Milagres de Jesus
Os Evangelhos registram dezenas de milagres realizados por Jesus — curas, ressurreições, domínio sobre a natureza e libertações. Cada milagre revelava sua divindade e compaixão.
Curas de cegos e surdos
Jesus devolveu a visão aos cegos e a audição aos surdos, manifestando seu poder sobre toda enfermidade e deficiência.
ယေဆု ဒဲႈအီငါည်အံပ်အူကူ ချံမ်ဆာ တရူဗက်ဇဲဒ
အခိင်ဂဲရောတ်ဒိုည်ႇ တရူဗက်ဇဲဒ၊ ဘီပ်ုရ်ဒီဂဲ တောႇဒေဒိူည် အီငါည်အံပ်အူကူ လာ်ႈရောတ် တယေဆု၊ ဂဲမှာန် ဒဲႈအ်ုန်ထိ အီကူဒီန်။ ယေဆု တီုတ်ဒေဘာတီ အီကူငါည်အံပ်ဒီန် တောႇလေႈပွံတ်အ်ုန်ရိူဝ့်ရူ။ ဟွည်ႇဒီန် ယေဆုဘဲ့ပွံတ် အိုမ်ဘဲ့ဒေတပ္လေငါည်အ်ုန်၊ ဂံမ်တီဒေ တပါင်အ်ုန် ဆ်ုရ်မွံတ်ပွံတ်၊ "မီပည်ယိူဝ်ဒေငိူပ် အူနဲအူနဲ။"
အီကူဒီန် ဆိူန်ဂိူဝ်ႈဒေငိူပ် ဒါႈတအ်ုန်၊ "အောယိူဝ်ယာ့် အောငိူပ်ဘီဂဲ၊ ကောည်လိုည် ဂဲနှေရ်ဒိုည်ႇပဲတ် တီုင်ဟေဂဲ လာ်ႈလာ်ႈႎေင်ႎေင်။"
ဟွည်ႇဒီန် ယေဆုႎီရ်ဂံမ်တီဒေ တပါင်ပ္လေငါည်အ်ုန်။ အခိင်ဒီန် အ်ုန်ငိူပ်ပွံတ်လလ၊ ပ္လေငါည်အ်ုန် ပ္လါင်ဆာင်လာင် ယိူဝ်ပွံတ်ဒေငိူပ် ကတီကရီ။ ယေဆုဒါႈ၊ "မီမာည်ဂွည်ႇလီပ်ယာ့် တရူ" ဟွည်ႇဒါႈခိူည်ဒီန် ပ္လေါည်ႎေင်ပွံတ်အ်ုန် တဂါင်။
ယေဆု ဒဲႈဘီဟျာ့်ဇံန်ကာခီုတ်ငဲ ချံမ်ဆာ
ဟွည်ႇဒီန်ယေဆု ႎီရ်လေႈဒိုရ်အရာပ်တုရု လာ်ႈက်ုရ်ခါမ်ပွံတ် ကုင်ဇိဒုန်၊ အ်ုန်လာ်ႈရောတ်ပွံတ် တအိုမ်ဆက္လုင်ဂါလိလဲ ကပီုန်ကုင်ဒေကာပေါလိ။ အခိင်ဒီန် ဘီဂဲပ်ုရ်ဒီ တောႇဒေဒိူည် အီအူကူ ဟျာ့်ဇံန်ကာခီုတ်ငဲ ပေါတယေဆု၊ ဂဲမှာန် ဒဲႈယေဆု ဂံမ်တီဒေ တပါင်အ်ုန်။ ဘံန်ညာခိူည်ဒီန် ယေဆု တောႇလာ်ႈပွံတ်အီကူဒီန် တအရာပ်ယေန်ညီမ် ဒိုရ်န်ုဖုင်ဘီက်ုရ်စုဂဲ၊ အ်ုန်ဒါရ်ုန်ဂိုရ်တီဒေ စီလီပ်ပွံတ် တန်ုဘီုင်ဟျာ့်အ်ုန် အာရ်ခေါန်၊ ဟွည်ႇဒီန် ဘဲ့အိုမ်ဘဲ့ဒေ စူတ်ပွံတ် တကီုရ်တာႇ အီကူဒီန်။ အခိင်ဒီန် ယေဆု ဆိူန်ဂိူဝ်ႈဒေငိူပ် တပ္လေင် အ်ုန်ငှူရ် ဒါႈ၊ "ဧဖသ" အိုမ်ငဲဧဖသဒီန်မိူဝ်ႈ၊ "ဒဲႈအ်ုန်က်ုရ်ပိူဝ်ႈ။"
ဒံင်အူကပြေ့ ဟျာ့်အ်ုန်ဒီန်မိူဝ်ႈ က်ုရ်ပိူဝ်ႈ၊ ဘံန်ဆနာႇကီုရ်တာႇအ်ုန် ညောတ်ညောတ် ဘိူန်ပွံတ်ဒေငဲလလ။ အခိင်ဒီန် ယေဆု ပိင်ငျှံပ်အူန်ဘီဂဲ မာည်ဂြည်အကျံင်အီုဝ် တအဆေ၊ အ်ုန်ဘိူည်ပိင်ငျှံပ်အူန်ဂံတ်ဂဲ ညာခိူည်ဒီန် ဂဲယိူင်ႎရဂြည်လှိူဝ်။ ဘံန်ဘီဂဲ ယိူဝ်ဒေဆတီုင် အကျံင်ဒီန် ဂဲအာမ်ညှိုႈညှိုႈ။ "အ်ုန်နံပ်ဒေရ်ုရ်ညာခိူည်အီုဝ် ဘ်ုရ်မောဒါႈဒေကျညှိုႈ၊" ဂဲဒါႈဒိုည်ႇခိူည်ဒီန်။ "အီအ်ုန်ဟျာ့်ဇံန်ကာခီုတ်ငဲလိုည် ဟွည်ႇဒဲႈအ်ုန်ယိူဝ်ဒေဆတီုင် ဘဲဒေငဲယာ့်။"
ယေဆု ဒဲႈအီငါည်အံပ်ဗာတိမဲ ချံမ်ဆာ
ဂဲလာ်ႈရောတ်ဒိုည်ႇ တကုင်ယေရိခေါ၊ ဟွည်ႇဒီန် ယေဆုဂါရ် တဘဲႇအ်ုန်ဂဲဒိုည်ႇဒိုည်ႇ ပါပည်ဖုင်ဘီက်ုရ်စုဂဲ ယာမ်ဂဲလေႈရူမ်ဒိုည်ႇ ဒိုရ်ကုင်ယေရိခေါ၊ ယိူဝ်အီငါည်အံပ်အူကူ ဇီုဝ်ဗာတိမဲ၊ (အ်ုန်မိူဝ်ႈ၊ ကွံန်တီမဲ) ဒါ့်မာ့်မှာန်ဒေဟောမ် တပြောရဒေင်။ ဘံန်အ်ုန်ယိူဝ်ဒေဆတီုင် မိူဝ်ႈနာဇရက်ယေဆု၊ အ်ုန်ပြိုႈဒေဒါႈ၊ "အိူဝ် ကွံန်ဒါဝိဒ်၊ ယေဆု၊ က်ုရ်ႎေဘိူဝ်အောစိ။"
ဘီဘာ့်ဘာ့်ဘိူဝ်ဘိူဝ်ဂဲ ဟီုတ်ပွံတ်အ်ုန် ဆူတ်အ်ုန်ဂွည်ညီမ်ညီမ်ဒေ။ ကောည်လိုည် အ်ုန်ႎရပြိုႈထဲင်ဒေဒါႈ၊ "အိူဝ် ကွံန်ဒါဝိဒ်၊ က်ုရ်ႎေဘိူဝ်အောစိ။"
အခိင်ဒီန် ယေဆု ဒါ့်ပွံတ်ဒေ၊ အ်ုန်ဒါႈ၊ "တောႇပဲဒိူည်အ်ုန်။"
ဘံန်ညာခိူည်ဒီန် ဘီဂဲတောႇပွံတ်အီငါည်အံပ်ဒီန် ဂဲဒါႈတအ်ုန်၊ "မာည်အူန်ဖိူမ်ဒေဒျံတ်၊ ယိူဝ်ႇပွံတ်၊ အ်ုန်တောႇမီယာ့်။"
ဘံန်ညာခိူည်ဒီန် အ်ုန်ဘေည်ပဲတ် ဆဒေါဒါင်ဒေ၊ ယိူဝ်ႇစာ့်တဲႇလာ်ႈဇူပွံတ် ယေဆု။
ယေဆုဆ်ုရ်မွံတ်အ်ုန်၊ "ဆေမီဆ်ုန်ဒဲႈ အောရ်ုရ် တဒေအဲႈ။"
အီငါည်အံပ်ဒီန်ဒါႈ၊ "အိူဝ် တာဆရာ၊ အောဆ်ုန်ႎီရ်ယိူဝ်ထဲင်အောငိူပ်။"
ယေဆုဒါႈတအ်ုန်၊ "လာ်ႈပွံတ်၊ ဖိူမ်ပ်ုန်ညှိုမ်မီဒီန် ဒဲႈမီချံမ်ဆာယာ့်။"
ဒံင်အူကပြေ့ ငါည်အ်ုန်ႎီရ်ယိူဝ်ပွံတ်ဒေငိူပ်၊ ဟွည်ႇဒီန် အ်ုန်ဇောမ်ပွံတ် ရဘံန်ဒေင်လာ်ႈ ယေဆု။
Curas de paralíticos e enfermos
Paralíticos caminharam, leprosos ficaram limpos e todo tipo de doença foi curada pelo toque e pela palavra de Jesus.
ကန်ရှိမုန်ပီ စံပ်ဆူဖိူဝ်နာ ဒါ့်အီတ်နှေရ်ဒေ တရအီတ်၊ ဂဲဂြည်ပွံတ် အကျံင်အ်ုန် တယေဆု အူဒီန်တောအူဒီန်။ အ်ုန်လာ်ႈဇူပွံတ် အီပ်ုန်ဒီန်၊ ဘာတီပျိုႇယိူဝ်ႇပွံတ်အ်ုန်၊ ဒံင်အူကပြေ့ ဆူဖိူဝ်နာအ်ုန်ဒီန် ဟြာည်ပွံတ်ဒေ။ အ်ုန်ယိူဝ်ႇဘဲပွံတ်ဒေ ရ်ုရ်ခါမ်ခဲႇ ဟျံင်လူမ်လာပွံတ်ဂဲ။
ယေဆု ဒဲႈဘီအူကူချံမ်ဆာ
ဘီဘ်ုပ်တူတ်အူကူဒီန် လာ်ႈရောတ်ဒေ မာ့်ပ်ုရ်ဒ်ုပ်ပွံတ် တရအာတ်ယေဆု၊ အ်ုန်မှာန်ဒါႈ၊ "မီက်ုန်ယိူဝ်နွံရ်ႈဖိူမ်၊ မီဘဲအေ့ဒေ ရ်ုရ်ဒဲႈအောဆပဲ။"
ယေဆု ယိူဝ်နွံရ်ႈဖိူမ်က်ုရ်ႎေအ်ုန်၊ ဆာတ်တီဒေ ထိပွံတ်တိုအီကူဒီန်။ အ်ုန်ႎီရ်ဒါႈ၊ "အောယိူဝ်အေ့ နွံရ်ႈဖိူမ်၊ ဒဲႈမီရောတ်တဆပဲ။" ဒံင်အူကပြေ့ တူတ်ပ်ုန်ဘ်ုပ်အ်ုန်ဒီန် မိူဝ်ႈဟြာည် ဆပဲပွံတ်ဒေ။
ယာမ်ဒီန် ဘီဖိုန်ကူဂဲ က်ုရ်ကွံက်ဒေဒိူည်လာ်ႈ ဘီဘ်ုပ်တီဇိူင်ဇ်ုမ် အူကူ ပေါတယေဆု။ ကောပ်ဘီက်ုရ်စု ကီုန်လူတ်လာည်၊ ဘံန်ဂဲကာဘိူန်ဒေဒိူည်လာ်ႈ တအ်ုန်၊ ဂဲဟာ့်ပွံတ်တကြောင်ဂါင် တက်ုရ်ႎိူည်ယေဆု။ ဘံန်ဂဲဟွည်ႇစာ်ႈ လျှပိူဝ်ႈက်ုရ်ဘာ့်ဂါင်၊ ပျာ်ႈတခြုံရ်လေႈပွံတ် ဘီဘ်ုပ်တီဇိူင်ဇ်ုမ်ဂါရ် ပေရ်ရအီတ်အ်ုန်။ ဘံန်ယေဆုယိူဝ်ဒေငိူပ် ဖိူမ်ညှိုမ်ဂဲ၊ အ်ုန်ဒါႈ တဘီဘ်ုပ်တီဇိူင်ဇ်ုမ်ဒီန်၊ "အိူဝ် ကွံန်အီမဲအော၊ ပ္လိုတ်ခွါင်ဒဲႈ အပေတ်ပ်ုန်လူတ်မီယာ့်။"
ကောည်လိုည် တာဆရာနံပ်ဘေဲႇကျံမ်ပ်ုရ်ဒီဂဲ မာ့်အရာပ်ဒီန် ဒါ့်စေ့ကူရာင်ကွည်ဒေ တန်ုဖိူမ်၊ "အီကူအီုဝ် ကောပ်ဆေ အ်ုန်ယာႇဂြည်ငဲ ခိူည်အီုဝ်။ အ်ုန်အီုဝ် မိူဝ်ႈဂြည်ငဲ ပ်ုန်ဘဝ်ဖြာ။ ဆဲႈဖြာအူပါ အဆေဘဲဒေ ပ္လိုတ်ခွါင်ဒဲႈ အပေတ်ပ်ုန်လူတ်အီုဝ်။"
ခိူည်မောဂဲ စေ့ကူဆာင်ချာင်တန်ုဖိူမ်ဒေ ယေဆု နံပ်ပွံတ် အူဒီန်တောအူဒီန်၊ အ်ုန်ဒါႈတဂဲ၊ "ကောပ်ဆေ ပဲစေ့ကူဆာင်ချာင် တန်ုဖိူမ်ပဲ ညာခိူည်ဒီန်။ ငဲခိူည်မောငှိူည်တဒါႈ တဘီဘ်ုပ်တီဇိူင်ဇ်ုမ်အီုဝ်၊ ငှိူည်တဒါႈ၊ ‘ပ္လိုတ်ခွါင်ဒဲႈ အပေတ်ပ်ုန်က်ုရ်လူတ်မီ’ က်ုန်ကာမိူဝ်ႈ ‘ယိူဝ်ႇဇံင်၊ ဒေါပေရ်ရအီတ်မီ လာ်ႈပွံတ်အဲႈ။’ အောဒီပျဆာ့်ဆေ ဒဲႈပဲနံပ်၊ ခိူည်မောကွံန်ဘီအီုဝ် ယိူဝ်အခွါင်အာဏာ ပ္လိုတ်ခွါင်ဒဲႈ အပေတ်ပ်ုန်လူတ်ဘီ တပါင်ကံမ်ဖာအီုဝ်။" ဘံန်ညာခိူည်ဒီန် အ်ုန်ဒါႈတဘီဘ်ုပ်တီဇိူင်ဇ်ုမ်ဒီန်၊ "အောဂြည်တမီ၊ ယိူဝ်ႇဇံင်၊ ဒေါပေရ်ရအီတ်မီ ႎေင်ပွံတ်တဂါင်။"
အခိင်ဒီန် ဘီဘ်ုပ်တီဇိူင်ဇ်ုမ်ဒီန်မိူဝ်ႈ၊ ယိူဝ်ႇဇံင် တိူဝ်ႈပွံတ်ပေရ်ရအီတ်ဒေ၊ လာ်ႈဖာည်ဖာည်ပွံတ် တဟာရဆငါည်။ ဂဲညာအာမ်ဒိုည်ႇပွံတ်ဒေ၊ ဂဲဒါႈ၊ "ညာခိူည်ပ်ုန်ပဲန်အ်ုန်အီုဝ် အူလိူဝ်ႈမိူဝ်ႈ အယ်ကာကျာင်ယိူဝ်စိ အယ်ငိူပ်။" ဟွည်ႇဒီန် ဂဲဟိုင်တာင်ပွံတ်ဂုင်ဖြာ။
ဘီဘ်ုပ်တီဇ်ုမ်အူခေါန်
ဟွည်ႇဒီန် အခိင်ယေဆု ႎီရ်လီပ်ထဲင် တကျောင်ရဆောန်ဒဲႈတရာ၊ ယိူဝ်ဘီဘ်ုပ်တီဇ်ုမ် အူခေါန် ဂွည်က်ုရ်တောဒီန်။ ဘီပ်ုရ်ဒီဂဲ ဒဲႈဒေဘိူန်ဒေ အတွတာင်အပေတ် တယေဆု၊ ဂဲရဲ့ဒိုည်ႇဒေငိူပ် အ်ုန်ဒီရ်ုရ်ဒဲႈကော အီကူဒီန် ချံမ်ဆာ၊ ကာချံမ်ဆာ တန်ုဆငီဆဒါင်။ ယေဆု ဒါႈတဘီဘ်ုပ်တီဇ်ုမ် အူခေါန်ဒီန်၊ "လာ်ႈဇံင်ပွံတ်မီ တရအာတ်ဘီဂဲတည်။" ဟွည်ႇဒီန် အ်ုန်ဆ်ုရ်မွံတ်ဘီဂဲ၊ "ခိူည်န်ုထုင်တရာအယ် တဆငီဆဒါင်အီုဝ် မှိူမ်ဇောည် က်ုန်ကာမိူဝ်ႈ မှိူမ်ဒဲႈဒုခအဲႈ။ မှိူမ်ပ်ုန်လောတ်ဒဲႈ အဆာႇဘီအူကူအူဆိူဝ် က်ုန်ကာမိူဝ်ႈ မှိူမ်ပျံမ်ပဲတ်အဲႈ။"
ကောည်လိုည် ဂဲဒီန် ညာဂွည်ညိမ်ဒိုည်ႇပွံတ်ဒေ။ အခိင်ယေဆု က်ုရ်ပံတ်ဒေငိူပ်ပွံတ် က်ုရ်ႎျံရ်ဒေ၊ ဘိူည်ဒေါဆလေႈဂံတ်တဂဲ ယာမ်ဒီန်၊ ကောပ်မိူဝ်ႈဂဲဖိူမ်ခေါ အတွဂဲက်ုရ်လူတ် ဖိူမ်အ်ုန်ကာပျော။ အ်ုန်ဒါႈတအီကူဒီန်၊ "ဆာတ်ပွံတ်တီမီ။" အီကူဒီန်မိူဝ်ႈ ဆာတ်ပွံတ်တီဒေ၊ တီအ်ုန်ႎီရ်ညာပွံတ်ခိူည်ပြီမ်။
A mulher com fluxo de sangue
Uma mulher que sofria há doze anos tocou a orla do manto de Jesus e foi curada instantaneamente pela sua fé.
ယာမ်ဒီန် ယိူဝ်အီပ်ုန်အူကူ ဘ်ုပ်ဒေခါမ်ဇာ ရောဂါနှာမ်တခူႈနာ ဒံင်ကိူရ်အာရ်ဆန်ုမ်၊ တာဆရာႎှုန်ဘာ့်ဘိူဝ်ဂဲ ဘိူည်ဆန်ုမ်ဒဲႈဂံတ် မောအုဇာဂြူဂြိမ် ဘ်ုရ်ယိူဝ်အ်ုန် ဂိူပ်ဒိုည်ႇ၊ ဆဲႈကာဟြာည် ရောဂါအ်ုန် ယိူင်ရဲ့ယိူင်နာ။ ဘံန်အ်ုန်ယိူဝ်ဒေဆတီုင် အကျံင်ယေဆု၊ အ်ုန်လာ်ႈဇောမ်ပွံတ် လ်ုပ်ရဘံန် ဘီက်ုရ်စုဂဲ အတွထိဆဒေါလှိူင်အ်ုန်၊ အ်ုန်ဒါႈရာင်ကွည်ဒေ၊ "အောက်ုန်ဘိူန်အော ထိဂိူဝ်ဆဒေါလှိူင်အ်ုန်၊ ရောဂါအော ဒီဘိူန်ဒေဟြာည်။"
ဘံန်ညာခိူည်ဒီန် အ်ုန်လာ်ႈထိပွံတ် ဆဒေါလှိူင်ယေဆု၊ ဒံင်အူကပြေ့ အ်ုန်နံပ်ပွံတ် ရောဂါနှာမ်တခူႈ ပ်ုန်ဘ်ုပ်တန်ုတိုဒေဒီန် ဟြာည်။
Ressurreições
Jesus ressuscitou mortos — a filha de Jairo, o filho da viúva de Naim e Lázaro. Ele é Senhor sobre a morte.
အခိင်ဒီန် တာအွံရ်ကိင် ကျောင်ရဆောန်ဒဲႈတရာ အီကူဇီုဝ် ယာဣရု လာ်ႈပေါပွံတ်၊ ဘံန်ယိူဝ်ဒေငိူပ်ယေဆု အ်ုန်လာ်ႈ ဆကူပ်ပွံတ် တရအာတ်ဇိူင်အ်ုန်။ အ်ုန်နွံရ်ႈရဲင်ဖိူမ်ရဲင်ဒေ တောင်ဘာန်ဒါႈ၊ "ကွံန်ရပျာဒျံတ်အော ဘ်ုပ်ဆူဖိူဝ်နာ။ ရာ့်မီ စွလာ်ႈဂံမ်တီမီ တပါင်အ်ုန်စိ၊ က်ုန်ညာခိူည်ဒီန် အ်ုန်ဒီဘိူန်ဒေချံမ်ဆာ အဆာႇအီမ်။"
ဟွည်ႇဒီန် ယေဆု ဇောမ်လာ်ႈပွံတ်အ်ုန်။ ဘံန်ဘီဘာ့်ဘာ့်ဘိူဝ်ဘိူဝ်ဂဲ က်ုရ်ညဲတ်ဒေလာ်ႈ ဇောမ်ယေဆု ဂဲတ်ုရ်တိူဝ်ဒိုည်ႇအ်ုန်။
အခိင်ဂဲရောတ်တဂါင် တာအွံရ်ကိင်ယာဣရု ယေဆုယိူဝ်ဒေငိူပ် ဘီဂဲဒါ့်ကန်ုမ်က်ုရ်ႎှ်ရ်၊ ယိူဝ်ပည်ဒေဆတီုင် ဂဲဒါ့်ယာမ်ဂံရ်ႈရဲင်ဒီန်။ အ်ုန်ဒါႈတဂဲ၊ "ဆေညာ ပဲဒါ့်ယာမ်ကန်ုမ်က်ုန်ႎှ်ရ် ခိူည်ဒီန်။ ကွံန်ကညောမ်အီုဝ် ကာမိူဝ်ႈစိအ်ုန်ယံမ်၊ မိူဝ်ႈအ်ုန်ဒါ့်အီတ်ဒေ။"
အခိင်ဒီန် ဘီဂဲပ်ုန်ဘဝ် ယူမ်ဒိုည်ႇအ်ုန်။ ဘံန်ညာခိူည်ဒီန် ဆဲႈကူန်မာကွံန်ကညောမ်ဂါရ် တဘဲႇဒေဂဲအွည်ကူ အ်ုန်ဆူတ်ဘီဂဲ လေႈဒိုည်ႇဒေရရိူဝ်ႇ၊ ဂဲလီပ်ပွံတ်တအခါန် ကွံန်ကညောမ်ဒီန်။ အ်ုန်ဘာပွံတ်တီ ကွံန်ရပျာဒီန်၊ အ်ုန်ဒါႈ "တလိသ ကုမိ" တီုင်အိုမ်ငဲ ပ်ုန်ဒါႈအ်ုန်ဒီန်မိူဝ်ႈ "အိူဝ် ကွံန်ရပျာ၊ အောဒါႈတမီ ယိူဝ်ႇ။"
ဒံင်အူကပြေ့ ကွံန်ရပျာဒီန် ယိူဝ်ႇလာ်ႈပွံတ်ဒေ။ (အ်ုန်ဘိူန်ဂိူဝ်ဒေအဆာႇ ကိူရ်အာရ်ဆနံမ်။) အခိင်ဒီန် ဂဲညာအာမ်ဒိုည်ႇပွံတ်ဒေ။
Domínio sobre a natureza
Jesus acalmou a tempestade, andou sobre as águas e multiplicou pães. A natureza obedece à voz do seu Criador.
ယာမ်ဒီန် ဘံန်ခူရ်ဒါင်ဇုင်ဒါင်ရဲင် ပေါရောတ်၊ က်ုရ်ပံရ်အိုမ်ဒီန် ပါ်ႈပွံတ်ရိူဝ်ဂဲ အိုမ်ဂိူပ်ဆ်ုန်နာ့်ပွံတ် တန်ုရိူဝ်။ ကောည်လိုည် ယေဆုဒါ့်အီတ် ဂံမ်ကိင်ဒေ မှောန်လ်ုပ်ရဘံန်ရိူဝ်။ တဘဲႇအ်ုန်ဂဲ ပျိူဝ်ႇအ်ုန် ဒါႈ၊ "အိူဝ် တာဆရာ၊ ယဲဒီဘ်ုပ်ယံမ်ဒိုည်ႇခိူည်အီုဝ် ဆေညာမီကာတိူဝ်ႈအရေယဲ။"
အခိင်ဒီန် ယေဆုယိူဝ်ႇဒိုရ်အီတ်ဒေ အ်ုန်ငဲဆုင်မပွံတ် ခူရ်ဂါရ် က်ုရ်ပံရ်အိုမ်၊ "ယေန်ညီမ်အေ့" ဘံန်အ်ုန် ပိင်ငျှံပ်ခိူည်ဒီန် ခူရ်ဒီန် ညာယေန်ညီမ် ဆာယာညှိုႈညှိုႈပွံတ်ဒေ။ အခိင်ဒီန် ယေဆုဆ်ုရ်မွံတ် တဘဲႇဒေဂဲ၊ "ကောပ်ဆေ ပဲနံပ်ဒေယော ညာခိူည်အီုဝ်၊ ပဲညှံမ်ယိူဝ်ဂံတ် ဖိူမ်ညှိုမ် မောအူဒီန်အီုဝ်။"
ဘီဂဲဒီန် ယောလူတ်လာည် ညာယူႈယူႈယ်ုရ်ယ်ုရ် ဂဲက်ုရ်မိုန်ဒိုည်ႇတဒေ အူကူတောအူကူ။ "အီကူအီုဝ် အဆေအ်ုန်မိူဝ်ႈအဲႈ၊ ခူရ်ဂါရ် က်ုရ်ပံရ်အိုမ်လိုည် ဆတီုင်ဒိုည်ႇငဲပ်ုန်ဒါႈအ်ုန်။"
ဘံန်စူန်အံပ် တဘဲႇအ်ုန်ဂဲ လာ်ႈဇူအ်ုန် ဂဲဒါႈ၊ "အရာပ်အီုဝ် မိူဝ်ႈအရာပ်ကာယိူဝ်ဘီ၊ အခိင်မိူဝ်ႈဟွည်ႇလာယာ့်။ ပ္လေါည်ဒဲႈဘီဂဲအီုဝ် လာ်ႈဇိူရ်ႈအူနဲအူနဲ အတွပ်ုန်ဟောမ်ဒေ တက်ုရ်ႎျံရ်ရူအီုဝ်။"
ယေဆုႎီရ်ဒါႈတဂဲ၊ "ဒဲႈပဲဒဲႈ အတွပ်ုန်ဟောမ်ဂဲ အူနဲအူနဲ။"
အခိင်ဒီန် ဂဲႎီရ်ဒါႈ၊ "တယဲအီုဝ် ယိူဝ်ဂိူဝ်ရိူန်ဒဲင်ဂါ အာရ်ပ်ုရ်ယာႈ၊ ခိူည်မောယဲဒီညာ ယဲလာ်ႈဇိူရ်ႈဒဲႈမုင် အတွပ်ုန်ဟောမ်ဂဲ။"
ကောပ်ခိူည်ဒီန် ယေဆုဆ်ုရ်မွံတ်ဂဲ၊ "လာ်ႈငိူပ်မေန်၊ တပဲယိူဝ်မုင် ဒါင်ပံင်အဲႈ၊"
ဘံန်ဂဲဟွည်ႇလာ်ႈငိူပ်၊ ဂဲႎီရ်ဒါႈတအ်ုန်၊ "ယိူဝ်ဂိူဝ်မုင်ဖံန်ပံင်ဂါရ် ကာအာရ်တို။"
ဟွည်ႇဒီန် ယေဆုဆူတ် တဘဲႇဒေဂဲ ဒဲႈဘီဂဲမာ့် တပါင်ကီုရ်ဘာန်ငျံရ် ပေန်က်ုရ်စု ပေန်က်ုရ်စု။ ဘံန်ညာခိူည်ဒီန် ဘီဂဲမာ့်က်ုရ်တျံရ်ဒေ အူပ်ုရ်ယာႈက်ုရ်စု၊ ဖံန်ကိူရ်က်ုရ်စု။ အခိင်ဒီန် ယေဆု တိူဝ်ႈပွံတ်မုင်ဖံန်ပံင်ဂါရ် ကာအာရ်တို ဆိူန်ဂိူဝ်ႈပွံတ်တပ္လေင်၊ ဟွည်ႇတာင်ဂုင်ကေစူဖြာ။ အ်ုန်က်ုရ်ပ္လဲႈပွံတ်မုင် ဒဲႈတဘဲႇဒေဂဲ က်ုရ်ဆာင်တဘီဂဲ။ စံမ်ညာခိူည်ဒီန် အ်ုန်က်ုရ်ဆာင်ဒဲႈပွံတ် ကာအာရ်တိုဒီန် တဘီဂဲဒိုည်ႇဒိုည်ႇ။ ဘီဒိုည်ႇဒိုည်ႇဂဲဒီန် ဟွည်ႇဟောမ်ဟိူဝ့်။ ဟွည်ႇဒီန် တဘဲႇအ်ုန်ဂဲ ထွံရ်အူန်ပ်ုန်ကီုတ် မုင်ဂါရ် ကာ က်ုရ်ပူက်ုရ်ပိုတ်ဒီန် ဘိူန်ပွံတ်ဂုဒါင် အူကိူရ်အာရ်ဂုနာ့်နာ့်။ ဘ်ုရ်ဂွည် အီအ်ုန်ဟောမ်မုင်ဒီန် မိူဝ်ႈဂိူဝ်အီမဲဒါင်ဂဲ လာပ်လာပ် ယိူဝ်ဖံန်ဟြဲင်။
အ်ုန်ယိူဝ်ဒေငိူပ် တဘဲႇဒေဂဲ ဒါလာႇဒါ့်ႎါည်အိုမ် ကောပ်ခူရ်တာ်ႈကာက်ုရ်တော ဂဲအိူရ်ဒိုည်ႇဒေ၊ ဘံန်ညာခိူည်ဒီန် ရႎါရ်ႈစူန်ပ္လါင် အ်ုန်လာ်ႈပွံတ်ပါင်အိုမ် ရဲန်ဒေက်ုရ်ခါမ် လာ်ႈပြောဂဲ။ ဘံန်တဘဲႇအ်ုန်ဂဲယိူဝ်ဒေငိူပ် အ်ုန်လာ်ႈပါင်အိုမ် ညာခိူည်ဒီန် ဂဲထာင်အ်ုန်မိူဝ်ႈကီုရ်ဘူ ဂဲပြိုႈဒိုည်ႇဒေရျံင်။ ဘံန်ဂဲ ယိူဝ်ဒေငိူပ်အ်ုန် ဂဲယောလူတ်လာည် ယူႈယူႈယ်ုရ်ယ်ုရ်ဒိုည်ႇဒေ။
ကောည်လိုည် ယေဆုငဲပွံတ်တဂဲ အူဒီန်တောအူဒီန်၊ "ဒဲႈနွံရ်ႈဖိူမ်ပဲညီမ်၊ မိူဝ်ႈအောမိူဝ်ႈ၊ ပဲမာည်ယော။" ဟွည်ႇဒီန် အ်ုန်ဟာ့်ဇူပွံတ်ဂဲ တပါင်ရိူဝ်၊ ခူရ်ဒါင်မိူဝ်ႈ ညီမ်ပွံတ်ဒေ၊ ဘံန်ညာခိူည်ဒီန် တဘဲႇအ်ုန်ဂဲ ညာအာမ်ဒိုည်ႇပွံတ်ဒေ။
ယေဆု ဟျံင်ဘီဖိုန်ဟြဲင်ဟောမ်
ဘံန်ကာဇီုဝ့် ဖုင်ဘီက်ုရ်စုဒါင် ပ်ုန်ဟံရ်ဂဲ လာ်ႈက်ုရ်စုရူမ်ဒိုည်ႇဒေ။ ကောပ်ကာယိူဝ်ပ်ုန်ဟောမ် တဂဲဒီန်၊ ယေဆု တောႇပွံတ် တဘဲႇဒေဂဲ အ်ုန်ဒါႈ၊ "အောက်ုရ်ႎေညှိုႈ ဘီဂဲအီုဝ်၊ ဂဲဟွည်ႇဂွည်ရူမ် ဇောမ်အော ဘိူန်အွည်ဆငီ၊ ပ်ုန်ဟောမ် ဆံင်မှာ်ႈမိူဝ်ႈ ကာယိူဝ်တဂဲ။ က်ုန်ကာဟျံင်ဘိူဝ် ဂဲဟောမ်ပ်ုန်ဟောမ် ပ္လေါည်ႎေင်တဂါင် ဘီပ်ုရ်ဒီမိူဝ်ႈ ကောပ်ယိူဝ်ႇ ဒိုရ်တအရာပ်ဆငါည်၊ ဂဲဒီအိူရ် မဝ်ဂေႈဒိုည်ႇဒေ တရဒေင်။"
တဘဲႇအ်ုန်ဂဲ ႎီရ်ဒါႈတအ်ုန်၊ "တန်ုဘြီအရာပ်အီုဝ် အဆေဒီဘဲဒေလဲမ်မုင် ဟျံင်ဂဲဟောမ် မောဂိူပ်ဟိူဝ့်။"
ယေဆု ဆ်ုရ်မွံတ်ဂဲ၊ "တပဲယိူဝ်မုင် ဘ်ုရ်မော၊"
ဂဲႎီရ်ဒါႈတအ်ုန်၊ "တယဲ ယိူဝ်ဂိူဝ်မုင်ပူရ်ပံင်။"
အခိင်ဒီန် အ်ုန်ဆူတ် ဖုင်ဘီက်ုရ်စုဂဲ မာ့်ဒိုည်ႇဒေ တပါင်ကတဲ။ ဟွည်ႇဒီန် အ်ုန်တိူဝ်ႈပွံတ် မုင်ပူရ်ပံင်ဒီန် တာင်ဂုင်ကေစူ တဖြာ၊ အ်ုန်ပ္လဲႈမုင်ဒီန် ဒဲႈပွံတ်တဘဲႇဒေဂဲ က်ုရ်ဆာင်ဒဲႈ တဖုင်ဘီက်ုရ်စုဂဲ၊ ဂဲဒီန်မိူဝ်ႈ လာ်ႈက်ုရ်ဆာင်ဒဲႈပွံတ် ခိူည်ပ်ုန်ဒါႈအ်ုန်။ ဘံန်တရန်ုဂဲ ယိူဝ်ပည်ကာဒျံတ်ဒျံတ် တရီတ်၊ ယေဆုဟွည်ႇတာင် ဂုင်ကေစူ အတွဒီန်၊ အ်ုန်ဆူတ်ပွံတ် တဘဲႇဒေဂဲ က်ုရ်ဆာင်ဒဲႈ တဖုင်ဘီက်ုရ်စုဂဲ။ ဘီဂဲတွံန်ကူ ဟွည်ႇဟောမ်ဟိူဝ့်ဒိုည်ႇ၊ တဘဲႇအ်ုန်ဂဲ ထွံရ်ပ်ုန်ကီုတ် က်ုရ်ပူက်ုရ်ပိုတ်ဒီန် ဘိူန်ပွံတ်ပူရ်ဂုနာ့်နာ့်။ တအရာပ်ဒီန် ယိူဝ်ဘီက်ုရ်ပံတ် ဖိုန်ဟြဲင်။ ယေဆု ပ္လေါည်ႎေင်ပွံတ်ဂဲဒီန်၊
ယေဆု ကီန်တိူင် တီုင်ပ္လေပ္လေါႇ
ဆငီရဘံန်၊ ယာမ်ဂဲႎီရ်ႎေင် ဒိုရ်ရူဗေသနိ ယေဆု က်ုန်ဘြာန်ပ်ုန်ဟောမ်။ ဘံန်အ်ုန်ယိူဝ်ဒေငိူပ် တီုင်ပ္လေပ္လေါႇအူတီုင်လှာက္လ်ုမ် အိုရ်အရာပ်ဆငါည် အ်ုန်လဲမ်ပ္လေကာယိူဝ်။ ကောည်လိုည် ကောပ်ကာမိူဝ်ႈ အခိင်ဟောမ်ပ္လေ ယိူဝ်ဂိူဝ်လှာအ်ုန်။ ယေဆုဒါႈ တတီုင်ပ္လေပ္လေါႇဒီန်၊ "စမံင်အူဒီန်အီုဝ် ယာမ်မောမိူဝ်ႈ မည်ဒဲႈဘီဘိူန်ထဲင် ဒေဟောမ်ပ္လေပ္လေါႇ တတီုင်မီဒီန်။"
တဘဲႇအ်ုန်ဂဲဒီန် ယိူဝ်ဒိုည်ႇဒေဆတီုင် ငဲပ်ုန်ဒါႈအ်ုန်။
ပဲန်ငါည်ရာင် ဒိုရ်တီုင်ပ္လေပ္လေါႇ
အခိင်ရႎါရ်ႈဇံဝ်ဇံဝ် ယာမ်ဂဲလာ်ႈ တရဒေင်၊ ဂဲယိူဝ်ဒေငိူပ် တီုင်ပ္လေပ္လေါႇဟောင် အိုရ်တရျံရ်ႈဒေ။ ဘံန်ပေတရု နွံရ်ႈလှူႈ ဆေအ်ုန်ပဲန်ဒေဒိူည် အ်ုန်ဒါႈတယေဆု၊ "ငိူပ်မေန်၊ တာဆရာ တီုင်ပ္လေပ္လေါႇ ပ်ုန်ကီန်တိူင်မီအီုဝ် ဟောင်ဟျံတ်ပွံတ်ဒေယာ့်။"
ယေဆု ႎီရ်ဒါႈတဂဲ၊ "ဒဲႈပဲညှိုမ်ဖြာ။ အောဂြည်ညှိုႈတပဲ အဆေမိူဝ်ႈဟွည်ႇ ကာယိူဝ် ဖိူမ်ကာဆာင်ခါ တန်ုဖိူမ်ဒေ က်ုန်ဒါႈတဆိူရ်၊ ‘က်ုရ်ခြါည်မီ လာ်ႈဇာ်ႈပွံတ် တန်ုအိုမ်ပါင်လာည်’ က်ုန်ညှိုမ်တငဲပ်ုန်ဒါႈဒေ ဒီပဲန်ပွံတ် ခိူည်ပ်ုန်ဒါႈအ်ုန်ဒီန်။ ကောပ်ခိူည်ဒီန် အောဆ်ုန်ဂြည်တပဲ၊ အခိင်ပဲဆုတောင် က်ုန်မှာန်အူနဲအူနဲ ဒဲႈပဲညှိုမ်ဒေ ရံပ်တိူဝ်ႈညှိုႈ ခံင်ပ်ုန်မှာန်ပဲ၊ အ်ုန်ဒီဒဲႈ ဘ်ုရ်မှာန်ပဲဒီန်။ အခိင်ပဲဒါ့်ဇံင်ဆုတောင် က်ုန်ယိူဝ်ပ်ုန်တာင်အပေတ် တပါင်ဘီအူကူ အူနဲအူနဲ ပ္လိုတ်ခွါင်ဒဲႈဒိုည်ႇတအ်ုန်အေ့။ က်ုန်ညာခိူည်ဒီန် ကူန်ပဲဂွည်တပ္လေင် ဒီပ္လိုတ်ခွါင်ဒဲႈ အပေတ်ပ်ုန်လူတ်ပဲအေ့။"
Libertações
Jesus expulsou demônios com autoridade. Os espíritos impuros não resistiam à sua palavra e saíam imediatamente.
ဟွည်ႇဒီန် တန်ုကျောင်ရဆောန်ဒဲႈတရာ ယိူဝ်ကီုရ်နံမ်ကာကျကာလ လီပ်စံပ် တအီအူကူ လာ်ႈရောတ် အ်ုန်ပြိုႈဒေဒါႈ၊ "အိူဝ် ကွံန်ကုင်နာဇရက် ယေဆု၊ ဆေမီ က်ုရ်ဆဴင် တယဲ၊ မီလာ်ႈရောတ် တအရာပ်အီုဝ် မိူဝ်ႈအတွ ပ်ုန်လူယဲအဲႈ။ အဆေမီမိူဝ်ႈ ယဲနံပ်အေ့၊ မီမိူဝ်ႈ ဘီမျြံတ်ဆပဲဖြာ။"
ယေဆု ဒါႈငဲဆုင်မပွံတ် တကီုရ်နံမ်ကာကျကာလဒီန်၊ "ဂွည်ညီမ်ညီမ်၊ လေႈပွံတ်မီ ဒိုရ်အ်ုန်။"
အခိင်ဒီန် ကီုရ်နံမ်ကာကျကာလ ဟွည်ႇယူႈရဲင်ပ်ုန်ခေါပွံတ် အီကူဒီန်၊ ပြိုႈဂံရ်ႈရဲင်ရဲင် လေႈပွံတ်ဒေ ဒိုရ်တိုအ်ုန်။
ယေဆု ဒဲႈအီကူကီုရ်နံမ်ချှိုလီပ်စံပ် ချံမ်ဆာ
ဟွည်ႇဒီန် ယေဆုဂါရ် တဘဲႇအ်ုန်ဂဲ ရောတ်ဒိုည်ႇ အရာပ်ဂါရစ၊ ဆဲႈပြါ အိုမ်ဆက္လုင်ဂါလိလဲ လ်ုပ်တည်။ ယေဆုစွလေႈ ဒိုရ်တပါင်ရိူဝ် ဒံင်အူကပြေ့၊ အီကူကီုရ်နံမ်ကာကျကာလ လီပ်စံပ်တအ်ုန်ဒီန် လေႈဒိုရ်ဆာင်ခဲင် လာ်ႈက်ုရ်ယိူဝ်ပွံတ်အ်ုန်။ အ်ုန်ဂွည်ဂိူဝ်ဒေ တဆာင်ခဲင်၊ အဆေမိူဝ်ႈ ကာဘိူန်ဒေ ဒါႎံရ်ဟီရ် တိုည်တုအူန်အ်ုန်။ ကောပ်ဆေတဒါႈညာခိူည်ဒီန် ဂဲဘိူည်တုဂံတ်ဇိူင်အ်ုန် တႎံရ်ဟီရ် တွံန်လိူဝ်ႈတွံန်လိူဝ်ႈ၊ အ်ုန်တီုတ်က်ုရ်တ်ုတ်ပဲတ် ႎံရ်ဟီရ်ကျံင်ဇိူင် ပ်ုန်တုဂဲဒီန်၊ ကောပ်ရဲင်အ်ုန်ဒါင်လူတ်လာည် အဆေမိူဝ်ႈ ကာဘဲဒေထိင်အ်ုန်။ ကာဒါႈ ရဆငီ၊ ရမှိူဝ် အ်ုန်ပြိုႈဒေရျံင် တဆာင်ခဲင်ဂါရ် တပါင်ဆိုရ်၊ ဒါမိုဟေတ်တိုဒေ ဒဲႈပဲန်ဒိုည်ႇတိူဝ်ဆူ တပါင်တိုအ်ုန်။
ဘံန်အ်ုန်ယိူဝ်ဒေငိူပ် ယေဆု တအရာပ်ဆငါည် ခူန်ဒေလာ်ႈ မာ့်ပ်ုရ်ဒ်ုပ်ကိင်ကေရ်ဒေ တရအာတ်အ်ုန်။ အ်ုန်ပြိုႈဒါႈ ပည်ဂံရ်ႈရဲင်၊ "အိူဝ် ယေဆု ကွံန်ဖြာ မျြံတ်ဇာရ်၊ ဆေမီ ဆ်ုန်ဘိူန်တအောအဲႈ။ ဒါဇီုဝ် ဖြာ၊ အောတောင်ဘာန်မီ မာည်ဆဂေအောစိ။" (အ်ုန်ဒါႈခိူည်ဒီန်မိူဝ်ႈ၊ ကောပ်ယေဆုဒါႈ၊ "အိူဝ် ကီုရ်နံမ်ကာကျကာလ၊ လေႈပွံတ်မီ ဒိုရ်တိုအီကူအီုဝ်။")
ဘံန်ညာခိူည်ဒီန် ယေဆုဆ်ုရ်မွံတ်အ်ုန်၊ "ဆေမီဇီုဝ်၊"
အီကူဒီန် ႎီရ်ဒါႈ၊ "ဇီုဝ်အောမိူဝ်ႈ လေဂေါင်၊ ယဲကီုန်ညှိုႈ။" ဟွည်ႇဒီန် အ်ုန်တောင်ဘာန်ယေဆု မာည်ရူပ်လေႈဂဲ ဒိုရ်အရာပ်အီုဝ်။
ယိူဝ်ဖုင်လေ့ဒါင်အူက်ုရ်စု ဂဲဟောမ်ဂွည် တပါင်ဆိုရ် တပြောအရာပ်ဒီန်။ ဘံန်ညာခိူည်ဒီန် ႎိငျံန်ကီုရ်နံမ်ချှိုဂဲ တောင်ဘာန် တယေဆု၊ "ပ္လေါည်ဒဲႈယဲ လီပ်ဂွည် တန်ုလေ့စိ။" ဘံန်အ်ုန်ဒဲႈပွံတ်အခွါင် တကီုရ်နံမ်ကာကျကာလဂဲ၊ ဂဲလေႈပွံတ် ဒိုရ်တိုအီကူဒီန် ဂဲလာ်ႈလီပ်ဒိုည်ႇပွံတ် တဖုင်လေ့၊ ဖုင်လေ့ က်ုရ်ပံတ်အာရ်ဟြဲင် ဟောမ်ဂွည်တအရာပ်ဒီန် လှောဒေခူန်ဇောမ်ကြောင်ဆိုရ် လေႈယံမ်ဒိုည်ႇဒေ တန်ုအိုမ်ဆက္လုင်။
အီအ်ုန်ဟျံင်လေ့ဂဲ ခူန်လီပ်ပွံတ်တန်ုကုင်ရူ၊ ဘံန်ဂဲလာ်ႈဂြည်ဆဒါင်ဒီန် ဘီဂဲလာ်ႈငိူပ်ဒိုည်ႇ ပ်ုန်ပဲန်အ်ုန်ဒီန်။
ကောည်လိုည် ပဲက်ုန်ဒါႈ၊ ဘီအူကူ ဘိူည်ယိူဝ်ဂံတ် ပ်ုန်လှူ ဒဲႈအကျိုအူနဲနဲ တကူန်မာဒေ အ်ုန်က်ုန်ဒါႈ ‘မိူဝ်ႈကော်ဘန်ယာ့်’ (အိုမ်ငဲအ်ုန်မိူဝ်ႈ၊ ပ်ုန်လှူအီုဝ် ဟွည်ႇကာပ်ဒဲႈ တဖြာ)၊ အီကူဒီန် ကာလိုယာ့် ရ်ုရ်ဇောည် ကူန်မာဒေ၊ ပဲဆမာနံပ်ဒေ ဆာင်ဆောန်ညာခိူည်ဒီန်။ ပဲဆာင်ဆောန်ဒဲႈ တဘီဟံရ် ဒါဒေင်လာ့်လာည်အီုဝ် မိူဝ်ႈညှိုႈပဲထေင်ဒိုည်ႇပဲတ် ငဲဖြာ။ ဆဲႈဒီန် ခံင်ရ်ုရ်ပဲ ပ်ုန်ဟံရ် ယိူဝ်ထဲင်ဘာ့်ဘာ့်ဘိူဝ်ဘိူဝ်။"
ခံင်ဒဲႈဘီပဲန် ကာဆပဲ
အခိင်ဒီန် ယေဆု ႎီရ်တောႇထဲင် ဖုင်ဘီက်ုရ်စု လာ်ႈတဒေ၊ အ်ုန်ဒါႈတဂဲ၊ "ဆတီုင်ဘိူဝ်ငဲအော ဒဲႈပဲနံပ်ဒိုည်ႇတွံန်ကူ။" ခံင်ယိူဝ်ႇဒိုရ်ရရိူဝ်ႇဘီ လီပ်တရန်ုဘီဒီန်၊ အူနဲမောမိူဝ်ႈ ကာယိူဝ်စိ အ်ုန်ဘဲဒေဒဲႈ ဘီပဲန်ကာဆပဲ။ မိူဝ်ႈဂိူဝ် ခံင်ယိူဝ်ႇဒိုရ်တရန်ုဘီ လေႈရရိူဝ်ႇဒီန် အ်ုန်ဆမာဒဲႈ ဘီပဲန်ကာဆပဲ။
ဖိူမ်ညှိုမ် အီပ်ုန်အူကူ
ဘံန်ယေဆု ယိူဝ်ႇဒိုရ်အရာပ်ဒီန် အ်ုန်စွလာ်ႈ တအရာပ်ပြော ကုင်တုရု။ အ်ုန်လီပ်ပွံတ်ဒေ တဂါင်အူဂါင်၊ အ်ုန်ဘိူည်ကာဆ်ုန်ဒဲႈဂံတ် ဘီဂဲနံပ် ကာပဲန်စိဒေ မောတိုဒေ။ မာကွံန်ရပျာ ကီုရ်နံမ်ကာကျကာလ လီပ်စံပ်ဒီန်၊ ဘံန်အ်ုန်ယိူဝ်ဒေဆတီုင် အကျံင်ယေဆု၊ အ်ုန်လာ်ႈဇူပွံတ်ယေဆု အူဒီန်တောအူဒီန် မာ့်ဂြူပ်ပွံတ် တပြောဇိူင်အ်ုန်။ အီပ်ုန်ဒီန်မိူဝ်ႈ ခြိူဝ်မျိုဟေလသ၊ ကိူတ်တကပီုန်ကုင်ရှုရိဖိနိတ်။ အ်ုန်မှာန် ဒဲႈယေဆု ရူပ်လေႈပဲတ်ကီုရ်နံမ်ချှို ဒိုရ်တိုကွံန်ရပျာဒေ။ ကောည်လိုည် ယေဆုႎီရ်ဒါႈတအ်ုန်၊ "ဒဲႈဘိူဝ် ကွံန်ႎါအောဂဲ ဟောမ်ဟိူဝ့်ရအာတ်။ ကာကျစိ တတိူဝ်ႈပ်ုန်ဟောမ် ကွံန်ႎါအောဂဲ ဂံမ်ဒဲႈအအို့ဂဲဟောမ်။"
အီပ်ုန်ဒီန် ႎီရ်ဒါႈ၊ "မိူဝ်ႈအေ့ ကီုရ်ညာ၊ ပ်ုန်ဟောမ်ကွံန်ႎါ ဇာ်ႈရခြူမ်ဘွည် တရူတရီတ်ဒီန် အအို့ဂဲအီုဝ် ယိူဝ်အေ့ထုင်ဇာမ် ထွံရ်ဒေဟောမ်။"
ယေဆုဒါႈတအ်ုန်၊ "ကောပ်ငဲပ်ုန်ဂြည်မီအီုဝ် ႎေင်ပွံတ်မီတဂါင်၊ ကီုရ်နံမ်ချှိုဒီန်ဟွည်ႇလေႈ ဒိုရ်ကွံန်ရပျာမီယာ့်။"
ဘံန်အီပ်ုန်ဒီန် ႎီရ်ႎေင်ပွံတ်ဒေတဂါင် အ်ုန်ယိူဝ်ဒေငိူပ် ကွံန်ရပျာဒေ ဒါ့်အီတ်နှေရ်ဒေတပါင်ချှံင်၊ ကီုရ်နံမ်ချှိုမိူဝ်ႈ ဟွည်ႇလေႈပွံတ်ဒေ ဒိုရ်တိုကွံန်ရပျာအ်ုန်။
ယာမ်ဒီန် န်ုပါင်ဘီက်ုရ်စုဂဲ ယိူဝ်ဘီအူကူဒါႈ၊ "အိူဝ် တာဆရာ၊ အောဒိူည်လာ်ႈ ကွံန်ရလျံင် ကာခီုတ်ငဲအော တမီ ကီုရ်နံမ်ချှိုလီပ်စံပ် တအ်ုန်။ တွံန်ကီုရ်နံမ်ချှိုဒီန် လီပ်စံပ်တအ်ုန်၊ အ်ုန်ဆမာ ပ်ုန်ဂေႈဆကြ်ုပ်ပဲတ်အ်ုန် တပါင်ကတဲ၊ ဟွည်ႇဒဲႈဘူရ်ႈလေႈ တမူရ်အ်ုန်၊ က်ုရ်ဂြီတ်ဟြာင်ဟောမ်ဒေ ဆမာပ်ုန်ခေါပဲတ်တိုအ်ုန်။ အောဘိူည်ဒါႈဂံတ်တ တဘဲႇမီဂဲ ရူပ်လေႈဒဲႈ ကီုရ်နံမ်ချှိုအီုဝ် ဂဲကာဘဲလိုည်ဒေရူပ်။"
ကီုရ်ညာဒါႈတဂဲ၊ "အိူဝ် အမျိုကာယိူဝ်ဖိူမ်ညှိုမ်၊ ခိင်ခါဝ်ဘ်ုရ်မော အောဒီဘ်ုပ်အောဂွည်ရူမ်ထဲင်ဇောမ်ပဲ၊ ခိင်ခါဝ်ဘ်ုရ်မော အောဒီဘ်ုပ်ရျံတ်အောတပဲအဲႈ၊ ဒိူည်လာ်ႈကွံန်ရလျံင်ဒီန် တအော။" ဂဲဒိူည်လာ်ႈကွံန်ရလျံင်ဒီန် တယေဆု။
ဘံန်ကီုရ်နံမ်ချှိုဒီန် ယိူဝ်ဒေငိူပ်ယေဆု၊ အ်ုန်ပ်ုန်ခေါဟာ့်ပွံတ် ကွံန်ရလျံင်ဒီန် အူဒီန်တောအူဒီန်၊ အ်ုန်ဟွည်ႇပ်ုန်ဂေႈဆကြ်ုပ်ပဲတ် ကွံန်ရလျံင်ဒီန် တပါင်ကတဲ ဘူရ်လေႈပွံတ်တမူရ်အ်ုန်၊ ညာအီတ် က်ုရ်ပ္လူက်ုရ်ပ္လါႇပွံတ်တိုဒေ။ ယေဆု ဆ်ုရ်မွံတ် ကူန်ကွံန်ရလျံင်ဒီန်၊ "အ်ုန်ပဲန်ညာခိူည်အီုဝ် ဘ်ုရ်မောဟွည်ႇဇီုဝ့်အဲႈ။"
ကူန်အ်ုန်ဒါႈ၊ "အ်ုန်ပဲန် ညာခိူည်အီုဝ် အိုရ်ယာမ်အ်ုန်ဒျံတ်ဒျံတ်။" "ကီုရ်နံမ်ချှိုအီုဝ် ဆ်ုန်ဒဲႈအ်ုန်ယံမ် ပ်ုန်ဂေႈဆကြ်ုပ်အ်ုန် တပါင်ငံရ်၊ တရန်ုအိုမ် က်ုရ်စံပ်က်ုရ်ဘာ၊ ကောည်လိုည် မီက်ုန်ဘဲ က်ုရ်ႎေဇောည်ဘိူဝ်ယဲစိ။"
ယေဆုဒါႈတအ်ုန်၊ "ဆေညာ မီနံပ်ဒေဒါႈတအော မီက်ုန်ဘဲဒီန်၊ အတွဘီအ်ုန်ယိူဝ်ဖိူမ်ညှိုမ်အီုဝ် ဘိူန်ပဲန်တွံန်နဲ။"
ကူန်ကွံန်ရလျံင်ဒီန် ပြိုႈရျံင်ဒေဒါႈ အူဒီန်တောအူဒီန်၊ "အောညှိုမ်အေ့၊ မစဘိူဝ်အောစိ ဒဲႈအောဘိုန်ပဲတ် ဖိူမ်ကာညှိုမ်အောအီုဝ်။"
ဘံန်ယေဆု ယိူဝ်ဒေငိူပ် ဖုင်ဘီက်ုရ်စုဂဲ ခူန်လာ်ႈဇူဒေ အ်ုန်ပိင်ငျှံပ်ဆုင်မ ဒဲႈဆဒိ တကီုရ်နံမ်ကာကျကာလဒီန်၊ "အိူဝ် ကီုရ်နံမ်ချှိုဟျာ့်ဇံန်ကာခီုတ်ငဲ၊ အောဒဲႈငဲအမိင်တမီ၊ လေႈပွံတ်မီ ဒိုရ်တို ကွံန်ကညောမ်ဒီန်၊ မီမည်ဂွည်ႇလီပ်ယာ့်ထဲင် ရန်ုအ်ုန်။"
အခိင်ဒီန် ကီုရ်နံမ်ချှိုပီ ပည်ပြိုႈဒေရျံင်၊ ဘံန်အ်ုန်ဟွည်ႇဒဲႈ ကွံန်ရလျံင်ဒီန် တကြိုတ် လေႈပွံတ်ဒေဒိုရ်တိုအ်ုန်၊ အ်ုန်ပဲန်ပွံတ် ညာခိူည်တိုဘီယံမ်၊ ဘီတွံန်ကူဂဲ ဒါႈဒိုည်ႇ၊ "အ်ုန်ယံမ်ယာ့်။" ကောည်လိုည် ယေဆု ဘာပွံတ်တီ ကွံန်ရလျံင်ဒီန် ပျိူဝ်ႇယိူဝ်ႇပွံတ်တိုအ်ုန် အ်ုန်မိူဝ်ႈယိူဝ်ႇပွံတ်ဒေ။