။အဲနေရာတွင် သုံးဆယ့်ဆစ်နေပတ်လုံး မကျန်းမာသောသူ လူတယောက် ဆိအယ်။ အဲသူလဲလျောင်းနေတာဟို ယေရှု မျော်သောအခါ ကာလကြာမြင့်စွာ ဟေလို လဲလျောင်းနေခဲ့တာဟို သိအယ်၊ အေးလိုမို့ ကိုယ်တော်ဟ "နင်ဟ ကျန်းမာလိုပါသလော" ဟု မေးအယ်။
အဲသူဟ "ဆရာ၊ ယေ လှုပ်ဆှားလာသောအခါ ငါ့ဟို ယေကန်ထဲသို့ ချပေးမဲ့သူ တယောက်မျှ မဆိမန့်။ ငါဆင်းမယ်ပြုနေစဉ် အခြားသူတယောက်ဟ ဦးရင် ယေကန်ထဲဟို ဆင်းသွားတတ်ပါအယ်" ဟု ပြန်ပြောအယ်။
ယေရှုဟ "ထလော့၊ နင့်အိပ်ယာဟို ယူယွေ့ လှမ်းသွားလော့" ဟု အေးသူအား မိန့်အယ်။ အဲသူဟ ခုတုံး ကျန်းမာလာသဖြင့် မိမိရဲ့ အိပ်ယာဟို ယူယွေ့ လှမ်းသွားလေအယ်။
အေးနေ့ကား ဥပုသ်နေ့ ဖြစ်အယ်၊
အေးနောက် ကိုယ်တော်ဟ ယေဟို စပျစ်ယေ ဖြစ်စေခဲ့ရာ ဂါလိလဲပြေ ကာနမြို့ဟို တခါကြွအယ်။ ကပေရနောင်မြို့နှိုက် အရာဆိတဦး ဆိယွေ့ သူရဲ့သားဟ ဖျားနာနေအယ်။ ယုဒပြေမှ ဂါလိလဲပြေသို့ ယေရှုကြွလာကျောန်းဟို အဲအရာဆိဟ ကြားသောအခါ မိမိရဲ့ သားဟ သေခါနီးဖြစ်သောကျောန့် ကိုယ်တော်ဆေဟို သွားပင်း သားရဲ့ အနာရောဂါဟို ပျောက်ကင်းစေပါမဲ့အကျောန်း ဆှောက်ထားအယ်။ ယေရှုဟလည်း "နင်လို့ဟ နိမိတ်လက္ခဏာများနဲ့ အံ့ဩဖွယ်သောအမှုလို့ဟို မမျော်ရရင် ပစာအခါမှ ယုံကြည်ကြမယ် မဟုတ်" ဟု မိန့်အယ်။
အရာဆိဟ "ဆရာ၊ ငါရဲ့သား မသေခင် ကြွလာမန့်" ဟု ဆှောက်အယ်။
ယေရှုဟလည်း "သွားလော့၊ နင့်သားဟ အသက်ဆှင်လိမ့်မယ်" ဟု မိန့်အယ်။
အေးသူဟ ယေရှုမိန့်လဲ့စကားဟို ယုံကြည်လျက် သွားလေအယ်။ သူဟ လမ်းမှာဆိနေသေးစဉ် သူရဲ့ အစေခံများ ရောက်လာယွေ့ "နင့်ရဲ့ သားငယ်ဟ သက်သာလာပါပီ" ဟု ပြောကြားကြအယ်။
အဲသူဟ "ဖယ်ချိန်နှိုက် သားငယ် ရောဂါသက်သာ သွားတာတုန်း" ဟု မေးသောအခါ အစေခံများဟ "မနေ့ မွန်းလွဲတနာရီခန့်တွင် အဖျားပျောက်အယ်" ဟု ပြန်ဖြေအယ်။ အေးအခါ ဖခင်ဖြစ်သူဟ အေးအချိန်သည် "နင့်ရဲ့သား အသက်ဆှင်လိမ့်မယ်" ဟု ယေရှု မိန့်သောအချိန် ဖြစ်ကျောန်းဟို သတိရလေအယ်။ အဲလိုမို့ သူနဲ့တကွ အိုင်သူအိုင်သားအပေါင်းလို့ဟ ကိုယ်တော်အား ယုံကြည်ကြအယ်။
ဟေဟ ယုဒပြေမှ ဂါလိလဲပြေဟို ယေရှု ကြွလာပင်းနောက် ဒုတိယအကြိမ် ပြလဲ့ အံ့ဖွယ်နိမိတ်လက္ခဏာ ဖြစ်အယ်။
A mulher com fluxo de sangue
Uma mulher que sofria há doze anos tocou a orla do manto de Jesus e foi curada instantaneamente pela sua fé.
တဆယ့်နေနှစ်ပတ်လုံး သွေးသွန်ရောဂါစွဲကပ်နေသော မိန်းမတယောက်ဟ ယေရှုရဲ့နောက်ဟို ချဉ်းကပ်ပင်းရင်၊ အဝတ်တော် အမြိတ်ဟို တို့အယ်။ "ကိုယ်တော်ရဲ့ အဝတ်တော်ဟိုမျှ လက်နဲ့ တို့ထိရရင်ပင် ငါရဲ့ ရောဂါပျောက်လိမ့်မယ်" ဟု သူ့တတ်တိုင်း ပြောဆိုအယ်။
ယေရှုဟ လှည့်ယွေ့ ကျေ့ရင် အဲမိန်းမဟို မျော်သဖြင့် "ငါ့သမီး၊ မစိုးရိမ်နဲ့။ နင်ရဲ့ယုံကြည်ခြင်းဟ နင်ရဲ့ ရောဂါပျောက်စေပီ" ဟု မိန့်အယ်။ အဲအချိန်နှိုက်ပင် အဲမိန်းမရဲ့ရောဂါ ပျောက်လေအယ်။
အဲနေရာနှိုက် အမျိုးသမီးတယောက်ဟ ဆယ့်နေနှစ်ပတ်လုံး သွေးသွန်ရောဂါစွဲကပ်လျက် အပြင်းအထန် ခံစားခဲ့ရအယ်။ သူမဟ ရမ်းဆာ့သော ဆရာဝန်လို့ရဲ့ ကုသမှုဟို ခံရအယ်ဟုပင် ထင်ခဲ့အယ်။ သူမဟာ သူမရဲ့ ပိတ်ဆန်အားလုံးဟို အကုန်သုံးစွဲခဲ့အယ်၊ အားပင်မဲ့ ပိုကောင်းလာမဲ့အစား သူမဟ ပိုပိုဆိုးလာအယ်။ သူမဟ ယေရှုအကျောန်းဟို ကြားသောအခါ၊ သူမဟ လူအုပ်ထဲမှ ထွက်လာပင်း သူရဲ့ နောက်မှ ဝတ်လုံဟို တို့ထိလိုက်အယ်၊ သူမဟ "ကိုယ်တော်ရဲ့ အဝတ်တော်ဟို တို့ထိရုံမျှဖြင့်၊ ငါဟ သက်သာလိမ့်မယ်" ဟု ထင်အယ်။
ခုတုံးပင် သူမရဲ့ သွေးသွန်ခြင်းဟ ရပ်သွားသဖြင့် သူမ ခံစားနေရလဲ့ ဝေဒနာဟနေ လွတ်မြောက်သွားပီလို့ မိမိကိုယ်ခန္ဓာနှိုက် ခံစားရအယ်။
သူလို့အထဲမှ တဆယ့်နေနှစ်ပတ်လုံး သွေးသွန်နာ ရောဂါခံစားနေရသော မိန်းမတယောက် ဆိအယ်။ မိမိမှာ ဆိလဲ့အရာအားလုံးဟို သုံးစွဲပင်း ဆရာဝန်များနဲ့ ကုသခဲ့ပေမဲ့လည်း အေးမိန်းမရဲ့ ရောဂါပျောက်ကင်းအောန် တယောက်မှ မကုသနိန်ဝူး။ အဲမိန်းမဟ ယေရှုနောက်ဟို လာပင်း သူ့ရဲ့ ပန်းဖွားဟို တို့ပင်း ခုတုံးပင် သူမရဲ့ သွေးသွန်နာဟ ရပ်တန့်သွားအယ်။ ယေရှုဟ "စသူ ငါ့ဟို ထိတာလဲ" ဟု မေးအယ်။
လူတိုင်းဟ ငြင်းကြအယ်၊ ပေတရုဟ "သခင်၊ ပတ်ပတ်လည်မှာ လူအားလုံးနဲ့ လူအုပ်ကြီးဟ ကိုယ်တော်ဟို တိုးဝှေ့ကြအယ်" ဟု ပြောအယ်။
အဲလိုလဲ ယေရှုဟ "တယောက်ယောက်ဟ ငါ့ဟို ထိအယ်၊ ငါ့ကိုယ်ထဲဟ တန်ခိုးထွက်တာဟို ငါသိအယ်" ဟု ပြောအယ်။ အေးမိန်းမဟ မိမိလုပ်လဲ့အမှု ပေါ်ကျောန်းဟို သိသောအခါ တုန်လှုပ်ပင်း လာယွေ့ ယေရှုရဲ့ ခြေထောက်ရင်းမှာ သူ့တတ်တိုင်း လဲချလေအယ်။ အဲမိန်းမဟ ယေရှုဟို ပစာကျောန့် ထိရအယ်၊ ခုတုံးပင် စလို ကျန်းမာသွားကျောန်းဟို လူများဆေ့တွင် ကိုယ်တော်ဟို ပြောအယ်။ ယေရှုဟ အေးမိန်းမဟို "ငါ့သမီး၊ နင့်ရဲ့ ယုံကြည်ခြင်းဟ နင့်ဟို ကျန်းမာစေပီ၊ ငြိမ်းချမ်းစွာ သွားလော့" ဟု မိန့်အယ်။
Ressurreições
Jesus ressuscitou mortos — a filha de Jairo, o filho da viúva de Naim e Lázaro. Ele é Senhor sobre a morte.
အရာဆိရဲ့ သမီးနဲ့ ယေရှုရဲ့ အဝတ်တော်ဟို တို့ထိသော မိန်းမ
ယေရှုဟ ဟေသို့ မိန့်မြွတ်လျက်နေခါ၊ ယုဒ အရာဆိတယောက်ဟ ကိုယ်တော်ဆေဟို လာပင်း ဆေ့တော်နှိုက် ဒူးထောက်လျက် "ငါ့ရဲ့ သမီးဟ အခုပင် သေဆုံးသွားအယ်။ အဲလိုလဲ လာယွေ့ သူ့အပေါ်မှာ ကိုယ်တော်ရဲ့ လက်တော်ဟို တင်ရင် သူဟ အသက်ဆှင်လာလိမ့်မယ်" ဟု ဆှောက်အယ်။
အဲလိုမို့ ယေရှုဟ ထယွေ့ အဲသူနောက်ဟို လိုက်ပင်း တဘဲ့တော်လို့လည်း ကိုယ်တော်နဲ့အတူ လိုက်သွားကြအယ်။
အဲပင်းရင် ယေရှုဟ အရာဆိနေအိုင်ဟို ရောက်အယ်။ အသုဘအတွက် တီးမှုတ်သူလို့နဲ့ အုန်းအုန်းသဲသဲ ပြုကြသော သူများဟို ကိုယ်တော် မျော်သောအခါ၊ ယေရှုဟ "ဖယ်ဆှားကြလော့။ မိနီငယ်သေတာ မဟုတ် အိပ်မွေ့လျက်သာ နေအယ်" ဟု မိန့်အယ်။ အဲပင်းရင် သူလို့အားလုံးဟ ယေရှုဟို လှောင်ကြအယ်။ ယေရှုဟ လူလို့ဟို အပြင်ဟို ထွက်စေပင်းနောက်၊ ကိုယ်တော်ဟ အခန်းထဲဟို ဝင်ယွေ့ မိနီငယ်ရဲ့ လက်ဟို ကိုင်ရာ၊ မိနီငယ်ဟ ထလေအယ်။
ယာဣရုဆိုသူ တရားဇရပ်တာဝန်ခံဟ ရောက်လာယွေ့၊ သူဟ ယေရှုဟို မျော်သောအခါ သူရဲ့ ခြေရင်းမှာ ပျပ်ဝပ်ဒူးထောက်အယ်။ "ငါ့ရဲ့ မိနီငယ်ဟ သေလုနီးပါး ဖြစ်နေပါအယ်။ ကျေးဇူးပြုပင်း လာယွေ့ သူမရဲ့ အပေါ်နှိုက် နင့်ရဲ့ လက်ဟို တင်ပေးပါ၊ သူမ ရောဂါပျောက်ကင်းပင်း အသက်ဆှင်လိမ့်မယ်" ဟု အနူးအညွတ် တောင်းပန်အယ်။
အဲပင်းရင် ယေရှုဟ သူနဲ့တူတူ လိုက်သွားအယ်။ ရမ်းဆာ့သော လူအုပ်လို့ဟ နောက်တော်ဟို လိုက်သဖြင့် ကိုယ်တော်ဟို တိုက်မိကြအယ်။
တရားဇရပ်တာဝန်ခံရဲ့ နေအိုင်ဟို ရောက်သောအခါ၊ ယေရှုဟ လူလို့ တအုံးထဲဖြစ်လျက် ကျယ်လောင်စွာ ငိုကယွေ့ မြည်တမ်းနေကြတာဟို မျော်လေအယ်။ ကိုယ်တော်ဟ ဝင်ယွေ့ အဲသူလို့အား၊ "နင်လို့ ပစာကျောန့် တအုံးထဲဖြစ်နေကြလုန်း။ ပစာကျောန့် ငိုကနေကြလုန်း။ မိနီငယ်ဟ သေတာ မဟုတ်၊ အိပ်မွေ့နေစာရီး" ဟု ပြောလေအယ်။
အဲအခါ သူလို့ဟ ကိုယ်တော်ဟို လှောင်ပြောင်ရယ်မောကြအယ်။ ကိုယ်တော်ဟ သူလို့ဟို ပြင်ဟို မောင်းထုတ်လိုက်ပင်း မိနီငယ်ရဲ့ မိဖလို့နဲ့ ကိုယ်တော်နဲ့တူတူ တဘဲ့တော် သုံးဦးလို့ဟို ခေါ်ယွေ့၊ မိနီငယ်လဲလျောင်းရာ အခန်းဆေဟို ဝင်လေအယ်။ သူဟ မိနီငယ်ရဲ့ လက်ဟို ဆုပ်ကိုင်ကာ "တလိသ ကုမိ" အဓိပ္ပာယ်မှာ "မိနီငယ်၊ ထလော့၊ နင့်အား ငါဆိုအယ်" ဟု ဆိုလိုအယ်။
ခုတုံးပင် မိနီငယ်ဟ ထယွေ့ စတင် လမ်းဆှောက်အယ် (သူမဟ တဆယ့်နေနှစ်အရွယ် ဆိအယ်။) အဲလိုဖြစ်သောအခါ သူလို့ဟ ရမ်းဆာ့အံဩကြကုန်အယ်။
ယေရှုဟ ဆက်ပင်း "ဟေနေ့လူလို့ဟို စလို နှိုင်းရမလော၊ သူလို့ဟ စသူနဲ့တူလုန်း။ သူလို့ဟ ဆေးထဲမှာ ထိန်နေသော လူပဲ့သငယ်များနဲ့ တူအယ်။ သူလို့ဟ ‘ငါလို့သည် မင်္ဂလာဆောင် သီချင်းဟို တီးမှုတ်သော်လည်း နင်လို့ဟ မကကြ၊ ငါလို့ဟ အသုဘ သီချင်းဟို ဆိုကြသော်လည်း နင်လို့ဟ မငိုကကြ’ ဟု တဖွဲ့နဲ့တဖွဲ့ အော်ပြောကြအယ်။ နှစ်ခြင်း ယောဟန်ဟ အစာဟို မစား၊ စပျစ်ယေဟို မသောက်ဘဲနေသော် နင်လို့ဟ ‘သူနှိုက် နတ်ဆိုးစွဲနေအယ်’ ဟု ဆိုကြအယ်။ လူသားဟ စားလျက် သောက်လျက် လာသောအခါ နင်လို့ဟ ‘အေးလူဟို ကျေ့လော့၊ သူဟ စားကြူးပင်း သောက်ကြူးသောသူ ဖြစ်အယ်၊ အခွန်ခံများနဲ့ တခြား အပယ်ခံရသူလို့ဟို မိတ်ဆွေဖွဲ့သူ ဖြစ်အယ်’ ဟု ဆိုကြအယ်။ အဲလိုလဲ ဘုရားသခင်ရဲ့ ဉာဏ်ပညာဟို လက်ခံသောသူအားလုံး အမန်ဖြစ်ကျောန်းဟို ပြသကြအယ်" ဟု ပြောအယ်။
ဖာရိရှဲ ရှိမုန်ရဲ့ နေအိုင်တွင် ယေရှုဆိစဉ်
ဖာရိရှဲတယောက်ဟ ယေရှုဟို မိမိနဲ့အတူ ညစာစားဖို့ ဖိတ်ခေါ်အယ်၊ ယေရှုဟ ဖာရိရှဲနေအိုင်ဟို သွားပင်း စားပွဲတွင် ထိန်အယ်။ အေးမြို့တွင် အပစ်နဲ့ပြေ့နေသူ မိန်းမတယောက် ဆိအယ်၊ သူမဟ ဖာရိရှဲနေအိုင်မှာ ကိုယ်တော် စားသောက်နေတယ်ဟို ကြားသောအခါ ဆီမွှေး ကျောက်ဖြူဖူး တခုဟို ယူလာပင်း၊
အေးအခါ ယာဣရု နာမယ်ဆိသောလူဟ ရောက်လာအယ်၊ သူဟ ဒေသခံတရားဇရပ်ရဲ့ အရာဆိ ဖြစ်အယ်။ သူဟ ယေရှုရဲ့ ခြေထောက်မှာ သူ့တတ်တိုင်း လဲချပင်း သူ့အိုင်ဟို လိုက်ခဲ့ဖို့ ယေရှုဟို တောင်းပန်အယ်။ ပစာကို့ အသက်ဆယ့်နေနှစ်အရွယ်ဆိလဲ့ သူ့ရဲ့ တဦးတည်းသောသမီးဟ သေခါနီးဆိသောကျောန့် ဖြစ်အယ်။
ယေရှုဟ ကြွလာသောအခါ လူအပေါင်းလို့ဟ အရပ်ရပ်မှ စုဝေးလာကြအယ်။
ယေရှု အေးလို့ပြောစဉ် တရားဇရပ်မှူးရဲ့ နေအိုင်ဟ သတင်းသမားဟ လာအယ်။ "နင့်ရဲ့ သမီး သေပီ၊ ဆရာဟို မနှောက်ယှက်ပါနဲ့" လို့ ယာဣရုဟို ပြောအယ်။
အေးစကားဟို ယေရှု ကြားပင်းရင် "မကြောက်ကြနဲ့၊ ယုံကြည်ခြင်း တခုသာ လိုအယ်၊ သူမ ကျန်းမာလာလိမ့်မယ်" လို့ ယာဣရုဟို ပြောအယ်။
သူ့ရဲ့ နေအိုင်ဟို ရောက်သောအခါ ပေတရု၊ ယောဟန်၊ ယာကုပ်နဲ့ မိနီငယ် အဖနဲ့ အမေ့မှလွဲပင်း တခြားစသူဟိုမှ မိမိနဲ့အတူ အထဲဟို ဝင်ဖို့ အခွင့်မပေးဝူး။ လူအပေါင်းလို့ဟ ဝမ်းနည်းလျက် မိနီငယ်အတွက် ငိုကလျက် နေကြအယ်။ ယေရှုဟ "မငိုကြနဲ့၊ မိနီငယ်ဟ သေသွားတာ ဟုတ်ဝူး — သူမဟ အိပ်မွေ့နေစာရီး" ဟု ပြောအယ်။
သူလို့အားလုံးဟ ယေရှုဟို ပြောင်ကြအယ်၊ ပစာကို့ သူလို့ဟ မိနီငယ်သေကျောန်းဟို သိကြသောကျောန့် ဖြစ်အယ်။ ယေရှုဟ အဲမိနီငယ်လက်ဟို ယူပင်း "ငါ့ရဲ့ မိနီငယ်၊ ထလော့" ဟု ခေါ်တာဟ၊ မိနီငယ်ဟ အသက်ပြန်ဝင် လာပင်း ခုတုံး ထလေအယ်၊ ယေရှုဟ သူစားဖို့ တခုခုပေးရန် သူလို့ဟို အမိန့်ပေးအယ်။ သူ့ရဲ့ မိဖလို့ဟ အံ့ဩသွားကြအယ်၊ အဲလိုလဲ ယေရှုဟ ပစာဖြစ်ပျက်ခဲ့အယ်ဆိုတာ တယောက်မှ မပြောဖို့ အမိန့်ပေးခဲ့တယ်။
လာဇရု သေဆုံးခြင်း
ဗေသနိရွာမှာနေလဲ့ လာဇရုလို့ ခေါ်လဲ့ လူတယောက်ဟ ဖျားနာလျက် ဆိအယ်။ ဗေသနိရွာတွင် ညီအမဖြစ်ကြသော မာရိနဲ့ မာသလို့ နေထိန်ကြအယ်။ ဟေမာရိဟ သခင်ဘုရားရဲ့ ခြေဟို ဆီမွှေးသွန်းလောင်းယွေ့ မိမိဆံပင်ဖြင့် သုတ်ပေးသူ ဖြစ်အယ်၊ ဖျားနာနေသူလာဇရုဟ သူမရဲ့ မောင်ငယ် ဖြစ်အယ်။ ညီအမလို့ဟ ယေရှုဆေဟို စေလွှတ်ယွေ့ "သခင်ဘုရား၊ အဆှင်ချစ်သောသူဟ ဖျားနာလျက် နေအယ်" ဟု ပြောလေအယ်။
ယေရှုဟ ဟေစကားဟို ကြားရင်၊ "ဟေအနာဟ သေနာ မဟုတ်၊ ဘုရားသခင်ရဲ့ ဘုန်းဟို ထင်ဆှားစေသော အနာဖြစ်အယ်၊ အေးအနာကျောန့် ဘုရားသခင်ရဲ့ သားတော်ဟလည်း ဘုန်းထင်ဆှားခြင်း ဆိလိမ့်မယ်" ဟု မိန့်လေအယ်။
ယေရှုဟ မာသနဲ့ သူမရဲ့ ညီမဟို လည်းကောင်း၊ လာဇရုဟို လည်းကောင်း ချစ်အယ်။ လာဇရု ဖျားနာနေတာဟို သတင်းကြားသောအခါ ကိုယ်တော်ဟ မိမိရောက်ဆိသောအရပ်တွင် နေရက်တိုင်တိုင် ဆက်ယွေ့ နေလေအယ်။ အေးနောက် ကိုယ်တော်ဟ တဘဲ့တော်လို့အား "ယုဒပြေဟို ငါလို့ နောက်တခါ သွားရအောန်" ဟု မိန့်လေအယ်။
တဘဲ့တော်လို့ဟ "ဆရာ၊ ယုဒလူလို့ဟ ကိုယ်တော်အား မကြာခင်ဟပင် ခဲနဲ့ ပစ်ရန် ကြိုးစားကြအယ်၊ အေးအရပ်ဟို တဖန်သွားအုံးမယ်လော" ဟု ဆှောက်ကြအယ်။
ယေရှုဟ "တနေ့တွင် တဆယ့်နေနာရီ ဆိအယ် မဟုတ်လော။ နေ့အချိန်နှိုက် သွားလာသောသူဟ နေရဲ့ အလင်းရောင်ဟို မျော်သောကျောန့် ခလုတ်မတိုက်ဘဲ ကောင်းစွာ သွားလာနိန်အယ်။ ညအချိန်နှိုက် သွားလာသောသူဟ အလင်းရောင်ဟို မရသောကျောန့် ခလုတ်တိုက်ယွေ့ လဲတတ်အယ်" ဟု မိန့်လေအယ်။ ယေရှုဟ ဟေလို့မိန့်ပင်းနောက် "ငါလို့ရဲ့ မိတ်ဆွေဖြစ်သော လာဇရုဟ အိပ်မွေ့လျက် နေအယ်၊ သူ့ဟို နိုးဖို့ ငါသွားမယ်" ဟု မိန့်အယ်။
ကိုယ်တော်ရဲ့ တဘဲ့တော်လို့ဟ "သခင်ဘုရား၊ သူဟ အိပ်မွေ့လျက်နေရင် ကျန်းမာလာလိမ့်မယ်" ဟု ဆှောက်ကြအယ်။
ယေရှုဟ လာဇရုသေကျောန်းဟို ရည်ရွယ်ပင်း မိန့်အယ်၊ အဲလိုလဲ ပုံမန် အိပ်မွေ့လျက် နေကျောန်းဟို ဆိုတာ ဟု ကိုယ်တော်ရဲ့ တဘဲ့တော်လို့ဟ ထင်ခဲ့အယ်။ အဲလိုမို့ ယေရှုဟ သူလို့အား "လာဇရုဟ သေပီ၊
Domínio sobre a natureza
Jesus acalmou a tempestade, andou sobre as águas e multiplicou pães. A natureza obedece à voz do seu Criador.
ယေရှု လေမုန်တိုင်းဟို ငြိမ်းစေခြင်း
ယေရှုဟ လှေပေါ်သို့ တက်ပင်း တဘဲ့တော်လို့ဟလည်း ကိုယ်တော်နဲ့အတူ လိုက်သွားကြအယ်။ အိန်ထဲတွင် ခုတုံး လေမုန်တိုင်းကျလာသဖြင့် လှေဟ လှိုင်းတံပိုးများထဲတွင် မြုပ်လုမြုပ်ခင် ဖြစ်လေအယ်။ အဲလိုလဲ ယေရှုဟ အိပ်မွေ့လျက် နေအယ်။ တဘဲ့တော်လို့ဟ ကိုယ်တော်ဆေဟို သွားပင်း နှိုးယွေ့ "သခင်ဘုရား၊ ငါလို့ဟို ကယ်မန့်၊ ငါလို့ သေဆုံးရကြတော့မယ်" ဟု ဆှောက်ကြအယ်။
ယေရှုဟ "ယုံကြည်မှု အားနည်းသူလို့၊ နင်လို့ ပစာကျောန့် ကြောက်လန့်နေလုန်း" ဟု မိန့်အယ်၊ အဲပင်းနောက် ကိုယ်တော်ဟ ထယွေ့ လေနဲ့ လှိုင်းများဟို ဆုံးမပင်း၊ လေနဲ့ လှိုင်းလို့ဟ ငြိမ်သက်သွားကြအယ်။
အေးသူလို့ဟ အံ့ဩယွေ့၊ "ဟေသူဟ မစာသို့သောသူဖြစ်သလော၊ လေနဲ့ လှိုင်းများပင်လျှင် သူဟို နာခံကြအယ်" ဟု ဆိုကြအယ်။
အဲညနေခင်းအချိန်နှိုက် တဘဲ့တော်လို့ဟ အထံတော်ဟို လာယွေ့ "ဟေအရပ်ဟ လူသူမဆိလဲ့ အရပ်ဖြစ်အယ်။ အချိန်လည်း ရမ်းဆာ့နောက်ကျပီ။ လူလို့အား ကျေးရွာများဟို သွားယွေ့ မိမိလို့အတွက် အစားအစာ ဝယ်ယူနိန်စေရန် စေလွှတ်ပါ" ဟု ဆှောက်ကြအယ်။
ယေရှုဟ "သူလို့သွားရန် မလို။ နင်လို့တတ်တိုင်း သူလို့အား စားစရာ ပေးကြလော့" ဟု မိန့်အယ်။
တဘဲ့တော်လို့ဟ "ငါလို့မှာ မုန့်ငါးလုံးနဲ့ ငါးနေကောင် ဆိအယ်" ဟု ဆှောက်ကြအယ်။
ယေရှုဟ "အေးမုန့်နဲ့ ငါးဟို ငါ့ဆေဟို ယူခဲ့ကြလော့" ဟု မိန့်အယ်။ ကိုယ်တော်ဟ လူအုပ်လို့ဟို မြက်ခင်းပေါ်တွင် ထိန်စေရန် အမိန့်ပေးနောက် မုန့်ငါးလုံးနဲ့ ငါးနေကောင်ဟို ယူယွေ့ ခေါန်းခင်ဟို မော်ကျေ့လျက် ဘုရားသခင်ရဲ့ ကျေးဇူးတော်ဟို ချီးမွန်းပင်း မုန့်များဟို ဖဲ့ယွေ့ တဘဲ့တော်လို့အား ပေးအယ်။ တဘဲ့တော်လို့ဟလည်း လူလို့အား ဝေပေးကြအယ်။ လူအပေါင်းလို့ဟ အဝစားကြအယ်။ အဲပင်းရင် တဘဲ့တော်လို့ဟ အကြွင်းအကျန်များဟိုပင် ကောက်သိမ်းကြရာ တဆယ့်နေတောင်း အပြေ့ရကြအယ်။ အမျိုးသမီးနဲ့ လူပဲ့များမှလွဲရင် မုန့်စားသူ ယောက်ျား ဦးရေမှာ ��,������ လောက် ဆိအယ်။
အရုဏ်ဦးအချိန်နှိုက် ယေရှုဟ ယေပေါ်မှာ စက်တော်ဖြန့်ယွေ့ တဘဲ့တော်လို့ ဆေဟို ကြွလာအယ်။
လူလေးထောင်ဟို ကျွေးမွေးခြင်း
ယေရှုဟ တဘဲ့တော်လို့အား အထံတော်ဟို ခေါ်ပင်းရင် "ဟေလူအပေါင်းဟို ငါသနားအယ်။ ပစာကို့ သူလို့ဟ ငါနဲ့အတူ သုံးရက်တိုင်တိုင် နေခဲ့ကြပင်း သူလို့မှာ ပစာမှ စားဖို့မဆိ။ သူလို့အား အစားအစာမကျွေးဘဲ နေအိုင်ဟို ငါ မပြန်စေလို၊ အေးလို့ပြန်ရင် သူလို့ဟ လမ်းတွင် အားပြတ်ကြလိမ့်မယ်" ဟု မိန့်အယ်။
တဘဲ့တော်လို့ဟ "ဟေမျှ များပြားလဲ့ လူအုပ်ကြီး စားလောက်အောန် အစားအစာများဟို ငါလို့ဟ ဟေတောကန္တာရတွင် စနားမှာ ရနိန်မလုန်း" ဟု ဆှောက်ကြအယ်။
ယေရှုဟ "နင်လို့တွင် မုန့်စလောက် ဆိလုန်း" ဟု မေးသော်၊
"မုန့်ခုနေလုံးနဲ့ ငါးကတစ် ဆိမန့်အယ်" ဟု ပြန်ဆှောက်ကြအယ်။
အဲလိုမို့ ယေရှုဟ လူအုပ်ဟို မြေပေါ်တွင် ထိန်ရန် အမိန့်ပေးအယ်။ အဲပင်းရင် ကိုယ်တော်ဟ မုန့်ခုနေလုံးနဲ့ ငါးဟို ယူယွေ့ ဘုရားသခင်ရဲ့ ကျေးဇူးတော်ဟို ချီးမွန်းအယ်။ မုန့်နဲ့ ငါးဟို ဖဲ့ယွေ့ တဘဲ့တော်လို့အား ပေးအယ်။ သူလို့ဟလည်း လူအုပ်လို့အား ပေးဝေအယ်။ သူလို့အားလုံးဟ ဝစွာ စားရကြအယ်။ အဲပင်းရင် တဘဲ့တော်များဟ စားကြွင်းစားကျန်များဟို တောင်း ခုနေတောင်းပြေ့ ကောက်သိမ်းကြရအယ်။ မုန့်စားသူ ဦးရေမှာ အမျိုးသမီးနဲ့ လူပဲ့များမှ လွဲရင် ယောက်ျား ��,������ ဆိအယ်။
ဗိမာန်တော် အခွန်ပေးဆောင်ခြင်း
ယေရှုနဲ့ တဘဲ့တော်လို့ဟ ကပေနောင်မြို့ဟို ရောက်ကြသောအခါ ဗိမာန်တော်ခွန်အတွက် ကောက်ခံသူများဟ လာပင်း ပေတရုအား "နင်ရဲ့ဆရာဟ ဗိမာန်တော်ခွန် ပေးဆောင်မန့်သလော" ဟု မေးမြန်းကြအယ်။
ပေတရုဟ "ပေးဆောင်အယ်" ဟု ဆိုအယ်။
နေအိုင်ထဲဟို ပေတရု ဝင်လာသောအခါ ယေရှုဟ ဦးရင်ဆုံးပြောတာဟ "ရှိမုန်၊ နင်မစာသို့ ထင်လုန်း။ လောကီဘုရင်လို့ဟ စသူ့ဆေမှ အခွန်များဟို ကောက်ခံကြလုန်း။ မိမိသားဆေမှလော၊ အခြားသူများဆေမှလော" ဟု မေးအယ်။
ပေတရုဟ "အခြားသူများဆေမှ ကောက်ခံအယ်" ဟုဆှောက်အယ်။
ယေရှုဟ "အဲသို့ဖြစ်ရင် အောင်နီငယ်ဟတော့ လွတ်ရအယ်။ အဲလိုလဲ သူလို့ စိတ်မနာသွားစေရန် နင်ဟ အိန်ဟို သွားပင်း ငါးမျှားလော့။ နင်ပထမ မိသော ငါးကို ယူပင်း ငါးစလောင်ဟို ဖွင့်လော့။ ငွေဒင်္ဂါးတပြားဟို တွေ့လိမ့်မယ်။ အဲငွေဟိုယူပင်း နင်နဲ့ ငါ့အတွက် အခွန်တော်ဟို သူလို့အား ပေးဆောင်လော့" ဟု မိန့်အယ်။
ယေရှုဟ သင်္ဘောသဖန်းပင်ဟို ကျိန်ခြင်း
ယေရှုဟ နက်စာစောစော မြို့သို့ပြန်လည်ကြွလာစဉ် မွတ်အယ်။ လမ်းတွင် သင်္ဘောသဖန်းပင် တပင်ဟို မျော်သဖြင့် အေးအပင်ဆိရာဟို သွားပေမဲ့ အပင်ပေါ်တွင် အရွက်များမှ လွဲယွေ့ စလိုအရာဟိုမျှ မတွေ့။ အဲလိုမို့ ကိုယ်တော်ဟ အေးအပင်အား "နင်ဟ နောင်ပစာအခါနှိုက် အသီးမသီးစေနဲ" ဟု မိန့်အယ်။ သင်္ဘောသဖန်းပင်ဟလည်း ခုတုံးပင် နွမ်းခြောက်သွားလေအယ်။
အေးအရာဟို တဘဲ့တော်လို့ မျော်ရင် အံ့ဩကြအယ်။ သူလို့ဟ "သင်္ဘောသဖန်းပင်သည် ပစာသို့ အမြန် နွမ်းခြောက်သွားသလုန်း" ဟု အချင်းချင်းမေးကြအယ်။
ယေရှုဟ "နင်လို့အား ငါ အမန်အကန် ပြောတာဟ နင်လို့ဟ သံသယကင်းသော ယုံကြည်ခြင်းဆိရင် သင်္ဘောသဖန်းပင်ဟို ငါလုပ်သလို လုပ်နိန်တာသာမက ဟေတောင်အား ‘ဟေနေရာမှ ရွေ့ပင်း ပင်လယ်ထဲဟို ကျလော’ ဟု ပြောရင် ပြောလဲ့အတိုင်း ဖြစ်လိမ့်မယ်။ နင်လို့ဟ ယုံကြည်ခြင်းဆိရင် ဆုတောင်းသမျှလို့ဟို ရဆိကြလိမ့်မယ်" ဟု မိန့်အယ်။
ရုတ်တရက် ပြင်းစွာသော လေတိုက်ခတ်သဖြင့်၊ လှိုင်းများဟ စတင်ပင်း လှေဟို ကျော်ယွေ့ လှေဟ ယေနဲ့ အပြေ့လောက် ဆိအယ်။ ယေရှုဟ လှေပဲ့ပိုင်းတွင် မှီအုံးတခုပေါ်မှာ အိပ်မွေ့လျက် နေလေအယ်။ တဘဲ့တော်လို့ဟ ကိုယ်တော်ဟို နှိုးကြပင်းရင် "ဆရာ၊ ငါလို့ သေတော့မဲ့အကျောန်းဟို ကိုယ်တော် ဂရုမစိုက်တော့ဝူးလော" ဟု မေးကြအယ်။
ယေရှုဟ ထယွေ့ လေဟို "တိတ်တိတ်နေလော့" လှိုင်းဟိုလည်း "ငြိမ်သက်လော့" ဟု အမိန့်အာဏာနဲ့ ပြောလေအယ်၊ လေဟ ငြိမ်သွားအယ်၊ လှိုင်းလည်း မထတော့ပေ။ အဲပင်းရင် ယေရှုဟ တဘဲ့တော်လို့အား "ပစာကျောန့် ဟေလောက်ထိ ကြောက်လန့်ကြလုန်း။ အခုတိုင်အောန် နင်လို့ဟ ငါ့အပေါ်နှိုက် ယုံကြည်ကိုးစားမှု ဆိကြသေးဝူးလော" ဟု မေးလေအယ်။
အဲအခါ သူလို့ဟ ရမ်းဆာ့ ကြောက်လန့်ကြအယ်။ "ဟေသူရာ့ စသူရီးလုန်း။ လေနဲ့ လှိုင်းများပင်လျှင် သူ့အမိန့်ဟို နားထောင်ကြအယ်" ဟု သူလို့ချင်း ပြောဆိုကြအယ်။
မိုးချုပ်စပြုသောအခါ၊ တဘဲ့တော်လို့ဟ ကိုယ်တော်ဆေဟို လာယွေ့ ပြောကြအယ်၊ "ဟေအရပ်ဟ လူသူမဆိလဲ့ အရပ်တခုဖြစ်ပင်း အချိန်လည်း နောက်ကျပါပီ။ သူလို့ဟ အနီးအနား ကျေးရွာများဟို သွားယွေ့ စားစရာတခုခုဟို ဝယ်နိန်ရန် လူလို့အား အဝေးဟို စေလွှတ်ပါ" ဟု ပြောအယ်။
ယေရှုဟ "နင်လို့တတ်တိုင်း သူလို့အား စားစရာ ပစာငြမ်းငြမ်း ပေးလော့" ဟု ပြန်ဖြေအယ်။
အဲအခါ တဘဲ့တော်လို့ဟ "ငါလို့ဟ ငွေဒင်္ဂါး ������ ဖိုးဖြင့် စားစရာဝယ်ယွေ့ သူလို့အား ကျွေးရမယ်လော" ဟု မေးကြအယ်။ ယေရှုဟ "နင်လို့နှိုက် မုန့်ပစာလောက် ဆိလုန်း၊ သွားယွေ့ ကျေ့ကြလော့" ဟု မေးလေအယ်။
သူလို့ဟ တွေ့ကြလဲ့အခါ "မုန့်ငါးလုံးနဲ့ ငါးနေကောင် ဆိပါအယ်" ဟု ပြန်ဖြေကြအယ်။ အဲပင်းရင် ယေရှုဟ လူအပေါင်းလို့ဟို မြက်ခင်း စိမ်းပေါ်တွင် အစုလိုက် ထိန်စေရန် သူလို့အား ညွှန်ကြားခဲ့အယ်။ လူလို့ဟ အစုလိုက် တရာစီ၊ ငါးဆယ်စီ အစုလိုက်ဖြင့် စီတန်း ထိန်ကြအယ်။ အဲပင်းရင် ကိုယ်တော်ဟ မုန့်ငါးလုံးနဲ့ ငါးနေကောင်ဟို ယူယွေ့ မိုးခေါန်းခင်ဟို မော်ကျေ့လျက် ဘုရားသခင်ရဲ့ ကျေးဇူးတော်ဟို ချီးမွန်းအယ်။ သူဟ မုန့်ဟို ဖဲ့ပင်း လူလို့အား ဝေပေးရန် တဘဲ့တော်လို့အား ပေးအယ်။ သူဟ ငါးနေကောင်ဟိုလည်း သူလို့အား ခွဲဝေပေးလေအယ်။ သူလို့အားလုံးဟ စားပင်း ကျေနပ်ခဲ့ကြအယ်၊ အဲပင်းရင် တဘဲ့တော်လို့ဟ မုန့်နဲ့ ငါးအကျိုးအပဲ့ဟို ကောက်သိမ်းရာ တဆယ့်နေတောင်း အပြေ့ရကြအယ်။ မုန့်စားသူ ယောက်ျားဦးရေမှာ ��,������ ဆိလေအယ်။
လေဆန်သောကျောန့် တဘဲ့တော်လို့ဟ တက်ခတ်ယွေ့ ပင်ပန်းကြတာဟို မျော်သောအခါ ကိုယ်တော်ဟ ယေပေါ်မှာ လမ်းဆှောက်ယွေ့ သူလို့ဆေဟို လာအယ်။ အချိန်ဟ မိုးမလင်းခင် ဖြစ်အယ်၊ ကိုယ်တော်ဟ သူလို့ အနီးမှ ဖြတ်ကျော်ယွေ့ သွားအယ်၊ သူလို့ဟ ယေပေါ်မှာ ကိုယ်တော် လမ်းဆှောက်နေတာဟို မျော်ကြအယ်။ သူလို့ဟ "ကဆေ" ဟု ထင်မှတ်ယွေ့ အော်ကကြအယ်။ သူလို့အားလုံးဟ ကိုယ်တော်ဟို မျော်သောအခါ ကြောက်လန့်နေကြအယ်။
အဲအခါ ကိုယ်တော်ဟ "အားမငယ်ကြနဲ့၊ ငါရီးဝဲ့၊ မကြောက်ကြနဲ့" ဟု သူလို့အား ပြောလေအယ်။ အဲပင်းရင် သူလို့ဆိရာ လှေပေါ်ဟို ကိုယ်တော်ဟ တက်လျှင် လေဟ ငြိမ်သပ်သွားအယ်။ သူလို့ဟ ရမ်းဆာ့ အံ့ဩကြကုန်အယ်။
ယေရှုဟ လူ , ဟို ကျွေးမွေးခြင်း
သိပ်မကြာခင် တခြား လူအုပ်ကြီး စုဆုံလာကြအယ်။ လူလို့နှိုက် စားဖို့ မကျန်သောအခါ၊ ယေရှုဟ တဘဲ့တော်လို့ဟို သူဆေဟို ခေါ်ယွေ့၊ "ဟေလူတွေအတွက် ငါ သနားအယ်၊ ပစာကို့ သူလို့ဟ သုံးရက်လုံးလုံး ငါနဲ့တူတူ ဆိကြပီမို့ အခု သူလို့မှာ စားစရာမဆိ။ တချို့သော သူများဟ အဝေးမှ လာကြသောကျောန့်၊ သူလို့ဟို မကျွေးမွေးဘဲ ငါဟ နေအိုင်ဟို ပြန်လွှတ်ရင်၊ သူလို့ဟ လမ်းနှိုက် မူးမေ့သွားလိမ့်မယ်" ဟု မိန့်အယ်။
သူရဲ့ တဘဲ့တော်လို့ဟ "ဟေလူသူကင်းမဲ့သော နေရာမှာ စသူကမှ အေးလူအားလုံးဟို ကျွေးဖို့ လုံလောက်တဲ့ အစားအစာဟို စသူဆှာနိန်လုန်း" ဟု သူ့ဟို မေးကြအယ်။
ယေရှုဟ "နင်မှာ မုန့်စလောက် ဆိလုန်း" ဟု မေးလေအယ်။
သူလို့ဟ "မုန့်ခုနေလုံး ဆိပါအယ်" ဟု ဖြေကြအယ်။
ကိုယ်တော်ဟ လူအပေါင်းလို့ဟို မြေပေါ်တွင် ထိန်စေရန် အမိန့်ပေးအယ်။ အဲပင်းရင် မုန့်ခုနေလုံးဟို ယူပင်း၊ ဘုရားသခင်ရဲ့ ကျေးဇူးတော်ဟို ချီးမွန်းယွေ့၊ မုန့်ဟိုဖဲ့ကာ လူအုပ်လို့အား ဝေပေးရန် သူရဲ့ တဘဲ့တော်လို့ဟို ပေးအယ်၊ အဲပင်း တဘဲ့တော်လို့ဟလည်း လူအုပ်အား ဝေပေးကြအယ်။ သူလို့နှိုက် ငါးကတစ်လည်း ဆိအယ်။ ယေရှုဟ အဲအတွက် ကျေးဇူးတော်ဟို ချီးမွန်းယွေ့ သူလို့အား ဝေပေးရန် တဘဲ့တော်လို့ဟို ပြောအယ်။ လူတိုင်းဟ လုံလောက်စွာ စားရပင်း အဲမှာ လူ ��,������ လောက် ဆိလေအယ်။ အဲပင်းရင် တဘဲ့တော်လို့ဟ ကျန်တာဟို ကောက်သိမ်းယွေ့ ခုနေတောင်း အကျိုးအပဲ့များ အပြေ့ရကြအယ်။ ယေရှုဟ လူလို့ဟို အဝေးဟို ထွက်ခွာစေပင်း၊
ယေရှုဟ သင်္ဘောသဖန်းပင်ဟို ကျိန်ခြင်း
နောက်တနေ့နှိုက်၊ သူလို့ဟ ဗေသနိရွာမှ ပြန်လာကြစဉ်၊ ယေရှုဟ မွတ်လေအယ်။ ကိုယ်တော်ဟို အဝေးဟ အရွက်တွေနဲ့ အုပ်ထားလျက် သင်္ဘောသဖန်းပင်ဟို မျော်အယ်၊ အေးကျောန့် ကိုယ်တော်ဟ အသီးတွေ့လိုတွေ့နိုး အပင်နားသို့ သွားကျေ့လေအယ်။ အဲလိုလဲ အေးအပင်နားဟို ကိုယ်တော်လာသောအခါ၊ သဖန်းသီးပေါ်ချိန် မဟုတ်သောကျောန့် ကိုယ်တော်ဟ အရွက်များဟိုသာ မျော်ရအယ်။ ယေရှုဟ သင်္ဘောသဖန်းပင်အား "နင့်ဆေဟ သင်္ဘောသဖန်းသီးဟို စသူမှ နောက်တခါ မစားရဘူး" ဟု မိန့်လေအယ်။
ပင်းတော့ တဘဲ့တော်လို့ဟလည်း ကြားကြအယ်။
သင်္ဘောသဖန်းပင်မှ သင်ခန်းစာ
နောက်တနေ့ နက်စာစောစောအချိန်နှိုက် သူလို့ဟ လမ်းတလျှောက် လမ်းဆှောက်သွားကြစဉ်၊ သင်္ဘောသဖန်းပင်ဟို မျော်လေအယ်။ အဲအပင်ဟ အမြစ်မှစယွေ့ တပင်လုံး ညှိုးနွမ်းလျက်နေအယ်။ ပေတရုဟ ဖြစ်ပျက်ခဲ့တာတွေဟို သတိရပင်း "ကျေ့မန့်၊ ဆရာ၊ နင်ကျိန်ဆိုခဲ့သော သင်္ဘောသဖန်းပင်ဟ သေဆုံးသွားပီ" ဟု ယေရှုအား ပြောလေအယ်။
ယေရှုဟ "ဘုရားသခင်ဟို ယုံကြည်ခြင်း ဆိလော့" ဟု သူလို့အား ပြန်ပြောလေအယ်။ "အမန်အကန် နင်လို့အား ငါဆိုတာဟ စသူမဆို ဟေတောင်အား ‘ရွေ့သွားယွေ့၊ ပင်လယ်ထဲဟို ဆင်းဝါးလော့’ ဟု ဆိုလျက် သူလို့ စိတ်နေလုံးအတွင်းတွင် ယုံမားခြင်းမဆိဘဲ သူလို့ ပြောဆိုလဲ့အတိုင်းဖြစ်မယ်ဟု ယုံကြည်ရင်၊ အဲသူလို့ပြောလဲ့အတိုင်း ဖြစ်လိမ့်မယ်။ ဟေအကျောန်းကျောန့် နင်လို့အား ငါဆိုတာဟ၊ နင်ဆုတောင်းသောအခါ တောင်းဆှောက်သမျှဟို ရဆိလိမ့်မယ်ဟု ယုံကြည်ကြလော့၊ နင်လို့ တောင်းသမျှဟို ပေးလိမ့်မယ်။ နင်လို့ဟ ရပ်လျက် ဆုတောင်းသောအခါ၊ တစုံတယောက်အပေါ် အပစ်တင်စရာ ဆိရင်၊ သူလို့ဟို ခွင့်လွှတ်မန့်၊ အေးလို့မှသာ ခေါန်းခင်ဘုံနှိုက် ဆိသော နင်လို့ အဖဟ နင်လို့ရဲ့ အပစ်များဟို ဖြေလွှတ်ပေးလိမ့်မယ်။"
ယေရှုဟ ပထဦးဆုံး တဘဲ့တော်များဟို ခေါ်ခြင်း
တနေ့တွင် ယေရှုဟ ဂင်နေသရက် အိန်နားမှာ ရပ်နေစဉ် လူများဟ ဘုရားသခင်ရဲ့ နှုတ်ကပတ်တော်ဟို နားထောင်ရန် ကိုယ်တော်ရဲ့ အနီးဟို တိုးလာကြအယ်။ သူဟ ကမ်းခြေနားမှာ ဆိုက်ထားသော လှေနေစီးဟို မျော်အယ်၊ တံငါသည်လို့ဟ လှေပေါ်မှာ ထားခဲ့ပင်း မိမိလို့ရဲ့ ပိုက်ကွန်များဟို ဆေးနေကြအယ်။ ယေရှုဟ ရှိမုန် ပိုင်ဆိုင်သော လှေဆေဟို သွားပင်း၊ ကမ်းမှ နည်းနည်းခွာဖို့ ပြောအယ်၊ အေးနောက် ကိုယ်တော်ဟ လှေပေါ်မှာ ထိန်ပင်း လူအုပ်လို့အား သွန်သင်အယ်။
စကားပြောပင်းသောအခါ "လှေဟို ယေနက်ရာဟို ရွေ့အုံးမန့်၊ ငါးမိစေဖို့ နင်နဲ့ နင်ရဲ့ လုပ်ဖော်ကိုင်ဖက်လို့ရဲ့ ပိုက်ကွန်ဟို ချလော့" ဟု ရှိမုန်အား ပြောအယ်။
ရှိမုန်ဟ "သခင်၊ ငါလို့ဟ တညလုံး ကြိုးစားပင်း ဖမ်းခဲ့ပေမဲ့ တကောင်မှ မရမန့်၊ အဲလိုလဲ ကိုယ်တော် ပြောသောကျောန့် ငါ ပိုက်ကွန်ဟို ချမန့်မယ်" ဟု ပြန်ပြောအယ်။ သူလို့ဟ လောချယွေ့ ရမ်းဆာ့သော ငါးလို့ဟို အုပ်မိသဖြင့် ပိုက်ကွန်ဟ ပြဲခါနီး ဆိအယ်။ အခြား လှေတစင်းမှာ ဆိသော သူလုပ်ဖော်ကိုင်ဖက်လို့ဟို လာကူညီပေးဖို့ သူလို့ဟို အချက်ပြလေအယ်။ အေးသူလို့ဟ လာယွေ့ လှေနေစင်းလုံး ငါးနဲ့ ပြေ့သဖြင့် နစ်ခါနီးနီး ဆိကြအယ်။ ရှိမုန် ပေတရုဟ ဖြစ်ပျက်ခဲ့လဲ့အရာဟို မျော်သောအခါ ယေရှု ဆေ့မှာ ဒူးထောက်ပျပ်ဝပ်လျက် "သခင်၊ ငါဟ အပစ်သား ဖြစ်အယ်၊ ငါဆေမှ ထွက်သွားမန့်" ဟု ပြန်ပြောအယ်။
သူနဲ့ တခြားသူများအားလုံး သူလို့ ဖမ်းမိလိုက်သော ရမ်းဆာ့များသော ငါးလို့ဟို ကျေ့ပင်း အံ့ဩကြအယ်။ ရှိမုန်ရဲ့ လုပ်ဖော်ကိုင်ဖက်ဖြစ်သော ဇေဗေဒဲရဲ့ သား ယာကုပ်နဲ့ ယောဟန်လို့လည်း အဲတိုင်းတိုင်း အံ့ဩကြအယ်။ ယေရှုဟ "မကြောက်ကြနဲ့၊ အခုမှစပင်း နင်လို့ဟ လူဟို ဖမ်းမိသောသူ ဖြစ်လိမ့်မယ်" ဟု ရှိမုန်အား ပြောအယ်။
သူလို့ဟ လှေဟို ကမ်းပေါ် ဆွဲတင်ပင်း ဆိသမျှအားလုံးဟို ထားပင်း ယေရှု နောက်လိုက်ကြအယ်။
ယေရှုဟ လေမုန်တိုင်းဟို ငြိမ်းစေခြင်း
တနေ့မှာ ယေရှုဟ တဘဲ့တော်လို့နဲ့အတူ လှေထဲဟို ဝင်ပင်း သူလို့ဟို "အိန်တဖက်ကမ်းဟို ကူးကြမယ်" ဟု ပြောအယ်။ အဲကျောန့် သူလို့ဟ စပင်း သွားကြအယ်။ သူလို့ ရွက်လွင့်နေခါ ယေရှုဟ အိပ်မွေ့နေအယ်။ ခုတုံးပင် အိန်မှာ ပြင်းထန်လဲ့ မုန်တိုင်း တိုက်သဖြင့် လှေဟ ယေနဲ့ ပြေ့သောကျောန့် သူလို့ဟ ကြီးလဲ့ အန္တရာယ်ရောက်အယ်။ တဘဲ့တော်လို့ဟ ယေရှုဆေဟို သွားယွေ့ သူ့ဟို နိုးပင်း "သခင်၊ သခင်၊ ငါလို့ သေတော့မယ်" ဟု ပြောကြအယ်။
ကိုယ်တော်ဟ ထယွေ့ လေနဲ့ လှိုင်းလို့ဟို ဆုံးမသဖြင့် ၎င်းလို့ဟ ရပ်တန့်ကြပင်း ငြိမ်သက်သွားလေအယ်။ ယေရှုဟ သူ့ရဲ့ တဘဲ့တော်လို့ဟို "နင်လို့ရဲ့ ယုံကြည်ခြင်းဟ ပစာမှာ ဆိလုန်း" လို့ မေးအယ်။
အဲလိုလဲ သူလို့ဟ ကြောက်ပင်း အံ့ဩယွေ့ "ဟေသူဟ စသူလုန်း၊ သူဟ လေနဲ့ လှိုင်းဟို အမိန့်ပေးယွေ့ သူလို့ဟ နားထောင်ကြအယ်" ဟု တယောက်နဲ့တယောက် ပြောဆိုကြအယ်။
ယေရှုဟ လေမုန်တိုင်းဟို ငြိမ်းစေခြင်း
တနေ့မှာ ယေရှုဟ တဘဲ့တော်လို့နဲ့အတူ လှေထဲဟို ဝင်ပင်း သူလို့ဟို "အိန်တဖက်ကမ်းဟို ကူးကြမယ်" ဟု ပြောအယ်။ အဲကျောန့် သူလို့ဟ စပင်း သွားကြအယ်။ သူလို့ ရွက်လွင့်နေခါ ယေရှုဟ အိပ်မွေ့နေအယ်။ ခုတုံးပင် အိန်မှာ ပြင်းထန်လဲ့ မုန်တိုင်း တိုက်သဖြင့် လှေဟ ယေနဲ့ ပြေ့သောကျောန့် သူလို့ဟ ကြီးလဲ့ အန္တရာယ်ရောက်အယ်။ တဘဲ့တော်လို့ဟ ယေရှုဆေဟို သွားယွေ့ သူ့ဟို နိုးပင်း "သခင်၊ သခင်၊ ငါလို့ သေတော့မယ်" ဟု ပြောကြအယ်။
ကိုယ်တော်ဟ ထယွေ့ လေနဲ့ လှိုင်းလို့ဟို ဆုံးမသဖြင့် ၎င်းလို့ဟ ရပ်တန့်ကြပင်း ငြိမ်သက်သွားလေအယ်။ ယေရှုဟ သူ့ရဲ့ တဘဲ့တော်လို့ဟို "နင်လို့ရဲ့ ယုံကြည်ခြင်းဟ ပစာမှာ ဆိလုန်း" လို့ မေးအယ်။
အဲလိုလဲ သူလို့ဟ ကြောက်ပင်း အံ့ဩယွေ့ "ဟေသူဟ စသူလုန်း၊ သူဟ လေနဲ့ လှိုင်းဟို အမိန့်ပေးယွေ့ သူလို့ဟ နားထောင်ကြအယ်" ဟု တယောက်နဲ့တယောက် ပြောဆိုကြအယ်။
ယေရှုဟ နတ်ဆိုးစွဲသောသူဟို ကျန်းမာစေခြင်း
ယေရှုနဲ့ တဘဲ့တော်များဟ ဂါရစပြေဟို ဆက်ပင်း ရွက်လွင့်ကြအယ်၊ ဂါရစပြေဟ ဂါလိလဲပြေရဲ့ အိန်တဖက်ကမ်းတွင် ဆိအယ်။
ညနေစောင်းသောအခါ တဘဲ့တော် တဆယ့်နေပါးလို့ဟ ယေရှုဆေဟို လာပင်း "လူလို့ဟို စေလွှတ်ပင်း ပတ်ဝန်းကျင်ရွာများဟို သွားပင်း နေစရာနဲ့ စားစရာများဟို ဆာစေပါ၊ ပစာကို့ ဟေအရပ်ဟ အထီးကျန်လဲ့ အရပ်ဖြစ်သောကျောန့် ဖြစ်အယ်" ဟု ပြောပြအယ်။
အဲလိုလဲ ယေရှုဟ သူလို့ဟို "နင်လို့တတ်တိုင်း သူလို့ဟို စားစရာတခုခုဟိုပေးပါ" လို့ ပြောအယ်။
သူလို့ဟ "ငါ့လို့မှာ မုန့်ငါးလုံးနဲ့ ငါးနေကောင်ပဲ ဆိအယ်၊ ငါလို့ဟ ဟေလူအုပ်အားလုံးအတွက် အစားအစာဟို သွားဝယ်စေချင်သလော" ဟု ပြန်ပြောကြအယ်။ (အေးမှာ ယောက်ျားအရေအတွက် ��,������ ဆိအယ်)
ယေရှုဟ တဘဲ့တော်လို့အား "အေးသူလို့ဟို အယောက်ငါးဆယ် တစုစီ ထိန်ခိုင်းကြလော့" ဟု မိန့်အယ်။
တဘဲ့တော်လို့ဟလည်း ပြောလဲ့အတိုင်း လုပ်ကြအယ်။ ယေရှုဟ မုန့်ငါးလုံးနဲ့ ငါးနေကောင်ဟို ယူပင်း ခေါန်းခင်ဟို မော့ကျေ့ယွေ့ သူလို့အတွက် ဘုရားသခင်ဟို ချီးမွန်းပင်း မုန့်ဟို ဖဲ့ယွေ့ လူလို့အား ဝေပေးဖို့ တဘဲ့တော်လို့ဟို ပေးအယ်။ သူလို့အားလုံးဟ လုံလုံလောက်လောက် စားရပင်း၊ သူလို့ရဲ့ အကျန်များဟို တဘဲ့တော်လို့ဟ ကောက်သိမ်းရာ ဆယ့်နေတောင်း ရကြအယ်။
ကာနမြို့ မင်္ဂလာဆောင်ပွဲ
နောက်နေရက်ပင်းနောက် ဂါလိလဲပြေ ကာနမြို့မှာ မင်္ဂလာဆောင်ပွဲ ကျင်းပအယ်။ အဲနေရာဟို ယေရှုရဲ့ အမေ့ လာရောက်အယ်၊ ယေရှုနဲ့ သူ့ရဲ့ တဘဲ့တော်လို့လည်း အေးပွဲသို့ ဖိတ်ခြင်းဟို ခံရအယ်။ စပျစ်ယေ ကုန်သွားသောအခါ ယေရှုရဲ့ အမေ့ဟ "အေးသူလို့မှာ စပျစ်ယေ မဆိတော့ဝူး" လို့ ယေရှုအား ပြောကြားအယ်။
ယေရှုဟ "ငါ ပစာ လုပ်ရမယ်ဆိုတာဟို နင်ပြောဖို့ မလိုဝူး၊ ငါ့အချိန် မရောက်သေးဝူး" လို့ ပြန်ပြောအယ်။
အဲအခါ ယေရှုရဲ့ အမေ့ဟ အစေခံလို့အား "သူစေခိုင်းလဲ့အတိုင်း လုပ်ဆောင်ကြလော့" ဟု ဆိုအယ်။
ယုဒအမျိုးသားလို့ရဲ့ ထုံးတမ်းစဉ်လာစလေ့အရ သန့်စင်မှုဟို ပြုရန် ရည်ရွယ်ချက်ဖြင့် ကျောက်အိုးကြီး ခြောက်လုံးဟို ထားအယ်၊ အဲယေအိုးတလုံးစီဟ ဂါလံနေဆယ်နဲ့ သုံးဆယ်ခန့်လောက် ဆန့်အယ်။ ယေရှုဟ "အေးအိုးများတွင် ယေအပြေ့ ထည့်ကြလော့" လို့ အစေခံလို့အား မိန့်အယ်။ သူလို့ဟ အိုးအဝထိ ယေပြေ့အောန် ထည့်ကြအယ်၊ အဲပင်းရင် ကိုယ်တော်ဟ "အေးအိုးများမှ အခု ယေ ကတစ်ဟို ခပ်ယွေ့ ပွဲအုပ်ဆေ ယူသွားကြလော့" ဟု သူလို့အား မိန့်အယ်။ သူလို့ဟ ပွဲအုပ်ဆေဟို ယေ ယူသွားအယ်၊ ပွဲအုပ်ဟ စပျစ်ယေအဖြစ် ပြောင်းလဲလာသောယေဟို မြည်းကျေ့အယ်။ အစေခံလို့ဟ စပျစ်ယေဟို ပစာမှ ရဆိကျောန်းဟို သိကြသော်လည်း ပွဲအုပ်မှာ မသိ၊ အဲလိုလဲ ပွဲအုပ်ဟ မင်္ဂလာဆောင်သတို့သားဟို ခေါ်ပင်းရင်၊ "လူတိုင်းဟို စပျစ်ယေကောင်းနဲ့ အဦးဆုံး ဧည့်ခံတတ်အယ်၊ ဧည့်သည်လို့ ရမ်းဆာ့ မူးပင်းနောက် စပျစ်ယေအညံ့ဟို ထည့်ပေးလေ့ ဆိအယ်။ အဲလိုလဲ နင်ဟ စပျစ်ယေကောင်းဟို အခုထိ သိမ်းထားပီ" ဟု ဆိုအယ်။
ယေရှုဟ ဟေဦးရင်ဆုံးသော နိမိတ်လက္ခဏာဟို ဂါလိလဲပြေ ကာနမြို့တွင် ပြုလျက် ကိုယ်တော်ဟ မိမိရဲ့ ဘုန်းအသရေဟို ထင်ဆှားစေအယ်၊ သူ့ရဲ့ တဘဲ့တော်လို့ဟ ကိုယ်တော်ဟို ယုံကြည်ကြအယ်။
ဟေလိုမေးခြင်းမှာ ဖိလိပ္ပုဟို စမ်းသပ်လိုယွေ့ ဖြစ်အယ်၊ အမန်တကယ် ကိုယ်တော်ဟ သူပစာလုပ်မယ်ဆိုတာ သိဆိပင်း ဖြစ်အယ်။
ဖိလိပ္ပုဟ "လူတိုင်းအတွက် ကတစ်စီကျွေးရန် ငွေဒင်္ဂါး ������ ဖိုးနဲ့ ဝယ်ရင်တောင်မှ မုန့်လုံလောက်မယ် မဟုတ်ပါ" ဟု ပြန်ဖြေအယ်။
ရှိမုန် ပေတရုရဲ့ ညီ အိန္ဒြေ နာမယ်ဆိသော သူ့ရဲ့ တဘဲ့တော်တယောက်ဟ၊ "ဟေနေရာတွင် မုယောမုန့်ငါးလုံးနဲ့ ငါးနေကောင်ပါသော လပဲ့သူငယ်တယောက် ဆိပါအယ်။ အဲလိုလဲ ဟေလောက်များသော လူလို့အား လောက်အောန် ကျွေးနိန်မယ် မဟုတ်ပါ" ဟု ဆှောက်အယ်။
ယေရှုဟ "လူလို့အား ထိန်စေကြလော့" ဟု မိန့်အယ်။ အဲအရပ်တွင် မြက်ထူထပ်လျက် ဆိအယ်။ ��,������ ခန့်လောက်ဆိလဲ့ ယောက်ျားလို့ဟ မြက်ခင်းပေါ်တွင် ထိန်ကြအယ်။ အဲပင်းရင် ယေရှုဟ မုန့်ဟိုယူယွေ့ ဘုရားသခင်အား ကျေးဇူးတော်ဟို ချီးမွမ်းပင်း ထိန်နေသော သူလို့အား ဝေငှပေးအယ်။ သူဟ ငါးဟိုလည်း အဲတိုင်းတိုင်းပြုပင်း လူလို့ဟ သူလို့ အလိုဆိလဲ့အတိုင်း ရကြအယ်။ အဲသူလို့ဟ ဝစွာ စားကြပင်းသောအခါ ကိုယ်တော်ဟ "စားပင်းသော မုန့်အပိုင်းအစများဟို အလေလွင့်မဖြစ်ရအောန် သိမ်းကြလော့" ဟု တဘဲ့တော်လို့အား မိန့်အယ်။ အဲလိုမို့ တဘဲ့တော်လို့ဟ ကောက်သိမ်းကြရာ လူလို့စားခဲ့သော မုယောငါးလုံးမှ စားပင်းသော အပိုင်းအစများဟို တောင်းတဆယ့်နေတောင်း အပြေ့ရကြအယ်။
တဘဲ့တော်လို့ဟ သုံးလေးမိုင်ခန့် လှော်ခတ်ပင်းသောအခါ ယေရှု ယေပေါ်မှာ လမ်းဆှောက်ယွေ့ မိမိလို့ လှေအနီးသို့ ကြွလာတာဟို မျော်ကြအယ်၊ အေးအခါ သူလို့ဟ ကြောက်ရွံ့ကြအယ်။ ယေရှုဟ "မကြောက်ကြနဲ့၊ ငါပင် ဖြစ်အယ်" ဟု မိန့်အယ်။ အဲအခါ သူလို့ဟ လိုလိုလားလားပင် လှေပေါ်ဟို ခေါ်ဖိတ်ကြအယ်၊ လှေဟ သူလို့သွားရန် ရည်ရွယ်ထားသော ကမ်းခြေသို့ ခုတုံး ရောက်ကြအယ်။
တဘဲ့တော်ခုနေဦးဆေဟို ယေရှု ပေါ်လာခြင်း
အဲပင်းနောက် ယေရှုဟ တိဗေရိအိန်အနီးတွင် တဘဲ့တော်လို့အား တဖန် ကိုယ်ထင်ပြလေအယ်။ အဲသို့သော ဖြစ်ပျက်လဲ့အရာမှာ ရှိမုန် ပေတရု၊ အမြွှာပူးဟု ခေါ်သော သောမ၊ ဂါလိလဲပြေ ကာနမြို့သား နာသနေလ၊ ဇေဗေဒဲရဲ့ သားများနဲ့ အခြား တဘဲ့တော်နေယောက်လို့ဟ အတူဆိနေကြအယ်။ ရှိမုန် ပေတရုဟ အခြားသူလို့အား "ငါ ငါးဖမ်းထွက်မယ်" ဟု ဆိုအယ်။
အဲသူလို့ဟ သူ့အား "ငါလို့လည်း လိုက်မယ်" ဟု ဆိုအယ်။ အဲလိုမို့ သူလို့ဟ ထွက်သွားယွေ့ လှေပေါ်ဟို တက်ကြအယ်၊ အဲလိုလဲ အေးညနှိုက် ငါးတကောင်မျှ မမိကြ။ မနက်စောစောနှိုက် ယေရှုဟ ကမ်းနားမှာ ရပ်လျက်နေအယ်၊ အဲလိုလဲ ယေရှုဖြစ်ကျောန်းဟို တဘဲ့တော်လို့ဟ မသိကြ။ အဲအခါ ယေရှုဟ သူလို့အား "လူပဲ့လို့၊ နင်လို့ ငါးမိကြသလော" ဟု မေးအယ်။
သူလို့ဟ "မမိပါ" ဟု ပြန်ဖြေအယ်။
ကိုယ်တော်ဟ သူလို့အား "လှေရဲ့ ညာဖက်သို့ ပိုက်ကွန်ဟို လောလော့၊ အဲသို့ပြုရင် နင်လို့ ရကြလိမ့်မယ်" ဟု မိန့်အယ်။ အဲလိုမို့ သူလို့ဟ ပိုက်ကွန်ဟို လောယွေ့ ရမ်းဆာ့များသော ငါးလို့ဟို အုပ်မိသောကျောန့် ပိုက်ကွန်ဟို ဆွဲယွေ့ မရနိန်။
အဲအခါ ယေရှုချစ်သော တဘဲ့တော်ဟ ပေတရုအား ငါလို့ရဲ့ "သခင်ဘုရား ဖြစ်အယ်" ဟု ပြောအယ်။ ရှိမုန် ပေတရု သခင်ဘုရားဖြစ်ကျောန်း ကြားသောအခါ၊ မိမိချွတ်ထားလဲ့ အပေါ်ဝတ်ဟို ခါးတွင် ပတ်ယွေ့ အိန်ထဲဟို ခုန်ဆင်းလေအယ်။ အခြားတဘဲ့တော်လို့ ကမ်းနဲ့ မနီးမဝေး ကိုက်တရာခန့်သာ ကွာယွေ့ ငါးနဲ့ပြေ့နေသော ပိုက်ကွန်ဟို ဆွဲလျက် လှေဖြင့် လာကြအယ်။ သူလို့ဟ လှေပေါ်ဟ ဆင်းယွေ့ ကုန်းပေါ်သို့ ရောက်သောအခါ မီးခဲပုံဟိုလည်းကောင်း၊ ကင်ထားသောငါးနဲ့ မုန့်ဟိုလည်းကောင်း မျော်ကြအယ်။ ယေရှုဟ သူလို့အား "အခု ဖမ်းမိသော ငါးကတစ်ဟို ယူခဲ့ကြလော့" ဟု မိန့်အယ်။
ရှိမုန် ပေတရုဟ လှေပေါ်ဟို တက်ယွေ့ ငါးကြီး ������ ကောင်နဲ့ ပြေ့လျက်ဆိသော ပိုက်ကွန်ဟို ကုန်းသို့ ဆွဲတင်လေအယ်၊ ဟေမျှလောက်များသော်လည်း ပိုက်ကွန်ဟ မစုတ်မပြဲ ဆိအယ်။
Libertações
Jesus expulsou demônios com autoridade. Os espíritos impuros não resistiam à sua palavra e saíam imediatamente.
ရောမတပ်မှူးရဲ့ ယုံကြည်ခြင်း
ကပေနောင်မြို့ဟို ယေရှု ဝင်သောအခါ ရောမ တပ်မှူးတယောက်ဟ ကိုယ်တော်နဲ့ တွေ့ဆုံပင်း သူ့ဟို ကူညီဖို့ တောင်းပန်ပင်း "ဆရာ၊ ငါ့ရဲ့ အစေခံတယောက်ဟ ရမ်းဆာ့ဝေဒနာ ခံစားပင်း မရွေ့နိန်ဘဲ နေအိုင်ရဲ့ အိပ်ယာထဲမှာ လဲယွေ့ နေအယ်" ဟု ဆှောက်အယ်။ ယေရှုဟလည်း "ငါ လာယွေ့ သူ့ဟို ကျန်းမာစေမယ်" ဟု မိန့်အယ်။
တပ်မှူးဟ "ဆရာ၊ ငါ့ရဲ့ အိုင်မိုးအောက်ဟို ကိုယ်တော် ဝင်လာဖို့ မထိုက်တန်ပါ။ အမိန့်တော်ဟိုသာ ပေးပါ၊ အားပင်း ငါ့ရဲ့ အစေခံဟ ကျန်းမာစေလိမ့်မယ်။ အကျောန်းမှာ ငါ့တတ်တိုင်းဟလည်း အထက်အာဏာအောက်နှိုက် ဆိသောသူတယောက် ဖြစ်ပင်း၊ ငါ့ရဲ့ လက်အောက်တွင် စစ်သားများ ဆိအယ်။ ဟေတယောက်ဟို ‘သွားမန့်’ ဟု ငါပြောရင် သူဟ သွားယွေ့၊ အခြားတယောက်ဟို ‘လာမန့်’ ဟု ပြောရင် သူဟ လာအယ်။ ငါ့ရဲ့ အစေခံအား ‘ဟေအရာဟို လုပ်ပါ’ ဟု ပြောရင် သူဟ လုပ်အယ်" ဟု ဆှောက်အယ်။
ဟေစကားဟို ယေရှု ကြားသောခါ၊ အံ့ဩယွေ့ နောက်ဟို လိုက်လာကြသော သူလို့အား "ငါ နင်လို့ဟို အမန်ပြောတာဟ၊ ဟေမျှလောက် ကြီးမားသော ယုံကြည်ခြင်းဆိသောသူ တစုံတယောက်ဟိုမျှ ဣသရေလအမျိုးထဲနှိုက် ငါ မတွေ့ဖူးသေး။ နင်လို့အား အမန်အကန် ငါပြောတာဟ ရမ်းဆာ့သောလူလို့ဟ အဆေ့အရပ်နဲ့ အနောက်အရပ်မှ လာယွေ့ ခေါန်းခင်နိုင်ငံတော်တွင် အာဗြဟံ၊ ဣဇက်၊ ယာကုပ်လို့နဲ့အတူ ထိန်ပင်း စားသောက်ကြလိမ့်မယ်။ အဲလိုလဲ နိုင်ငံတော်သား ဖြစ်သင့်သောသူလို့မူကား အပြင်မိုက်ထဲဟို လောထုတ်ခြင်းဟို ခံရကြလိမ့်မယ်၊ အဲအရပ်တွင် သူလို့ဟ ငိုကြွေးမြည်တမ်းယွေ့ အံသွားခဲကြိတ်လျက် နေကြလိမ့်မယ်" ဟု မိန့်အယ်။ အဲပင်းရင် ယေရှုဟ တပ်မှူးအား "နေအိုင်ဟို သွားလော့၊ နင်ယုံကြည်လဲ့အတိုင်း ဖြစ်လိမ့်မယ်" ဟု မိန့်အယ်။
အားပင်း အေးအချိန်နှိုက်ပင် တပ်မှူးရဲ့ အစေခံဟ ရောဂါပျောက်လေအယ်။
ယေရှုဟ နတ်ဆိုးစွဲသော လူနေယောက်ဟို ကျန်းမာစေခြင်း
ယေရှုဟ အိန်တဖက်ကမ်းဆိ ဂါဒရနယ်ဟို ရောက်လာသောအခါ၊ နတ်ဆိုးစွဲသူ လူနေယောက်ဟ လုတ်တိုင်းဂူများ အကြားမှ ထွက်လာပင်း ကိုယ်တော်နဲ့ တွေ့ဆုံကြအယ်။ အဲသူလို့ဟ ရမ်းဆာ့ ဆိုးသွမ်းသဖြင့် စသူမျှ အဲလမ်းဟို မဖြတ်သွားနိန်ကြ။ "ဘုရားသခင်ရဲ့ သားတော်၊ ကိုယ်တော်ဟ မစာသို့ ဆိုင်သလုန်း၊ အချိန်မကျခင် ငါလို့ဟို ညှဉ်းဆဲခြင်းရန် ကြွလာသလော" ဟု ဟစ်အော်ယွေ့ ဆှောက်ကြအယ်။
အဲသူလို့နဲ့ ကတစ်မျှဝေးသော နေရာတွင် ဝက်အုပ်ကြီးတအုပ်ဟ အစာစားလျက် ဆိအယ်။ နတ်ဆိုးလို့လည်း ယေရှုအား "ငါလို့ဟို မောင်းထုတ်ရင်၊ အဲဝက်အစုထဲဟို ဝင် အခွင့်ပေးပါ" ဟု တောင်းပန်ကြအယ်။
ယေရှုဟ သူလို့အား "သွားကြလော့" ဟု မိန့်အယ်။ အဲလိုမို့ သူလို့ဟ ထွက်လာယွေ့ ဝက်ထဲဟို ဝင်ကြပင်း ဝက်အုပ်တအုပ်လုံးပင် ချောက်ကမ်းပါးအတိုင်း အိန်ထဲဟို ပြေးဆင်းကာ ယေထဲနှိုက် သေဆုံးကြအယ်။
ဝက်ကျောင်းသောသူလို့ဟလည်း ပြေးယွေ့ မြို့ထဲသို့ ဝင်ပင်းရင်၊ နတ်ဆိုးစွဲသောသူလို့ရဲ့ အကျောန်းမှစပင်း ဖြစ်လေသမျှလို့ဟို ကြားပြောကြအယ်။ အဲလိုမို့ လူတိုင်းဟ ယေရှုဟို တွေ့ရန် မြို့ထဲမှ ထွက်လာကြအယ်၊ အားပင်း သူလို့ဟ ယေရှုဟို မျော်သောအခါ၊ မိမိလို့ပြေမှ ထွက်ခွာသွားရန် ကိုယ်တော်ဟို တောင်းပန်ကြအယ်။
ယေရှု စကားအသောသူဟို ကုသပေးခြင်း
အဲသူလို့ဟ ထွက်သွားကြစဉ်၊ နတ်ဆိုးစွဲသောကျောန့် စကားမပြောနိန်သော လူတယောက်ဟို ကိုယ်တော်ဆေဟို ခေါ်ခဲ့ကြအယ်။ အဲလိုလဲ နတ်ဆိုးဟို မောင်းထုတ်လိုက်တာနဲ့ တပြိုင်နက် စကားအသောသူဟ စကားစပြောလေအယ်။ လူအားလုံးလို့ဟ ရမ်းဆာ့အံ့ဩကြလျက် "ဟေလိုအရာမျိုးဟို ဣသရေလအမျိုးတွင် ငါလို့ မမျော်စဖူး" ဟု ပြောဆိုကြအယ်။
ယေရှုနဲ့ ဗေလဇေဗုလ
အေးနောက် လူအချို့လို့ဟ နတ်ဆိုးစွဲသောကျောန့် မျက်စေ့ကန်းပင်း အနေသူတယောက်ဟို ယေရှုဆေဟို ခေါ်ခဲ့ကြအယ်။ ယေရှုဟ အေးသူဟို ကျန်းမာစေသောကျောန့် အဲသူဟ မျက်စေ့မျော်လာပင်းရင် စကားပြောနိန်အယ်။
အမျိုးသမီးတဦးရဲ့ ယုံကြည်ခြင်း
ယေရှုဟ အဲအရပ်မှ ထွက်ခွာယွေ့ တုရုနဲ့ ဇိဒုန်မြို့လို့ရဲ့ နယ်များဟို ကြွအယ်။ အဲဒေသတွင် နေထိန်သူ ခါနာန် အမျိုးသမီးတယောက်ဟ ကိုယ်တော်ဆေဟို လာယွေ့ "ဆရာ၊ ဒါဝိဒ်ရဲ့သားတော်၊ ကျွန်မဟို သနားမန့်။ ကျွန်မရဲ့ သမီးဟ နတ်ဆိုးစွဲသဖြင့် ရမ်းဆာ့ ဝေဒနာခံလျက် နေအယ်" ဟု ဆှောက်အယ်။
အဲလိုလဲ ယေရှုဟ သူဟို တခွန်းမှ ဖြေကြားတော်မမူ။ တဘဲ့တော်လို့ဟ ယေရှု ဆေဟို လာယွေ့ တောင်းပန်ပင်း "ဟေမိန်းမဟ ငါလို့ရဲ့ နောက်လိုက်ပင်း အော်နေအယ်၊ သူ့အား မောင်းထုတ်မန့်" ဟု ဆှောက်ကြအယ်။
အဲပင်းရင် ယေရှုဟ "ငါသည် ဣသရေလအမျိုးသားများ ပျောက်နေသော သိုးများဆေသို့သာ စေလွှတ်ခြင်း ခံရအယ်" ဟု ဖြေကြားအယ်။
အဲအခါ အေးမိန်းမဟ ခြေတော်ရင်းနှိုက် လာရောက် ပျပ်ဝပ်လျက် "ဆရာ၊ ကျွန်မဟို ကူညီမန့်" ဟု ဆှောက်အယ်။
ယေရှုဟ "လူပဲ့သငယ်လို့ရဲ့ ကောင်းသော အစာဟို ယူယွေ့ ခွေးလို့အား မကျွေးအပ်" ဟု မိန့်အယ်။
အဲမိန်းမဟ "မန်ပါအယ် ဆရာ၊ အဲလိုလဲ ခွေးများပင်လျှင် မိမိလို့ သခင်ရဲ့ စားပွဲမှကျသည့် စားကြွင်းစားကျန်များဟို စားရကြအယ်" ဟု ဆှောက်အယ်။
အဲလို့မို့ ယေရှုဟ၊ "အချင်း မိန်းမ၊ နင်ရဲ့ယုံကြည်ခြင်းသည် အားကြီးအယ်။ နင်အလိုဆိသည့်အတိုင်း ဖြစ်စေ" ဟု မိန့်အယ်။ အဲအချိန်မှ စယွေ့ အဲမိန်းမရဲ့ သမီးဟ ရောဂါပျောက်လေအယ်။
ယေရှုဟ အောင်နီငယ် တယောက်ဆေမှ ညစ်ညမ်းသော နတ်ဟို မောင်းထုတ်ခြင်း
သူလို့ဟ လူအုပ်ဆိရာဟို ပြန်လာကြသောအခါ လူတယောက်ဟ ယေရှုဆေဟို လာယွေ့ ဆေ့တော်နှိုက် ဒူးထောက်ကာ၊ "ဆရာ၊ ငါ့ရဲ့ သားဟို သနားမန့်။ သူဟ ဝက်ရူးပြန်ရောဂါစွဲပင်း မီးထဲ အဲဟာမဟုတ်ရင် ရေထဲဟို ဖြစ်စေ ခဏခဏ လဲကျတတ်အယ်။ သူ့အား ကိုယ်တော်ရဲ့ တဘဲ့များဆေဟို ခေါ်ခဲ့သော်လည်း သူလို့ဟ မကျန်းမာစေနိန်ပါ" ဟု ဆှောက်အယ်။
ယေရှုဟ "ယုံကြည်ခြင်း ကင်းယွေ့ ဖောက်ပြန်ကြသော လူလို့၊ ငါဟ နင်လို့နဲ့ စလောက်ကြာအောန် နေရမလုန်း။ စလောက်ကြာအောန် နင်လို့အား သည်းခံရမလုန်း။ လူပဲ့သငယ်ဟို ငါ့ဆေဟို ခေါ်ခဲ့ကြလော့" ဟု မိန့်အယ်။ ယေရှုဟ နတ်ဆိုးအား အမိန့်ပေးလျှင် နတ်ဆိုးဟ လူပဲ့သငယ်ဆေမှ ထွက်သွားပင်း ခုတုံးပင် သူငယ်ဟ ကျန်းမာလာအယ်။
အားပင်း ညစ်ညူးသော နတ်ပူးနေသူ တအူးဟ တရားဇရပ်ထဲဟို လာယွေ့ အော်ကတာဟ၊ "နာဇရက်မြို့သား ယေရှု၊ နင်ဟ ငါလို့အား ပစာလို လုပ်ချင်လုန်း။ ငါလို့အား ဖျက်ဆီးရန် ဟေမှာ ဆိနေပါလော။ နင်ဟာ စသူဖြစ်ကျောန်း ငါ သိအယ် — နင်ဟ ဘုရားသခင်ရဲ့ သန့်ဆှင်းသောသူ ဖြစ်အယ်။"
ယေရှုဟ "တိတ်တိတ်နေလော့၊ သူ့အထဲမှ ထွက်သွားလော့" ဟု ဝိညာဉ်ဟို အမိန့်ပေးအယ်။
ညစ်ညူးသောနတ်ဟ လူဟို တောင့်မာစေပင်း၊ အသံကျယ်ရီးနဲ့ အော်ဟစ်ပင်း သူဆေဟနေ ထွက်လာအယ်။
ယေရှုဟ ညစ်ညူးသောနတ်များ ပူးနေသူဟို ကျန်းမာစေခြင်း
ယေရှုနဲ့ သူ့ရဲ့ တဘဲ့တော်လို့ဟ ဂါလိလဲအိန် တဖက်ကမ်းတွင် ဆိသော ဂါဒရဒေသဟို ရောက်ကြအယ်။ ယေရှု လှေထဲဟ ထွက်လဲ့ခဏနှိုက်၊ လူတယောက်ဟ လုတ်တိုင်းမှ ထွက်လာပင်းရင် ကိုယ်တော်နဲ့ တွေ့ဆုံခဲ့အယ်။ အေးသူထဲမှာ ညစ်ညူးသော နတ် ဆိအယ်၊ လုတ်တိုင်းဂူများ ကြားတွင် နေထိန်အယ်။ သူ့အား တယောက်မှ ကြိုးနဲ့ချေယွေ့ မရတော့ဘဲ၊ သံကြိုးနဲ့တောင်မှ တုတ်ချေယွေ့ မနိန်၊ ကြိမ်ဖန်များစွာ သူရဲ့ ခြေနဲ့လက်များဟို တုတ်ချေခဲ့ဖူးသော်လည်း၊ သူဟ သံကြိုးများဟို ဖြတ်ကာ သံခြေချင်းများဟို အချိန်တိုင်း ရိုက်ဖျက်တတ်အယ်။ သူဟ ရမ်းဆာ့ အားဆိသောကျောန့် သူဟို တယောက်မှ မထိန်းချုပ်နိန်ကြ။ သူဟ နေ့ညမပြတ် လုတ်တိုင်းများကြားနဲ့ တောင်ကုန်းများနှိုက် လှည့်လည်ပင်း အော်လျက် ကိုယ့်တတ်တိုင်းကိုယ်ဟို ချွန်ထက်လဲ့ ကျောက်တုံးများနဲ့ လှီးဖြတ်အယ်။
သူဟ ယေရှုဟို အဝေးမှ မျော်သောအခါ ပြေးယွေ့၊ ဆေ့အူးနှိုက် ဒူးထောက်ပင်း၊ "အမြင့်ဆုံးသော ဘုရားသခင်ရဲ့ သားတော် ယေရှု၊ ငါ့ဟို ပစာပြုလိုလုန်း၊ ငါ့အား မနှိပ်စက်ပါနဲ့။ ဘုရားသခင်ဟို အမှီပြုယွေ့ ငါ တောင်းပန်ပါအယ်" ဟု အသံအကျယ်ရီး အော်ပြောလေအယ်။ ယေရှုဟ သူ့ဟို "ညစ်ညူးသော နတ်၊ ဟေလူအထဲမှ ထွက်ခဲ့လော့" ဟု ပြောခဲ့သောကျောန့် ဖြစ်အယ်။
အေးကျောန့် ယေရှုဟ သူ့ဟို "နင့် နာမယ်ဟ ပစာရီး" ဟု မေးအယ်၊
အဲသူဟ "ငါ့ နာမယ်ဟ လေဂေါင်၊ (လူအုပ်) ဖြစ်အယ်၊ ငါလို့ဟ ရမ်းဆာ့ ဆိသောကျောန့် ဖြစ်အယ်" ဟု ဖြေအယ်၊ အဲပင်းရင် နတ်ဆိုးပူးနေသောသူဟ အဲနယ်မှ မောင်းမထုတ်ရန် ဆက်လက်ယွေ့ ယေရှုအား တောင်းပန်လေအယ်။
အဲအရပ် အနီးနားဆိ တောင်စောင်းနှိုက် ဝက်အုပ်ကြီး တအုပ် ကျက်စားလျက် ဆိအယ်။ ညစ်ညူးသော နတ်များဟ "ငါလို့အား ဝက်များဆေဟို လွတ်ယွေ့၊ ငါလို့ဟို ဝက်များထဲဟို ဝင်ခွင့်ပေးပါ" ဟု ယေရှုအား တောင်းပန်ကြအယ်။ ကိုယ်တော်ဟ သူလို့ဟို ခွင့်ပြုအယ်၊ ညစ်ညူးသော နတ်လို့ဟ အဲလူဆေမှ ထွက်သွားယွေ့ ဝက်များထဲဟို ဝင်ကြအယ်။ ��,������ လောက်ဆိသော ဝက်အစုဟ ချောက်ကမ်းပါးအတိုင်း အိန်ထဲဟို တဟုန်ထိုးပြေးဆင်းလျက် ယေနစ် သေဆုံးကြကုန်အယ်။
ဝက်တွေဟို ကျောင်းတဲ့သူများဟ ထွက်ပြေးယွေ့ အဲသတင်းဟ မြို့ထဲနဲ့ လယ်တောများကြားတွင် ပျံ့နှံ့ခဲ့အယ်။ လူလို့ဟ ပစာဖြစ်ပျက်တာဟို ကျေ့ရန် ထွက်လာကြအယ်၊
အဲလိုလဲ နင်လို့ အဲလိုသင်ပေးရင် လူတဦးဟ သူ့အဖ အဲဟာမဟုတ်ရင် အမေအား အကျိုးပြုစေမယ့် တစုံတရာဆိအယ် ဆိုတာဟ၊ ‘အေးတာဟ ကော်ဘန် ဖြစ်အယ်’ ဟု ပြောအယ် (အဲ အဓိပ္ပာယ်မှာ ဘုရားသခင်ပိုင်လဲ့ အရာဖြစ်အယ်)၊ သူလို့ဟ သူ့မိဖဟို ကူညီဖို့ ခွင့်ပေးအယ်။ အေးနည်းအတိုင်း နင်လို့ သူတပါးများအား လက်ဆင့်ကမ်း ပေးအပ်ကြလဲ့ သွန်သင်ချက်များအားဖြင့် ဘုရားသခင်ရဲ့ နှုတ်ကပတ်တော်ဟို ပယ်ဖျက်ကြအယ်။ အေးလို့ပုံစံမျိုးပင် ရမ်းဆာ့သော တခြားအရာလို့ဟိုလည်း နင်လို့လုပ်ကြအယ်" ဟု ပြောလေအယ်။
လူဟို စုတ်ပဲ့စေလဲ့ အရာများ
အဲပင်းရင် ယေရှုဟ လူအုပ်လို့အား သူ့ဆေဟို တဖန်ခေါ်ပင်း ပြောအယ်၊ "ငါ့ စကားဟို နင်လို့အားလုံး နားထောင်ယွေ့၊ နားလည်ကြလော့။ လူရဲ့ အပြင်မှ ဝင်လဲ့အရာဟ လူဟို စုတ်ပဲ့စေနိန်ဝူး။ အတွင်းမှ ထွက်လဲ့အရာဟသာ လူဟို စုတ်ပဲ့စေနိန်အယ်။"
အမျိုးသမီးတဦးရဲ့ ယုံကြည်ခြင်း
ယေရှုဟ အဲအရပ်မှ ထွက်ခွာယွေ့ တုရုမြို့ အနီး နယ်များဟို သွားလေအယ်။ သူဟ နေအိုင်တအိုင်ထဲဟို ဝင်သွားပင်း ကိုယ်တော်ဟ ဆိနေကျောန်း စသူဟိုမျှ မသိစေလိုပေမဲ့ သူဟ အောင်းယွေ့ မနေနိန်။ ညစ်ညူးသော နတ်ပူးဝင်နေသော မိနီငယ် တအူးရဲ့မိခင်ဟ ယေရှု အကျောန်းဟို ကြားရင် တန်းလာယွေ့ သူရဲ့ ခြေတော်ရင်းတွင် ဒူးထောက်လေအယ်။ အဲအမျိုးသမီးဟ ရှုရိတွင် ဆိသော ဖိနိတ်နယ်မှ မွေးဖွားလဲ့၊ တပါးအမျိုးသား ဖြစ်အယ်။ မိမိရဲ့ သမီးထဲမှ နတ်ဆိုးဟို မောင်းထုတ်ပေးရန် ယေရှုအား တောင်းပန်အယ်။ အားပင်မဲ့ ယေရှုဟ "လူပဲ့သငယ်လို့ဟို ဦးရင် ဝအောန်ကျွေးပါရစေ။ လူပဲ့သငယ်လို့ရဲ့ အစားအစာဟို ယူယွေ့ ခွေးများဆေ လောချခြင်းဟ မမန်ပေ" ဟု သူမအား ဖြေလေအယ်။
အဲအမျိုးသမီးဟ "သခင်ဘုရား၊ စားပွဲအောက်မှ ခွေးလို့ပင် လူပဲ့သငယ်လို့ရဲ့ အစာ အစနများဟို စားရကြပါအယ်" ဟု ပြန်ဖြေအယ်။
အဲအခါ ယေရှုဟ "ဟေလိုမျိုးသော အဖြေအတွက်၊ နင်ဟ နေအိုင်ဟို သွားနိန်ပီ၊ ပစာကို့ နတ်ဆိုးဟ နင့်သမီးဆေမှ ထွက်ခွာသွားလေပီ" ဟု သူမအား ပြောလေအယ်။
အဲအမျိုးသမီးဟ သူ့နေအိုင်ဟို ပြန်ရောက်ပင်း အိပ်ယာထဲမှာ လဲလျောင်းနေသော မိမိရဲ့ သမီးငယ်ဟို တွေ့ရအယ်၊ နတ်ဆိုးဟ သူမဆေမှ အမန်ကယ် ထွက်သွားခဲ့ပင်းကျောန်း သိရအယ်။
လူအုပ်ထဲမှ လူတယောက်ဟ "ဆရာ၊ ငါ့ရဲ့ သားဟို ကိုယ်တော်ဆေသို့ ခေါ်ခဲ့အယ်၊ ပစာကို့ သူထဲမှာ ညစ်ညူးသောနတ် ဆိနေပင်း၊ စကားမပြောနိန်သောကျောန့် ဖြစ်အယ်။ နတ်ဆိုးဟ သူ့ဟို တိုက်ခိုက်လဲ့အခါတိုင်း၊ သူဟို မြေပေါ်သို့ လဲချပင်း၊ သူဟ စလောင်နှိုက် အမြုပ်များ ထွက်လျက်၊ အံသွားကြိတ်ကာ တကိုယ်လုံး မာတောင့်လာတတ်အယ်။ ငါဟ ကိုယ်တော်ရဲ့ တဘဲ့တော်များအား ဝိညာဉ်ဟို မောင်းထုတ်ပေးရန် ပြောအယ်၊ အဲလိုလဲ သူလို့ဟ မတတ်နိန်ကြပါ" ဟု ပြောအယ်။
ယေရှု ပြန်ပြောတာဟ "ယုံကြည်ခြင်း မဆိသော နင်လို့ မျိုးဆက်၊ ငါဟ နင်လို့နဲ့အတူ ပစာလောက်ကြာအောန် နေရမလုန်း၊ ငါ နင်လို့နဲ့အတူ စလောက်ကြာအောန် သည်းခံရမလုန်း၊ အောင်နီငယ်ဟို ငါ့ဆေသို့ ခေါ်ခဲ့ကြ။" အေးကျောန့် သူလို့ဟ အောင်နီငယ်ဟို ယေရှုဆေဟို ခေါ်ခဲ့ကြအယ်။ ဝိညာဉ်ဟ ယေရှုဟို မျော်ရင်၊ အောင်နီငယ်ဟ ခုတင်ချင်း တုန်လှုပ်သွားအယ်။ အောင်နီငယ်ဟ မြေပေါ်ဟို လဲကျကာ လူးလှိမ့်လျက် စလောင်မှ အမြှုပ်များ ထွက်လာအယ်။
"သူဟေလို ဖြစ်နေတာ စလောက်ကြာပီလုန်း" ဟု အောင်နီငယ်ရဲ့ အဖအား ယေရှု မေးလေအယ်။ "လူပဲ့အရွယ်ကတည်းထဲဟ" ဟု သူဟ ပြန်ပြောအယ်။ "ဝိညာဉ်ဟ သူ့အား သေစေဖို့ မီးနဲ့ ယေထဲဟို လောချရန် အကြိမ်များစွာ ကြိုးစားခဲ့အယ်။ ကိုယ်တော် ဖြစ်နိန်ရင်၊ ငါလို့ဟို သနားပါ၊ ငါလို့ဟို ကူညီပါ၊"
ယေရှုဟ "ဟုတ်ပီ" ဟု ပြောပင်း၊ "နင်လို့တတ်တိုင်း တတ်နိန်ရင် ယုံကြည်ခြင်းဆိသူအတွက် အရာအားလုံး ဖြစ်နိန်အယ်။"
ခုတုံးပင် အောင်နီငယ်ရဲ့ အဖဟ ငိုကယွေ့ "ငါ ယုံကြည်ခြင်း ဆိအယ်၊ အဲလိုလဲ မလုံလောက်ပါ။ ငါ့ဟို ပိုဆိရစေဖို့ ကူညီမန့်၊"
လူအုပ်များ ပြေးလာကြတာဟို ယေရှု မျော်သောအခါ၊ ကိုယ်တော်ဟ ညစ်ညူးသောနတ်ဟို ဆုံးမလျက် "နားပင်းယွေ့ စကားအသောနတ်၊ သူထဲမှ ထွက်လော့၊ ပစာခါမျှ သူ့ထဲဟို ပြန်မဝင်နဲ့၊ ငါ နင့်ဟို အမိန့်ပေးအယ်" ဟု ကိုယ်တော်ဟ ပြောအယ်။
ညစ်ညူးသောနတ်ဟ အော်ကပင်း အောင်နီငယ်ဟို ပြင်းထန်စွာ တွန်းလှန်ပင်း သူ့ထဲမှ ထွက်သွားအယ်။ အောင်နီငယ်ဟ လူသေနဲ့ ရမ်းဆာ့တူပင်း လူများဟ "အောင်နီငယ် သေပီ" ဟု ပြောကြအယ်။ အဲလိုလဲ ယေရှုဟ အောင်နီငယ်ရဲ့ လက်ဟို ကိုင်ပင်း သူ့ဟို ထဖို့ ကူညီပေးခဲ့အယ်။ အဲအခါ အောင်နီငယ်ဟ ထလေအယ်။
ယေရှုဟ ရမ်းဆာ့သောလူဟို ကျန်းမာစေခြင်း
ယေရှုဟ တရားဇရပ်မှ ထွက်သွားပင်းနောက် ရှိမုန်ရဲ့ နေအိုင်ဟို သွားအယ်။ သူလို့ဟ ရှိမုန်ရဲ့ ယောက္ခမ ရမ်းဆာ့ ဖျားနေကျောန်းဟို ယေရှုအား ပြောကြအယ်။ ကိုယ်တော်ဟ အေးမိန်းမရဲ့ နဘေးမှာ ရပ်ပင်း အဖျားပျောက်စေရန် အမိန့်ပေးအယ်၊ သူဟ ခုတုံးပင် အဖျားပျောက်ယွေ့ ထပင်း သူလို့အား စတင် လုပ်ကျွေးပြုစုလေအယ်။
ယေရှုဟ ကမ်းပေါ် တက်လာသောအခါ မြို့မှ နတ်ဆိုးစွဲနေသော သူတဦးနဲ့ တွေ့အယ်။ အေးသူဟ ကာလအတန်ကြာ အဝတ်လည်း မဝတ်ဘဲ နေအိုင်နှိုက် မနေဘဲ လုတ်တိုင်းနှိုက်သာ နေထိန်တတ်အယ်။ သူဟ ယေရှုဟို မျော်သောအခါ ငိုကပင်း ယေရှုရဲ့ ခြေထောက်နားဟို လဲချကာ "ယေရှု၊ အမြင့်ဆုံးသော ဘုရားသခင်ရဲ့ သားတော်၊ ငါနဲ့ စလိုဆိုင်လုန်း။ ငါ့ဟို မညှဉ်းဆဲမဲ့အကျောန်း ငါ တောင်းပန်အယ်" ဟု အော်ပင်း ပြောအယ်။ အေးလို့ ပြောရလဲ့အကျောန်းမှာ ယေရှုဟ နတ်ဆိုးများဟို သူ့ဆေဟ ထွက်သွားဖို့ အမိန့်ပေးလိုက်သောကျောန့် ဖြစ်အယ်၊ အကြိမ်များစွာ သူ့ဟို နတ်ဆိုးဝင်ပူးခဲ့အယ်၊ သူ့ရဲ့ ခြေထောက် လက်များလို့ဟို သံကြိုးများနဲ့ တုတ်ခြေ ဖမ်းချုပ်ထားသော်လည်း သူဟ သံကြိုးများဟို ဖြတ်ပင်း တောကန္တာရသို့ နတ်ဆိုးအားဖြင့် နှင်ချခြင်း ခံရအယ်။
ယေရှုဟ သူဟို "နင့်နာမယ် စလိုခေါ်လုန်း" လို့ မေးအယ်။
ရမ်းဆာ့များလဲ့ နတ်ဆိုးများ သူ့အထဲဟို ဝင်နေသောကျောန့် "ငါ့ရဲ့ နာမယ်ဟ လေဂေါင် ဖြစ်အယ်" လို့ ပြန်ပြောလေအယ်။ နတ်ဆိုးများဟ တွင်းနက်ထဲဟို မပို့ဖို့ ယေရှုဟို တောင်းပန်ကြအယ်။
တောင်ပေါ်မှာ အစာစားနေသော ရမ်းဆာ့များလဲ့ ဝက်အုပ် အနားမှာဆိအယ်။ နတ်ဆိုးများဟ အေးဝက်အုပ်ထဲဟို ဝင်ရဖို့ တောင်းပန်ကြလျှင် သူလို့ဟို ဝင်ဖို့ အခွင့်ပေးလေအယ်။ နတ်ဆိုးများဟ အေးလူထဲမှထွက်ပင်း ဝက်အုပ်ထဲဟို ဝင်ကြအယ်။ ဝက်အုပ်တအုပ်လုံးဟ အိုင်ကမ်းပါးဇောက်ဟို တဟုန်ထိုး ပြေးဆင်းပင်း ယေနစ် သေကုန်ကြအယ်။
ဝက်ဟို ထိန်းလဲ့သူများဟ အေးအဖြစ်အပျက်ဟို မျော်ပင်း၊ သူလို့ဟ ပြေးပင်း မြို့နဲ့ တောရွာများတွင် သတင်းဟို အနှံ့အပြားပြောအယ်။ လူများလို့ဟ အေးအဖြစ်အပျက်ဟို ကျေ့ဖို့ ထွက်လာခဲ့ကြအယ်၊ ယေရှုဆေဟို သူလို့ရောက်သောအခါ နတ်ဆိုးထွက်ပင်း အဝတ်ဝတ်ယွေ့ ယေရှုရဲ့ ခြေထောက်နားမှာ အကောင်းအတိုင်း ထိန်နေလဲ့သူဟို မျော်လျှင် သူလို့အားလုံးဟ ကြောက်ကြအယ်။
နင်လို့ဟို ငါအမန်အကန်ဆိုတာဟ ဟေအရပ်နှိုက်ဆိသော သူအချို့လို့ဟ ဘုရားသခင်ရဲ့ နိုင်ငံတော်ဟို မမျော်ခင် မသေရကြ" ဟု ပြောအယ်။
အဆင်းအရောင်ပြောင်းလဲခြင်း
အေးအကျောန်းဟို ပြောပင်း တပတ်လောက်ကြာသောအခါ၊ ယေရှုဟ ပေတရု၊ ယောဟန်နဲ့ ယာကုပ်လို့ဟို ခေါ်ပင်း သူနဲ့အတူ ဆုတောင်းဖို့ တောင်ပေါ်ဟို သွားအယ်။ ဆုတောင်းနေလဲ့အချိန်တွင် သူ့ရဲ့ မျက်နှာ ပြောင်းလဲလာပင်း၊ သူ့ရဲ့ အဝတ်အစားဟ ဖြူဖွေး တောက်ပလာအယ်။ ခုတုံးပင် လူနေယောက်ဟ ပေါ်လာပင်း ယေရှုနဲ့ စကားပြောလျက်နေအယ်။ သူလို့ဟ ဧလိယနဲ့ မောရှေ ဖြစ်ကြအယ်။ သူလို့ဟ ခေါန်းခင်ကနေ ဘုန်းတော်နဲ့အတူ ပေါ်လွင်လာပင်း ဘုရားသခင်ရဲ့ ရည်ရွယ်ချက် မကြာခင် ပြေ့စုံဖို့ ယေရုရှလင်မြို့မှာ အသေခံရမဲ့အကျောန်းဟို ယေရှုနဲ့အတူ ပြောဆိုနေကြအယ်။
ပေတရုနဲ့ သူ့ရဲ့ အဖော်လို့ဟ အိပ်မွေ့လျက်နေကြအယ်။ အဲလိုလဲ သူလို့ဟ ထလာပင်း ယေရှုရဲ့ ဘုန်းတော်နဲ့ သူနဲ့အတူ ရပ်နေကြလဲ့ လူနေယောက်လို့ဟို မျော်ကြအယ်။ အေးလူလို့ဟ ယေရှုဆေမှ ထွက်သွားပင်း၊ ပေတရုဟ "သခင်၊ ဟေနေရာဟ ငါလို့ဖို့ စလောက်နေဖို့ကောင်းအယ်၊ ငါလို့ ကိုယ်တော်အတွက် တခု၊ မောရှေအတွက် တခုနဲ့ ဧလိယအတွက် တခု၊ တဲသုံးခုဟို ငါလို့ ဆောက်လုပ်ပါရစေ" ဟု မိမိ စလိုအရာ ပြောဆိုနေတာဟို မသိဘဲ ယေရှုအား ပြောအယ်။
လူအုပ်ထဲမှ လူတယောက်ဟ အော်ပင်း "ဆရာ၊ ငါရဲ့ သားဟို ကျေ့ပေးပါ၊ ငါ တောင်းပန်ပါတယ်၊ သူဟ ငါရဲ့ တဦးတည်းသောသား ဖြစ်အယ်။ နတ်ဟ သူ့ဟို တိုက်ခိုက်သဖြင့် သူဟ ခုတုံး အော်ယွေ့ လဲချပင်း စလောင်ထဲမှာ အမြှုပ်ဟို ထွက်စေတတ်အယ်။ သူ့ဟို နာကျင်စေပင်းမှ ခက်ခက်ခဲခဲနဲ့ ထွက်သွားတတ်အယ်။ ငါဟ နင့်ရဲ့ တဘဲ့တော်များအား မောင်းထုတ်ပေးရန် တောင်းပန်ပေမဲ့ သူလို့ဟ မလုပ်နိန်ကြပါ" ဟု ပြောအယ်။
ယေရှုဟ "ယုံကြည်ခြင်း ကင်းမဲ့လူလို့နဲ့ မားသောလူလို့၊ နင်လို့နဲ့အတူ ငါ စလောက်ကြာအောန် နေရမလဲ၊ နင်လို့ဟို စလောက်ကြာအောန် သည်းခံရမလဲ" လို့ ပြန်ပြောအယ်။ အေးနောက် ယေရှုဟ အေးလူဟို "နင့်ရဲ့ သားဟို ဟေနားခေါ်ခဲ့" ဟု ပြောအယ်။
အောင်နီငယ် လာသောအခါ၊ နတ်ဆိုးဟ မြေကြီးပေါ်မှာ မောက်ချပင်း သူ့ဟို ကြမ်းတမ်းစွာ ပစ်ချအယ်။ ယေရှုဟ ညစ်ညူးသောနတ်ဟို အမိန့်ပေးယွေ့ အောင်နီငယ်ဟို ကျန်းမာစေပင်းနောက် သူ့အဖဆေဟို ပြန်ပေးအယ်။ လူအားလုံးလို့ဟ ဘုရားသခင်ရဲ့ ကြီးမြတ်သော တန်ခိုးတော်ဟို မျော်ပင်း အံ့ဩကြအယ်။
ယေရှုဟ အသေခံရမဲ့အကျောန်း ပြန်ပြောခြင်း
လူအားလုံးလို့ဟ ယေရှုလုပ်ခဲ့လဲ့ အရာအားလုံးဟို အံ့ဩနေကြစဉ်၊
ယေရှုနဲ့ ဗေလဇေဗုလ
ယေရှုဟ စကားမပြောနိန်လဲ့ နတ်ဆိုးဟို မောင်းထုတ်ပင်း နတ်ဆိုး ထွက်သွားသောအခါ အေးလူဟ စကားဟို စပင်း ပြောလေအယ်။ လူအုပ်ကြီးဟ အံ့ဩကြအယ်။
တဘဲ့တော် တယောက်ဟ ယဇ်ပုရောဟိတ်မင်းရဲ့ ကျွန်တယောက်ဟို ထားဖြင့် ခုတ်သဖြင့် ညာဖက် နားရွက်ပြတ်လေအယ်။
အဲလိုလဲ ယေရှုဟ "တန့်ကြတော့" ဟု ပြောအယ်၊ အေးသူရဲ့ နားရွက်ဟို လက်တော်ဖြင့် တို့ထိယွေ့ သူ့အနာဟို ပျောက်စေလေအယ်။
ယောဟန်ရဲ့ သတင်းသယ်သမားလို့ ပြန်သွားကြပင်းနောက်၊ ယေရှုဟ ယောဟန်အကျောန်းနဲ့ ပတ်သက်ပင်း လူအပေါင်းလို့အား ပြောတာဟ "နင်လို့ဟ ပစာအရာဟို ကျေ့ရန် ယောဟန်ဆိရာ တောကန္တာရဟို သွားကြလုန်း။ လေတိုက်ယွေ့ လှုပ်သောကျူပင်ဟို ကျေ့ဖို့လော။ အေးလို့မဟုတ် အဝတ်အကောင်းစား ဝတ်ဆင်ထားသူလို့ဟို ကျေ့ဖို့ သွားသလော၊ အဝတ်အကောင်းစား ဝတ်ဆင်ယွေ့ ကောင်းကောင်း စားသောက်သောသူလို့ဟ မင်းအိုင်နှိုက် နေတတ်ကြအယ်။ ပရောဖက်လို့ဟို ကျေ့ဖို့ သွားသလော၊ မန်ပါအယ်၊ ပရောဖက်ထက် ကြီးမြတ်သူဟို ကျေ့ရှုရန် ဖြစ်အယ်။ ကျမ်းစာတွင် ‘ဘုရားသခင်ဟ၊ နင့်ရဲ့ လမ်းဟို အဆင်သင့် ဖြစ်စေရန် ငါရဲ့ သတင်းသယ်ဆောင်သူဟို နင့်ရဲ့ အဆေ့မှာ စေလွှတ်မယ်’ ဟု ပြောရာနှိုက် ယောဟန်ဟို ဆိုလိုအယ်။" ယေရှုဟ ငါအမန်ဆိုတာမှာ "မိန်းမမှ မွေးသောသူလို့တွင် ယောဟန်ထက် ကြီးမြတ်သောသူ တယောက်မျှ မဆိ။ အဲလိုလဲ ဘုရားသခင်ရဲ့ နိုင်ငံတော်တွင် အငယ်ဆုံးသောသူဟ ယောဟန်ထက် ပိုပင်း ကြီးမြတ်အယ်" ဟု မိန့်အယ်။
လူအပေါင်းလို့ဟ သူ့ရဲ့ စကားဟို ကြားကြပင်း အေးသူလို့အနက် အထူးသဖြင့် အခွန်ခံသူများဟ ဘုရားသခင်ရဲ့ ဖြောင့်မတ်ခြင်းဟို ဝန်ခံကြပင်း ယောဟန်ပေးသော နှစ်ခြင်းဟို ခံယူကြအယ်။ ဖာရိရှဲလို့နဲ့ ကျမ်းတတ်ဆရာလို့ဟ မိမိလို့အတွက် ဘုရားသခင်ရဲ့ ရည်ရွယ်ချက်ဟို ငြင်းပယ်ယွေ့ ယောဟန်ဆေမှာ နှစ်ခြင်းဟို မခံပဲနေကြအယ်။