Milagres de Jesus
Os Evangelhos registram dezenas de milagres realizados por Jesus — curas, ressurreições, domínio sobre a natureza e libertações. Cada milagre revelava sua divindade e compaixão.
Curas de cegos e surdos
Jesus devolveu a visão aos cegos e a audição aos surdos, manifestando seu poder sobre toda enfermidade e deficiência.
ಬೆ ಕುಡ್ಡಾವೊನೆ ಡೊಳಾ ದಿದಲ
ಯೆಸು ತ್ಯಾಂತೊ ಜಾ಼ತಾಮಾ ಕುಡ್ಡಾ ತಿನಾ ಪಾಚಾ಼ ಲಾಗ್ಯಾ. ತ್ಯುನೆ, ದಾವಿದನಾ ದಿಕ್ರಾ, ಹಮೊನೆ ದಯಾ ದೆಕಾಡ" ಕೈನ ಜೊ಼ರ ಅಡ್ಯಾ. ಯೆಸು ಘರಮಾ ಗಯೊ. ಕುಡ್ಡಾ ತಿನಾ ಕ್ಹಾತೆ ಗಯಾ. ಯೆಸು ತ್ಯುನೊನೆ, ಮಿ ತುಮೊನೆ ಅರಾಮ ಕರುಸ ಕೈನ ತುಮೆ ಭರೊಕ್ಹೊ ಕರೊಶಿ ಸು?" ಕೈನ ಪುಚ್ಯೊ. ಕುಡ್ಡಾ, ಹೊ ಪ್ರಭು, ಹಮೆ ಭರೊಕ್ಹೊ ಕರಿಯೆಸ" ಕೈನ ಉತ್ತರ ದಿದ್ಯಾ.
ತೆಳಾಮಾ ಯೆಸು ತ್ಯುನಾ ಡೊಳಾ ಮುಟ್ಟಿನ, ತುಮೆ ಭರೊಕ್ಹೊ ಕರಲ ಲಿಂಗತಜ಼ ತುಮೊನೆ ಅರಾಮ ಥಾವಾದೆ" ಕದ್ಯೊ. ತೆಳಾಮಾಜ಼ ತ್ಯುನೊನೆ ಡೊಳಾ ಆಯಾ. ಎ ವಿಶಯ ಕಿನೆಜ಼ ಕೌ ನೈ" ಕೈನ ಯೆಸು ತ್ಯುನೆನೊ ಹುಶಾರಕಿ ದಿದ್ಯೊ. ತೆನೈಸೊ ತೆ ಕುಡ್ಡಾ ತ್ಯಾಂತಾ ಗೈನ ಯೆಸುನಿ ಸುದ್ದಿ ತೆ ಗಾಮ್ನಾ ಸುತ್ತೆ ಫೈಲಾಯಾ.
ಯೆಸು ಬೆ ಕುಡ್ಡಾವೊನೆ ಡೊಳಾ ದಿದಲ
ತ್ಯುನೆ ಯೆರಿಕೊತಾ, ಜಾ಼ತಾ ಟೈಮಮಾ ಮನಕ್ಹೊನು ಮ್ಹೊಟು ಗುಂಪ ತಿನಾ ಪಾಚು಼ ಐಯು. ತೆಳಾಮಾ ವಾಟನಾ ಬಾಜು಼ಮಾ ಬೈಟಲ ಬೆ ಕುಡ್ಡಾ ಯೆಸು ತೆ ವಾಟಮಾತೊ ಚಾ಼ಲ್ಯೊಸ ಕೈನ ಐಕಿನ, ಪ್ರಬು, ದಾವಿದನಾ ದಿಕ್ರಾ ಹಮೊನೆ ಮರಗ ಕೈನ ವದ್ರ್ಯಾ. ತೆನೈಸೊ ತೆ ಗುಂಪಮಾ ರ್ಹಯಲವಾಲಾ, ಗಪ್ಪ ರ್ಹವೊ ಕೈನ ತ್ಯುನೊನೆ ಭುಚ್ಕಾಡ್ಯಾ. ತ್ಯುನೆತಬಿ, ಪ್ರಭು, ದಾವಿದನಾ ದಿಕ್ರಾ, ಹಮೊನೆ ಮರಗ ಕೈನ ಜೊ಼ರ ವದ್ರ್ಯಾ. ತೆಳಾಮಾ ಯೆಸು ಹುಬ್ರೈನ ತ್ಯುನೊನೆ ಬಲೈನ, ಮಿ ತುಮೊನೆ ಸು ಕರೊ ಕವೊಶಿ? ಕೈನ ಪುಚ್ಯೊ. ತ್ಯುನೆ, ಪ್ರಭು, ಹಮಾರಾ ಡೊಳಾ ದಿಕ್ಹಾ ವರಕ್ಹು ಕರ ಕದ್ಯಾ. ತೆಳಾಮಾ ಯೆಸು ಮರಗಿನ, ತ್ಯುನಾ ಡೊಳಾ ಮುಟ್ಯೊ ತೆಳಾಮಾಜ಼ ತ್ಯುನೊನೆ ಡೊಳಾ ದಿಕ್ಹ್ಯಾ ತೆಳಾಮಾತಾಜ಼ ತ್ಯುನೆ ತಿನಾ ಪಾಚಾ಼ ಗಯಾ.
ಯೆಸು ಕುಡ್ಡಾನೆ ಡೊಳಾ ದಿದಲ
ವರಿ ತ್ಯುನೆ ಬೆತ್ಸಾಯಿ ಗಾಮೆ ಆಯಾ. ತ್ಯಾ ಮನಕ್ಹೊ ಯಕ್ಕ ಕುಡ್ಡಾನೆ ಯೆಸುಕನ ಬಲೈ ಲೈನ ಅನೆ ಮುಟ್ಟ ಕೈನ ತಿಕನ ಮಾಂಗಿಲಿದ್ಯಾ. ಯೆಸು ತೆ ಕುಡ್ಡಾನೊ ಹತ್ತ ಧರಿನ ಗಾಮ್ನಾ ಭಾರೊ ನಿಂಗೈನ ತಿನಾ ಡೊಳಾಪರ ಥುಕ್ಕಕಿನ ತಿಪರ ಹತ್ತ ಮ್ಹೆಲಿನ-ತುನೆ ಸುಬಿ ದಿಕ್ಹಾಡ್ಯುಸು? ಕೈನ ತಿನೆ ಪುಚ್ಯೊ.
ತೆ ಮಾತು ಉಚೈನ ದೆಕಿನ ಮನೆ ಮನಕ್ಹೊ ದಿಕ್ಹಾಡ್ಯಾಸ; ತ್ಯುನೆ ಝಾಡೊ ನಿಂಗತ ದಿಕ್ಹ್ಯಾತಬಿ ಫರವಾಡ್ಯಾಸ ಕದ್ಯೊ.
ತೆಳಾಮಾ ಯೆಸು ತಿನಾ ಡೊಳಾಪರ ಫರಿನ ಹತ್ತ ಮ್ಹೆಲ್ತಾಮಾ ;ತೆ ಡೊಳಾ ಖೊಲಿನ ದೆಕ್ತಾಮಾ ತೆ ಅರಾಮ ಥಯೊತೊ. ಕ್ಹಾರು ಚೊ಼ಕಿ ತರಾ ದಿಕ್ಹಾಡ್ಯುತು ತೆಳಾಮ ಯೆಸು ತಿನೆ ತು ಎ ಗಾಮ್ನಾ ಮ್ಹೈ ಜಾ಼ವುನಕೊ ಕೈನ ತೆ ತಿನಾ ಘರೆ ಮೊಕ್ಕಲಿಪಾಡ್ಯೊ.
ಯೆಸು ಮುಕಾನೆ ಕಿವುಡಾನೆ ಅರಾಮ ಕರಲ
ತೆ ಥಯಲ್ಪರ ಯೆಸು ತೊರ ಗಾಮ ಛೊಡಿನ ಸಿದೊನ ಗಾಮ ಪರತೊ ದೆಕಪೊಲಿ ಗಲಿಲಾಯ ಸಮುಂದರಕನ ರ್ಹಯಲ 10 ಗಾಮೊ ದಾಟಿನ ಚಾ಼ಲ್ಯೊತೊ. ತೆಳಾಮಾ ದಕ್ಹಾಜ಼಼ನಾ ತ್ವದಲಿನ ಬೊಲಾನಾ ಯಕ್ಕ ಕ್ಯುಡಾನೆ -ಯೆಸುಕನ ಬಲೈ ಲೈನ ಇಪರ ತು ಹತ್ತ ಮ್ಹೆಲ ಕೈನ ಮಾಂಗಿಲಿದ್ಯಾ.
ಯೆಸು ತಿನೆ ಮನಕ್ಹೊನಾ ಗುಂಪಮಾತೊ ಯಕ್ಕ ಬಗಲ ಬಲೈ ಲಿನ ಗೈನ ತಿನಾ ಬೊಟೊ ತಿನಾ ಕಾನೊಮಾ ಮುಕ್ಕಿನ ಥುಕ್ಕಿನ ತಿನಿ ಜಿಬ್ಬ ಮುಟ್ಯೊ. ಹಬಾಳನೆ ದೆಕಿನ ಉಸುಲ ಛೊಡಿನ ತಿನೆ ಎಪ್ಫಥಾ ಕೈನ ಕದ್ಯೊ. ತೆ ವಾತನೊ ಮತ್ಲಬ ವ್ಹೈ ಖುಲ್ಲಾಥಾವಾದೆ ಕೈನ. ಕತಾಮಾ ತೆಳಾಮಾಜ಼ ತಿನಾ ಕಾನೊ ಖುಲ್ಲಾಥಯಾ ತಿನಿ ಜಿಬ್ಬಬಿ ಖುಲ್ಲಾ ಥೈ ತೆ ತರಾಸನೈಸೊ ಬೊಲ್ಯೊ.
ತೆಳಾಮಾ ಯೆಸು ಕಿನೆಜ಼಼ ಎ ತಿಳಸುನಕೊ ಕೈನ ತಾಕಿತ ಕರ್ಯೊ ವರಿ ಕೆಕ್ಲೊ ಕದ್ಯೊತಬಿ ವರಿ ಘನ್ನಾ ಮನಕ್ಹೊಕನ ಕದ್ಯೊ. ಎ ಐಕಲವಾಲಾ ಕ್ಹಾರಾಜ಼ನಾ ಘನ್ನಾ ಘಾಬ್ರಾಥೈನ ಕ್ಹಾರು ಚೊ಼ಕು ಕರ್ಯೊಸ ಕಿವ್ಡಾ ರ್ಹಯಲವಾಲಾನೆ ಐಕಾ ವರಕ್ಹು ಕರಸ. ಮುಕಾ ರ್ಹಯಲವಾಲಾನೆ ಬೊಲಾ ವರಕ್ಹು ಕರಸ ಕೈನ ತಿಳದಿಲಿದ್ಯಾ.
ಯೆಸು ಬಾರತಿಲೊಮಾಯಾ ಕವಾಲಾ ಕುಡ್ಡಾನೆ ಅರಾಮ ಕರಲ
ತ್ಯುನೆ ಯೆರಿಕೊವಿಯೆ ಆಯಾ ಯೆಸು ತಿನಾ ಶಿಷ್ಯಾ ಮನಕ್ಹೊನು ಗುಂಪ ತೆ ಗಾಮತಾ ಜಾ಼ತಾಮಾ ತಿಮಾಯನೊ ದಿಕ್ರೊ ಬಾರ್ತಿಮಾಯಾ ತೆ ಕುಡ್ಡೊ ಮಾOಗಾನೆ ವಾಟನಾ ಬಾಜು಼ಮಾ ಬೈಟ್ಯೊತೊ. ತೆ ಕುಡ್ಡೊ ಭಿಕ ಮಾಂಗಾಲೊ ವ್ಹತ್ತೊ. ಎ ವಾಟಪರ ಜಾ಼ವಾನೊ ನಜ಼ರೆತನೊ ಯೆಸು ವ್ಹೈ ಕೈನ ಐಕಿನ ದಾವಿದನಾ ದಿಕ್ರಾ ಯೆಸು. ಮನೆ ಮರಗ ಕೈನ ವದ್ರಾನು ಚಾಲುಕರ್ಯೊ.
ಘನ್ನಾಜ಼ನಾ ತಿನೆ ಗಪ ರ್ಹೆ ವರಿ ತೆ ದಾವಿದನಾ ದಿಕ್ರಾ ಮನೆ ಮರಗ ಕೈನ ವರಿ ಜೊ಼ರ ವದರ್ಯೊ.
ತೆಳಾಮಾ ಯೆಸು ಹುಬ್ರೈನ ತಿನೆ ಬಲೈ ಲಾವೊ ಕದ್ಯೊ.
ತೆಳಾಮಾ ಮನಕ್ಹೊ ತೆ ಕುಡ್ಡಾನೆ ಬಲೈನ ಖುಶಿ ಕರ ಉಟ. ತುನೆ ಬಲಾವಾಡ್ಯೊಸ ಕದ್ಯಾ. ತೆ ತಿಪರ ವಳ್ಳಿದಲ ಪ್ಹಡಕು ನಾಕಿನ ಗಪ್ನೆ ಉಟಿನ ಯೆಸುಕನ ಆಯೊ.
ಯೆಸು ತಿನೆ ಮಿ ತುನೆ ಸುಕರು ಕೈನ ಆಸ ಛೆ. ಕೈನ ಪುಚ್ತಾ಼ಮಾ.
ತೆ ಕುಡ್ಡೊ ಮನೆ ಡೊಳಾ ದಿಕ್ಹಾವರಕ್ಹಾ ಕರ ಗುರು ಕದ್ಯೊ.
ಯೆಸು ತಿನೆ - ಜಾ಼ ತಾರೊ ಬರೊಕ್ಹೊ ತುನೆ ಅರಾಮ ಕರ್ಯೊಸ ಕದ್ಯೊ. ತೆಳಾಮಾಜ಼ ತಿನಾ ಡೊಳಾ ಆಯಾ. ತೆ ವಾಟಮಾ ತಿನಾ ಪಾಚೊ಼ಗಯೊ.
ಯೆಸು ಕುಡ್ಡೊ ರ್ಹಯಲ ಭಿಕಾರಿನ ಅರಾಮ ಕರಲ
ಯೆಸು ಯೆರಿಕೊ ಗಾಮನಾ ಕ್ಹಾಮೊ ಜಾ಼ತಾಮಾ, ತೆ ವಾಟೆ ಯಕ್ಕ ಕುಡ್ಡೊ ಭಿಕ ಮಾಂಗತೊ ಬೈಟ್ಯೊತೊ.
ತೆ ವಾಟಮಾ ಮನಕ್ಹೊನಿ ಘನ್ನಿ ಆವಾಜ಼ ಐಕಿನ ತೆ ಕುಡ್ಡೊ"ನ್ಹ್ಯಾ ಸು ಥಾವಾಡ್ಯುಸ? ಕೈನ ಪುಚ್ಚೊ಼.
ಮನಕ್ಹೊ ತಿನೆ "ನಜ಼ರೆತನೊ ಯೆಸು ಆವಾಡ್ಯೊಸ" ಕೈನ ತಿಳಶ್ಯಾ. ತೆ ಕುಡ್ಡೊ ಜೊ಼ರ ಆವಾಜ಼ ಕ್ಹು"ಯೆಸು, ದಾವಿದನಾ ದಿಕ್ರಾ ಮರಗಿನ ಮನೆ ಮದದ ಕರ! ಕೈನ ವದರ್ಯೊ. ಮನಕ್ಹೊನು ಗುಂಪ ತೆ ಕುಡ್ಡಾನೆ ಭುಚ್ಕಾಡ್ಯಾ. ತಿನೆ ಬೊಲು ನಕೊ ಕೈನ ಕದ್ಯಾ. ತೆನೈಸೊ ತೆ ಕುಡ್ಡೊ ವರಿ ಜೊ಼ರ ಆವಾಜ಼ ಕ್ಹು "ದಾವಿದನಾ ದಿಕ್ರಾ, ಮರಗಿನ ಮನೆ ಮದದ ಕರ" ಕೈನ ಅಡ್ಡ್ಯೊ.
ಯೆಸು ತ್ಯಾಜ ಹುಬ್ರೈನ"ತೆ ಕುಡ್ಡಾನೆ ಮಕನ ಬಲೈನ ಲಾವೊ" ಕೈನ ಕದ್ಯೊ. ತೆ ಕುಡ್ಡೊ ಕ್ಹಾಮೊ ಆಯೊ, ಯೆಸು ತಿನೆ "ಮಿ ತುನೆ ಸು ಕರು ಕೈನ ತು ಕಶಿ? ಕೈನ ಕದ್ಯೊ. ತೆಳಾಮಾ ತೆ ಕುಡ್ಡೊ "ಪ್ರಭು, ಮಾರಾ ಡೊಲಾ ವರಿ ದಿಕ್ಹಾ ವರಕ್ಹಾ ಕರ ಬಾ" ಕದ್ಯೊ.
ಯೆಸು ತಿನೆ"ತು ನಂಬಲಕ್ಹು ತುನೆ ಅರಾಮ ಥೈಯುಸ" ಕೈನ ಕದ್ಯೊ. ತೆಳಾಮಾಜ಼ ತೆ ಕುಡ್ಡಾನೆ ಪುರಾ ದಿಕ್ಹಾಡು. ತೆ ಕುಡ್ಡೊ ಕ್ಹುದಾನೆ ಸೊತ್ರಾ ಕತೊ ಯೆಸುನಾ ಪಾಚೊ಼ ಗಯೊ. ಆ ಕ್ಹಾರು ದೆಕಿನ ಮನಕ್ಹೊ ಕ್ಹುದಾನೆ ಸೊತ್ರಾ ಕರ್ಯಾ.
ಯೆಸು ಹುಟ್ತಾಮಾತೊಜ ಕುಡ್ಡೊ ರ್ಹಯಲ ವಾಲಾನೆ ಅರಾಮ ಕರಲ
ಯೆಸು ಚಾಲ್ತೊ ಜಾ಼ತಾ ಟೈಮ್ಮಾ ಯಕ್ಕ ಹುಟ್ಟತೊಜ ಕುಡ್ಡೊ ರ್ಹಯಲ ವಾಲಾನೆ ದೆಕ್ಯೊ. ಯೆಸುನಾ ಶಿಷ್ಯಾ ತಿನೆ"ಗುರು ಆ ಮನಕ್ಹ ಕುಡ್ಡೊ ಥೈನ ಹುಟ್ಟಾನೆ ಕಿನು ಪಾಪ ಕಾರಣ ವ್ಹೈ? ತೆ ಕರಲ ಪಾಪ ವ್ಹೈ ಸು ತಿನಾ ಮಾ ಬಾಪ ಕರಲ ಪಾಪ ವ್ಹೈ? ಕೈನ ಪುಚ್ಯಾ.
ಯೆಸು ತ್ಯುನೊನೆ"ತಿನು ಪಾಪ ರ್ಹೈನೆಕಾ ತಿನಾ ಮಾ ಬಾಪ ಕರಲ ಪಾಪ ರ್ಹೈನೆಕಾ ಕಾರಣ ನವೈ. ಕ್ಹುದಾನು ಕಾಮ ತಿಮಾ ದಿಕ್ಹು ಕೈನ ಇಮ್ಮ ಥಯುಸ. ಮನೆ ವಳಾಯಲವಾಲಾನು ಕಾಮ ಅಪೆ ದಿನ್ನ ರ್ಹತಾಮಾಜ ಕರು. ರಾತ ಆವಸ. ತೆಳಾಮಾ ಕುನ್ನಜ ಕಾಮ ನೈ ಕರತು. ಮಿ ಆ ದುನಿಯಾಮಾ ರ್ಹತಾಮಾ, ಮಿಜ಼ ಆ ದುನಿಯಾನೆ ಉಜಾಲು ಥಯೊಸ" ಕದ್ಯೊ.
ಯೆಸು ಎ ವಾತ ಕದಲ್ಪರ ಜಿಮಿನ್ಪರ ಥುಕ್ಕಿನ ತಿಕ್ಹು ಚುಕೊಲ ಕರಲಿನ ತೆ ಮನಕ್ಹನಾ ಡೊಳಾವೊನೆ ಲಗಾಡ್ಯೊ. ಯೆಸು ತೆ ಮನಕ್ಹನೆ"ಗೈನ ಸಿಲೊವಾ ತಳಾಮಾ ಧ್ವಲೆ" ಕೈನ ಕದ್ಯೊ. ಸಿಲೊವಾ ಕದ್ಯಾಮ "ವಳಾಯಲವಾಲೊ" ತಿನಾನಿಂಗತ ತೆ ಗೈನ ಧ್ವಲಿದ್ಯೊ. ತೆಳಾಮಾ ತೆ ಆತಾಮಾ ಡೊಳಾ ದಿಕ್ಹ್ಯಾ.
Curas de paralíticos e enfermos
Paralíticos caminharam, leprosos ficaram limpos e todo tipo de doença foi curada pelo toque e pela palavra de Jesus.
ತೆಳಾಮಾ ಯಕ್ಕ ಕುಷ್ಠ ರೊಗಿ ಯೆಸುಕನ ಆಯೊ. ತೆ ಯೆಸುನಾ ಅಗೊ ಅಡ್ಡ ಪಡಿನ, ಪ್ರಭು, ತು ಮನಸ ಕರ್ಯೊಮ ಮನೆ ಅರಾಮ ಕರಶಿ" ಕದ್ಯೊ.
ಯೆಸು ತಿನೆ ಮುಟ್ಟಿನ, ತುನೆ ಅರಾಮ ಕರಾನೆ ಮನೆ ಮನಸ ಛೆ, ಅರಾಮ ಥಾ" ಕದ್ಯೊ. ತೆಳಾಮಾಜ಼ ತಿನೆ ರ್ಹಯಲ ಕುಷ್ಠ ರೊಗ ಗೈನ ಅರಾಮ ಥಯು. ಯೆಸು ತಿನೆ, ಎ ಕಿಮ್ಮ ಥಯು ಕೈನ ಕಿನೆ ಕೌ ನಕೊ. ಹಮ್ನಾ ತು ಗೈನ ಯಾಜಕನೆ ತಾರು ಅಂಗ ದೆಕಾಡ. ಅರಾಮ ಥಯಲವಾಲಾ ಮೊಶೆನಿ ಆಗನ್ಯಾ ಲಿಂಗತ ದಿವಾನಿ ಕಾಣಿಕೆ ದೆ. ತು ಅರಾಮ ಥಯಲನೆ ತೆ ಸಾಕ್ಷಿ ಥೈನ ರ್ಹವಾದೆ" ಕೈನ ಕದ್ಯೊ.
ತೆಳಾಮಾ ದಕ್ಹಾ ಜ಼ನಾ ಯಕ್ಕ ಲಕ್ವೊ ಮಾರಲ ರೊಗಿನೆ ಯೆಸುಕನ ಲಾಯಾ ತೆ ತಿನಾ ವಚ್ಚಾ಼ನಾಪರ ಕ್ಹುರಯೊತೊ. ಯೆಸು ಎ ಮನಕ್ಹೊಮಾ ರ್ಹಯಲ ಮ್ಹೊಟ್ಟೊ ಭರೊಕ್ಹೊ ದೆಕಿನ ಲಕ್ವೊ ಮಾರ ರೊಗಿನೆ, ಎ ಜಾಂಜಿಮಾನ ಪಟ್ಟಾ, ಕ್ಹುಶಿ ಥಾ. ತಾರಾ ಪಾಪೊ ಮಾಫ ಥಯಾಸ" ಕೈನ ಕದ್ಯೊ. ತ್ಯಾ ರ್ಹಯಲ ಧರಮ ಉಪದೆಶಕೊ ತೆ ಐಕಿನ, ಎ ಕ್ಹುದಾನಿ ದುಶಣೆ ವ್ಹೈ" ಕೈನ ತ್ಯುನೊಮಾಜ಼ ಕೈಲಿದ್ಯಾ.
ತ್ಯುನೆ ಇಮ್ಮ ವಿಚಾರ ಕರಾನು ಯೆಸುನೆ ಗ್ವತ್ತ ಥಯುತು. ತೆ ತ್ಯುನೊನೆ, ತುಮೆ ಕಾ ಕೆಟ್ಟ ವಿಚಾರ ಕರಾಡಾಸ? ಕಯು ಆಸಾನ ವ್ಹೈ? ಎ ಲಕ್ವೊ ಮಾರಲ ರೊಗಿನೆ, ‘ತಾರಾ ಪಾಪೊ ಮಾಫ ಥಯಾಸ’ ಕೈನ ಕವಾನು ಸು ತೆನೈಸೊ ‘ಉಪ್ಪರ ಉಟ್ಟ ಚಾ಼ಲ’ ಕೈನ ಕವಾನು ಸು? ತೆನೈಸೊ ಮನಕ್ಹನಾ ದಿಕ್ರಾನೆ ಪಾಪ ಮಾಫ ಕರಾನೆ ಭುಲೊಕಮಾ ಅದಿಕಾರ ಛೆ ಕವಾನು ತುಮೊನೆ ಗ್ವತ್ತ ರ್ಹೌ" ಕದ್ಯೊ. ಪಾಚ಼ಲ್ತೊ ಯೆಸು ಲಕ್ವೊ ಮಾರಲ ರೊಗಿನೆ, ಉಟ್ಟ, ತಾರು ವಚ್ಚಾ಼ನು ಲಿನ ಘರೆ ಜಾ಼" ಕದ್ಯೊ. ತೆಳಾಮಾ ತೆ ಉಟಿನ ಘರೆ ಗಯೊ.
ತೆ ಸಭಾಮಂದಿರಮಾ ಯಕ್ಕ ಮನಕ್ಹನೊ ಹತ್ತ ಕುಕ್ಹೈ ಗಯೊತೊ. ಯಹುದಿಯೊಮಾ ದಕ್ಹಾ ಜ಼ನಾ ಯೆಸುನಾ ಉಪ್ಪರ ತಪ್ಪ ಘಾಲಾನೆ ಕಾರಣ ಹುಡ್ಕಾಡಾತಾ. ತಿನಾಹುತಿ ತ್ಯುನೆ ಯೆಸುನೆ ಸಬ್ಬತ ದಿನ್ನಮಾ ರೊಗ ರ್ಹಯಲವಾಲಾವೊನೆ ಅರಾಮ ಕರಾನು ಚೊ಼ಕು ವ್ಹೈ ಸು?" ಕೈನ ಪುಚ್ಯಾ.
ಯೆಸು, ತುಮೊಮಾ ಕಿಕನಬಿ ಯಕ್ಕ ಬಕ್ರು ರ್ಹಯಮ ತೆ ಬಕ್ರು ಸಬ್ಬತ ದಿನ್ನಮಾ ಉಂಡಿ ಖಾಡಿಮಾ ಪಡ್ಯಾಮ, ತುಮೆ ತೆ ಬಕ್ರಾನೆ ಉಂಡಿ ಖಾಡಿಮಾತಾ ಭಾರಾ ಕಾಡೊಶಿ. ಮನಕ್ಹ ಬಕ್ರಾತಿ ಕೆಕ್ಲೊಕಿ ಮ್ಹೊಟೊ ವ್ಹೈ. ತಿನಾಹುತಿ ಸಬ್ಬತ ದಿನ್ನಮಾ ಚೊ಼ಕಾ ಕಾಮೊ ಕರಾನು ಮೊಶೆನಾ ಧರಮ ಶಾಸ್ತ್ರನಾ ನಿಯಮನೆ ಚೊ಼ಕು ವ್ಹೈ" ಕೈನ ಉತ್ತರ ದಿದ್ಯೊ. ತೆ ಥಯಲ್ಪರ ಯೆಸು ಹತ್ತ ಕುಕ್ಹೈ ಗಯಲ ಮನಕ್ಹನೆ, ತಾರೊ ಹತ್ತ ದೆಕಾಡ" ಕದ್ಯೊ. ತೆ ತಿನೊ ಹತ್ತ ಯೆಸುಕನ ಅಗೊ ಕರ್ಯೊ. ತೆಳಾಮಾಜ಼, ತಿನೊ ಹತ್ತ ಬಿಜೆಕ್ಕ ಹತ್ತ ಲಿಂಗತ ಅರಾಮ ಥಯು.
ತ್ಯಾ ಸಿಮೊನನಿ ಪ್ಹೈ ತೌ ಐನ ಕ್ಹುರೈತಿ ತ್ಯುನೆ ತೆಳಾಮಾಜ಼ ಯೆಸುಕನ ಕದ್ಯಾ. ತೆ ನಜಿಕ ಐನ ತಿನೊ ಹತ್ತ ಧರಿನ ಉಟಾಡತಾಮಾ ತಿನೆ ತೌ ರ್ಹಯಲ ಗೈ ಪಾಡ್ಯೊ. ತೆ ತ್ಯುನೊನೆ ಉಪಚಾರ ಕರಿ.
ಯೆಸು ಯಕ್ಕ ಕುಷ್ಠ ರೊಗಿನೆ ಅರಾಮ ಕರಲ
ಯಕ್ಕ ಕುಷ್ಟ ರೊಗಿ ಯೆಸುಕನ ಐನ ತಿನಾ ಕ್ಹಾಮೊ ಉಂದಾ ಗುಡಗಾ ಘಾಲ್ಲಿನ ಬೈಟಿನ ತುನೆ ಮನಸ ರ್ಹಯುಮ ಮನೆ ಶುದ್ಧ ಕರಶಿ (ಅರಾಮ ಕರಶಿ) ಕೈನ ಮಾಂಗಿಲೆತಾಮಾ,
ಯೆಸು ತಿನೆ ಮರಗಿನ ಹತ್ತ ದಿನ ಮುಟ್ಟಿನ, ಮನೆ ಮನಸ ಛೆ ಶುದ್ಧ ಥಾ" ಕದ್ಯೊ. ತೆಳಾಮಾಜ಼ ತಿನೊ ಕುಷ್ಟರೊಗ ಗೈನ ತೆ ಶುದ್ಧ ಥಯೊ.
ತೆಕ್ಲಾಮಾಜ಼಼ ಯಕ್ಕ ಲಕ್ವೊ ಮಾರಲವಾಲಾನೆ ಚ಼್ಯಾರ ಜ಼ನಾ ಉಚೈಲಿನ ತ್ಯಾ ಲಾಯಾ. ಮನಕ್ಹೊ ಗುಂಪ ಥೈನ ಹುಬ್ರಯಲಕ್ಹು ತ್ಯುನೆ ತಿಕನ ನಜಿಕ ಆವಾನೆ ಥಾಯೆ ನೈಸೊಕ್ಹು ತೆ ರ್ಹಯಲ ಘರನಾ ಉಪ್ಪರಲಿ ಛತ್ತ ಕಾಡಿನ ಜ಼ಗಾ ಕರಿನ ಲಕ್ವೊ ಮಾರಲ ರೊಗಿ ಕ್ಹುರಯಲ ವಚ್ಚಾ಼ನಾನಾ ಕ್ಹಾತೆ ಉತಾರ್ಯಾ. ಯೆಸು ತಿವ್ನೊ ಬರೊಕ್ಹೊ ದೆಕಿನ ತೆ ಲಕ್ವೊ ಮಾರಲವಾಲಾನೆ ದಿಕ್ರಾ ತಾರು ಪಾಪ ಮಾಫ ಥಯುಸ ಕದ್ಯೊ.
ತೆಳಾಮಾ ಶಾಸ್ತ್ರಿಯೊಮಾನಾ ದಕ್ಹಾ ಜ಼಼ನಾ ತ್ಯಾಜ಼ ಬೈಟ್ಯಾತಾ ಆಂ ಇಮ್ಮ ಕಾ ಬೊಲಾಡೊಸ? ಎ ಕ್ಹುದಾನಾ ವಿರುದ್ದ ವ್ಹೈ. ಕ್ಹುದಾನೆ ಯಕ್ಲಾನೆಜ಼ ಛೊಡಿನ ಬಿಜು಼ ಕುನ್ನ ಪಾಪ ಮಾಫ ಕರಸ? ಕೈನ ತ್ಯುನಾ-ತ್ಯುನಾ ಮನಸಮಾ ಕೈಲಿದ್ಯಾ.
ತ್ಯುನೆ ಇಮ್ಮ ಕೈಲಿವಾನು ತೆಳಾಮಾಜ಼ ಯೆಸು ತಿಳದಿಲಿದ್ಯೊ. ಯೆಸು ತ್ಯುನೊನೆ-ತುಮೆ ತುಮಾರಾ ಮನಸಮಾ ಇಮ್ಮ ಕಾ ತಿಳದಿಲಿವಾಡಾಸ? ಕಯು ಆಸಾನ (ಚೊ಼ಕು) ವ್ಹೈ. ತಾರು ಪಾಪ ಮಾಫ ಥೈ ಗಯುಸ ಕವಾನು ಸು? ಉಟಿನ ತಾರಾ ವಚ್ಚಾ಼ನಾಲಿನ ಚಾ಼ಲ ಕವಾನು ವ್ಹೈ? ವರಿಬಿ ಪಾಪ ಮಾಫ ಕರಾನೆ ಮನಕ್ಹನಾ ದಿಕ್ರಾನೆ ಭ್ಹುಲೊಕಮಾ (ದುನಿಯಾಮಾ) ಅದಿಕಾರ ಛೆ ಕವಾನು ತಿಳದಿಲಿವೊ ಕದ್ಯೊ. ಲಕ್ವೊ ಮಾರಲವಾಲಾನೆ ದೆಕಿನ, ಉಟಿನ ತಾರು ವಚ್ಚಾ಼ನು ಉಚೈನ ಘರೆ ಜಾ಼ ಕೈನ ತುನೆ ಕೌಸ ಕದ್ಯೊ. ತೆ ಉಟಲ ಬರೊಬ್ಬರ ತೆ ವಚ್ಚಾ಼ನು ಲಿನ ಕ್ಹಾರಾವೊನಾ ಕ್ಹಾಮಾತೊ ಗೈ ಪಡ್ಯೊ. ತಿನಾಹುತಿ ಕ್ಹಾರಾಜ಼ನಾ ಘಾಬ್ರಾಥೈನ - ಹಜು಼ನಲಕ್ಕಾ ಹಮೆ ಹೌ ಕೆಳಾಮಾಜ಼ ದೆಕ್ಯಾನತ್ತಿ ಕತಾ ಕ್ಹುದಾನೆ ನೆಣಸ್ತಾ ಗಯಾ.
ಹತ್ತ ಕುಕ್ಹೈ ಗಯಲ ಯಕ್ಕ ಮನಕ್ಹ
ಬಿಜೆಕ ಟೈಮಮಾ ಯೆಸು ಸಭಾಮಂದಿರಮಾ ಜಾ಼ತಾಮಾ ತ್ಯಾ ಹತ್ತ ಕುಕ್ಹೈ ಗಯಲ ಯಕ್ಲೊ ವ್ಹತ್ತೊ. ತ್ಯುನೆ ದಕ್ಹಾ ಜ಼ನಾ ಯೆಸುಪರ ತಪ್ಪ ಕಿಮ್ಮ ಘಾಲಿಯೆ ಕೈನ ವಿಚಾರ ಕರಲೆತಾ ಸಬ್ಬತ ದಿನ್ನಮಾ ತಿನೆ ಅರಾಮ ಕರು ಸು ಕೈನ ತಿನೆ ವ್ಹಂಚಘಾಲ್ತಾ (ಸೊಚ಼ತಾ) ದೆಕಾಡಾತಾ. ಯೆಸು ಹತ್ತ ಕುಕ್ಹೈ ಗಯಲವಾಲಾನೆ ಉಟಿನ ವಚ಼ಮಾ ಆ ಕೈನ ಕದ್ಯೊ.
ಸಬ್ಬತ ದಿನ್ನಮಾ ಸು ಕರಾನು ನ್ಯಾಯ ವ್ಹೈ? ಕೆಟ್ಟ ಸು ಚೊ಼ಕು ಕರಾನು. ಜ಼ಲಮ ವಚಾ಼ಡಾನು ಚೊ಼ಕು ವ್ಹೈಸು? ಜ಼ಲಮ ಕಾಡಾನು ಚೊ಼ಕು ವ್ಹೈ? ಕೈನ ಕತಾಮಾ ತ್ಯುನೆ ಗಪ್ಪಜ಼ ವ್ಹತ್ತಾ.
ತೆಳಾಮಾ ತ್ಯುನಾ ಮನಸೊ ದಗಡಾ ಥಯಲ ದೆಕಿನ ಯೆಸು ದುಖಿ ಥಯೊ ವರಿ ತೆ ಶಿಟ್ಟಥೈನ ಸುತ್ತೆ ತ್ಯುನೊನೆ ದೆಕಿನ ಹತ್ತ ಕುಕ್ಹಾಯಲ ಮನಕ್ಹನೆ ತಾರೊ ಹತ್ತ ಅಗೊ ಕರ ಕೈನ ಕದ್ಯೊ. ತೆ ಹತ್ತ ಅಗೊ ಕರ್ಯೊ ಹತ್ತ ಅರಾಮ ಥಯು.
ಯೆಸು ಕುಷ್ಠ ರೊಗಿನೆ ಅರಾಮ ಕರಲ
ಯಕ್ಕ ದಿನ್ನ ಯೆಸು ಯಕ್ಕ ಗಾಮ್ಮಾ ರ್ಹತಾಮಾ ಯಕ್ಕ ಕುಷ್ಟರೊಗಿ ಯೆಸುನೆ ದೆಕಿನ ತಿನಾ ಕ್ಹಾಮೊ ಉಂದಾ ಗುಡ್ಗಾ ಘಾಲ್ಲಿನ ಅಡ್ಡಪಡಿನ "ಪ್ರಭು, ತು ಮನಸ್ಸ ಕರ್ಯೊಮ ಮನೆ ಅರಾಮ ಕರಶಿ ಕೈನ ಮನೆ ಗ್ವತ್ತ ಛೆ ಕೈನ ಮಾಂಗಿಲಿದ್ಯೊ.
ಯೆಸು"ತಿನೆ ತುನೆ ಅರಾಮ ಕರಾನೆ ಮನೆ ಮನಸ್ಸೆ ಛೆ ತುನೆ ಅರಾಮ ಥಾವಾದೆ" ಕೈನ ತಿನೆ ಮುಟ್ಯೊ ತೆಳಾಮಾಜ಼ ತಿನೆ ಅರಾಮ ಥಯ್ಯು.
ಇಮ್ಮ ರ್ಹತಾಮಾ ಯಕ್ಕ ಲಕ್ವೊ ಮಾರಲವಾಲಾ ರೊಗಿನೆ ದಕ್ಹಾ ಜ಼ನಾ ವಚ್ಚಾ಼ನಾ ಕ್ಹಮಾತಾಜ಼ ಉಚೈನ ಯೆಸು ರ್ಹಯಲ ಜ಼ಗಾ ಲಾವಾನೆ ಕೊಶಿಶ ಕರ್ಯಾ. ವರಿ ತ್ಯಾ ಘನ್ನಾ ಮನಕ್ಹೊನು ಕುಡಿನ ಯೆಸುನಾ ಸುತ್ತೆ ರ್ಹಯಲ ಹುತಿ ತ್ಯುನೊನೆ ತೆ ಲಕ್ವೊ ಮಾರಲವಾಲಾನೆ ಯೆಸುಕನ ನಿಂಜಾ಼ವಾನೆ ನೈ ಥಯಲ ಹುತಿ ತ್ಯುನೆ ಘರಪರ ನಿಂಗೈನ ಘರಪರಲ್ಯು ಛತ್ತ ಕಾಡಿನ ತೆ ರೊಗಿನೆ ವಚ್ಚಾ಼ನಾ ಕ್ಹಮಾತಾಜ಼ ಯೆಸುನಾ ಕ್ಹಾಮಾ ಉತಾರ್ಯಾ.
ಯೆಸು ತಿವ್ನೊ ಬರೊಕ್ಹೊ ದೆಕಿನ ತೆ ರೊಗಿನೆ, ಮಾರಾ "ದೊಸ್ತ ತಾರು ಪಾಪ ಮಾಫ ಥಯುಸ "ಕೈನ ಕದ್ಯೊ.
ತ್ಯಾ ರ್ಹಯಲವಾಲಾ ಶಾಸ್ತ್ರಿಯೊ ಫರಿಸಾಯರೊ. ತೆ ಐಕಿನ "ಎ ಕ್ಹುದಾನಾ ವಿರುದ್ದ ಬೊಲಾಲೊ ಕುನ್ನ ವ್ಹೈ? ಕ್ಹುದಾನೆ ಯಕ್ಲಾನೆಜ಼ ಪಾಪ ಮಾಫ ಕರಾನೆ ಥಾವಸ "ಕೈನ ತ್ಯುನೊ ತ್ಯುನೊಮಾಜ಼ ವಿಚಾರ ಕರಲಿವಾಡ್ಯಾತಾ.
ವರಿ ಯೆಸು ತ್ಯುನಿಯೊ ವಿಚಾರೊ ತಿಳದಿಲಿನ ತ್ಯುನೊನೆ"ತುಮೆ ತಮಾರಾ ಮನಸ್ಮಾ ಇಮ್ಮ ಕಾ ವಿಚಾರ ಕರಲಿವಾಡ್ಯಾಸ? ಕಯು ಆಸಾನ ವ್ಹೈ? ತಾರು ಪಾಪ ಮಾಫ ಥಯುಸ, ಕೈನ ತೆ ಲಕ್ವೊ ಮಾರಲವಾಲಾನೆ ಕವಾನು? ನೈತೊ ಉಟಿನ ಜಾ಼ ಕವಾನು? ತೆನೈಸೊ ಮನಕ್ಹನಾ ದಿಕ್ರಾನೆ ಭುಲೊಕ್ಪರ ಪಾಪ ಮಾಫ ಕರಾನೆ ಅದಿಕಾರ ಛೆ ಕವಾನು ತುಮೊನೆ ಗ್ವತ್ತ ರ್ಹೌ ಕೈನ "ತೆ ಲಕ್ವೊ ಮಾರಲವಾನೆ ದೆಕಿನ"ಉಟ! ತಾರು ವಚ್ಚಾ಼ನು ಲಿನ ಘರೆ ಜಾ಼"ಕದ್ಯೊ. ತೆಳಾಮಾಜ಼ ತೆ ಲಕ್ವೊ ಮಾರಲವಾಲೊ ಕ್ಹಾರಾವೊನಾ ಕ್ಹಾಮೊ ಉಟಿನ ಹುಬ್ರಯೆನ, ತಿನು ವಚ್ಚಾ಼ನು ಲಿನ ಕ್ಹುದಾನೆ ಸ್ತುತಿ ಕರತೊ ತಿನಾ ಘರೆ ಗಯೊ.
ಸಬ್ಬತ ದಿನಮಾ ಹತ ಅರಾಮ ಥಯಲ ಮನಕ್ಹ
ವರಿ ಯಕ್ಕ ಸಬ್ಬತ್ ದಿನಮಾ ಯೆಸು ಸಬಾಮಂದಿರಮಾ ಗೈನ ಉಪದೆಶ ಕರ್ತಾಮಾ ತ್ಯಾ ಯಕ್ಲೊ ದಾಣಗೊ ಸಿದಾ ಹತ ಕುಕ್ಹೈ ಗಯಲವಾಲೊ ತ್ಯಾ ವ್ಹತ್ತೊ. ಯೆಸು ತಿನೆ ಸಬ್ಬತ್ ದಿನಮಾ ಅರಾಮ ಕರ್ಯೊಮ ತಿಪರ ತಪ್ಪ ಘಾಲಿಯೆ ಕೈನ ಫರಿಸಾಯರೊ ವರಿ ಶಾಸ್ತ್ರಿಯೊ ಟೈಮ ದೆಕಾಡಾತಾ. ವರಿ ತ್ಯುನಿ ವಿಚಾರ ಯೆಸುನೆ ತಿಳದಿತಿ. ಯೆಸು ಹತ ಕುಕ್ಹೈ ಗಯಲವಾಲಾನೆ"ತು ಐನ ನ್ಹಾ ಹುಬ್ರೆ "ಕದ್ಯೊ. ತೆ ಉಟಿನ ಐನ ಹುಬ್ರಯೊ. ತೆಳಾಮಾ ಯೆಸು ತ್ಯುನೊನೆ"ಸಬ್ಬತ ದಿನಮಾ ಕಯು ಕಾಮ ಕರಾನು ಚೊ಼ಕು ವ್ಹೈ? ಚೊ಼ಕು ಕಾಮ ಕರಾನು ಸು ಕೆಟ್ಟಕಾಮ ಕರಾನು ಚೊ಼ಕು ವ್ಹೈ? ಜ಼ಲಮ ವಚಾ಼ಡಾನು ಸು? ಜ಼ಲಮ ಕಾಡಾನು? ಕೈನ ಪುಚ್ಯೊ. ಯೆಸು ತಿನಾ ಸುತ್ತೆ ಹುಬ್ರಯಲವಾಲಾವೊನೆ ದೆಕಿನ, ತೆ ಮನಕ್ಹನೆ, ಯೆಸು "ತಾರೊ ಹತ ಅಗೊ ಕರ" ಕದ್ಯೊ. ತೆ ತಿನೊ ಹತ ಅಗೊ ಕರ್ಯೊ. ತೆಳಾಮಾಜ಼ ತಿನೊ ಹತ ಅರಾಮ ಥಯೊ.
ಯೆಸು ಶತಾದಿಪತಿನಾ ಆಳನೆ ಅರಾಮ ಕರಲ
ಯೆಸು ಮನಕ್ಹೊನೆ ಎ ಕ್ಹಾರಿಯೊ ವಾತೊ ಕೈನ ಮುಗ್ಸಲ್ಪರ ಕಪೆನೌರ್ಮಿಯೆ ಕವಾನಾ ಗಾಮೆ ಆಯೊ. ತ್ಯಾ ಯಕ್ಲೊ ರೊಮನ್ನೊ ಸೆನಾದಿಪತಿ ವ್ಹತ್ತೊ. ಸೆನಾದಿಪತಿ ಮಯಾ ರ್ಹಯಲವಾಲೊ ಯಕ್ಲೊ ಆಳ ಅರಾಮ ನೈಸೊ ಮರವಾನಿ ಸ್ತಿತಿಮಾ ವ್ಹತ್ತೊ. ತೆ ಶೆತಾದಿಪತಿ ಯೆಸುನಿ ಸುದ್ದಿ ಐಕಿನ, ತಿಕನ ರ್ಹಯಲ ಯಹುದ್ಯೊನಾ ನಾಯಕೊನೆ ಯೆಸುಕನ ಮೊಕ್ಲಿನ ತಿನಾ ಸೆವಕನೆ ಅರಾಮ ಕರ ಕೈನ ಮಾಂಗಿಲಿದ್ಯೊ. ತೆ ಯಹುದ್ಯೊನಾ ನಾಯಕೊ ಯೆಸುಕನ ಐನ "ಎ ತಾರೊ ಆಶಿರ್ವಾದ ಹೊಂದಾನೆ ಎ ಸೆನಾದಿಪತಿ ಯೊಗ್ಯ ಛೆ" ಕಾಕದ್ಯಾಮ ತೆ ಅಪ್ನಾ ಮನಕ್ಹೊನೆ ಮಯಾ ಕರಸ ವರಿ ಹಮಾರಾ ಹುತಿ ಸಭಾಮಂದಿರ ಭಾಂದಿನ ದಿದ್ಯೊಸ "ಕೈನ ಘನ್ನಾ ಮಾಂಗಿಲಿದ್ಯಾ. ತಿನಾಹುತಿ ಯೆಸು ತಿವ್ನಾ ಕ್ಹಾತೆ ಚಾ಼ಲ್ಯೊ. ಯೆಸು ಘರಕನ್ನಾ ನಜಿಕ ಆತಾಮಾ, ತೆ ಅದಿಕಾರಿ ತಿನಾ ಸೆವಕನೆ ಮೊಕ್ಲಿನ ಯೆಸುನೆ "ಸ್ವಾಮಿ ತು ಮಾರಾ ಘರೆ ಆವಾಯಕ್ಲಿ ಮಾರಿ ಯೊಗ್ಯತೆ ನತ್ತಿ. ತುಕನ ಆವಾನಿ ಯಕ್ಲಿಬಿ ಮನೆ ಯೊಗ್ಯತೆ ನತ್ತಿ. ತು ನ್ಹ್ಯಾಂತೊಜ಼ ಯಕ್ಕ ಅಪ್ಪಣೆ ದಿದ್ಯೊಮ ಬಸ, ಮಾರೊ ಯಕ್ಕ ಸೆವಕ ಅರಾಮ ಥಾವಸ. ತಾರೊ ಯಕ್ಕ ಅದಿಕಾರ ಮಿ ತಿಳದಿಲಿದ್ಯೊಸ. ಮಿಬಿ ಬಿಜೆ಼ಕ್ಲಾನಾ ಅದಿಕಾರಿನಾ ಹತ್ಮಾ ಛೆ, ಮಾರಾ ಹತಮಾ ಸೈನಿಕೊ ಛೆ, ಮಿಬಿ ಯಕ್ಕ ಸೈನಿಕನೆ ಜಾ಼ ಕದ್ಯಾಮ ತೆ ಜಾ಼ವಸ, ವರಿ ಯಕ್ಲಾನೆ ಆ ಕದ್ಯಾಮ ತೆ ಆವಸ. ಮಾರಾ ಆಳನೆ, ಆ ಕರ ಕದ್ಯಾಮ ಮನೆ ತೆ ವಿಧೆಯ ಥಾವಸ "ಕೈನ ಯೆಸುಕನ ಕೆ ಕೈನ ತಿನಾ ಆಳನೆ ಮೊಕಲ್ಯೊ.
ಯೆಸು ಎ ವಾತೊ ಐಕಿನ ಘಾಬ್ರೊ ಥೈನ ತಿನಾ ಪಾಚಾ಼ ಆಯಲ ಮನಕ್ಹೊನೆ ದೆಕಿನ"ಅಕ್ಲೊ ಮ್ಹೊಟೊ ಬರೊಕ್ಹೊ ರ್ಹಯಲ ಮನಕ್ಹನೆ ಮಿ ಇಸ್ರಾಯಲನಾ ಮನಕ್ಹೊಮಾಬಿ ದೆಕ್ಯೊ ನತ್ತಿ "ಕದ್ಯೊ.
ತೆ ಮೊಕ್ಕಲಲ ಮನಕ್ಹೊ ಯೆಸು ಕಂತಾ ಫರಿನ ಜಾ಼ತಾಮಾ ತಿನಾ ಆಳನೆ ಅರಾಮ ಥಯಲ ದೆಕ್ಯಾ.
ತೆ ಸಬಾಮಂದಿರಮಾ ಯಕ್ಕ ಕೆಟ್ಟ ಆತ್ಮಾ ಧರಲ ಹೆಣ ಮನಕ್ಹ ತ್ಯಾ ವ್ಹತ್ತಿ, ತೆ ಹೆಣ ಮನಕ್ಹ ತೆ ಕೆಟ್ಟ ಆತ್ಮಾ ಕ್ಹು ಅಟ್ರಾ ವರಕ್ಹತಿಬಿ ಡುಗಿ ವ್ಹತ್ತಿ. ಯೆಸು ತಿನೆ ದೆಕಿನ, ತಿಕನ ಬಲೈನ"ಯಾ ತುನೆ ರ್ಹಯಲ ರೊಗ ತುನೆ ಛೊಡಿನ ಗೈ ಪಡ್ಯುಸ" ಕದ್ಯೊ. ಯೆಸು ತಿಪರ ಹತ ಮ್ಹೆಲ್ತಾಮಾ ತೆ ಹೆಣ ಮನಕ್ಹ ಸಿದಾ ಹುಬ್ರಯಿ, ತೆಳಾಮಾ ತೆ ಹೆಣ ಮನಕ್ಹ ಕ್ಹುದಾನೆ ಸ್ತುತಿ ಕರಿ.
ಸಬ್ಬತ ದಿನಮಾ ಅರಾಮ ಕರಾನು ಚೊ಼ಕು ವ್ಹೈಸು?
ಯಕ್ಕ ಸಬ್ಬತದಿನಮಾ ಯೆಸು ಖಾಸ ಫರಿಸಾಯನಾ ಘರಮಾ ಖಾವಾನೆ ಗಯೊ. ತ್ಯಾ ರ್ಹಯಲ ಮನಕ್ಹೊ ಯೆಸುನೆ ಯಕ್ಕ ಸಂವಾ ದೆಕಾಡಾತಾ. ತೆಳಾಮಾ ಯೆಸುನಾ ಕ್ಹಾಮಾ ಜಲೊದರ ರೊಗರ್ಹಯಲವಾಲಾನೆ ಲೈನ ಬೈಟಾಡ್ಯಾ. ಯೆಸು ಫರಿಸಾಯರೊನೆ ಧರಮೊಪದೆಶ ಕರಾಲಾ ಶಾಸ್ತ್ರಿಯೊನೆ"ಸಬ್ಬತ್ ದಿನಮಾ ರೊಗಿಯೊನೆ ಅರಾಮ ಕರಾನು ಚೊ಼ಕು ವ್ಹೈಸು? ಸು ತಪ್ಪ ವ್ಹೈ? ಕೈನ ಪುಚ್ಯೊ.
ತ್ಯುನೆ ಸುಜ಼ ಕದ್ಯಾ ನೈ. ತೆಳಾಮಾ ಯೆಸು ರೊಗ ರ್ಹಯಲ ಮನಕ್ಹನೆ ಮುಟ್ಟಿನ ಅರಾಮ ಕರಿನ ತಿನೆ ಮೊಕ್ಕಲಿಪಾಡ್ಯೊ.
ನೆಣಸಾಲಾ ಥಾವೊ
ಯೆಸು ಯೆರೊಸೆಲಿಮ ಫರತೊ ಗಲಿಲಾಯನೆ ಗಯೊ.
ತ್ಯಾ ತೆ ಯಕ್ಕ ಖೆಡೆ ಆಯೊ. ತ್ಯಾ ತಿನೆ ದಕ್ಹ ಜ಼ನಾ ದೆಕ್ಯಾ ತ್ಯುನೆ ಯೆಸುನಾ ಕ್ಹಾಮಾ ಆಯಾ ನೈ. ಕಾಕದ್ಯಾಮ ತ್ಯುನೆ ಕ್ಹಾರಾಜ಼ನಾ ಕುಷ್ಠ ರೊಗಿಯೊ ವ್ಹತ್ತಾ. ತೆನೈಸೊ ತ್ಯುನೆ ಯೆಸುನೆ ದೆಕಿನ "ಯೆಸು! ಗುರು! ಮರಗಿನ ಮನೆ ಸಹಾಯಾ ಕರ ಕೈನ ಜೊ಼ರ ವದ್ರ್ಯಾ.
ಯೆಸು ತ್ಯುನೊನೆ ದೆಕಿನ"ಜಾ಼ವೊ ತುಮಾರು ಅಂಗ ಯಾಜೊ಼ಕೊನೆ ದೆಕಾಡೊ ಕೈನ "ತ್ಯುನೊನೆ ಕದ್ಯೊ. ತ್ಯುನೆ ಯಾಜಕೊನೆ ತ್ಯುನು ಅಂಗ ದೆಕಾಡಾನೆ ಜಾ಼ತಾಮಾಜ಼ ತ್ಯುನೊ ಕುಷ್ಟರೊಗ ರ್ಹಯಲ ಗೈಪಡ್ಯುತು. ತ್ಯುನೊಮಾನೊ ಯಕ್ಲೊ ತೆ ಅರಾಮ ಥಯಲ ದೆಕಿಲಿನ ಫರಿನ ಯೆಸುಕನ ಐನ ಜೊ಼ರ ವದ್ರಿನ ಕ್ಹುದಾನೆ ಸ್ತುತಿ ಕರ್ಯೊ. ತೆ ಯೆಸುನಾ ಪಗೊಮಾ ಪಡಿನ ಸ್ತುತಿ ಕರ್ಯೊ. ತೆ ಸಮಾರಯಾ ವಾಲೊ ವ್ಹತ್ತೊ.
ಯೆಸು ತಿನೆ ಪುಚ್ಯೊ, ತುಮೊನೆ ದಕ್ಹೆ ಜ಼ನಾವೊನೆ ಅರಾಮ ಥೈಸ್ತೊ? ಬಾಕಿನಾ ನೌ ಜ಼ನಾ ಕಿಜಾ಼ ಛೆ? ಕ್ಹುದಾನೆ ಸ್ತುತಿ ಕರಾನೆ ಎ ಸಮಾರಯಾವಾಲನೆ ಛೊಡಿನ ಭಿಜಾ಼ ಕುನ್ನಜ಼ ಐಯುನತ್ತಿಸು? ಕೈನ ಪುಚ್ಯೊ಼.
ಪಾಚ಼ಲ್ತೊ ಯೆಸು ತಿನೆ"ಉಟ್ಟ! ಹಮ್ನಾ ತು ಘರೆ ಜಾ಼! ತು ಬರೊಕ್ಹೊ ಕರಲ ಹುತಿಜ಼ ತುನೆ ಅರಾಮ ಥಯೊಸ "ಕದ್ಯೊ.
ವ್ಹಂಡಮಾ ಅರಾಮ ಥಾವಾನು
ಎ ಥಯಲ್ಪರ ಯೆಸು ಯೆಹುದಿಯೊನಾ ಯಕ್ಕ ಸನ್ನನಾ ಹುತಿ ಯೆರುಸಲೆಮೆ ಗಯೊ. ಯೆರುಸಲೆಮಾ ಪಾಂಚ಼ ಮಂಟಪೊ ಮಳಲ ಯಕ್ಕ ವ್ಹಂಡ ಛೆ. ಯಹುದಿಯೊನೆ ವಾತೊಮೊ ತಿನೆ "ಬೆತ್ಸಥ" ಕೈನ ಕವಸ. ಎ ವ್ಹಂಡ "ಬಕ್ರಾನು ಬಾಕಲ" ಕವಾನಿ ಜ಼ಗಾನಾ ನಜಿಕ ಛೆ. ವ್ಹಂಡಕನ ರ್ಹಯಲ ಮಂಟಪಮಾ ಘನ್ನಾ ರೊಗಿಯೊ ಪಡಲ ರ್ಹತಾತಾ. ತ್ಯುನಾಮಾ ದಕ್ಹಾ ಜ಼ನಾ ಕುಡ್ಡಾ ವ್ಹತ್ತಾ. ದಕ್ಹಾ ಜ಼ನಾ ಲಂಗ್ಡಾ ವ್ಹತ್ತಾ, ವರಿ ದಕ್ಹಾ ಜ಼ನಾ ಲಕ್ವೊ ಮಾರಲವಾಲಾ ವ್ಹತ್ತಾ. ತ್ಯುನೆ ಪಾನಿ ಹಲ್ಲೆಲಕ್ಕಾ ಕೈದತಾ ರ್ಹತಾತಾ, ಕಾಕದ್ಯಾಮ ಹರಿಯಕ್ಕಸಲಾ ದಕ್ಹೊ ಟೈಮ್ಮ ಥಯಲ್ಪರ ಪ್ರಭುನೊ ದುತ ಹೆಟೊ ಉತ್ರಿನ ಐನ ತೆ ವ್ಹಂಡಮಾನು ಪಾನಿ ಹಲಾತೊತೊ ಅರಾಮ ನೈಸೊವಾಲೊ ಕಯೊಬಿ ಮನಕ್ಹ ಪಾನಿ ಹಲ್ತಾಮಾ ಪೈಲಾ ಗೈಯಾಮ ತೆ ಕಯಾಬಿ ರೊಗ್ಮಾ ರ್ಹಯೊತಬಿ ಅರಾಮಾ ಥಾತೊತೊ. ಮುವತ್ತಪರ ಆಟ ವರಕ್ಹತೊ ರೊಗ್ಮಾ ರ್ಹಯಲವಾಲೊ ಯಕ್ಲೊ ತ್ಯಾ ಪಡಲ ವ್ಹತ್ತೊ. ಯೆಸು ತಿನೆ ದೆಕ್ಯೊ. ತೆ ಘನ್ನಾ ದಿನ್ನತೊ ರೊಗ್ಮಾ ರ್ಹಯಲ ತಿನೆ ಗ್ವತ್ತ ವ್ಹತ್ತೊ. ತಿನಾಹುತಿ ತೆ ತಿನೆ"ಅರಾಮ ಥಾವಾನೆ ಮನಸ ಛೆ ಸು? ಕೈನ ಪುಚ್ಯೊ.
ತೆ ರೊಗಿ"ಅಯ್ಯಾ, ಪಾನಿ ಭರ್ತಾಮಾ ಉತಾರಾನೆ ಮನೆ ಕುನ್ನಜ ಆಸ್ರೊ ಕರ್ತು ನೈ. ಮಿ ಕ್ಹಾರಾವೊತಿ ಪೈಲಾಜ ಪಾನಿಮಾ ಉತ್ರಾನೆ ಕೊಶಿಶ ಕರುಸ. ತೆನೈಸೊ ಹರಯಕ್ಕ ಸಲಾ ಮತ್ತಿಬಿ ಪೈಲಾಜ ಉತ್ರಿಪಡಸ ಕೈನ ಕದ್ಯೊ.
ತೆಳಾಮಾ ಯೆಸು"ಉಟಿನ ಹುಬ್ರೆ! ತಾರು ವಚ್ಚಾ಼ನು ಉಚೈನ ಲಿನ ಜಾ಼" ಕೈನ ಕದ್ಯೊ.
ತೆಳಾಮಾಜ಼ ತೆ ಮನಕ್ಹ ಅರಾಮ ಥೈನ ತಿನಾ ವಚ್ಚಾನ ಲಿನ ಚಾಲ್ಯೊ. ಎ ಕ್ಹಾರು ಥಯಲ ಸಬ್ಬತನಾ ದಿನ್ನಮಾ ವ್ಹೈ.
ಯೆಸು ಗಲಿಲಾಯನಾ ಕಾನಾ ಗಾಮೆ ವರಿ ಯಕ್ಕೆಮ ಆಯೊ. ತೆ ಪಾನಿಕ್ಹು ದ್ರಾಕ್ಷಿಯೊನು ರಕ್ಹ ಕರಲ ತೆ ಗಾಮ್ಮಾ ವ್ಹೈ. ತೆಜ಼ ಗಾಮ್ಮಾ ಯಕ್ಕ ಮ್ಹೊಟೊ ಅದಿಕಾರಿ ಕಪೆನೌರ್ಮಿಮಾ ರ್ಹತೊತೊ. ತಿನಾ ದಿಕ್ರಾನೆ ಅರಾಮ ನ್ಹೊತು. ಯೆಸು ಯುದೆಯತೊ ಐನ ಗಲಿಲಾಯಮಾ ಛೆ ಕೈನ ಸುದ್ದಿ ತೆ ಐಕ್ಯೊ. ತಿನಾ ಹುತಿ ತೆ ತಿಕನ ಗೈನ ತಿನಾ ದಿಕ್ರಾನೆ ಅರಾಮ ಕರಾನಾಹುತಿ ತಿನೆ ಕಪೆನೌರ್ಮಿ ಔ ಕೈನ ತಿಕನ ಕೈಲಿದ್ಯೊ. ತಿನೊ ದಿಕ್ರೊ ಮರ್ವಾನಿ ಪರಸ್ತಿತಿಮಾ ವ್ಹತ್ತೊ. ಯೆಸು ತಿನೆ"ಸುಚಕ ಕಾಮೊ ವರಿ ಘಾಬ್ರಾಥಾವಾನಾ ಕಾಮೊ ದೆಕ್ಯಾವಾಚಿ ಮನೆ ನಂಬತಾಜ಼ ನೈ" ಕೈನ ಕದ್ಯೊ.
ತೆ ಮ್ಹೊಟೊ ಅದಿಕಾರಿ"ಸ್ವಾಮಿ, ಮಾರೊ ದಿಕ್ರೊ ಮರಾತಿ ಪೈಲಾಜ ತು ಔ" ಕೈನ ಮಾಂಗಿಲಿದ್ಯೊ.
ಯೆಸು ತಿನೆ"ಜಾ಼ ತಾರೊ ದಿಕ್ರೊ ವಾಚಸ "ಕೈನ ಕದ್ಯೊ.
ಯೆಸುನಿ ವಾತ ನಂಬಿನ ತೆ ತಿನಾ ಘರೆ ಗಯೊ. ತೆ ಘರೆ ಜಾ಼ತಾಮಾ ತಿನಾ ಆಳೊ ತಿಕನ ಐನ"ತಾರೊ ದಿಕ್ರೊ ಅರಾಮ ಥಯೊಸ "ಕೈನ ಕದ್ಯೊ.
ತೆ, ಮಾರಾ ದಿಕ್ರಾನೆ ಕೆಳಾಮಾ ಅರಾಮ ಥಯು ಕೈನ ಪುಚ್ಚೊ. ತೆಳಾಮಾ ತೆ ಆಳೊ "ತಾರಾ ದಿಕ್ರಾನೆ ಕಾಲ ದುಪಾರೆಜ ಯಕ್ಕ ವಾಸ್ತಾ ತಿನೆ ರ್ಹಯಲ ತೌ ಛೊಡಿನ ಗೈ ಪಾಡ್ಯೊಸ" ಕೈನ ಕದ್ಯಾ. ತಾರೊ ದಿಕ್ರೊ ವಾಚಸ" ಕೈನ ಯೆಸು ಕದಲ ಎಜ಼ ಟೈಮೆ ವ್ಹೈ ಕೈನ ತೆ ದಿಕ್ರಾನಾ ಬಾನೆ ಗ್ವತ್ತ ವ್ಹತ್ತು. ತಿನಾಹುತಿ ತೆ ವರಿ ತಿನಾ ಘರವಾಲಾ ಕ್ಹಾರಾ ಯೆಸುನೆ ನಂಬ್ಯಾತಾ.
ಯೆಸು ಯುದೆಯತೊ ಗಲಿಲಾಯಯೆ ಆಯಲ್ಪರ ಎ ಬೆಂವಾ ಸುಚಕ ಕಾರ್ಯ ವ್ಹೈ.
A mulher com fluxo de sangue
Uma mulher que sofria há doze anos tocou a orla do manto de Jesus e foi curada instantaneamente pela sua fé.
ಬಾರಾ ವರಕ್ಹತಿ ರಕ್ತ ಕುಸಮ ರೊಗಮಾ ರ್ಹಯಲ ಯಕ್ಕ ಬಾಕ್ಡಿ ತ್ಯಾ ವ್ಹತ್ತಿ. ತೆ ಬಾಕ್ಡಿ ಯೆಸುನಾ ಪಾಚಿ ಐನ ತಿನಾ ಉಪ್ಪರಲ್ಯಾ ಅಂಗಡಾನಿ ತುದಿನೆ ಮುಟ್ಟಿ. ತೆಳಾಮಾ ತೆ ಬಾಕ್ಡಿ, ಮಿ ತಿನಾ ಅಂಗಡಾನೆ ಮುಟ್ಟಿಮ ಬಸ, ಮಿ ಅರಾಮ ಥೈ ಜೌಸ" ಕೈನ ವಿಚಾರ ಕರಿಲಿದಿತಿ. ಯೆಸು ಪಾಚೊ಼ ಫರಿನ ತೆ ಬಾಕ್ಡಿನೆ ದೆಕಿನ, ದಿಕ್ರಿ, ಖುಶಿ ಥಾ! ತಾರಾ ಬರೊಕ್ಹಾಕ್ಹುಜ಼ ತುನೆ ಅರಾಮ ಥಯುಸ" ಕೈನ ಕದ್ಯೊ. ತೆಳಾಮಾ ತೆ ಅರಮ ಥೈ.
ತೆಳಾಮಾ ಬಾರಾ ವರಕ್ಹತಿ ರಗತ ಕುಸುಮು ರೊಗಮಾ ಘನ್ನು ತ್ರಾಸ ಕ್ಹಾತಿ ಯಕ್ಕ ಹೆಣ ಮನಕ್ಹ ತ್ಯಾ ವ್ಹತ್ತಿ. ತೆ ಘನ್ನಿಸಲಾ ಡಾಕ್ಟರೊಕನ ಗೈತಬಿ ಸುಜ಼ ಅರಾಮ ಥಯು ನೈ ಘನ್ನಿ ಕಷ್ಟ ಖೈನ. ಹತ್ಮಾ ರ್ಹಯಲ ದೊಕ್ಡಾ ಜ಼ವೈಲಿದಿತಿ. ವರಿ ರೊಗ ಹೆಚ್ಕಿ ಥಾತೊಜ಼ ವ್ಹತ್ತೊ. ವರಿ ಸುಜ಼ ಅರಾಮ ಥಯು ನ್ಹೊತು. ತೆ ಹೆಣ ಮನಕ್ಹ ಯೆಸುನಿ ಸುದ್ದಿ ಐಕಿನ. ತೆ ಗುಂಪಮಾ ತಿನಾ ಪಾಚಿ ಗೈ. ವರಿ ತಿನಾ ವಣ್ಣಾ ಧರಿ. ತೆ ವಿಚಾರ ಸು ಕರಲಿದಿತಿ ಕದ್ಯಾಮ ಮಿ ತಿನಾ ವಣ್ಣಾ ಮುಟ್ಟಿಮ ಬಸ ಅರಾಮ ಥೈ ಜ಼ೌಸ ಕೈನ ತಿನಾಮಾ ಕೈಲಿದಿತಿ. ಗುಂಪನಾ ಪಾಚಾ಼ತಿ ಐನ ತಿನಾ ವಣ್ಣಾ ಮುಟ್ಟಿ. ಮುಟ್ಟಲ ಬರೊಬ್ಬರ ತಿನು ರಗತ ಜಾ಼ವಾನು ಹುಬ್ರೈ ಪಡ್ಯು. ಮನೆ ಕದ್ರಾವಾನೊ ರೊಗ ಗೈನ ಮಿ ಅರಾಮ ಥೈ ಕೈನ ತಿನಾಮಾ ತೆ ತಿಳದಿಲಿದಿ.
ತೆ ಮನಕ್ಹೊನಾ ಗುಂಪಮಾ ಬಾರಾ ವರಕ್ಹತಿಬಿ ಅಂಗಮಾನು ರಗತ ಜಾ಼ವಾಲಿ ತ್ಯಾ ಯಕ್ಕ ಹೆಣ ಮನ್ಹಖ ವ್ಹತ್ತಿ. ತಿಕನ ರ್ಹಯಲ ಕ್ಹಾರಾ ದೊಕಡಾ ಡಾಕ್ಕಟರನೆ ಘಾಲಿತಿ. ತೆ ತೆಕ್ಲಾ ದೊಕಡಾ ಘಾಲಿತೊಬಿ ಕಯೊಜ಼ ಡಾಕ್ಕಟರನೆ ತಿನೆ ಅರಾಮ ಕರಾನೆ ಥಯುನೈ. ತೆಳಾಮಾ ತೆ ಹೆಣ ಮನ್ಹಖ ಯೆಸುನಾ ಪಾಚಿ಼ ಐನ ಯೆಸುನು ಅಂಗ್ಡು ಮುಟ್ಟಿ. ತೆ ಹೆಣ ಮನ್ಹಖ ಯೆಸುನು ಅಂಗ್ಡು ಧರಲ ಬರೊಬ್ಬರ ತಿನೆ ಅರಾಮ ಥಯು. ತೆಳಾಮಾ ಯೆಸು "ಮನೆ ಧರಲವಾಲು ಕುನ್ನ ವ್ಹೈ? ಕೈನ ಪುಚ್ಯೊ. ಕ್ಹಾರಾ ಮನ್ಹಖೊ ಹಮೆ ನತ್ತಿ ಧರ್ಯಾ ಕದ್ಯಾ. ತೆಳಾಮಾ ಪೆತ್ರಾ"ಗುರು,ಅಕ್ಲಾ ಮನ್ಹಖೊ ತುಪರ ಪಡಿನ ಢಕ್ಕಲಾಡಾಸ್ತೊ "ಕದ್ಯೊ. ತೆನೈಸೊ ಯೆಸು ತಿನೆ ಕುನ್ನ ಯಕ್ಕ ಮನೆ ಧರಯು! ಮಾರಾಮಾತಿ ತಾಕತ ಚಾ಼ಲಿಸ ಕವಾನು ಮನೆ ಗ್ವತ್ತ ಥಯು ಕೈನ ಕದ್ಯೊ. ಹಮ್ನಾ ಮಿ ದಡಿ ರ್ಹವಾನು ಚೊ಼ಕು ನ್ಹವೈ ಕೈನ ತಿಳ್ದಿನ ತೆ ಹೆಣ ಮನಕ್ಹ ಯೆಸುನಾ ಕ್ಹಾಮಿ ಐನ ತಿನಾ ಪಗೊಮಾ ಪಡಿನ ತೆ ಯೆಸುನೆ ಶಾನಾ ಹುತಿ ಮುಟ್ಟಿಕವಾನು ವರಿ ಯೆಸುನೆ ಮುಟ್ಟಲ ಬರೊಬ್ಬರ ತಿನೆ ಅರಾಮ ಥಯು ಕೈನ ಕ್ಹಾರಾವೊನಾ ಕ್ಹಾಮಿ ಕದಿ. ತೆಳಾಮಾ ಯೆಸು ತಿನೆ"ದಿಕ್ರಿ, ತಾರೊ ಬರೊಕ್ಹೊ ತುನೆ ಅರಾಮ ಕರ್ಯೊಸ. ತು ಸಮಾದಾನ ಕ್ಹು ಜಾ಼" ಕೈನ ಕದ್ಯೊ.
Ressurreições
Jesus ressuscitou mortos — a filha de Jairo, o filho da viúva de Naim e Lázaro. Ele é Senhor sobre a morte.
ಮರಲ ಛೊಕ್ರಿ ವಾಚ಼ಲ ವರಿ ರೊಗಮಾ ರ್ಹಯಲ ಬಾಕ್ಡಿನೆ ಅರಾಮ ಥಯಲ
ಯೆಸು ಎ ಸಂಗತಿಯೊ ಕತಾಮಾ ಸಭಾಮಂದಿರನೊ ಅದಿಕಾರಿ ಯಕ್ಲೊ ತಿಕನ ಐನ ತಿನೆ ಡೊಗ್ಗಿನ ನಮಸ್ಕಾರ ಕರಿನ, ಮಾರಿ ದಿಕ್ರಿ ಹಮನಾತೊಬಿ ಮರಿ ಗೈ. ತು ಐನ ತಿನೆ ಮುಟ್ಯೊಮ ತೆ ವರಿ ಜ್ಯುತಿ ಥಾವಸ" ಕೈನ ಕದ್ಯೊ. ತಿನಾಹುತಿ ಯೆಸು ಉಟಿನ ಅದಿಕಾರಿನಾ ಕ್ಹಾತೆ ಗಯೊ. ತಿನಾ ಕ್ಹಾತೆ ಶಿಷ್ಯಾಬಿ ಗಯಾ.
ಪಾಚ಼ಲ್ತೊ ಯೆಸು ಅದಿಕಾರಿನಾ ಕ್ಹಾತೆ ಅಗೊ ಗೈನ ತಿನಾ ಘರಮಾ ಗಯೊ. ಮಾತಿ ಕರಾನಾಹುತಿ ಆಯಲ ಭಜ್ನಿವಾಲಾವೊನೆಬಿ ವರಿ ರವಾಲಾವೊನೆಬಿ ಯೆಸು,
ದುರ ಜಾವೊ, ಛೊಕ್ರಿ ಮರಿ ನತ್ತಿ. ತೆ ನಿಂದರ ಕರಾಡಿಸ" ಕದ್ಯೊ. ತೆನೈಸೊ ತ್ಯುನೆ ಯೆಸುನೆ ಕದರಾಯಾ. ಮನಕ್ಹೊನೆ ಘರಮಾತೊ ಭಾರೊ ವಳಾಯಲ್ಪರ ಯೆಸು ಛೊಕ್ರಿನಾ ಖೊಲಿಮಾ ಗಯೊ. ಯೆಸು ಛೊಕ್ರಿನು ಹತ್ತ ಧರಲ್ಪರ ತೆ ಛೊಕ್ರಿ ಉಟಿನ ಹುಬ್ರೈ.
ತೆಳಾಮಾ ಸಬಾಮಂದಿರಪರ ಅದಿಕಾರಿ ರ್ಹಯಲವಾಲೊ ಯಕ್ಲೊ ಯಾಯಿರಕವಾಲೊ ಐನ ಯೆಸುನೆ ದೆಕಿನ ತಿನಾ ಪಗೊಪರ ಪಡಿನ. ಮಾರಿ ಮಯಾನಿ ನ್ಹಾನಿ ದಿಕ್ರಿ ಹಮ್ನಾ ತಿನೆ ಅರಾಮ ನತ್ತಿ (ತೆ ಮರಾ ವರಕ್ಹಿ ಥೈಸ) ತು ಐನ ತಿಪರ ಹತ್ತ ಮ್ಹೆಲ ಕೈನ ಮಾಂಗಿಲಿದ್ಯೊ. ತೆ ಅರಾಮ ಥಾವಸ ವರಿ ವಾಚಿ಼ ಜಾ಼ವಸ. ಯೆಸು ತಿನಾ ಕ್ಹಾತೆ ಗಯೊ ವರಿ
ಘನ್ನಾ ಮನಕ್ಹೊ ತಿನೆ ಢಕಲ್ತಾ ತಿನಾ ಪಾಚಾ಼ ಗಯಾ.
ತ್ಯುನೆ ಯಾಯಿರನಾ ಘರೆ ಆತಾಮಾ ದಕ್ಹಾಜ಼಼ನಾ ಘನ್ನಾ ಗದ್ದಲ ಕರತಾ ರವಾಡಾತಾ ಯೆಸು ತೆ ದೆಕ್ಯೊ. ಯೆಸು ಮ್ಹೈ ಗೈನ ತುಮೆ ಗದ್ದಲ ಕರಾನು ಕಾ? ರವಾನು ಕಾ? ಛೊಕ್ರಿ ಮರಿನತ್ತಿ ನಿಂದರ ಕರಾಡಿಸ ಕತಾಮಾ ತ್ಯುನೆ ಯೆಸುನೆ ದೆಕಿನ ಕದ್ರೈನ ಅಕ್ಹ್ಯಾ.
ವರಿ ಯೆಸು ಕ್ಹಾರಾಜ಼ನಾವೊನೆ ಭಾರೊ ಮೊಕ್ಲಿನ ತೆ ಛೊಕ್ರಿನಾ ಮಾ ಬಾಪನೆ ತಿವ್ನಾ ಕ್ಹಾತೆ ತನ್ನ ಶಿಷ್ಯಾವೊನೆಲಿನ ಛೊಕ್ರಿ ರ್ಹಯಲ ಜ಼ಗಾ ಬಲೈ ನಿಂಗೈನ, ತಿನೊ ಹತ್ತ ಧರಿನ ತಲಿಥಾ ಕೊಮ ಕದ್ಯೊ. ತಿಮ್ಮ ಕದ್ಯಾಮ ನ್ಹಾನಿ ಛೊಕ್ರಿ ಮಿ ಕವಾಡೊಸ ತು ಉಟ. ತೆಳಾಮಾಜ಼ ತೆ ಛೊಕ್ರಿ ಉಟಿನ ಚಾ಼ಲಾಡಿ. (ತೆ ಬಾರಾ ವರಕ್ಹನಿ ವ್ಹತ್ತಿ) ತ್ಯುನೆ ಘನ್ನಾ ಘಾಬ್ರಾಥಯಾ.
ಇಮ್ಮ ರ್ಹತಾಮಾ ಯೆಸು ಎ ಕಾಲನಾ ಮನಕ್ಹೊ ಕಿನೆ ಹೊಲ್ಸು? ತ್ಯುನೆ ಕಿನೆ ಹೊಂದಾಣಕಿ ಥಾವಸ? ತ್ಯುನೆ ಬಾಜ಼ರೊಮಾ ಬೈಟಲ ಬಚ್ಚಾ಼ ನಿಂಗತ ತಮಾರಾ ಹುತಿ ಪಿಂಗಿ ವಜಾ಼ಡ್ಯಾ ತುಮೆ ನ್ಹಾಚ್ಯಾ ನೈ ಮರಲ ಗಿದ್ದ ಕದ್ಯಾ ತುಮೆ ರೊಯಾ ನೈ, ಬಾಪ್ತಿಸ್ಮ ದಿಲಾವಾಲೊ ಯೊಹಾನ ಆಯೊ. ತೆ ಬಿಜಾ಼ವೊನಿಂಗತ ಅನ್ನ ಖಾದ್ಯೊ ನೈ ವರಿ ದ್ರಾಕ್ಷಿಯೊನು ರಕ್ಹ ಪಿದ್ಯೊ ನೈ. ತುಮೆ-ತಿನೆ ಕೆಟ್ಟ ಆತ್ಮಾ ಧರಿಸ ಕೈನ ಕವೊಸಿ. ಮನಕ್ಹನೊ ದಿಕ್ರೊ ಆಯೊಸ ವರಿ ತೆ ಅನ್ನ ಖಾವಸ, ದ್ರಾಕ್ಷಿಯೊನು ರಕ್ಹ ಪಿವಸ. ತುಮೆ ಕದ್ಯಾ, ದೆಕೊ! ಆ ಘನ್ನು ಖಾವಸ,ವರಿ ಪಿದೊಡೊ ವ್ಹೈ ದೊಕಡಾ ಲಿವಾಲಾ ವರಿ ಪಾಪಿಯೊನೊ ದೊಸ್ತೊ ವ್ಹೈ ಕೈನ ಕವೊಸಿ. ಕ್ಹುದಾನಿ ಗ್ಯಾನನೆ ವಪ್ಪಿಲಿದಲವಾಲಾ ಬಚ್ಚಾ಼ವೊಕ್ಹು ಕ್ಹರಿ ಕೈನ ದಿಕ್ಹಸ.
ಫರಿಸಾಯರ ಥಯಲ ಸಿಮೊನನ ಘರಮಾ ಯೆಸು.
ಪರಿಸಾಯರಮಾನೊ ಯಕ್ಕ ಮನ್ಹಖ ಯೆಸುನೆ ಖಾವಾನೆ ಬಲಾಯೊ ಯೆಸು ತಿನಾ ಘರೆ ಗೈನ ಖಾವಾನೆ ಬೈಟ್ಯೊ. ತೆಳಾಮ ತೆ ಗಾಮಮಾ ರ್ಹಯಲ ಯಕ್ಕ ವ್ಯಬಿಚಾರ ಕರಾಲಿ ಹೆಣ ಮನ್ಹಖ ಯೆಸು ಫರಿಸಾಯರನಾ ಘರಮಾ ಅನ್ನ ಖಾವಾಡ್ಯೊಸ ಕೈನ ತಿನೆ ಗ್ವತ್ತ ಥಯು. ತಿನಾಹುತಿ ತೆ ಹೆಣ ಮನಕ್ಹ ಭರಣಿಮಾ ಬಾಸುನು ತೆಲ ಲೈ.
ಯಾಯಿರ ಕವಾಲೊ ಯಕ್ಕ ಮನ್ಹಖ ಯೆಸುಕನ ಆಯೊ. ತೆ ಯಾಯಿರ ಸಭಾಮಂದಿರನೊ ಅದಿಕಾರಿ ವ್ಹತ್ತೊ. ಯಾಯಿರ ಯೆಸುನಾ ಪಗೊಮಾ ಪಡಿನ ಮಾರಾ ಘರೆ ಆ ಕೈನ ಮಾಂಗಿಲಿದ್ಯೊ. ಕಾಕದ್ಯಾಮ ತಿನೆ ಯಕ್ಕಲಿಜ಼ ದಿಕ್ರಿ ವ್ಹತ್ತಿ. ತೆ ಬಾರಾ ವರಕ್ಹನಿ ವ್ಹತ್ತಿ. ತೆ ಮರಾನಿ ಹಾಲತಮಾ ವ್ಹತ್ತಿ. ಯೆಸು ಯಾಯಿರನಾ ಘರೆ ಜಾ಼ತಾಮಾ ಮನ್ಹಖೊ ತಿನಾ ಸುತ್ತೆಬಿ ಆಯಾ.
ಯೆಸು ಹಜು಼ನ ಬೊಲ್ತೊ ರ್ಹತಾಮಾ ಸಬಾಮಂದಿರನೊ ಅದಿಕಾರಿಯೊಮಾನೊ ಯಾಯಿರ ಕವಾಲಾನಾ ಘರ್ತೊ ಐನ "ತಾರಿ ದಿಕ್ರಿ ಮರಿಗೈಸ ತು ಹಮ್ನಾ ಗುರುನೆ ಕಾ ತ್ರಾಸ ಕರಾಡ್ಯೊಸ "ಕೈನ ಕದ್ಯೊ. ಯೆಸು ತೆ ಐಕಿನ ಯಾಯಿರನೆ"ಭುಚ್ಕು ನಕೊ. ಧೈರ್ಯಕ್ಹು ರ್ಹೆ ಬರೊಕ್ಹೊ ರ್ಹವಾದೆ ತಾರಿ ದಿಕ್ರಿನೆ ಅರಾಮ ಥಾವಸ "ಕೈನ ಕದ್ಯೊ. ಯೆಸು ಯಾಯಿರನಾ ಘರೆ ಗಯೊ. ಪೆತ್ರಾನೆ, ಯೊಹಾನನೆ, ಯಾಕೊಬನೆ ವರಿ ಚೊ಼ಕ್ಕರಿನಾ ಮಾ ಬಾಪನೆ ತಿನಾ ಕ್ಹಾತೆ ಆವಾನೆ ಕದ್ಯೊ. ವರಿ ಬಿಜು಼ ಕುನ್ನಜ಼ ಔ ನೈ ಕದ್ಯೊ. ಮರಿಗಯಲ ತೆ ಚೊ಼ಕ್ಕರಿನಾ ಹುತಿ ಕ್ಹಾರಾ ಜ಼ನಾ ರವಾಡ್ಯಾತಾ. ತೆನೈಸೊ ಯೆಸು ತ್ಯುನೊನೆ "ರವೊ ನಕೊ, ತೆ ಮರಿ ನತ್ತಿ; ಕ್ಹುರೈಸ "ಕದ್ಯೊ. ತಿಮ್ಮ ಕತಾಮಾ ಮನಕ್ಹೊ ಯೆಸುನೆ ಕದ್ರಾಯಾ. ಕಾಕದ್ಯಾಮ ತೆ ಚೊ಼ಕ್ಕರಿ ಮರಿಗೈಸ ಕೈನ ತ್ಯುನೊನೆ ಗ್ವತ್ತ ವ್ಹತ್ತು. ಯೆಸು ಮರಿಗಯಲ ಛೊಕ್ರಿನೊ ಹತ ಧರಿನ "ದಿಕ್ರಿ ಉಟ್ಟ"ಕದ್ಯೊ. ತೆಳಾಮಾಜ಼ ತಿನೆ ಜ಼ಲಮ ಆಯೊ. ತೆ ಛೊಕ್ರಿ ಉಟಿನ ಹುಬ್ರೈ. ಯೆಸು ತಿನಾ ಮಾ ಬಾಪನೆ"ತೆ ಛೊಕ್ರಿನೆ ಕ್ಹಾವಾನೆ ಸುಬಿ ದಿವೊ "ಕೈನ ಕದ್ಯೊ. ಛೊಕ್ರಿನಾ ಮಾ ಬಾಪ ಘಾಬ್ರಾ ಥಯಾ. ಎ ಥಯಲ ವಾತ ಕಿನೆಜ಼಼ ಕವೊ ನಕೊ ಕೈನ ಯೆಸು ತ್ಯುನೊನೆ ಅಪ್ಪಣೆ ದಿದ್ಯೊ.
ಲಾಜ಼ರನು ಮರಣ
ಲಾಜರ ಕವಾಲೊ ಯಕ್ಲೊ ಅರಾಮ ನೈಸೊ ವ್ಹತ್ತೊ. ತೆ ಬೆಥಾನ್ಯ ಕವಾನಾ ಗಾಮಮಾ ವ್ಹತ್ತೊ. ಮರಿಯಳ ವರಿ ತಿನಿ ಭೆನ ರ್ಹಯಲ ಮಾರ್ಥಳ ಎಜ಼ ಗಾಮ್ಮಾ ವ್ಹತ್ತಾ. ಪ್ರಭುನೆ (ಯೆಸುನೆ) ಬಾಸನು ತೆಲ ಲಗಾಡಿನ ತಿನಾ ಪಗೊನೆ ತಿನಾ ಮಾತಾನಾ ಬಾಲೊಕ್ಹು ನುಚಚಲವಾಲಿ ಎ ಮರಿಯಳ ವ್ಹೈ. ಅರಾಮ ನೈ ರ್ಹಯಲ ಲಾಜರ ಮರಿಯಳನೊ ಭೈ ವ್ಹತ್ತೊ. ತಿನಾಹುತಿ ಭಂಬಿ ಭೆನೊ ಯೆಸುನೆ"ಪ್ರಭು, ತಾರೊ ಮಯಾನೊ ದೊಸ್ತ ಥಯಲ ಲಾಜರ ಅರಾಮ ನೈಸೊ ಪಾಡ್ಯೊಸ" ಕವಾನು ಸಂದೆಶ ಮೊಕ್ಲಿಯೊ.
ಯೆಸು ಎ ಐಕಿನ"ಎ ರೊಗ ಕ್ಹುದಾನಿ ವರಿ ಕ್ಹುದಾನಾ ದಿಕ್ರಾನೆ ಮಹಿಮಾನಾ ಹುತಿ ಐಸ ತೆನೈಸೊ ಮರಾನಾ ಹುತಿ ನ್ಹವೈ" ಕೈನ ಕದ್ಯೊ
ಯೆಸು ಮಾರ್ಥಳ, ತಿನಿ ಭೆನನೆ ವರಿ ಲಾಜರನೆ ಮಯಾ ಕರ್ತೊತೊ. ಲಾಜರ ಅರಾಮ ನೈಸೊ ಛೆ ಕವಾನಿ ವಾತ ತೆ ಐಕಲ್ಪರಬಿ ತೆ ರ್ಹಯಲ ಜ಼ಗಾಜ ಹಜು಼ನ ಬೆ ದಿನ್ನ ಲಕ್ಕಾ ರ್ಹಯೊ. ಪಾಚ಼ಲ್ತೊ ತೆ ತಿನಾ ಶಿಷ್ಯಾವೊನೆ"ಅಪೆ ಯುದೆಯನೆ ಫರಿನ ಗಯ್ಯೆ" ಕೈನ ಕದ್ಯೊ.
ಶಿಷ್ಯಾ ತಿನೆ"ಗುರು, ದಕ್ಹಾ ಪೈಲಾಜ ಯೆಹುದಿಯೊ ತುನೆ ದಗ್ಡಾವೊಕ್ಹು ಕಲಾಸ ಕರಾನೆ ದೆಕ್ಯಾ. ಹಮ್ನಾ ತು ವರಿ ತ್ಯಾ ಜೌ ಕೈನ ಕವಾಡ್ಯೊಸ ತೊ? ಕೈನ ಉತ್ತರ ದಿದ್ಯಾ.
ಯೆಸು ತ್ಯುನೊನೆ "ದಿನ್ಮಾ ಬಾರಾ ಘಂಟಾ ರ್ಹವಸ ವ್ಹೈ ಸು ನೈ? ದಿನ್ನಮಾ ಚಾಲಾಲೊ ಪಡತೊ ನೈ. ಕಾಕದ್ಯಾಮ ಎ ದುನಿಯಾನಿ ಉಜಾಲಾಕ್ಹು ತೆ ದೆಕಸ. ತೆನೈಸೊ ರಾತಮಾ ಚಾಲಾಲೊ ಟೆಕ್ಹ ಲಾಗಿನ ಪಡಸ. ಕಾಕದ್ಯಾಮ ದೆಕಿನ ಚಾಲಾನೆ ತಿನೆ ಕಯುಜ಼ ಉಜಾಲು ನೈ ರ್ಹತು" ಕೈನ ಉತ್ತರ ದಿದ್ಯೊ. ಯೆಸು ಎ ಸಂಗತಿ ಕದಲ ಪರ"ಅಪ್ನೊ ದೊಸ್ತ ಥಯಲ ಲಾಜರ ಹಮ್ನಾ ಕ್ಹುರಯೊಸ. ತಿನೆ ಉಟಾಡಾನೆ ಮಿ ತ್ಯಾ ಚಾಲ್ಯೊಸ" ಕೈನ ಕದ್ಯೊ.
ಶಿಷ್ಯಾ ತಿನೆ"ಪ್ರಭು, ತೆ ನಿಂದರ ಕರತೊ ರ್ಹಯಲ ಅರಾಮ ಥಾವಸ" ಕೈನ ಉತ್ತರ ದಿದ್ಯಾ.
ಲಾಜರ ಮರಿ ಗಯೊಸ ಕವಾನಾ ಮತ್ಲಬಮಾ ಯೆಸು ಕದ್ಯೊ. ತೆನೈಸೊ ಲಾಜರ ಕ್ಹರಿಮಾಜ಼ ಕ್ಹುರಯೊಸ ಕವಾನಾ ಮತ್ಲಬಮಾ ಯೆಸು ಕದ್ಯೊಸ ಕೈನ ಶಿಷ್ಯಾ ತಿಳ್ದಿಲಿದ್ಯಾ. ತಿನಾಹುತಿ ಯೆಸು ತ್ಯುನೊನೆ ಕರೆಟ್ಟ"ಲಾಜರ ಮರಿ ಗಯೊಸ ಕೈನ ಕದ್ಯೊ.
Domínio sobre a natureza
Jesus acalmou a tempestade, andou sobre as águas e multiplicou pães. A natureza obedece à voz do seu Criador.
ತುಫಾನನೆ ಶಾಂತ ಕರಲ
ಯೆಸು ಹಡ್ಗಾಮಾ ಗಯೊ ತಿನಾ ಶಿಷ್ಯಾಬಿ ತಿನಾ ಕ್ಹಾತೆ ಗಯಾ. ಹಡ್ಗೊ ದಂಡಿ ಛೊಡಲ್ಪರ ಮ್ಹೊಟು ವಾರಾನು ತುಫಾನ ಸಮುದ್ರಪರ ಐಯು. ತೆನೈಸೊ ಯೆಸು ಹಡ್ಗಾಮಾ ಕ್ಹುರಯೊತೊ. ಯೆಸುನಾ ಶಿಷ್ಯಾ ತಿಕನ ಗೈನ ತಿನೆ ಉಟಾಡಿನ, ಪ್ರಭು, ಹಮೊನೆ ವಚಾ಼ಡ! ಹಮೆ ಡುಬಾಡಸ!" ಕೈನ ಕದ್ಯಾ.
ಯೆಸು, ತುಮೆ ಭುಚ಼ಕಾನು ಶ್ಯಾನೆ? ತುಮೊಮಾ ನಕ್ಕರಬಿ ಬರೊಕ್ಹೊ ನತ್ತಿ" ಕೈನ ಉತ್ತರ ದಿನ ಉಟಿನ ಹುಬ್ರೈನ ತೆ ತುಫಾನನೆ ಅಗನ್ಯಾ ದಿದ್ಯೊ. ತೆಳಾಮಾಜ಼ ತೆ ತುಫಾನ ಹುಬ್ರೈ ಗಯು. ಸಮಂದರ ಶಾಂತ ಥಯು. ತ್ಯುನೆ ಕ್ಹಾರಾ ಘಾಬ್ರಾ ಥಯಾ. ಎ ಕ್ಯವೊ ಮನಕ್ಹ ವ್ಹೈ? ತುಫಾನ ವರಿ ಪಾನಿ ಇನೆ ವಿಧೆಯ ಥಾವಸ್ತೊ" ಕೈನ ಬೊಲಿಲಿದ್ಯಾ.
ಕ್ಹಾಂಜ಼ ಥಾತಾಮಾ ತಿನಾ ಶಿಷ್ಯಾ ತಿಕನ ಐನ ಎ ರಾನ ವ್ಹೈ ಹಮ್ನಾ ಕ್ಹಾಂಜ಼ಬಿ ಥೈಸ ತೆ ಮನಕ್ಹೊನೆ ತ್ಯುನಾ ತ್ಯುನಾ ಗಾಮೊನೆ ಮೊಕಲ ಕಾಕದ್ಯಾಮ ತ್ಯುನೊನೆ ಖಾವಾನೆ ಅನ್ನ ಕರಿಲಿವಾದೆ ಕದ್ಯಾ.
ತೆನೈಸೊ ಯೆಸು, ತ್ಯುನೊನೆ ತ್ಯುನೆ ಜಾ಼ವಾನಿ ಜ಼ರುರತ್ತ ನತ್ತಿ. ತುಮೆಜ಼ ತ್ಯುನೊನೆ ಸುಬಿ ಅನ್ನ ಖಾವಾನೆ ದಿವೊ ಕದ್ಯೊ.
ತೆಳಾಮಾ ತಿನಾ ಶಿಷ್ಯಾ, "ಅಪೊನೆ ಪಾಂಚ಼ ರೊಕ್ಲ ವರಿ ಬೆ ಮಚ್ಲಿ಼ಯೊ ಛೆ ಕೈನ" ಕತಾಮಾ. ಯೆಸು ತ್ಯುನೊನೆ, "ತೆ ರೊಕ್ಲ ವರಿ ಮಚ್ಲಿ಼ಯೊ ಮಕನ ಲೈನ ದಿವೊ ಕದ್ಯೊ." ತೆಳಾಮಾ ತೆ ಮನಕ್ಹೊನಾ ಗುಂಪನೆ ಚಾ಼ರಾಪರ ಬೈಟೊ ಕೈನ ತೆ ಪಾಂಚ಼ ರೊಕ್ಲಾ ಬೆ ಮಚ್ಲಿಯೊ ಲಿನ ಹಬಾಳನೆ ದೆಕಿನ ಕ್ಹುದಾನೆ ಸ್ತೊತ್ರಾ ಕೈನ ರೊಕ್ಲಾ ಭಾಗಿನ ಶಿಷ್ಯಾವೊಕನ ದಿದ್ಯೊ. ತ್ಯುನೆ ಮನಕ್ಹೊನೆ ವಾಟ್ಯಾ. ಕ್ಹಾರಾ ಮನಕ್ಹೊ ಪೆಟ ಭರಿನ ಖಾದ್ಯಾ ವರಿ ಉಗ್ರಲ ರೊಕ್ಲಾನಾ ತುಕಡಾ ಮಳ್ತಾಮಾ ಬಾರಾ ಟೊಪ್ಲಿಯೊ ಭರಿಯೊ. ಅನ್ನ ಖಾದಲವಾಲಾ ಮನಕ್ಹೊಮಾ ಹೆಣಮನಕ್ಹೊನೆ ವರಿ ಬಚ್ಚಾ಼ವೊನೆ ಛೊಡಿನ ದಾಣ್ಗಾಜ಼ ಪಾಂಚ಼ ಹಜಾ಼ರ ವ್ಹತಾ.
ತೆ ಟೈಮಮಾ ರಾತ್ನಾ ಚಾರ ವಾಸ್ತಾ ಯೆಸು ಸಮುದ್ರಪರ ಚಾ಼ಲ್ತೊ ತ್ಯುನೊಕನ ಆವಾಡೊತೊ.
ಚಾರ ಹಜಾ಼ರತಿ ಹೆಚ್ಕಿ ಮನಕ್ಹೊನೆ ಅನ್ನ ಖಲಾಯಲ
ಯೆಸು ತಿನಾ ಶಿಷ್ಯಾವೊನೆ ಬಲೈನ, "ಮಿ ಎ ಮನಕ್ಹೊನಾಹುತಿ ದುಖಿ ಥಯೊಸ. ತ್ಯುನೆ ತನ್ನ ದಿನ್ನತಾ ಮಾರಾ ಕ್ಹಾತೆ ಛೆ. ಹಮ್ನಾ ತ್ಯುನೊನೆ ಖಾವನೆ ಸುಜ಼ ನತ್ತಿ. ತ್ಯುನೊನೆ ಭುಕ್ಕಾ ಮೊಕ್ಲಾನೆ ಮನೆ ಮನಸ ನತ್ತಿ. ತ್ಯುನೆ ಘರೆ ಜಾ಼ತಾಮಾ ಸುಸ್ತ ಥಾಸ" ಕೈನ ಕದ್ಯೊ. ಶಿಷ್ಯಾ ಯೆಸುನೆ, ‘ಎ ಮನಕ್ಹೊನೆ ಚಾ಼ಯೆ ಥಯೆ ಲಿಂಗತ ರೊಕ್ಲಾ ಎ ರಾನಮಾ ಅಪೊನೆ ಕಿಜಾ಼ಂತಾ ಮಳಸ?" ಕೈನ ಪುಚ್ಯಾ. ಯೆಸು, ತುಮೊಕನ ಕಕ್ಲಾ ರೊಕ್ಲಾ ಛೆ? ಕೈನ ಪುಚ್ಚಲಕ್ಹು ತ್ಯುನೆ, ಕ್ಹಾತ ರೊಕ್ಲಾ ಛೆ ವರಿ ದಕ್ಹಾ ನ್ಹಾನಾ ಮಚ್ಲಿ಼ಯೊ ಛೆ ಕದ್ಯಾ.
ತೆಳಾಮಾ ತೆ ಮನಕ್ಹೊನಾ ಗುಂಪನೆ, ಜಿಮಿನಪರ ಬೈಟೊ ಕೈನ ಅಪ್ಪಣೆ ದಿದ್ಯೊ. ತೆ ಕ್ಹಾತ ರೊಕ್ಲಾ ವರಿ ಮಚ್ಲಿ಼ಯೊ ಲಿನ ಕ್ಹುದಾನೆ ಸ್ತೊತ್ರ ಕರಿನ ತೆ ರೊಕ್ಲಾ ಭಾಗಿನ ಶಿಷ್ಯಾವೊನೆ ದಿದ್ಯೊ. ತೆ ಶಿಷ್ಯಾ ಮನಕ್ಹೊನೆ ವಾಟ್ಯಾ. ಮನಕ್ಹೊ ಪೆಟ ಭರಿನ ಖಾದ್ಯಾ ವರಿ ಉಗ್ರಲ ಅನ್ನ ಶಿಷ್ಯಾ ಕ್ಹಾತ ಟೊಪ್ಲಿಯೊ ಭರಿ ಲಿದ್ಯಾ. ತೆ ದಿನ್ನ ಅನ್ನ ಖಾದ್ಯಲವಾಲಾವೊಮಾ ಬಾಕ್ಡಿಯೊ ಬಚ್ಚಾ಼ವೊನೆ ಛೊಡಿನ ಚಾರ ಹಜಾ಼ರ ದಾಣ್ಗಾ ವ್ಹತ್ತಾ.
ದೆವಾಲಯನಿ ತೆರಿಗೆ
ಯೆಸು ತಿನಾ ಶಿಷ್ಯಾ ಕಪೆನೌರ್ಮಿಯೆ ಗಯಾ. ದೆವಾಲಯನೆ ಯಹುದಿಯೊಕ್ಹು ಭು ಭಾಡೊ ವಸುಲಿ ಕರಾಲಾ ಪೆತ್ರಾಕನ ಐನ, ತುಮಾರಾ ಭೊದಕೊ ದೆವಾಲಯನಾ ಭು ಭಾಡೊ ದೆತಾ ನೈಸು ? ಕೈನ ಪುಚ್ಯಾ. ತೆ ವಾತೆ ಪೆತ್ರಾ ಹೊ ದಿವಸ ಕೈನ ಕದ್ಯೊ. ಪಾಚಾ಼ತೊ ಪೆತ್ರಾ ಯೆಸು ರ್ಹಯಲ ಘರಮಾ ಗಯೊ. ತೆ ಎ ವಿಚಾರ ಕಾವತಿ ಪೈಲಾಜ಼ ಯೆಸು ತಿನೆ ಭುಲೊಕನಾ ರಾಜಾ಼ ಮನಕ್ಹೊಕಂತು ಘನ್ನಾ ತರಾನಾ ಭು ಭಾಡಾ ಮಾಂಗಿಲಿವಸ. ತೆನೈಸೊ ಭು ಭಾಡೊ ದಿವಾಲಾ ಮನಕ್ಹೊ ಕುನ್ನ ವ್ಹೈ? ರಾಜಾ಼ನಾ ದಿಕ್ರಾ ನೈತೊ ಬೆಜಾ಼ ಮನಕ್ಹೊ ವ್ಹೈಸು? ತಾರು ವಿಚಾರ ಸು ವ್ಹೈ? ಕೈನ ಪುಚ್ಯೊ. ಪೆತ್ರಾ, "ಬಿಜಾ಼ ಮನಕ್ಹೊ ಭು ಭಾಡೊ ದಿವಸ ಕೈನ ಕದ್ಯೊ. ಯೆಸು ಪೆತ್ರಾನೆ, ತಿಮ್ಮ ರ್ಹಯುಮ ರಾಜಾ಼ನಾ ದಿಕ್ರಾ ಭು ಭಾಡೊ ದ್ಯುನೈ. ವರಿಬಿ ಭು ಭಾಡೊ ಲಿವಾಲಾವೊನೆ ಅಪೆ ಕಾ ಶಿಟ್ಟ ಲಾವಾ ವರಕ್ಹು ಕರಿಯೆ? ತೆ ಭು ಭಾಡೊ ದೆ. ಸಮುದ್ರಮಾ ಗೈನ ಮಚ್ಲಿಯೊ ಧರ ತುನೆ ಮಳಲ ಪೈಲಾನಿ ಮಚ್ಲಿನು ಮ್ಹೊಡು ಖುಲ್ಲಾ ಕರ, ತಿನಾ ಮ್ಹೊಡಾಮಾ ಭು ಭಾಡಾನೆ ದಿವಾನೆ ಚಾ಼ಯೆ ಥಯಲ ಯಕ್ಕ ಬಿಲ್ಲೊ ದೆಕಶಿ. ತೆ ಲಿನ ಐನ ಭು ಭಾಡೊ ಲಿವಾಲಾನೆ ದೆ. ತಿನಾಹುತಿ ಮಾರೊ ವರಿ ತಾರೊ ಭು ಭಾಡೊ ದಿದಲ ನಿಂಗತ ಥಾವಸ ಕೈನ ಕದ್ಯೊ.
ಯೆಸು ಉಂಬ್ರೊನಾ ಝಾಡನೆ ಕ್ಹರಾಪಲ
ಪಾಟೆ ಯೆಸು ಗಾಮೆ ಗೈನ ಆತಾಮಾ ಭುಕ್ಕ ಲಾಗಿತಿ. ವಾಟಮಾ ಯಕ್ಕ ಅಂಜು಼ರನಾ ಝಾಡನೆ ದೆಕಿನ ತಿನಾ ಕ್ಹಾಮೊ ಗೈನ ತಿಮಾ ಕ್ಹಾಲಿ ಪಾಲೊ ರ್ಹವಾನು ದೆಕಿನ ತಿನೆ, ಅನಾಪರ ತಾರಾಮಾ ಕೆಳಾಮಾಜ ಫಲ ದಿಯುಜ಼ ನೈ ಕೈನ ಕದ್ಯೊ. ತೆ ಟೆಮಾ ತೆ ಅಂಜುರನು ಝಾಡ ಕ್ಹುಕ್ಹೈ ಗಯು. ಶಿಷ್ಯಾ ತೆ ದೆಕಿನ ಘಾಬ್ರಾ ಥೈನ, ಆ ಅಂಜುರನು ಝಾಡ ಯಕ್ಕಜ಼ ಟೆಮಾ ಕ್ಹುಕ್ಹೈ ಗಯುತೊ ಕೈನ ಘಾಬ್ರಾ ಥಯಾ. ತೆನೈಸೊ ಯೆಸು, ತುಮೊನೆ ಕ್ಹರಿಜ ಕೌಸ ತುಮೆ ಸಂಶೆಕರೆವಾಚಿ಼ ನಂಬ್ಯಾಮ ಆ ಅಂಜುರನು ಝಾಡನೆ ಕರಲ ನಿಂಗತ ತುಮೆಬಿ ಕರೊಶಿ ತೆನೈಸೊ ಎ ಡೊಂಗರನೆ ‘ ತು ಕಿತ್ತಿಲಿನ ಗೈನ ಸಮಂದರಮಾ ಪಡ’ ಕೈನ ಕದ್ಯಾಮ ತೆಬಿ ಥಾವಸ. ತುಮೆ ಭರೊಕ್ಹೊ ಕರಿನ ಪ್ರರ್ಥಾನಾಮಾ ಸುಸು ಮಾಂಗಿಲಿವೊಸಿ ತೆ ಕ್ಹಾರು ಹೊಂದಸ ಕೈನ ಕದ್ಯೊ.
ತ್ಯುನೆ ಜಾ಼ತಾಮಾ ಯಕಾಕಿಜ಼ ತುಫಾನನೊ ಝೊರ ವಾರೊ ಆತಾಮಾ ಧಡಕಿಯೊ ಉಟಿಯೊ ಹಡಾಗಾನೆ ಲಾಗಿನ ತಿಮಾ ಪಾನಿ ಭರಾಡುತು. ಯೆಸು ಹಡಗಾಮಾ ಪಾಚೊ಼ ಮಟ್ಲು ಘಾಲ್ಲಿನ ಧಡ ನಿಂದರ ಕರಾಡೊತೊ. ತ್ಯುನೆ ಯೆಸುನೆ ಗುರು ಉಟ ಅಪೆ ಮರಿಗಿಯೆಸ? ತುನೆ ಚಿಂತಾ ನತ್ತಿ ಸು ಕೈನ ಪುಚ್ಯಾ.
ಯೆಸು ಉಟಿನ ತುಫಾನನೆ ಬರಬಡ್ಯೊ ವರಿ ಧಡಕಿಯೊನೆ ಗಪರ್ಹೆ ಶಾಂತ ಥಾ ಕೈನ ಕತಾಮಾ ತೆ ತುಫಾನ ಹುಬ್ರೈಪಡ್ಯು ಕ್ಹಾರು ಶಾಂತಥಯು.
ತೆಳಾಮಾ ಯೆಸು ತಿನಾ ಶಿಷ್ಯಾವೊನೆ ತುಮೆ ಕಾ ಇಮ್ಮ ಭುಚ್ಕೊ಼ಸಿ? ತುಮೊನೆ ಹಜು಼ನಬಿ ಬರೊಕ್ಹೊ ನತ್ತಿ ಸು ಕದ್ಯೊ?
ಶಿಷ್ಯಾ ಘನ್ನಾ ಭುಚ಼ಕಿನ ಆಂ ಮನಕ್ಹ ಕುನ್ನ ವ್ಹೈ? ವಾರೊಬಿ ವರಿ ಸಮುಂದರನಿಯೊ ಧಡಕಿಯೊಬಿ ಇನಿ ವಾತ ಐಕಸ್ತೊ ಕೈನ ತ್ಯುನೆ ಯಕೆಕ್ಲಾಜ಼ ಬೊಲ್ಲಿದ್ಯಾ.
ತೆಕ್ಲಾಮಾಜ಼಼ ಕ್ಹಾಂಜ಼ ಥಯಲಕ್ಹು ಯೆಸುನಾ ಶಿಷ್ಯಾ ತಿಕನ ಐನ ಆಂ ಕುನ್ನ ನೈಸೊ ಜ಼ಗಾ ವ್ಹೈ ಟೈಮ ಥಯೊಸ. ಎ ಮನಕ್ಹೊನೆ ಅಪ್ಪಣೆ ದೆ ಇವ್ನೆ ಆಜು಼ ಬಾಜ಼ುನಾ ಗಾಮೆ ಗೈನ ತ್ಯುನೆ ಖಾವಾನೆ ಸುಬಿ ಕರಲಿವಾದೆ.
ತೆ ವಾತೆ ಯೆಸು "ತುಮೆಜ಼ ಇವ್ನೊನೆ ಖಾವಾನೆ ಅನ್ನ ದಿವೊ ಕದ್ಯೊ.
ತೆ ವಾತೆ ತ್ಯುನೆ-ಹಮೆ ಗೈನ ಬೆಕ್ಹೊ ರುಪ್ಪಾನಾ ಬಿಲ್ಲಾಮಾ ಇವ್ನೊನೆ ರೊಕ್ಲಾ ಲೈನ ಕ್ಹಾವಾನೆ ದಿಯೆಸು?
ಕೈನ ಪುಚ಼ತಾಮಾ ಯೆಸು -ತುಮೊಕನ ಕೆಕ್ಲಾ ರೊಕ್ಲಾ ಛೆ? ಕೈನ ದೆಕಿನ ಆವೊ ಕದ್ಯೊ.
ತ್ಯುನೆ ದೆಕಿನ ಐನ ಪಾಂಚ಼ ರೊಕ್ಲಾ ಬೆ ಮಚ್ಲಿ಼ಯೊ ಛೆ ಕದ್ಯಾ.
ತೆಳಾಮಾ ಯೆಸು ತ್ಯುನೊನೆ ಹಸರ ಚಾ಼ರಾಪರ ಜಿಮಿನ್ಪರ ಬೈಟೊ ಕೈನ ಅಪ್ಪಣೆ ದೆತಾಮಾ. ಇನಾಹುತಿ ಮನಕ್ಹೊ ಕ್ಹೊ ಯಕ್ಲಾ ಐವತ್ತ ಯಕ್ಲಾ ಗುಂಪ ಥೈನ ಬೈಟ್ಯಾ. ತೆಳಾಮಾ ಯೆಸು ತೆ ಪಾಂಚ಼ ರೊಕ್ಲಾ ಬೆ ಮಚ್ಲಿ಼ಯೊಲಿನ ಹಬಾಳನೆ ದೆಕಿನ ಕ್ಹುದಾನೆ ಸ್ತೊತ್ರಾ ಕೈನ ತೆ ರೊಕ್ಲಾ ಭಾಗಿನ ತುಮೆ ಮನಕ್ಹೊನೆ ವಾಟೊ ಕೈನ ಶಿಷ್ಯಾವೊನಾ ಹತ್ಮಾ ದಿನ್ನ ತೆ ಬೆ ಮಚ್ಲಿ಼ಯೊ ಕ್ಹಾರಾವೊನೆ ವಾಟಾಲಗಾಡ್ಯೊ. ತ್ಯುನೆ ಕ್ಹಾರಾ ಪೆಟ ಭರೆಲಕ್ಕಾ ಖಾದ್ಯಾ. ಶಿಷ್ಯಾ ಉಗ್ರಲ ರೊಕ್ಲಾನಾ ತುಕಡಾ ಮಚ್ಲಿ಼ಯೊನಾ ತುಕಡಾ ಮಳಾತಾಮಾ ಬಾರಾ ಟೊಪ್ಲಿಯೊ ಭರಿಯೊ. ಖಾದಲವಾಲಾವೊಮಾನಾ ಪಾಂಚ಼ ಹಜಾ಼ರ ದಾಣ್ಗಾ ವ್ಹತ್ತಾ.
ಹಡಗೊ ಸಮುಂದರನಾ ಉಪ್ಪರ ದುರ ರ್ಹಯಲ ಶಿಶ್ಯಾ ತಿನೆ ದಂಡಿಯೆ ಲಿಂಜಾ಼ವಾನೆ ಘನ್ನಾ ತರಾಸ ಖಾವಾನು ಯೆಸು ದೆಕ್ಯೊ. ವಾರೊ ತ್ಯುನೊನೆ ಢಕ್ಲಾಡೊತೊ. ಪಾಟೆ ತನ್ನತೊ ಛೆ ವಾಜಾ಼ನಾ ಟೈಮಮಾ, ಯೆಸು ಪಾನಿನಾ ಉಪ್ಪರ ಚಾ಼ಲ್ತೊ ಹಡಗಾನಾ ನಜಿಕ ಐನ ತ್ಯುನೊನೆ ದಾಟಿನ ಜಾ಼ವಾಮಾ ವ್ಹತ್ತೊ. ಸಮುಂದರಪರ ಚಾ಼ಲಾನು ದೆಕಿನ ತ್ಯುನೆ ಭುತ್ಡು ವ್ಹೈ ಕೈನ ತಿಳ್ದಿನ ವದ್ರ್ಯಾ. ತ್ಯುನೆ ಕ್ಹಾರಾಜ಼ನಾ ತಿನೆ ದೆಕಿನ ಭುಚ಼ಕಿನ ಘಾಬ್ರಾಥಯಾ.
ತೆಳಾಮಾಜ಼ ತೆ ತ್ಯುನೊನೆ ಬೊಲಿನ ತ್ಯುನೊನೆ ಧೈರ್ಯಕ್ಹು ರ್ಹವೊ ಮಿ ವ್ಹೈ ಭುಚ್ಕೊ಼ ನಕೊ ಕದ್ಯೊ. ತೆಳಾಮಾಜ಼ ಯೆಸು ಹಡಗಾಮಾ ಚ಼ಡಿನ ತ್ಯುನೊಕನ ಆಯಲಪರ ವಾರೊ ಹುಬ್ರೈಪಾಡ್ಯೊ. ತೆಳಾಮಾ ಶಿಷ್ಯಾ ತ್ಯುನೊ ತ್ಯುನೊಮಾಜ಼ ಘನ್ನಾ ಘಾಬ್ರಾಥಯಾ.
ಯೆಸು ಚಾರ ಹಜಾ಼ರ ಮನಕ್ಹೊನೆ ಅನ್ನ ಖಲಾಯಲ
ತೆ ದಿನಮಾ ಮನಕ್ಹೊ,ಫರಿನ ಗುಂಪ ಥೈನ ಕುಡಿನ ಆತಾಮಾ ತ್ಯುನೊನೆ ಖಾವಾನೆ ಸು ನೈಸೊ ಯೆಸು ತಿನಾ ಶಿಷ್ಯಾವೊನೆ ನಜಿ಼ಕ ಬಲೈನ ವರಿ ಕದ್ಯೊ. ಆ ಮನಕ್ಹೊನೆ ದೆಕಿನ ಮರಗಾ ಐಸ. ಯುನೆ ಮಕನ ಐನ ತನ ದಿನ್ನ ಥಯಾಸ. ಇವ್ನೊನೆ ಖಾವಾನೆ ಸುಜ಼ ನತ್ತಿ. ಇವ್ನೊನೆ ಭುಕ್ಕಕಾವೊನೆಜ಼ ಘರೆ ಮೊಕ್ಕಲಿಪಾಡ್ಯಾಮ ವಾಟಮಾ ಚಕ್ಕರ ಐನ ಪಡಿಜಾ಼ವಸ ಇವ್ನೊಮಾ ದಕ್ಹಾಜ಼಼ನಾ ದುರತಾ ಆಯಾಸತೊ.
ತಿನಾ ಶಿಷ್ಯಾ ಕದ್ಯಾ ಕುನ್ನಜ಼ ನೈಸೊ ಜ಼ಗಾಮಾ ರೊಕ್ಲಾ ಕಿಜ಼್ಗಾಂತಾ ಲೈನ ಯುನು ಪೆಟ ಭರಾಯ್ಯೆ? ಕದ್ಯಾ.
ಯೆಸು ತ್ಯುನೊನೆ ಪುಚ್ಯೊ ತುಮೊಕನ ಕೆಕ್ಲಾ ರೊಕ್ಲಾ ಛೆ ಕೈನ ತ್ಯುನೊನೆ ಪುಚ಼ಲಕ್ಹು ತಿವ್ನೆ
ಕ್ಹಾತ ಛೆ ಕದ್ಯಾ.
ತೆಳಾಮಾ ಯೆಸು ತೆ ಮನಕ್ಹೊನಾ ಗುಂಪನೆ ಜಿಮಿನ್ಪರ ಬೈಟೊ ಕೈನ ಅಪ್ಪಣೆ ದಿನ್ನ ತೆ ಕ್ಹಾತ ರೊಕ್ಲಾ ಲಿನ ಕ್ಹುದಾನೆ ಸ್ತೊತ್ರಾ ಕೈನ ರೊಕ್ಲಾ ಭಾಗಿನ ತಿನಾ ಶಿಷ್ಯಾಯೊನಾ ಹತ್ಮಾ ವಾಟಾಹುತಿ ದಿದ್ಯೊ. ತ್ಯುನೆ ತೆ ಗುಂಪಮಾ ರ್ಹಯಲವಾಲಾವೊನಾ ವಾಟಿನ ದಿದ್ಯಾ. ಎನೈಸೊ ತಿವ್ನೊಮಾ ದಕ್ಹಿಯೊ ನ್ಹಾನಿಯೊ ಮಚ್ಲಿ಼ಯೊ ವ್ಹತ್ತಿಯೊ ಯೆಸು ಲಿನ ಕ್ಹುದಾನೆ ಸ್ತೊತ್ರಾ ಕೈನ ತ್ಯುನೊನೆ ವಾಟಾನೆ ದಿದ್ಯೊ. ತ್ಯುನೆ ಪೆಟ ಭರೆಲಕ್ಕಾ ಖೈನ ಉಗ್ರಲ ತುಕಡಾ ರೊಕ್ಲಾ ಮಳಾತಾಮಾ ಕ್ಹಾತ ಟೊಪ್ಲಿಯೊ ಥಯ್ಯೊ. ಖಾದಲವಾಲಾ ಕಮ ಜಾಸ್ತ ಚಾರ ಹಜಾ಼ರ ಮನಕ್ಹೊ ವ್ಹತ್ತಾ ಪಾಚ಼ಲ್ತೊ ಮನಕ್ಹೊನೆ ಮೊಕ್ಕಲಿಪಾಡ್ಯೊ.
ಉOಬ್ರೊನಾ ಝಾಡನೆ ಯೆಸು ಶಾಪ ದಿದಲ
ಮರನಾದಿನೆ ತ್ಯುನೆ ಬೆಥಾನ್ಯ ಛೊಡಿನ ಆತಾಮಾ ಯೆಸು ಭುಕ್ಕೊ ಥಯೊತೊ. ವರಿ ಪಾಲೊ ಛೊಡಲ ಉOಬ್ರೊನು ಝಾಡ ದುರ ರ್ಹಯಲ ದೆಕ್ಯೊ. ತಿಮಾ ತಿನೆ ಖಾವಾನೆ ಸುಬಿ ಮಳಸ ಕೈನ ತಿನಾ ನಜಿಕ ಗಯೊ. ತಿನಾ ನಜಿ಼ಕ ಆತಾಮಾ ತಿಮಾ ಪಾಲೊ ಛೊಡಿನ ಬಿಜು಼ ಸುಜ಼ ದಿಖ್ಯ್ಹನೈ ತೆಳಾಮಾ ಉOಬ್ರೊನಾ ಫಲನೊ ದಿನ್ನ ನ್ಹೊತೊ. ತೆಳಾಮಾ ಯೆಸು ತೆ ಝಾಡನೆ - ಇತ್ತಿ ಉಪ್ಪರ ಯಕ್ಲೊಬಿ ತುಕನ ಫಲ ಹಮೆಶಾಬಿ ಖೌ ನೈಸೊ ಥಾವಾದೆ. ಕದ್ಯೊ. ತಿನಾ ಶಿಷ್ಯಾ ತೆ ವಾತ ಐಕ್ಯಾ.
ಉಂಬ್ರೊನು ಝಾಡಕ್ಹು ಶಿಕ್ಕಾನು
ಪಾಟೆ ತ್ಯುನೆ ಆತಾಮಾ ತೆ ಉಂಬ್ರೊನು ಝಾಡ ಬುಡತುಜ಼಼ ಕುಕ್ಹೈಗಯಲ ದೆಕ್ಯಾ. ತೆಳಾಮಾ ಪೆತ್ರಾ ಪಾಚು಼ ಥಯಲ ನೆಣಸಿನ ಯೆಸುನೆ - ಗುರು ದೆಕ ತು ಶ್ರಾಪ ದಿದಲ ಉOಬ್ರೊನು ಝಾಡ ಕುಕ್ಹೈ ಗಯುಸ ಕತಾಮಾ.
ಯೆಸು ಸು ಕದ್ಯೊ ಕದ್ಯಾಮ ತುಮಾರೊ ಬರೊಕ್ಹೊ ಕ್ಹುದಾಪರ ರ್ಹವಾದೆ. ತುಮೊನೆ ಕ್ಹರಿಮಾಜ಼ ಕೌಸ, ಕಯೊಬಿ ರ್ಹವಾದೆ ಆ ಡೊಂಗರನೆ ತು ಕಿತ್ತೈನ ಸಮುಂದರಮಾ ಪಡ ಕೈನ ತಿನಾ ಮನಸ್ಮಾ ಸಂಶೊ ಕರ್ಯಾವಾಚಿ ತೆ ಕೈಲಿದಲ ಥಾವಸ ಕೈನ ಬರೊಕ್ಹೊ ಮ್ಹೆಲ್ಲಿದ್ಯೊಮ ತೆ ಕದಲ ತಿಮ್ಮ ಥಾವಸ. ತೆ ಕಾರಣಕ್ಹು ತುಮೆ ಪ್ರಾಥನಾಮಾ ಸು ಮಾಂಗಿಲಿವೊಸಿ ತೆ ಕ್ಹಾರು ಮಳ್ಯುಸ ಕೈನ ಬರೊಕ್ಹೊ ಮ್ಹೆಲ್ಯಾಮ ತೆ ಕ್ಹಾರು ತುಮೊನೆ ಮಳಸ ಕೈನ ತುಮೊನೆ ಕೌಸ. ಎನೈಸೊ ತುಮೆ ಹುಬ್ರೈನ ಪ್ರಾಥನಾ ಕರತಾಮಾ ಕಿಪರಬಿ ತುಮೆ ವಿರೊಧ ರ್ಹಯಾಮ ತುಮೆ ತಿನೆ ಮಾಫಕರೊ; ಮಾಫ ಕರ್ಯಾಮ ಸ್ವರ್ಗಮಾ ರ್ಹಯಲ ತುಮಾರೊ ಬಾ ತುಮಾರಾ ತಪ್ಪೊನೆ ಮಾಫಕರಸ ಇಮ್ಮ ಕದ್ಯೊ.
ಯೆಸುನಾ ಪಾಚಾ಼ ಆಯಲ ಪೆತ್ರಾ, ಯಾಕೊಬ, ಯೊಹಾನ
ಯಕ್ಕ ದಿನ್ನ ಯೆಸು ಗೆನೆಜರೆತ ಕವಾನಾ (ಗಲಿಲಾಯ) ನದಿನಾ ದಂಡಿಕನ ಹುಬ್ರೈಲ ಟೈಮಾ, ಮನಕ್ಹೊ ಯಕ್ಕಪರ ಯಕ್ಕ ಢಕಲ್ತಾ ತ್ಯಾ ಯೆಸುನಾ ಸುತ್ತೆ ಐನ ಕ್ಹುದಾನಿಯೊ ವಾತೊ ಐಕಾಡ್ಯಾತಾ. ಯೆಸು ನದಿನಾ ದಂಡಿಕನ ಬೆ ಹಡಗಾ ದೆಕ್ಯೊ. ಹಡಗಾಮಾ ರ್ಹಯಲ ಮಚ್ಲಿ಼ಯೊ ಧರಾಲಾ ಭಾರಾ ಐನ ತ್ಯುನಿಯೊ ಬಲಿಯೊ ಧವಾಡ್ಯತಾ. ಯೆಸು ಸಿಮೊನನೊ ಹಡ್ಗೊ ಚ಼ಡಿನ ಬೈಟ್ಯೊ ವರಿ ಹಡಗಾನೆ ದಂಡಿತೊ ನಕ್ಕರ ದುರ ಢಕಲ ಕೈನ ಯೆಸು ಸಿಮೊನನೆ ಕದ್ಯೊ. ವರಿ ಯೆಸು ಹಡಗಾಪರ ಬೈಟಿನ ಮನಕ್ಹೊನೆ ಉಪದೆಶ ಕರಾಡೊತೊ.
ಉಪದೆಶ ಕರಲ್ಪರ ಯೆಸು ಸಿಮೊನನೆ ಹಡಗಾನೆ "ಉಂಡು ರ್ಹಯಲ ಜ಼ಗಾ ನಿಂಗೈನ. ಮಚ್ಲಿ಼ಯೊ ಧರಾಹುತಿ ತುಮಾರಿಯೊ ಬಲಿಯೊ ಪಾನಿಮಾ ಘಾಲೊ "ಕದ್ಯೊ.
ತೆಳಾಮಾ ಸಿಮೊನ, ಯೆಸುನೆ "ಗುರು, ಹಮೆ ಕ್ಹಾರಿ ರಾತ ಕಷ್ಟಪಡದ್ಯಾತಬಿ ಯಕ್ಕ ಮಚ್ಲಿ಼ಬಿ ಮಳಿ ನೈ. ವರಿ ತು ಕದಲ ಹುತಿ ಹಮೆ ಬಲಿ ಪಾನಿಮಾ ಘಾಲಾಡ್ಯಾಸ "ಕದ್ಯೊ. ತ್ಯುನೆ ತ್ಯುನಿಯೊ ಬಲಿಯೊ ಪಾನಿಮಾ ಘಾಲ್ತಾಮಾ ತ್ಯುನಿಯೊ ಬಲಿಯೊ ಫಾಟಿ ಜಾ಼ವಾಯಕ್ಲಿಯೊ ಮಚ್ಲಿ಼ಯೊ ಢಿಗ ಗಟ್ಳೆ ಮಳಿಯೊ. ತೆಳಾಮಾ ತ್ಯುನೆ ಬಿಜೆಕ ಹಡಗಾಮಾ ರ್ಹಯಲ ತ್ಯುನಾ ದೊಸ್ತೊನೆ ಹತೊಕ್ಹು ಸ್ವನ್ನಿ ಕರಿನ ಬಲಾಯಾ ತ್ಯುನಾಬಿ ಬೆ ಹಡಗಾ ಮಚ್ಲಿ಼ಯೊ ಭರಿನ ಡುಬಾವರಖಾ ಥಯಾ. ಸಿಮೊನ ಯೆಸುನಾ ಖಾಮೊ ಉಂದಾಗುಡ್ಗಾ ಘಾಲ್ಲಿನ ಪಗೆ ಪಡಿನ "ಸ್ವಾಮಿ, ಮಿ ಪಾಪಿ ವ್ಹೈ. ಮನೆ ಛೊಡಿನ ಜಾ಼ "ಕೈನ ಮಾಂಗಿಲಿದ್ಯೊ.
ಕ್ಹಾರಾ ಮಚ್ಲಿ಼ಯೊ ಧರಾಲಾ ಘಾಬ್ರಾಥಯಾ. (ಇವ್ನೆ ಭಂಬಿಜ಼ನಾ ಸಿಮೊನನಾ ಕ್ಹಾತೆ ವಾಟೊಲಿವಾಲಾ ವ್ಹತ್ತಾ) ಎ ದೆಕಿನ ಜೆಬೆದಾಯನಾ ದಿಕ್ರಾ ಥಯಲ ಯಾಕೊಬ ವರಿ ಯೊಹಾನ ಘಾಬ್ರಾಥಯಾ. ಯೆಸು ಸಿಮೊನನೆ"ಭುಚ಼ಕುನಕೊ. ಆಜ಼ತೊಜ಼ ತು ಮಚ್ಲ್ಯೊ಼ ಧರಾಲೊ ನ್ಹವೈ. ವರಿ ಮನಕ್ಹೊನೆ ಕ್ಹುದಾಕನ ಲಾವಾಲೊ ಥಾಸಿ "ಕದ್ಯೊ. ತ್ಯುನೆ ತ್ಯುನಾ ಹಡಗಾ ದಂಡಿಯೆ ಲೈನ ಭಾಂದಿನ. ಕ್ಹಾರು ಛೊಡಿನ ಯೆಸುನಾ ಪಾಚಾ಼ ಗಯಾ.
ಯೆಸು ತುಫಾನನೆ ಶಾಂತ ಕರಲ
ಯಕ್ಕ ದಿನ್ನ ಯೆಸು ತಿನಾ ಶಿಷ್ಯಾವೊನಾ ಕ್ಹಾತೆ ಹಡ್ಗೊ ಚ಼ಡಿನ "ಅಪೆ ಸಮುಂದರನಿ ಬಿಜಿ ದಂಡಿಯೆ ಗೈಯೆ "ಕೈನ ಕದ್ಯೊ. ಕತಾಮಾ ತ್ಯುನೆ ಹಡ್ಗೊ ಚ಼ಡಿನ ಗಯಾ. ತ್ಯುನೆ ಸಮುಂದರಪರತಾ ಜಾ಼ತಾಮಾ ಯೆಸುನೆ ನಿಂದರ ಲಾಗಿತಿ. ತೆಕ್ಲಾಮಾಜ಼಼ ಜೊ಼ರ ವಾರೊ ಸಮುಂದರಪರ ಚು಼ಟ್ಯು. ಹಡಗಾಮಾ ಪಾನಿ ಭರಾನು ಚಾಲು ಥಯು. ತಿಮ್ಮ ಥಯಲ ಹುತಿ ತ್ಯುನೆ ಭುಚಿ಼ಕಿನ ತ್ರಾಸಮಾ ಪಡ್ಯಾ.
ತಿಮ್ಮ ಥಾತಾಮಾ ಯೆಸುನಾ ಶಿಷ್ಯಾ ತ್ಯುನೆ ತಿಕನ ಐನ "ಗುರು! ಗುರು! ಅಪೆ ಡುಬಿ ಚಾ಼ಲ್ಯಾಸ" ಕೈನ ತಿನೆ ಉಟಾಡ್ಯಾ, ಯೆಸು ತೆಳಾಮಾ ಉಟಿನ ವಾರಾನೆ ಪಾನಿನಾ ಧಡಕಿಯೊನೆ ಭುಚ್ಕಾಡ್ಯೊ, ತೆ ಕ್ಹಾರು ಶಾಂತ ಥಯು. ತೆಳಾಮಾ ಯೆಸು"ತುಮಾರೊ ಬರೊಕ್ಹೊ ಕಿಜಾ಼ ಛೆ? ಕೈನ ತ್ಯುನೊನೆ ಪುಚ್ಯೊ.
ತೆಳಾಮಾ ಕ್ಹಾರಾ ಶಿಷ್ಯಾ ಭುಚ್ಕಿನ ಘಾಬ್ರಾಥಯಾ"ಎ ಕುನ್ನ ವಸ? ಪಾನಿನೆ ವಾರಾನೆ ಅಪ್ಪಣೆ ದಿವಸ, ಎ ಕ್ಹಾರು ಯೆಸು ಕದಲ ತಿಮ್ಮಜ಼ ಐಕಸ್ತೊ"ತ್ಯುನೊಮಾ ತ್ಯುನೊಮಾಜ಼ ಬೊಲ್ಲಿನ ಘನ್ನಾ ಘಾಬ್ರಾ ಥಯಾ;
ಯೆಸು ತುಫಾನನೆ ಶಾಂತ ಕರಲ
ಯಕ್ಕ ದಿನ್ನ ಯೆಸು ತಿನಾ ಶಿಷ್ಯಾವೊನಾ ಕ್ಹಾತೆ ಹಡ್ಗೊ ಚ಼ಡಿನ "ಅಪೆ ಸಮುಂದರನಿ ಬಿಜಿ ದಂಡಿಯೆ ಗೈಯೆ "ಕೈನ ಕದ್ಯೊ. ಕತಾಮಾ ತ್ಯುನೆ ಹಡ್ಗೊ ಚ಼ಡಿನ ಗಯಾ. ತ್ಯುನೆ ಸಮುಂದರಪರತಾ ಜಾ಼ತಾಮಾ ಯೆಸುನೆ ನಿಂದರ ಲಾಗಿತಿ. ತೆಕ್ಲಾಮಾಜ಼಼ ಜೊ಼ರ ವಾರೊ ಸಮುಂದರಪರ ಚು಼ಟ್ಯು. ಹಡಗಾಮಾ ಪಾನಿ ಭರಾನು ಚಾಲು ಥಯು. ತಿಮ್ಮ ಥಯಲ ಹುತಿ ತ್ಯುನೆ ಭುಚಿ಼ಕಿನ ತ್ರಾಸಮಾ ಪಡ್ಯಾ.
ತಿಮ್ಮ ಥಾತಾಮಾ ಯೆಸುನಾ ಶಿಷ್ಯಾ ತ್ಯುನೆ ತಿಕನ ಐನ "ಗುರು! ಗುರು! ಅಪೆ ಡುಬಿ ಚಾ಼ಲ್ಯಾಸ" ಕೈನ ತಿನೆ ಉಟಾಡ್ಯಾ, ಯೆಸು ತೆಳಾಮಾ ಉಟಿನ ವಾರಾನೆ ಪಾನಿನಾ ಧಡಕಿಯೊನೆ ಭುಚ್ಕಾಡ್ಯೊ, ತೆ ಕ್ಹಾರು ಶಾಂತ ಥಯು. ತೆಳಾಮಾ ಯೆಸು"ತುಮಾರೊ ಬರೊಕ್ಹೊ ಕಿಜಾ಼ ಛೆ? ಕೈನ ತ್ಯುನೊನೆ ಪುಚ್ಯೊ.
ತೆಳಾಮಾ ಕ್ಹಾರಾ ಶಿಷ್ಯಾ ಭುಚ್ಕಿನ ಘಾಬ್ರಾಥಯಾ"ಎ ಕುನ್ನ ವಸ? ಪಾನಿನೆ ವಾರಾನೆ ಅಪ್ಪಣೆ ದಿವಸ, ಎ ಕ್ಹಾರು ಯೆಸು ಕದಲ ತಿಮ್ಮಜ಼ ಐಕಸ್ತೊ"ತ್ಯುನೊಮಾ ತ್ಯುನೊಮಾಜ಼ ಬೊಲ್ಲಿನ ಘನ್ನಾ ಘಾಬ್ರಾ ಥಯಾ;
ಕೆಟ್ಟ ಆತ್ಮಾವೊ ರ್ಹಯಲ ಮನಕ್ಹನೆ ಯೆಸು ಅರಾಮ ಕರಲ
ಯೆಸು ತಿನಾ ಶಿಷ್ಯಾ ಗಲಿಲಾಯತಾ ಸಮುಂದರ ದಾಟಿನ ಗೆರೆಸಿನೆರ ಕವಾನಾ ಗಾಮೆ ಆಯಾ.
ತೆ ದಿನ್ನಾ ಕ್ಹಾಂಜೆ಼ ಬಾರಾ ಶಿಷ್ಯಾ ಯೆಸುಕನ ಐನ, ಎ ಜ಼ಗಾಪರ ಕುನ್ನಜ಼ ರ್ಹತು ನೈ ತಿನಾ ಹುತಿ ಮನಕ್ಹೊನಾ ಗುಂಪ್ನೆ ಮೊಕ್ಲಿಪಾಡ ತ್ಯುನೆ ಸುತ್ತೆ ಮುತ್ತೆ ರ್ಹಯಲ ಗಾಮೊಯೆ ಗೈನ ತ್ಯುನೊನೆ ಖಾವಾನ ಅನ್ನನಾ ಹುತಿ ವೆವಸ್ತಾ ಕರಲಿವಾದೆ ವರಿ ರ್ಹವಾನೆ ಜ಼ಗಾ ಕರಲಿವಾದೆ
ವರಿ ಯೆಸು ಶಿಷ್ಯಾವೊನೆ "ತುಮೆಜ಼ ತ್ಯುನೊನೆ ಖಾವಾನೆ ಅನ್ನ ದಿವೊತೊ "ಕದ್ಯೊ, ತೆ ವಾತೆ ಶಿಷ್ಯಾ "ಹಮೊಕನ ಖಾಲಿ ಪಾಂಚ಼ ರೊಕ್ಲಾ ವರಿ ಬೆ ಮಚ್ಲಿ಼ಯೊ ಛೆ ಹಮೆ ಗೈನ ಆ ಮನಕ್ಹೊನೆ ಖಾವಾನೆ ಅನ್ನ ಇಕ್ಕಾತು ಲಾಯ್ಯೆಸು? ಕದ್ಯಾ. ತ್ಯಾ ಕಮ್ಸಿ ಕಮ ಪಾಂಚ಼ ಹಜಾ಼ರ ದಾಣ್ಗಾ ವ್ಹತ್ತಾ, ಯೆಸು ತಿನಾ ಶಿಷ್ಯಾವೊನೆ "ಇವನೊನೆ ಐವತ್ತ-ಐವತ್ತ ಜ಼ನಾವೊನೆ ಸಾಲೆ ಬೈಟಾಡೊ "ಕದ್ಯೊ, ತೆಳಾಮಾ ತೆ ಕದಲತಿಮ್ಮ ತ್ಯುನೆ ಕರ್ಯಾ ತೆ ಕ್ಹಾರಾ ಮನಕ್ಹೊ ಬೈಟ್ಯಾ. ತೆಳಾಮಾ ಯೆಸು ತೆ ಪಾಂಚ಼ ರೊಕ್ಲಾ ವರಿ ಬೆ ಮಚ್ಲಿ಼ಯೊ ಹತ್ಮಾ ಲಿನ ಸ್ವರಗನೆ ದೆಕಿನ ತೆ ಅನ್ನನಾ ಹುತಿ ಕ್ಹುದಾನೆ ಸ್ತೊತ್ರಾ ಕೈನ ಪಾಚ಼ಲ್ತೊ ಯೆಸು ತೆ ರೊಕ್ಲಾ ಭಾಗಿನ ಶಿಷ್ಯಾವೊನೆ ಮನಕ್ಹೊನೆ ವಾಟೊ ಕೈ ದಿದ್ಯೊ. ಹರ ಯಕ್ಲೊ ಪೆಟ ಭರಿನ ಖೈನ ತೃಪ್ತ ಥಯಾ ಉಗ್ರಲ ತುಕ್ಡಾ ಮಳಾತಾಮಾ ಬಾರಾ ಟೊಪ್ಲಿಯೊ ಭರಿಯೊ.
ಕಾನಾ ಕವಾನಾ ಗಾಮ್ಮಾ ಹಿವಾ
ಬೆ ದಿನ್ನ ಥಯಲ್ಪರ ಗಲಿಲಾಯನಾ ಕಾನಾ ಕವಾನಾ ಗಾಮಮಾ ಯಕ್ಕ ಹಿವಾ ವ್ಹತ್ತೊ. ಯೆಸುನಿ ಯಾ ಬಿ ತ್ಯಾ ವ್ಹತ್ತಿ. ಯೆಸುನೆ ವರಿ ತಿನಾ ಶಿಷ್ಯಾವೊನೆಬಿ ಹಿವಾನೆ ಬಲಾಯಾತಾ. ಹಿವಾಮಾ ದ್ರಾಕ್ಷಿಯೊನು ರಕ್ಹ ಕ್ಹರಲ್ಪರ. ಯೆಸುನಿ ಯಾ ತಿನೆ"ತ್ಯುನೊಕನ ದ್ರಾಕ್ಷಿಯೊನು ರಕ್ಹಜ ನತ್ತಿ "ಕೈನ ಕದಿ.
ಯೆಸು"ಬೈ, ತು ಮನೆ ಕಾ ಕವಾಡಿಸ? ಮಾರು ಟೈಮ ಹಜನ ಆಯೊ ನತ್ತಿ" ಕೈನ ಜವಾಬ ದಿದ್ಯೊ.
ಯೆಸುನಿ ಯಾ ಸೆವಕೊನೆ"ತೆ ತುಮೊನೆ ಸು ಕವಸ ತೆ ಕರೊ" ಕದಿ.
ದಗ್ಡಾಕ್ಹು ಕರಲ ಛೆ ಮ್ಹೊಟಿಯೊ ಡೊಣಿಯೊ ತ್ಯಾ ವ್ಹತ್ತಿಯೊ. ಯಹುದಿಯೊನಿ ಪದ್ದತ ನಿಂಗತ ಶುದ್ಧಾಚಾರಿಯೊನೆ ಎ ದಗ್ಡಾನಿಯೊ ಡೊಣಿಯೊ ಉಪಯೊಗ ಕರ್ತಾತಾ. ಹರಿ ಯಕ್ಕ ಡೊಣಿಯೊಮಾ ಕಮ್ಮಶಿ ಕಮ್ಮ 80 ತು 120 ಲಿಟರ ಪಾನಿ ಧರ್ತುತು. ಯೆಸು ಸೆವಕೊನೆ"ತೆ ಡೊಣಿಯೊಮಾ ಪಾನಿ ಭರೊ" ಕೈನ ಕದ್ಯೊ. ತಿನಾನಿಂಗತಜ಼ ಸೆವಕೊ ತೆ ಡೊಣಿಯೊಮಾ ಪಾನಿ ಕಂಟಾ ಲಕ್ಕಾ ಭರ್ಯಾ.
ಯೆಸು ಸೆವಕೊನೆ"ತೆ ಡೊಣಿಯೊಮಾನು ದಕ್ಹು ಪಾನಿ ಕಾಡಿನ ತೆ ಗೈನ ಅನ್ನ ಕರಾಲಾವೊನಾ ಮ್ಹೊಟಾನೆ ದಿವೊ" ಕೈನ ಕದ್ಯೊ ತಿನಾನಿಂಗತಜ಼ ತ್ಯುನೆ ತೆ ಲಿನ ಗಯಾ. ಅನ್ನ ಕರಾಲಾವೊಪರ ಮ್ಹೊಟೊ ರ್ಹಯಲವಾಲೊ ಪಾನಿ ದ್ರಾಕ್ಷಿಯೊನು ರಕ್ಹ ಬದಲಿ ಥಯಲ ಪಾನಿನು ಸವಾದ ದೆಕ್ಯೊ. ಕಿಜ್ಗಾಂತು ದ್ರಾಕ್ಷಿಯೊನು ಆಯುಸ ಕವಾನು ತಿನೆ ಗ್ವತ್ತ ನ್ಹೊತು. ತೆನೈಸೊ ಪಾನಿ ಕಾಡಲ ತೆ ಸೆವಕೊನೆ ಗ್ವತ್ತ ವ್ಹತ್ತು. ಅನ್ನ ಕರಾಲಾವೊ ಪರ ಮ್ಹೊಟೊ ರ್ಹಯಲವಾಲೊ ನೌರಾನೆ ಬಲಾಯೊ, "ಮನಕ್ಹೊ ಚೊಕೊಜ ರ್ಹಯಲ ಮನಕ್ಹೊನೆ ದ್ರಾಕ್ಷಿಯೊನು ರಕ್ಹ ವಾಟಸ. ಅತಿಥಿಯೊ ಪಿನ ತೃಪ್ತ ಥಯಲ್ಪರ ಸಾದಾ ರ್ಹಯಲ ದ್ರಾಕ್ಷಿಯೊನು ರಕ್ಹ ದಿವಸ. ತೆನೈಸೊ ತು ಚೊಕೊಜ ರ್ಹಯಲ ದ್ರಾಕ್ಷಾರಸ ಇವ್ನೊನೆ ಮುಕ್ಯೊಸ" ಕೈನ ಕದ್ಯೊ.
ಕಾನಾ ಕವಾನಾ ಗಾಮ್ಮಾ ಯೆಸು ಕರಲ ಪೈಲಾನು ಅದ್ಭುತ ಕಾಮ ವ್ಹೈ. ತೆ ತಿನಿ ಮಹಿಮಾ ತ್ಯಾ ದೆಕಾಡಿನ ದಿದ್ಯೊ. ತಿನಾ ಶಿಷ್ಯಾ ತಿಪರ ಬರೊಕ್ಹೊ ಮ್ಹೆಲ್ಯಾ.
ಫಿಲಿಪ್ಪನೆ ಪರಿಕ್ಷಾ ಕರಾಹುತಿ ತೆ ಅಮ್ಮ ಪುಚ್ಯೊ. ತೆನೈಸೊ ಕ್ಹರಿಮಾಜ಼ ತೆ ಸು ಕಾಮ ಕರು ಕವಾನು ತಿನೆ ಪೈಲಾಜ ಗ್ವತ್ತ ವ್ಹತ್ತು
ಫಿಲಿಪ್ಪ "ನ್ಹ್ಯಾ ರ್ಹಯಲ ಹರಿ ಯಕ್ಲಾನೆ ರೊಕ್ಲಾನು ಯಕ್ಕ ತುಕ್ಡೊ ದ್ಯು ಕದ್ಯಾಮ, ಬೆಕ್ಹೊ ರುಪ್ಪಾನಾ ಬಿಲ್ಲಾ ತಿಬಿ ಜಾಸ್ತಿ ಚಾ಼ಯೆ" ಕೈನ ಕದ್ಯೊ.
ಯೆಸುನೊ ಬಿಜೆಕ್ಲೊ ಶಿಷ್ಯೊ ರ್ಹಯಲ ಸಿಮೊನ ಪೆತ್ರಾನೊ ಭೈ ಅಂದ್ರೆಯಾ ಕದ್ಯೊ, "ನ್ಹ್ಯಾ ರ್ಹಯಲ ಯಕ್ಲಾ ಪಟ್ಟಾಕನ ಘ್ಹೌನಾ ಪಾಂಚ಼ ರೊಕ್ಲಾ ವರಿ ಬೆ ನ್ಹಾನಿಯೊ ಮಚ್ಲಿಯೊ ಛೆ. ತೆನೈಸೊ ಕ್ಹರಿಮಾಜ಼ ತೆ ಎ ಮನಕ್ಹೊನಾ ಗುಂಪನೆ ಬಸ್ಸ ಥಾತು ನೈ" ಕೈನ ಕದ್ಯೊ.
ಯೆಸು"ಮನಕ್ಹೊನೆ ಬೈಟಾನೆ ಕವೊ" ಕೈನ ಕದ್ಯೊ. ತೆ ಜ಼ಗಾಪರ ಚಾರೊ ಘನ್ನೊ ಬೆಳದ್ಯೊತೊ ತ್ಯಾ ಬೈಟಲವಾಲಾವೊಮಾ ಕಮ್ಸೆ ಕಮ ಪಾಂಚ಼ ಹಜಾರ ದಾಣ್ಗಾಜ ವ್ಹತ್ತಾ. ಪಾಚ಼ಲ್ತೊ ಯೆಸು ತೆ ರೊಕ್ಲಾ ಲಿನ ಕ್ಹುದಾನೆ ಸ್ತೊತ್ರಾ ಕರಿನ, ಬೈಟಲ ಮನಕ್ಹೊನೆ ವಾಟ್ಯೊ. ತೆ ಮಚ್ಲಿಯೊನೆಬಿ ತಿನಾನಿಂಗತ ಕರ್ಯೊ. ಕ್ಹಾರಾ ಜ಼ನಾ ತ್ಯುನೊನೆ ಚಾ಼ಯೆ ಥಯಲ ತೆಕ್ಲು ಕೈನ ತೃಪ್ತ ಥಯಾ. ತ್ಯುನೆ ಕ್ಹಾರಾ ಕೈನ ತೃಪ್ತ ಥಯಲ್ಪರ ಯೆಸು ತಿನಾ ಶಿಷ್ಯಾವೊನೆ"ಉಗ್ರಲ ತುಕ್ಡಾ ಕ್ಹಾರಾ ಜಮಾ ಕರೊ. ಕಯುಜ಼ ಹಾಳ ಕರೊ ನಕೊ ಕೈನ ಕದ್ಯೊ. ವರಿ ಶಿಷ್ಯಾ ಮನಕ್ಹೊನೆ ವಾಟಲ ಪಾಂಚ಼ ರೊಕ್ಲಾಮಾ ಉಗ್ರಲ ತುಕ್ಡಾವೊಕ್ಹು ಬಾರಾ ಟೊಪ್ಲಿಯೊ ಭರ್ಯಾ.
ತ್ಯುನೆ ಹುಟ್ಟ ಘಾಲತಾ ತನ್ನ ನೈತೊ ಚಾರ ಮೈಲ ಯಕ್ಕ ಹಡಗಾನೆ ಚಲಾಯಲ ಪರ ಯೆಸುನೆ ದೆಕ್ಯಾ. ತೆ ಪಾನಿ ಪರ ಚಾಲ್ತೊ ಹಡಗಾನಾ ನಜಿಕ ಆವಾನು ದೆಕಿನ ತ್ಯುನೆ ಭುಚ್ಕ್ಯಾ. ಯೆಸು ತ್ಯುನೊನೆ"ಭುಚ಼ಕೊ ನಕೊ, ಮಿಜ಼ ವ್ಹೈ" ಕೈನ ಕದ್ಯೊ. ತೆಳಾಮಾ ತ್ಯುನೆ ಯೆಸುನೆ ಹಡಗಾಮಾ ಬಲೈಲ್ಯು ಕೈನ ಕರ್ಯಾತಾ. ತೆಕ್ಲಾಮಾಜ಼, ತ್ಯುನೆ ಜೌ ಕೈನ ರ್ಹಯಲ ಜ಼ಗಾನಿ ದಂಡಿಯೆ ಹಡ್ಗೊ ಆಯೊ.
ಯೆಸು ಕ್ಹಾತ ಶಿಷ್ಯಾವೊನೆ ದಿಕ್ಹಲ
ತೆ ಥಯಲ್ಪರ, ವರಿ ಯಕ್ಕಸಲಾ ಯೆಸು ತಿನಾ ಶಿಷ್ಯಾವೊನೆ ತಿಬೆರಿಯಾ ಸಮುಂದರಕನ ದಿಕ್ಹ್ಯೊ. ತೆ ಅಮ ಥಯು; ದಕ್ಹಾ ಶಿಷ್ಯಾ ತ್ಯಾ ಮಳಿನ ವ್ಹತ್ತಾ. ತ್ಯುನೆ ಕುನ್ನ ವ್ಹೈ ಕದ್ಯಾಮ, ಸಿಮೊನ ಕವಾಲೊ ಪೆತ್ರಾ, ದಿದುಮ ಕವಾಲೊ ತೊಮ, ಗಲಿಲಾಯನೆ ಮಳಲ ಕಾನಾ ಗಾಮವಾಲೊ ನತಾನಿಯೆಲ, ಜೆಬೆದಾಯನಾ ಭಂಬಿ ದಿಕ್ರಾನೆ ವರಿ ಬೆ ಜ಼ನಾ ಶಿಷ್ಯಾ. ಪೆತ್ರಾ, ತ್ಯುನೊನೆ "ಮಿ ಮಚ್ಲಿಯೊ ಧರಾನೆ ಚಾಲ್ಯೊಸ "ಕದ್ಯೊ. ಉಗ್ರಲ ಶಿಷ್ಯಾ "ಹಮೆಬಿ ತಾರಾ ಕ್ಹಾತೆ ಐಯೆಸ ಕೈನ ಕದ್ಯಾ. ತಿಮ್ಮ ಕತಾಮಾ ಕ್ಹಾರಾ ಶಿಷ್ಯಾ ಮಳಿನ ಹಡಗಾಮಾ ಚಡ್ಯಾ. ತ್ಯುನೆ ಕ್ಹಾರಿ ರಾತ ಸಮುಂದರಮಾ ಬಲಿಯೊ ಘಾಲ್ಯಾ. ಯಕ್ಕಬಿ ಮಚ್ಲಿ ಮಳಿ ನೈ. ತೆ ದಿನ್ನೆ ದಿನ್ನ ನಿಕ್ಹಳ್ತಾಮಾ, ಯೆಸು ದಂಡಿಪರ ಹುಬ್ರಯೊತೊ. ತೆನೈಸೊ ತೆಜ಼ ಯೆಸು ವ್ಹೈ ಕೈನ ವಳಕ್ಯಾ ನೈ. ತೆಳಾಮಾ ತೆ ತಿನಾ ಶಿಷ್ಯಾವೊನೆ "ದೊಸ್ತೊ, ತುಮೊನೆ ಮಚ್ಲಿಯೊ ಮಳಿಯೊ ಸು, ಕೈನ ಪುಚ್ಯೊ. ಶಿಷ್ಯಾ"ನತ್ತಿ" ಕೈನ ಕದ್ಯಾ. ಯೆಸು "ತುಮಾರೊ ಹಡಗನಾ ಸಿದಾ ಹತ ಬಗಲ ತುಮಾರಿಯೊ ಬಲಿ ನಾಕೊ ತ್ಯಾ ದಕ್ಹಿಯೊ ಮಚ್ಲಿಯೊ ಮಳಸ, ಕೈನ ಕದ್ಯಾ. ಶಿಷ್ಯಾ ಕದಲ ತಿಮ್ಮಜ ಕರ್ಯಾ. ಘನ್ನಿಯೊ ಮಚ್ಲಿಯೊ ಬಲಿಮಾ ಕ್ಹಾಪ್ಡಲ ಹುತಿ ತ್ಯುನೆ ಬಲಿಯೊ ಹಡಗಾಮಾ ಜಗ್ಗಾನೆ ಥಯು ನೈ. ಯೆಸುನೊ ಮಯಾನೊ ಶಿಷ್ಯಾನೆ"ತೆ ಮನಕ್ಹನೆ ಪ್ರಭು, ಕೈನ ಕದ್ಯೊ. ತೆಳಾಮಾಜ಼ ಪೆತ್ರಾ ತಿನು ಅಂಗ್ಡು ಘಾಲ್ಲಿನ ಪಾನಿಮಾ ಉಡ್ಯೊ. ಪೆತ್ರಾ ಪೈಲಾಜ ತಿನು ಅಂಗ್ಡು ಕಾಡಿನ ಮ್ಹೆಲ್ಯೊತೊ. ಉಗ್ರಲ ಶಿಷ್ಯಾ ಹಡಗಾಮಾ ಚ಼ಡಿನ ಗೈಪಡ್ಯಾ. ತ್ಯುನೆ ಬಲಿಯೊ ಭರಿನ ಮಚ್ಲಿಯೊ ದಂಡಿಯೆ ಜಗ್ಗಿಲಿನ ಗಯಾ. ತ್ಯುನೆ ದಂಡಿತಾ ಘನ್ನಾ ದುರ ನ್ಹೊತಾ ಕ್ಹಾಲಿ 300 ಪುಟ ಯಕ್ಲಾ ದುರ ವ್ಹತ್ತಾ. ಶಿಷ್ಯಾ ಹಡಗಾಮಾತಾ ಉತ್ರಿನ ದಂಡಿಪರ ಜಾ಼ತಾಮಾ ಆಗನಾ ಕಂಡಾ ದೆಕ್ಯಾ. ಆಗ ಪರ ಮಚ್ಲಿಯೊ ವ್ಹತ್ತಿಯೊ. ವರಿ ದಕ್ಹಾ ರೊಕ್ಲಾಬಿ ವ್ಹತ್ತಾ. ಪಾಚ಼ಲ್ತೊ ಯೆಸು"ತುಮೆ ಧರಲ ಮಚ್ಲಿಯೊಮಾ ದಕ್ಹಿಯೊ ಲಿನ ಆವೊ" ಕೈನ ಕದ್ಯೊ. ಪೆತ್ರಾ ಹಡಗಾಮಾ ಗೈನ ಬಲಿ ದಂಡಿಯೆ ಜಗ್ಗಿಲಿನ ಆಯೊ. ಬಲಿ ಮ್ಹೊಟಿಯೊ ಮಚ್ಲಿಯೊಕ್ಹು ಭರಿ ಗೈತಿ. ತಿಮಾ 153 ಮಚ್ಲಿಯೊ ವ್ಹತ್ತಿಯೊ. ತೆ ಘನ್ನಿಯೊ ವಜ್ಜಿಯೊ ರ್ಹೈತಬಿ ಬಲಿ ಪ್ಹಾಟಿ ನ್ಹೊತಿ.
Libertações
Jesus expulsou demônios com autoridade. Os espíritos impuros não resistiam à sua palavra e saíam imediatamente.
ಅದಿಕಾರಿನಾ ಆಳನೆ ಅರಾಮ ಕರಲ
ಯೆಸು ಕಪೆನೌರ್ಮ ಕವಾನಾ ಗಾಮೆ ಗಯೊ. ತೆ ಗಾಮಮಾ ಗಯಲ ಬರೊಬ್ಬರ ಸೈನ್ಯನೊ ಅದಿಕಾರಿ ಯಕ್ಲೊ ಐನ, ಪ್ರಭು, ಮಾರಾ ಆಳನೆ ತೌ ಐನ ವಚ್ಚಾ಼ನಾಪರ ಪಡ್ಯೊಸ. ತೆ ಘನ್ನಾ ದುಖಕ್ಹು ನೆಳ್ಳಾಡೊಸ" ಕೈನ ಮದತ ಮಾಂಗಿಲಿದ್ಯೊ.
ಯೆಸು ತೆ ಅಧಿಕಾರಿನೆ, ಮಿ ಐನ ತಿನೆ ಅರಾಮ ಕರುಸ" ಕೈನ ಕದ್ಯೊ. ತಿಕ್ಹುನೆ ತೆ ಅದಿಕಾರಿ, ಪ್ರಭು, ತು ಮಾರಾ ಘರೆ ಆವಾ ಅಕ್ಲಿಬಿ ಯೊಗ್ಯತೆ ಮನೆ ನತ್ತಿ. ತಿನೆ ಅರಾಮ ಥಾವಾದೆ ಕೈನ ತು ಆಗನ್ಯಾ ದಿದ್ಯೊಮ ಬಸ, ತಿನೆ ಅರಾಮ ಥಾವಸ. ಮಿಬಿ ಬಿಜಾ ಅಧಿಕಾರಿಯೊನಾ ಹತ್ಮಾ ವ್ಹತ್ತೊ. ಮಾರಾ ಅಧಿನಮಾ ಸಿಪಾಯಿಯೊ ಛೆ. ಮಿ ಯಕ್ಕ ಸಿಪಾಯಿನೆ ‘ಜಾ’ ಕದ್ಯೊ ಕದ್ಯಾಮ ತೆ ಜಾ಼ವಸ; ಬಿಜೆಕ್ಲಾನೆ ‘ಆ’ ಕದ್ಯೊ ಕದ್ಯಾಮ ತೆ ಆವಸ. ಮಿ ಮಾರಾ ಸೆವಕನೆ, ‘ಆಂ ಕರ’ ಕದ್ಯೊ ಕದ್ಯಾಮ ತೆ ವಿದೆಯತೆಕ್ಹು ಕರಸ. ತುನೆಬಿ ಎಜ಼ ತರಾನು ಅಧಿಕಾರ ಛೆ ಕೈನ ಕವಾನು ಮನೆ ಗ್ವತ್ತ ಛೆ" ಕೈನ ಕದ್ಯೊ.
ಎ ಐಕಿನ ಯೆಸು ಘಾಬ್ರೊ ಥಯೊ. ಯೆಸು ತಿನಾ ಕ್ಹಾತೆ ರ್ಹಯಲವಾಲಾವೊನೆ, ಮಿ ಇಸ್ರಾಯೆಲಮಾಬಿ ಅಕ್ಲಾ ಬರೊಕ್ಹಾನಾ ಮನಕ್ಹನೆ ದೆಕ್ಯೊ ನೈ ಕೈನ ತುಮೊನೆ ಕ್ಹರಿಮಾಜ಼ ಕೌಸ" ಕದ್ಯೊ. ಘನ್ನಾ ಮನಕ್ಹೊ ಪುರ್ವ ವರಿ ಪಶ್ಚಿಮ ದಿಕ್ಕೊತಾ ಆವಸ. ತ್ಯುನೆ ಪರಲೊಕ ರಾಜ್ಯಮಾ ಅಬ್ರಹಾಮ, ಇಸಾಕ, ಯಾಕೊಬ ಇವ್ನಾ ಕ್ಹಾತೆ ಬೈಟಿನ ಖಾವಸ. ತೆನೈಸೊ ಪರಲೊಕ ರಾಜ್ಯ ನೈ ಹೊಂದಲವಾಲಾವೊನೆ ಭಾರಾ ಅಂದಾರಾಮಾ ಭಿರಕೈ ಪಡಸ. ತ್ಯಾ ತ್ಯುನೆ ಗೊಳಾಡಸ ವರಿ ದುಖಕ್ಹು ದಾತೊ ಖಾವಸ" ಕದ್ಯೊ. ಪಾಚ಼ಲ್ತೊ ಯೆಸು ತೆ ಅಧಿಕಾರಿನೆ, ದಿಕ್ರಾ ಜಾ಼ ತು ನಂಬಲಿಂಗತಜ಼ ತಾರಾ ಸೆವಕನೆ ಅರಾಮ ಥಾವಸ" ಕದ್ಯೊ. ತೆಜ಼ ಟೈಮಮಾ ತಿನಾ ಸೆವಕನೆ ಅರಾಮ ಥಯು.
ಬೆ ಜ಼ನಾವೊಮಾತಿ ಕೆಟ್ಟ ಆತ್ಮಾ ಛೊಡಾಯಲ
ಯೆಸು ಸಮುಂದರನಾ ಬಿಜೆಕ ದಂಡಿಕನ ರ್ಹಯಲ ಗದರೆನ ಕವಾನಾ ಗಾಮೆ ಆಯೊ. ತ್ಯಾ ಕೆಟ್ಟ ಆತ್ಮಾ ಧರಲ ಬೆಜ಼ನಾ ಯೆಸುಕನ ಆಯಾ. ತ್ಯುನೆ ಮಜಾ಼ರೊನಾ ಗವಿಯೊಮಾ ವ್ಹತ್ತಾ ವರಿ ಘನ್ನಾ ಖತರನಾಕ ವ್ಹತ್ತಾ. ತಿನಾಹುತಿ ಮನಕ್ಹೊ ತ್ಯುನಿ ವಾಟಕನ ಜಾ಼ತಾ ನ್ಹೊತಾ. ತ್ಯುನೆ ಭಂಬಿಜ಼ನಾ ಯೆಸುಕನ ಐನ. ತು ಹಮೊನೆ ಸು ಕರು ಕೈನ ವಿಚಾರ ಕರ್ಯೊಸ? ಕ್ಹುದಾನಾ ದಿಕ್ರಾ, ಟೈಮ ಆವಾತಿ ಪೈಲಾ ಹಮೊನೆ ಶಿಕ್ಷಾ ದಿವಾನೆ ಆಯೊ ಸು?" ಕೈನ ಜೊ಼ರ ಅಡ್ಡಿನ ಕದ್ಯಾ. ತೆ ಜ಼ಗಾಕನ ಢುಕ್ಕುರೊನು ಮ್ಹೊಟ್ಟು ಗುಂಪ ಚ಼ರಾಡುತು. ತೆ ಕೆಟ್ಟ ಆತ್ಮಾವೊ, ಹಮೆ ಎ ಭಂಬಿಜ಼ನಾವೊನೆ ಛೊಡಿನ ಜಾ಼ವಾವರ್ಕ್ಹು ತು ಕರಾನೊ ರ್ಹಯೊಮ, ದಯಾ ಕರಿನ ಹಮೊನೆ ತೆ ಡುಕ್ಕುರೊಮಾ ವಳಾ" ಕೈನ ಮಾಂಗಿಲಿದ್ಯಾ.
ಯೆಸು ತ್ಯುನೊನೆ, ಜಾ಼ವೊ" ಕದ್ಯೊ. ತೆಳಾಮಾ ತೆ ಕೆಟ್ಟ ಆತ್ಮಾವೊ ತೆ ಭಂಬಿ ಜ಼ನಾವೊನೆ ಛೊಡಿನ ಢುಕ್ಕುರೊಮಾ ಗಯಾ. ತೆಳಾಮಾಜ಼ ಕ್ಹಾರಾ ಢುಕ್ಕುರೊ ಡೊಂಗರನಾ ಹೆಟಾ ನ್ಹಾಟಿನ ಸಮುಂದರಮಾ ಪಡಿನ ಪಾನಿಮಾ ಡುಬಿ ಗಯಾ. ತೆಳಾಮಾ ಢುಕ್ಕುರೊ ಚ಼ರಾವಾಲಾ ಗಾಮಮಾ ನ್ಹಾಟಿನ ಗೈನ ಢುಕ್ಕುರೊನೆಬಿ ಕೆಟ್ಟ ಆತ್ಮಾವೊ ಧರಲವಾಲೊನೆಬಿ ಥಯಲ ಮನಕ್ಹೊನೆ ಕದ್ಯಾ. ತೆಳಾಮಾ ತೆ ಗಾಮನಾ ಕ್ಹಾರಾ ಮನಕ್ಹೊ ಯೆಸುನೆ ದೆಕಾನೆ ಗೈನ, ತ್ಯುನಿ ಜ಼ಗಾ ಛೊಡಿನ ಜಾ಼ ಕೈನ ತಿನೆ ಮಾಂಗಿಲಿದ್ಯಾ.
ಮುಕೊ ಬೊಲಲ
ತ್ಯುನೆ ಭಂಬಿಜ಼ನಾ ಜಾ಼ತಾಮಾ ದಕ್ಹಾ ಜ಼ನಾ ವರಿ ಯಕ್ಲಾನೆ ಯೆಸುಕನ ಲಾಯಾ. ತಿನಾಮಾ ಕೆಟ್ಟ ಆತ್ಮಾ ರ್ಹಯಲಕ್ಹು ತೆ ಮುಕೊ ಥಯೊತೊ. ಯೆಸು ತೆ ಕೆಟ್ಟ ಆತ್ಮಾನೆ ತಿನೆ ಛೊಡಿನ ಜಾ಼ ಕೈನ ಆಗನ್ಯಾ ದಿದ್ಯೊ. ತೆ ಬೊಲಾನು ಶುರು ಕರ್ಯೊ. ಎ ದೆಕಲ ಮನಕ್ಹೊ ಘಾಬ್ರಾ ತಿಬ್ರಾ ಥೈನ, ಇಸ್ರಾಯೆಲಮಾ ಹೌ ಕಾಮ ದೆಕ್ಯಾಜ಼ ನತ್ತಿ" ಕದ್ಯಾ.
ತೆಳಾಮಾ ದಕ್ಹಾ ಮನಕ್ಹೊ ಯಕ್ಲಾನೆ ಯೆಸುಕನ ಲಾಯಾ. ತಿನಾಮಾ ಭುತ್ಡಾ ರ್ಹಯಲಕ್ಹು ತೆ ಕುಡ್ಡೊ ಥೈನ ವ್ಹತ್ತೊ ವರಿ ಮುಕೊ ಥೈನ ವ್ಹತ್ತೊ. ಯೆಸು ತೆ ಮನಕ್ಹನೆ ಅರಾಮ ಕರಲಕ್ಹು ತೆ ಮನಕ್ಹ ಬೊಲಾನೆಬಿ ವರಿ ದೆಕಾನೆಬಿ ಸಾದ್ಯ ಥಯು.
ಕಾನಾನ್ಯ ಬಾಕಡಿನೊ ಬರೊಕ್ಹೊ
ಪಾಚ಼ಲ್ತೊ ಯೆಸು ತ್ಯಾಂತೊ ಗೈನ ತುರ ಸಿದೊನ ಗಾಮನಾ ಪ್ರಾಂತೊನೆ ಗಯೊ. ತೆ ಜ಼ಗಾತಿ ಕಾನಾನ್ಯನಿ ಥಯಲ ಯಕ್ಕ ಬಾಕಡಿ ಐ, ಪ್ರಭು, ದಾವಿದನಾ ದಿಕ್ರಾ, ಮಾರಾ ಉಪ್ಪರ ಮರ್ಗಾ ಮ್ಹೆಲ, ಮಾರಿ ದಿಕ್ರಿನೆ ಭುತಡು ಧರಿನ ಘನ್ನಿ ತ್ರಾಸ ಕ್ಹಾವಾಡಿಸ ಕೈನ ಅಡ್ಡಿ. ತೆನೈಸೊ ತೆ ತಿನೆಸುಜ಼ ಜವಾಬ ದಿದ್ಯೊ ನೈ. ತೆಳಾಮಾ ತಿನಾ ಶಿಶ್ಯಾ ಐನ, ತೆ ಅಪ್ನಾ ಪಾಚಿ ಅಡ್ಡತಿ ಆವಾಡಿಸ. ತಿನೆ ವಳೈಪಡ ಕೈನ ತಿನೆ ಮಾಂಗಿಲಿದ್ಯಾ. ತೆ ವಾತೆ ಯೆಸು ಸು ಕದ್ಯೊ ಕದ್ಯಾಮ ಜ಼ವೈಗಯಲ ಬಕ್ರಾ ಲಿಂಗತ ರ್ಹವಾಲಾ ಇಸ್ರಾಯೆಲ ಘರ್ದಾನವಾಲಾವೊಕನ ನೈಸೊ ಬಿಜಾ಼ ಕಿಕನಜ಼ ಮನೆ ವಳಾಯಲವಾಲೊ ನ್ಹವೈ ಕದ್ಯೊ. ತೆಳಾಮಾ ತೆ ಹೆಣ ಮನಕ್ಹ ಯೆಸುನಾ ಕ್ಹಾಮಿ ಅಡ್ಡ ಪಡಿನ, ಪ್ರಭು ಮನೆ ಸಹಾಯ ಕರ ಕದಿ. ತಿನಾಹುತಿ ಯೆಸು, "ಬಚ್ಚಾ಼ ಖಾವಾನೊ ರೊಕ್ಲೊ ಲಿನ ಕುತ್ರಾನಾ ಬಚ್ಚಾ಼ವೊನೆ ಘಾಲಾನು ಕರೆಟ್ಟ ನ್ಹವೈ ಕೈನ ಜವಾಬ ದಿದ್ಯೊ.
ತೆ ಹೆಣ ಮನಕ್ಹ, "ಹೊ ಪ್ರಭು, ತೆನೈಸೊ ಕುತ್ರಾನಾ ಬಚ್ಚಾ಼ತುಬಿ ತ್ಯುನಾ ಮಾಲಕನಾ ಟೆಬಲಪರ್ತಾ ಪಡಲ ರೊಕ್ಲಾನಾ ತುಕ್ಡಾ ಖಾವಸತೊ ಕದಿ.
ಡೊಂಗರ್ಪರ ಯೆಸು ವರಿ ಮನಕ್ಹೊ
ತೆಳಾಮಾ ಯೆಸು ತೆ ಬಾಕಡಿನೆ, "ಯಾ, ತಾರೊ ಬರೊಕ್ಹೊ ಮ್ಹೊಟೊ ವ್ಹೈ. ತು ಸೊಚಲ ತಿಮ್ಮ ತುನೆ ಥಾವಾದೆ ಕೈನ ಜವಾಬ ದಿದ್ಯೊ. ತೆ ಟೈಮಮಾ ತಿನಿ ದಿಕ್ರಿನೆ ಅರಾಮ ಥಯು.
ಮಡ್ಡ ರೊಗಿನೆ ಅರಾಮ ಕರಲ
ಯೆಸು ವರಿ ತಿನಾ ಶಿಷ್ಯಾ ವರಿಬಿ ಮನಕ್ಹೊಕನ ಗಯಾ. ಯಕ್ಲೊ ಯೆಸುಕನ ಐನ ತಿನಾ ಕ್ಹಾಮೊ ಉಂದೊ ಪಡಿನ, "ಪ್ರಭು ಮಾರಾ ದಿಕ್ರಾನೆ ಮರಗ, ತೆ ಮಡ್ಡ ರೊಗಕ್ಹು ಘನ್ನೊ ತ್ರಾಸ ಖಾವಾಡೊಸ. ತೆ ಹಗಲೆಲ್ಲಾ ಆಗಮಾ ನೈತೊ ಪಾನಿಮಾ ಪಡಸ. ಮಿ ಮಾರಾ ದಿಕ್ರಾನೆ ತಾರಾ ಶಿಷ್ಯಾವೊಕನ ಲಾಯೊ, ತೆನೈಸೊ ತ್ಯುನೆ ತಿನೆ ಅರಾಮ ಕರಾನೆ ಥಯು ನೈ ಕದ್ಯೊ. ಯೆಸು, "ಅಯ್ಯೊ, ಬರೊಕ್ಹೊ ನೈಸೊ ಗ್ಯಾನ ನೈಸೊವಾಲಾವೊನಾ ಬಚ್ಚಾ಼ವೊ, ಹಜು಼ನ ಕೆಕ್ಲಾ ದಿನ್ನ ತುಮಾರಾ ಕ್ಹಾತೆ ರ್ಹೌ? ವರಿ ಕೆಕ್ಲಾ ದಿನ್ನ ತುಮೊನೆ ತಡ್ದಿಲ್ಯು? ತೆ ಪಟ್ಟಾನೆ ಮಕನ ಲಿನ ಆವೊ ಕೈನ ಕದ್ಯೊ. ತೆ ಪಟ್ಟಾಮಾ ರ್ಹಯಲ ಭುತ್ಡಾನೆ ಯೆಸು ಭುಚ್ಕಾಡ್ತಾಮಾ ಭುತ್ಡು ತಿಮಾತು ಗೈ ಪಡ್ಯು. ತೆಳಾಮಾಜ಼ ತೆ ಪಟ್ಟಾನೆ ಅರಾಮ ಥಯು.
ತೆಳಾಮಾ ತ್ಯುನಾ ಸಭಾಮಂದಿರಮಾ ಕೆಟ್ಟ ಆತ್ಮಾ ಧರಲ ಯಕ್ಕ ದಾಣಗೊ ಐನ ವದರ್ಯೊ. ತೆ ಕೆಟ್ಟ ಆತ್ಮಾ , ನಜ಼ರೆತನಾ ಯೆಸು ಹಮಾರಿ ಉಸಾಬರಿ ತುನೆ ಕಾ? ಹಮೊನೆ ನಾಶ (ಹಾಳ) ಕರಾನೆ ಆಯೊ ಸು? ತುನೆ ವಳಕ್ಯಾಸ; ತು ಕ್ಹುದಾ ವಳಾಯಲ ಪರಿಶುದ್ಧ ವ್ಹೈ ಕೈನ ಹಮೊನೆ ಗ್ವತ್ತ ಛೆ ಕೈನ ವದ್ರಿನ ಕದ್ಯೊ.
ಯೆಸು ತಿನೆ, ಭುಚ್ಕಾ಼ಡಿನ ಗಪ ರ್ಹೆ ಅನಾಮಾತೊ ಭಾರೊ ಜಾ಼ ಕತಾಮಾ, ತೆ ಕೆಟ್ಟ ಆತ್ಮಾ ತಿನೆ ವದ್ಯಾಡಸಿನ ಘಾಬ್ರು ಥೈನ ಛೊಡಿನ ವದ್ರಿನ ಗಯು.
ಯೆಸು ಕೆಟ್ಟ ಆತ್ಮಾ ಧರಲವಾಲಾನೆ ಅರಾಮ ಕರಲ
ಪಾಚಾ಼ತಾ ತ್ಯುನೆ ಸಮುಂದರನಿ ಬಿಜಿ ದಂಡಿಯೆ ರ್ಹಯಲ ಗೆರೆಸಿನೆರ ಪ್ರಾಂತ್ಯನೆ ಮುಟ್ಯಾ. ಯೆಸು ಹಡಗಾಮಾತೊ ಉತ್ರಿನ ಆಯಲ ಬರೊಬ್ಬರ ಕೆಟ್ಟ ಆತ್ಮಾ ಧರಲ ಯಕ್ಕ ದಾಣಗೊ ಮಜಾ಼ರೊನಿ ಗವಿಮಾತೊ ಯೆಸುನಾ ಕ್ಹಾಮೊ ಆಯೊ. ತೆ ಮಜಾ಼ರೊನಿಯೊ ಗವಿಯೊಮಾ ರ್ಹತೊತೊ ತಿನೆ ಭಾಂದಿನ ಘಾಲಾನೆ ಕಿನೆಜ಼಼ ಥಾತುನ್ಹೊತು. ತಿನೆ ಬೆಡಿಯೊಕ್ಹು ಭಾಂದ್ಯಾತಬಿ ಉಪಯೊಗ ಥಾತುನ್ಹೊತು. ಮನಕ್ಹೊ ಘನ್ನಿಸಲಾ ತಿನಾ ಹತೊ ಪಗೊ ಬೆಡಿಯೊಕ್ಹು (ಚೈನೊಕ್ಹು) ಭಾಂದ್ಯಾತಬಿ ವರಿಬಿ ತೆ ತೊಡಿಲಿನ ನಾಕಿಪಾಡತೊತೊ. ತಿನೆ ವರಿ ಕುನ್ನಜ಼ ಬೆಡಿಯೊ ಘಾಲಾನೆ ವರಿ ತಿನೆ ಹತೊಟಿಮಾ ಲಾವಾನೆ ಕುನ್ನಜ಼ ನ್ಹೊತು. ತೆ ದಿನ್ನ ರಾತ ಮಜಾರೊಮಾ ಗವಿಯೊಮಾ ರ್ಹತೊತೊ. ಡೊಂಗ್ರೊಮಾ ವದರತೊ ತಿನೊ ಅಂಗ ತೆಜ಼ ದಗ್ಡೆ ಛೆಟಿಲೆತೊತೊ.
ತೆ ಯೆಸುನೆ ದುರತೊ ದೆಕಿನ ನ್ಹಾಟತೊ ಐನ ತಿನೆ ಉಂದೊ ಪಡಿನ ಝೊರ ವದ್ರಿನ ಯೆಸು ಕ್ಹಾರಾವೊತಿ ಉಪ್ಪರ ರ್ಹಯಲ ಕ್ಹುದಾನಾ ದಿಕ್ರಾ ಮಾರಾ ಕ್ಹಾತೆ ಸು ಕರಶಿ? ಕ್ಹುದಾನಾಹುತಿ ತುಕನ ಮಾಂಗುಸ ಮನೆ ಶಿಕ್ಷಾ ನಕೊ ದ್ಯು (ಕಾಕದ್ಯಾಮ ಎ ಕೆಟ್ಟ ಆತ್ಮಾ ಅನೆ ಛೊಡಿನ ಜಾ಼ ಕೈನ ಯೆಸು ಕದ್ಯೊ).
ವರಿ ಯೆಸು ತಿನೆ ತಾರು ನಾಮ ಸುವೈ ಕೈನ ಪುಚ಼ತಾಮಾ
ತೆ ಮನಕ್ಹ ಕದ್ಯೊ ಮಾರು ನಾಮ ಗುಂಪ ವ್ಹೈ ಕಾಕದ್ಯಾಮ ಹಮೆ ಘನ್ನಾ ಕೆಟ್ಟ ಆತ್ಮಾವೊ ಛೆ ಕದ್ಯೊ. ತ್ಯುನೆ ಯೆಸುಕನ ಹಮೊನೆ ಆಂ ಗಾಮಮಾತೊ ಮೊಕ್ಲು ನಕೊ ಕೈನ ಯೆಸುಕನ ಘನ್ನಾ ಮಾಂಗಿಲಿದ್ಯಾ.
ತ್ಯಾಜ಼ ಡೊಂಗರಪರ ಯಕ್ಕ ಢುಕ್ಕುರೊನು ಮ್ಹೊಟು ಗುಂಪ ಚ಼ರಾಡುತು. ತೆ ಕೆಟ್ಟ ಆತ್ಮಾವೊ ಯೆಸುನೆ ಐಲಾ ಢುಕ್ಕುರೊಮಾ ಜಾ಼ವಾನೆ ಹಮೊನೆ ವಳಾ ಕೈನ ಮಾಂಗಿಲಿದ್ಯಾ. ಯೆಸು ಥಯು ಜಾ಼ವೊ ಕೈನ ಕದ್ಯೊ. ತೆ ಕೆಟ್ಟ ಆತ್ಮಾವೊ ಮನಕ್ಹನಾ ಅಂಗಮಾತಾ ಭಾರಾ ಐನ ಢುಕ್ಕುರೊಮಾ ಗಯಾ. ತೆ ಢುಕ್ಕುರೊನು ಗುಂಪ ನ್ಹಾಟಿನ ಗೈನ ಡೊಂಗರಪರತಾ ಸಮುಂದರಮಾ ಪಡಿನ ಡುಬಿ ಗಯಾ. ಕಮ್ಮ ಜಾಸ್ತ ಬೆ ಹಜಾ಼ರ ಢುಕ್ಕುರೊ ವ್ಹತ್ತಾ.
ತ್ಯುನೊನೆ ಚ಼ರಾವಾಲಾ ನ್ಹಾಟಿನ ಗೈನ ತೆ ಸುದ್ದಿ ಗಾಮಮಾ ವರಿ ಖೆತ್ರೊಮಾ ತಿಳಸಾತಾಮಾ ಮನಕ್ಹೊ ಸು ಥಯುಸ ಕೈನ ದೆಕಾನೆ ಚಾ಼ಲ್ಯಾ.
ತಿಮ್ಮಜ ತುಮೆ ಕವಾನು ಸುವೈ ಕದ್ಯಾಮ, ಯಕ್ಲೊ ತಿನಾ ಯಾ ಬಾಪನೆ, ದಿವಾನು ಮಿ ಕ್ಹುದಾನೆ ದಿದ್ಯೊಸ ಕವೊ ಕೈನ ಶಿಕ್ಲಾಯಾಸ್ತೊ( ತಿನು ಮತ್ಲಬ ತೆ ಕ್ಹುದಾನು ವ್ಹೈ). ತೆ ತಿನಾ ಯಾ ಬಾಪನೆ ಆಸ್ರೊ ನೈ ಕರ್ಯೊ ಸುಜ಼ ತರಾಸ ನತ್ತಿ ಇಮ್ಮ ಕವೊಸಿತೊ. ಇಮ್ಮ ತುಮೆ ಶಿಕ್ಲಾತಾ ಆಯಲ ಪದ್ದತಿಕ್ಹು. ಕ್ಹುದಾನಿಯೊ ವಾತೊನಿ ತಾಕತ ಇಕ್ಹರಿ ಪಾಡೊಶಿ. ವರಿ ಇಮ್ಮಜ಼ ಹವಾ ಕಾಮೊ ಕೆಕ್ಲಾ ಕರೊಶಿ ಕದ್ಯೊ.
ಯಕ್ಕ ಮನಕ್ಹನೆ ಹೊಲಸ ಕರಾನು ಕಾಮ
ತೆ ಥಯಲ್ಪರ ಯೆಸು ಮನಕ್ಹೊನಾ ಗುಂಪನೆ ತಿಕನ ಬಲೈನ ತ್ಯುನೊನೆ ಸು ಕದ್ಯೊ ಕದ್ಯಾಮ ಕ್ಹಾರಿಯೊ ಮಾರಿಯೊ ವಾತೊ ಕಾನ ದಿನ್ನ ಐಕೊ ವರಿ ತಿಳದಿಲಿವೊ. ಭಾರಾತು ಮನಕ್ಹೊನಾ ಮ್ಹೈ ಗೈನ ತ್ಯುನೊನೆ ಹೊಲಸ ಕರಾನು ಯಕ್ಕ ಬಿ ನತ್ತಿ;
ಹೆಣ ಮನಕ್ಹನೊ ಬರೊಕ್ಹೊ
ಯೆಸು ತ್ಯಾಂತೊ ಉಟಿನ ಜಾ಼ತೊ ತೊರ ಕವಾನಾ ಗಾಮ್ನಾ ನಜಿ಼ಕ ರ್ಹಯಲ ಪ್ರದೆಶೆ ಗಯೊ. ಗೈನ ಯಕ್ಕ ಘರಮಾ ಗಯೊ ತೆ ಕಿನೆಜ಼಼ ಗೊತ್ತ ಥಾವುನೈ ಕೈಲಿದ್ಯೊ. ತೆನೈಸೊ ತೆ ಝಕೈನ ರ್ಹವಾನೆ ಥಯೊ ನೈ ತೆಳಾಮಾಜ಼ ಯಕ್ಕ ಹೆಣ ಮನಕ್ಹ ತಿನಿ ದಿಕ್ರಿನಾ ಅOಗಮಾ ಕೆಟ್ಟ ಆತ್ಮಾ ವ್ಹತ್ತಿ ಯೆಸು ತ್ಯಾ ಛೆ ಕೈನ ಸುದ್ದಿ ಐಕಿನ ತಿನಾ ಪಗೊಮಾ ಐನ ಪಡಿ. ತೆ ಹೆಣ ಮನಕ್ಹ ಬಿಜಿ ಜಾ಼ತನಿ ವ್ಹತ್ತಿ ತೆ ಶಿರಿಯ್ಯಾ ಪೊಯಿನಿಕ್ಕಯ ಪ್ರಾOತ್ಯ ಮಾ ಹುಟ್ಟಿತಿ ತೆ ಯಹುದ್ಯೊನಿ ಜಾ಼ತನಿ ನ್ಹೊತಿ. ತೆ ತಿನಿ ದಿಕ್ರಿನು ಕೆಟ್ಟ ಆತ್ಮಾ ಛೊಡಾ ಕೈನ ಯೆಸುಕನ ಮಾಂಗಿಲೆತಾಮಾ.
ಯೆಸು ತಿನೆ- ಬಚ್ಚಾ಼ವೊನೆ ಪೈಲಾ ತೃಪ್ತ ಥಾವಾದೆ; ಬಚ಼್ಚಾಖಾವಾನೊ ರೊಕ್ಲೊ ಕಾಳ್ಳಿನ ಕುತ್ರಾವೊನಾ ಬಚ್ಚಾ಼ವೊನೆ ಘಾಲಾನು ಚೊ಼ಕು ವ್ಹೈಸು ಕದ್ಯೊ.
ತೆ ವಾತೆ ತೆ -ಸ್ವಾಮಿ ಆ ವಾತ ಕ್ಹರಿ ವ್ಹೈ ಟೆಬಲನಾ ಹೆಟಾ ರ್ಹಯಲ ಕುತ್ರಾವೊನಾ ಬಚ್ಚಾ಼ ಮನಕ್ಹನಾ ಬಚ್ಚಾ಼ನಾ ಹತಮಾತಾ ಪಡಲ ರೊಕ್ಲಾನಾ ತುಕಡಾ ಖಾವಸ್ತೊ ಕೈನ ಜ಼ವಾಬ ದೆತಾಮಾ.
ಯೆಸು ತಿನಿ ವಾತೆ ತಿನೆ ಸು ಕದ್ಯೊ ಕದ್ಯಾಮ ತಾರಿ ದಿಕ್ರಿನೆ ಕೆಟ್ಟ ಆತ್ಮಾ ಛೊಡಿಪಾಡ್ಯುಸ ಜಾ಼ ಕದ್ಯೊ.
ತೆ ತಿನಾ ಘರೆ ಗೈನ ದೆಕ್ತಾಮಾ ತೆ ಛೊಕ್ರಿ ವಚ್ಚಾ಼ನಾಮಾ ಅರಾಮ ಕ್ಹುರೈತಿ ವರಿ ತಿನೆ ಕೆಟ್ಟ ಆತ್ಮಾ ಛೊಡಿನ ಗೈ ಪಡಿತಿ.
ಕೈನ ಪುಚ಼ಲ ಹುತಿ ತೆ ಗುಂಪಮಾನೊ ಯಕ್ಲೊ ಎ ಗುರು ಮಾರಾ ದಿಕ್ರಾನೆ ತುಕನ ಬಲೈ ಲಾಯೊಸ ಕಾಕದ್ಯಾಮ ಇನಾಮಾ ಭುತ್ಡು ಛೆ; ಎ ಬೊಲ್ತೊ ನೈ ತೆ ಕಿಜ್ಗಾ಼ಬಿ ತಿಪರ ಐನ ತಿನೆ ಪಾಡಿಪಾಡಸ; ತೆಳಾಮಾ ತಿನಾ ಮ್ಹೊಡಾಮಾತು ಬುರುಕ ಚು಼ವಾವಸ. ವರಿ ಕಟ-ಕಟ ದಾತೊ ಖಾತೊ ಶಡ್ದೈ ಜಾ಼ವಸ ತೆ ಛೊಡಾಕೈನ ತಾರಾ ಶಿಷ್ಯಾವೊಕನ ಕೈಲಿದ್ಯೊ. ತಿವ್ನಾ ಹತೆ ಥಯ್ಯೊನೈ. ಕದ್ಯೊ.
ತಿನಾಹುತಿ ಯೆಸು ತಿನಾಶಿಷ್ಯಾವೊನೆ -ಎ ಬರೊಕ್ಹೊ ನೈಸೊವಾಲಾವೊ? ಮಿ ಹಜು಼ನ ಕೆಕ್ಲಾ ದಿನ್ನ ತುಮಾರಾ ಕ್ಹಾತೆ ರ್ಹೌ? ಹಜು಼ನ ಕೆಕ್ಲಾ ದಿನ್ನ ತುಮೊನೆ ತಡ್ದಿಲಿವ? ತೆ ಪಟ್ಟಾನೆ ಲಿನ ಮಕನ ಆವೊ.
ಕತಾಮಾ ತೆ ಪಟ್ಟಾನೆ ಲಿನ ಯೆಸುಕನ ಆಯಾ ತಿನೆ ದೆಕಲ ಬರೊಬ್ಬರ ತೆ ಪಟ್ಟಾನೆ ಭುತ್ಡು ಘನ್ನು ವದ್ಯಾಡಸಿನ ತೆ ಜಿಮಿನ್ಪರ ಪಡಿನ ಮ್ಹೊಡಾಮಾನು ಬುರುಕ ಚು಼ವಾತೊ ಉಳ್ಯಾಡಶು.
ಯೆಸು ತಿನಾ ಬಾನೆ ಇನೆ ಇಮ್ಮ ಥೈನ ಕೆಕ್ಲಾ ದಿನ್ನ ಥಯಾ. ಕೈನ ಪುಚ್ತಾ಼ಮಾ ಇನೆ
ನ್ಹಾನೊ ರ್ಹತಮಾ ಇಮ್ಮ ಥಯುಸ ಕದ್ಯೊ. ವರಿ ಇನೆ ತೆ ಕೆಟ ಆತ್ಮಾ ಮಾರಿಪಾಡು ಕೈನ ಆಗಮಾ ಪಾನಿಮಾ ಪಾಡಿಪಾಡ್ಯುಸ. ತಾರಾ ಹತೆ ಥಾವಾನುರ್ಹಯುಮ ಮನೆ ಮರಗಿನ ಹಮ್ನೊನೆ ಸಹಾಯಾ ಕರಕೈನ ಕೈಲಿದ್ಯೊ.
ಯೆಸು ಎ ಸಾದ್ಯ ಛೆ ತಿನೆ ತಾರಾ ಹತೆ ಸುಬಿ ಥಾವಾನು ರ್ಹಯುಮ ಕಸಿಸು? ನಂಬಾಲಾವೊನೆ ಕ್ಹಾರುಜ಼ ಥಾವಸ ಕದ್ಯೊ.
ತೆಳಾಮಾಜ಼ ತೆ ಪಟ್ಟಾನೊ ಬಾ ಮಿ ಬರೊಕ್ಹೊ ಕರುಸ ಬರೊಕ್ಹೊ ಕಮ ಥಯೊತಬಿ ಸಹಾಯಾ ಕರ ದುಖಿ ಥೈನ ವದ್ರಿನ ಕದ್ಯೊ.
ತೆಳಾಮಾ ಯೆಸು ಮನಕ್ಹೊನು ಗುಂಪನೆ ನ್ಹಾಟಿನ ಆವಾನು ದೆಕಿನ ತೆ ಭುತ್ಡಾನೆ ಭುಚ್ಕಾ಼ಡಿನ ಎ ಕಿವುಡು ವರಿ ಮುಕಾ ಭುತ್ಡಾ ಪಟ್ಟಾನೆ ಛೊಡಿನ ಜಾ಼; ಇತ್ತಿ ಉಪ್ಪರ ಧರು ನಕೊ ಕೈನ ಮಿ ತುನೆ ಅಪ್ಪಣೆ ದ್ಯುಸ ಕದ್ಯೊ.
ತೆಳಾಮಾ ತೆ ಕೆಟ್ಟ ಆತ್ಮಾ ಪಟ್ಟಾನೆ ಘಾಬ್ರುಕರಿನ ವದ್ಯಾಡಸಿನ ಛೊಡಿನ ಗಯು. ತೆ ಪಟ್ಟೊ ಮರಲನಿಂಗತ ಪಡಲ ದೆಕಿನ ಮನಕ್ಹೊ-ಮರಿಗಯೊಸ ಕದ್ಯಾ. ಯೆಸು ತೆ ಪಟ್ಟಾನೆ ಹತ್ ಧರಿನ ಉಟಾಡತಾಮಾ ತೆಳಾಮಾಜ಼ ಉಟಿನ ಹುಬ್ರಯೊ.
ಯೆಸು ಘನ್ನಾ ಮನಕ್ಹೊನೆ ಅರಾಮ ಕರಲ
ಯೆಸು ಸಬಾಮಂದಿರಮಾತೊ ಗೈನ ಸಿಮೊನನಾ (ಪೆತ್ರಾ) ಘರೆ ಆಯೊ. ತ್ಯಾ ಶಿಮೊನನಿ ಫ್ಯೆ ತೌ ಐನ ಕ್ಹುರೈತಿ ತಿನೆ ಅರಾಮ ಕರ ಕೈನ ಯೆಸುಕನ ತ್ಯಾ ರ್ಹಯಲವಾಲಾ ಮಾಂಗಿಲಿದ್ಯಾ. ಯೆಸು ತಿಕನ ಗೈನ ತಿನಾ ಜಡ್ಡನೆ ಭುಚ್ಕಾ಼ಡ್ಯೊ ತೆಳಾಮಾ ಸಿಮೊನನಿ ಫ್ಯೆ ಅರಾಮ ಥೈ. ತಿನಾ ಹುತಿ ತೆ ಉಟಿನ ತ್ಯುನೊನೆ ಸೆವಾ ಕರಿ.
ಯೆಸು ಹಡಗಾಮಾತೊ ಉತರತಾಮಾ ತೆ ಗಾಮ್ನೊ ಯಕ್ಕ ಮನಕ್ಹ ಯೆಸುಕನ ಐನ ಎ ದಾಣಗಾಮಾ ಕೆಟ್ಟ ಆತ್ಮಾ ವ್ಹತ್ತಿಯೊ. ಘನ್ನಾ ದಿನತೊ ತೆ ವಣ್ಣಾಜ಼ ಘಾಲ್ಲಿದ್ಯೊ ನ್ಹೊತೊ. ತೆ ಮಜಾ಼ರೊನಿಯೊ ಗವಿಯೊಮಾ ರ್ಹತೊತೊ. ತೆ ದಾಣಗೊ ಯೆಸುನೆ ದೆಕಿನ ತಿನಾ ಕ್ಹಾಮೊ ಉಂದಾಗುಡ್ಗಾ ಘಾಲ್ಲಿನ ಜೊ಼ರ ಅವಾಜಕ್ಹು ಯೆಸು ಪರಾತ್ಪರನಾ ದಿಕ್ರಾ ಮಾರಾಕ್ಹು ತುನೆ ಸು ಥಾವಾನು ಛೆ ಮನೆ ಮರಗಿನ ಶಿಕ್ಕಷಾದಿವು ನಕೊ" ಕೈನ ವದ್ರಯು. ಕಾಕದ್ಯಾಮ ಯೆಸು ತೆ ಕೆಟ್ಟ ಆತ್ಮಾನೆ ತಿನೆ ಛೊಡಿನ ಜಾ಼ ಕೈನ ಕದ್ಯೊ. ತೆ ಕೆಟ್ಟ ಆತ್ಮಾ ಹಗ್ಲೆಲ್ಲಾ ತೆ ದಾಣಗಾನೆ ತಿನೆ ವಶ್ಮಾ ಲೆತಿತಿ ತೆ ದಾಣಗಾನೆ ಜೆಲ್ಮಾಘಾಲಿನ ಹತೊ ಪಗೊ ಬೆಡಿಯೊಕ್ಹು ಭಾಂದ್ಯಾತಬಿ ತೆ ದಾಣಗೊ ತೆ ಕ್ಹಾರು ತೊಡಿಲಿನ ನಾಕಿಪಾಡತೊತೊ. ತಿಮಾ ರ್ಹಯಲ ಕೆಟ್ಟ ಆತ್ಮಾ ತಿನೆ ಮನಕ್ಹೊ ನೈಸೊ ಜ಼ಗಾ ಜಬರದಸ್ತಿಕ್ಹು ನಿಂಜಾ಼ತುತು. ಯೆಸು ತಿನೆ "ತಾರು ನಾಮ ಸುವೈ? ಕೈನ ಪುಚ್ಯೊ. ತೆ "ಹಮಾರು ನಾಮ ಗುಂಪ ವ್ಹೈ "ಕದ್ಯೊ. ಕಾಕದ್ಯಾಮ ತೆ ಮನಕ್ಹನಾ ಅಂಗಮಾ ಘನಿಯೊ ಕೆಟ್ಟ ಆತ್ಮಾ ವ್ಹತ್ತಿಯೊ. ವರಿ ತೆ ಪುರಾ ಕೆಟ್ಟ ಆತ್ಮಾ "ಹಮೊನೆ ಪಾತಾಳಮಾ ನಕೊ ಮೊಕ್ಕಲು ಕೈನ "ಯೆಸುಕನ ಮಾಂಗಿಲಿದ್ಯಾ. ತ್ಯಾ ರ್ಹಯಲ ಯಕ್ಕ ಡೊಂಗರಪರ ಢುಕ್ಕಕುರೊನು ಮ್ಹೊಟು ಗುಂಪ ಚ಼ರಾಡುತು" ಆ ಢುಕ್ಕಕುರೊನಾ ಅಂಗಮಾ ಜಾ಼ವಾನೆ ಹಮೊನೆ ಆಗನ್ಯಾ "ದೆ ಕೈನ ತೆ ಕೆಟ್ಟ ಆತ್ಮಾವೊನು ಗುಂಪ ಮಾಂಗಿಲಿದ್ಯು. ಯೆಸು ತೆ ಕೆಟ್ಟ ಆತ್ಮಾನಾ ಗುಂಪನೆ ಆಗನ್ಯಾದಿದ್ಯೊ. ತೆಳಾಮ ತೆ ಕೆಟ್ಟ ಆತ್ಮಾನು ಗುಂಪ ತೆ ಡುಕ್ಕಕುರೊಮಾ ವ್ಹಕ್ಕಯಾ. ತೆಳಾಮಾಜ಼ ತೆ ಢುಕ್ಕುರೊನು ಗುಂಪ ತ್ಯಾ ರ್ಹಯಲ ಯಕ್ಕ ತಳಾಮಾ ಡುಬಿನ ಮರಿಗಯಾ.
ಡುಕ್ಕಕುರೊ ಚ಼ರಾವಾಲಾ ಆ ಕ್ಹಾರು ಥಯಲ ದೆಕಿನ ಪುರಾ ಗಾಮವಾಲಾವೊನೆ ಕದ್ಯಾ. ತೆ ಗಾಮನಾ ಮನ್ಹಖೊ ಯೆಸುನೆ ದೆಕಾನೆ ಆಯಾ. ತೆ ಕೆಟ್ಟ ಆತ್ಮಾ ಧರಲ ಮನ್ಹಖ ಯೆಸುನಾ ಪಗೊಕನ ಬೈಟಲ ದೆಕ್ಯಾ. ತೆ ವಣ್ಣಾ ಘಾಲಿನ, ಅರಾಮ ಥೈನ ವರಿ ಶಾಣ್ಯೊ ಥೈನ,ಕೆಟ್ಟ ಆತ್ಮಾ ತಿನೆ ಛೊಡಿನ ಗಯಾತಾ. ಆ ದೆಕಿನ ಮನ್ಹಖೊನೆ ಭುಚ್ಕ ವಾಟ್ಯು.
ಮಿ ಕ್ಹರಿಮಾಜ಼ ಕೌಸ ನ್ಹ್ಯಾ ರ್ಹಯಲ ವಾಲಾವೊಮಾನಾ ದಕ್ಹಾಜ಼಼ನಾ ಕ್ಹುದಾನಿ ರಾಜ್ಯ ದೆಕೆ ಲಕ್ಕಾ ಮರತಾಜ಼ ನೈ ಕದ್ಯೊ.
ಯೆಸುನೊ ರುಪ
ಎಕ್ಹಾರು ಕೈನ ಆಟದಿನ ಥಯಲ್ಪರ ಯೆಸು ಪೆತ್ರಾ ಯಾಕೊಬ ವರಿ ಯೊಹಾನನೆ ಬಲೈ ನಿಂಗೈನ ಪ್ರಾಥನಾ ಕರಾ ಹುತಿ ಡೊಂಗರಪರ ಗಯೊ. ಯೆಸು ಪ್ರಾಥನಾ ಕರತಾಮಾ ತಿನು ಮ್ಹೊಡು ಬದ್ಲಿ ಥಯು ಮಿಂಚಾ಼ಡ್ಯುತು, ತಿನಾ ವಣ್ಣಾ ಘನ್ನಾ ಮಿಂಚಾ಼ಡ್ಯಾತಾ, ತೆಳಾಮಾಜ಼ ಬೆ ಜ಼ನಾ ಯೆಸುನಾ ಕ್ಹಾತೆ ಬೊಲಾಡ್ಯಾತಾ ತ್ಯುನೆ ಕುನ್ನ ವ್ಹೈ ಕದ್ಯಾಮ ಮೊಶೆ ವರಿ ಎಲಿಯಾ, ಎ ಭಂಬಿಜ಼಼ನಾವೊನು ರುಪಬಿ ಘನ್ನು ಮಿಂಚಾ಼ಡ್ಯುತು ಕ್ಹುದಾನಿ ಚಿತ್ತ ಥಾವಾನಾ ಹುತಿ ವರಿ ಯೆರುಸೆಲಿಮಾ ಥಾವಾನು ಯೆಸು ಮರವಾನಾ ಹುತಿ ಬೊಲಾಡ್ಯಾತಾ,
ಘನ್ನಿ ನಿಂದರಮಾ ರ್ಹಯಲ ಪೆತ್ರಾ ವರಿ ಯಾಕೊಬ, ಯೊಹಾನ ಹುಶಾರ ಥೈನ ಉಟ್ತಾಮಾ ಯೆಸುನಿ ಮಹಿಮಾ ವರಿ ತಿನಾ ಕ್ಹಾತೆ ಬೆ ಜ಼ನಾ ಬೊಲಾನು ದೆಕ್ಯಾ, ತೆ ಬೆ ಜ಼ನಾ ಯೆಸುನೆ ಚೊ಼ಡಿನ ಜಾ಼ತಾಮಾ ಪೆತ್ರಾ ಯೆಸುನೆ ಗುರು ಅಪೆ ನ್ಹ್ಯಾಜ಼ ರ್ಹವಾನು ಚೊ಼ಕು ವ್ಹೈ ನ್ಹ್ಯಾಜ಼ ಅಪೆ ತನ ಝುಪ್ಡಾ ಭಾಂದಿಯೆ ತುನೆ ಯಕ್ಕ ಮೊಶೆನೆ ಯಕ್ಕ ಎಲಿಯಾನೆ ಯಕ್ಕ ತುನೆ ಕದ್ಯೊ. ಪೆತ್ರಾ ಸು ಕವಾಡ್ಯೊಸ ತಿನೆಜ಼ ಗೊತ್ತ ನ್ಹೊತು.
ಗುಂಪ್ಮಾ ರ್ಹಯಲ ಯಕ್ಲೊ ಮನಕ್ಹ ವದ್ರಿನ "ಗುರು "ಮರಗಿನ ಮಾರಾ ದಿಕ್ರಾನೆ ದೆಕ ಮನೆ ತೆಜ಼ ಯಕ್ಲೊ ದಿಕ್ರೊ ಛೆ ಯಕ್ಕ ಕೆಟ್ಟ ಆತ್ಮಾ ಮಾರಾ ದಿಕ್ರಾಪರ ಆವಸ ತೆಳಾಮಾ ತೆ ವದ್ರಾಡ್ಯಾಸ ಮ್ಹೊಡಾ ಮಾತು ಬುರುಕ ಚು಼ವಾವಸ, ಕೆಟ್ಟ ಆತ್ಮಾ ತಿನೆ ಘನ್ನೊ ತ್ರಾಸ ದಿವಸ ವರಿ ಪಾಡಿ ಪಾಡಸ. ಮಾರಾ ದಿಕ್ರಾಮಾತು ತೆ ಕೆಟ್ಟ ಆತ್ಮಾ ಛೊಡಾಕೈನ ತಾರಾ ಶಿಷ್ಯಾವೊಕನ ಮಾಂಗಲಿದ್ಯೊ ತೆನೈಸೊ ತಿವ್ನಾ ಹತೆ ಥಯು ನೈ ಕೈನ ಯೆಸುಕನ ಕದ್ಯೊ. ತೆಳಾಮಾ ಯೆಸು ತ್ಯುನಾ ಶಿಷ್ಯಾವೊಕನ ದೆಕಿನ ಬರೊಕ್ಹೊ ನೈಸೊ ವಾಲಾವೊನೆ ಹಜು಼ನ ಕೆಕ್ಕಲಾ ದಿನ್ನ ತುಮಾರಾ ಕ್ಹಾತೆ ಮಿ ತಡ್ದಿಲಿನ ರ್ಹೌ? ಕದ್ಯೊ ತೆ ಮನಕ್ಹನೆ ತಾರಾ ದಿಕ್ರಾನೆ ನ್ಹ್ಯಾ ಬಲೈಲಿನಾ ಆ ಕದ್ಯೊ. ತೆ ಪಟ್ಟೊ ಆತಾಮಾ ತೆ ಕೆಟ್ಟ ಆತ್ಮಾ ತಿನೆ ಜಿಮಿನ್ಪರ ಪಾಡಿನ ಪಟ್ಟಾನೆ ವದ್ಯಾಡ್ಸಿನ ತೆಳಾಮಾ ಯೆಸು ತೆ ಕೆಟ್ಟ ಆತ್ಮಾ ನೆ ಭುಚ್ಕಾ಼ಡಿನ ತೆ ಪಟ್ಟಾನೆ ಅರಾಮ ಕರ್ಯೊ, ಪಾಚ಼ಲ್ತೊ ತೆ ಪಟ್ಟಾನೆ ತಿನಾ ಬಾನಾ ಹತ್ಮಾ ವಪ್ಸಿನ ದಿದ್ಯೊ. ತ್ಯಾ ರ್ಹಯಲ ಮನಕ್ಹೊ ಕ್ಹಾರಾ ಕ್ಹುದಾನಿ ಮ್ಹೊಟಿ ತಾಕತನೆ ದೆಕಿನ ಘಾಬ್ರಾಥಯಾ. ಯೆಸು ಕರಲ ಕ್ಹಾರಾ ಕಾಮೊ ದೆಕಿನ ಮನಕ್ಹೊ ವರಿ ದಕ್ಹಾ ಘಾಬ್ರಾ ಥಯಾ. ಯೆಸು ತಿನಾ ಶಿಷ್ಯಾವೊನೆ
ಯೆಸುನಿ ತಾಕತ ಕ್ಹುದಾಕಂತಿ ಆಯಲ ವ್ಹೈ
ಯಕ್ಕ ಸಲಾ ಯೆಸು ಮುಕಿ ಕೆಟ್ಟ ಆತ್ಮಾ ಧರಲವಾಲಾನೆ ಛೊಡಾವಾಡ್ಯೊತೊ. ತೆ ಕೆಟ್ಟ ಆತ್ಮಾ ತೆ ಮನಕ್ಹಾನಾ ಅಂಗಮಾತೊ ಭಾರು ಆತಾಮಾ ತೆ ಮನಕ್ಹ ಬೊಲ್ಯೊ. ಎ ದೆಕಲ ಮನಕ್ಹೊ ಘಾಬ್ರಾಥಯಾ.
ಶಿಷ್ಯಾವೊಮನೊ ಯಕ್ಲೊ ತಿನು ತಲ್ವಾರ ಕಾಡಿನ ಮಹಾಯಾಜಕನಾ ಆಳನೊ ಸಿದಾ ಬಗಲನೊ ಕಾನ ಕತ್ರಿ ಪಾಡ್ಯೊ. ಯೆಸು ತಿನೆ "ಹುಬ್ರೆ" ಕದ್ಯೊ. ತೆ ಆಳನಾ ಕಾನೆ ಮುಟ್ಟಿನ ಅರಾಮ ಕರ್ಯೊ.
ಯೊಹಾನನಾ ಶಿಷ್ಯಾ ಗಯಲ್ಪರ, ಯೆಸು ಮನಕ್ಹೊನೆ ಯೊಹಾನನಾ ಹುತಿ ಕವಾನು ಚಾಲು ಕರ್ಯೊ"ಸು ತುಮೆ ದೆಕಾನೆ ರಾನ್ಮಾ ಗಯಾತಾ? ವಾರಾ ಕ್ಹು ಹಲ್ಲಾನೊ ಧಾಂಡೊಸು? ತುಮೆ ಭಾರಾ ಸು ದೆಕಾನೆ ಗಯಾತಾ? ನರಮ ವಣ್ಣಾ ಘಾಲ್ಲಿನ ಹುಬ್ರಯಲ ಮನಕ್ಹನೆ ಸು? ನೈ ನರಮ ವರಿ ಚೊ಼ಕಾ ವಣ್ಣಾ ಘಾಲ್ಲಿದಲ ವಾಲಾ ಮ್ಹೊಟಾ-ಮ್ಹೊಟಾ ಘರೊಮಾ ರ್ಹವಸ. ಮನೆ ಕವೊ, ತುಮೆ ಭಾರಾ ಸು ದೆಕಾನೆ ಗಯಾತಾ? ಪ್ರವಾದಿನೆ ಸು? ಹೊ ಮಿ ತುಮೊನೆ ಸು ಕೌಸ ಕದ್ಯಾಮ, ಯೊಹಾನ ಪ್ರವಾದಿ ತಿಬಿ ಮ್ಹೊಟೊ ವ್ಹೈ.
ದೆಕ! ಮಿ ಕ್ಹುದಾ ಮಾರಾ ದುತನೆ ತಾರಾ ಕ್ಹಾಮೊ ಮೊಕ್ಕಲುಸ. ತೆ ತಾರಾ ಹುತಿ ವಾಟ ತಯ್ಯಾರ ಕರಸ (ಮಲಾಕಿ 3:1) ಕೈನ ಯೊಹಾನನಾ ಹುತಿ ಬರ್ದ್ಯಾಸ. ಮಿ ತುಮೊನೆ ಕೌಸ,ಎ ಜಗತ್ಮಾ ಹುಟ್ಟಲ ಮನಕ್ಹೊಮಾ ಯೊಹಾನಜ಼ ಮ್ಹೊಟೊ ವ್ಹೈ. ವರಿಬಿ ಕ್ಹುದಾನಿ ರಾಜ್ಯಮಾ ನ್ಹಾನೊಬಿ ಯೊಹಾನತೊಬಿ ಮ್ಹೊಟೊ ವ್ಹೈ "ಕದ್ಯೊ.
ಯೊಹಾನ ಉಪದೆಶ ಕರತಾಮಾ ಕ್ಹುದಾನಿಯೊ ವಾತೊ ಮನಕ್ಹೊ ಸ್ವಿಕಾರ ಕರ್ಯಾ. ಭು ಭಾಡೊಲಿವಾಲಾ ಸ್ವಿಕಾರ ಕರ್ಯಾ. ಇವ್ನೆ ಕ್ಹಾರಾ ಯೊಹಾನನಾ ಹತೆ ಬಾಪ್ತಿಸ್ಮ ಕರೈಲಿದ್ಯಾ. ವರಿ ಫರಿಸಾಯರೊ ಶಾಸ್ತ್ರಿಯೊ ತಿನಾ ಹತೆ ಬಾಪ್ತಿಸ್ಮ ಕರೈಲಿದ್ಯಾ ವಾಚಿ ತ್ಯುನಿ ವಿಚಾರಮಾ ಕ್ಹುದಾನಿ ನಿಯಮನೆ ಇನ್ಕಾರ್ಯಾ.