Milagres de Jesus
Os Evangelhos registram dezenas de milagres realizados por Jesus — curas, ressurreições, domínio sobre a natureza e libertações. Cada milagre revelava sua divindade e compaixão.
Curas de cegos e surdos
Jesus devolveu a visão aos cegos e a audição aos surdos, manifestando seu poder sobre toda enfermidade e deficiência.
येसुई काना सिमि ङेह्पाः ताःफाम्पा
येसु स्याह्लै वैतौ ङेह् काना सिमिव "हे दाऊदन ङोह्जो, ङी दया ख्या" र्वार्वा फाईरा खेईखेई नुन ङिह्ङिह् जाःबो। येसु यिम स्वामी मन ङेह् काना सिमिव रे स्याह्ई ताप्पो। येसुई ख्युकाङ्मोः लोप्पो, "तै ङै ङेनकाङ्मोः ताःफान तैनान र्वार्वा ङेनकाङ्मोः बिस्वास ङिह्पौ?" ख्युई र्वाबो, "अँ ङिह्पा, प्रभु।" तब येसुई ख्युन मी ज्यारज्यार र्वाबो, "ङेनकोन बिस्वास अन्सार ङेनकाङ्मोः राःयो।" आलै ख्युन मी पोङ्बो। येसुई झाःम र्वार्वा ख्युकाङ्मोः करा चेतावनी बिम्बो, "अन ल्होई सुई क्युई नराःयो।" जेङ्नै ख्यु होई, रे मन देसभरि नुन मिह्नकै फेल्बो।
येसुई काना ङेह्पाः ताःफाम्पा
आलै येसु रे नुन चेलाव यरीहो सहरलै वैतौ सिमिवन मोङ किम येसुन ङिह्ङिह् जाःबो। लम्न नाः काना ङेह्पाव छ्युङ्पा ङ्याह्। येसु मनै लम राह्राह् वैयङ खेपा क्युई राह्राह् ख्युई फाईरा खेईखेई र्वाबो, "हे दाऊदन ङोह्जो, हे प्रभु, ङिन ङ्या दया ख्या!"
सिमिवजै ख्युकाङ्मोः "तै मर्वारेः छ्योवा" र्वार्वा ङार्बो। जेङ्नै ख्युई झन फाईरा खेखे र्वाबो, "हे दाऊदन ङोह्जो, हे प्रभु, ङिन ङ्या दया ख्या!" लेन्तौलेन्तौ येसु खल्बो आलै ख्युकाङ्मोः स्वा र्वार्वा लोप्पो, "ङेनकोन भिह्तु ङै तै खेत्वाबो?" ख्युई छ्याःफुल्फुल र्वाबो, "प्रभु, ङी मी रङ्चे धेराःयो!" येसुई दिसाबो रे नुई ख्युन मी ज्यार्बो। मन्नै भेला ख्यु मी रङ्नान रह्पा आलै येसुन ङिक जाःबो।
येसुई बेथसेदाग काना सिमिदीग ताःफाम्पा
मन्न छाम्म नु बेथसेदा स्वाबो, रे सिमिवजै काना सिमिदीग नुन स्याह् सप्पो, रे नू झ्यारा र्वार्वा येसू छ्याःफुल्बो। येसुई मन काना सिमिन ल्हा जुङजुङ नू नामलै खोलोः सप्पो, रे नुन मी छिमा पप्पे नुन ल्हाः जेँन ल्हा नान्नान नू लोप्पो, "तै ना तयाः रङ्नौ?"
आलै ङ्यालक्याँ सेनसेन नुई र्वाबो, "ङा सिमिकाङ्मोः तङ्पुव लैम लेम्पाई छ्युङ्पा रङ्नान।" तब नुई ह्याङ नुन मी ल्हा नाह्म्बो, रे नुई लः खेखे सेह्म्बो। आलै नुई रङ्चे देप्पो, रे तैस्याङ पुरू लः खेखे रङ्म जाःबो। तब येसुई नू नाम्मरा नजायो र्वार्वा नुन यिम फेप्पो।
येसुई नाम्ज्योवा मताह्नान रे वाम्पा सिमी ताःफाम्पा
आलै येसु तुरोसन छेत्रलै गेग्गे सीदोन सहर राह्राह् देकापोलिसन सिमानान घूँलम राईराई गालील-योह्ग होई। स्याह् सिमीवजै नाम्ज्योवा मताह्नान रे वाम्पा सिमिदीग येसुन रह्म्म सप्पो, रे नुन ल्हाः ल्हा नाह्ना र्वार्वा नू छ्याःफुल्बो। नू सिमिन मोह्ङलम तीपू वव्वै येसुई जेँन ल्हाजुप नुन नाम्ज्योवाग कह्बो। मन्न छाम्म छिमा पप्पे नुन लही ज्यार्बो। आलै स्वर्गक्याँ सेनसेन ऊ र्याङ्म वव्वै नू र्वाबो, "इफ्फाता," (अन्न अर्थ पोवा।) अन्नै भेला नुन नाम्ज्योवा पोङ्बो, रे नुन खीपा लही पोङ्बो, रे अन लः खेखे र्वामः जाःबो। "अन सुई नर्वा," र्वार्वा येसुई ख्युकाङ्मोः र्वाबो। जेङ्नै हाति नुई सिमिकाङ्मोः आग्या बिङ्ङ, झन ह्याल्म तोप खेखे ख्युई अन ताह्फेङ्ङ। आलै ङ्यान्नान्न सिमिव पुरू मिह्दा हालाईलाई र्वामः जाःबो, नुई तैस्याङ पुरू लः खेपा ङ्याह्। "नुई नाम्ज्योवा मताह्नानग ताह्नान रे वाम्पाः ल्होई र्वा तैनान धोँ।"
येसुई मी मरङ्नान बारतिमैग ताःफाम्पा
आलै येसु रे नुन चेलाव यरीहो सहरग स्वाबो, रे ख्यु सिमिन मोह्ङ किमन ङ्याबो यरीहोलै गेत्तौ तिमैन ङोह्जो बारतिमै, मी मरङ्नान बिखारी सिमिदी, लमन रह्म्म छ्युङपा ङ्याह्। जब नुई नू नासरतन येसु जेङ्पा र्वानान ताह्बो, तब फाईरा खेखे नुई र्वामः जाःबो, "हे येसु, दाऊदन ङोह्जो, ङन ङ्या दया ख्या।"
तब लै सिमिवजै नू तै मर्वारे छ्योवा र्वार्वा ङार्बो। जेङ्नै अन झन केह्ः किम छ्यूछ्यू फाईरा खेमः जाःबो, "हे दाऊदन ङोह्जो, ङन ङ्या दया ख्या।" लेन्तौलेन्तौ येसुई तक्क किलकिल र्वाबो, "नू स्यीह् स्वा र्वा" आलै ख्युई मन मी मरङ्नान्न सिमी झाःम र्वार्वा स्वा र्वाबो, "हिम्मत ख्या, च्याँ, येसुई नाः स्वा र्वाङ।" आलै नु जेँन घोलाङ पप्पे नू जुरुक्क च्याङ्बो रे येसुन रह्म्म स्वाबो। येसुई नू र्वाबो, "ना तै चाहि खेनान, ङा नान भिह्तु तै खेचे?" मन मी मरङ्नान्न सिमिजै नू र्वाबो, "गुरुज्यू, ङै रङ्चे धेरायो।" आलै येसुई नू र्वाबो, "ना वया। नान बिस्वासजै नाः ताःफाम्पा ङ्याह्।" तब तुरुन्तै नुई रङ्चे देप्पो, रे लमग येसुन ङिह्ङिह् जाःबो।
केतौलैन कानाः येसुई ताःफाम्पा
स्याह्लै वैतौवैतौ येसुई तीपा केतौलैन काना चोलोङ्चाः रङ्बो। नुन चेलावजै नू लोप्पो, "रब्बी, सुई तीपा खेबो, अनजै कि अन्न पोमाई, रे अन काना केह्बो?"
येसुई झब बिम्बो, "न ता अनजै तीपा खेबो न अन्न पोमाई, जेङ्नै अन अन्नकारनजै केह्तौलैन काना रह्पा कि परमेस्वरन सक्तिन धोन अन सिमिन जिन्दगी रँयो। ङिजेन साल्म रातौ यङ ङाः फेन्नान्न धोनव ङ्योअजै खेत्वानान। नम्जे रुप्मी सुई र्वार्वा धोन खे मतैनान। ङा सन्सारग रानबेर ङा सन्सारन साल्म जेङ्पा।"
अन ल्होई र्वार्वा नुई साः छिमा पप्पो, रे छिमाई सा मोलमोल धामा नुन मी छिम्बो। आलै येसुई नू र्वाबो, "वया, सिलोआमको (कन्न अर्थ जेङ्पा, फेप्पा) पोखरी वैवै केवा।" नुई वैवै क्वबो, रे रङ्नान राह्राह् होल्बो।
Curas de paralíticos e enfermos
Paralíticos caminharam, leprosos ficaram limpos e todo tipo de doença foi curada pelo toque e pela palavra de Jesus.
कोरन नाह्जा ताह्पान सिमिदी नुन स्याह् स्वाबो, रे नुन ङू पो जूजू झाम र्वाबो, "हे प्रभु, नाई चाहि खेङिन ङाः ताःफान तैनान।" नुई जेँन लाह् क्याङक्याङ नू ज्यार्बो, रे र्वाबो, "ङा चाहि खेनान, ना ताह्ः।" तुरुन्तै नुन कोरन नाह्जा ताःबो। तब येसुई नू र्वाबो, "ङ्याना, अन ल्होई सुई नर्वा। जेङ्नै वया, रे जेँग पुजारीन स्याह् थना, रे मोसाई फुला र्वापान भेति फुला, ताकि सिमिकाङ्मोः साँचि रायो।"
सिमिवजै खातग दिमदिम आःपा ल्हो मगुल्नान सिमिदी नुन स्याह् सप्पो। येसुई ख्युन बिस्वास रङरङ ल्हो मगुल्नान सिमी र्वाबो, "ङोह्जो, हिम्मत ख्या। नान तीपा माफ रह्पा।" कानुन लन्नान्न सिमिवन बर्ग हातिपाई राह्ङराङ्साः र्वाबो, "अन ता परमेस्वरन ल्हुई झाँ।" येसुई ख्युन समन ल्होई हाकोको र्वाबो, "ङेन तैङ जेँन समग नावा अलः खेनान? तैङर्वाङिन तै र्वाचे छुम्म ङ्याह्, ‘नान तीपा माफ रह्बो’ र्वाचे कि ‘च्याँ रे ल्हेना’ र्वाचे? जेङ्नै सिमिन ङोह्जोः पिर्थीबी तीपा माफ खेचेन आङ ङ्याह् र्वार्वा ङेनजै क्युई रा तयाःयो।" तब नुई मन ल्हो मगुल्नान्न नाह्जा ताह्पा सिमी र्वाबो, "च्याँ, नान खात हुरा, रे यिम वया।" आलै नु च्याङ्बो, रे जेँन यिम होई।
स्याह् ल्हा खार्पा सिमिदी ङ्याह्। ख्युई येसू दोस बिनसुमजै नू लोप्पो, "कानुन्न अन्सार तै नाह्न ल्हाः सुई ताःफान्चे लः ङ्याह्यौ?"
येसुई ख्युकाङ्मोः र्वाबो, "ङेन बर्ग सुई लूपादी ङ्याह्, रे नाह्न ल्हाः मन लुह्मग छार्ङिन, तै ना नू जुङजुङ खोलोः मछ्यूनान तै? लूपा खेरे ता सिमि लैः कुम्म जेङ्पा। अन्नकारन कानुन अन्सार यङ नाह्न ल्हाः सिमिन भलो खेचे लः ठहरि राह्नान।" तब नुई मन सिमी र्वाबो, "नान लाह् क्याँ।" नुई लाह् क्याङ्बो, रे मन घङ लाह् लैम लः रह्पा।
मन्न ल्हा सिमोन्न मेह् छायोई मिह्दा खङखङ आःपा ङ्याह्, रे येसु स्वा ताप्लुङ्मीम यिमन सिमिवजै अन ल्होई नू स्याप्पो। येसुई रह्म्मै वैवै नुन ल्हा जुङजुङ सोल्बो, रे छायोई नू फेप्पो। आलै नुई ख्युन सेवा खेमः जाःबो।
येसुई कोरन नाह्जा ताह्पा सिमिदीग ताःफाप्पा
आलै कोरन नाह्जा ताह्पान सिमिदी येसुन स्याह् स्वास्वा पोह् जुईजुई झाःम र्वार्वा छ्याःफुल्बो, "नाई चाहि खेङिन ङाः ताःफान तैनान।"
तब दिसासा येसुई जेँन ल्हा क्याङक्याङ नू ज्यार्बो रे र्वाबो, "ङा चाहि खेनान, ना ताः।" आलै नुन कोरन नाह्जा नुनलम होई, रे नु ताःबो।
आलै लिपाई हुर्पान ल्हो मगुल्नान्न नाह्जा ताह्पा सिमिदी सस्सै सिमीव येसुन स्याह् स्वाबो। मोह्ङन कारनजै येसुन रह्म्म मन सिमी साःमतैबो, रे ख्युई येसु ङिपुन ङ्यान लुह्प पोङ्बो, रे पोङ्पान ठाउँलै ल्हो मगुल्नान्न नाह्जा ताह्पा सिमी नु आःपान खातन ङ्याबोई पोँ साःबो। येसुई ख्युन बिस्वास रङरङ अन ल्हो मगुल्नान्न नाह्जा ताह्पा सिमी र्वाबो, "ए ङोह्जो, नान तीपाव माफ रह्बो।"
जेङ्नै स्याह् कान कानुन लन्नान्न सिमिव छ्युङपा ङ्याह्, रे जेँन समग झाःम र्वार्वा नावा खेपाई छ्युङ्पा ङ्याह्, "अन सिमिजै तैङ झामखेखे ल्होई र्वाङ? अन ता परमेस्वरन लुह्ई झपा जेङ्पा। तीबाःदि, आथबा परमेस्वरजै नङ्म घङ सुई तीपा माफ खेतैनौ?"
आलै ख्यु राह्ङराङ्साः झामखेखे नावा खेयङ ङ्याह् र्वानान येसुई तुरुन्तै जेँन आत्माः क्युई राह्राह् ख्युकाङ्मोः र्वाबो, "तैङ ङेन जेँन समग झाःम नावा खेनान? ल्हो मगुल्नान्न नाह्जा ताह्पा सिमी ‘नान तीपा माफ रह्बो’ र्वाचे, कि ‘च्याँ, नान खात हुरहुर ल्हेना’ र्वाचे, कन चन छुम्म ङ्याह्? ङा ङेनकाङ्मोः पर्मान बिन्चे जेङ्नै सिमिन ङोह्जो पिर्थीबी तीपा माफ खेचेन आङ ङिह्पा र्वानान ङेनकाङ्मोः क्युई रा।" तब येसुई मन ल्हो मगुल्नान्न नाह्जा ताह्पा सिमी र्वाबो, "ङा नाः र्वाचे च्याँ, नान खात हुरा, रे यिम वया।"
अन च्याङ्बो, रे तुरुन्तै खात हुरहुर पुरून ङूलै होई। सिथाल कि, पुरू हालाईबो, रे "ङ्योअजै झाःम ता हातौयै रङ्पा मीपा" र्वाईर्वाई ख्युई परमेस्वरन महिमा खेमः जाःबो।
ल्हा खार्पा सिमि ताःपा
ङाईलै ह्याङ येसु येहूदी आराधनालयग जाःबो। स्याह् ल्हा खार्पा सिमिदी ङ्याह्। कार्तौ येसुई नू नाह्न ल्हाः ताःफाङ्ङिम कि र्वार्वा नू दोस बिन्चेन भिह्तु जासुस खेनान्न सिमिव रे स्याह् ङ्याह्। तब येसुई ल्हा खार्पा सिमी र्वाबो, "स्यीह् स्वास्वा घूँ च्याँ।" येसुई ख्युकाङ्मोः र्वाबो, ल्हूलामन कानुन अन्सार "नाह्न ल्हाः भलो खेचे कि अलः खेचे, परान सोमफान्चे कि सच्चे, कन चन लः ङ्याह्?" जेङ्नै ख्यु तै मर्वारे छ्युङ्बो। ख्युन सम क्योङ्मन कारन तूँलाक्या राह्राह् सुतूतू येसुई ख्यु पुरूग सेम्बो आलै मन सिमी र्वाबो, "नान ल्हा क्याँ।" नुई ल्हा क्याङ्बो रे नुन ल्हा ताःबो।
योह् कत्यामग पछेघाति ताह्पा
अन्न ङिक यहूदीवन तेवर ङ्याह्, रे येसु यरूसलेमग होई। यरूसलेमग लूपा झलान रह्म्म ङा थाम थेम्पा रह्पान योह् पोखरीदी ङ्याह्, कनग हिब्रु ल्होईग बेथस्दा र्वाङ। स्याह् राँसा राँसान खङ्नानव, आथबा मी मरङ्नान, लेह्न मतैनान, ल्हो मगुल्नान्न सिमिव क्याङक्याङ छ्युँ। [ख्यु त्यु कन्न भेला कुल्ङ र्वार्वा कूङ। तैङर्वाङिन परमप्रभुन दुतदीजै कार्तौ-कार्तौ योह् कत्यामग धुलधुल त्यु कुल्ङ, रे त्यु कुल्मी सु ङू त्युन झिङ जाःङ, तैस्याङ्न नाजाई खङ्पा रानै, मन ताँ।] स्याह् ङिच्यु रै च्योर्गे परालै खङ्पा सिमिदी ङ्याह्। येसुई नू स्याह् क्याङक्याङ छ्युङ्पा रङ्बो आलै भेला र्याङ्मलै मन अन धसा ङिम्न र्वार्वा क्युई राह्राह् येसुई नू र्वाबो, "तै ना ताःसुम खेनौ?"
खङ्नानजै नू र्वाबो, "गुरु, कन्न भेला त्यु कुल्ङ मन्न भेला ङाः पोखरीन त्यु थाल साःनान ङन सिमि सुई मीपा, ङा वैतौवैतौ ङन खेरे ङू घङ सिमि त्यू धुल्ङ।"
येसुई नू र्वाबो, "च्याँ, रे जेँन ल्हौ तुह्या, रे ल्हेना।" तुरुन्तै अन सिमि ताह्बो, रे नु जेँन ल्हौ हुरहुर ल्हेम्बो। अन्तौ नाह्न ल्हाः ङ्याह्।
अन्न ङिक येसु ह्याङ गालीलन काना सहरग स्वाबो। खाः नुई त्यू अङ्गुरन खु दोङ्पा ङ्याह्। कफर्नहुमग ङोत्वा आङ खेनान्न सिमिदी ङ्याह्, नुन ङोह्जो खँ। येसु यहूदियालै गालीलग स्वापा ङ्याह् र्वानान ताह्ताह् ङोत्वा आङ खेनान्न सिमि नुन स्याह् होई, आलै नुन ङोह्जो स्वास्वा सिम धोवाँ र्वार्वा नू छ्याःफुल्बो, तैङर्वाङिन नुन ङोह्जो सिम जाःपा ङ्याह्। येसुई नू र्वाबो, "ङेन ताईलुवान धोन रे हालाईचेन धोनव मरङ्न बेर तै खेखेई बिस्वास मखेँ।" मन ङोत्वा आङ खेनान्न सिमिजै नू र्वाबो, "गुरु, ङन ङोह्जो सिचेन खेरे ङूई स्वायो।" येसुई नू र्वाबो, "वया, नान ङोह्जो सम्पु ङ्याह्।" येसुई नू र्वापान बचन मन सिमिजै बिस्वास खेबो, रे जेँन लमग होई। आलै नु वैतौवैतौ लमगै नुन राङ्पावजै नू दोदो नुन ङोह्जो सोम्बो र्वार्वा नू स्याप्पो।
हातौन भेलालै नू ताःमः जाःबो र्वार्वा नुई ख्युकाङ्मोः लोत्तौ ख्युई र्वाबो, "थ्याँ ङिजे एक बजेलै छायोई नू फेप्पो।" येसुई नू "नान ङोह्जो सोन्नान ङ्याह्" र्वापान भेलालै जेअँ र्वार्वा पाः क्युई रह्बो। आलै नुँह्जै रे नुन यिमन पयार पुरूजै बिस्वास खेबो। यहूदियालै गालीलग स्वास्वा येसुई खेपा अन ङेरेपन ताईलुवान धोन ङ्याह्।
A mulher com fluxo de sangue
Uma mulher que sofria há doze anos tocou a orla do manto de Jesus e foi curada instantaneamente pela sua fé.
मन्नै भेला च्योङे परालै कह वैनान्न नाह्जा रह्पा चिमिचादीजै ङिक्याँलै स्वास्वा येसुन घोलाङ्न नाः ज्यार्बो। तैङर्वाङिन नुई समसमग सोचि खेपा ङ्याह्, "ङै नुन घोलाङ मात्र ज्यार्ङिनै ङा ताःनान ङ्युँ।" ङिक होलहोल सेन्तौ येसुई मन चिमिचाः रङ्बो, रे र्वाबो, "चमेः, हिम्मत ख्या, नान बिस्वासजै नाः ताःफाम्पा ङ्याह्।" मन चिमिचा मन्नै भेला ताःबो।
आलै च्योङे परान ङूलै कह वैनान्न नाह्जा ङिह्पा चिमिचादी स्याह् ङ्याह्। नुई लै अम्जीवन स्याह् वैवै यङ तातैपा मह्या। जेँन ङ्याबो ङिह्पान क्यु पुरू अन्नै भिह्तु खर्च खेतपा ङ्याह्, जेङ्नै ताःचेन पूँ झन स्हरजै नू जुङ्पा ङ्याह्। येसुन भारेः नुई ताह्पा ङ्याह्, रे नुई मोह्ङन ङिक्याँलै स्वास्वा येसुन घोलाङ ज्यार्बो।
तैङर्वाङिन नुई समसमग र्वाबो, "ङै नुन घोलाङ मात्र ज्यार्ङिनै ङा ताःनान ङ्याह्।"
नुई येसुन घोलाङ ज्यार्बो रे तुरुन्त नुन कह वैचे छ्याबो, रे जेँन ल्होन नाह्जा ताःपा नू क्युई रह्बो।
Ressurreições
Jesus ressuscitou mortos — a filha de Jairo, o filho da viúva de Naim e Lázaro. Ele é Senhor sobre a morte.
याईरसन सिह्पान चमेः रे खङ्नान्न चिमिचा ताःपा
येसुई ख्युकाङ्मोः अन ल्होई र्वातौर्वातौ यहूदी जोम्पुन हाकिमदी स्वाबो, रे नू ध्वाः खेखे र्वाबो, "ङन चमेः घोमाः सिह्बो, जेङ्नै ना स्वास्वा नू ज्यार्ङिन नु सम्पु ग्युर्नान ङ्याह्।" येसु च्याङ्बो रे जेँन चेलावन ङ्याबो मन सासकन ङिक जाःबो।
आलै जब येसु हाकिमन यिम स्वा ताप्पो, नुई ल्यू बुन्नानव रे मोह्ङजै फाईराकुईरा खेपाई छ्युङ्पा रङ्बो। नुई ख्युकाङ्मोः र्वाबो, खोलोः वया, तैङर्वाङिन चमेः सिह्पा मह्या, जेङ्नै आःपा ङ्याह्। ख्युई नुन माबी पप्पो। सिमिकाङ्मोः खोलोः छ्यूमी नु झिङ जाःबो, रे मन चमेःन लाह् जुङ्बो, आलै मन चमेः च्याङ्बो।
यहूदी आराधनालयन अगुवावन बर्ग याइरस मिह्न्न सिमिदी येसुन स्याह् स्वाबो, रे नू रङरङ नुन ल्हेग खल्बु क्याप्पो, रे झाःम र्वार्वा छ्याःफुल्बो, "ङन कत्याम चमेः सिम जाःपा ङ्याह्, स्वास्वा नुन ङ्या ङेन ल्हा नाह्ना, रे अन ताःयो रे सोनायो।"
तब येसु नुन ङ्याबो होई। मोह्ङ किमदी नुन ङिग जाःबो, रे सिमिव नुन धेँवछोँ फुल्चीफुल्ची खेमः जाःबो।
ख्यु यहूदी जोम्पुन हाकिम याइरसन यिम स्वाबो, आलै नुई फाईराकुईरा खेनानव, दानानव रे बैरा खेखे दानानकाङ्मोः रङ्बो। झिङ जाःजाः नुई ख्युकाङ्मोः र्वाबो, "ङेनको तैङ फाईराकुईरा खेनान तैङ दानान? कोम्मे सिह्पा मह्या, जेङ्नै आःपाई छ्युङ्पा ङ्याह्।" जेङ्नै ख्यु नुन ल्होईग रैबो। तब नुई ख्यु पुरूग खोलोः छ्यूबो, रे कोम्मेन पोमा रे नुन चेलाकाङ्मोः ङ्याबो वव्वै कोम्मे ङिपुन झिङ होई। आलै कोम्मेन ल्हा जुङजुङ येसुई नू र्वाबो, "तालिता कूमी" अन्न अर्थ जेङ्पा, "ए कोम्मे, ङा नाः र्वाचे, च्याँ।" आलै कोम्मे तुरुन्तै च्याङ्बो, रे ल्हेम्म जाःबो। नु च्योङे परान ङ्याह्। आलै मन्नै भेला सिमिव मिह्दा हालाईबो।
लाजरस सिह्बो
लाजरस मिह्न्न सिमिदी खङ्पा ङ्याह्। नु मरियम रे नुन ति मार्थान नाम बेथानियान ङ्याह्। प्रभू मकेकुकेन कुम्म अत्तर छिनछिन नुन लेह् जेँन छमजै फ्याःनान्न मरियम अनै ङ्याह्। नुनै भाइ लाजरस खङ्पा ङ्याह्। अन मितिकोवजै येसुन स्याह् झाःम र्वार्वा ल्होन कोर्बो, "प्रभु, सू ङेन मया खेनान, नु खँ।"
जेङ्नै अन ताह्ताह् येसुई र्वाबो, "अन खङ्नान सिचेन भिह्तु नङ्पा, जेङ्नै अन परमेस्वरन महिमान भिह्तु जेङ्पा, ताकि अन्न लम परमेस्वरन ङोह्जोन प्रसङ्सा रायो।" येसुई मार्था, नुन बहिनी रे लाजरसग मया खेँ, जेङ्नै लाजरस खँ र्वानान ताह्ताह् येसु खाः ङ्याह्, हेँ ङेर्या स्याह्ई छ्युङ्बो। आलै येसुई चेलाकाङ्मोः र्वाबो, "स्वा, ता ङ्योअग ह्याङ यहूदिया होलहोल वैमता।" चेलावजै नू र्वाबो, "रब्बी, चोङ्ङा यहूदीवजै नाः लुङजै फ्याङ्चे फाङ्ङ, रे तै ह्याङ ना स्याह्ई वैसुम खेनौ?" येसुई झब बिम्बो, "तै दिनग घन्ता च्योङे मराह्नान तै?" दिनग आउजाउ खेनानग मथ्वानान, तैङर्वाङिन नुई अन सन्सारन साल्म रङ्नान, जेङ्नै छान्जे आउजाउ खेनान सिमि थ्वानान, तैङर्वाङिन छान्जे ता नुन ङ्याबो साल्म मराह्नान। आलै नुई ख्युकाङ्मोः र्वाबो, "ङिन फुरी लाजरस आःपा ङ्याह्, जेङ्नै नू मिवालै सोल्मः ङा स्याह् वैचे।" चेलावजै नू र्वाबो, "प्रभु, नु आःपा ङ्याह् र्वाङिन नु ताःनान ङ्याह्।"
येसुई र्वापान अर्थ चन "लाजरस सितबो" र्वानान ङ्याह्। जेङ्नै चेलावजै चन लाजरस तेम्माई आःपा मात्र ङ्याह् र्वानान छुपा ङ्याह्। येसुई ख्युकाङ्मोः ल खेखे र्वाबो, "लाजरस सिपा ङ्याह्।
Domínio sobre a natureza
Jesus acalmou a tempestade, andou sobre as águas e multiplicou pães. A natureza obedece à voz do seu Criador.
येसुई लनग छ्याःफाम्पा
येसु दोङाः चप्मी नुन चेलाव नुन ङिक जाःबो। तैमेःग योह्ग लन किम च्याङ्बो, रे छ्योलापन कारन दोङा नुप्मः जाःबो। जेङ्नै येसु चन आःपाई छ्युङ्पा ङ्याह्। आलै चेलावजै येसुन रह्म्म वैवै नू सोलैसोलै र्वाबो, "गुरुज्यू, ङी बचाई ख्या, ङि ता सिमः जाःबो।" येसुई ख्युकाङ्मोः र्वाबो, "ङाईदिन बिस्वासी सिमि हो, ङेन तैङ ङिन्नान?" तब च्याङच्याङ नुई लन रे योह्ः ङार्बो, रे लन मार्छारे छ्याःबो। "नु ता कताःमन सिमि जेम, तैङर्वाङिन लन रे छ्योलापजै र्वार्वा नुन र्वापा ङ्याम्मन" र्वार्वा मन सिमिव हालाईबो।
मन्नै ङ्याजे चेलाव येसुन रह्म्म ताप्ताप् र्वामः जाःबो, "स्यीह् सिमि सुई मछ्यूँ। अन सिमिकाङ्मोः फेरा ताकि ख्युवा वैवै जेँन भिह्तु झायाप र्युह्र्युह् झाःयो।" येसुई र्वाबो, "सिमिव स्यीह्लै नवयाःयो बरु ङेनजै र्वार्वा ख्युकाङ्मोः तयाः झाफाना।" चेलावजै र्वाबो, "जेङ्नै ङिन ङ्याबो रोता ङा थाम रे ङाह् ङेह् थाम मात्र ङ्याह्।"
येसुई र्वाबो, "मन रोता रे ङाह्व स्यीह् सह्रा।" मन्न छाम्म येसुई पुरू सिमिकाङ्मोः क्वाः छ्युङ्फाम्बो। नुई रोता ङा थाम रे ङाह् ङेह् थाम वप्पो। नुई स्वर्गक्याँ सेनसेन परमेस्वरग असिका तोल्बो। मन्न छाम्म नुई रोताव क्युक्क्युई चेलाकाङ्मोः मन रोता बिम्बो, आलै चेलावजै चन रोता सिमिवन घूँ परेःबो। पुरूजै बरङ्बरङ् झबो। चेलावजै लाःमा रह्पा तुकराव रूरू थाम च्योङेग काङ्बो। स्याह् चिमिचाव रे वैचाव नङ्म झानान क्वाई माल्ला हजार ङातौ सिमिव ङ्याह्।
नाह्प तिन बजेलै छ बजेन घूँराः, येसु त्युन लाह्ः लेनलेन चेलावन स्याह् स्वाबो।
येसुई घङ किम मोह्ङग ख्वाःपा
तब येसुई जेँन चेलाकाङ्मोः जेँन स्याह् घ्वाघ्वा र्वाबो, "ङा अन मोह्ङ्ग दिसाँ, तैङर्वाङिन अजोव ङन ङ्याबो छ्युङ्पा त्या सुमङी रह्पा, आलै अजोवन ङ्याबो झाचेन भिह्तु तये मह्या। अजोवग फोङै फेस्सुम ङाः मीपा। तेमन्ता ख्यु लमग बेहोस रह्दरा।" चेलावजै नू र्वाबो, "अकेः ह्याल्म मोह्ङग अन सुनसान ठाउँग खालै झायाप सस्सै ख्वाःचे?" येसुई ख्युकाङ्मोः लोप्पो, "ङेन ङ्याबो रोता हाति थाम ङिह्पा?" ख्युई झब बिम्बो, "नेह् थाम रोता रे तयाः ङाह् कत्याःम ङिह्पा।" नुई मोह्ङ्ग साः छ्योवा र्वार्वा र्वाबो। नुई मन नेह् रोता रे ङाह् वव्वै परमेस्वरग मया रह्पा र्वामी क्युक्क्युई चेलाकाङ्मोः बिम्बो, आलै चेलावजै सिमिकाङ्मोः परेःबो। ख्यु पुरूजै बरङ्बरङ् झबो। रे चेलावजै लाःमा रह्पान तुकराव रूरू थाम नेह् खाप्च्योवा तुईबो। चिमिचाव रे वैचाव नङ्म झानानव हजार ली चोलोङ्चाव ङ्याह्।
कर फाःम येसुन छोए
येसु रे नुन चेलाव कफर्नहुमग स्वा ताप्मी आराधनालयन कर तुईनानवजै स्वास्वा पत्रुसग लोप्पो, "तै ङेनकोन गुरुई आराधनालयन कर फाःनौ?" पत्रुसजै झब बिम्बो, "फाःनान।" आलै नु यिमन झिङ जाःमी येसुई ल्होई छ्यूबो, "ए सिमोन, नान सोच तै ङिह्पा? अन सन्सारन झलीवजै सुलम कर तुईनान? जेँनै ङोह्जोवलम तुईनान कि घङवलम?" "घङव लमै तुईनान," पत्रुसजै झब बिम्बो। येसुई र्वाबो, "आन ङोह्जो अलःवजै कर फाःमत्वानान। जेङ्नै ङि अन सिमिकाङ्मोः ठेस मबिम्मता। ना वया रे योह्ग जाल फ्याँ। पुरून खेरे ङू जालग थेप्पान ङाह् छ्यूछ्यू नुन ङुर पोवा। नुन ङुरग नाई मुलन सिक्कादी दोःनान ङ्याह्। मन चन आराधनालयन कर तुईनानवन स्याह् वव्वै ङीमन कर फाःमता।"
येसुई खोअन तङ्पू सराप खेपा
नाप्चे नाह्पपर्मै यरूसलेम सहरक्याँ होल्तौ येसू गुसिह्बो। लम्न नाः खोअन तङ्पु रङरङ फल ङिम कि र्वार्वा नु मन तङ्पुन रह्म्म होई, जेङ्नै मनग ल्हा नङ्म घङ तये मह्या। नुई मन तङ्पू र्वाबो, "तान धेरा नान स्याह् हातौयै फल नछ्याःयो। मन खोअन तङ्पु ता मन्नै भेला खार्बो।" अन रङरङ चेलावजै हालाईलाई लोप्पो, "अकेः खम्म अन खोअन तङ्पु कुजुई खार्बो?" येसुई झब बिम्बो, "तेम्माई ङा ङेनकाङ्मोः र्वाचे, ङेनजै ङाईदी यङ सङ्का मखेरे बिस्वास खेङिन खोअन तङ्पू ङै खेपालैम खे तैनान रे अकेः मात्र नङ्पा, ङेनजै अन धुरग ‘स्यीह्लै वैवै समुन्द्रग छारा’ र्वाङिनै उजुई राह्नान ङ्याह्। यदि बिस्वास खेङिन सोअतापग तै तोल्नै ङेनजै मन देन्नान ङ्याह्।"
आलै स्याह् लन किम स्वाबो, रे छ्योलापव दोङाः ठ्वामः जाःबो, स्यीह् थाल कि दोङा त्युई नाङ्मः जाःबो। येसु जेँ चन दोङान ङीक्याँ खुमदी काका मिवा च्युपा ङ्याह्। ख्युई नू झाःम र्वाईर्वाई सोल्बो, "गुरुज्यू, ङि नुप्मः जाःबो र्वानान नाः वास्ता मीपाऊ?"
तब येसु च्याङ्बो, रे लनग ङार्बो, रे समुन्द्रन छ्योलापकाङ्मोः र्वाबो, "सान्त रा! छ्या!" आलै लन छ्याबो रे सान्त रह्बो। येसुई चेलाकाङ्मोः र्वाबो, "ङेनको तैङ झामखेखे ङिन्नान? ङेनको ङ्याबो हेँ बिस्वास मीपाऊ?"
ख्यु मिह्दा ङिह्म्बो रे राह्ङराङ्साः र्वामः जाःबो, "नु सु जेङ्पा? लन रे समुन्द्रजै नुन र्वापा ङ्याङ्ङ।"
आलै जब भेला लै होई तब येसुन चेलावजै नुन रह्म्म स्वास्वा र्वाबो, "स्यीह् तीपू ङ्याह्, रे ता ङ्याजे रह्बो। सिमिकाङ्मोः भिदा भिना, रे ख्युई धेँवछोँन छ्युङ्पु रे नामग वैवै जेँन भिह्तु तयाः झायाप र्युह्यायो।"
जेङ्नै येसुई ख्युकाङ्मोः र्वाबो, "ङेनकोजै ख्युकाङ्मोः तयाः झाफाना।" जेङ्नै ख्युई नू र्वाबो, "तै ङी वैवै मुलन सिक्का क्याम ङेह्न रोता र्युह्र्युह् ख्युकाङ्मोः झा फान्चे तै?" येसुई ख्युकाङ्मोः र्वाबो, "ङेनकोन ङ्याबो रोता हाति ङ्याह्? वैवै सेह्ना।" आलै ख्युई सेह्म्बो रे येसू झब बिम्बो, "रोता ङा रे ङाह् ङेह्।"
आलै येसुई सिमिकाङ्मोः क्वा पिङ्मग लयन खेखे छ्युङ्फाम्बो। ख्यु क्याम ती-ती रे फेराङ सुमथल-सुमथलन लयन दोङदोङ छ्युङ्बो। नुई मन रोता ङा रे ङाह् ङेह् वव्वै पान्नाङक्याँ सेनसेन परमेस्वरग असिका तोल्बो, रे अन रोता क्युप्पो आलै सिमिवन ङू नाह्ना र्वार्वा चेलाकाङ्मोः बिम्बो, रे अन ङाह् ङेह् यङ नुई पुरूग परेःबो। आलै पुरूजै बरङबरङ झबो। ङाईलै चेलावजै रोता रे ङाह्न लामा रह्पान तुकराव थाम च्योङे खाप्च्योवा तुईबो। रोता झानान्न चोलोङ्चाव हजार ङा ङ्याह्।
चेलाकाङ्मोः दोङा कुल्चे तूरि रह्पा नुई रङ्बो, तैङर्वाङिन लन ख्युन फिचीङघोल्वाक्याँ ङ्याह्। नाह्पन तिन बजेलै छ बजेन घूँ नु ख्युन स्याह् समुन्द्रन ल्हाः ल्हेनैल्हेनै स्वाबो, रे ख्युकाङ्मोः ङू तलतल वैमः जातौ ख्युई नु समुन्द्रन ल्हाः लेन्यङ खेपा रङ्रङ मु जेङ्पा र्वार्वा छुबो, रे ख्यु फाईरा खेबो। तैङर्वाङिन नू रङरङ पुरू ङिनपा ङ्याह्। जेङ्नै हतपत नुई ख्युकाङ्मोः र्वाबो, "हिम्मत ख्या, ङा जेङ्पा, नङिना।" आलै येसु ख्युन ङ्याबो दोङाः चप्पो, रे लन छ्याबो। आलै ख्यु मिह्दा हालाईबो,
येसुई हजार ली सिमिकाङ्मोः ख्वापा
मन दिनग ह्याङ सिमिन मोह्ङ किमदी जोम्बो, जेङ्नै ख्युन ङ्याबो झायाप तये मह्या। तब येसुई चेलाकाङ्मोः जेँन ङ्याबो स्वा र्वार्वा र्वाबो, "ङा अन सिमिकाङ्मोः दिसाँ, तैङर्वाङिन अजोव ङन ङ्याबो छ्युङ्पा त्या सुमङी रह्बो, रे ख्युन ङ्याबो झाचे तये मह्या। आलै यदि अजोव: फोङ यिम फेङ्ङिन अजोव लमगै बेहोस राह्नान ङ्याह्। अजोवन बर्ग कान-कान ग्याङ्मलै स्वापा ङ्याह्।"
येसुन चेलावजै नू र्वाबो, "अन सुनसान ठाउँग अकेःन सिमिकाङ्मोः ख्वाचेन भिह्तु हाति र्वार्वा ङ्योप्पा खालै सच्चे?"
येसुई ख्युकाङ्मोः लोप्पो, "ङेनकोन ङ्याबो रोता हाति ङ्याह्?" ख्युई झब बिम्बो, "रोता नेह्" नुई सिमिन मोह्ङ्ग साः छ्युङ्फाम्बो, आलै नुई रोता नेह् ल्हाग वव्वै परमेस्वरग मया रह्बो र्वामी रोता क्युप्पो, रे जेँन चेलाकाङ्मोः सिमिन मोह्ङ्ग परेःया र्वार्वा बिम्बो। आलै चेलावजै सिमिकाङ्मोः परेःबो। ख्युन ङ्याबो तयाः ङाह् कत्याःमव यङ ङ्याह्, रे नुई परमेस्वरग असिका तोलतोल मन यङ चेलाकाङ्मोः परेःफाम्बो। आलै सिमिवजै झाझा बरङ्बो रे ख्युई लाःमा रह्पान तुकराव थाम नेह् नाङ्पा तुईबो। स्याह् क्वाईमाल्ला: हजार ली सिमिव ङ्याह्।
येसुई खोअन तङ्पु सराप खेपा
नाप्चे येसु नुन चेलाव ङ्याबो बेथानियालै स्वातौ येसू गुसिबो। आलै ग्याङम ल्हाई नाङ्पा खोअन तङ्पुदी रङरङ कार्तौ मनग तयाः फल देन्नन कि र्वार्वा नू होई, जेङ्नै स्याह् ताप्मी नुई तङ्पु ल्हानङ्म तये मदेप्पो, तैङर्वाङिन मन्न भेला खोअन फल छ्यानान भेला रह्पा मह्या। तब नुई मन तङ्पु र्वाबो, "तान धेरा हातौयै सुई र्वार्वा नानलम फल नझाँयो।" आलै अन र्वापा नुन चेलावजै ताह्बो।
खार्पा खोअन तङ्पुलै छोए
नाप्चे नाप स्याह्लै ङूनै लम वैता नुई मन खोअन तङ्पू पादालै खार्पा रङ्बो। आलै पत्रुसग अन ङूक्याँन ल्होई ह्याका रह्बो, रे नुई येसू र्वाबो, "रब्बी, सेह्ना, नाई सराप बिम्पा खोअन तङ्पु ता खार्दँ।"
येसुई चेलाकाङ्मोः झब बिमबिम र्वाबो, "परमेस्वरग बिस्वास नाह्ना। तेम्माई ङा ङेनकाङ्मोः र्वाचे, यदि सुई जेँन समग सङ्का मखेँ जेङ्नै जेँजै र्वापान ल्होई पुरा राह्नान र्वार्वा बिस्वास खेखे अन लाः ‘पिङ्पिङ् ना समुद्रग घ्या’ र्वाङिन, मन्न भिह्तु झामै राह्नान ङ्याह्। अन्नकारन ङा ङेनकाङ्मोः र्वाचे, ङेनजै सोअताप्चे तैस्याङ तोलनन अन देप्पा ङिह्पा र्वानान्न बिस्वास नाह्ना, रे अन ङेन देन्नान ङ्याह्। जब ङेन सोअताप्मः च्याङ्नान, तब सुन बिरोधग ङेन तयाः ङिह्पा राङिन माफ ख्या, ताकि पान्नाङग ङिह्पा ङेन पाई ङेन अपराधव माफ ख्याःयो।
काना सहरग भ्यान भत्यार
सुमङीन लाह् गालील प्रदेसन काना सहरग भ्यान भत्यारदी ङ्याह्। येसुन मा स्याह् ङ्याह्। येसु रे नुन चेलाव यङ भत्यारग घ्वापा ङ्याह्। अङ्गुरन खु ताह्मी येसुन माई नू र्वाबो, "ख्युन ङ्याबो अङ्गुरन खु मह्या।" येसुई नू र्वाबो, "हे चिमिचा, ङै तै खेत्वानान ङाः नर्वा। ङन भेला हेँदिरि स्वापा मह्या।" नुन माई राङ्पाकाङ्मोः र्वाबो, "नुई र्वापालैम ङेनजै ख्या।"
ता यहूदीवन छाङ्म राचेन ल्हून भिह्तु स्याह् क्वाईमाल्ला: लितर क्यामदी स्योङ्नान लुङन गेर्जा रु थाम नाम्पा ङ्याह्। येसुई राङ्पाकाङ्मोः र्वाबो, "गेर्जाव त्युई काना।" ख्युई त्यु गेर्जान ङुरथालै काङ्बो। नुई ख्युकाङ्मोः र्वाबो, "गेर्जा पोङपोङ ङाई त्यु भत्यारन मुखियान स्याह् होरा।" ख्युई अन वप्पो। भत्यारन मुखियाजै मन त्यु चाकी खेबो, कन ता अङ्गुरन खु रह्पा ङ्याह्। मन खालै स्वापा जेङ्पा र्वार्वा नू क्युई मह्या, जेङ्नै त्यु काङ्नान्न राङ्पाकाङ्मोः चन क्युई ङ्याह्। ता भत्यारन मुखियाजै मापाः घ्वाघ्वा र्वाबो, "सिमि पुरूजै ङू अङ्गुरन खु साङ्क्याङ नान्नान आलै सिमिवजै याम्मा झातामी मात्र अङ्गुरन खु र्योःचाम नान्नान। नुई ता अङ्गुरन खु साङ्क्याङ चोँन बेर ख्योवाख्योवा नाम्पा ङ्याह्।" नुन ताईलुवान धोनवन बर्ग अन पहिली हालाईचेन धोन येसुई गालील प्रदेसन काना सहरग खेबो। झामखेखे नुई जेँन महिमा थम्बो, आलै नुन चेलावजै नुन लाह्ः बिस्वास खेबो।
येसुई नुन छोए सेन्चेन भिह्तु अन र्वापा ङ्याह्। तैङर्वाङिन नुई तै खेमः जाःपा ङ्याह् अन नू क्युई ङ्याह्।
फिलिपजै नू झब बिम्बो, "पुरूजै ङाई-ङाई देन्नै क्याम ङेह् मुलन सिक्कान रोताई ख्युकाङ्मोः झ्योनान मह्या।" नुन चेलावन बर्ग तीपा, सिमोन पत्रुसन भाइ अन्द्रियासजै र्वाबो, "स्यीह् चोलोङ्चादी ङ्याह्। नुन ङ्याबो नजन्न रोता ङा रे ङाह् ङेह् ङ्याह्। जेङ्नै अकेः ह्याल्म सिमिवन भिह्तु अकेःजै ज्योनान तै?" येसुई र्वाबो, "सिमिकाङ्मोः छ्युङ्फाना" स्याह् सी लै रह्पान क्वा ङ्याह्। तब क्वाईमाल्ला: हजार ङा चोलोङ्चाव स्याह् छ्युङ्बो। तब येसुई रोता वप्पो रे परमेस्वरग मया रह्बो र्वामी छ्युङ्नानकाङ्मोः परेःबो, रे झाःम खेखे ङाह् यङ परेःबो। ख्युई बरङबरङ झबो। जब ख्युई झातामी येसुई जेँन चेलाकाङ्मोः र्वाबो, "लामा तुकराव रुवा। तये पाह्दुर नपरा।" झानानवजै लामा नाम्पा नजन्न मन रोतान तुकराव ख्युई रूबो रे थाम च्योङे काङ्बो।
ख्युई किलोमितर ङा-रु थाल दोङा कुलकुल वप्पो। ख्युई येसु योह्न लाह्ः लेनलेन दोङान रह्म्म स्वायङ खेपा रङ्बो। आलै ख्यु ङिह्म्बो। जेङ्नै नुई ख्युकाङ्मोः र्वाबो, "ङा जेङ्पा, नङिना।" ख्युई स्याङस्याङ नू दोङा नाह्म्बो, रे दोङा तुरुन्तै ख्यु वैनान्न ठाउँग स्वा ताप्पो।
येसु ने चेलावन स्याह् रङ्बो
अन्न ङिक चेलावन स्याह् तिबेरियास योह्न नाः येसुई ह्याङ जेँग थम्बो। नुई जेँग झामखेखे थम्बो, सिमोन पत्रुस, दिदुमस र्वानान थोमा, गालीलन काना सहरन नथानेल, जब्दियान ङे ङोह्जोव रे नुन चेलावन बर्ग घङ ङेपा ङ्याबो ङ्याह्। सिमोन पत्रुसजै ख्युकाङ्मोः र्वाबो, "ङा ङाह् जुङ्मः वैचे।" ख्युई नू र्वाबो, "ङ्योअ रे नान ङ्याबो स्वाचे।" ख्यु वैवै दोङा चप्पो, जेङ्नै अन छान ख्युई तये मजुङ्बो। नाप राम जाःपा ङ्याह्, येसु ना च्याङ्बो। जेङ्नै चेलावजै नु येसुई जेङ्पा र्वार्वा मस्योःबो। येसुई ख्युकाङ्मोः र्वाबो, "वैचा हो ङेन ङ्याबो तयाः ङाह् ङिह्पाऊ?" ख्युई नू झब बिम्बो, "मीपा।"
येसुई ख्युकाङ्मोः र्वाबो, "जाल दोङान याईपाक्याँ का, आलै देन्नान ङ्याह्।" तब ख्युई जाल कबो, रे ङाह् अकेः ह्याल्म थेप्पो कि ख्युई जाल कानै मतैबो।
येसुई मया खेनान चेलाई पत्रुसग र्वाबो, "नु प्रभु जेअँ।" "नु प्रभु जेअँ" र्वानान ताह्ताह् सिमोन पत्रुसजै जेँन खोलोःन घोलाङ हाङग तिह्बो, तैङर्वाङिन नुई घोलाङ फुप्पा ङ्याह्, रे त्यू बोर्बो। घङ चेलाव दोङागै छ्युङछ्युङ ङाह् थेप्पा जाल कानैकानै स्वाबो। ख्यु नाःलै ग्याङ्म नङ्पा, जेङ्नै क्वाईमाल्ला: मितर क्याम तीतौग ग्याङ्म ङ्याह्। जब ख्यु नाः धुल्बो, तब ख्युई मेह्रोवान लाह्ः ङाह् नाम्पा रे रोता रङ्बो। येसुई ख्युकाङ्मोः र्वाबो, "ङेनजै घोमाः जुङ्पा ङाह्लम ङाई क।" तब सिमोन पत्रुसजै दोङाः चपचप नेथल रै च्युसुम किम किम ङाह्ई नाङ्पान जाल कानकान नाः सप्पो, जेङ्नै अकेः ह्याल्म रानै जाल मज्योम्बो।
Libertações
Jesus expulsou demônios com autoridade. Os espíritos impuros não resistiam à sua palavra e saíam imediatamente.
येसुई रोमी सेनापतिन राङ्पाः ताःफाम्पा
येसु कफर्नहुम सहरग जाःतौ रोमी अफिसरदी स्वास्वा नू छ्याःफुल्बो, "हे प्रभु, ङन राङ्पा ल्हो मगुल्नान नाह्जाई मिह्दा तूरि देद्दे यिम आःपाआःत्वा ङ्याह्।"
येसुई नू र्वाबो, "ङा स्वास्वा नू ताःफान्नान ङ्युँ।" जेङ्नै अफिसरजै र्वाबो, "हे प्रभु, ङा नाः ङन यिम स्वागत खेचेन सम स्योरस्योरलैम मीपा। जेङ्नै बचन मात्र र्वा, रे ङन राङ्पा तानान ङ्याह्। तैङर्वाङिन ङा रे हाकिमवन अधिनग ङिह्पा, आलै ङन लाह्ग सिपाहीव ङ्याह्। ङा तीपाः ‘वया’ र्वानान, आलै नु वैङ, रे घङग ‘स्वा’ र्वानान, आलै नु स्वाङ। ङन राङ्पाः ‘झाम ख्या’ र्वानान, आलै नुई अन खेँ।"
नुन ल्होई ताह्ताह् येसु हालाईबो, रे नुन ङिक स्वानानकाङ्मोः र्वाबो, "तेम्माई, ङा ङेनकाङ्मोः र्वाचे, इस्राएलगै झाम बिस्वास किम ङै दोःपा मीपा। ङा ङेनकाङ्मोः र्वाचे, स्यार रे ल्होलम सिमि लैः स्वानान ङ्याह्, रे अब्राहाम, इसहाक रे याकूबन ङ्याबो स्वर्गन राज्यन भत्यारग छ्युङ्नान ङ्याह्। आलै राज्यन सन्तान खोलोः नाःतुमाः पन्नान ङ्याह्। स्याह् सिमिव दानान ङ्याह् रे सो चप्नान ङ्याह्।" तब येसुई अफिसरग र्वाबो, "वया, कताःम नाई बिस्वास खेपा ङ्याह्, उजुई नाः राःयो।" आलै मन राङ्पा मन्नै भेला ताःबो।
मुई सेम्पान सिमि ङेह्
जब येसु योह्न धिक्याँ गदरिनीवन प्रदेसग स्वाबो, तब मुई सेम्पान सिमि ङेह्पावजै तुह्र्सालै स्वायङ खेतौ नू धोबो। ख्यु झाःमन ङिनङिनलैम ङ्याह्, कि सुई र्वार्वा स्याह्लै आउजाउ खे मतैङ। ख्युई झाम र्वाईर्वाई फाईरा खेबो, "हे परमेस्वरन ङोह्जो, ना ङी तै खेमः स्वापा? ङिन भेला मह्रारे ङी तूरि बिम्मः ना स्यीह् स्वापा जेङ्पौ?" ख्यु रह्पुलै ङाई धिङाः छ्योअन मोङ किमदी छापाई ङ्याह्। मुवजै नू झाःम र्वार्वा छ्याःफुल्बो, "यदि नाई ङी छ्यूङिन, ङी छ्योअन मोङग फेरा।" आलै नुई ख्युकाङ्मोः र्वाबो, "वया।" तब ख्यु गेग्गे छ्योअवग जाःबो, रे छ्योअन मोङ पुरू जारलै पाह्मैपाह्मै होई रे योह्ग नुपनुप सिह्बो। छ्योअ छानानव ज्यार्बो रे सहरग वैवै ल्होई पुरू, रे मन मुई सेम्पाकाङ्मोः तै रह्पा अन स्याप्पो। तब सहर पुरु येसू धोमः स्वाबो, रे नू रङरङ सिमिवजै ङिन छेत्रलै वया र्वार्वा नू छ्याःफुल्बो।
येसुई सिमि वाम्पाः ताःफाम्पा
जब ख्यु गेग्गे वैयङ खेपा ङ्याह्, तब मु ताह्ताह् वाम्पा सिमिदी येसुन स्याह् सप्पो। मु छ्यूमी मन वाम्पाई ल्होई र्वाबो। आलै "इस्राएलग हातौयै झाम मरङ्बो" र्वाईर्वाई सिमिवन मोह्ङजै हालाईबो।
येसु रे बालजिबुल
तब नुन स्याह् मुई सेम्पा काना रे वाम्पा सिमिदी सप्पो। येसुई नू ताःफाम्बो, अकेह्थाल कि, स्याह्न वाम्पा सिमि ल्होई र्वा तैनान रे रङ तैनान रह्बो।
कनानी चिमिचान बिस्वास
येसु मन ठाउँ ख्योवाख्योवा तुरोस रे सीदोन सहरक्याँ होई। स्याह्ई कनानी चिमिचादी येसुन स्याह् स्वास्वा फाईरा खेईखेई र्वाबो, "हे प्रभु, दाऊदन ङोह्जो, ङाः दया ख्या। ङन चमेः मुई सेम्पा राह्राह् मिह्दा तूरि देप्पा ङ्याह्।" जेङ्नै येसुई नू तये यङ झब मबिम्बो आलै नुन चेलावजै स्वास्वा नू छ्याःफुल्बो, "अन चिमिचाः फेरा, नु ता ङिन ङिह्ङिह् दाईदाई स्वायङ खेपा ङ्याह्।" जेङ्नै येसुई र्वाबो, "इस्राएलन सिमिवन मोल्पान लूपावन स्याह् फेप्पा जेङ्पा।" अन ताह्ताह् मन चिमिचाई येसुन ल्हेग खल्बू क्याप्क्याप र्वाबो, "प्रभु, ङाः फुरी ख्या।" जेङ्नै येसुई र्वाबो, "जेँन वैचावन रोता तलतल ख्युकोग बिन्चे लः मराह्नान?" आलै मन यहूदीन खोलोःन चिमिचाई र्वाबो, "जेङ्पा प्रभु, जेङ्नै ख्युवजै र्वार्वा जेँन मालिकवन तेबललै छार्पान रोतान तुकराव झाँ न।" तब येसुई र्वाबो, "हे चिमिचा नान बिस्वास किम ङिम्न। नाई चाहि खेपा लैमै राःयो।" आलै नुन चमेः मन्नै भेला ताःबो।
मुई सेम्पा चोलोङ्चा
येसु चेलावन ङ्याबो सिमिन मोङ रह्पू होलहोल स्वातौ सिमिदीजै नुन ल्हेग खल्बु क्यापक्याप र्वाबो, "प्रभु, ङन ङोह्जोः दया ख्या! नाम्क्यान्न ताह्पान कारनजै नुई मिह्दा तूरि देप्पाई ङ्याह्। नु घरीघरी बेहोस राँ रे मेह् या त्यू घ्याँ। ङै नू नान चेलावन स्याह् सप्पा, जेङ्नै ख्युई ताःफान मतैबो।" येसुई र्वाबो, "ए ङाईदी बिस्वास ङिह्पा रे भ्रमग परि रह्पान पुस्ता, हातौन बेर ङा ङेनकोन ङ्याबो लुईनान ङ्युँ? हातिर्यान बेर ङै ङेनकाङ्मोः कूचे? नू स्यीह् सह्रा।" आलै येसुई मन मू ङार्ङार धाम्बो रे मन चोलोङ्चा तुरुन्तै ताःबो।
मन्नै भेला यहूदीन आराधनालयन झिङ मुई सेम्पा सिमिदी स्वास्वा फाईरा खेबो, "हे नासरतन येसु, नाई ङी तै खेमः जाःपा? तै ना ङी मीपा दोङ्मः स्वापा जेङ्पौ? ना सु जेङ्पा र्वार्वा ङा स्योःनान, ना परमेस्वरन पबित्र सिमि जेङ्पा।"
जेङ्नै येसुई मन आत्मा अलःग झाःम र्वार्वा ङार्बो, "तै मर्वारे छ्योवा, रे अन सिमिलम गेग्गे वया।" अन र्वालुङ्मीम मुई मन सिमी काङ्क्याल सुमक्याल धेफानैफानै केह्ः किमई फाईरा खेखे नुनलम गेग्गे होई।
येसुई मु ताह्पा सिमी ताःफाम्पा
येसु रे नुन चेलाव गालील योह्न धेरा गेरासेनसन छेत्रग स्वाबो। येसु दोङालै खोलोः गेप्लुङ्मीम तुह्र्सालै खोलोः स्वास्वा मु ताह्पा सिमिदीजै येसू धोबो। अन तुर्सा रह्पू छ्युँ। सुई नू साँगलजै खीखी नान मतैङ। तैङर्वाङिन अन लै नेल रे साँगलजै खीपा ङ्याह्, जेङ्नै नुई साँगलव तुकरा तुकरा खेखे परेङ्ङ। सिमि सुई र्वार्वा नू अधिनग नान तैपा मह्या। अन ङिम्मेछाम्मे एकुरो तुर्साव रे धुरवग फाईरा खेईखेई जेँजै जेँगै लुङजै छैछै ल्हेङ्ङ। आलै जब नुई येसू ग्याङमलै रङ्बो तब धालैधालै स्वाबो, रे येसुन ङू खल्बू क्यापक्याप छ्याःफुल्बो। आलै केह्ः किमै फाईरा खेखे नुई र्वाबो, "हे पुरून खेरे किम परमेस्वरन ङोह्जो येसु, नाई ङाः तै खेमः जाःपा जेङ्पा? ङा परमेस्वरग रेनरुरु नाः छ्याफुल्चे, कि ङा तूरि नबिना।" तैङर्वाङिन येसुई नू र्वापा ङ्याह्, "ए मु, मन सिमीलै गेग्गे वया।"
आलै येसुई नू लोप्पो, "नान मिह्न तै जेङ्पा?" नुई नू झब बिम्बो, "ङन मिन फौज जेङ्पा, तैङर्वाङिन ङि लै ङिह्पा।" आलै नुई येसू मन ठाउँलै मुकाङ्मोः खोलोः नछ्यूयायो र्वार्वा घलिछ्याचल र्वार्वा छ्याःफुल्बो।
स्याह् ङेह्मन धुरग छ्योअन मोह्ङ किमदी छापाई छ्युङ्पा ङ्याह्। आलै मन मुवजै झाःम र्वार्वा येसू छ्याःफुल्बो, "ङी छ्योअवन ङ्याबो वै फाना, रे ङि ख्युन झिङ जाचे।" तब नुई ख्युकाङ्मोः वैफाम्बो, रे मुव मन सिमिलम गेग्गे छ्योअवन झिङ जाःबो, आलै क्वाईमाल्ला हजार ङेह्तौ छ्योवान अन मोह्ङ जारग लम योह्क्याँ पाह्मैपाह्मै होई, रे योह्ग नुपनुप सिबो।
मन छ्योवा छानान्न सिमिव ज्यार्बो, रे सहर रे नाम नामग ताह्फेप्पो। रे तै रह्दँ र्वार्वा सेह्म्म सिमिव स्याह् स्वाबो।
यदि कान सिमिजै जेँन पोमाः "ङनलम तयाः हाति फुरी ङेनकाङ्मोः देत्त्वानान मन बलिदान जेङ्पा (अन्न अर्थ परमेस्वरग फुल्पा) र्वाङिन, ङेनको नू जेँन पोमान भिह्तु ह्याङ सेवा तये खे मफाङ्ङ। झामखेखे ङेनको जेँन ल्हूलामग जाःजाः परमेस्वरन र्वापान ल्होईग फानमत्वानान छूँ आलै मनलैम घङ लै ल्होई ङेनकोजै खेपाई छ्युङ्पा ङ्याह्।"
सिमी बाःपा दोङ्नान्न ल्होईव
येसुई ह्याङ सिमिन मोह्ङग जेँन रह्म्म स्वा र्वार्वा ख्युकाङ्मोः र्वाबो, "ङेनको पुरूजै ङन ल्होई ङ्याना रे हाकोवा। झाःम ल्होई तये मह्या कन खोलोःलै सिमिन झिङ जाःजाः नू बाःपा धोङ तैङ, जेङ्नै सिमिन लम खोलोः गेन्नान ल्होईवजै सिमी बाःपा धोँ।
चिमिचादीन बिस्वास
आलै स्याह्लै च्याङच्याङ येसु तुरोस सहर रे सीदोन्न ङेह्मन ठाउँलै वैवै यिमदीन झिङ जाःबो। अन ल्होई सुई क्युई नराःयो र्वानान नु चाहि खेँ, जेङ्नै नु फाक छ्युङ मतैबो। मन्नै भेला चिमिचादीजै नुन भारेः ताह्बो रे स्वास्वा नुन ल्हेग खल्बु क्याप्पो। मन चिमिचान चमेःग मु ताह्पा ङ्याह्। अन सिरियान फोनिकेन ठाउँग केह्पा यहूदीन खोलोःन चिमिचादी ङ्याह्। मन चिमिचाई जेँन चमेलम मु छ्यूयाःयो र्वार्वा येसू छ्याःफुल्बो। येसुई नू र्वाबो, "ङू वैचाकाङ्मोः झा फाना, तैङर्वाङिन वैचावन रोता वव्वै ख्युकोग पच्चे लः नङ्पा।"
आलै नुई येसू र्वाबो, "जेङ्पा प्रभु, जेङ्नै ख्युकोजै र्वार्वा सिमिन वैचावजै तेबलन पोँ छार्फाम्पान तुकराव झाँ।"
ह्याङ येसुई नू र्वाबो, "नाई झाःम र्वापान कारनजै ना यिम वया। नान चमेलम मु गेग्गे वैपा ङ्याह्।" नु यिम होई रे चमेःग खातग आःपाई छ्युङ्पा धोबो रे नुनलम मु गेत्तपा ङ्याह्।
मोह्ङलै सिमिदीजै येसू झब बिम्बो, "गुरुज्यू, ङन ङोह्जोः वाम्पा दोङ्नान्न मुन आत्मा ताह्पा ङ्याह्, रे ङेन स्याह् सप्पा ङिह्पा। जब अनजै ङन ङोह्जोः जुङ्ङ, तब नू साः दिम्फाङ्ङ, आलै नुई ङुरलै भ्वा छ्यूङ, सो चह्ङ्ङ, रे ख्याःङ। ङै ङेन चेलाकाङ्मोः मन मुन आत्मा छ्यूयाःयो र्वार्वा छ्याःफुल्पा, जेङ्नै ख्युई मतैबो।"
तब येसुई ख्युकाङ्मोः झब बिम्बो, "ए अबिस्वासी सिमिव, ङा हातौन बेर ङेनकोन ङ्याबो लुईदरा? ङेनकाङ्मोः ङा हाति कूचे? चोलोङ्चाः ङन रह्म्म सह्रा।" ख्युई मन चोलोङ्चाः नुन रह्म्म सप्पो। येसू रङ्लुङ्मीम मन मुन आत्माई चोलोङ्चाः काङ्क्याल सुमक्याल धेफाम्बो, रे नु साः दिमदिम ङुरलै भ्वा छ्युईछ्युई काङ्क्याल सुमक्याल धेम जाःबो। नुई अन्न पाः लोप्पो, "हातौलै अनग झाःम रह्पा जेङ्पा?" नुई र्वाबो, "वैचान भेलालै।" "मुई नू घरीघरी मेह् रे त्यू पप्पे सच्चे फाङ्ङ। गुरु! नाई तैङिन ङी दिसासा भलो ख्या।"
येसुई नू र्वाबो, "ङेनजै तैनौ र्वार्वा तै र्वानान? बिस्वास खेनान्न सिमिन भिह्तु ल्होई पुरू रा तैनान।" तब तुरुन्तै चोलोङ्चान पाई दादा र्वाबो, "ङा बिस्वास खेचे, जेङ्नै ह्याल्म मह्या। ङा ह्याजन बिस्वास देम्म फुरी ख्या।"
तब मोह्ङ ङ्याबो धालैधालै स्वापा रङरङ येसुई मन मू झाःम र्वाबो, "ए वाम्पा रे नाज्योवा मताह्नान्न मुन आत्मा, ङा नाः र्वाचे, नुन स्याह्लै गेग्गे स्वा, रे ह्याङ हातौयै नुन झिङ नजा।" आलै आत्मा फाईरा खेखे अन चोलोङ्चाः मिह्दा काङ्क्याल सुमक्याल धेफानफान मन आत्मा गेप्पो, रे अन चोलोङ्चा सिह्पा लैम रह्बो, सिथाल कि पुरूजै अन सिदँ र्वार्वा छुबो। जेङ्नै येसुई नुन ल्हा जुङजुङ नू जुरुक्क सोल्बो, रे नु च्याङ्बो।