Milagres de Jesus
Os Evangelhos registram dezenas de milagres realizados por Jesus — curas, ressurreições, domínio sobre a natureza e libertações. Cada milagre revelava sua divindade e compaixão.
Curas de cegos e surdos
Jesus devolveu a visão aos cegos e a audição aos surdos, manifestando seu poder sobre toda enfermidade e deficiência.
Yesu warke tabi na bebe
Nan Yesu ci cina na ritǝno, ar ni tabi moni jen rop kop ti, wu den wultǝn’e, <<Gǝsgal kǝ Dauda! Kum guna gǝmi.>> Nan tǝ te gip bom gono, ar ni tabiyi kop ti teka, kan tǝ wul wur’e, <<Kǝ nǝm gip mbatl gǝn’e aa mani warke gina?>> Arni wu nǝmi ti’e, <<Aan, Babomi.>>
Kan tǝ ne am den ger gǝzǝn tǝ wule, <<Den bi ngǝshtǝn gin demǝn ni, ar ba dǝmi in untu.>> Ar ni ger gǝzǝn ɓul kan wu mani shini bari. Kan Yesu ba dǝli wur kǝm hoyi, tǝ wule, <<Ba kǝ yari ni murgon argon tu kan pi gwa da’a.>> Ama wu ndarawo arni wu pi ta yari argon tu tǝ pi wur gwa gip atli kup.
Tabi jen rop zam mani shini bari
Nan Yesu na mir mǝn kulci kar ti ba za Yerikowo, ar ni mbarǝm na womti kop ti kaari. Tabi jen ra rop den dǝmi bi tǝpe. Nan wu kum Yesu den ɗirtǝn den tǝpiwo, ar ni wu tli yar yam wu wule, <<Babomi, Nya Dauda, kum guna gǝmi.>>
Ar ni womti mbarǝmi matl wur kǝ dǝ wu yon shot, ama wu tli yar na nari wu wule, <<Babomi, Nya Dauda kum guna gǝmi!>>
Ar ni Yesu dlǝr tǝ wul wur’e <<Unun kǝ ndu’e a pi inu?>>
Wu wul ti’e, <<Babomi, miwo mǝ ndu ni’e mǝ mani shini bari!>>
Ar ni Yesu kum guna gǝzǝn kan tǝ tabe ger gǝzǝni. Wule gip njipkǝr gere, ar ni wu nǝm shini bari, kan wu kop ti.
Yesu warke batabi gon gip Betsaida
Nan wu ɗir Betsaidawo, ar ni mbarǝm jen ɗir na tabi goni, kan wu lir Yesu kǝ dǝ tǝ ne am den ti. Yesu nǝm am kǝ tabiyi, tǝ ri ti kaar bǝni. Nan tǝ bǝse batayi mo’ǝm den ger tǝ ne am den tiwo, ar ni Yesu ngen momi kar ti, tǝ wul ti’e, <<Kǝ shin bara?>>
Ar ni tǝ tli gam yam kan tǝ wule, <<A shin mbarǝm kam, ama wule kin ni den ndǝtltǝni.>>
Ar ni Yesu pa ne am den ger kǝ mbarǝmi, kan ger gǝs ba ɓul tǝ nǝm shini bari hoyi. Kan Yesu ba za ti tǝ ndara bom tǝ wul ti’e, <<Ba kǝ’i te gip nye bǝniyi da’a.>>
Yesu warke bebe kan ngubbi ni gwa
Ar ni Yesu za kǝti atl kǝ Tayaka kan tǝ kop gip Sidon, tǝ su bi ɓula kǝ Galili na gip kǝti atl kǝ Dikapolis. Barta ni mbarǝm jen ɗiri ti gon kan bebeni tǝ mani shirǝm da’a gwa, kan wu lir Yesu kǝ dǝ tǝ ne am den ti.
Ar ni Yesu dǝl kurmayi markǝm las tu mbarǝm ra da gwa, kan tǝ kem mir yasa gǝs su kǝm dǝ mbarǝmika. Ar ni tǝ bǝse mo’ǝm kan tǝ taɓe lǝka kǝ mbarǝmi. Tǝ la gam yami kan tǝ dǝl bar shukutǝni kan tǝ wul mbarǝmi’e, <<Etpata!>> Muntu gip bi kǝ Aramekwo ar ba pi nupi’e <<Ɓuli!>> Na yari untuwo ar ni kǝm kǝ mbarǝmi ɓuli, kan lǝka gǝs ba pǝtli, kan tǝ nǝm shirǝm hoyi. Ar ni Yesu dǝli wur kǝm den ba wu yari murgon shirǝm tu da’a, ama na dǝli wur kǝmo, ar ni wu ci cina na yari shirǝmi. Mbarǝm ba pi ta nǝmi bi na ame, wu wule,<<Tǝ pi ko onu kor! Ar tu ma tǝ kem munju ba mani kumi shirǝm da’a na ngup bi kǝ shirǝmi.>>
Ɓul ger kǝ tabi
Ar ni wu mbubar Yeriko. Yesu ba ɗǝl gip Yeriko ituwi, nan ti na mir mǝn kulci kar ti, na mbarǝm na womti, se mbarǝm gon tu tabi tǝra njon den bi tǝpe tǝ den liri bari. Sun gǝs’e, Bartimawus nya Timawus. Nan tǝ kum’e Yesu kǝ Nazarat ni den wucetǝno, ar ni tǝ tli yar yami, tǝ den wultǝn’e, Yesu nya Dauda, kum guna gǝni!
Ar ni mbarǝm na womti mbatl ti wul ti’e tǝ yon shot. Ama tǝ tli yar yam ra hoyi tǝ wule, <<Nya Dauda, kum guna gǝni?>>
Ar ni Yesu dlǝri, kan tǝ wule, <<La’im tǝ ni bi ɗiri.>> Kan wu la bi batabiyi ɗiri, wu wul ti’e, <<Pi ghol mbatli! Tlyami, tǝ den la’i bi gi.>>
Ar ni tǝ la bar kǝ ghumtǝn gǝska, kan tǝ kenja tǝ tlyam tǝ ri kar Yesu.
Yesu ngen momi kar ti tǝ wule <<Unun kǝ ndu a pi iwe?>> Ar ni batabiyi nǝmi ti tǝ wule, <<Babomi a ndu’e a shin bari.>> Kan Yesu ba wul ti’e, <<Ndara, ngǝshtǝn gi den Yam warke iwi.>> Wule gip njǝpkǝr gere ar ni tǝ shin bari, tǝ kop Yesu, kan wu ndara.
Yesu ɓuli ger tabi mǝn liri bari
Nan Yesu pi kusa na Jerikowo, ba tabi gon ra ba dǝm bi guntǝp kǝ liri bari. Nan tǝ kum womti mbarǝm den kopi kartiwo, tǝ tambe ko unun ba ratlu. Wu wul ti’e, <<Yesu ba mǝn Nazaratni den shigetǝni.>> Tǝ la bi tǝ wule,<<Yesu nya Dauda, shin guna gǝni!>>
Munju ra cina gip mbarǝmiwo wu matl ti, wu wule, <<Yon shot!>> Ama tǝ la yar ra na naari, <<Nya Dauda, shin guna gǝni!>>
Yesu dlǝri, kan tǝ bi bi’e dǝ ɗiri ba tabiyi kar ti, nan tǝ mbira kosakwo, Yesu tambe ti, <<Unun kǝ ndu’e a pi’i we?>> Tǝ wule, <<Babomi, a ndu’e a shin bari!>> Kan Yesu ba wul ti’e, <<Shin bari! Ngǝshtǝn den Yam gi warke iwi.>> Kǝ lasi tǝ zam shini bari, kan tǝ kop Yesu, tǝ den ɗǝɗa Yami. Kup munju shino, wu ɗǝɗa Yami.
Yesu ɓul ger kǝ mbarǝm gon kan gǝr ti tabi gwa
Nan Yesu ci cinawo, ar ni tǝ shin mbarǝm gon tabi tun gǝri gǝsi. Mir mǝn kulci kar ti ngen momi kar ti wu wule, <<Ba mǝn kulci, warwat pitǝn kǝ wo ni kem kan ba gǝr mbarǝm tu tabiyi, gwas na, ko kǝ ga mǝn gǝri gǝs ni?>>
Ar ni Yesu wule, <<Mbarǝm tu ko mǝn gǝri gǝs ni pi warwat pitǝn da’a, ama muntu pini kǝ dǝ mbarǝm shin mbap ju kan Yam ni nangǝs ba pi gwa den ti. Ar nǝm mi te yarka mǝ ci cina na pi mbap kǝ muntu kan karǝm gwa kǝ pǝte. Gas den ɗirtǝne, nan mbarǝm baa mani pi mbap da gwa. Ami ni ra den kaar atlo, ami ni’e cirtǝn kǝ atl kundǝrǝndlip.>>
Nan ti yari untuwo, ar ni tǝ bǝse mo’ǝm den atli, tǝ liiti, kan tǝ zaapi den ger kǝ mbarǝmi. Ar ni tǝ wul ti’e, <<Mbǝri, ri ho gerka gip mal kǝ Silowam>> (Kartǝn ituwi). Ar ni mbarǝmi ndara kan tǝ ho gerka, kan tǝ pal na mani shini bar gǝsi.
Curas de paralíticos e enfermos
Paralíticos caminharam, leprosos ficaram limpos e todo tipo de doença foi curada pelo toque e pela palavra de Jesus.
Ar ni mbarǝm gon mǝn ndǝcci ɗir ngus cina da ti, kan tǝ wule ti’e, <<Babomi kini kǝ ndu’o, ki palim dlǝran lasi.>>
Yesu ta am gǝs ti taɓe mbarǝmi, kan tǝ wule, <<A ndu kǝ dǝm dlǝran.>> Ar ri kǝtigon da’a, arni ndǝcci gǝs pa’i. Ar ni Yesu wul ti’e, <<Ɓashini, ba kǝ yari murgon argon tu kan pi gwa da’a, ama mbǝri, ri kar liɓa kǝ Yam ju wu shin ki, kan kǝ bi wur ɓatltǝn tu kulci kǝ Musa yari dǝ kǝ bi gwa, ar ni mbarǝm kup ba mom’e kǝ warke wi.>>
Mbarǝm jen ɗiri ti mbarǝm gon kan itǝr tle ti dli kagwa, ɓom den ba muri. Nan Yesu shin ngǝshtǝn den Yam gǝzǝno, arni tǝ wul muntu itǝr tle tikayi’e, <<Ba ar ghunki da’a, nya gǝni, pǝni’i warwat pitǝn gi kawi.>>
Na kumi untuwo, ar ni jen gip mǝn kulci mbarǝm den kulci kǝ Musa dami gip mbatl gǝzǝn wu wule, <<Mbarǝm tu ba cingǝr gam gǝs na Yami.>>
Ama Yesu mom damtǝn gǝzǝni, ar ni tǝ wule, <<Unun kem kǝn kǝ wani damtǝn gip mbatl ginwe? Ar mani na dǝ wule, <Pǝni’i warwat pitǝn gi kawi,> ko dǝ wule, <Tlyam kǝ desi?> Ama nan a ndu kǝ mom’e Nya mbarǝm ra na iko kǝ pǝni warwat pitǝnka den kaar atlo>> ar ni tǝ wul muntu itǝr tle ti amika’e, <<Tlyami, pǝn bamuri gi, kǝ ndara bomi.>> Kan mbarǝmi ba tlyam tǝ ndara bomi.
Mbarǝm gon ra lasi muntu kan itǝr tle ti am ka gwa. Ar ni wu gen momi kar Yesu wu wule, <<Tǝlankur kulci kǝ Musa yari den’e dǝ pǝni mǝn kumi dli kumi dli gǝska den pǝt shukutǝna?>> Wu yari ni untu kǝ dǝ wu ri ti cina ni.
Yesu nǝmi wur tǝ wule, <<Woni gip kǝn kan tǝm gǝs nǝm ni nda shuka den pǝt shukutǝno, tii ɗǝli ti tor ka dawu? Mbarǝm man tǝm naari! Ra’untuwo, tǝlankur kulci kǝ Musa nge’e dǝ pi ho bar den pǝt shukutǝn da’a.>>
Ar ni Yesu wul mbarǝmi’e, <<Ta am gi.>> Ar ni tǝ ta ami, kan ba pal lau wule ami mǝn nǝm.
Nakon kǝ Siman ra ɓom den kumi dli, dli gǝs wi utuka, kan wu shirǝm na Yesu den ti. Kan tǝ ri kar nagǝr mǝri, tǝ nǝm am gǝs tǝ tli ti yami. Ar ni kumi dliyi za ti, kan tǝ turi wur fingal tǝ bi wuri.
Ba mǝn ndǝcci gon ɗir kar Yesu
Ba mǝn ndǝcci gon ɗir kar ti kan tǝ ngus den gam ghurǝm gǝs tǝ lir ti tǝ wule, <<Ar ni pǝni’i mbatlo, kii mani pali gǝn dlǝran.>>
Laa’i na guna gere, ar ni Yesu ne am den mbarǝmi kan tǝ wule, <<Ar pǝnim mbatli, pal dlǝran!>> Ar ri kǝtigon da’a, ar ni ndǝcci gǝs za ti kan tǝ pal dlǝran.
Ar ni mbarǝm wupse jen ter na mbarǝm gon kan ra den kumi dli gwa, itǝr ni tle ti dlika. Nan wu mani zami tǝp kǝ te gǝs kar Yesu da’a na womtitǝn kǝ mbarǝmo ar ni wu tul las gon den rupi kushiyi sur gam dǝ Yesu, den kaar kǝ tuli shuyiwo, kan wu shu muntu itǝr tle ti dli kayi sur cina dǝ Yesu ɓom den bamuri gǝsi. Nan Yesu shin ngǝshtǝn den Yam gǝzǝno, ar ni tǝ wul muntu itǝr tle tikayi’e, <<Nya gǝni, ho’i’i warwat pitǝn gi kawi.>>
Lasiwo mǝn kulci mbarǝm den kulci kǝ Musa ra njon, ar ni wu dami gip mbatl gǝzǝn wu wule, <<Unun kem mbarǝm kǝn ba shirǝm untu we? Mǝgǝn shirǝm ni tǝ pi Yami! Wo ni baa mani ho’i warwat pitǝnka in ba Yam ni katl nan gǝs dagwa?>>
Ar ri kǝtigon da’a ar ni Yesu momka gip ruhu gǝs’e argon tu wu den dami gip mbatl gǝzǝn gwa itu, kan tǝ wul wur’e, <<Unun kem kǝn den damtǝn den munju we? Gonge ni ban mani, dǝ wul muntu itǝr tle ti dli kayi’e <Ho’i i warwat pitǝn gi kaya,> ko <Tlyami, pǝn bamuri gi kǝ ndara?> Ama kǝ dǝ kǝ mom’e Nya Mbarǝm ra na iko den atl kǝ ho’i warwat pitǝnkawo,>> ar ni tǝ wul muntu itǝr tle ti dli kayi’e, <<A wul ki’e, dlyami, pǝn bamuri gi kǝ ndara bomi.>> Ar ni tǝ tlyami, tǝ pǝn bamuri gǝs kan tǝ nǝm tǝp den ger kǝ kum gǝzǝni. Muntu dlǝkǝn mbarǝm kup kan wu ɗǝɗa Yam na wultǝn’e, <<Mǝ taɓe shini argon untu da’a!>>
Yesu warke muntu itǝr tle ti amka gwa den pǝt Shukutǝn
Wokoci gono Yesu te gip bom domtǝn kǝ mǝn Yahuda, mbarǝm gon ra lasi kan itǝr tle ti amka gwa. Jen ni den ngeni tǝp tu wii zam Yesu na argon kǝ nǝmi gǝsi. Ra untuwo ar ni wu pi ta ne ger den ti kǝ wu shin ko tii warke ti den pǝt Shukutǝni. Ar ni Yesu wul mbarǝmi kan itǝr tle ti amika gwa’e, <<Tlyam dlor cina dǝ mbarǝme.>>
Ar ni Yesu ngen momi kar wur tǝ wule, <<Den bi kulci kǝ Musawo unun ndari dǝ pi den pǝt Shukutǝni, dǝ pi ho pitǝna ko wani? Dǝ ɗǝli rai ya ko dǝ ri eka?>> Ama ar ni wu yon gǝzǝni.
Yesu wi wur ger gip lo na dun mbatl den lati mbatl gǝzǝni, kan tǝ wul mbarǝmi’e, <<Ta am gi.>> Tǝ ta am gǝsi, kan am gǝs ba pal lau.
Yesu warke ba mǝn ndǝcci
Nan Yesu ra gip bǝn gono, mbarǝm gon ra kan ndǝcci ci ti narka gwa. Nan tǝ shin Yesuwo, ar ni tǝ nda cina da ti na ba ger gǝs su atlka tǝ lir ti tǝ wule, <<Babomi, in kin kǝ ndu’o ki mani warke gǝni.>> Kano Yesu ba ta am gǝs tǝ ne den ti, tǝ wul ti’e, <<A ndu’i, da’i warke!>> Ar ri kǝti gon da’a arni ndicciyi za ti.
Kan mbarǝm jen ba ɗir na gon kan itǝr tle tika gwa ra ɓom den ba muri gǝsi, wu ndu te gǝs gip bom las tu kan Yesu ra gwa. Wu zam tǝp da’a, nan mbarǝm womtika gwa, ar ni wu to den rupi kǝ bomi kan wu tul shu wu ne mbarǝmi suka gip dlom kǝ mbarǝm ju den bamuri gǝs cina dǝ Yesu.
Nan Yesu shin ngǝshtǝn gǝzǝn den yam untuwo, ar ni tǝ wule, <<Berǝm, ho’i i warwat pitǝn gi kawi.>>
Untu piwo, ar ni mǝn Parise na mǝn kulci mbarǝm doka kǝ Musa nǝm wultǝn gip mbalt gǝzǝni wu wule, <<Unu mbarǝmi ikǝn mǝn mburi Yam we? O fawo, Yam ni nan gǝs ba ho warwat pitǝnka da’a ya?>> Nan Yesu mom unun wu den damtǝn denewo, ar ni tǝ wul wur’e, <<Unun kem kǝ damkǝn untu rawu? Gongeni ban mani, dǝ wule, <Ho warwat pitǝn gi kawa,> ko dǝ wule <Tlyam kǝ ndarawe?> Ama kǝdǝ kǝ mom’e, Nya Mbarǝm ra na iko kǝ dǝ tǝ ho warwat pitǝnka gip duniya ni.>> Ar ni tǝ wul mbarǝm tu kan itǝr tle ti kayi gwa, <<Tlyam kǝ pǝn ba muri gi kǝ ndara bomi!>> Bar tuwo, arni tǝ tlyam dlor cina dawuri, tǝ pǝn ba muri gǝs cina da wuri kan tǝ ndara bomi tǝ den ɗǝɗa Yami.
Muntu itǝr tle ti amka gwa
Gasi gono den Asabar, tǝ te gip bom kumi shirǝm kǝ Yami tǝ den kulci. Mbarǝm gon ra teka muntu kan itǝr tle ti am shimlika gwa. Ar ni mǝn momi na kulci mbarǝm shirǝm kǝ Yam na mǝn parise wi ti gere, wu shin imnu ti warke ti gas Asabar zan wu ri ti cina den’e tǝ jikat doka kǝ Musa kawi. Yesu ngapo, tǝ mom damtǝn gǝzǝnka. Arni tǝ wul muntu itǝr tle tǝ amika gwa, <<Tlyam kǝ ɗir dlǝr cina ɗe!>> Ar ni tǝ tlyam tǝ ri dlǝr lasi.
Yesu wul wur’e, <<A ɓa tambe ine, unu dlat pitǝn ni ba pi gas shukutǝni, ho pitǝn na ko wani? Dǝ ɗǝli mbarǝm ma ko dǝ retl tika?>>
Kan tǝ wi kup gǝzǝn gere, tǝ wul mǝri’e,<< ta am gi>>. Tǝ ta ami, ar ni am gǝs pal hoyi.
Yesu warke zher kǝ bar mǝn bi utu
Kan Yesu pa’i yari kup argon tu kan tǝ ndu tǝ yari mbarǝmo, ar ni tǝ ndara Kaparnahum. Zher kǝ bar mǝn bi utu kǝ Roma den kumi dli, tǝra bi dǝ mǝshtǝni. Bar mǝn bi utu kǝ Romayi ba ndu zher gǝsi nari. Nan tǝ kum’e Yesu rawo, ar ni tǝ kar kiri kǝ mǝn Yahuda, wu lir ti tǝ ɗir warke zher gǝsi. Kiri yi lir Yesu hoyi, wu wule, <<In murgon ra kan ba ndu ne am rawo, mbarǝm tu ni. Tǝ ndu mbarǝm gǝmi nari, tini ma tǝ tu’i mi bom kumi shirǝm kǝ Yami.>> Kan Yesu ba kop wuri, tǝ dlyam na bom tu kan wuriwi da gwa, ar ni bar mǝn bi utu tu kar berǝm gǝs jen rǝnka, tǝ wul ti’e, <<Babomi, ba kǝ ghun gam gi kǝ ɗirtǝn da’a, amo a kǝm kǝ ɗir lastu kan a dǝm gwa da’a. Amo a pali gam gǝn argonni da’a nan a ri kar ki gwa. Untuwo, shirǝme, zher gǝn ba warke. Ami ma am dǝ jenni ami ra, na mǝn bi utu karǝmi, a wul muntu’e, <Rǝka,> Kan tǝ ri, gon ngapo, <Ɗiri>, Kan tǝ ɗiri, a pa wul zher gǝni’e, <Pi bar kǝni>, Kan tǝ pi.>>
Nan Yesu kum untuwo, ar ni tǝ nǝm bi na ame, kan tǝ bal ti rǝn den womti mbarǝm ju kan den kopi gǝs gwa, tǝ wule, <<A yari ine, ko gip Isra’ila a zam mǝn la’i Yam mbatl wule muntu wi da’a!>> Nan munju kar wuri pal rǝn bomkawo, arni wu zam zheri warke wi.
nagǝr gon ra lasi muntu kan dun itǝr tle tǝka gwa, kup tǝ ngonka wi, sheti ghon gǝs kutl cet wuzupse tǝ mani tlitǝn yam da’a, Yesu na shini gǝso, arni tǝ la tǝ bi tǝ wule, <<Nagǝr mbarǝme, A pǝni i kumi dli gi kawi!>> Kan Yesu ba ne am den ti, arni nagǝr mǝri workǝca tlyam dlor kan tǝ ɗǝɗa Yami.
Den pǝt shukutǝn gon kan Yesu ri bom dǝ bari gon kǝ mǝn Parisa kǝ dǝ tǝ ci fingalo, arni mbarǝm ne ti gere. Cina da ti eso mbarǝm gon ra mǝn kǝmi asǝm na ame. Kan Yesu ba tambe mǝn kulci doka na mǝn Parisa tǝ wul wur’e, <<Doka gǝmi wule dǝ warke mbarǝm gas shukutǝna, ko ar wulra da’a?>> Wu wule argon da’a. Yesu ngapo kan tǝ ne am den ba mǝri, tǝ ɗǝli ti kumi dli gǝs ka, tǝ wul ti’e, <<Ndara ndaratin gi.>>
Yesu warke mǝn ndǝcci kutl
Den tǝp ritǝn Urushalimawo, tǝ kop den iyaka gip dlom kǝ Samariya na Galili. Tǝ te gip nye bǝn gono, arni tǝ mo na mǝn ndǝci kutl, wu dlǝr teka jen. Arni wu la bi na bar yare wu wule, <<Babom Yesu! Kum guna gǝmi.>> Nan tǝ shǝn wuro, tǝ wul wur e, <<Rǝnǝka kar mǝn keri bar ju ɗiri Yam gwa, wu shǝn kǝne.>> Nan wu den tǝp ritǝno, arni wu warke. Nan nǝm gip wur shin tǝ warkewo, kan tǝ pal ɗir tǝ den ɗǝɗa Yam na bar yare. Tǝ ɗir nda cina dǝ Yesu, tǝ gode ti, ba mǝn Samariya ni’e ti. Yesu wule, <<Mbarǝm kutlni a warke wur diya? Akon ghwanǝmi ra? Unun kem mǝn diki tun pal ɗir katl tǝ gode Yami?>> Yesu wul ti’e, <<Tlyam kǝ ndara wongi, ngǝshtǝn gi den Yam warke iwi.>>
Yesu warke kurki gon bi male
Den kaariwo, ar ni Yesu to Urshalima kǝ nyel gon kǝ mǝn Yahuda. Kosak na Bǝdlabǝn Tǝm kan gip Urshalimawo shu gurku mal gon ra, muntu kan na bi kǝ mǝn Aram ba la ti bi’e Betesda gwa, lasi ra na gandǝli na kop gudǝli nantam. Lasi ni ba ne mbarǝm na womti kan kǝti dli gǝzǝn ra hoyi da’a, ga tabi, na kurki, na munju kǝtǝ dli gǝzǝn itǝr tlaka gwa. Wu ɓut ni kǝ dǝ gudǝr mali. Domici mǝn kartǝn kǝ Yam ba kur sur gip mali, tǝ gudǝri. Ar ba dǝm’e muntu kup kan zho ti kǝ la’i asǝm gip mali kan gudǝri gwa ba zam warketǝn den argon tu kan ba ghun ti gwa. Gon ra lasi kan den kumi dli kǝ sheti ghon hauya nǝm na kutl cet wuzupse gwa. Nan Yesu shin ti ɓomo, tǝ mom’e untu ni tǝra den kumi dli kǝ tlyari wokoci, ar ni Yesu ngen momi kar ti tǝ wule, <<Kǝ ndu kǝ pal lauwa?>>
Mbarǝmi kan ba kum tǝmi kǝ dli gǝs da’ayi nǝmi ti tǝ wule, <<Babomi, ami ra na murgon kan baa nem am a su gip mali gwa da’a wokoci tu gudǝr mali gwa. Ami ni den kǝrce kǝ sitǝn gipiwo, se dǝ gon ɓotlka demǝni.>>
Ar ni Yesu wul ti’e, <<Tlyami! Pǝn bamuri gi kǝ ndara.>> Ar ri kǝtigon da’a, ar ni mbarǝmi warke, kan tǝ pǝn bamuri gǝs tǝ ndara. Den pǝt Asabar pǝt shukǝtǝn kǝ mǝn Yahuda ni muntu pi.
Kan tǝ pa te gip bǝn kǝ Kana kan ra gip atl kǝ Galili, las tu kan tǝ pali koni mal ka mal inabi gwa. Lasiwo nya bar mbarǝm gon ra den kumi dli gip Kaparnahum. Nan mbarǝm tu kum’e Yesu za atl kǝ Yahuda tǝ cwat gip Galiliwo, ar ni tǝ ri lir ti den dǝ tǝ ri warke nya gǝs nye moni, muntu kan ra bi dǝ mǝshtǝn gwa.
Yesu wul ti’e, <<Kǝn ni kǝ shin bar kǝ halama na bar kǝ dlǝkǝntǝn dawo, kii ngǝsh kǝn den Yam da’a.>>
Bar mbarǝmi lir Yesu tǝ wule, <<Mǝn nartǝni, sur kapǝn dǝ nya gǝn mǝshka.>>
Yesu bali ti tǝ wule, <<Ndara, nya gi baa sa ra na ge mbatli.>> Mbarǝmi nǝm shirǝm kǝ Yesu kan tǝ ndara. Nan tǝ’i den tǝpo ar ni zher gǝs jen mbor ti na shirǝm den’e nya gǝs pal gingǝlǝn wi. Nan tǝ ngen momi wokoci tu kumi dli kǝ nyayi pa’o, ar ni zher gǝsi wul ti’e, <<Ghur bar kǝ gǝlla nǝm kǝ pǝt ni kumi dliyi za ti.>>
Ar ni bas mom’e wokociyi ni Yesu wul ti’e, <<Nya gi ba sa ra na ge mbatli.>> Ar ni mbarǝmi na mbarǝm kǝ shu bom gǝs kup ngǝsh wur den Yesu.
Muntu ni’e halama bar kǝ nǝmi bi na am kǝ rop kan Yesu pi nan tǝ za gip atl kǝ Yahuda tǝ mbubar gip atl kǝ Galili gwa.
A mulher com fluxo de sangue
Uma mulher que sofria há doze anos tocou a orla do manto de Jesus e foi curada instantaneamente pela sua fé.
Gip untuwo arni nagǝr gon muntu kan bǝran ba shot gip ti kǝ sheti ghon kutl cet rop ɗir tǝp kaar dati, tǝ ne am den bi lulur gǝsi. Tǝ wul tor mbatl’e, <<Ami ni a ne am den tutul dli gǝs katlo, a warke.>>
Nan Yesu bali ger tǝ shin tiwo, arni tǝ wul ti’e, <<Ba ar ghun ki da’a, nya gǝni, ngǝshtǝn den Yam gi warke iwi.>> Ar ri kǝtǝ gon da’a, ar ni nagǝri warke.
Nagǝr gon ra lasi muntu kan pi sheti ghon kutl cet rop bǝran den tatltǝn gip ti gwa. Tǝ kum dli naarwi am dǝ mǝn bi un na jili bar ju kup tǝra nari gwa. Kup na untu, kumi dli gǝso ci cina na naartǝn ni ar dene. Nan tǝ kum shirǝm den Yesuwo, ar ni tǝ ri tǝp kaar da ti gip womti mbarǝm ju, kan tǝ ne am den bi tutul dli gǝsi. Tǝ pi ni untu domici tǝ dam ti tor gip mbatl gǝs tǝ wule, <<Ami ni a zam a ne am den tutul dli gǝs katl ma, kumi dli gǝn baa pa’i.>> Ar ri kǝtigon da’a ar ni tatltǝn kǝ bǝran gǝs dlǝri, tǝ pa kum gip dli gǝs den tǝ warkewi.
Nagǝr gon gip wur nan bǝran den tatltǝn den ti kǝ sheti ghon kutl cet rop, ama tǝ zam muntu nan ba dlǝrika da gwa. Tǝ ɗir tǝp kaar dǝ Yesu kan tǝ taɓe bi lulur gǝsi, bar tu arni shottǝn kǝ bǝran gǝsi dlǝri. <<Woni taɓem we?>> Yesu tambe. Nan kup mbarǝm ju wule wini dawo, arni Bitǝrus wule, <<Babomi, mbarǝm ra na womti nan tlaa ki gwa.>>
Ama Yesu wule, <<Murgon ra taɓe mi, A kum iko ɗǝl gipǝni.>> Nan nagǝr mǝri shin baa mom ti kawo, arni tǝ ɗir nda cina dǝ Yesu gip dǝdartǝn na bǝrti den ger kǝ mbarǝm ju kup ra lasi gwa, tǝ yar argon tu kem tǝ taɓe Yesu ra gwa, na kanda tu gip lasiwo tǝ warke gwa. Yesu wul ti’e, <<Nya gǝni, la’i mbatl gi warke iwi, ndara na ghol mbatli.>>
Ressurreições
Jesus ressuscitou mortos — a filha de Jairo, o filho da viúva de Naim e Lázaro. Ele é Senhor sobre a morte.
Yesu tli nye gǝr kan mǝshka gwa kan tǝ warke gǝr mǝtli
Nan tǝ gip shirǝm nan wuro, ar ni bari kǝ bom domtǝn kǝ mǝn Yahuda gon ngus cina dati, tǝ wule, <<Kǝkǝn tuni nya gǝn nye mǝtli mǝshka. Ama ɗir kǝ ne am den ti, tǝ pal ra na ge mbatli.>> Ar ni Yesu tlyam na mir mǝn kulci kar ti, kan wu ri na mbarǝmi.
Nan Yesu mbubar bom dǝ bari kǝ mǝn kopi na mbarǝmiwo, se tǝ shin mǝn hori mǝzhele na mbarǝm na womti den ta kulu. Ama Yesu wul wur’e, <<Tli ni bar tu. Nye gǝri mǝsh nika da’a, umur ni ti dene.>> Arni wu gyatli ti gip mburtǝne. Nan kar mbarǝmi te kari kawo, ti te gipi tǝ nǝm am kǝ nye gǝri, kan nye gǝri ba tlyami.
Ar ni mbarǝm gon gip kǝ cina kǝ bom domtǝn kǝ mǝn Yahuda, mǝn sun Yayirus, ɗir lasi. Nan tǝ shin Yesuwo ar ni tǝ nda atl cina da ti. Tǝ pi ta liri Yesu, tǝ wule, <<Nye mǝtli gǝn ra bi dǝ mǝshtǝni. Kustu, ɗir ne am den ti kǝ pǝni ti kumi dliyika, tǝ pal lau ra.>>
Ar ni Yesu ri nan ti. Mbarǝm na womti kop ti kaari, wu den tla’i gǝska.
Nan wu mbubar bom dǝ Yayiruso, ar ni Yesu shin kandatu las pika ghiru-ghiru kan mbarǝm den ta kulu na la’i yar hoyi gwa. Ar ni tǝ te gipi kan tǝ wul wur’e, <<Unun kem kǝn den kulu na la’i yar untuwe? Nyayi mǝsh nika da’a, umur ni tǝ dene.>> Ar ni wu gyatli ti. Nan tǝ kaar wurka kup te kaari kawo, kan tǝ pǝn basi nyayi na nase na mir mǝn kulci kar ti ju kan ra nan ti gwa, kan tǝ te gip kupshiyi las tu nye gǝri ra gwa. Tǝ nǝm am kǝ nyayi, kan tǝ wul ti’e, <<Talita kum!>> (Muntu ba pi nupi gwa’e, <<Nye gǝre, a wul ki’e, tlyami!>>) Ar ri kǝtigon da’a ar ni nye gǝri tlyam dlor kan tǝ nǝm desi. Bar kǝ sheti ghon kutl cet rop ni nye gǝri ra na gǝri. Muntu kem mbarǝm ju kan ra lasi gwa kǝ nǝmi bi na am na naari.
<<Na unun a ngash mbarǝm kǝ zhan kǝni, imni wura? Wule mimirni wura, munju ba dǝm kǝ ba bar pǝt gwa, wu labi ezǝn, wu wule, <Mǝ hori in mǝzhele, kǝ dlar da’a, mǝ la utu bomi, kǝ kul da’a.>
Ar tu Yohana mǝn batisma ɗiri, tǝ ci burodi da’a, tǝ tla mati shambǝr da’a, kǝ pal kǝ wule, <Tǝ mǝn itǝr ni.> Nya Mbarǝm ɗir tǝ ci tǝ tla, kǝ pal kǝ wule, <Bar mǝn ci, bar mǝn tle, berǝm kǝ mǝn nǝmi wurpi bom na mǝn warwat pitǝne.> Kup na untu, munju kan nǝm hikima kǝ Yam tor gip mbatl gǝzǝno, pitǝn gǝzǝn ba gode’e hikimayi’e ge shirǝmi.>>
Nagǝr mǝn wani pitǝn shoti mir den kar asǝm kǝ Yesu
Ba Parise gon la tibi kǝ ci bar kǝ ci. Ar ni tǝ ri bom da ti, tǝ dǝm kǝ ba ci fingali. Kan nagǝr gon muntu ba pi ho pitǝn da gwa, kum' e Yesu den ci bar kǝ ci rǝn bom dǝ Ba Parise ka, kan tǝ ɗir na zo mbun let mir mǝn tǝmi kasǝri.
Arni mbarǝm gon nan ba wul ti’e Yayirus, gun kǝ bom kumi shirǝm kǝ Yami, tǝ ɗir tǝ ngus cina dǝ Yesu tǝ den liri gǝsi dǝ tǝ ri bom da ti. Don nya gǝs nye gǝr nan ne ti nǝm, nye mǝn sheti ghon kutl cet rop, ra bi dǝ mǝshtǝni.
Nan Yesu ra den tǝpo, womti mbarǝm tlaa ti nari.
Nan Yesu ra den shirǝmo, arni nye mǝn kartǝn gon ɗǝl ɗir bom dǝ Yayirus, gun kǝ bom kumi shirǝm kǝ Yami tǝ wul Yayirus’e, <<Ba kǝ’i ghun ba mǝn kulciyi da’a, nyayi mǝsh kawi.>> Na kumi untuwo, arni Yesu wul Yayirus’e, <<Ba kǝ kum bǝrti da’a, la mbatli ti warke.>>
Nan tǝ mbu bar bom dǝ Yayiruso, tǝ za murgon kop ti kar te gip bomika da’a, sai ga Bitǝrus, Yohana na Yakub na basi nyayi na nase. Ngapo, mbarǝm kup ra den la’i yar na kulu mǝshtǝn kǝ nyayi. Yesu wul wur’e, <<Zani kulu, tǝ mǝsh nǝka da’a, umurni tǝ dene.>> Arni wu gyatli ti, shini gǝzǝno tǝ mǝsh kawi. Kan Yesu ba nǝm am gǝs, tǝ wul ti’e, <<Nya gǝni, tlyami.>> Ar ni rai gǝs pal gip ti, na zhotǝne kan tǝ tlyam dlor. Arni Yesu wul wur’e wu bi ti fingal tǝ ci. Ar dlǝkǝn mǝn gǝri gǝsi, ama Yesu dǝli wur kǝm den ba wu yari murgon argon tu pi gwa da’a.
Mǝshtǝn kǝ Li’azaru
Mbarǝm gon mǝn sun Li’azaru ra den kumi dli. Ti mbarǝm kǝ Betanya ni, nye bǝn kǝ ga Maryamu na erǝm gǝs Marta. Maryamu tu, muntu erǝm gǝs Li’azaru ra ɓom atl den kumi dliwo, nǝm ti ni’e muntu kan shoti mir den kaar asǝm kǝ Babom kan tǝ sarka na ta gam gǝs gwa. Ar ni ga erǝm gǝs mir mǝtliyi kar bar den Yesu wu wul ti’e, <<Babomi, muntu kan kǝ ndu gwa ra den kumi dli.>>
Nan tǝ kum untuwo, ar ni Yesu wule, <<Kumi dli gǝs tu baa ri ga mǝshtǝn da’a. O’o, den bi ɗǝɗa Yam ni, kǝ dǝ Nya Yam zam ɗǝɗatǝn tǝp kar untuyi.>> Yesu ba ndu Marta na ga erǝm gǝs Maryamu na Li’azaru. Kup na untu, nan tǝ kum’e Li’azaru ra den kumi dliwo, ar ni tǝ dǝm gǝs las tu tǝra gwa kǝ muri rop ra.
Kan tǝ wul mir mǝn kulci kar ti’e, <<Mǝ pa pal ni gip atl kǝ Yahuda.>>
Wu wul ti’e, <<Ba mǝn kulci, ar dlyam wi da’a kan mǝn Yahuda ndu wu la ki na tat gwa, kup na untuwo kǝ ndu kǝ pa pal bartaya?>>
Yesu nǝmi wur tǝ wule, <<Awa kutl cet rop ni gip nde pǝt nǝm diya? Mbarǝm tu kup ba ɓom asǝm gip pǝto, tii pat asǝmka da’a, domici tǝ shin bar na cirtǝn kǝ den atl kǝni. Ama muntu kup ba ɓom asǝm gip gas gwa ni ba pat asǝme, nan cirtǝn ra kar ti dagwa.>>
Nan tǝ yari muntuwo, ar ni tǝ ci cina tǝ yari wur’e, <<Berǝm gǝmi Li’azaru nde umur kawi, ama aa ri putu tika.>>
Mir mǝn kulci kar ti bali ti’e, <<Babomi, umur ni fa tǝ ndewo, tii kum tǝmi kǝ dli gǝsi.>> Yesu ni den shirǝm den’e Li’azaru mǝsh kawi, ama mir mǝn kulci kar ti pǝn’e nde umur kǝ shukutǝn ni ti dene.
Ar ni tǝ yari wur ghon tǝ wule, <<Li’azaru mǝsh kawi.
Domínio sobre a natureza
Jesus acalmou a tempestade, andou sobre as águas e multiplicou pães. A natureza obedece à voz do seu Criador.
Yesu matl itǝr mǝn ndǝrtǝni
Nan tǝ te gip kungulǝn jikat malo, arni mir mǝn kulci kar ti kop ti. Wule gip jipkǝr gere, nan wu ra den gam malo, arni bar dun yam tli gip bar ɓula’i, kan ba tatl tor gip kungǝlǝn jikat mali. Ama Yesu den nde umuri. Ar ni mir mǝn kulci kar ti ri putu tika, wu wule, <<Babomi, ɗǝlimi! Mǝ ri kǝ mǝshtǝn wi!>>
Tǝ nǝmi wur’e, <<Unun kem bǝrti nǝm kǝnka naar untuwu, kǝn mǝn heli ngǝshtǝn den Yami?>> Arni tǝ tlyam kan tǝ matl itǝr na zap mali kan lasi kup ba sa shot.
Ar ni mir mǝn kulci kar ti nǝm bi na ame, kan wu wule, <<Unu badǝr mbarǝm ni’e muntuwe? Ga itǝr na zap mal kup ba kop shirǝm gǝsi!>>
Nan sit piwo, ar ni mir mǝn kulci kar ti ɗir kar ti, wu wul ti’e, <<Ɗewo gip lǝp ni, mbarǝm ra da’a, artu gas den ndetǝn wi. Ar baa mani kǝ za mbarǝm ju wu ndara wu ri gip mir bǝn jen wu wur fingal wu ci diya?>>
Ama Yesu nǝmi wur tǝ wule, <<Ba’e ar nǝm ni dǝ mbarǝmi ndara da’a. Bi wur ni fingal wu ci.>>
Ar ni mir mǝn kulci kar Yesuyi wul ti’e, <<Miwo, bǝredi nantam na kos rop ni katl mǝn ra nari.>>
Tǝ wul wur’e <<Ɗirim ni ɗe.>> Kan Yesu ba wul mbarǝmi’e, wu dǝm atl den jiri. Tǝ pǝn bǝredi nantam na kos ropi, tǝ tli gam tǝ goode Yam kan tǝ cecceni tǝ bi mir mǝn kulci kar ti wu bi domtǝn kǝ mbarǝmi. Kup gǝzǝn ba ci wu laa’i tu gǝzǝni, kan wu dom mir roɓǝs burodiyi nan sagwa, ba laa’i shar kutl-cet rop. Womtitǝn kǝ mbarǝm ju kan ci fingali pi wule moni bar kǝ zangu nantam (5,000) bat na mǝtli na mimiri.
Kǝ bǝtloni, bar kǝ gǝlla am myakano, ar ni Yesu bǝtl gam te kar kungǝlǝn jikat malika, tǝ den desi den gam mali.
Yesu bi fingal mbarǝm zangu wupse
Ar ni Yesu la bi mir mǝn kulci kar ti tǝ wul wur’e, <<Guna ba cim den mbarǝm ju, domici muri myakan ikǝnwi wu ra namǝni, wura na fingal da’a. A ndu’e wu ndara na guzum da’a, bǝse wu ɗatka den tǝpe.>>
Ar ni mir mǝn kulci kar ti wul ti’e, <<Ako ni mii zam fingal tu kan baa kǝm mbarǝm na womti ju gip lǝp kǝnu?>>
Yesu ngen momi kar mir mǝn kulci kar ti tǝ wule, <<Bǝredi mǝne ni kǝn ra nari?>> Wu wul ti’e, <<Nyingi, na mir kos jeni.>>
Yesu wul domtǝn kǝ mbarǝmi’e, wu dǝm atli. Kan tǝ pǝn bǝredi nyingi ju na kosi, nan tǝ goode Yamo, kan tǝ cecceni tǝ bi mir mǝn kulci kar ti, wu bi mbarǝmi. Domtǝn kǝ mbarǝmi kup ci wu la’i tu gǝzǝni. Den kariwo, mir mǝn kulci kar ti ba dom roɓǝs bǝredi na kosi nan sagwa ba laa’i shar nyingi. Womtitǝn kǝ mbarǝm ju ciwo ar pi moni zangu wupse (4,000), bat na mǝtli na mimiri.
Ɓatli wurpi bom kǝ bom kǝ Yami
Nan Yesu na mir mǝn kulci kar ti yi mbubar Kaparnahumo, ar ni mǝn nǝmi wurpi bom kǝ bom kǝ Yam zam Bitǝrus wu wul ti’e, <<Mǝn kulci gin ba ɓatl wurpi bom kǝ Yama?>>
Bitǝrus nǝmi ti tǝ wule, <<Aan, tǝ ɓatli.>> Nan Bitǝrus te gip bomiwo, ar ni Yesu nǝmi ti pi shǝrǝm tǝ wule, <<Simon! Unun kǝ shin den momi tu tǝ ngen kar ki gwa we? Kar ga won ga gun kǝ atl ba nǝm wurpi bomi, kar mimir gǝzǝn na, ko kar jen ni?>>
Nan Bitǝrus nǝmi ti tǝ wule, <<Kar jen ni wu nǝmo>> Ar ni Yesu wule, <<O, mimir gǝzǝno ar ra gam da wur da’a ituwi! Kup na untu, bǝse mǝ ci wur lo’o, su bar ɓula’i, kǝ la coli. Kos tu kǝ pare nǝmi gǝso, ɓul bi gǝsi, kii zam kabarshu nǝm. Pǝn kabarshuyi kǝ ɓatl wurpi bom kǝ bom kǝ Yami nari, gwan na ge ituwi.>>
Yesu pi bi kin turume
Kǝ bi cigǝni nan Yesu ba pal su bǝn kǝ Urushalima kawo, ar ni tǝ kum guzumi. Kan tǝ shin kin turum den bi tǝpe. Nan tǝ te kariwo tǝ zam gǝri nyeni dene da’a, wol ni katl. Ar ni tǝ wul kini’e, <<Ba kǝ’i gǝr da’a!>> Na yari untuwo, ar ni kin turumi konka. Nan mir mǝn kulci kar ti shin untuwo, ar ni wu nǝm bi na ame wu wule, <<Unun kem kin turum kǝn konka bǝle-bǝle untu?>>
Ar ni Yesu nǝmi wur tǝ wule, <<A yari in ge shirǝmi, kǝn nǝra na ngǝshtǝn den Yam kan kǝ pi shakka dawo, ba’e argon tu pi kin turum tu katl ni ki pi da’a. Ama ki mani wuli tlǝndǝr tu’e, <Tli bar tu kǝ nda su gip bar ɓulaka,> Ar baa dǝmi in untu. Kǝn ni kǝ nǝm tor gip mbatl gino, kii zam argon tu kup kǝ liri gwa.>>
Kan dun yam ba tli tor gǝsi, mal ba nǝm ghuni kungǝlǝn jikat mali, kan mal ba pare laa’i kungǝlǝnyika. Yesu ra tǝp kaar kungǝlǝn jikat mali na gam gǝs den bar kǝ tli gami, tǝ den nde umuri. Mir mǝn kulci kartiyi putu ti kan wu wul ti’e, <<Ba mǝn kulci, ar ghun ki diya, mǝ ri kǝ mǝshtǝn wu gwa?>>
Tǝ tlyami, kan tǝ matl itǝr kan tǝ wul zap mali’e, <<Sa shot! Dlǝr lasi nǝm!>>Ar ni itǝri za’i, kan las ba sa shot hoyi.
Yesu wul mir mǝn kulci kartiyi’e, <<Unun kem bǝrti nǝm kǝnwe? Kǝ’i ni ra na holi ngǝshtǝn den Yama?>>
Bǝrti nǝm mir mǝn kulci kar tiyi naari kan wu wul ezǝn’e, <<Wo ni’e muntuwe? Itǝr na zap mal ma wu kop shirǝm gǝsi!>>
Nan pǝt ba ri kǝ ndetǝn binwo, ar ni mir mǝn kulci kar tiyi ɗir kar ti wu wul ti’e, <<Las kǝno murgon ra da’a, ar tu pǝt ba ri kǝ ndetǝn bin wi. Za mbarǝm ju wu ndara kǝ dǝ wu te gip mir bǝn kan ra kosak gwa wu wuri gam gǝzǝn fingal kan wii ci gwa.>>
Ama Yesu nǝmi wur tǝ wule, <<Kǝno bi wur ni argon wu ci.>> Ar ni wu wul ti’e, <<Mǝri wur barkǝci na wurpi tu kan ba ɓatl nye mǝn mbap kǝ nde pǝt hauya kutl (200), mǝ ci nan wura?>>
Tǝ wul wur’e, <<Bǝredi mǝneni kǝn ra nari we? Rii shin ni ɗiri.>> Nan wu kopo ar ni wu zam wu wul ti’e, <<Bǝredi nantam ni na kos rop.>>
Ar ni Yesu wul mir mǝn kulci kar tiyi’e wu wul mbarǝm’e wu dǝm gǝzǝn atl den yari jir bomi bomi. Kan wu dǝm atl bomi bomi jeno mbarǝm hauya nantam nantam kan jen eso hauya rop na kutl kutl. Nan tǝ nǝm bǝredi nantam na kos ropiwo kan tǝ la gam yami, tǝ goode Yami, kan tǝ ceccen bǝrediyi. Nan tǝ pi untuwo kan tǝ bi mir mǝn kulci kar ti kǝ dǝ wu kop mbarǝm rinka wu bi wuri. Untu es tǝ pa njetǝl kos ropi kan tǝ bi mbarǝmi kup. Ar ni kup gǝzǝn ci kan ar ba kǝm wuri. Ar ni mir mǝn kulci kar tiyi yem roɓǝs bǝrediyi na kosi kan wu laa’i shar kutl cet rop nari. Womtitǝn kǝ moni kan ci fingali gwa ni’e Zangu nantam.
Yesu shin wu den ndotǝn na dǝli kungǝlǝnyi nan itǝr den ghuni gǝzǝn gwa. Bar kǝ gǝlla am myakan kǝ gaso, ar ni wu shin ti den tertǝn kar wur tǝ den desi den gam mal bar ɓula’i. Tǝ pi wule tii bi wur ni kaari, ama nan wu shin ti den desi den gam malo, ar ni wu pǝn’e tlon ni, kan wu la yare, domici nan kup gǝzǝn shin tiwo, ar ni mbatl tari wurka. Ar ni tǝ shirǝm nan wur na zhotǝn tǝ wule, <<Dlǝri ni mbatl gini! Ami ni. Ba kǝ kum ni bǝrti da’a.>> Ar ni tǝ to gip kungǝlǝn jikat mali kar wuri kan itǝri ba za zhe’e pitǝne. Argon tu tǝ pi gwa dlǝkǝn wur naari,
Yesu ci na mbarǝm moni zangu wupse (4,000)
Gip muri ja ni mbarǝm na womti pa dom wuri. Eso wu ra na fingal da’a, ar ni Yesu la bi mir mǝn kulci kar ti tǝ wul wur’e, <<A kum guna kǝ mbarǝm ju, muri myakan ituwi wura ɗe namǝni, ngapo, fingal ne wur ra kan wii ci gwa da’a. Wii ɗatka den tǝpe ami ni a wule wu ndara na guzum gwa, domici jen gip wur ɗǝl ni ɗir na dlyami.>>
Kan mir mǝn kulci kar tiyi ba bali ti wu wule, <<Gip lǝp kǝno ako ni baa zam fingal kan baa kǝm mbarǝm ju gwawu?>>
Yesu ngen momi kar wur tǝ wule, <<Bǝredi mǝneni kǝn ra na riwe?>> Ar ni wu nǝmi ti wu wule, <<Nyingi ni.>>
Ar ni tǝ wul domtǝn kǝ mbarǝmi’e wu dǝm atli. Nan tǝ pǝn bǝredi nyingiyiwo, ar ni tǝ goode Yami, kan tǝ cecceni, kan tǝ bi mir mǝn kulci kar ti kǝ dǝ wu bi mbarǝmi, kan wu pi untuyi. Wu ra es na mir kos jeni. Ar ni tǝ pa goode Yam dene kan tǝ wul wur’e wu bi mbarǝm esi. Mbarǝm ba ci ar ba kǝm wuri. Den kaariwo kan mir mǝn kartǝni ba yem roɓǝsi kan sa gwa ar ba laa’i shar nyingi. Womtitǝn kǝ moni kan ra lasi gwa ri zangu wupse. Den kaar kǝ pali wur bi wu ndarawo,
Yesu pii bi kin turume
Bar dlo nan wu za Betaniwo, ar ni Yesu kum guzumi. Nan tǝ shin kin turum gon mǝn wol na dlyamiwo, ar ni tǝ ri tǝ shin ko tii zam gǝri dene. Ama nan tǝ mbubaro tǝ shin argon da’a se wol katl, domici wokoci kǝ gǝritǝn kǝ turum ni da’a. Ar ni tǝ wul kin turumi’e,<<Ba dǝ murgon i’zam nyen kǝ ci den ki da’a.>> Mir mǝn kulci kar ti kum shirǝm tu tǝ yari gwa.
Kin turum tu kan Yesu pi ti bi gwa kon ka
Kǝ cigǝni nan wi den wucetǝno, ar ni wu shin kin turumi kon kawi tor na tlǝrti gǝsi. Ar ni Bitǝrus dami, kan tǝ wule, <<Ba mǝn kulci, ɓa shini! Turum tu kan kǝ pi ti biwo, ar konka wi!>>
Ar ni Yesu nǝmi ti tǝ wule, <<Ngǝsh kǝn ni den Yami! Na ho bi ni a yari ine, mbarǝm ni ngǝsh ti den Yamo, tii mani wuli tlǝndǝr tu’e, <Tus kǝ su nda su gip bar ɓulaka.> Ti ni tǝ cen mbatlka den argon tu tǝ yari dawo, baa pi ti. Ra untuwo a yari in’e, argon tu kup kǝ liri gip shirǝm gin na Yamo, ngǝsh kǝn ni den Yam den kǝ nǝm wi kan ar baa dǝm gegini. Eso, wokoci tu kup kǝ dlǝr kǝ shirǝm na Yamo, gon nǝra kǝ kum lo gǝso, yape tika, kǝ dǝ Ba gin kǝ to yamka ma tǝ yape in warwat pitǝn ginka.
Yesu labi mǝn kopi gǝs kǝ pari
Gasi gon kan, Yesu ra bi ɓula Jenesaratawo, mbarǝm na womti ra kar ti, wu den kumi shirǝm kǝ Yami. Ar ni Yesu shin kungǝlǝn jikat mal rop bi ɓula’i, mǝn nǝmi kos ni za lasi, wu den ho’i bar kǝ nǝmi kos gǝzǝnka. Kano Yesu ba to gip kungǝlǝn jikat mal kǝ Siman, nǝm gip mǝn nǝmi kos ju, kan tǝ wul ti’e tǝ dǝl ti te gip malika njem. Ar ni tǝ dǝm gipi. Kan tǝ kulci mbarǝme.
Nan tǝ pa’i shirǝmo, ar ni tǝ wul Siman’e, <<Te kungǝlǝn jikat mali kǝ ba dlyami male, kan kǝ la bar kǝ nǝmi kos gi kǝ dǝ kǝ nǝm kose.>>
Ar ni Siman wul ti’e, <<Babomi, mǝ pa mi kǝ gas kup ɗewi, ko nǝm mǝ nǝm argon da’a, kup na untu, tun kan kǝ yari untuwo, naa la bar kǝ nǝmi kosi suka.>> Nan wu la bar kǝ nǝmi kosi sukawo, kan wu nǝm kos na womti, ar kem bar kǝ nǝmi kos gǝzǝn ba nǝm tlyattǝnka. Nan wu shin untuwo, kan wu yiɓǝti ezǝn am kan ra gip kungǝlǝn jikat mali gon gwa, dǝ wu ɗir ne wur amra, nan wu ɗiro, ar ni wu la’i kungǝlǝn jikat mali kup pa rop, bar tuwo kungǝlǝn jikat mal gǝzǝn ba nǝm sitǝnka gǝs male na giɓǝrtǝn kǝ womti kose.
Nan Siman Bitrus shin untuwo, ar ni tǝ ngus cina dǝ Yesu, tǝ wul ti’e, <<Za ǝm kǝ ndara, Babomi, ami mǝn warwat pitǝn ni!>> Siman na berǝm nǝmi kos gǝs kupo, ar dlikǝn wur den womtitǝn kǝ kos ju kan wu nǝm unju gwa. Untun ga Yakubu na Yohana, mimir kǝ Zabadi, berǝm mbap kǝ Siman ar dlǝkǝn wur pa’e. Kano Yesu ba wul ti’e, <<Ba kǝ kum bǝrti da’a, cina ɗewo mbarǝm ni ki nǝmi.>> Ar ni wu dǝl kungǝlǝn jikat mal gǝzǝn tor den bishidi, wu za kup bar ju wi ra nari gwa, kan wu kop ti.
Yesu matl itǝr kan itǝri ba dlǝri
Gasi gono Yesu shirǝm na mir mǝn kopi gǝs tǝ wul wur’e, <<Mǝ teni te bishidiyi mǝnta.>> Arni wu to gip kungǝlǝn jikat mal wu nǝm tetǝne. Wu den tetǝn den malo anni Yesu nde umurka. Arni bar itǝr tli ɗir den bar ɓula’i, ar kem mal ba su gip kungǝlǝn jikat mal gǝzǝni wi ra gip hasari.
Mir mǝn kopi gǝs ba ri putu ti wu wule, <<Babomi! Babomi! Mal bari kǝ tle mi gam kawi!>> Tǝ tlyam tǝ matl itǝri na mal ju den tlitǝn gwa, kan itǝri ba za’i, ko unu ba sa shot. Tǝ tambe mir mǝn kopi gǝs tǝ wule, <<Akon ne mbatl gin ra?>> Gip bǝrti na dlǝkǝntǝn hoyi wu tambe ezǝni, <<Woni’e muntu? Tǝ matl itǝr na mal ma kan wu kop shirǝm gǝsi!>>
Yesu matl itǝr kan itǝri ba dlǝri
Gasi gono Yesu shirǝm na mir mǝn kopi gǝs tǝ wul wur’e, <<Mǝ teni te bishidiyi mǝnta.>> Arni wu to gip kungǝlǝn jikat mal wu nǝm tetǝne. Wu den tetǝn den malo anni Yesu nde umurka. Arni bar itǝr tli ɗir den bar ɓula’i, ar kem mal ba su gip kungǝlǝn jikat mal gǝzǝni wi ra gip hasari.
Mir mǝn kopi gǝs ba ri putu ti wu wule, <<Babomi! Babomi! Mal bari kǝ tle mi gam kawi!>> Tǝ tlyam tǝ matl itǝri na mal ju den tlitǝn gwa, kan itǝri ba za’i, ko unu ba sa shot. Tǝ tambe mir mǝn kopi gǝs tǝ wule, <<Akon ne mbatl gin ra?>> Gip bǝrti na dlǝkǝntǝn hoyi wu tambe ezǝni, <<Woni’e muntu? Tǝ matl itǝr na mal ma kan wu kop shirǝm gǝsi!>>
Yesu warke mǝn dun itǝri
Wu nǝm tetǝn gip mali wu mbu bar gip ba las kǝ Garasinawa, muntu kan te bi bar ɓulaka daga Galili gwa.
Nan pǝt ba su bino kan mir mǝn kartǝn gǝs kutl cet ropi ba ɗir kar ti wu wul ti’e, <<Za mbarǝmi wu ri gip mir bǝn na bi lǝp ju kan wi zam bar kǝ ci gwa, na las tu wi mur gwa, ɗewo argon ra da’a.>> Ar ni Yesu wul wur’e, <<Kǝno bi wur ni fingal wu ci.>> Arni wu bali ti wu wule, <<Burodi nantam na kos rop ni katl mǝn ra nari in untu no, mi ri wuri wur kup wu ci.>> Mbarǝm ju lasiwo wu pi wule moni zangu kutl kǝ ba lasi nantam [500]. Ar ni Yesu wul mir mǝn kartǝn gǝs’e, <<Wul ni mbarǝmi’e wu dǝm atli, wu dom wur hauya rop na kutl-kutl.>> Arni mir mǝn kartǝn gǝsi pi den yari gǝsi, wu kem mbarǝm kup wu dǝm atli. Kan Yesu ba pǝn burodi nantam na kos rop, kan tǝ la gam yam tǝ goode Ba gun Yami, kan tǝ cetǝli tǝ bi mir mǝn kartǝn gǝs wu bi mbarǝm kup. Arni kup gǝzǝn ci den bi tu gǝzǝni! Kan mir mǝn kartǝn gǝs ba yem shar kutl cet rop kǝ munju mbarǝm za gwa.
Yesu pali koni mal dǝm njeti mal Inabi
Den pǝt kǝ myakano nyel gudlumi ra gip bǝn kǝ Kana gip kǝti atl kǝ Galili. Nasi Yesu ra lasi, Yesu na mir mǝn kulci kar ti ma la wur bi kǝ ba gudlumiyi. Nan mal kin inabi gǝzǝn pakawo, ar ni nasi Yesu wul ti’e, <<Wu’i na mal kin inabi da’a.>>
Yesu bali ti tǝ wul ti’e, <<Nǝna, unun kem kǝ ɗir karǝm rawe? Wokoci gǝn piwi da’a.>>
Ar ni nas wul mǝn pi mbapi’e, <<Pi ni argon tu kup tǝ yari in gwa.>>
Kosak na lasiwo kiri ran kǝ tat jen ra guduli mukka, nari ni mǝn Yahuda ba pi mbap ju kan Yam ba nǝm gwa tǝp kǝ ba hotǝne, ko gonge gip tati ba mani shoti ti mal bar kǝ tat mal mukka.
Ar ni Yesu wul ga mǝn pi mbapi’e, <<Laa’i ni ran ju na male.>> Kan wu la’i har bisi.
Kan Yesu ba wul wur’e, <<Kǝkǝno nge ni kǝ ri ni mbarǝm tu kan ne ti gam nyeli gwa.>> Ar ni wu pi untuyi, kan mbarǝm tu ne gam nyeli ba ɓom mali kan palika mal inabi gwa. Tǝ mom las tu ar ɗǝl gwa da’a, mǝn mbap ju kan nge mali gwa ni momi. Kan tǝ la bi ba mǝn gudlumiyi markǝme tǝ wule, <<Ko gonge mbarǝm ba ɗǝli ni mal inabi kan mani tǝmtǝn gwa kakani, den kaariwo kan dǝ ɗǝli muntu kan ri mǝntayi da’a wokoci tu mǝndǝkiyi tla ar kǝm wur wi gwa, ama kiwo kǝ ne muntu mani tǝmtǝn gwa se kǝkǝni.>>
Muntu ni’e halama bar kǝ dlǝkǝntǝn kǝ Yesu kǝ nǝm, tǝ pini muntu gip bǝn kǝ Kana gip kǝti atl kǝ Galili. Na untu ni tǝ gode ɗǝɗatǝn gǝsi, kan mir mǝn kulci kar ti ba ngǝsh wur den ti.
Tǝ ngen ni kumi kǝ bi gǝsi, domici tor mbatl gǝso tǝ mom argon tu kan tǝ ri kǝ pi gwa.
Filibus nǝmi ti tǝ wule, <<Wurpi pi mbap kǝ muri hauya kutl ba ri kǝ kǝmi dǝ wur bǝredi tu kan ko gonge gǝzǝn baa zam njem gwa da’a!>>
Nǝm gip mir mǝn kulci kar ti mǝn sun’e Andǝrawus, erǝm kǝ Bitǝrus, shirǝm tǝ wul Yesu’e, <<Nya gon kǝn ra na mir bǝredi nantam kan pi na ɗapti bale gwa na mir kos rop, ama unun ar ba pi mbarǝm na womti untuwe?>>
Yesu wul mir mǝn kulci kar tiyi’e, <<Wul ni mbarǝm’e wu dǝm atli.>> Lasiwo jir ra hoyi, kan mbarǝm ba dǝm atli, ama moni kan dǝm atl ri mbarǝm zangu nantam. Ar ni Yesu pǝn bǝrediyi, tǝ goode Yami, kan tǝ kem ba rabe munju kan dǝm atli gwa kan ar ba kǝm wuri. Untu ni es tǝ pi na kosi.
Nan kup gǝzǝn ci ar kǝm wuro, ar ni tǝ wul mir mǝn kulci kar ti’e, <<Dom ni roɓǝsi ju kan sa gwa. Ba dǝ za argon ar liika da’a.>> Ar ni mir mǝn kulci kar ti dom roɓǝsi ba laa’i shar kutl cet rop kǝ bǝredi ju kan pi na ɗapti bale nantam ju kan mbarǝm ci wu za gwa.
Nan wu te den gam mal bar kǝ mil myakan ko wupsewo, ar ni wu shin Yesu den tertǝn kar kungǝlǝnyi, tǝ den desi den gam male, kan mbatl ba tari wurka. Ama tǝ wul wur’e, <<Ami ni, kum ni bǝrti da’a.>> Kan ar ba gholi wur mbatl kǝ wu pǝn ti gip kungǝlǝn jikat mali. Ar ri kǝtigon da’a kan wu mbubar den bishidi tu kan wu te gwa.
Yesu pi bar kǝ dlǝkǝntǝn nǝmi kose
Den kaar kǝ untuwo, ar ni Yesu pa ɗǝl kar mir mǝn kulci kar ti bi bar ɓula kǝ Tiberiya. Kandatu ar pi gwa ikǝni. Siman Bitǝrus, Toma (kan ba la ti bi’e Nye ngumci gwa), Natanayilu mbarǝm kǝ Kana gip atl kǝ Galili, mimir kǝ Zabadi, na mir mǝn kulci kar Yesu jen rop ra lasi nan wuri. Siman Bitǝrus wul wur’e, <<A ri kǝ nǝmi kose.>> Ar ni nami mir mǝn kulci kar Yesuyi wule, <<Mǝn ma mii ri nan ki.>> Ar ni wu ndara kan wu to gip kungǝlǝn jikat male, ama gip gastawo wu nǝm argon da’a.
Kǝ bi cigǝniwo ar ni Yesu dlǝr den bishidi bar ɓula’i, ama mir mǝn kulci kar tiyi mani momi’e Yesu ni da’a.
Ar ni tǝ la wur bi tǝ wule, <<Mir moni, kǝn ra na kosa?>> Kan wu nǝmi ti wu wule, <<O’o.>>
Yesu wul wur’e, <<La ni bar kǝ nǝmi kos gin den am shimli kǝ kungǝlǝn jikat mali, kii nǝm jeni.>> Nan wu piwo, kan wu nǝm kos na womti har wu’i mbu dǝli bar kǝ nǝmi kosi tor gip kungǝlǝn jikat mali da’a.
Ar ni nye mǝn kulci tu Yesu ba ndu gwa wul Bitǝrus’e, <<Babom ni ca!>> Nan Siman Bitǝrus kum’e Babomno ar ni tǝ pǝn tutul dli gǝs tǝ la’i, (domici tǝ tuska wi den bi mbapi) kan tǝ nda su gip malika. Nami mir mǝn kulci kar ti gip kungǝlǝnyi ɗiri, kan wu dǝl bar kǝ nǝmi kosi tor laa’i na kose. Rawo, wu dlyam na gam bishidi bar ɓula’i da’a, bar kǝ desi asǝm hauya kutl cet nantam (300) ni.
Nan wu ɗǝl tor gip maliwo, ar ni wu shin gǝzhin mǝn utu gon lasi, na kos dene, kan na bǝredi jeni. Yesu wul wur’e, <<Ɗiri ni jen gip kos ju kan kǝ’i nǝm gwa.>>
Ar ni Siman Bitǝrus to gip kungǝlǝn jikat mali kan tǝ dǝl bar kǝ nǝmi kosi tor den bishidi. Laa’i na kiri kos gudǝli hauya nyingi na kutl cet myakan (153), ama kup na womtitǝn gǝzǝn juwo bar kǝ nǝmi kosi tlyatka da’a.
Libertações
Jesus expulsou demônios com autoridade. Os espíritos impuros não resistiam à sua palavra e saíam imediatamente.
Ngǝshtǝn den Yam kǝ bar mǝn bi’utu
Nan Yesu te gip bǝn kǝ Kaparnahumo, arni bar mǝn bi’utu kǝ Roma gon ɗir kar ti, tǝ lir ti kǝ dǝ tǝ ne ti am ra. Tǝ wule, <<Babomi, nye mǝn pim mbap gǝn ra rin bomka ɓom, itǝr tle ti dlika, tǝ den kumi dli.>>
Yesu wul ti’e <<Aa ri warke ti.>>
Ama bar mǝn bi’utuyi bali ti tǝ wule, <<Babomi, a kǝm’e kǝ ri bom da’ǝm da’a. Ama pi shirǝm katl, nye mǝn mbap gǝn ba pal lau. Domici ami ma gǝsi dǝ gon ni ami ra, na mǝn bi’utu jen gǝsi da’ǝmi. A wul gon’e, <Rǝka,> kan tǝ ri, gon eso a wul ti’e, <Ɗiri> kan tǝ ɗiri. A wul zher gǝn’e, <Pi nankǝni,> kano, tǝ pi.>>
Nan Yesu kum untuwo, arni tǝ nǝm bi na ame. Kan tǝ wul mǝn kopi kar gǝs’e, <<Na ho bi ni a yari ine, a taɓe zami murgon gip Isra’ila na ngǝshtǝn den Yam na ndǝrtǝn wule kǝ mbarǝm kǝn da’a. A yari ine, jen na womti mǝn ngǝshtǝn den Yam wule muntu baa ɗǝl ɗǝr tor gabǝs na sur yemma wu dǝm kǝ ci nyel na ga kori gǝmi Ibǝrahim, Ishaku, na Yakubu gip dǝmi kǝ Yam gun gǝzǝni. Ama mǝn Israila kan ndari wu zam dǝ Yam dǝm gun gǝzǝn kan nge gǝzǝno, baa la wur gip bar dǝmǝni, las tu kan wi kul na ngǝngash shine.>>
Ar ni Yesu wul bar mǝn bi’utu kǝ Romayi’e, <<Ndara, ba pi’i den kandatu kǝ ngǝsh ki den Yam gwa.>> Ar ni mǝn pi mbap gǝsi warke gip wokoci tu wu shirǝm gwa.
Yesu warke mǝn zhe’e
Nan tǝ cwat gip kǝti bar ɓula’i gip atl kǝ mǝn Garasinawo, ar ni mǝn zhe’e jen rop ɗǝl ter gip gambici’e wu zam ti. Wu dǝmka bar kǝ bǝrtiwi har murgon ba’i mani kopi tǝp lasi da’a. Ar ni wu la yar wu wule, <<Unun kǝ ndu nan miwu, Nya Yami? Kǝ ɗir ni kǝ dǝ kǝ kumi mi dli kapǝn dǝ wokoci piya?>>
Te cinaka njem nan wuro, alade jen ra na womti kan den le gǝzǝn gwa. Arni dun itǝri lir Yesu, wu wule, <<Kini kǝ ɗǝli mikawo, za mi mǝ te gip alade mǝn womtitǝn ja.>>
Ar ni tǝ wul wur’e, <<Bǝrni!>> Kan wu ɗǝl gip mbarǝm mi wu te gip aladeyi, arni aladeyi yem sur bi tlǝndǝr na kǝtǝr wu su ro gip bar ɓula’i, wu mǝsh su gip malika. Mǝn le aladeyi kǝtǝr te gip bǝnika, wu yari bar ju kup kan pi na mbarǝm mǝn dun itǝri gwa. Mbarǝm kǝ bǝni kup ɗǝl ɗir kǝ dǝ wu mo na Yesu. Nan wu shin tiwo, arni wu lir ti dǝ tǝ za’i wur kǝti atl gǝzǝni.
Wu den bi za’i lasi ituwi, kan ba ɗǝri ti mbarǝm gon mǝn dun itǝr kan ba mani shirǝm dagwa. Nan Yesu ɗǝli ti dun itǝrikawo, ar ni mbarǝmi nǝm shirǝmi. Domtǝn kǝ mbarǝmi nǝm bi na am wu wule, <<Mǝ taɓe shini argon pi wule muntu gip Isra’ila da’a.>>
Yesu na Ba’alzabu Gun dun itǝri
Ar ni wu ɗiri ti mbarǝm gon kan ngubbi ni, tabi ni, kan ra es na dun itǝr gwa. Yesu warke ti, kan tǝ mani shirǝmi, na shini bari.
Ngǝshtǝn den yam kǝ na gǝr goni
Kan Yesu ba za lasi, tǝ ndara kǝti atl kǝ Taya na Sidon. Lasi ni nagǝr gon mǝn Kan’ana tli yar yam tǝ wule, <<Babomi, Nya Dauda, shin guna gǝni! Dun itǝr ne den kumi nya gǝn nye mǝtli dli hoyi.>> Ama Yesu wul ti’e argon da’a. Ar ni mir mǝn kulci kar ti ɗir kar ti wu lir ti wu wule, <<Kar nagǝr tu tǝ ndara ngapi, domici tǝ ghun mi na kulu wi.>>
Yesu nǝm tǝ wule, <<Amo kar tǝm kǝ Isra’ila kan jilka gwa ni katl karǝmi.>>
Ama nagǝri ngus cina dǝ Yesu tǝ wule, <<Babomi, nem am ra.>>
Yesu bali ti tǝ wule, <<Ar ndari dǝ pǝn fingal kǝ mimir dǝ bi yer da’a.>>
Nagǝri wule, <<Untu ni ar ra Babomi, ama yer ma wu ci roɓǝs fingal ju kan ba ro sur den tebǝl kǝ Babom gǝzǝn gwa.>>
Kan Yesu ba wul nagǝri’e, <<Ngǝshtǝn gi den Yamo ar naari! Nǝmi’i lirtǝn gi wi.>> Ar ni nya gǝs warke gip wokociyi.
Yesu pǝni kumi dli nye mǝn kumi dli ndetǝn ka
Nan wu mbu bar kar mbarǝm na womtiyiwo, ar ni mbarǝm gon ɗir kar Yesu tǝ ngus cina da ti, tǝ wul ti’e, <<Babomi, kum guna kǝ nya gǝni, domici tǝ den patǝn na kumi dli hoyi kǝ ndetǝne, ar ba kur byal ti gip utu, ko gip male. A ri ti kar mir mǝn kulci kar ki, ama wu mani pǝni ti kumi dliyika da’a.>>
Yesu nǝm tǝ wule, <<Kǝn zhan kan na ngǝshtǝn den Yam da’a mǝn jiltǝni! Har gigasi ni a nǝra nan kǝne, ar ri gigasin aa ci cina na te mbatl kaarka nan kǝnu? Ɗirim ni nyayi ɗe.>>
Ar ni Yesu matl dun itǝr kan ra gip nyayi gwa. Ar dlyam da’a, ar ni nyayi pal lau.
Gip untuwo, ar ni mbarǝm gon kǝn mǝn dun itǝr gip bom domtǝn kǝ mǝn Yahudayi la yar tǝ wule, <<Unun kǝ ndu nan mi, Yesu kǝ Nazarat! Kǝ ɗir ni kǝ pa’ika nan miya? A mom wo ni’e ki, Dlǝran Mbarǝm kǝ Yami!>>
Kan Yesu ba matl ti tǝ wule, <<Ɗǝl ter gip ti!>> Dun itǝri ɓo mbarǝmi atl kan tǝ ɗǝl ter gip ti na la’i yare.
Yesu pǝni mǝn dun itǝr kumi dlika
Yesu na mir mǝn kulci kar ti jikat ɓula wu te den kǝti ɓula kǝ Galili, gip atl kǝ mǝn Gerasa. Na ɗǝltǝn kǝ Yesu sur gip kungǝlǝn jikat maliwo, ar ni mbarǝm gon mǝn dun itǝr tli ɗir kǝ ba gambǝci tǝ mbor ti. Gambǝci ni’e ba dǝmi kǝ mbarǝmi. Murgon ra kan ba mbu nǝmi gǝs tǝ ɓal tika na sarsari da’a. Tla ɓali gǝska am na asǝm na sarsari, ama wokoci tu kup ɓaltikawo tǝ kur ngot sarsariyika tǝ ceccen sarsari kǝ asǝm da tika. Murgon ra kan baa mani nǝmi gǝs kǝ ɓali na ndǝrtǝn kǝ bigul da’a. Ba dǝmi gǝs ni’e ba gambǝci na gip tlǝndǝre, ti den la’i yar na tloyi dli gǝs na tate.
Nan ti shin Yesu terkawo, ar ni tǝ tli na kǝtǝr tǝ te nda ngurup cina da ti. Tǝ la yar hoyi tǝ wule, <<Unun ghun ki namǝni, Yesu, Nya Bar Gun kǝ to yamka? A lir ki gip sun kǝ Yami, ba kǝ kumim dli da’a!>> Tǝ yari ni untu nan Yesu wule, <<Dun itǝri, ɗǝl ter gip mbarǝm tuka!>>
Ar ni Yesu wul ti’e, <<Ununu ni’e sun gi?>> Mbarǝmi nǝmi ti tǝ wule, <<Sun gǝn ni’e womti, nan mǝn ra na womti gwa.>> Kan tǝ pi ta liri Yesu den ba dǝ tǝ ɗǝli ga dun itǝrika gip las tu kan wu dǝm gwa da’a.
Ar dǝm’e kosak na lasiwo womti alade ra den ci bar gǝs tlǝndǝre. Ar ni ga dun itǝri lir Yesu wu wule, <<Kar mi te gip alade juka, za mi mǝ te gip wuri.>> Tǝ nǝmi wuri, kan ga dun itǝri ba ɗǝl ter gip mbarǝmi wu te gip aladeyi. Womtitǝn kǝ aladeyi ri zangu rop (2,000), kan wu yem sur atl na kǝtǝr wu su ro gip mal wu mǝshka.
Nan mǝn le aladeyi shin untuwo ar ni wu tli na kǝtǝre wu te gip bǝni na mir bǝn kǝ markǝmi, wu yari argon tu kan pi gwa. Mbarǝm ɗǝl ɗir kǝ shini argon tu kan ratl gwa.
Ama kǝ wule mbarǝm baa wul bas ko nas wokoci tu wu ndu bar kar ti gwa’e, <Argon tu kan aa ne in am ra nariwo a tare a bi Yam kawi.> Tǝp untuwo, kǝ kem tii’i ne am ga bas na nas da’a ituwi. Ra untuwo, kǝ pali shirǝm kǝ Yam dǝmka wop den bi kopi al’ada ju kǝ kulci mimir gin gwa. Untu ni es kǝ pi den bar na womti.>>
Kano Yesu ba pa la bi womti mbarǝmi kar ti tǝ wul wur’e, <<Kumǝn ni, ko gonge gini, kan kǝ mom ni muntu. Argon tu kan ba te gip mbarǝm tǝp bi ni ba li tika da’a, ama argon tu kan ba ɗǝl ter gip mbarǝm gwa ni ba li mbarǝmka cina dǝ Yami.
Ngǝshtǝn den Yam kǝ nagǝr goni
Nan Yesu za lasiwo, ar ni tǝ ndara atl kǝ Taya na Sidon. Tǝ te gip bom goni ama tǝ ndu ba dǝ murgon mom da’a. Ama kup na untu tǝ ghun kar mbarǝm da’a. Nagǝr gon kan nya gǝs nye mǝtli den ta ndotǝn na dun itǝro, na kumi shirǝm den Yesuwo, ar ni tǝ ɗir nda cina da ti. Nagǝr mǝriwo mǝn Hellas ni, gǝri kǝ gip atl kǝ Finiks gip Siriya. Ar ni tǝ lir Yesu den tǝ ɗǝli dun itǝrika gip nya gǝs nye mǝtli.
Yesu wul ti’e, <<Naa dǝ mimir ci ar kǝm wur kakani. Ar ndari dǝ pǝn fingal kǝ mimir dǝ bi yer da’a.>>
Ama nagǝri nǝmi ti tǝ wule, <<Babomi, untu ni ar ra, ama yer ma wu zam wu ci mir roɓǝs fingal ju ba nda sur den tebǝr kǝ mimir gwa.>>
Ar ni Yesu wul ti’e, <<Den argon tu kǝ yari tuwo, pal gi rǝn bomka, dun itǝri za nya giwi.>>
Nagǝr mbarǝmi ndara bomo ar ni tǝ zam nya gǝs ɓom den bamuri, dun itǝri ɗǝlka gip tiwi.
Ar ni gon gip womti mbarǝm ju nǝmi ti tǝ wule, <<Ba mǝn kulci, ar tu a ɗiri’i nya gǝn wi mǝn dun itǝr nan ba pali tika ngupbi gwa. Dun itǝri ba za ti tǝ shirǝm da’a. Wokoci tu kup ar tli tiwo, ar ba byal ti atl kan dǝ hukǝtkǝt ɗǝli ti ter bi. Dli gǝs ba ndǝrka hoyi kan tǝ ngǝngash shine. A shirǝm na mir mǝn kulci kar ki wu ɗǝli ti dun itǝrika, ama wu mbu da’a.>>
Ar ni Yesu nǝmi wur tǝ wule, <<Kǝn mbarǝm kǝ zhan kǝn mǝn nge la’i mbatli, muri mǝneni a dǝm nan kǝnu? Har gigasi ni a mbu nan kǝnwe? Ɓa ɗirim ni nyayi ɗe.>>
Ar ni wu ɗiri ti nyayi. Nan dun itǝri shin Yesuwo, na zhotǝne kan dun itǝri ba ɓo nyayi atli, dli gǝs den dǝdartǝni, tǝ den kurngǝltǝne, bi gǝs den ɗǝli hukǝtkǝte.
Kan Yesu ba ngen momi kar basi nyayi tǝ wule, <<Gigasi ni bar tu nǝm tiwu?>> Ar ni basi nyayi nǝmi ti tǝ wule, <<Tun tǝ’i ra nyayi gwani. Ar ba kur byal ti gip utu na male, kǝ dǝ ar ri ti eka. Ama ki ni kii mani pi argono, kum guna gǝmi kǝ nemi am ra.>>
Ar ni Yesu nǝmi ti tǝ wul ti’e, <<Imnu kǝ wule ko aa mani pi argon gwa? Bar kupo mǝn pitǝn ni kar muntu ngǝsh ti den Yam gwa.>>
Na zhotǝne ar ni basi nya yi tli yar yam tǝ wule, <<A ngǝshim wi, nem am a ngǝshim ra den Yami!>>
Nan Yesu shin womti mbarǝm den ɗirtǝn kar ti na kǝtǝro, ar ni tǝ matl dun itǝri tǝ wul ti’e, <<Ki ruhu kǝ holi kumi na ngup bi, a wul ki’e ɗǝl ter gip tika, bat na paltǝn teka.>>
Ar ni dun itǝri la yare, tǝ luti nyayi hoyi, kan tǝ ɗǝli. Ar ni nyayi nda atl wule mǝshi, mbarǝm na womti ma wu wule <<Tǝ mǝsh kawi.>> Ama Yesu nǝm am gǝs tǝ tli ti yami, kan tǝ dlǝr dlor.
Yesu warke mbarǝm na womti
Yesu ɗǝl gip bom kumi shirǝm kǝ Yami kan tǝ ndara bom dǝ Siman. Nakon kǝ Siman ra hoyi da’a, tǝ den kumi dli hoyi. Kan wu lir Yesu, dǝ tǝ warke ti. Ar ni tǝ ri dlǝr su gam da tika, kan tǝ matl kumi dliyi den tǝ za ti. Ar ni ar za ti, kan tǝ tlyam na zhotǝne, tǝ turi wur fingal tǝ bi wuri.
Nan Yesu te ɗǝl bi ɓula’iwo, anni tǝ mo na mǝn dun itǝr gon daga gip bǝni, tǝ zam muri na womti wi tǝ la lulur da’a ko tǝ dǝm gip bomi, ama tǝ dǝmni gip shu gam bǝci’e.
Nan tǝ shin Yesuwo, tǝ la yare kan tǝ nda cina dǝ Yesu tǝ den la’i yar, tǝ den wultǝm’e, <<Ununu kǝ ndu kǝ pi namǝni, Yesu, nya Bar Gun Yami? A lir ki, ba kǝ bin wuya da’a!>>
Tǝ yari ni untu nan Yesu tare matl dun itǝriwi kǝ dǝ tǝ ɗǝl gip mbarǝmika gwa. Biyi na womti dun itǝr kǝ gip ti ba kem in Mbarǝm ni ɓal ti na zap gǝlla am na asǝm dǝ pal dǝ le tika ma, tǝ kur ngot zap gǝllayika. Dun itǝri ba kur kem ti ritǝn gǝs gip lǝpe.
Yesu tambe ti tǝ wule, <<Unu’e sun gi?>> <<Womti>> tǝ wul untu, don dun itǝr na womti ra kan te gip ti gwa. Wu pi ta liri gǝsi, ba tǝ kar wur wu su gip shu ne dun itǝr da’a. Lasiwo alade ra na womti nan den ci bar kǝ ci gǝs tlǝndǝre gwa. Dun itǝri lir Yesu dǝ tǝ za wur wu te gip wuri, anni Yesu nǝmi wuri. Nan dun itǝri ɗǝl gip mbarǝmiwo, wu te gip alade yi, kan womti alade ju ba tli na kǝtǝre, wu su ro gip ɓula wu tla mal wu mǝshka.
Nan mǝn le alade yi shin argon tu piwo, wu ri gip bǝn na bi lǝp na kǝtǝre, wu yari bar tu pi gwa. Arni mbarǝm ɗǝl wu ri zhit argon tu pi gwa, nan wu ɗir kar Yesuwo, wu zam mbarǝmi nan dun itǝr ɗǝlka gip ti gwa, tǝra njon cina dǝ Yesu, tǝra na lulur den dli na mbatl nǝm, ar ni bǝrti nǝm wuri.
Na ho bini A yari ine, jen ra gip kǝn dlor ɗe kan ba mǝsh da gwa se win wu shin zo dǝmi cina dǝ Yami.>>
Yesu cirka
Kar dǝ muri wuzupse na yari shirǝm tuwo, kan Yesu ba pǝn Bitrus, na Yohana, kan na Yakubu, ar ni wu to den tlǝndǝr kǝ shirǝm na Yami. Ti gip shirǝm na Yamo, ar ni bager gǝs canze ka, lulur gǝs ngapo ar cirka gholi tar. Arni mbarǝm rop cwat kan wu nda shirǝm nan ti. Mbarǝm ropiwo, wi ni’e mǝn shirǝm na Yam Musa na Iliya. Cirtǝn gǝzǝn nge ger kǝ shini nan wu cwat gwa, kan wu nǝm bali iri mǝshtǝn tu ti pi gwa, argon tu Bas ndu gwani’e tǝ mǝsh su Urushalima ka.
Bitrus na berǝm ritǝn gǝso wu nde umurka. Nan wu putu wu shin cirtǝn kǝ Yesu na mbarǝm rop ju kan dlor kar ti. Nan mbarǝm ju ba za lasiwo, katl arni Bitrus nda shirǝm na momi arjen ju tǝ yari da gwa, tǝ wule, <<Babomi, ar hoyi nan mǝn ra ɗe gwa ar ndari dǝ tu mir ba shukutǝn myakan, nǝm ge, nǝm ngapo kǝ Musa kan nǝm kǝ Iliya.>>
Anni mbarǝm gon gip womti mbarǝm ju labi Yesu, tǝ wule, <<A lir ki ba mǝn kulci, kum guna kǝ nya gǝn tu, ti ni katl tǝ nem ra. Dun itǝr ba te gip ti, tǝ kem ti la’i yar katl untu. Dun itǝri ngapo tǝ kur ɓo ti dli gǝs den dǝdartǝni, kan dǝ bi gǝs ɗǝli hukǝtkǝte. Tǝ nǝra nan ti, gasjen gasjen ni tǝ za ti, tǝ kumi tǝ dli hoyi. A lir mǝn kopi gi dǝ wu ɗǝli ti, ama wu mani da’a.>> Arni Yesu nǝmi ti tǝ wule, <<Kǝn mbarǝm kǝ zhan kǝni munju ba la mbatl da gwa, mǝn utu tu’e gigasini a dǝm nan kǝne, kan a mani na pitǝn gin juwe? Ɗiri nyayi ɗe.>> Nyayi den ɗirtǝn ituwi kan dun itǝri ba byal ti atli, kan dli gǝs ba nǝm dǝdartǝni. Ama Yesu mbatl itǝri, tǝ ɗǝl gip ti, kan tǝ pali bǝbayi nya gǝsi. Kup mbarǝm ju kan ra lasi nǝm bi na ame, wu den shini nartǝn kǝ Yami.
Yesu pa shirǝm den mǝshtǝn gǝsi.
Mbarǝm ju kup gip nǝmi bi na am ijuwi den argon tu kup tǝ pi gwa, ar ni tǝ wul mǝn kopi gǝs’e,
Yesu na gun dun itǝri Ba’alzabu, Shetan utuwi
Yesu den ɗǝli dun itǝr mǝn bǝtli lǝka gip mbarǝm goni, nan dun itǝri ɗǝlo ar ni mbarǝmi shirǝme, kan mbarǝm na womti ba pi mamaki,
Kan gon gip wur ba wotl zher kǝ bar mǝn keri bar ju kan ɗiri Yam gwa, tǝ pǝni ti kǝm kǝ shimli den gamka.
Ama Yesu nǝmi wur tǝ wule, <<Zani untu!>> Kan Yesu ba ne am den kǝm kǝ mǝri tǝ warke ti.
Kan mǝn kartǝn kǝ Yohana ndarawo, ar ni Yesu shirǝm na womti mbarǝmi den Yohana, tǝ wule, <<Kǝri gip lǝp kǝ shini unu? Jir jukan itǝr ba jiti gwaya? Dawo, unun ri ine? Mbarǝm mǝn la’i bar lulura? Shinni! Munju ba la bar lulur, na dǝmi kǝ kumi tǝmiwo, gip bom kǝ gunni wura. Untu da’a, kǝ ri ni kǝ shini unu? Mǝn yari shirǝm kǝ Yam na? Untuni, a yari i’ne, tǝ man mǝn yari shirǝm kǝ Yami. Ti ni’e muntu rǝsh den ti gwa’e, <Aa kar nye mǝn kartǝn bar gǝn cina da’i, muntu kan baa kǝrkǝmi’i guntǝp gi gwa.>
A yari ine, gip munju kan mǝtli gǝriwo, gon ra kan man Yohana nartǝn gwa da’a. Kup na untu, muntu kan’e heli gip mulki kǝ Yamo, tǝ man ti nartǝni.>> Nan mbarǝm kup na mǝn nǝmi wurpi bom kum untuwo, ar ni wu nǝm’e Yamo mǝn pitǝn korni, domici Yohana pi wur batisma wi. Ama Parisawa na mǝn kulci mbarǝm shirǝm tu kan Yam bi Musa gwa, nge argon tu Yam ba ndu nan wur gwa, domici wu nge dǝ Yohana pi wur batisma.